This document is an excerpt from the EUR-Lex website
Document 01991L0628-20030605
Council Directive of 19 November 1991 on the protection of animals during transport and amending Directives 90/425/EEC and 91/496/EEC (91/628/EEC)
Consolidated text: Id-Direttiva Tal-Kunsill tad-19 ta’ Novembru 1991 dwar il-protezzjoni ta’ l-annimali waqt it-trasport u li temenda d-Direttivi 90/425/KEE u 91/496/KEE (91/628/KEE)
Id-Direttiva Tal-Kunsill tad-19 ta’ Novembru 1991 dwar il-protezzjoni ta’ l-annimali waqt it-trasport u li temenda d-Direttivi 90/425/KEE u 91/496/KEE (91/628/KEE)
No longer in force
1991L0628 — MT — 05.06.2003 — 004.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
ID-DIRETTIVA TAL-KUNSILL tad-19 ta’ Novembru 1991 dwar il-protezzjoni ta’ l-annimali waqt it-trasport u li temenda d-Direttivi 90/425/KEE u 91/496/KEE (ĠU L 340, 11.12.1991, p.17) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
L 243 |
27 |
25.8.1992 |
||
|
L 148 |
52 |
30.6.1995 |
||
|
IR-REGOLAMENT TAL-KUNSILL (KE) Nru 806/2003 ta' l-14 ta' April 2003 |
L 122 |
1 |
16.5.2003 |
|
Emendat bi:
|
C 241 |
21 |
29.8.1994 |
ID-DIRETTIVA TAL-KUNSILL
tad-19 ta’ Novembru 1991
dwar il-protezzjoni ta’ l-annimali waqt it-trasport u li temenda d-Direttivi 90/425/KEE u 91/496/KEE
(91/628/KEE)
IL-KUNSILL TAL-KOMUNITAJIET EWROPEJ,
Wara li kkunsidra t-Trattat li jistabbilixxi l-Komunità Ekonomika Ewropea, u b’mod partikolari l-Artikolu 43 tiegħu,
Wara li kkunsidra l-proposta mill-Kummissjoni ( 1 ),
Wara li kkunsidra l-opinjoni tal-Parlament Ewropew ( 2 );
Wara li kkunsidra l-opinjoni tal-Kumitat Ekonomiku u Soċjali ( 3 ),
Billi skond ir-riżoluzzjoni ta’ l-20 ta’ Frar 1987 dwar il-politika tal-ħarsien ta’ l-annimali ( 4 ), il-Parlament Ewropew kien talab lill-Kummissjoni biex tressaq proposti dwar il-protezzjoni ta’ l-annimali matul it-trasport;
Billi sabiex jiġu eliminati l-intoppi tekniċi għall-kummerċ f’annimali ħajjin u biex ikun permess li l-organizzazzjonijiet tas-suq f’dan il-każ jaħdmu bla xkiel, waqt li jkun asigurat livell sodisfaċenti ta’ protezzjoni għall-annimali kkonċernati, il-Komunità addottat regoli f’dan il-qasam;
Billi l-Istati Membri kollha rratifikaw il-Konvenzjoni Ewropea għall-protezzjoni ta’ l-annimali matul it-trasport internazzjonali u ffirmaw il-protokoll addizzjonali li jippermetti lill-Komunità bħala tali li taċċedi għall-imsemmija Konvenzjoni;
Billi r-Regolament tal-Kunsill (KEE) Nru 3626/82 tat-3 ta’ Diċembru 1982 dwar l-implimentazzjoni fil-Komunità tal-Konvenzjoni dwar il-Kummerċ internazzjonali fi speċi pperikolati ta’ fawna u flora ferjali ( 5 ), minn hawn ’il quddiem imsejjħa “Cites”, jirregola l-kondizzjonijiet tat-trasport ta’ ċerti speċi;
Billi d-Direttiva 77/489/KEE ( 6 ) tistabbilixxi regoli għall-protezzjoni ta’ l-annimali matul it-trasport internazzjonali; billi d-Direttiva 81/389/KEE ( 7 ) tistabbilixxi miżuri għall-implimentazzjoni tad-Direttiva 77/489/KEE, u b’mod partikolari introduċiet kontrolli mal-fruntieri interni tal-Komunità;
Billi sabiex jintlaħħqu l-istess skopijiet, u b’mod partikolari l-protezzjoni ta’ l-annimali matul it-trasport, huwa meħtieġ fil-kuntest tat-twaqqif tas-suq intern li jiġu rregolati ir-regoli tad-Direttiva 90/425/KEE ( 8 )inter alia bil-ħsieb ta’ l-armonizzazzjoni ta’ verifiki minn qabel li jirrelataw mal-ħarsien ta’ l-annimali matul it-trasport;
Billi f’dan il-qafas it-trasport ta’ l-annimali ġewwa, lejn u mill-Komunità għandu jkun kopert, u l-verifiki sistematiċi fil-fruntieri interni tal-Komunità għandhom ikunu aboliti;
Billi għal raġunijiet tal-ħarsien ta’ l-annimali it-trasport ta’ l-annimali tul distanzi twal, inklużi annimali għall-qatla, għandu jitnaqqas kemm jista’ jkun possibli;
Billi r-regoli proposti għandhom jassiguraw il-protezzjoni aktar effettiva ta’ l-annimali matul it-trasport;
Billi d-Direttiva 91/496/KEE ( 9 ) għandha tkun emendata sabiex tiġa addattata ma’ din id-Direttiva; billi d-Direttivi 77/489/KEE u 81/389/KEE għandhom għalhekk jiġu mħassra,
ADDOTTA DIN ID-DIRETTIVA:
IL-KAPITOLU I
Dispożizzjonijiet ġenerali
L-Artikolu 1
1. Din id-Direttiva tapplika għat-trasport ta’:
(a) solipedi (annimali ta’ difer wieħed) domestiċi u annimali domestiċi ta’ l-ispeċi ta’ annimali tal-fart, tan-nagħaġ, tal-mogħoż u tal-majjali;
(b) tjur, għasafar domestiċi u fniek domestiċi;
(ċ) qtates domestiċi u klieb domestiċi;
(d) mammiferi oħrajn u għasafar;
(e) annimali vertebrati oħrajn u annimali ta’ demm kiesaħ.
2. Din id-Direttiva ma tapplikax għal:
— għal trasport li mhuwiex ta' natura kummerċjali jew għal annimal individwali akkompanjat minn persuna fiżika li għandha r-responsabbiltà għall-annimal matul it-trasport,
— għat-trasport ta' annimali domestiċi akkompanjati mis-sid tagħhom fuq vjaġġ privat;
(b) mingħajr preġudizzju għad-dispożizzjonijiet nazzjonali rilevanti, għat-trasport ta’ annimali mwettaq:
— sa distanza ta’ 50 km li jibdew jgħoddu mill-bidu tat-trasport ta’ l-annimali sal-post ta’ destinazzjoni, jew
— minn raħħala jew dawk li jsemmnu li jużaw vetturi agrikoli jew mezzi tat-trasport tagħhom stess fil-każi meta ċ-ċirkostanzi ġeografiċi jitolbu għal transhumance staġjonali li ma jagħmlux profitt ta’ ċerti tipi ta’ annimali.
L-Artikolu 2
1. Għall-skopijiet ta’ din id-Direttiva, id-definizzjonijiet fl-Artikolu 2 tad-Direttivi 89/662/KEE ( 10 ), 90/425/KEE, 90/675/KEE ( 11 ) u d-Direttiva 91/496/KEE għandhom japplikaw kif meħtieġ.
2. B’żieda, id-definizzjonijiet li ġejjin għandhom japplikaw:
(a) “mezzi tat-trasport”, dawk il-partijiet ta’ vetturi tat-triq, vaguni tal-ferrovija, vapuri w ajruplani wżati għat-tagħbija u l-ġarr ta’ l-annimali, kif ukoll kontenituri għat-trasport bl-art, bil-baħar jew bl-ajru;
(b) “trasport”, kull ċaqlieq ta’ annimali, effettwat permezz ta’ trasport li jinvolvi t-tagħbija u l-ħatt ta’ l-annimali;
(ċ) “punt ta’ waqfien”, post fejn ikun interrott il-vjaġġ għall-mistrieħ, jew biex ikunu mitmugħa jew mogħtija l-ilma l-annimali;
(d) “punt ta’ trasferiment”, post fejn it-trasport ikun interrott biex jiġu trasferiti l-annimali minn mezz tat-trasport għall-ieħor;
(e) “post tat-tluq”, il-post li minnu, mingħajr preġudizzju għall-Artikolu 1(2)(b), l-annimal jitgħabba għall-ewwel darba fuq il-mezz tat-trasport, jew kull post fejn l-annimali jkunu ġew maħtuta ►M2 u akkomodati għal 24 siegħa ◄ , mogħtija l-ilma, mitmugħa u, fejn meħtieġ, ikkurati, iżda eskluż kull punt ta’ waqfien jew ta’ trasferiment.
Is-swieq u ċ-ċentri tal-ġbir approvati skond il-leġislazzjoni tal-Komunità jistgħu wkoll jitqiesu bħala l-postijiet tat-tluq:
— meta l-ewwel post tat-tagħbija ta’ l-annimali jkun anqas minn 50 km ’il bogħod mill-imsemmija swieq jew ċentri ta’ ġbir,
— meta, għalkemm id-distanza li hemm referenza dwarha fl-ewwel subinċiż tkun aktar minn 50 km, l-annimali jkollhom tul ta’ perjodu ta’ mistrieħ iddeterminat bi qbil mal-proċedura stabbilita fl-Artikolu 17 u jkun ingħataw l-ilma u l-ikel qabel ma jitgħabbew mill-ġdid;
(f) “post tad-destinazzjoni”, il-post li fih l-annimal jinħatt għall-aħħar darba mill-mezzi tat-trasport, iżda eskluż punt tal-waqfien jew il-punt tat-trasferiment;
(g) “vjaġġ”, it-trasport mill-post tat-tluq sal-post tad-destinazzjoni;
(h) “perjodu ta' mistrieħ”, perjodu kontinwu matul il-vjaġġ li matulu l-annimali mhumiex qegħdin jiġu mċaqalqa permezz ta' mezz ta' trasport;
(i) “trasportatur”, kull persuna fiżika jew ġuridika li titrasporta l-annimali
— f'isimha stess, jew
— f'isem terza persuna, jew
— billi tipprovdi lil terza persuna b'mezz ta' trasport għall-annimali, meta t-trasport bħal dan ikun ta' natura kummerċjali u jitwettaq bl-iskop ta' qligħ.
