1997D0080 — MT — 07.04.2005 — 002.001

---

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

►B	ID-DEĊIŻJONI TAL-KUMMISSJONI tat-18 ta’ Diċembru 1996 li tistabbilixxi d-dispożizzjonijiet għall-implimentazzjoni tad-Direttiva tal-Kunsill 96/16/KE dwar surveys għall-ġbir ta’ statistika għall-ħalib u l-prodotti tal-ħalib (Test b’relevanza għaż-ŻEE) (97/80/KE) (ĠU L 024, 25.1.1997, p.26)

Emendat bi:

		Il-Ġurnal Uffiċjali
		No	page	date
►M1	ID-DEĊIŻJONI TAL-KUNSILL tas-6 ta’ Ottubru 1998	L 281	36	17.10.1998
►M2	ID-DEĊIŻJONI TAL-KUMMISSJONI tat-18 ta' Marzu 2005	L 88	10	7.4.2005

---

▼B

ID-DEĊIŻJONI TAL-KUMMISSJONI

tat-18 ta’ Diċembru 1996

li tistabbilixxi d-dispożizzjonijiet għall-implimentazzjoni tad-Direttiva tal-Kunsill 96/16/KE dwar surveys għall-ġbir ta’ statistika għall-ħalib u l-prodotti tal-ħalib

(Test b’relevanza għaż-ŻEE)

(97/80/KE)

Artikolu 1

Il-lista ta’ prodotti tal-ħalib koperta mill-istħarriġ imsemmi fl-Artikolu 3(2) tad-Direttiva 96/16/KE hija stabbilita fl-Anness I għal din id-Deċiżjoni.

Artikolu 2

Il-mudelli tat-tabelli li għandhom jintużaw għall-komunikazzjoni tad-data msemmija fl-Artikolu 6(1) tad-Direttiva 96/16/KE huma stabbiliti fl-Anness II għal din id-Deċiżjoni.

Artikolu 3

Il-programm ta’ ħidma msemmi fl-Artikolu 4(2) tad-Direttiva 96/16/KE huwa stabbilit fl-Anness III għal din id-Deċiżjoni.

Artikolu 4

Id-Deċiżjoni 72/356/KEE għandha tiġi rrevokata b’effett mill-1 ta’ Jannar 1997.

Referenzi għad-Deċiżjoni rrevokata għandhom jiġu meqjusa bħala referenzi għal din id-Deċiżjoni.

Artikolu 5

Din id-Deċiżjoni hija indirizzata lill-Istati Membri.

---

ANNESS I

LISTA TAL-PRODOTTI TAL-ĦALIB

NOTI TA’ SPJEGA

ĦALIB GĦAX-XORB (11)

Ħalib għax-xorb: ħalib mhux maħdum, ħalib sħiħ, ħalib nofsu-xkumat jew xkumat li ma jkun fih ebda adittivi.

Ħalib mhux maħdum (111): produzzjoni tal-ħalib mill-glandoli mammarji ta’ baqra, nagħġa, mogħża waħda jew buflu wieħed jew aktar, li ma ġiex imsaħħan aktar minn 40 °C jew li ma jkun għadda minn ebda trattament li jkollu xi effett ekwivalenti (id-Direttiva tal-Kunsill 92/46/KEE tas-16 ta’ Ġunju 1992, ĠU L 268, 14.9.1992, p. 3).

Ħalib sħiħ (112): ħalib li jkun għadda minn trattament wieħed ta’ sħana jew minn trattament awtorizzat ta’ effett ekwivalenti permezz ta’ proċessur tal-ħalib u li l-kontenut ta’ xaħam tiegħu huwa jew għallinqas 3,50 % naturali jew inkella jkun inġieb għal mill-anqas 3,5 % (ir-Regolament tal-Kunsill (KEE) Nru 1411/71 tad-29 ta’ Ġunju 1971, ĠU L 148, 3.7.1971, p. 4).

