1991R1382 — MT — 20.11.2003 — 002.001

---

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

►B	IR-REGOLAMENT TAL-KUNSILL (KEE) Nru 1382/91 tal-21 ta' Mejju tal-1991 dwar l-għoti ta' informazzjoni dwar il-qbid tal-prodotti tas-sajd fl-Istati Membri (ĠU L 133, 28.5.1991, p.1)

Emendat bi:

		Il-Ġurnal Uffiċjali
		No	page	date
►M1	IR-REGOLAMENT TAL-KUNSILL (KEE) Nru 2104/93 tat-22 ta' Lulju 1993	L 191	1	31.7.1993
►M2	IR-REGOLAMENT (KE) Nru 1882/2003 TAL-PARLAMENT EWROPEW U TAL-KUNSILL tad-29 ta' Settembru 2003	L 284	1	31.10.2003

---

▼B

IR-REGOLAMENT TAL-KUNSILL (KEE) Nru 1382/91

tal-21 ta' Mejju tal-1991

dwar l-għoti ta' informazzjoni dwar il-qbid tal-prodotti tas-sajd fl-Istati Membri

▼M1

L-Artikolu 1

Kull Stat Membru għandu jippreżenta lill-Kummissjoni data dwar il-kwantità u l-prezz medju ta' prodotti tal-ħut mniżżlin 'l art mill-bastimenti tas-sajd tal-Komunità u mill-bastimenti tal-EFTA f'kull xahar tal-kalendarju fit-territorju tiegħu filwaqt li jagħti kas xieraq tar-Regolament tal-Kunsill (KEE) Nru 1588/90 tal-11 ta' Ġunju 1990 dwar it-trasmissjoni ta' data soġġetta għall-konfidenzjalità ta' l-istatistika lill-Uffiċċju ta' l-Istatistika tal-Komunitajiet Ewropej ( 5 ).

Għall-iskopijiet ta' dan ir-Regolament, “l-iżbarkar tal-prodotti tal-ħut” għandu jkun:

L-Istati Membri għandhom jiżguraw li, minbarra fejn ikunu mogħtija derogi skond l-Artikolu 5(4), id-data mogħtija għandha tkopri kull ħatt tal-prodotti tal-ħut elenkati fl-Anness I f'dak ix-xahar kalendarju. Iżda, jistgħu jintużaw tekniki ta' teħid ta' kampjuni biex jistmaw sa mhux aktar minn 10 % bil-piż tal-prodotti tal-ħut żbarkati f'dak ix-xahar. Dawn it-tekniki ta' teħid ta' kampjuni għandhom jiġu rrapportati taħt id-dispożizzjonijiet ta' l-Artikoli 5(1) u 5(2).

▼B

L-Artikolu 2

Id-dettalji msemmija fl-Artikolu 1 għandhom jiġu mogħtija lill-Kummissjoni fi żmien sitt xhur tax-xahar kopert.

L-Artikolu 3

1.  Il-prodotti tas-sajd li għalihom hemm bżonn l-għoti tad-dettalji skond l-Artikolu 1 huma elenkati fl-Anness I. Madankollu l-Istati Membri jistgħu jagħtu dettalji għal prodotti oħra tas-sajd li huma identifikati individwalment.

Id-dettalji għal prodotti ta' ftit importanza fl-Istati Membri m'għandhomx għalfejn jiġu identifikati individwalment fl-għoti tal-informazzjoni imma jistgħu jiġu mgħaqqda flimkien bhala prodott wieħed bil-patt li l-piż tal-prodotti li hekk qed jiġu rreġistrati ma jeċċedix l-10 % tat-toqol tal-qbid totali f'dak l-Istat Membru f'dak ix-xahar.

2.  Definizzjonijiet li għandhom jintużaw għat-tqassim tal-unitajiet tal-piż u prezz medju, id-destinazzjoni u preżentazzjoni tal-prodotti huma msemmija fl-Anness II.

3.  Il-lista ta' prodotti fl-Anness I u t-tifsiriet fl-Anness II jistgħu jiġu emendati skond il-proċedura msemmija fl-Artikolu 6.

▼M1

L-Artikolu 4

1.  L-Istati Membri għandhom jissodisfaw l-obbligi tagħhom lejn il-Kummissjoni skond l-Artikoli 1 u 2 billi jippreżentaw id-data fuq mezzi manjetiċi, li l-format tagħhom huwa mogħti fl-Anness IV.