IL-KAPITOLU II
Trasport u kontrolli fit-territorju tal-Komunità
L-Artikolu 3
1. L-Istati Membri għandhom jassiguraw li:
(a) it-trasport ta’ l-annimali fil-, lejn u minn kull Stat membru għandu jkun effettwat skond din id-Direttiva u, fir-rigward ta’ l-annimali li hemm referenza dwarhom fi:
— l-Artikolu 1(a), id-dispożizzjonijiet tal-Kapitolu I ta’ l-Anness,
— l-Artikolu 1(b), id-dispożizzjonijiet tal-Kapitolu II ta’ l-Anness,
— l-Artikolu 1(ċ), id-dispożizzjonijiet tal-Kapitolu III ta’ l-Anness,
— l-Artikolu 1(d), id-dispożizzjonijiet tal-Kapitolu IV ta’ l-Anness,
— l-Artikolu 1(e), id-dispożizzjonijiet tal-Kapitolu V ta’ l-Anness;
— l-ispazji permessi (densitajiet ta' tagħbija) għall-annimali ta' mill-anqas jikkonformaw mal-figuri stabbiliti fil-Kapitolu VI ta' l-Anness, fir-rigward ta' l-annimali u l-mezzi ta' trasport msemmija f'dak il-Kapitolu,
— il-ħinijiet ta' l-ivjaġġar u l-perjodi ta' mistrieħ u l-intervalli tat-tmigħ u tat-tisqija għal ċerti tipi ta' annimali jikkonformaw ma’ dawk stabbiliti fil-Kapitolu VII ta' l-Anness, għar-rigward ta' l-annimali li għalihom issir referenza f'dak il-Kapitolu, mingħajr preġudizzju għad-dispożizzjonijiet tar-Regolament (KEE) Nru 3820/85 ( 12 );
(b) l-ebda annimal m’għandu jkun ittrasportat sakemm ma jkunx b’saħħtu biżżejjed għall-vjaġġ maħsub u sakemm ma jkunux saru provvedimenti addattati għall-kura tiegħu matul il-vjaġġ u mal-wasla fil-post tad-destinazzjoni. L-annimali li jkunu morda jew imweġġa m’għandhomx jitqiesu li jkunu b’saħħithom biżżejjed għat-trasport. Iżda, din id-dispożizzjoni m’għandhiex tgħodd għal:
(i) l-annimali li jkunu mweġġa’ jew morda ħafif li t-trasport tagħhom ma joħloqx tbatija żejda;
(ii) l-annimali li huma ttrasporatati għall-skopijiet ta’ riċerka xjentifika approvata mill-awtorità kompetenti;
(ċ) l-annimali li jimirdu jew iweġġgħu matul it-trasport għandhom jirċievu l-ewwel għajnuna kemm jista’ jkun malajr; għandhom jingħataw il-kura veterinarja addattata u fejn meħtieġ jinqatlu b’emerġenza b’dak il-mod li ma tiġix ikkawżata lilhom tbatija żejda.
2. Minkejja l-paragrafu 1(b), l-Istati Membri jistgħu jippermettu t-trasport ta’ l-annimali għall-kura veterinarja ta’ emerġenza jew qatla skond il-kondizzjonijiet li ma jkunux b’konformità mal-ħtiġijiet ta’ din id-Direttiva. L-Istati Membri għandhom jassiguraw li kull trasport bħal dak ikun permissibbli biss meta ma tinħoloq l-ebda tbatija żejda jew trattament ħażin għall-annimali kkonċernati. Jekk meħtieġ, għandhom jiġu addottati regoli speċifiċi għall-applikazzjoni ta’ din il-paragrafu skond il-proċedura stabbilita fl-Artikolu 17.
3. Mingħajr preġudizzju għall-ħtiġiet stabbiliti fil-punti 1(a) u (b) u fl-Anness li jinsab ma’ din id-Direttiva, il-Kunsill, li jaġixxi b’maġġoranza kkwalifikata fuq proposta mill-Kummissjoni, għandu jistabbilixxi l-kondizzjonijiet addizzjonali addattati għat-trasport ta’ ċerti tipi ta’ annimali bħal m’huma solipedi, għasafar selvaġġi, u mammiferi marini biex titħares is-sigurtà tagħhom.
Sakemm jiġu implementati dawn id-dispożizzjonijiet, l-Istati Membri jisgħu, suġġetti għad-dispożizzjonijiet ġenerali tat-Trattat, japplikaw ir-regoli addizzjonali nazzjonali relevanti.
L-Artikolu 4
L-Istati Membri għandhom jassiguraw li l-annimali jkunu ddentifikati u rreġistrati matul il-vjaġġ kollu tagħhom bi qbil mal-Artikolu 3(1)(ċ) tad-Direttiva 90/425/KEE u jkunu akkumpanjati mid-dokumentazzjoni meħtieġa mill-leġislazzjoni tal-Komunità u dik nazzjonali li tippermetti lill-awtorità kompetenti li tivverifika:
— l-oriġini tagħhom u s-sidien tagħhom,
— il-post ta’ minn fejn ikun sar it-tluq u l-post tad-destinazzjoni tagħhom,
— id-data u l-ħin tat-tluq.
L-Artikolu 5
A. L-Istati Membri għandhom jiżguraw li:
1. kull trasportatur:
(a) huwa:
(i) reġistrat b'mod li jgħin lill-awtorità kompetenti tidentifika lill-persuna malajr fil-każ ta' nuqqas ta' konformità mar-regolamenti ta' din id-Direttiva;
(ii) koperta minn awtorizzazzjoni valida għat-trasport kollu ta' l-annimali bis-sinsla (vertebrati) li jitwettaq f'wieħed mit-territorji li għalihom issir referenza fl-Anness I tad-Direttiva 90/675/KEE, mogħtija mill-awtorità kompetenti ta' l-Istat Membru ta' stabbiliment jew, jekk impriża stabbilita f'pajjiż terz hija involuta, minn awtorità kompetenti ta' Stat Membru ta' l-Unjoni, bla ħsara għal impenn bil-miktub mill-persuna responsabbli għat-trasport li tintrabat li tikkonforma mar-rekwiżiti tal-leġislazzjoni veterinarja tal-Komunità fis-seħħ.
Dan l-impenn bil-miktub għandu b'mod partikolari jiddikjara li:
— it-trasportatur li għalih issir referenza fil-punt 2 ħa l-miżuri kollha meħtieġa sabiex iħares ir-rekwiżiti ta' din id-Direttiva sakemm u safejn il-post ta' destinazzjoni u, aktar b'mod partikolari meta tkun involuta esportazzjoni lejn pajjiżi terzi, sakemm u safejn il-post ta' destinazzjoni huwa definit mil-leġislazzjoni tal-Komunità,
— mingħajr preġudizzju għad-dispożizzjonijiet tal-Kapitolu 1A(6)(b) ta' l-Anness, il-personal li għalih issir referenza f’(a) tal-punt 2 jkun irċieva taħriġ speċifiku, jew mill-impriża jew minn korp ta' taħriġ, jew għandhom esperjenza ekwivalenti prattika li tagħtihom kwalifika sabiex iqandlu u jittrasportaw annimali bis-sinsla (vertebrati) u biex jamministraw, jekk ikun meħtieġ, kura xierqa lill-annimali trasportati;
(b) ma jittrasportax kull annimal, jew jikkawża kull annimal li jrid jiġi trasportat, b'mod li x'aktarx jikkawża korriment jew sofferenza mhux mistħoqqa lil dak l-annimal;
(ċ) juża, għat-trasport ta' l-annimali li għalihom issir referenza f'din id-Direttiva, mezzi ta' trasport li jiżguraw konformità mar-rekwiżiti tal-Komunità li jirrigwarjaw l-assistenza matul it-trasport, u b'mod partikolari ir-rekwiżiti stabbiliti fl-Anness u dawk li jridu jiġu stabbiliti b’mod konformi ma’ l-Artikolu 13(1);
2. it-trasportatur:
(a) jafda t-trasport ta' l-annimali ħajjin lil personal li jippossjedi l-ħila meħtieġa, kompetenza professjonali u t-tagħrif stabbilit fis-sottoparagrafu (a) tal-punt 1;
(b) għall-annimali li għalihom issir referenza fl-Artikolu 1(1)(a) li sejrin jiġu negozjati bejn Stati Membri jew esportati lil pajjiżi terzi, u f'każijiet meta l-ħin tal-vjaġġ jeċċedi tmien sigħat, ifassal pjanta tar-rotta bi qbil mal-kampjun fil-Kapitolu VIII ta' l-Anness, li għandu jiġi mehmuż maċ-ċertifikat tas-saħħa matul il-vjaġġ, u anke jindika kull post ta' waqfien u trasferiment.
Pjanta ta' rotta waħda trid titfassal bi qbil mal-punt (ċ) biex tkopri l-perjodu sħiħ tal-vjaġġ;
(ċ) jissottometti l-pjanta tar-rotta li għaliha ssir referenza f’(b) lill-awtorità kompetenti sabiex ikun jista’ jfassal iċ-ċertifikat tas-saħħa, li warajh, in-numru jew numri ta' ċertifikati bħal dawn iridu jiġu mmarkati fuq il-pjanta tar-rotta u jrid jiġi ttimbrat mill-veterinarju tal-post tat-tluq, li jrid jagħti wkoll avviż ta' l-eżistenza tal-pjanta tar-rotta matul is-sistema Animo;
(d) jiżgura:
(i) li l-kopja oriġinali tal-pjanta tar-rotta li għaliha ssir referenza f’(b)
— hija mfassla kif suppost u mimlija mill-persuni approprjati fiż-żmien xieraq,
— hija mehmuża maċ-ċertifikat tas-saħħa li jintbagħat mal-kunsinna matul il-vjaġġ;
(ii) li l-persunal responsabbli għat-trasport
— jiddikjara fil-pjanta tar-rotta l-ħinijiet u postijiet li fihom l-annimali trasportati ngħataw l-ikel u l-ilma matul il-vjaġġ,
— meta l-annimali jkunu qegħdin jiġu trasportati lejn pajjiżi terzi u l-ħin tal-vjaġġ fit-territorju tal-Komunità jeċċedi t-tmien sigħat, il-pjanta tar-rotta tkun ġiet iċċertifikata, wara spezzjoni, mill-awtorità kompetenti tal-post tal-mogħdija jew tal-post tal-ħruġ assennjat minn Stat Membru (timbri u firma), wara li l-annimali ġew spezzjonati u ġġudikati mill-veterinarju uffiċjali li huma kapaċi jkomplu l-vjaġġ tagħhom.
— L-Istati Membri jistgħu jispeċifikaw li l-ispejjeż li ntefqu għall-ispezzjoni veterinarja hawn fuq imsemmija jridu jitħallsu mill-operatur li jesporta l-annimali,
— mal-wasla lura tagħhom, jibgħat lura l-pjanta tar-rotta tal-post ta' oriġini lill-awtorità kompetenti.
— Madankollu, meta l-annimali jiġu trasportati lejn pajjiżi terzi permezz tal-baħar u l-ħin tal-vjaġġ jeċċedi t-tmien sigħat, l-istess dispożizzjonijiet għandhom jgħoddu;
(e) iżomm, għal perjodu stabbilit mill-awtorità kompetenti, it-tieni kopja tal-pjanta tar-rotta li għaliha ssir referenza f’(b) li tista’, jekk ikun meħtieġ, tipi sottomessa meta tintlab lill-awtorità kompetenti għall-verifika;
(f) juri, skond l-ispeċi trasportati u meta t-tul tal-vjaġġ jinvolvi konformità mal-Kapitolu VII (4), li ttieħdu passi sabiex jiġu sodisfatti l-ħtieġiet ta' l-annimali għall-għalf u l-ilma matul il-vjaġġ, anke meta l-pjanta tar-rotta tinbidel jew meta l-vjaġġ jiġi interrott għal raġunijiet li m'għandux kontroll fuqhom;
(g) jiżgura li l-annimali jiġu trasportati mingħajr dewmien lejn il-post ta' destinazzjoni tagħhom;
(h) mingħajr preġudizzju għall-konformità mad-dispożizzjonijiet tal-Kapitolu III ta' l-Anness, jiżgura li l-annimali ta' speċi li għalihom ma ssirx referenza fil-Kapitolu VII ta' l-Anness jingħataw l-għalf u l-ilma b'mod xieraq f'intervalli xierqa matul it-trasport;
3. li l-postijiet ta' waqfien, li ġew miftehma minn qabel mill-persuna responsabbli li għaliha ssir referenza fil-punt 2, huma spezzjonati regolarment mill-awtorità kompetenti li trid tkun sodisfatta wkoll li l-annimali huma kapaċi jkomplu l-vjaġġ tagħhom;
4. li l-ispejjeż sabiex jintlaħqu l-ħtiġiet tat-tmigħ, tat-tisqija u tal-mistrieħ ta' l-annimali huma mħallsa mill-operaturi li għalihom issir referenza fil-punt 1.