Ħalib nofsu-xkumat (113): ħalib li jkun għadda minn għallinqas trattament wieħed tas-sħana jew minn trattament awtorizzat ta’ effett ekwivalenti permezz ta’ proċessur tal-ħalib u li l-kontenut tax-xaħam tiegħu jkun inġieb għallinqas għal 1,50 % u l-aktar 1,80 % (ir-Regolament tal-Kunsill (KEE) Nru 1411/71 29 ta’ Ġunju 1971, ĠU L 148, 3.7.1971, p. 4).

Ħalib xkumat (114): Ħalib li jkun għadda minn ta’ lanqas trattament wieħed ta’ sħana jew minn trattament awtorizzat ta’ effett ekwivalenti permezz ta’ proċessur tal-ħalib u li l-kontenut ta’ xaħam tiegħu jkun inġieb għal mhux aktar minn 0,30 % (ir-Regolament tal-Kunsill (KEE) Nru 1411/71 tad-29 ta’ Ġunju 1971, ĠU L 148, 3.7.1971, p. 4).

Pasturizzat: ħalib pasturizzat għandu jkun ġie miksub permezz ta’ trattament li jinvolvi temperatura għolja għal perjodu qasir (għallinqas 71,7 °C għal 15-il sekonda jew kwalunkwe kumbinazzjoni oħra li hija ekwivalenti) jew permezz ta’ proċess ta’ pasturizzazzjoni fejn jintużaw diversi kumbinazzjonijiet ta’ ħin u temperatura biex jinkiseb effett ekwivalenti (id-Direttiva tal-Kunsill 92/46/KEE tas-16 ta’ Ġunju 1992, ĠU L 268, 14.9.1992, p. 24).

Sterilizzat: il-ħalib sterilizzat għandu:

Uperizzat: ħalib uperizzat (jew ħalib UHT) għandu jiġi prodott billi tiġi applikata ċirkolazzjoni kontinwa ta’ sħana f’temperatura għolja għal ħin qasir (mhux aktar minn 135 °C għal mhux anqas minn sekonda) (id-Direttiva tal-Kunsill 92/46/KEE tas-16 ta’ Ġunju 1992, ĠU L 268, 14.9.1992, p. 24).

XORROX TAL-BUTIR (12)

Xorrox tal-butir: Prodotti residwali (jista’ jkunu aċidi jew aċidifikati) ta’ l-ipproċessar tal-ħalib jew tal-krema f’butir (permezz tat-taħwid u s-separazzjoni kontinwi tax-xaħmijiet solidi).

KREMA (13)

Krema: rita ta’ xaħam li tifforma b’mod naturali fuq il-wiċċ tal-ħalib b’agglomerazzjoni bil-mod ta’ l-emulsifikazzjoni tal-qtar tax-xaħam. Jekk din titneħħa billi tixkumaha mill-wiċċ tal-ħalib jew inkella tesrattaha mill-ħalib permezz ta’ ċentrifugazzjoni f’separatur tal-krema, din ikollha, flimkien mal-komponenti l-oħra tal-ħalib, kontenut ta’ xaħam relattivament għoli (li normalment ikun jaqbeż l-10 % tal-piż tal-prodotti).

Krema (13): krema li ġiet ipproċessata u hija disponibbli għat-tqassim barra l-imħaleb (i.e. għall-konsum mill-bniedem, bħala materjal mhux maħdum għall-fabbrikanti taċ-ċikkulata, ġelati, eċċ.). Bl-istess mod għal prodotti oħra, din ma tkunx tinkludi l-produzzjoni intermedja maħsuba għall-manifattura ta’ prodotti tal-ħalib oħra.

Krema b’kontenut ta’ xaħam skond il-piż ta’ mhux aktar minn 29 % (131).

Krema b’kontenut ta’ xaħam skond il-piż ta’ aktar minn 29 % (132).

ĦALIB AĊIDIFIKAT (14)

Ħalib aċidifikat: prodotti tal-ħalib b’pH ta’ bejn it-3,8 u l-5,5.

Ħalib aċidifikat b’adittivi (141): il-ħalib aċidifikat mogħti ħlewwa għandu jiġi nkluż taħt l-intestatura 142.