2.  Fejn l-Istati Membri ikollhom diffikultà fil-preżentazzjoni ta' l-informazzjoni fuq mezz manjetiku, id-data għandha tiġi ppreżentata lill-Kummissjoni fil-forma murija fl-Anness III.

▼B

L-Artikolu 5

1.  Fi żmien 12-il xahar mid-dħul fis-seħħ ta' dan ir-Regolament, l-Istati Membri għandhom jagħtu rapport lill-Kummissjoni li jiddeskrivi kif id-dettalji dwar il-qbid ikunu ġew miġbura u għandhom jindikaw kemm huma rapreżentattivi u kemm huma ta' min joqgħod fuqhom. Il-Kummissjoni, b'kollaborazzjoni mal-Istati Membri, għandha tikkomponi verżjoni qasira ta' dawn ir-rapporti.

2.  L-Istati Membri għandhom jinfurmaw lill-Kummissjoni dwar xi tibdiliet fid-dettalji pprovduti skond paragrafu 1 fi żmien tliet xhur mill-introduzzjoni tagħhom.

3.  Fil-każ li r-rapporti metodoloġiċi msemmija fil-paragrafu 1 juru li Stat Membru ma jistax jilħaq immedjatament ir-rekwiżiti ta' dan ir-Regolament u li tibdil fl-istudju tal-metodi ta' teknika u l-metodoloġija huma meħtieġa, il-Kummissjoni tista' tistabbilixxi, b'koperazzjoni mal-Istat Membru kkonċernat, perjodu ta' transizzjoni ta' mhux aktar minn tliet snin mid-data tad-dħul fis-seħħ ta' dan ir-Regolament, f'liema żmien il-programm ta' dan ir-Regolament għandu jiġi miksub; waqt dan il-perjodu ta' transizzjoni, derogi temporanji li jeżentaw l-Istat Membru mid-dispożizzjonijiet ta' dan ir-Regolament jistgħu jiġu permessi għal mhux aktar minn tliet snin. Il-Kummissjoni għandha tinforma lill-Istati Membri b'dawn id-derogi li jużaw il-proċedura msemmija fil-paragrafu 7.

4.  F'każijiet fejn l-inklużjoni ta' settur partikolari tas-sajd ta' Stat Membru tista' tikkawża diffikultajiet lill-awtoritajiet nazzjonali u li m'għandiex x'taqsam mal-importanza ta' dak is-settur, tista' tiġi mogħtija deroga, skond il-proċedura msemmija fl-Artikolu 6, li tippermetti lil dak l-Istat Membru li jeskludi d-dettalji dwar dak is-settur mill-għoti nazzjonali ta' dettalji.

5.  Id-derogi mogħtija skond il-paragrafu 4 għandhom ikunu għall-mhux iktar minn tliet snin, imma jistgħu, madankollu, jiġu estiżi għal-perjodi oħra ta' tliet snin. F'talba għal-estensjoni, l-Istat Membru għandu jgħaddi lill-Kummissjoni r-riżultati ta' studju ta' prova li juru l-problemi li jiltaqa' magħhom fl-applikar ta' dan ir-Regolament għall-qbid totali ta' dak l-Istat Membru. It-talba għandha tkun bla ħsara għall-proċedura msemmija fl-Artikolu 6.

6.  Id-dettalji dwar qbid ġewwa portijiet żgħar tista', fuq talba raġjonevoli ta' Stat Membru li għandha jssir lill-kummissjoni fi żmien 12-il xahar mid-dħul fis-seħħ ta' dan ir-Regolament, tiġi eskluża mill-għoti ta' dettaljinazzjonali bil-kundizzjonijiet li ġejjin.

Din l-eskluzzjoni għandha tiġi mogħtija jekk is-sottomissjoni tad-dettalji mitluba tikkaġuna diffikultajiet għall-awtoritajiet nazzjonali li mhumiex proporzjonali mal-importanza tal-qbid kollu jekk il-prodotti korrispondenti maqbuda huma biss mibjugħa fis-suq lokali. Lista tal-portijiet ikkonċernati għandha tiġi magħmula għal kull Stat Membru rilevanti skond il-proċedura mniżżla fl-Artikolu 6.

L-Istati Membri kkonċernati għandhom jissottomettu lill-Kummissjoni kull tliet snin mid-dħul fis-seħħ tar-Regolament rapport li fiħ jinsabu d-dettalji kollha rilevanti, sabiex jippermetti lill-Kumitat għall-Istatistika Agrikola stabbilit b'Deċiżjoni 72/279/KEE ( 7 ) biex jeżamina, u jekk ikun hemm bżonn, biex jirrevedi, skond il-proċedura esiġita fl-Artikolu 6, il-kriterji u l-listi msemmija fit-tieni subparagrafu tal-istess l-Artikolu.