B. Kull proċedura għall-applikazzjoni li tirriżulta minn dan l-Artikolu għandha tiġi adottata bi qbil mal-proċedura stabbilita fl-Artikolu 17.
L-Artikolu 6
1. Id-Direttiva 90/425/KEE għandha tiġi emendata kif ġej:
(a) it-tielet paragrafu ta’ l-Artikolu 1 għandu jkun mibdul b’dan li ġej:
“Din id-Direttiva m’għandhiex teffettwa l-verifiki mwettqa bħala parti mid-doveri mwettqa b’mod mhux diskriminatorju mill-awtoritajiet responsabbli mill-applikazzjoni tal-liġijiet fi Stat Membru.”
;(b) ir-referenza li ġejja għandha tiżdied mat-Taqsima I ta’ l-Anness A:
“Id-Direttiva tal-Kunsill 91/628/KEE tad-19 ta’ Novembru 1991 dwar il-protezzjoni ta’ l-annimali waqt it-trasport u li temenda d-Direttivi 90/425/KEE u 91/496/KEE.
(ĠU L 340, tal-11.12.1991, p. 17).”
2. Iċ-ċertifikati jew id-dokumenti li hemm referenza dwarhom fl-Artikolu 3 tad-Direttiva 90/425/KEE għandhom ikunu ssupplimentati bi qbil mal-proċedura stabbilita fl-Arikolu 17, sabiex jittieħed akkont tal-ħtiġijiet ta’ din id-Direttiva.
3. L-iskambju ta’ tagħrif bejn l-awtoritajiet b’konformità mal-ħtiġiet ta’ din id-Direttiva għandu jkun integrat fis-sistema kompjuterizzata li hemm provvediment dwarha fl-Artikolu 20 tad-Direttiva 90/425/KEE (Animo) u, fir-rigward ta’ l-importazzjoni minn pajjiżi terzi, fil-proġett Shift, skond l-Artikolu 12(4) tad-Direttiva 91/496/KEE.
Ir-regoli ddettaljati għall-applikazzjoni ta’ dan il-paragrafu għandhom ikunu addottati skond il-proċedura stabbilita fl-Artikolu 17.
L-Artikolu 7
1. L-Istati Membri għandhom jassiguraw li jittieħdu l-miżuri meħtieġa biex ma jħallux jew inaqqsu għall-minimu kull dewmien matul it-trasport jew tbatija mill-annimali meta strikes jew ċirkostanzi oħra mhux previsti jimpedixxu l-applikazzjoni ta’ din id-Direttiva. B’mod partikolari, għandhom jintgħamlu arranġamenti speċjali fil-portijiet, ajruporti, stazzjonijiet tal-ferrovija, inħawi tal-ġemgħa, u postijiet ta’ spezzjoni mal-fruntiera li hemm referenza dwarhom fl-Artikolu 6 tad-Direttiva 91/496/KEE biex jitħaffef it-trasport ta’ l-annimali permezz tal-kondizzjonijiet b’konformità mal-ħtiġiet ta’ din id-Direttiva.
2. Mingħajr preġudizzju għall-ħtiġiet tal-Komunità dwar is-saħħa ta’ l-annimali stabiliti band oħra, ebda konsenja ta’ l-annimali m’għandha tinżamm matul it-trasport sakemm ma jkunx strettament meħtieġ għall-ġid ta’ l-annimali. Jekk xi konsenja ta’ l-annimali jkollha tinżamm matul it-trasport għal aktar minn sagħtejn, għandhom isiru l-arranġamenti xierqa għall-kura ta’ l-annimali u, meta meħtieġ, il-ħatt u l-akkommodazzjoni tagħhom.
L-Artikolu 8
L-Istati Membri għandhom jiżguraw li, bi qbil mal-prinċipji u r-regoli ta' kontroll stabbiliti fid-Direttiva 90/425/KEE, l-awtoritajiet kompetenti jivverifikaw li r-rekwiżiti ta' din id-Direttiva ġew mħarsa, billi jwettqu spezzjonijiet mhux diskriminatorji dwar:
(a) il-mezzi ta' trasport u l-annimali matul it-trasport bit-triq;
(b) il-mezzi ta' trasport u l-annimali li jaslu fil-post tad-destinazzjoni tagħhom;
(ċ) il-mezzi ta' trasport u l-annimali fi swieq, f'postijiet ta' tluq, f'postijiet ta' waqfien u f'postijiet ta' trasferiment;
(d) id-dettalji fuq id-dokumenti li jintbagħtu magħhom.
Dawn l-ispezzjonijiet għandhom jitwettqu fuq kampjun adegwat ta' annimali trasportati kull sena f’kull Stat Membru, u jista’ jitwettaq fl-istess ħin bħall-kontrolli għal skopijiet oħrajn.
L-awtorità kompetenti f'kull Stat Membru għandha tissottometti lill-Kummissjoni rapport annwali li jiddikjara n-numru ta' spezzjonijiet mwettqa fis-sena kalendarja preċedenti għar-rigward ta' kull wieħed mill-punti (a), (b), (ċ) u (d) u inklużi d-dettalji ta' kull ksur ta' liġi rapportat u l-azzjoni meħuda b'riżultat ta' dan mill-awtorità kompetenti.
Barra minn hekk, meta l-awtorità kompetenti ta' Stat Membru jkollha informazzjoni li jwassalha biex tissuspetta li sar xi ksur ta' liġi, jistgħu jitwettqu wkoll spezzjonijiet matul it-trasport ta' l-annimali fuq it-territorju tagħha.
L-Artikolu m'għandux jaffettwa l-ispezzjonijiet imwettqa bħala parti mix-xogħlijiet mwettqa f'manjera mhux diskriminatorja minn awtoritajiet responsabbli għall-applikazzjoni ġenerali tal-liġijiet fi Stat Membru.
L-Artikolu 9
1. Jekk jinstab matul it-trasport li d-dispożizzjonijiet ta’ din id-Direttiva ma jkunux ġew imħarsa jew ma jkunx hemm konformità magħhom, l-awtorità kompetenti tal-lokal li fih issir dik is-sejba, għandha teħtieġ li l-persuna inkarigata mill-meżżi tat-trasport, li tieħu kull azzjoni li l-awtorità kompetenti tqis li jkunu meħtieġa sabiex ikun issalvagwardat il-ġid ta’ l-annimali kkonċernati.
Jiddependi miċ-ċirkostanzi ta’ kull każ, dik l-azzjoni tista’ tinkludi:
(a) arranġamenti biex jitkompla l-vjaġġ jew li l-annimali jintbgħatu lura lejn il-post tat-tluq tagħhom b’rotta l-aktar diretta, basta li din l-azzjoni ma toħloqx tbatija żejda għall-annimali;
(b) arranġamenti biex l-annimali jinżammu f’akkommodazzjoni addattata bil-kura approprjata sakemm tissolva l-problema;
(ċ) arranġamenti għall-qtil mingħajr tbatija ta’ l-annimali. Id-destinazzjoni u l-użu tal-karkassi ta’ dawn l-annimali għandha tkun irregolata mid-dispożizzjonijiet stabbiliti fid-Direttiva 64/433/KEE ( 13 ).
Kull miżura meħuda skond it-tieni sotto-paragrafu għandha tiġi mgħarrfa mill-awtorità kompetenti permezz tan-network Animo bi qbil mal-proċeduri, inklużi l-proċeduri finanzjarji, li jridu jiġu stabbiliti bi qbil mal-proċedura stabbilita fl-Artikolu 17.
2. Jekk il-persuna inkarigata mill-mezzi tat-trasport tonqos li tkun konformi ma’ l-istruzzjonijiet ta’ l-awtorità kompetenti, din ta’ l-aħħar għandha minnufih iġġiegħel l-miżuri f’dak il-każ ikunu mwettqa u għandha tiġbor lura n-nefqa ta’ dawk il-miżuri b’manjera xieraq.
3. Id-drittijiet ta’ l-appell eżistenti permezz tal-liġijiet fis-seħħ fl-Istati Membri kontra d-deċiżjonijiet mill-awtoritajiet kompetenti m’għandhomx ikunu affettwati minn din id-Direttiva.
Id-Deċiżjonijiet meħuda mill-awtoritajiet kompetenti ta’ l-Istati Membri u r-raġunijiet għal dawk id-deċiżjonijiet għandhom jiġu nnotifikati lejn il-konsenjatur jew lejn ir-rappreżentant tiegħu u lejn l-awtorità kompetenti ta’ l-Istat Membru ta’ dispaċċ.
Jekk il-kunsinnatarju jew ir-rappreżentant tiegħu hekk jitlob, l-imsemmija deċiżjonijiet u raġunijiet għandhom jintbagħtu lilu bil-miktub bid-dettalji tad-drittijiet ta’ l-appell li huma disponibbli għalih permezz tal-liġi fis-seħħ fl-Istat Membru tad-destinazzjoni u bil-proċedura u l-limiti ta’ żmien applikabbli.
Madankollu, fil-każ ta’ xi kwistjoni, iż-żewġ partijiet ikkonċernati jistgħu, jekk hekk jiftiehmu, f’perjodu massimu ta’ xahar, jibgħatu l-kwistjoni għal studju minn espert li ismu jidher fuq il-lista ta’ esperti tal-Komunità li għandha tkun imħejjija mill-Kummissjoni.
Dawk l-esperti għandhom jagħtu l-opinjoni tagħom f’mhux aktar minn 72 siegħa. Il-partijiet għandhom joqgħodu fuq l-opinjoni ta’ l-espert, waqt li jingħata akkont tal-leġislazzjoni veterinerja tal-Komunità.
L-Artikolu 10
1. L-esperti mill-Kummissjoni jistgħu, sal-punt meħtieġ sabiex jiżguraw applikazzjoni uniformi ta' din id-Direttiva, jwettqu spezzjonijiet fuq il-post. B'hekk, jistgħu jwettqu spezzjonijiet saltwarjament u b'mod mhux diskriminatorju sabiex jiżguraw li l-awtorità kompetenti tkun qiegħda tissorvelja l-konformità mar-rekwiżiti ta' din id-Direttiva.
Il-Kummissjoni għandha tgħarraf lill-Istati Membri bir-riżultat ta' dawn l-ispezzjonijiet.
2. L-ispezzjonijiet li għalihom issir referenza fil-paragrafu 1 għandhom jitwettqu f’kollaborazzjoni ma l-awtorità kompetenti.
3. L-Istat Membru li fit-territorju tiegħu jitwettqu l-ispezzjonijiet għandu jipprovdi lill-esperti b'kull assistenza li huma jeħtieġu sabiex iwettqu x-xogħol tagħhom.
4. Għandhom jiġu adottati regoli dettaljati sabiex jiġi applikat dan l-Artikolu b'mod konformi mal-proċedura stabbilita fl-Artikolu 17.
IL-KAPITOLU III
Importazzjoni minn pajjiżi terzi
L-Artikolu 11
1. Ir-regoli stabbiliti mid-Direttiva 91/496/KEE għandhom japplikaw, b'mod partikolari għar-rigward ta' l-organizzazzjoni u l-insegwiment ta' l-ispezzjonijiet.