Ħalib aċidifikat mingħajr adittivi (142): jinkludi wkoll ħalib aċidifikat miżjud biz-zokkor u/jew b’sostanzi li jagħtu ħlewwa.

XARBIET B’BAŻI TA’ ĦALIB (15)

Xarbiet b’bażi ta’ ħalib: prodotti oħra likwidi li jkun fihom għallinqas 50 % prodotti tal-ħalib, inklużi prodotti bbażati fuq ix-xorrox.

PRODOTTI FRISKI OĦRA (16)

ĦALIB KONĊENTRAT (21)

Ħalib konċentrat: prodott miksub bl-eliminazzjoni parzjali ta’ l-ilma, minn ħalib sħiħ, ħalib nofsu-xkumat jew xkumat biss.

Il-komposizzjoni tiegħu hija kif mogħtija fl-Anness I għar-Regolament tal-Kummissjoni (KEE) Nru 380/84 tal-15 ta’ Frar 1984 (ĠU L 46 16.2.1984, p. 26).

PRODOTTI TAL-ĦALIB FI TRAB (22)

Prodotti tal-ħalib fi trab: Prodotti miksubin bl-eliminazzjoni ta’ l-ilma mill-krema, ħalib sħiħ, ħalib nofsu-xkumat, ħalib xkumat, xorrox tal-butir u ħalib aċidifikat.

Trab tal-krema tal-ħalib (221): trab tal-ħalib b’kontenut ta’ xaħam ta’ inqas minn 42 % skond il-piż tal-prodott.

Trab tal-ħalib sħiħ (222): trab tal-ħalib b’kontenut ta’ xaħam ta’ mhux inqas minn 26 % iżda inqas minn 42 % skond il-piż tal-prodott.

Trab tal-ħalib li huwa parzjalment xkumat (223): trab tal-ħalib b’kontenut ta’ xaħam ta’ aktar minn 1,5 % u inqas minn 26 % skond il-piż tal-prodott.

Trab tal-ħalib xkumat (224): trab tal-ħalib b’kontenut massimu ta’ xaħam ta’ 1,5 % skond il-piż tal-prodott.

Trab tax-xorrox tal-butir (225): prodotti tat-trab magħmul mix-xorrox tal-butir.

Prodotti oħra fi trab (226): ħalib magħqud u krema, kefir jew ħalib jew krema oħra ffermentata jew aċidifikata, kemm jekk ikun fihom iz-zokkor jew sostanzi oħra li jagħtu ħlewwa jew togħma kif ukoll jekk le, jew li jkun fihom il-frott jew il-kawkaw miżjud.

▼M1

BUTIR (23)

Butir, sħiħ u prodotti sofor oħra tax-xaħam tal-ħalib (23): jinkludi butir, butir tradizzjonali, butir rikumbinat, butir tax-xorrox, butir maħdum u żejt tal-butir, u prodotti sofor oħra tax-xaħam, espressi f’ekwivalenti ta’ butir li jkollu kontenut ta’ xaħam tal-ħalib ugwali għal 82 % bil-piż tal-prodott.

Butir (231): prodott b’kontenut ta’ xaħam tal-ħalib ta’ mhux anqas minn 80 % u inqas minn 90 %, b’kontenut massimu ta’ ilma ta’ 16 % u kontenut massimu ta’ materjal imnixxef tal-ħalib bla xaħam ta’ 2 %.

Butir tradizzjonali (2311): prodott miksub direttament u esklussivament minn krema pasturizzata, b’kontenut ta’ xaħam tal-ħalib ta’ mhux anqas minn 80 % iżda inqas minn 90 %, b’kontenut massimu ta’ ilma ta’ 16 % u b’kontenut massimu ta’ materjal imnixxef tal-ħalib bla xaħam ta’ 2 %.

Butir rikumbinat (2312): prodott miksub miż-żejt tal-butir, estratt tal-ħalib niexef bla xaħam u ilma, b’kontenut ta’ xaħam tal-ħalib ta’ mhux inqas minn 80 % u inqas minn 90 %, b’kontenut massimu ta’ ilma ta’ 16 % u b’kontenut massimu ta’ materjal imnixxef tal-ħalib bla xaħam ta’ 2 %.

