EUR-Lex Access to European Union law
This document is an excerpt from the EUR-Lex website
Document 01990L0269-20070627
Council Directive of 29 May 1990 on the minimum health and safety requirements for the manual handling of loads where there is a risk particularly of back injury to workers (fourth individual Directive within the meaning of Article 16 (1) of Directive 89/391/EEC) (90/269/EEC)
Consolidated text: Id-Direttiva tal-Kunsill tad- 29 ta' Mejju 1990 dwar il-ħtiġijiet minimi tas-saħħa u tas-sigurtà għat-tqandil manwali tat-tagħbija fejn hemm riskju partikolarment ta' korriment tad-dahar għall-ħaddiema (ir-raba' Direttiva individwali fit-tifsira ta' Artikolu 16(1) tad- Direttiva 89/391/KEE (90/269/KEE)
Id-Direttiva tal-Kunsill tad- 29 ta' Mejju 1990 dwar il-ħtiġijiet minimi tas-saħħa u tas-sigurtà għat-tqandil manwali tat-tagħbija fejn hemm riskju partikolarment ta' korriment tad-dahar għall-ħaddiema (ir-raba' Direttiva individwali fit-tifsira ta' Artikolu 16(1) tad- Direttiva 89/391/KEE (90/269/KEE)
1990L0269 — MT — 27.06.2007 — 001.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
ID-DIRETTIVA TAL-KUNSILL tad-29 ta' Mejju 1990 dwar il-ħtiġijiet minimi tas-saħħa u tas-sigurtà għat-tqandil manwali tat-tagħbija fejn hemm riskju partikolarment ta' korriment tad-dahar għall-ħaddiema (ir-raba' Direttiva individwali fit-tifsira ta' Artikolu 16(1) tad- Direttiva 89/391/KEE (ĠU L 156, 21.6.1990, p.9) |
Emendat bi:
|
|
Il-Ġurnal Uffiċjali |
||
No |
page |
date |
||
L 165 |
21 |
27.6.2007 |
ID-DIRETTIVA TAL-KUNSILL
tad-29 ta' Mejju 1990
dwar il-ħtiġijiet minimi tas-saħħa u tas-sigurtà għat-tqandil manwali tat-tagħbija fejn hemm riskju partikolarment ta' korriment tad-dahar għall-ħaddiema (ir-raba' Direttiva individwali fit-tifsira ta' Artikolu 16(1) tad- Direttiva 89/391/KEE
(90/269/KEE)
IL-KUNSILL TAL-KOMUNITAJIET EWROPEJ,
Wara li kkunsidra t-Trattat li jistabbilixxi l-Komunità Ekonomika Ewropea, u partikolarment L-Artikolu 118a tiegħu
Wara li kkunsidra il-proposta tal-Kummissjoni ( 1 ) mibgħuta wara konsultazzjoni mal-Kumitat Konsultattiv dwar fuq is-Sigurtà, l-Iġjene u l-Protezzjoni tas-Saħħa fuq ix-Xogħol,
B'koperazzjoni mal-Parlament Ewropew ( 2 ),
Wara li kkunsidra l-opinjoni tal-Kunsill Ekonomiku u Soċjali ( 3 ),
Billi l-Artikolu 118a tat-Trattat jipprovdi li l-Kunsill għandu jadotta, permezz ta' Direttivi, ħtiġijiet minimi li jinkoraġġixxu t-titjib, speċjalment fl-ambjent tax-xogħol, sabiex jiġi garantit livell ogħla ta' protezzjoni tas-saħħa u tas-sigurtà tal-ħaddiema;
Billi, skond dak l-artikolu, dawn id-Direttivi għandhom jevitaw milli jimponu limiti amministrattivi, finanzjarji u legali tali li jżommu lura l-ħolqien u l-iżvilupp ta' impriżi żgħar u ta' daqs medju.