2. L-importazzjoni, it-transitu u t-trasport lejn u mit-territorju tal-Komunità ta' annimali ħajjin li jaqgħu taħt din id-Direttiva li jiġu minn pajjiżi terzi għandhom jiġi awtorizzat biss jekk it-trasportatur:
— jagħti impenn bil-miktub li jħares ir-rekwiżiti ta' din id-Direttiva, b'mod partikolari dawk li għalihom issir referenza fl-Artikolu 5, u jkun għamel arranġamenti biex jikkonforma magħhom,
— jissottometti pjanta ta' rotta mfassla skond l-Artikolu 5.
3. Barra minn hekk, waqt li tkun qiegħda ssir spezzjoni li r-rekwiżiti tal-paragrafu 2 ġew mħarsa, l-veterinarju uffiċjali tal-post ta' l-ispezzjoni tal-fruntiera għandu jivverifika l-konformità mar-rekwiżiti tal-benesseru ta' l-annimali. Jekk huwa jistabbilixxi li r-rekwiżiti tat-tmigħ u t-tisqija lill-annimali ma ġewx imħarsa, għandu jieħu, bl-ispejjeż ta' l-operatur, il-miżuri stabbiliti fl-Artikolu 9.
4. Iċ-ċertifikat jew id-dokumenti stabbiliti fit-tielet inċiż ta' l-Artikolu 4(1) tad-Direttiva 91/496/KEE għandhom jiġu supplimentati bi qbil mal-proċedura stabbilita fl-Artikolu 17, sabiex jiġu meqjusa r-rekwiżiti ta' din id-Direttiva.
Waqt li l-adozzjoni ta' dawn il-miżuri tkun għadha pendenti, ir-regoli nazzjonali rilevanti għandhom japplikaw, mingħajr preġudizzju għar-regoli ġenerali stabbiliti mit-Trattat.
IL-KAPITOLU IV
Dispożizzjonijiet finali
L-Artikolu 12
Ir-regoli u l-proċeduri ta’ l-informazzjoni stabiliti fid-Direttiva 89/608/KEE ( 14 ) għandhom japplikaw mutatis mutandis għall-skopijiet ta’ din id-Direttiva
L-Artikolu 13
1. Qabel il-31 ta' Diċembru 1995, il-Kummissjoni għandha tissottometti proposti mill-Kummissjoni lill-Kunsill sabiex jiġu stabbiliti standards li magħhom għandhom jikkonformaw il-mezzi ta' trasport. Il-Kunsill għandu jaġixxi fuq dawk il-proposti b'maġġoranza kwalifikata.
2. Il-Kunsill, waqt li jaġixxi b'maġġoranza kwalifikata fuq proposta mill-Kummissjoni, għandu, qabel it-30 ta' Ġunju 1996, jistabbilixxi l-kriterji Komunitarji li jridu jintlaħqu minn postijiet ta' waqfien għar-rigward ta' l-istruttura ta' riċeviment, it-tmigħ, it-tisqija, it-tagħbija, il-ħatt u fejn meħtieġ il-postijiet fejn jinżammu ċerti tipi ta' annimali kif ukoll ir-rekwiżiti applikabbli għal postijiet ta' waqfien bħal dawn.
3. Qabel il-31 ta' Diċembru 1999, il-Kummissjoni għandha tissottometti rapport lill-Kunsill dwar l-esperjenza akkwistata mill-Istati Membri mill-implimentazzjoni ta' din id-Direttiva, possibilment akkumpanjata minn proposti li fuqhom il-Kunsill għandu jaġixxi b'maġġoranza kwalifikata.
4. Sakemm tkun għadha pendenti l-implimentazzjoni tad-dispożizzjonijiet li għalihom issir referenza fil-paragrafi 1 u 2, ir-regoli nazzjonali rilevanti għandhom japplikaw bla ħsara għar-regoli ġenerali stabbiliti mit-Trattat.
L-Artikolu 14
L-Annessi li jinsabu ma’ din id-Direttiva għandhom jiġu emendati mill-Kunsill, li jaġixxi b’maġġoranza kwalifikata fuq proposta mill-Kummissjoni, bl-iskop partikolari ta’ l-adattament tagħhom għall-progress teknoloġiku u tekniku.
L-Artikolu 15
Skond il-proċedura stabbilita fl-Artikolu 17, iċ-ċertifikati jew id-dokumenti li jakkumpanjaw li hemm provvediment dwarhom fir-regolamenti tal-Komunità għat-trasport ta’ l-annimali li hemm referenza dwaru fl-Artikolu 1 għandhom jiġu supplimentati b’konfermazzjoni mill-awtorità kompetenti bi qbil mat-tifsira ta’ l-Artikolu 2(6) tad-Direttiva 90/425/KEE li tiċċertifika li l-ħtiġiet ta’ din id-Direttiva jkun hemm konformità magħhom.
L-Artikolu 16
1. L-Istati Membri jitgħu jeżentaw mid-dispożizzjonijiet ta' din id-Direttiva l-moviment ta' annimali f'ċerti partijiet tat-territorji li għalihom issir referenza fl-Anness I tad-Direttiva 90/675/KEE, sabiex tiġi meqjusa d-distanza tagħhom mill-parti tat-terraferma tat-territorju tal-Komunità.
2. L-Istati Membri li jagħmlu din l-għażla għandhom jgħarrfu lill-Istati Membri l-oħra u lill-Kummissjoni fi ħdan il-Kumitat Veterinarju Permanenti bil-miżuri li jkunu ħadu.
L-Artikolu 17
1. Il-Kummissjoni għandha tkun assistita mill-Kumitat Permanentri tal-Katina ta' l-Ikel u s-Saħħa ta' l-Annimali stabbilit skond l-Artikolu 58 tar-Regolament (KE) Nru 178/2002 ( 15 ).
2. Meta jsir riferiment għal dan l-Artikolu, għandhom japplikaw l-Artikoli 5 u 7 tad-Deċiżjoni 1999/468/KE ( 16 ).
Il-perjodu taż-żmien stabbilit fl-Artikolu 5(6) tad-Deċiżjoni 1999/468/KE għandu jiġi ffissat għal tliet xhur.
3. Il-Kumitat għandu jadotta r-Regoli tiegħu ta' Proċedura.
L-Artikolu 18
1. L-Istati Membri għandhom jieħdu l-miżuri speċifiċi xierqa biex jippenalizzaw kull ksur ta’ din id-Direttiva minn persuni fiżiċi jew ġuridiċi.
2. Fil-każ ta' ksur ripetut ta' din id-Direttiva jew ksur li tinvolvi tbatija serja għall-animali, Stat Membru għandu, mingħajr preġudizzju għal xi penali oħra provduti, jieħu l-miżuri meħtieġa sabiex jirrimedja n-nuqqasijiet innutati, sa u inkluża s-sospensjoni jew anke l-irtirar ta' l-awtorizzazzjoni li għaliha ssir referenza fl-Artikolu 5A(1)(a)(ii).
L-Istati Membri għandhom, meta jittrasponu d-dispożizzjonijiet fil-leġislazzjoni nazzjonali tagħhom, jistabbilixxu l-miżuri li huma sejrin jieħdu biex jirrimedjaw in-nuqqasijiet osservati.
3. Meta jiġi stabbilit fl-Istat Membri ta' transitu jew ta' destinazzjoni mill-awtorità kompetenti ta' wieħed minn dawk l-Istati Membri li impriża ta' trasport mhijiex tħares id-dispożizzjonijiet ta' din id-Direttiva, għandhom jagħmlu kuntatt mingħajr dewmien ma’ l-awtorità kompetenti ta' l-Istat Membru li ta' l-awtorizzazzjoni. Din ta' l-aħħar għandha tieħu l-miżuri meħtieġa kollha, b'mod partikolari dawk stabbiliti fil-paragrafu 2. Għandha tgħarraf id-deċiżjoni meħuda u r-raġunijiet għal dan lill-awtorità kompetenti ta' l-Istat Membru fejn ġie stabbilit il-ksur ta' liġi u lill-Kummissjoni.
Il-Kummissjoni għandha tgħarraf regolarment lill-Istati Membri l-oħra dwar dan.
4. L-Istati Membri għandhom, huma u jaġixxu skond id-dispożizzjonijiet stabbiliti fid-Direttiva 89/608/KEE ( 17 ), jipprovdu lil xulxin b'assistenza reċiproka meta japplikaw din id-Direttiva, b'mod partikolari, sabiex jiżguraw konformità mad-dispożizzjonijiet ta' dan l-Artikolu.
Meta jiġi stabbilit li jkunu seħħu xi ksur ta' liġi serji jew ripetuti, kemm-il darba l-possibiltajiet kollha li jkunu jistgħu ngħataw mill-assistenza reċiproka ikunu ġew eżawriti u wara li jkunu saru kuntatti bejn il-partijiet u l-Kummissjoni, l-Istat Membru li fih ġew stabbiliti l-ksur ta' liġi jista’ temporanjament jipprojbixxi lit-trasportatur li huwa implikat milli jittrasporta annimali fuq it-territorju tiegħu.
5. Dan l-Artikolu m'għandux jaffettwa r-regoli nazzjonali li japplikaw għal sanzjonijiet penali.
L-Artikolu 19
Din id-Direttiva għandha tkun tapplika mingħajr preġudizzju għall-obbligi li joħorġu mill-leġislazzjoni doganali.
L-Artikolu 20
Id-Direttivi 77/489/KEE u 81/389/KEE għandhom jitħassru mhux aktar tard mid-data li hemm referenza għaliha fl-Artikolu 21.
L-Artikolu 21
1. L-Istati Membri għandhom idaħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa għall-konformità ma’ din id-Direttiva qabel l-1 ta’ Jannar 1993. Għandhom minnufih javżaw b’dan lill-Kummissjoni.
2. Meta l-Istati Membri jaddottaw dawn il-dispożizzjonijiet, għandhom jkun fihom referenza għal din id-Direttiva jew għandhom ikunu akkumpanjati b’dik ir-referenza fl-okkażżjoni tal-pubblikazzjoni uffiċjali tagħhom. Il-metodi ta’ kif issir dik ir-referenza għandhom ikunu stabbiliti mill-Istati Membri.
L-Artikolu 22
Din id-Direttiva hija indirizzata lill-Istati Membri.
L-ANNESS
IL-KAPITOLU I
SOLIPEDI (B’DIFER WIEĦED) DOMESTIĊI U ANNIMALI DOMESTIĊI TA’ L-ISPEĊI TAL-FART, NAGĦAĠ, MOGĦOŻ U MAJJALI;
A. Dispożizzjonijiet ġenerali
1. Annimali tqal li x’aktarx iweldu matul it-traspost jew annimali li jkunu weldu matul it-48 ta’ qabel, u annimali li jkunu għadhom kif twieldu li ż-żokra tagħhom tkun għada ma fieqitx għal kollox, m’għandhomx jitqiesu bħala b’saħħithom biżżejjed biex jinġarru. ►A1 B'dana kollu, l-Isvezja tista', għal terminu transitorju ta' tlett snin mid-data tad-dħul fis-seħħ tat-Trattat ta' l-Adeżjoni, iżżomm ir-regoli nazzjonali aktar stretti tagħha għal trasport li jkollu l-punt tat-tluq u l-punt tal-wasla tiegħu fit-territorju tagħha għall-baqar li jkunu f'gestazzjoni u l-għoġġiela li għadhom kemm twieldu. ◄
(a) L-annimali għandhom ikunu pprovduti bi spazju biżżejjed biex joqgħodu bil-wieqfa fil-pożizzjoni naturali tagħhom u, fejn meħtieġ, b’diviżjonijiet biex jipproteġu lill-annimali miċ-ċaqlieq matul it-trasport. Sakemm kondizzjonijiet speċjali għall-protezzjoni ta’ l-annimali ma jeħtieġux xort’oħra, għandu jkun ipprovdut spazju biex dawn ikunu jistgħu jimteddu.