Butir tax-xorrox (2313): prodott miksub mill-krema tax-xorrox jew minn taħlita ta’ krema tax-xorrox u krema b’kontenut ta’ xaħam tal-ħalib ta’ mhux inqas minn 80 % u inqas minn 90 %, b’kontenut massimu ta’ ilma ta’ 16 % u b’kontenut massimu ta’ materjal imnixxef tal-ħalib bla xaħam ta’ 2 %.

L-intestaturi 2311, 2312 u 2313 jinkludu wkoll butir li jkollu ammonti żgħar ta’ ħxejjex aromatiċi, ħwawar, sostanzi aromatiċi, eċċ. fuq il-kundizzjoni li l-prodott iżomm il-karatteristiċi tiegħu ta’ butir.

Butir maħdum u żejt tal-butir (232):

Butir maħdum: butir maħdum ikollu kontenut ta’ xaħam tal-ħalib ta’ aktar minn 85 % fil-piż. Ħafna drabi, it-terminu jkopri, flimkien ma’ butir maħdum innifsu, numru simili ieħor ta’ butir imnixxfa magħrufin b’mod ġeneriku taħt ismijiet differenti, bħalma huma “butir imnixxef”, “butir mingħajr ilma”, “żejt tal-butir (butteroil)”, “xaħam butiriku” (xaħam tal-ħalib) u “butir konċentrat”.

Żejt tal-butir (butteroil): prodott miksub mill-ħalib, krema jew butir bi proċessi li jeliminaw l-ilma u l-estratt niexef mingħajr xaħam b’kontenut minimu ta’ xaħam tal-ħalib ta’ 99,3 % tal-piż totali u b’kontenut massimu ta’ ilma ta’ 0,5 % tal-piż totali.

Prodotti oħra sofor bix-xaħam (233):

Butir b’xaħam imnaqqas (2331): prodott simili għal butir b’kontenut ta’ xaħam tal-ħalib ta’ inqas minn 80 % bil-piż (barra x-xaħmijiet l-oħra kollha) (deskrizzjoni kummerċjali skond is-sezzjoni A tal-Anness għar-Regolament (KE) Nru 2991/94 ( 5 ): “butir magħmul minn tliet kwarti xaħam”, “butir nofsu xaħam” u “butir li jiddellek”).

Oħrajn (2332): b’mod partikolari xaħmijiet magħmula minn prodotti tal-pjanti u/jew ta’ l-annimali: prodotti fil-forma ta’ emulsjoni malleabbli prinċipalment tat-tip ta’ l-ilma fiż-żejt, li jkunu ġejjin minn ħaxix solidu u/jew likwidu u/jew xaħmijiet ta’ l-annimali tajbin għall-konsum tal-bniedem, b’kontenut ta’ xaħam tal-ħalib ta’ bejn l-10 u t-80 % tal-kontenut tax-xaħam (deskrizzjoni kummerċjali skond is-sezzjoni Ċ ta’ l-Anness għar-Regolament (KE) Nru 2291/94: “taħlita”, “taħlita ta’ tliet kwarti xaħam”, “taħlita ta’ nofs xaħam” u “taħlita li tiddellek”).

Tabella B: jekk il-butir bix-xaħam imnaqqas (2331) u/jew “oħrajn” (2332) jiġi prodott minn butir immanifatturat fl-istess fabbrika tal-ħalib u t-tip ta’ butir ma jkunx jista’ jiġi identifikat (2311, 2312 jew 2313) id-data għandha tittieħed mill-intestatura 23, li tindika l-kwantità ta’ butir konċernat

▼B

ĠOBON (24)

Ġobon: għandu jkun prodott frisk jew maturat, solidu jew nofsu-solidu, miksub bil-koagulazzjoni tal-ħalib, ħalib xkumat, ħalib ftit xkumat, krema, krema tax-xorrox jew xorrox tal-butir, waħdu jew f’xi taħlita, bl-azzjoni ta’ tames jew aġenti oħra xierqa ta’ koagulazzjoni, u billi x-xorrox li jkun ġej minn din il-koagulazzjoni jitnixxef parzjalment. (Codex Alimentarius - FAO, Volum XVI, Standard A-6).