Billi l-komunikazzjoni tal-Kummissjoni dwar il-programm tagħha fuq is-sigurtà, l-iġjene u saħħa fuq ix-xogħol ( 4 ), tipprovdi għall-adozzjoni tad-Direttivi maħsuba biex jiggarantixxu is-saħħa u s-sigurtà tal-ħaddiema fuq il-post tax-xogħol;
Billi l-Kunsill, fir-resoluzzjoni tiegħu tal-21 ta' Diċembru 1987 fuq is-sigurtà, l-iġjene u s-saħħa fuq ix-xogħol ( 5 ), innotat l-intenzjoni tal-Kummissjoni li tissottometti lill-Kunsill fil-futur qrib Direttiva fuq il-protezzjoni kontra r-riskji li jirriżultaw mit-tqandil manwali tat-tagħbija tqila;
Billi konformità mal-ħtiġijiet minimi maħsuba biex jiggarantixxu livell ogħla ta' saħħa u sigurtà fuq il-post tax-xogħol hija essenzjali biex tassigura s-saħħa u sigurtà tal-ħaddiema;
Billi din id-Direttiva hija Direttiva individwali fit-tifsira ta' Artikolu 16(1) tad-Direttiva tal-Kunsill 89/391/KEE tat-12 ta' Ġunju ta' l-1989 dwar l-introduzzjoni ta' miżuri biex jinkoraġġixxu it-titjib fis-saħħa u s-sigurtà tal-ħaddiema fuq il-post tax-xogħol ( 6 ); billi għalhekk id-dispożizzjonijiet tad-Direttiva msemmija huma applikabbli b'mod sħiħ fil-qasam tat-tqandil manwali tat-tagħbija billi hemm riskju partikolarment ta' korriment tad-dahar għall-ħaddiema, mingħajr preġudizzju għal dispożizzjonijiet iktar strinġenti u/jew speċifiċi pprovduti f'din id-Direttiva.
Billi din id-Direttiva tikkostitwixxi pass prattiku lejn il-kisba tad-dimensjoni soċjali tas-suq intern;
Billi, bis-saħħa tad-Deċiżjoni 74/325/KEE ( 7 ), il-Kumitat Konsultattiv dwar is-Sigurtà, l-Iġjene u l-Protezzjoni tas-Saħħa fuq ix-Xogħol għandu jkun ikkonsultat mill-Kummissjoni bix jitfasslu proposti f'dan il-qasam,
ADOTTA DIN ID-DIRETTIVA:
IT-TAQSIMA I
DISPOŻIZZJONIJIET ĠENERALI
L-Artikolu 1
Suġġett
1. Din id-Direttiva, li hija r-raba' Direttiva individwali fit-tifsira ta' l-Artikolu 16(1) tad-Direttiva 89/391/KEE, tippreskrivi l-ħtiġijiet minimi għas-saħħa u l-bżonnijiet tas-sigurtà għat-tqandil manwali tat-tagħbija fejn hemm riskju partikolarment ta' korriment tad-dahar tal-ħaddiema.
2. Id-dispożizzjonijiet tad-Direttiva 89/391/KEE għandhom japplikaw b'mod sħiħ għall-isfera kollha msemmija fil-paragrafu 1, mingħajr preġudizzju għal dispożizzjonijiet iktar ristretti u/jew speċifiċi li jinsabu f'din id-Direttiva.
L-Artikolu 2
Definizzjoni
Għall-iskopijiet ta' dawn id-Direttivi, “tqandil manwali tat-tagħbijiet” ifisser kull trasport jew sostenn ta' tagħbija, minn ħaddiem wieħed jew aktar, li jinkludi l-irfigħ, in-tniżżil, l-imbuttar, il-ġbid, il-ġarr jew iċ-ċaqliq ta' tagħbija, li, minħabba l-karatteristiċi jew il-kondizzjonijiet ergonomiċi mhux favorabbli tagħha, tinvolvi riskju partikolarment ta' korriment tad-dahar għall-ħaddiema.
IT TAQSIMA II
OBBLIGI TAN-NIES LI JIMPJEGAW
L-Artikolu 3
Dispożizzjonijiet ġenerali
1. Dak li jimpjega għandu jieħu miżuri ta' organizzazzjoni xierqa, jew għandu juża mezzi proprji, partikolarment tagħmir mekkaniku, sabiex jevita l-bżonn għal tqandil manwali tat-tagħbija mill-ħaddiema.