(b) Il-mezzi tat-trasport u l-kontenituri għandhom ikunu magħmula u mħaddma sabiex jipproteġu lill-annimali kontra temp ħażin u d-differenzi kbar fil-kondizzjonijiet klimatiċi. Il-ventilazzjoni u l-ispazju ta’ l-arja għandhom ikunu bi qbil mal-kondizzjonijiet tat-trasport u addattati għall-ispeċi ta’ l-annimali li jkunu jinġarru.
Għandu jiġi provdut spazju biżżejjed ġewwa l-kompartament ta' l-annimali u f'kull wieħed mill-livelli tiegħu sabiex jiġi żgurat li jkun hemm ventilazzjoni adegwata fuq l-annimali meta jkunu f'pożizzjoni naturali bil-wieqfa mingħajr ma jkun mfixkel il-moviment naturali tagħhom għal ebda raġuni.
(ċ) Il-mezzi tat-trasport u l-kontenituri għandhom ikunu jistgħu jitnaddfu malajr, li l-animali ma jistgħux jaħarbu minnhom u għandhom ikunu hekk mibnija u operati li jipprevjenu l-korriment u t-tbatija bla bżonn ta’ l-annimali u li tiġi assigurata s-sigurtà tagħhom matul it-trasport. Il-kontenituri li fihom jinġarru l-annimali għandhom ikunu mmarkati b’simbolu li jindika l-preżenza ta’ l-annimali ħajjin u b’sinjal li jindika l-pożizzjoni wieqfa ta’ l-annimali. Għandhom jippermettu għall-ispezzjoni u l-kura ta’ l-annimali u għandhom ikunu maħżuna b’dak il-mod li ma jfixkux il-ventilazzjoni. Matul it-trasport u l-immaniġġar, il-kontenituri għandhom dejjem jinżammu f’pożizzjoni wieqfa u m’għandhomx jiġu esposti għal skossi jew tregħid.
(d) Matul it-trasport l-annimali jridu jerċievu ilma u ikel adattat fl-intervalli stabbiliti għal dan l-iskop fil-Kapitolu VII.
(e) Is-solipedi għandhom jilbsu kappestru matul it-trasport. Din id-dispożizzjoni m’għandhiex tiġi applikata għalxi felu mhux miftum jew għall-annimali li jinġarru f’kaxxi individwali.
(f) Meta l-annimali jkunu marbuta, il-ħbula jew irbit l-ieħor użat għandu jkun b’saħħtu biżżejjed li ma jinqatax matul il-kondizzjonijiet normali tat-trasport, u twal biżżejjed biex ikunu jippermettu lill-annimali, fejn meħtieġ, li jimteddu u li jieklu u jixorbu, u għandhom ikunu ddisinjati b’dak il-mod li jiġi eliminat kull perikolu ta’ tgħalliq jew korriment. L-annimali m’għandhomx jintrabtu mill-qrun jew miċ-ċirku ma’ l-imnieħer.
(g) Is-solipedi għandhom jinġarru f’kontenituri jew f’kaxxi individwali li huma maħsuba biex jipproteġu lill-annimali kontra l-iskossi. Iżda, annimali bħal dawk jistgħu jinġarru fi gruppi; f’dak il-każ, għandha tingħata kura biex jiġi assigurat li l-annimali li huma ostili lejn xulxin ma jinġarrux flimkien jew meta jinġarru flimkien, ikollhom id-dwiefer ta’ wara mhux imniegħla.
(h) Is-solipedi m’għandhomx jinġarru f’vetturi ta’ aktar minn sular wieħed.
(a) Meta annimali ta’ speċi differenti jivvjaġġaw fl-istes mezzi ta’ trasport għandhom jiġu ssegregati skond l-ispeċi, ħlief fil-każ ta’ annimali kumpanji fejn is-separazzjoni tista’ toħloq tbatija. Aktar minn hekk, għandhom jittieħdu miżuri speċjali biex jiġu evitati reazzjonijiet kuntrarji li jistgħu jirriżultaw mit-trasport fl-istess kunsinna ta’ annimali naturalment ostili għal xulxin. Meta annimali ta’ etajiet differenti jinġarru fl-istess trasport, l-adulti u ż-żgħar għandhom jinżammu separati; din ir-restrizzjoni m’għandhiex, iżda, tgħodd għall-nisa li jivvjaġġaw maż-żgħar tagħhom li jkunu jreddu. L-irġiel adulti mhux kastrati għandhom jinżammu separati minn majjali femminili selvaġġi. Adulti tat-tgħammir għandhom jinżammu separati minn xulxin. Dan għandu jkun jgħodd ukoll għaż-żwiemel. Dawn id-dispożizzjonijiet għandhom japplikaw biss sal-limitu li l-annimali ma jkunux trabbew fi gruppi kompatibbli jew ma jkunux imdorija ma xulxin.
(b) Fil-kompartimenti li fihom jinġarru l-annimali, m’għandhomx jinġarru oġġetti li jistgħu jippreġudikaw il-qagħda ta’ l-annimali.
4. Għandu jintuża apparat addattat għat-tagħbija u l-ħatt ta’ l-annimali, bħal pontijiet, rampi jew skali. L-art ta’ dan l-apparat għandha tkun mibnija b’dak il-mod li ma tkunx tiżloq, u l-apparat għandu jiġi pprovdut bi protezzjoni laterali meta hekk ikun meħtieġ. Matul it-trasport l-annimali m’għandhomx jiddendlu b’mezzi mekkaniċi, lanqas merfugħa jew imkaxkra minn rashom, mil-qrun, minn saqajhom, minn denbhom jew mill-pil. B’żieda, l-użu ta’ niġġieża elettriċi għandu jiġi evitat sa fejn hu possibbli.
5. L-art tal-mezzi tat-trasport jew tal-kontenitur għandha tkun b’saħħitha biżżejjed li tkun tiflaħ għall-piż ta’ l-annimali li jkunu qed jinġarru. Għandha tkun ta’ disinn li ma tiżloqx; jekk ikun hemm xi spazji jew perforazzjonijiet dawn għandhom ikunu kompletament lixxi biex jevitaw xi korriment ta’ l-annimali. L-art għandha tkun mgħottija b’materjal biżżejjed li jassorbi l-ħmieġ sakemm dan ma jkunx jista’ jiġi ttrattat xort’oħra li ta’ l-anqas tkun tofri l-istess vantaġġi jew sakemm il-ħmieġ ma jitneħħiex regolarment.
6. Sabiex tkun assigurata l-kura meħtieġa ta’ l-annimali matul it-trasport, kunsennji ta’ merħliet għandhom ikunu akkumpanjati minn lavrant, ħlief fil-każijiet li ġejjin.
(a) meta l-annimali jinġarru f’kontenituri li jkunu maqfula, ivventilati kif imiss u, fejn meħtieġ, li jkun fihom ikel u ilma biżżejjed, f’kontenituri li ma jistgħux jinqalbu, matul vjaġġ li jkun ta’ tul id-doppju ta’ dak mistenni;
(b) meta t-trasportatur jaqdi l-funzjonijiet ta’ lavrant;
(ċ) meta l-konsenjatur ikun ħatar aġent biex jieħu ħsieb l-annimali fil-punti xierqa ta’ waqfien.
(a) Il-lavrant jew l-aġent tal-konsenjatur għandu jieħu ħsieb l-annimali, jitmagħhom u jtihom l-ilma u, fejn meħtieġ, jaħlibhom.
(b) Baqar bil-ħalib għandhom jinħalbu f’intervalli ta’ xi 12-il siegħa imma li ma jeċċedux il-15-il siegħa.
(ċ) biex il-lavrant ikun jista’ jagħti din il-kura, għandu, fejn meħtieġ, ikollu disponibbli mezzi addattati tad-dawl.
8. L-annimali għandhom jitgħabbew biss f’mezzi tat-trasport li jkun ġew imnaddfa sewwa u fejn xieraq, iddisinfettati. Annimali mejta, skart u ħmieġ għandhom jitneħħew kemm jista’ jkun malajr.
B. Dispożizzjonijiet speċjali għat-trasport bil-ferrovija
9. Kull vagun tal-ferrovija wżat fit-trasport ta’ l-annimali għandu jiġi mmarkat b’simbolu li jindika l-preżenza ta’ l-annimali ħajjin, sakemm l-annimali ma jkunux qed jinġarru f’kontenituri. Jekk ma jkunux jistgħu jiġu akkwistati vaguni speċjalment addatati għat-trasport ta’ l-annimali, l-annimali għandhom jinġarru f’vaguni mgħottija li huma kapaċi li jigu misjuqa b’veloċità għolja u li jkunu pprovduti b’ventilaturi kbar għall-arja jew b’sistema ta’ ventilazzjoni li tkun effettiva wkoll f’veloċità baxxa. Il-ħitan ta’ ġewwa tal-vaguni għandhom ikunu ta’ l-injam jew xi materjal addattat ieħor, kompletament lixx u mgħammra bi ċrieki jew vireg, f’għoli addatat, li magħhom ikunu jistgħu jintrabtu l-annimali.
10. Meta ma jinġarrux f’kaxxi individwali, is-solipedi għandhom jiġu marbuta b’dak il-mod li jkunu kollha jħarsu lejn l-istess ġenb tal-vettura jew marbuta jħarsu lejn xulxin. Iżda, l-felu u l-annimali mhux miftuma m’għandhomx jintrabtu.
11. L-annimali l-kbar għandhom jitgħabbew b’dak il-mod li jkun jippermetti lill-lavrant li jidħol bejnithom.
12. Meta, skond il-punt 3(a), tkun meħtieġa s-segregazzjoni ta’ l-annimali, dan jista’ jsir jew billi jintrabtu f’partijiet separati tal-vagun, jekk l-ispazju jkun jippermetti, jew bil-mezz ta’ diviżjonijiet addattati.
13. Meta jkun qed jintramaw il-ferroviji jew matul kull ċaqliq ieħor tal-vaguni għandha tittieħed kull prekawzjoni biex jiġi evitat kull tip ta’ skoss tal-vaguni li jkun fihom l-annimali.
Ċ. Dispożizzjonijiet speċjali għat-trasport bl-art
14. Il-vetturi għandhom ikunu b’dak il-mod li l-annimali ma jkunux jistgħu jaħarbu minnhom u hekk mibnija li tiġi assigurata s-sigurtà ta’ l-annimali u għandhom ikunu mgħammra b’saqaf biex tkun assigurata l-protezzjoni kontra t-temp. ►A1 B'dana kollu, għal terminu transitorju ta' sentejn mid-data tad-dħul fis-seħħ tat-Trattat ta' l-Adeżjoni, l-obbligazzjoni li jkun provdut saqaf għat-trasport ta' ċriev ta' l-artiku (reindeer) m'hiex meħtieġa. Wara l-opinjoni tal-Kumitat Xjentifiku Veterinarju, il-Kummissjoni, skond il-proċedura prevista fl-Artikolu 17, tista' tiddeċiedi li żżomm din id-deroga. ◄
15. Faċilitajiet għall-irbit għandhom jiġu pprovduti fil-vetturi wżati għat-trasport ta’ l-annimali kbar li normalment ikun hemm il-ħtieġa li jiġu marbuta. Meta jkun meħtieġ li l-vetturi jkunu sub-diviżi, id-diviżjonijiet għandhom ikunu ta’ kostruzzjoni riġida.