Ġobon artab (2421): ġobon li fih it-TBMX, meta din tkun raffinata, ġeneralment ma tkunx inqas minn 68 %.

Ġobon nofsu-artab (2422): ġobon li fih it-TBMX, meta din tkun raffinata, tkun ġeneralment mhux inqas minn 62 % u inqas minn 68 %.

Ġobon nofsu-iebes (2423): ġobon li fih it-TBMX, meta din tkun raffinata, tkun ġeneralment mhux inqas minn 55 % u inqas minn 62 %.

Ġobon iebes (2424): ġobon li fih it-TBMX, meta din tkun raffinata, tkun ġeneralment mhux inqas minn 47 % u inqas minn 55 %.

Ġobon iebes ħafna (2425): ġobon li fih it-TBMX, meta din tkun raffinata, tkun ġeneralment inqas minn 47 %.

Ġobon frisk (2426): prodotti miksubin minn ħalib qares li minnu jkun tneħħa ħafna mis-serum (eż. bit-tnixxif jew bil-pressa). Jinkludi wkoll baqta (għajr milli f’għamla ta’ trab) li jkun fiha sa 30 % skond il-piż fil-forma ta’ zokkor u frott miżjud.

ĠOBON IPPROĊESSAT (25)

Ġobon ipproċessat: prodott miksub bit-tħin, it-taħlit, it-tidwib u l-emulsifikazzjoni fis-sħana bl-għajnuna ta’ aġenti emuslifikanti ta’ varjetà waħda jew aktar ta’ ġobon, biż-żieda, jew mingħajr żieda, ta’ komponenti tal-ħalib u/jew prodotti alimentari oħra. (Codex Alimentarius - FAO, Volum XVI, Standard A-8 (b)).

KASEINA U L-IMLUĦA TAL-KASEINA (26)

Il-kaseina: hija l-proetina ewlenija tal-ħalib. Din tinkiseb minn ħalib xkumat bil-preċipitazzjoni (baqtar), ġeneralment ma’ aċidi jew tames. L-intestatura tkopri tipi diversi ta’ kaseina li tvarja skond il-metodu ta’ baqtar, eż. kaseina aċiduża u tames tal-kaseina (paracasein). (Noti ta’ spjega għas-sistema armonizzata - Sezzjoni, Kapitolu 35 (Nru 35.01)).

Imluħa tal-kaseina: (l-imluħa tal-kaseina) jinkludu l-imluħa tas-sodju u ta’ l-ammonju magħrufin bħala ‘kaseini li jdubu’; dawn normalment jintużaw fil-preparazzjoni ta’ prodotti konċentrati ta’ l-ikel u farmaċewtiċi. Kaseina tal-kalċju tintuża fil-preparazzjoni ta’ oġġetti ta’ l-ikel jew kolla, jiddependi mill-karattru tagħha stess. (Noti ta’ spjega għas-sistema armonizzata - Sezzjoni VI, Kapitolu 35 (Nru 35.01)).

XORROX (27)

Xorrox: prodott sekondarju miksub matul il-manifattura tal-ġobon jew kaseina. Meta jkun fi stat likwidu, ix-xorrox ikun fih kostitwenti naturali (medja ta’ 4,8 % ta’ lattożju, 0,8 % ta’ proteina u 0,2 % xaħam skond il-piż tal-prodott) li jibqgħu hemm meta l-kaseina u l-maġġoranza tax-xaħam ikunu tneħħew mill-ħalib.

Xorrox totali (27): jinkludi wkoll ix-xorrox użat fil-manifattura ta’ l-għalf għall-annimali.

Ix-xorrox imqassam fl-istat likwidu (271): xorrox imqassam sabiex jintuża b’mod partikolari għall-għalf ta’ l-annimali. Kwantitajiet li jintużaw bħala materjal mhux maħdum għal proċessi oħra għandhom jiġu esklużi.