7.  Rapporti metodoloġiċi, arranġamenti transizzjonali, disponibilità ta' dettalji, dettalji ta' min joqgħod fuqhom, u affarijiet oħra rilevanti konessi mal-applikazzjoni ta' dan ir-Regolament għandhom jiġu eżaminati darba fis-sena fi ħdan il-grupp ta' ħidma kompetenti tal-Kumitat għall-Istatisika Agrikola.

▼M2

L-Artikolu 6

1.  Il-Kummissjoni għandha tkun megħjuna mill-Kumitat Permnenti dwar l-Istatistika Agrikola, minn hawn il-quddiem referut bħala “il-Kumitat”.

2.  Meta ssir referenza għal dan l-Artikolu, l-Artikoli 5 u 7 tad-Deċiżjoni 1999/468/KE ( 8 ) għandhom ikunu applikabbli, wara li jkunu meqjusa d-disposizzjonijiet ta' l-Artikolu 8 tagħha.

Il-perijodu ta' żmien stabbilit fl-Artikolu 5(6) tad-Deċiżjoni 1999/468/KE għandu jkun ta' tliet xhur.

3.  Il-Kumitat għandu jadotta r-regoli tal-proċedura tiegħu.

▼B

L-Artikolu 7

Dan ir-Regolament għandu jiġi fis-seħħ fil-jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika mill-1 ta' Jannar 1992.

Dan ir-Regolament għandu jorbot fl-intier tiegħu u japplika direttament lill-Istati Membri kollha.

▼M1

---

L-ANNESS I

LISTA TA' PRODOTTI TAL-ĦUT LI GĦALIHOM TINĦTIEĠ IL-PREŻENTAZZJONI TAD-DATA

---

L-ANNESS II

DEFINIZZJONIJIET BIEX JINTUŻAW FIL-PREŻENTAZZJONI TA' DATA DWAR IL-ĦATT TA' PRODOTTI TAL-ĦUT

Unitajiet

Piż: Il-piż irreġistrat għandu jkun il-piż tal-prodott kif żbarkat.

Il-piż għandu jiġi irreġistrat f'tunnellati b'post deċimali wieħed.

Prezz medju: Il-prezz medju għandu jitniżżel fil-munità nazzjonali għal kull tunnellata. Għall-prodotti li ma jinbiegħux mill-ewwel, il-prezz medju għandu jkun stmat, billi jintuża metodu xieraq.

Destinazzjoni

Konsum mill-bniedem: Inklużi hawnhekk hawn il-prodotti kollha li jinbiegħu għall-ewwel bejgħ għall-konsum mill-bniedem jew li jiġu żbarkati taħt kuntratt jew ftehim ieħor għall-konsum mill-bniedem. Esklużi huma kwantitajiet destinati għall-konsum mill-bniedem li għalihom, fil-mument ta' l-ewwel bejgħ, minħabba l-kondizzjonijiet tas-suq, ir-regolamenti ta' iġjene jew raġunijiet simili, jiġu rtirati mis-suq għall-konsum mill-bniedem.

Użu industrijali: Inklużi hawnhekk hawn il-prodotti kollha żbarkati speċifikament sabiex jinħadmu f'ikel u żejt jew għall-konsum mill-annimali kif ukoll kwantitajiet li, għalkemm oriġinalment ikunu destinati għall-konsum mill-bniedem, ma jinbiegħux għal din ir-raġuni fl-ewwel bejgħ.

Preżentazzjoni

Fillets tirreferi għall-biċċiet tal-laħam maqtugħin b'mod parallel max-xewka tal-ħuta u li jkunu jikkonsistu fin-naħa tal-lemin jew tax-xellug tal-ħuta, dejjem jekk ir-ras, l-imsaren, il-pinna (ix-xewka tad-dahar, il-biċċa ta' wara id-denb, tal-ġenb, u ta' quddiem) u x-xewk (x-xewka tad-dahar jew xewk kbir, fil-ġenb jew kostali, tal-ġenb eċċ.) ikunu ġew imneħħija u ż-żewġ naħat ma jkunux magħqudin, per eżempju mad-dahar jew ma' l-istonku.

Ħut sħiħ jirreferi għal ħut mhux imnaddaf.