16. Il-vetturi għandhom iġorru l-apparat addattat li jkun konformi mal-ħtiġiet tal-paragrafu 4.
D. Dispożizzjonijiet speċjali għat-trasport fuq l-ilma
17. L-aċċessorji tal-vapuri għandhom ikunu tali li l-annimali jkunu jistgħu jiġu trasportati mingħajr ma jkorru jew tbatija bla bżonn.
18. L-annimali m’għandhomx jinġarru fuq gvieret miftuħa sakemm ma jkunux f’kontenituri marbuta kif imiss jew strutturi oħra, approvati mill-awtorità kompetenti u li jagħtu protezzjoni xierqa kontra l-baħar u l-maltemp.
19. L-annimali għandhom jintrabtu jew jiġu akkomodati kif imiss f’mandri jew f’kontenituri.
20. Għandu jkun hemm passaġġi adekwati li jagħtu aċċess għal mandri, kontenituri jew vetturi li jakkomodaw lill-annimali. Għandu jkun hemm disponibbli faċilitajiet adekwati ta’ dawl.
21. Għandu jiġi pprovdut numru biżżejjed ta’ lavranti billi jittieħed akkont tan-numru ta’ l-annimali ttrasportati u t-tul tal-vjaġġ.
22. Il-partijiet kollha tal-vaput ta’ fejn ikunu akkomodati l-annimali għandhom ikunu pprovduti bi dranaġġ u għandhom jinżammu f’kondizzjoni sanitarja.
23. Għandu jinġarr tip ta’ strument approvat mill-awtorità kompetenti għall-qatla ta’ l-annimali jekk hekk ikun meħtieġ.
24. Il-vapuri wżati fit-trasport ta’ l-annimali għandhom, qabel ma jbaħħru, jiġu pprovduti bi provvista biżżejjed ta’ ilma tax-xorb — meta ma jkunux armati b’sistema addattata li tipprovdi l-produzzjoni tiegħu — u għalf xieraq, wara li jingħata akkont ta’ l-ispeċi u n-numru ta’ l-annimali li jkunu qed jinġarru kif ukoll għat-tul tal-vjaġġ.
25. Għandhom isiru dispożizzjonijiet biex ikunu iżolati annimali li jimirdu jew ikorru matul il-vjaġġ u biex tingħata l-ewwel għajnuna, fejn meħtieġ.
(a) Meta l-annimali jinġarru f’vaguni tal-ferrovija abbord vapur, għandha tingħata kura speċjali biex jiġi assigurat li tkun ipprovduta ventilazzjoni xierqa għall-annimali matul il-vjaġġ kollu. Il-paragrafi 17 sa 19 m’għandhomx japplikaw għat-trasport ta’ l-annimali mgħobbija f’vaguni tal-ferrovija jew fuq vetturi tat-triq abbord laneċ jew vapuri simili.
(b) Meta l-annimali jinġarru f’vetturi tat-triq abbord vapuri, il-miżuri li ġejjin għandhom japplikaw:
(i) il-kompartimenti ta’ l-annimali għandhom ikunu mwaħħla sewwa mal-vettura; il-vettura u l-kompartimenti ta’ l-annimali għandhom ikunu mgħammra b’faċilitajiet adekwati ta’ rbit li jkunu jippermettu li jiġu marbuta sew mal-bastiment. Fuq il-gverta mgħottija ta’ bastiment roll-on/roll-off, għandha tinżamm ventilazzjoni suffiċjenti għan-numru ta’ vetturi ttrasportati. Fejn possibbli, vettura għat-trasport ta’ l-annimali għandha titqiegħed viċin dħul ta’ l-arja friska.
(ii) il-kompartiment ta’ l-annimali għandu jkollhom numru suffiċjenti ta’ ventilaturi jew mezzi oħra biex jiġi assigurat li jkun ventilat kif xieraq, waqt li jingħata akkont li l-kurrenti ta’ l-arja huma ristretti fl-ispazju magħluq ta’ l-istiva tal-vapur għall-vetturi. Għandu jkun hemm spazju biżżejjed gewwa l-kompartiment ta’ l-annimali u f’kull wieħed mill-livelli tiegħu biex ikun assigurat li jkun hemm ventilazzjoni biżżejjed fuq l-annimali meta jkun bil-wieqfa fil-pożizzjoni naturali;
(iii) għandu jiġi provdut aċċess dirett għal kull parti tal-kompartiment ta’ l-annimali sabiex l-annimali jkunu jistgħu, fejn meħtieġ, jiġu kkurati, mitmugħa u mogħtija l-ilma matul il-vjaġġ.
E. Dispożizzjonijiet speċjali għat-trasport bl-ajru
27. L-annimali għandhom jiġu trasportati f’kontenituri, f’maqjel jew fi stalel addattati għall-ispeċi, li jkunu konformi mill-anqas mar-regolamenti l-aktar riċenti ta’ l-IATA dwar annimali ħajjin.
28. Għandhom jittieħdu prekawzjonijiet biex jiġu evitati temperaturi għoljin ħafna jew baxxi ħafna abbord, wara li jingħata akkont ta’ l-ispeċi ta’ l-annimali. B’żieda, differenzi kbar fil-pressjoni ta’ l-arja għandhom jiġu evitati.
29. Fl-ajruplani tat-tagħbija għandu jinġarr strument approvat mill-awtorità kompetenti għall-qatla ta’ l-annimali meta hekk ikun meħtieġ.
IL-KAPITOLU II
TJUR, GĦASAFAR DOMESTIĊI U FNIEK DOMESTIĊI
30. Id-dispożizzjonijiet li ġejjin tal-Kapitolu I għandhom japplikaw mutatis mutandis għall-ġarr ta’ tjur, għasafar domestiċi u fniek domestiċi: il-paragrafi 2(a), (b) u (c), 3, 5, 6, 8, 9, 13, 17 sa 22 inklużi, 24 u 26 sa 29 inklużi.
31. Għandu jkun disponibbli ikel u xorb addattat fi kwantitajiet biżżejjed, ħlief fil-każ ta’:
(i) vjaġġi li jdumu anqas minn 12-il siegħa, mingħajr ma jingħata akkont tal-ħin tat-tagħbija u l-ħatt;
(ii) vjaġġi li jdumu anqas minn 24 siegħa għall-flieles ta’ kull speċi, basta li jintemmu fi żmien 72 siegħa wara li jfaqqsu.
IL-KAPITOLU III
KLIEB DOMESTIĊI U QTATES DOMESTIĊI
32. Mingħajr preġudizzju għall-Artikolu 1(2)(a), id-dispożizzjonijiet li ġejjin tal-Kapitolu I għandhom japplikaw mutatis mutandis għat-trasport tal-klieb domestiċi u tal-qtates domestiċi: il-paragrafu 1, il-paragrafu 2(a), (b) u (ċ), il-paragrafi 3, 5, 6, il-paragrafu 7(a) u (ċ), il-paragrafi 8, 9, 12, 13, 15 u 17 sa 29 inklużi.
33. L-annimali li jkun qed jinġarru għandhom jiġu mitmugħa f’intervalli ta’ mhux aktar minn 24 siegħa u mogħtija l-ilma f’intervalli ta’ mhux aktar minn 12-il siegħa. Għandu jkun hemm istruzzjonijiet ċari bil-miktub dwar it-tmiegħ u l-għoti ta’ l-ilma. Nisa fl-oestrus għandhom jiġu separati mill-irġiel.
IL-KAPITOLU IV
MAMMIFERI OĦRA U GĦASAFAR
|
34. |
(a) Id-dispożizzjonijiet ta’ dan il-kapitolu għandhom japplikaw għat-trasport ta’ dawk il-mammiferi u l-għasafar li mhumiex diġa koperti bid-dispożizzjonijiet tal-kapitoli ta’ qabel. (b) Id-dispożizzjonijiet li ġejjin tal-Kapitolu I għandhom japplikaw mutatis mutandis għall-ġarr ta’ l-ispeċi kkonċernati f’dan il-Kapitolu: il-paragrafu 1, il-paragrafu 2(a), (b) u (ċ), il-paragrafi 3(b), 4, 5, 6, il-paragrafu 7(a) u (ċ), il-paragrafi 3(b), 4, 5, 6, il-paragrafu 7(a) u (ċ), il-paragrafi 8, 9, u 13 sa 29 inklużi. |
|
35. |
Mingħajr preġudizzju għall-Artikolu 3(1)(b), annimali biss li huma addattati għat-trasport u li jkunu fi stat tajjeb ta’ saħħa għandhom jiġu ttrasportati. Annimali li jkunu fi stat ovvju avanzat ta’ tqala jew annimali li jkunu weldu riċentement, kif ukoll annimal tat-twelid li ma jkunux kapaċi li jieklu waħidhom u li ma jkunux akkumpanjati minn ommhom, m’għandhomx jitqiesu bħala li jkunu fi stat tajjeb għat-trasport. Dawn id-dispożizzjonijiet jistgħu jiġu eżentati f’każijiet eċċezzjonali jekk ikun meħtieġ fl-interess ta’ l-annimali li jivvjaġġaw għall-post fejn tkun tista’ tingħata l-kura meħtieġa. |
|
36. |
M’għandux jingħata loppju jekk mhux f’ċirkostanzi eċċezzjonali u allura biss taħt is-superviżjoni diretta ta’ veterinarju. Id-dettalji tal-loppju għandhom jakkumpanjaw lill-annimal sad-destinazzjoni tiegħu. |
|
37. |
L-annimali għandhom jiġu trasportati biss f’mezzi tat-trasport mibnija kif imiss, li fuqhom, fejn meħtieġ, għandu jitwaħħal avviż li juri li l-annimali fihom ikunu selvaġġi, timidi jew perikolużi. B’żieda, għandhom jakkumpanjaw lill-annimali struzzjonijiet ċari bil-miktub dwar it-tmiegħ u l-għoti ta’ l-ilma u dwar xi kura speċjali meħtieġa. L-annimali koperti bis-Cites għandhom jiġu ttrasportati skond id-dispożizzjonijiet l-aħtar riċenti tal-linji ta’ gwida Cites għat-trasport u t-tħejjija bil-baħar ta’ annimali ħajjin u pjanti ferjali. Fil-każ ta’ ġarr bl-ajru, għandhom ikunu ttrasportati skond ir-regoli l-aktar riċenti ta’ l-IATA li jirregolaw mal-ġarr ta’ annimali ħajjin. Għandhom jitwasslu sad-destinazzjoni tagħhom kemm jista’ jkun malajr. |
|
38. |
L-annimali koperti b’dan il-Kapitolu għandhom jiġu kkurati skond l-istruzzjonijiet u l-linji ta’ gwida li hemm referenza dwarhom fil-paragrafu 37. |
|
39. |
Għandu jkun hemm perjodu xieraq għaż-żamma u l-ikkondizzjonar ta’ l-annimali qabel ma jintbagħtu bil-baħar li matulu għandhom, jekk meħtieġ, jiddaħħlu gradwalment fil-kontenituri tagħhom. |
|
40. |
Annimali ta’ speċi differenti m’għandhomx jitqegħdu fl-istess kontenitur. Apparti minn hekk, l-annimali ta’ l-istess speċi m’għandhomx jitqegħdu fl-istess kontenitur sakamm ma jkunx magħruf li jkunu kompatibbli ma xulxin. |
|
41. |
Annimali tar-razza taċ-ċriev m’għandhomx jinġarru waqt li l-qrun taċ-ċerv ikunu bellusin. |
|
42. |
L-għasafar għandhom jinġarru f’nofs dlam. |
|
43. |
Mingħajr preġudizzju għall-miżuri speċjali li għandhom jittieħdu bi qbil mal-Artikolu 3(3), il-mammiferi marini għandu jkollhom l-attenzjoni kontinwa ta’ lavrant ikkwalifikat. Il-kontenituri m’għandhomx jitgħabbew fuq xulxin. |
|
44. |
(a) Għandu jkun hemm ventilazzjoni addizzjonali permezz ta’ toqob ta’ daqs addatat fil-ħitan kollha tal-kontenitur biex jiġi assigurat li jkun hemm kurrenti addattati ta’ arja f’kull waqt. Dawn it-toqob għandhom ikun ta’ daqs li ma jippermettux lill-annimali li jiġu f’kuntatt mal-persuni li jimmaniġġaw il-kontenitur jew milli jweġġu lilhom infushom. (b) Vireġ spazjati ta’ daqs adekwat għandhom ikunu mwaħħla mal-ħitan kollha, is-soqfa u l-bażi tal-kontenituri biex ikun assigurat li jkun hemm kurrent ħieles ta’ l-arja għall-annimali fil-każ ta’ tagħbija fuq xulxin jew ħażna viċina tal-merkanzija. |
|
45. |
L-annimali m’għandhomx jitqegħdu viċin ta’ l-ikel jew f’postijiet li għalihom ikollhom aċċess persuni mhux awtorizzati. |
IL-KAPITOLU V
ANNIMALI OĦRA VERTEBRATI U ANNIMALI TA’ DEMMHOM KIESAĦ
46. Annimali vertebrati u annimali ta’ demmhom kiesaħ oħrajn għandhom jinġarru f’tali kontenituri, permezz ta’ kondizzjonijiet tali, b’mod partikolari fir-rigward ta’ spazju, ventilazzjoni, temperatura u sigurezza, u b’dik il-provvista ta’ l-ilma u l-ossiġenu adattati għall-ispeċi kkonċernata. L-annimali koperti mis-Cites għandhom ikunu ttrasportati bi qbil mad-dispożizzjonijiet l-aktar riċenti tal-linji ta’ gwida Cites għat-trasport u t-tħejjija bil-baħar ta’ annimali ħajjin u pjanti ferjali. Fil-każ ta’ ġarr bl-ajru, għandhom ikunu ttrasportati bi qbil mar-regoli l-aktar riċenti ta’ l-IATA li jirregolaw il-ġarr ta’ annimali ħajjin. Għandhom jitwasslu sad-destinazzjoni tagħhom kemm jista’ jkun malajr.