Xorrox imqassam fl-istat konċentrat (272).

Xorrox fi trab jew fi blokok (273).

Il-lattożju (zokkor tal-ħalib) (274).

Il-laktalbumina (275): waħda mill-komponenti ewlenin tal-proteina tax-xorrox.

PRODOTTI MMANIFATTURATI OĦRA (28)

---

ANNESS II

TABELLA A

TABELLA B

►(1) M1  

►(1) M1  

TABELLA C

TABELLA D

TABELLA E

TABELLA F

TABELLA Ġ.1

TABELLA Ġ.2

TABELLA Ġ.3

TABELLA Ġ.4

TABELLA Ġ.5

▼M2

▼B

NOTI TA’ SPJEGA

TABELLA A

Id-data dwar din it-Tabella tirreferi għal ħalib tal-baqar biss, kemm għall-ġbir kif ukoll għall-prodotti li miksuba (it-taħlit għalhekk huwa eskluż).

Fil-każ ta’ prospetti ta’ kull ġimgħa, it-tagħrif għall-ġimgħat li jkunu ġejjin għax-xahar li jmiss għandhom jiġu maqsumin skond in-numru ta’ ġranet tax-xogħol f’kull wieħed mix-xahrejn.

Prodotti miksubin: kwantitajiet ta’ prodotti ta’ ħalib frisk ipproċessat għandhom jinftehmu li jkunu disponibbli għat-tqassim barra l-imħaleb.

TABELLA B

Biex jiġu evitati kalkoli doppji, il-prodotti tal-ħalib użati fl-istess maħleb għall-manifattura ta’ prodotti oħra tal-ħalib ma għandhomx jiġu kkunsidrati.

Bl-istess mod, id-data f’din it-tabella tirreferi għall-kunċett tal-‘maħleb nazzjonali’. Għalhekk, kull kummerċ ta’ materjal jew ta’ prodotti mhux maħduma bejn l-imħaleb fl-Istat Membru konċernat għandu jkun eskluż mill-figuri tal-produzzjoni nazzjonali.

Disponibbiltà/I u II: ħalib miġbur: għandha x’taqsam max-xiri tat-tipi kollha ta’ ħalib sħiħ (ħalib tal-baqra, tan-nagħġa, tal-mogħża u tal-buflu) u prodotti tal-ħalib miġbura direttament minn ishma agrikoli.

Disponibbiltà/II.6: għandha x’taqsam ma’ prodotti oħra tal-ħalib (bħal ġobon, butir u yoghurt) miġburin minn ishma agrikoli. Dawn il-prodotti, irrispettivament dwar jekk ikunux ipproċessati jew le, huma maħsubin sabiex jintużaw fil-proċess tal-manifattura ta’ l-imħaleb u għandhom jiġu nklużi fil-parti B (Użu) tat-tabella.

Disponibbiltà/III.4: għandha x’taqsam ma’ prodotti oħra tal-ħalib (bħal ġobon, butir u yoghurt) importati minn pajjiżi oħra. Dawn il-prodotti, irrispettivament minn jekk ikunux maħsubin sabiex jintużaw fil-proċess tal-manifattura ta’ l-imħaleb, għandhom jiġu nklużi fil-parti B (Użu) tat-tabella.

Jekk dawn huma maħsubin sabiex jitpoġġew fis-suq mingħajr ipproċessar (għajr l-ippakkjar u l-maturità), dawn il-prodotti għandhom jiddaħħlu taħt l-intestatura 16 (fil-każ ta’ prodotti friski tar-razzett) jew 28 (fil-każ ta’ prodotti mmanifatturati tar-razzett).

Disponibbiltà/III-Importazzjonijiet u wasliet fil-Komunità: fi kwantitajiet kbar jew f’reċipjenti ta’ 2 l jew aktar.