2. Fejn il-bżonn għal tqandil manwali tat-tagħbija mill-ħaddiema ma jistax jiġi evitat, dak li jimpjega għandu jieħu l-miżuri xierqa, juża l-mezzi xierqa jew jipprovdi lill-ħaddiema bil-mezzi neċessarji sabiex jitnaqqas ir-riskju involut fit-tqandil manwali ta' din it-tagħbija, wara li jkun ikkonsidrat l-Anness I.
L-Artikolu 4
Organizzazzjoni ta' workstations
Kull meta l-bżonn għal tqandil manwali tat-tagħbija ma jistax jiġi evitat, dak li jimpjega għandu jorganizza workstations b'tali mod li jagħmel dan it-tqandil kemm jista' jkun ta' sigurtà u f'saħħtu u:
(a) jistma, bil-quddiem jekk possibbli, il-kondizzjonijiet tas-saħħa u tas-sigurtà tat-tip ta' xogħol involut, u partikolarment jeżamina l-karatteristiċi tat-tagħbija, tenut kont ta' l-Anness 1;
(b) jieħu ħsieb li jevita jew inaqqas r-riskju partikolarment ta' korriment tad-dahar għall-ħaddiema, billi jittieħdu miżuri xierqa, jiġu kkunsidrati partikolarment il-karatteristiċi ta' l-ambjent tax-xogħol u l-bżonnijiet ta' l-attività, wara li jkun ikkonsidrat l-Anness 1.
L-Artikolu 5
Referenza għall-Anness II
Għall-implimentazzjoni ta' l-Artikolu 6(3)(b) u l-Artikoli 14 u 15 tad-Direttiva 89/391/KEE, l-Anness II irid jiġi kkunsidrat.
L-Artikolu 6
Informazzjoni u taħriġ għall-ħaddiema
1. Mingħajr preġudizzju għall-Artikolu 10 tad-Direttiva 89/391/KEE, ħaddiema u/jew ir-rappreżentanti tagħhom għandhom ikunu infurmati dwar il-miżuri kollha li jridu jiġu implementati, skond din id-Direttiva, rigward il-protezzjoni tas-sigurtà u tas-saħħa.
Dawk li jimpjegaw iridu jiżguraw li l-ħaddiema u/jew ir-rappreżentanti tagħhom jirċievu indikazzjonijiet ġenerali u, fejn possibli, informazzjoni preċiża dwar:
— it-toqol tat-tagħbija,
— iċ-ċentru tal-gravità ta' l-itqal naħa meta l-pakkett huwa mgħobbi b'mod eċċentriku.
2. Mingħajr preġudizzju għall-Artikolu 12 tad-Direttiva 83/391/KEE, dawk li jimpjegaw iridu jiżguraw li l-ħaddiema jirċievu wkoll taħriġ u informazzjoni fuq kif iqandlu tagħbija b'mod korrett u r-riskji li jistgħu jiffaċjaw partikolarment jekk dawn ix-xogħlijiet m'humiex magħmulin tajjeb, kont tenut ta' l-Annessi 1 u II.
L-Artikolu 7
Konsultazzjoni mal-ħaddiema u parteċipazzjoni tal-ħaddiema
Konsultazzjoni mal-ħaddiema u partiċipazzjoni tal-ħaddiema u/jew tar-rappreżentanti tagħhom għandhom isiru skond l-Artikolu 11 tad-Direttiva 89/391/KEE dwar materji li jaqgħu taħt din id-Direttiva, inklużi l-Annessi tagħha.
IT TAQSIMA III
DISPOŻIZZJONIJIET MIXXELLANJI
L-Artikolu 8
Adattamenti ta' l-Annessi
Bidliet ta' natura strettament teknika għall-Annessi I u II li jirriżultaw minn progress tekniku u bidliet f'regolamenti u speċifikazzjonijiet internazzjonali jew tagħrif fil-qasam tat-tqandil bl-idejn ta' tagħbija għandu jkun adottat skond il-proċedura pprovduta fl-Artikolu 17 tad-Direttiva 89/391/KEE.
L-Artikolu 9
Dispożizzjonijiet finali
1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma' din id-Direttiva mhux iktar tard mill-31 ta' Diċembru 1992.