IL-KAPITOLU VI
47. DENSITAJIET TA' TAGĦBIJA
A. ANNIMALI DOMESTIĊI BI DWIEFER SODI
Trasport bil-ferrovija
|
Żwiemel adulti |
1,75 m2 (0,7 x 2,5 m) (1) |
|
Żwiemel żgħar (6 — 24 xhur) (għal vjaġġi sa 48 siegħa) |
1,2 m2 (0,6 x 2m) |
|
Żwiemel żgħar (6 — 24 xhur) (għal vjaġġi l fuq minn 48 siegħa) |
2,4 m2 (1,2 x 2m) |
|
Ponijiet (taħt 144 ċm) |
1m2 (0,6 x 1,8 m) |
|
Moħor (0 — 6 xhur) |
1,4 m2 (1 x 1,4 m) |
|
(1) Il-wisa’ standard ta' vaguni li tista’ tintuża hija 2,6 sa 2,7 m. NB: Matul vjaġġi twal, il-moħor u ż-żwiemel żgħar iridu jkunu jistgħu jimteddu. |
|
Dawn il-figuri jistgħu ivarjaw b'massimu ta' 10 % għal żwiemel u ponijiet adulti u b'massimu ta' 20 % għal żwiemel żgħar u moħor, u jiddependu mhux biss fuq il-piż u d-daqs taż-żwiemel imma anke fuq il-kondizzjoni fiżika, il-kondizzjonijiet meterjoloġiċi u l-ħin tal-vjaġġ mistenni.
Trasport bit-triq
|
Żwiemel adulti |
1,75 m2 (0,7 x 2,5 m) |
|
Żwiemel żgħar (6 — 24 xhur) (għal vjaġġi sa 48 siegħa) |
1,2 m2 (0,6 x 2m) |
|
Żwiemel żgħar (6 — 24 xhur) (għal vjaġġi l fuq minn 48 siegħa) |
2,4 m2 (1,2 x 2m) |
|
Ponijiet (taħt 144 ċm) |
1 m2 (0,6 x 1,8 m) |
|
Moħor (0 — 6 xhur) |
1,4 m2 (1 x 1,4 m) |
|
NB: Matul vjaġġi twal, il-moħor u ż-żwiemel żgħar iridu jkunu jistgħu jimteddu. |
|
Dawn il-figuri jistgħu jvarjaw b'massimu ta' 10 % għal żwiemel u ponijiet adulti u b'massimu ta' 20 % għal żwiemel żgħar u moħor, u jiddependu mhux biss fuq il-piż u d-daqs taż-żwiemel imma anke fuq il-kondizzjoni fiżika, il-kondizzjonijiet meterjoloġiċi u l-ħin tal-vjaġġ mistenni.
Trasport bl-ajru
Densità ta' tagħbija ta' żwiemel għar-rigward ta' l-arja tal-wiċċ
|
0 — 100 kg |
0,42 m2 |
|
100 — 200 kg |
0,66 m2 |
|
200 — 300 kg |
0,87 m2 |
|
300 — 400 kg |
1,04 m2 |
|
400 — 500 kg |
1,19 m2 |
|
500 — 600 kg |
1,34 m2 |
|
600 — 700 kg |
1,51 m2 |
|
700 — 800 kg |
1,73 m2 |
Trasport bil-baħar
|
Piż ħaj f'kg |
m2/annimal |
|
200/300 |
0,90/1,175 |
|
200/400 |
1,175/1,45 |
|
400/500 |
1,45/1,725 |
|
500/600 |
1,725/2 |
|
600/700 |
2/2,25 |
B. BHEJJEM TAL-FART
Trasport bil-ferrovija
|
Kategorija |
Piż approssimattiv (f'kg) |
Erja f'm2 għal kull annimal |
|
Għoġġiela żgħar |
55 |
0,30 sa 0,40 |
|
Għoġġiela ta' daqs medju |
110 |
0,40 sa 0,70 |
|
Għoġġiela kbar |
200 |
0,70 sa 0,95 |
|
Frat ta' daqs medju |
325 |
0,95 sa 1,30 |
|
Frat tqil |
550 |
1,30 sa 1,60 |
|
Frat tqil ħafna |
>700 |
[> 1,60] |
Dawn il-figuri jistgħu jvarjaw, u jiddependu mhux biss fuq il-piż u d-daqs ta' l-annimali imma wkoll fuq il-kondizzjoni fiżika, il-kondizzjonijiet meterjoloġiċi u l-ħin tal-vjaġġ mistenni.
Trasport bit-triq
|
Kategorija |
Piż approssimattiv (f'kg) |
Erja f'm2 għal kull annimal |
|
Għoġġiela żgħar |
50 |
0,30 sa 0,40 |
|
Għoġġiela ta' daqs medju |
110 |
0,40 sa 0,70 |
|
Għoġġiela kbar |
200 |
0,70 sa 0,95 |
|
Frat ta' daqs medju |
325 |
0,95 sa 1,30 |
|
Frat tqal |
550 |
1,30 sa 1,60 |
|
Frat tqal ħafna |
>700 |
[> 1,60] |
Dawn il-figuri jistgħu jvarjaw, u jiddependu mhux biss fuq il-piż u d-daqs ta' l-annimali imma wkoll fuq il-kondizzjoni fiżika, il-kondizzjonijiet meterjoloġiċi u l-ħin tal-vjaġġ mistenni.
Trasport bl-ajru
|
Kategorija |
Piż approssimattiv (f'kg) |
Erja f'm2 għal kull annimal |
|
Għoġiela |
50 |
0,23 |
|
70 |
0,28 |
|
|
Frat |
300 |
0,84 |
|
500 |
1,27 |
Trasport bil-baħar
|
Piż ħaj f'kg |
m2/annimal |
|
200/300 |
0,81/1,0575 |
|
200/400 |
1,0575/1,305 |
|
400/500 |
1,305/1,5525 |
|
500/600 |
1,5525/1,8 |
|
600/700 |
1,8/2,025 |
Annimali tqal irid ikollhom 10 % aktar spazju.
Ċ. NAGĦAĠ/MOGĦOŻ
TRASPORT BIL-FERROVIJA
|
Kategorija |
Piż f'kg |
Erja f'm2 għal kull annimal |
|
Nagħaġ imġiżż |
< 55 |
0,20 sa 0,30 |
|
>55 |
>0,30 |
|
|
Nagħaġ mhux imġiżż |
< 55 |
0,30 sa 0,40 |
|
>55 |
>0,40 |
|
|
Nagħaġ fi tqala avvanzata |
< 55 |
0,40 sa 0,50 |
|
>55 |
>0,50 |
|
|
Mogħoż |
< 35 |
0,20 sa 0,30 |
|
35 sa 55 |
0,30 sa 0,40 |
|
|
>55 |
0,40 sa 0,75 |
|
|
Mogħoż fi tqala avvanzata |
< 55 |
0,40 sa 0,50 |
|
>55 |
>0,50 |
L-erja tal-wiċċ indikat fuq jista’ jvarja skond ir-razza, id-daqs, il-kondizzjonijiet fiżiċi u t-tul tas-suf ta' l-annimali, kif ukoll skond il-kondizzjonijiet meterjoloġiċi u l-ħin tal-vjaġġ.
Trasport bit-triq
|
Kategorija |
Piż f'kg |
Arja f'm2 għal kull annimal |
|
Nagħaġ u ħrief imġiżża ta' 26 kg u fuqhom |
< 55 |
0,20 sa 0,30 |
|
>55 |
> 0,30 |
|
|
Nagħaġ mhux imġiżż |
< 55 |
0,30 sa 0,40 |
|
>55 |
>0,40 |
|
|
Nagħaġ fi tqala avvanzata |
< 55 |
0,40 sa 0,50 |
|
>55 |
>0,50 |
|
|
Mogħoż |
< 35 |
0,20 sa 0,30 |
|
35 sa 55 |
0,30 sa 0,40 |
|
|
>55 |
0,40 sa 0,75 |
|
|
Mogħoż fi tqala avvanzata |
< 55 |
0,40 sa 0,50 |
|
>55 |
>0,50 |
L-erja tal-wiċċ indikat fuq jista’ jvarja skond ir-razza, id-daqs, il-kondizzjonijiet fiżiċi u t-tul tas-suf tal-annimali, kif ukoll il-kondizzjonijiet meterjoloġiċi u l-ħin tal-vjaġġ. Bħala indikazzjoni: għall-ħrief żgħar, erja ta' taħt il-0,2 m2 kull annimali tista’ tiġi provduta.