Kolonna 1 - Kwantitajiet: sakemm ma jkunx indikat mod ieħor, il-kwantitajiet li għandhom jiġu rreġistrati jirreferu għall-piż nett tal-materjal mhux maħdum/prodott maħdum (f’1 000 tunnellata).

Kwantitajiet ta’ prodotti ta’ ħalib frisk ipproċessat għandhom ifissru li jkunu disponibbli għat-tqassim barra l-imħaleb.

Kolonna 2/B. Użu - kontenut ta’ xaħam tal-ħalib: kwantitajiet (f’tunnellati) ta’ xaħam tal-ħalib użati għall-manifattura tal-prodott konċernat, inkluż it-telf possibbli li jkun hemm waqt il-proċess tal-manifattura.

Kolonna 3/A. Disponibbiltajiet - proteina tal-ħalib: kwantitajiet (f’tunnellati) ta’ proteina tal-ħalib li jkun hemm fil-ħalib tal-baqra miġbur.

Kolonna 3/B. Użu - dħul dwar ħalib sħiħ: kwantitajiet (f’1 000 tunnellata) ta’ ħalib sħiħ użat fil-manifattura tal-prodott imsemmi, inkluż it-telf possibbli li jista’ jkun hemm matul il-proċess tal-manifattura.

Kolonna 4/B. Użu - dħul dwar ħalib xkumat:

Użu ieħor (kodiċi 3-6):

TABELLA C

Ishma agrikoli: unità tekno-ekonomika taħt amministrazzjoni waħda li tipproduċi prodotti agrikoli.

A: Disponibbiltajiet:

Ħalib tal-baqra: għandu x’jaqsam mal-ħalib tal-baqar kollu, għajr il-ħalib mill-irdiegħ dirett iżda li jinkludi dak miksub mit-taħlib (inkluż il-kolostrum) użat bħala għalf għall-annimali (eżempju fi bramel jew b’mezzi oħra).

Baqar tal-ħalib: baqar li jintużaw esklussivament jew b’mod partikolari għall-produzzjoni tal-ħalib għall-konsum mill-bniedem u/jew ipproċessar fi prodotti tal-ħalib, inklużi l-baqar tal-ħalib imwarrba (kemm jekk imsemmna kif ukoll jekk le bejn l-aħħar għoti tal-ħalib u l-qatla tagħhom).

Il-kolonna tal-ħalib sħiħ: għandha x’taqsam mal-kwantitajiet tal-ħalib miksubin.

Il-kolonna tal-ħalib xkumat u tax-xorrox tal-butir:

B. L-użu:

Ħalib sħiħ/konsum fid-djar: ħalib sħiħ ikkunsmat mid-dar tas-sid (għalhekk, għall-konsum mill-bnedmin biss).

Ħalib sħiħ/bejgħ dirett: ħalib sħiħ għall-konsum mill-bniedem mibjugħ direttament lill-kosumaturi.

Ħalib sħiħ/butir u krema tar-razzett: ħalib sħiħ (il-ħalib kollu) użat għall-produzzjoni ta’ butir u krema tar-razzett.

Ħalib sħiħ/ġobon tar-razzett: ħalib sħiħ (il-ħalib kollu) użat għall-produzzjoni tal-ġobon tar-razzett.

Ħalib sħiħ/prodotti oħra: ħalib sħiħ (il-ħalib kollu) użat għall-manifattura ta’ prodotti tal-ħalib għall-konsum mill-bniedem (eż. il-yoghurt).

Ħalib sħiħ/għalf għall-annimali: ħalib sħiħ użat fl-irziezet bħala għalf għall-annimali, fi kwalunkwe forma (kif inhuma jew bħala għalf għall-annimali kompost immanifatturat fir-razzett stess).

Ħalib sħiħ/imqassam lill-imħaleb:

Ħalib sħiħ/differenzi u telf:

Ħalib xkumat u xorrox tal-butir/ħalib għax-xorb: ħalib xkumat u xorrox tal-butir użat f’ishma agrikoli għall-konsum mill-bniedem, b’mod partikolari dak domestiku u l-bejgħ dirett lill-konsumaturi.