Imnaddaf tirreferi għal klamar fejn is-swaba', ir-ras u l-organi interni jiġu mneħħija minn mal-ġisem.

Ħut iffriżat huwa ħut li jkun iffriżat b'mod illi tiġi ppriservata il-kwalità inerenti tal-ħut billi it-temperatura medja tiġi mnaqqsa għal - 18° C jew inqas u li mbagħad jiġi miżmum f'temperatura ta' - 18° C jew inqas.

Ħut frisk huwa ħut li ma jkunx ġie ppreservat, ikkurat, iffriżat jew ittrattat b'mod ieħor ħlief li jkun ġie mkessaħ. B'mod ġenerali jiġu ppreżentati sħaħ jew bl-imsaren.

Ħut immellaħ huwa ħut li ħafna drabi jkun mingħajr l-imsaren u r-ras, li jiġi ppriservat fil-melħ jew fis-salmura.

Nazzjonalità u kopertura

Id-data għandha tinkludi il-prodotti kollha żbarkati mill-bastimenti tal-ħut tal-Komunità u tal-EFTA fil-portijiet ta' l-Istat Membru li jkun qiegħed jirraporta. L-Istat Membru li jkun qiegħed jirraporta m'għandux bżonn, taħt id-dispożizzjonijiet ta' dan ir-Regolament, li jirraporta id-dħul tal-bastimenti tiegħu fil-portijiet għajr il-portijiet nazzjonali.

Id-data għandha tinkludi prodotti mniżżlin 'l art fit-territorju ta' l-Istat Membru u koperti bid-dokument T2M li hemm riferenza għalih fir-Regolament tal-Kummissjoni (KEE) Nru 137/79. Għandhom ikunu Inklużi wkoll il-prodotti trasbordati fuq bastimenti ta' pajjiżi terzi mill-bastimenti tas-sajd tal-Komunità u tal-EFTA u komponenti oħrajn tal-flotta tas-sajd tal-Komunità u tal-EFTA li jkunu mniżżlin 'l art fit-territorju ta' dak l-Istat Membru.

Bastimenti tal-Komunità huma bastimenti li jtajru il-bandiera ta', jew li jkunu rreġistrati fi Stat Membru tal-Komunità.

Bastimenti tal-EFTA huma bastimenti li jtajru l-bandiera ta', jew li jkunu rreġistrati f'pajjiż membru tal-EFTA.

Bastimenti ta' pajjiżi terzi huma bastimenti li jtajru l-bandiera ta' jew ikunu rreġistrati f'pajjiż ieħor għajr dawk il-pajjiżi membri tal-Komunità jew tal-EFTA.

---

L-ANNESS III

FORMAT GĦALL-PREŻENTAZZJONI TA' DATA SKOND L-ARTIKOLU 1

STATISTIKA TA’ L-IŻBARKAR

▼M1

---

L-ANNESS IV

FORMAT GĦALL-PREŻENTAZZJONI TAD-DATA FUQ MEZZI MANJETIĊI

1.   MEZZI MANJETIĊI

Tapes tal-kompjuter: B'disa' tracks b'densità ta' 1 600 jew 6 250 BPI u EDCDIC jew ASCII coding, preferibbilment ittikkettjat. Jekk ittikkettjata, il-kodiċi fl-aħħar tal-fajl għandha tkun inkluża.

Floppy discs: MS-DOS formatted 3,5″ Prim; 720 Kbyte jew 1,4 Mbyte jew 5,25 & diski Prim; 360 Kbyte jew 1,2 Mbyte.

2.   Format tal-coding

Notes

3.   Listi tal-kodiċi

---

( 1 ) ĠU C 214, tal-21.8.1989, p. 21.

( 2 ) ĠU C 113, tas-7.5.1990, p. 216.

( 3 ) ĠU L 379, tal-31.12.1981, p. 1.

( 4 ) ĠU L 282, tat-2.10.1989, p. 1.

( 5 ) ĠU L 151, tal-15.6.1990, p. 1.

( 6 ) ĠU L 20, tas-27.1.1979, p. 1. Ir-Regolament kif l-aħħar emendat bir-Regolament (KEE) Nru 3399/91 (ĠU L 320, tat-22.11.1991, p. 19).

( 7 ) ĠU L 179, tas-7.8.1972, p. 1.

( 8 ) Id-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċitar tal-poteri ta' l-implementazzjoni konferiti fuq il-Kummissjoni (ĠU L 184, 17.7.1999, p. 23).