Trasport bl-ajru
Densità ta' tagħbija għall-mogħoż u n-nagħaġ rigward l-erja tal-wiċċ:
|
Piż medju (f'kg) |
Erja tal-wiċċ għal kull nagħġa/mogħża (f'm2) |
|
25 |
0,20 |
|
50 |
0,30 |
|
75 |
0,40 |
Trasport bil-baħar
|
Piż ħaj f’ kg |
m2/annimal |
|
20/30 |
0,24/0,265 |
|
30/40 |
0,265/0,290 |
|
40/50 |
0,290/0,315 |
|
50/60 |
0,315/0,34 |
|
60/70 |
0,34/0,39 |
D. ĦNIEŻER
Trasport bil-ferrovija u bit-triq
Il-ħnieżer kollha jridu għal inqas ikunu jistgħu jimteddu u jqumu bil-wieqfa fil-posizzjoni naturali tagħhom.
Sabiex ikun hemm konformità ma’ dawn ir-rekwiżiti minimi, id-densità tat-tagħbija għall-ħnieżer ta' madwar 100 kg m'għandhiex teċċedi il-235 kg/m2.
Ir-razza, id-daqs u l-kondizzjoni fiżika tal-ħnieżer jistgħu jfissru li l-erja tal-wiċċ minima meħtieġa mogħtija hawn fuq trid tiżdied; żjieda massima ta' 20 % tista’ tkun meħtieġa wkoll skond il-kondizzjonijiet meterjoloġiċi u l-ħin tal-vjaġġ.
Trasport bl-ajru
Id-densità tat-tagħbija għandha tkun relattivament għolja sabiex jiġi evitat korriment meta jitilqu jew meta jinżlu lura fuq l-art jew fil-każ ta' turbulenza għalkemm l-annimali kollha xorta jridu jkunu jistgħu jimteddu. Il-klima, il-ħin totali tal-vjaġġ u s-siegħa meta jaslu għandhom jitqiesu meta tiġi miftiehma d-densità tat-tagħbija.
|
Piż medju |
Erja tal-wiċċ għal kull ħanżir |
|
15 kg |
0,13 m2 |
|
25 kg |
0,15 m2 |
|
50 kg |
0,35 m2 |
|
100 kg |
0,51 m2 |
Trasport bil-baħar
|
Piż ħaj f'kg |
m2/annimal |
|
10 jew inqas |
0,20 |
|
20 |
0,28 |
|
45 |
0,37 |
|
70 |
0,60 |
|
100 |
0,85 |
|
140 |
0,95 |
|
180 |
1,10 |
|
270 |
1,50 |
E. TJUR
|
Kategorija |
Spazju |
|
Flieles ta' jum wieħed |
21-25 ċm2 kull fellus |
|
Tjur li jiżen inqas minn 1,6 kg |
180 sa 200 ċm2/kg |
|
Tjur li jiżen 1,6 kg u aktar imma inqas minn 3 kg |
160 ċm2/kg |
|
Tjur li jiżen 3 kg u aktar imma inqas minn 5 kg |
115 ċm2/kg |
|
Tjur li jiżen 5 kg u aktar |
105 ċm2/kg |
Dawn il-figuri jistgħu jvarjaw skond mhux biss il-piż u d-daqs ta' l-għasafar imma wkoll skond il-kondizzjoni fiżika tagħhom, il-kondizzjonijiet meterjoloġiċi u l-ħin tal-vjaġġ mistenni.
IL-KAPITOLU VII
48. Interval ta' tisqija u ta' tmigħ, il-ħinijiet tal-vjaġġ u l-perjodi ta' mistrieħ
1. Ir-rekwiżiti stabbiliti f'dan il-Kapitolu jgħoddu għall-movimenti tal-ispeċi ta' elenkati fl-Artikolu 1(1)(a), minbarra fil-każ ta' trasport bl-ajru, li r-rekwiżiti tiegħu huma stabbiliti fil-Kapitolu I(E), punti 27 sa 29.
2. Il-ħinijiet tal-vjaġġ għall-annimali li jappartjenu għall-ispeċi li għalihom issir referenza fil-punt 1 m'għandhomx jeċċedu t-tmien sigħat.
3. Il-ħin ta' vjaġġ massimu fil-punt 2 jista’ jiġi estiż meta l-vettura tat-trasport tissodisfa r-rekwiżiti addizzjonali li ġejjin:
— ikun hemm saqqijiet biżżejjed fl-art tal-vettura,
— il-vettura tat-trasport iġġorr għalf xieraq għall-ispeċi ta' annimal trasportat u għall-ħin tal-vjaġġ,
— hemm aċċess dirett għall-annimali,
— ventilazzjoni adegwata hija possibbli u din tista’ tiġi aġġustata skond it-temperatura (ta' ġewwa u ta' barra),
— hemm panewwijiet mobbli biex jinħolqu kompartamenti separati,
— il-vetturi huma armati għal konnessjoni ma’ provvista ta' l-ilma meta jkunu wiefqa,
— fil-każ ta' vetturi għat-trasport tal-ħnieżer, irid jinġarr ilma suffiċjenti għat-tisqija matul il-vjaġġ.
4. L-intervalli ta' tmigħ u tat-tisqija, il-ħinijet tal-vjaġġ u l-perjodi ta' mistrieħ meta jintużaw l-vetturi tat-triq li jissodisfaw ir-rekwiżiti tal-punt 3 huma definiti kif ġej:
(a) Għoġiela, ħrief, gidien u moħor mhux miftuma li għadhom fuq dieta ta' ħalib u frieħ tal-ħanżir mhux miftuma jridu, wara disa’ sigħat ta' vjaġġ, jingħataw perjodu ta' mistrieħ ta' mill-inqas siegħa li tkun biżżejjed għalihom b'mod partikolari biex jingħataw likwidu u jekk ikun meħtieġ għalf. Wara dan il-perjodu ta' mistrieħ, jistgħu jiġu trasportati għal disa’ sigħat oħra.
(b) Il-ħnieżer jistgħu jiġu trasportati għal perjodu massimu ta' 24 siegħa. Matul il-vjaġġ, irid ikollhom aċċess kontinwu għall-ilma.
(ċ) Solidungulates domestiċi (minbarra equidae reġistrati fit-tifsira tad-Direttiva 90/426/EE ( 18 ) jistgħu jiġu trasportati għal perjodu massimu ta' 24 siegħa. Matul il-vjaġġ iridu jingħataw likwidi u jekk ikun meħtieġ għalf kull tmien sigħat.
(d) L-annimali l-oħra kollha ta' l-ispeċi li għalihom issir referenza fil-punt 1 iridu, wara 14-il siegħa ta' vjaġġ, jingħataw perjodu ta' mistrieħ ta' mill-inqas siegħa li tkun biżżejjed għalihom b'mod partikolari sabiex jingħataw likwidu u jekk ikun meħtieġ għalf. Wara dan il-perjodu ta' mistrieħ, jistgħu jiġu trasportati għal 14-il siegħa oħra.
5. Wara l-ħin tal-vjaġġ stabbilit, l-annimali jridu jinħattu, jingħataw x'jieklu u x'jixorbu u jitħallew jistrieħu għal mill-inqas 24 siegħa.
6. L-annimali m'għandhomx jiġu trasportati permezz ta' ferrovija jekk il-ħin tal-vjaġġ massimu jeċċedi dak stabbilit fil-punt 2. Madanakollu, il-ħinijiet tal-vjaġġ stabbiliti fil-punt 4 għandhom japplikaw meta l-kondizzjonijiet stabbiliti fil-punti 3 u 4, minbarra l-perjodu ta' mistrieħ, jintlaħqu.
(a) L-annimali m'għandhomx jiġu trasportati permezz tal-baħar jekk il-ħin tal-vjaġġ massimu jeċċedi dak stabbilit fil-punt 2, sakemm il-kondizzjonijiet stabbiliti fil-punti 3 u 4, minbarra l-ħinijiet tal-vjaġġ u l-perjodu ta' mistrieħ, jintlaħqu.
(b) Fil-każ ta' trasport bil-baħar b’rabta regolari u diretta bejn iż-żewġ punti ġeografiċi tal-Komunità permezz ta' vetturi mgħobbija fuq bastimenti mingħajr ma jinħattu l-annimali, dawn ta' l-aħħar iridu jingħataw mistrieħ għal 12-il siegħa wara li jinħattu fil-port ta' destinazzjoni jew fil-viċinanza immedjata tagħha sakemm il-ħin tal-vjaġġ bil-baħar huwa tali li l-vjaġġ jista’ jiġi inkluż fl-iskema ġenerali tal-punti 2 sa 4.
8. Fl-interessi tal-annimali, il-ħinijiet tal-vjaġġ fil-punti 3, 4 u 7(b) jistgħu jiġu estiżi b'sagħtejn, waqt li jitqies b'mod partikolari kemm huwa fil-qrib il-post ta' destinazzjoni.
9. Mingħajr preġudizzju għad-dispożizzjonijiet tal-punti 3 sa 8, l-Istati Membri huma awtorizzati biex jipprovdu għal ħin ta' vjaġġ mhux estendibbli ta' tmien sigħat għat-trasport ta' annimali destinati għall-qatla, meta t-trasport huwa mwettaq esklussivament minn post ta' tluq sa post tal-wasla li t-tnejn li huma jinsabu fit-territorju tagħhom stess.
IL-KAPITOLU VIII
PJANTA TAR-ROTTA
( 1 ) ĠU C 214, tal-21.8.1989, p. 36 u ĠU C 154, tat-23.6.1990, p. 7.
( 2 ) ĠU C 113, tas-7.5.1990, p. 206.
( 3 ) ĠU C 56, tas-7.3.1990, p. 29.
( 4 ) ĠU C 76, tas-7.3.1987, p. 185.
( 5 ) ĠU L 384, tal-31.12.1982, p. 1. Ir-Regolament kif l-aħħar emendat bir-Regolament tal-Kummissjoni KEE Nru 197/90 (ĠU L 29, tal-31.1.1990, p. 1).
( 6 ) ĠU L 200, tat-8.8.1977, p. 10.
( 7 ) ĠU L 150, tas-6.6.1981, p. 1. Id-Direttiva kif l-aħħar emendata bir-Regolament KEE Nru 3768/85 (ĠU L 362, tal-31.12.1985, p. 8).
( 8 ) ĠU L 224, tat-18.8.1990, p. 29. Id-Direttiva kif l-aħħar emendata bid-Direttiva 91/496/KEE (ĠU L 268, ta’ l-24.9.1991, p. 56).
( 9 ) ĠU L 268, ta’ l-24.9.1991, p. 56.
( 10 ) ĠU L 395, tat-30.12.1989, p. 13. Id-Direttiva kif l-aħħar emendata bid-Direttiva 91/496/KEE (ĠU L 268, ta’ l-24.9.1991, p. 56).
( 11 ) ĠU L 373, tal-31.12.1990, p. 1. Id-Direttiva kif l-aħħar emendata bid-Direttiva 91/496/KEE (ĠU L 268, ta’ l-24.9.1991, p. 56).
( 12 ) ĠU L 370, tal-31.12.1985, p. 1.
( 13 ) Kif emendat u kkonsolidat bid-Direttiva 91/497/KEE (ĠU L 268, ta’ l-24.9.1991, p. 68).
( 14 ) ĠU L 351, tat-2.12.1989, p. 34.
( 15 ) ĠU L 31, ta' l-1.2.2002, p. 1.
( 16 ) ĠU L 184, tas-17.7.1999, p. 23
( 17 ) ĠU L 351, tat-2.12.1989, p. 34.
( 18 ) ĠU L 224, tat-18.8.1990, p. 29.