Ħalib xkumat u xorrox tal-butir/ġobon tar-razzett: il-kwantità ta’ ħalib xkumat u xorrox tal-butir użati biex jiġi mmanifatturat il-ġobon tar-razzett.

C. Prodotti miksuba:

Il-kwantitajiet irrappurtati għandhom jirreferu għall-piż nett tal-prodott maħdum (f’1 000 tunnellata).

Ħalib għax-xorb: konsum domestiku u bejgħ dirett.

Krema tar-razzett: krema mmanifatturata f’ishma agrikoli.

Butir tar-razzett: butir immanifatturat f’ishma agrikoli.

Ġobon tar-razzett: ġobon immanifatturat f’ishma agrikoli.

Prodotti oħra: prodotti oħra (li għandhom jiġu speċifikati) maħduma f’ishma agrikoli.

Liema minnhom ġew imqassma lill-imħaleb: għandha x’taqsam mat-tqassim ta’ krema, butir, ġobon u prodotti oħra tar-razzett lill-imħaleb (fi jew barra l-Istat Membru).

TABELLI D U E

Ħalib miġbur: il-kwantitajiet ta’ ħalib u krema (f’ekwivalenti ta’ ħalib) miġbur direttament mill-irziezet.

TABELLA E

Ċentri ta’ ġbir: għandha x’taqsam biss ma’ dawk l-intrapriżi li jixtru l-ħalib minn ishma agrikoli u jbigħuh f’isimhom lill-imħaleb. Iċ-ċentri ta’ ġbir li huma unitajiet lokali li jiddependu fuq l-imħaleb huma għalhekk esklużi.

Iċ-ċentri tal-kontabilità għall-kontabilità nazzjonali tal-kwantitajiet ta’ ħalib miġbura fit-territorju nazzjonali minn intrapriża (tal-ħalib) minn Stat Membru ieħor għandhom għalhekk ikunu inklużi wkoll f’din it-tabella.

TABELLA F

Il-volum: il-volum totali ta’ materjal mhux maħdum ipproċessat = il-kwantitajiet ta’ ħalib sħiħ (jew l-ekwivalenti ta’ ħalib sħiħ) użat għall-manifattura ta’ prodotti tal-ħalib fl-intrapriża.

TABELLI D, E, F U Ġ

Intrapriża: l-intrapriża hija l-iżgħar kumbinazzjoni ta’ unitajiet legali, jiġifieri unità organizzazzjonali li tipproduċi oġġetti u servizzi, li tkun tgawdi minn ċertu grad ta’ awtonomija fit-teħid ta’ deċiżjonijiet, speċjalment għall-allokazzjoni tar-riżorsi preżenti tagħha. Intrapriża twettaq attività waħda jew aktar f’post wieħed jew aktar. Intrapriża tista’ tkun unità legali unika. (Ir-Regolament tal-Kunsill (KEE) Nru 696/93 tal-15 ta’ Marzu 1993, ĠU L 76, 30.3.1993).

Id-data kkomunikata li hija soġġetta għall-kunfidenzjalità statistikali għandha tiġi identifikata bħala tali b’mod ċar.

It-tabelli għandhom jimtlew għall-intrapriżi kollha li jkunu qegħdin jaħdmu fil-31 ta’ Diċembru tas-sena tar-referenza. Dawn għandhom x’jaqsmu ma’ l-attivitajiet ta’ l-imħaleb, inklużi l-attivitajiet ta’ l-imħaleb li jkunu nbdew matul is-sena.

▼M2

---

ANNESS III

KWESTJONARJU METODOLOGIKU(*) DWAR IL-GBIR TA' STATISTIKA DWAR IL-HALIB

Qafas tal-kwestjonarju

---

( 1 ) ĠU L 78, tat-28.3.1996, p. 27.

( 2 ) ĠU L 246, tat-30.10.1972, p. 1.

( 3 ) ĠU L 138, ta’ l-24.5.1986, p. 49.

( 4 ) ĠU L 374, tal-31.12.1991, p. 1.

( 5 ) ĠU L 316, tad-9.12.1994, p. 2.