Għandhom jinfurmaw il-Kummissjoni bihom minnufih.
2. L-Istati Membri għandhom jikkomunikaw mal-Kummissjoni t-test tad-dispożizzjonijiet tal-liġi nazzjonali li jadottaw, fil-qasam li jaqa' taħt din id-Direttiva.
▼M1 —————
L-Artikolu 10
Din id-Direttiva hija indirizzata lill-Istati Membri.
L-ANNESS I ( 8 )
FATTURI TA' REFERENZA
(L-Artikolu 3(2), l-Artikolu 4(a) u (b) u l-Artikolu 6(2))
1. Karatteristiċi tat-tagħbija
It-tqandil manwali ta' tagħbija jista' jqajjem riskju partikolarment ta' korriment tad-dahar jekk hija:
— tqila jew kbira wisq,
— goffa jew diffiċli biex taqbadha,
— mhux stabbli jew li l-kontenut tagħha jista' jiċċaqlaq,
— imqiegħda b'mod li jġiegħel li tinżamm jew li tkun manipulata 'il bogħod mill-ġisem, jew b'liwja jew barma tal-ġisem,
— x'aktarx, minħabba l-kontorn u/jew il-konsistenza tagħha, tirriżulta f'korriment tal-ħaddiema, partikolarment f'każ ta' ħabta.
2. Sforz fiżiku meħtieġ
Sforz fiżiku jista' jqajjem riskju partikolarment ta' korriment tad-dahar jekk hu:
— strapazzanti wisq,
— miksub biss permezz ta' moviment ta' liwja tal-ġisem,
— x'aktarx jirriżulta f'moviment f'daqqa tat-tagħbija,
— magħmul mill-ġisem f'pożizzjoni mhux stabbli.
3. Karatteristiċi ta' l-ambjent tax-xogħol
Il-karatteristiċi ta' l-ambjent tax-xogħol jista' jżid ir-riskju partikolarment ta' korriment tad-dahar jekk:
— m'hemmx biżżejjed spazju, partikolarment vertikali, biex titwettaq l-attività,
— l-art hi irregolari, għalhekk tippreżenta riskju ta' waqgħa, jew tiżloq għaż-żarbun tal-ħaddiem,
— il-post tax-xogħol jew l-ambjent tax-xogħol jipprevjeni t-tqandil tat-tagħbija f'għoli mhux ta' periklu jew b'pożizzjoni tajba mill-ħaddiem,
— hemm varjazzjonijiet fil-livell ta' l-art jew il-wiċċ tal-post tax-xogħol, li għalhekk iġiegħel li t-tagħbija tkun manipulata fuq livelli differenti,
— l-art jew il-post fejn jistrieħu s-saqajn ma jkunux stabbli,
— it-temperatura, l-umdità jew il-ventilazzjoni ma tkunx tajba.
4. Ħtiġijiet ta' l-attività
L-attività tista' tqajjem riskji partikolarment ta' korriment tad-dahar jekk ikun hemm bżonn ta' wieħed jew aktar mill-ħtiġijiet li ġejjin:
— sforz fiżiku frekwenti wisq jew fit-tul wisq li jinvolvi partikolarment ix-xewka tad-dahar,
— serħan tal-ġisem jew perjodu ta' rkupru mhux suffiċjenti
— distanzi ta' rfigħ, tniżżil jew ġarr eċċessivi
— rata ta' xogħol imposta minn proċess li ma jistax jinbidel mill-ħaddiem:
L-ANNESS II ( 9 )
FATTURI TA' RISKJI INDIVIDWALI
(L-Artikoli 5 u 6(2))
Il-ħaddiem jista' jkun fil-periklu jekk huwa/hija:
— mhuwiex/mhijiex fi stat fiżiku xieraq biex jagħmel/tagħmel dak ix-xogħol,
— mhuwiex/mhijiex liebes/liebsa ħwejjeġ, żraben jew effetti oħra personali adattati,
— m'għandux/m'għandhiex it-tagħrif jew taħriġ neċessarju jew xieraq.
( 1 ) ĠU C 117, ta' l-4.5.1988, p. 8.
( 2 ) ĠU C 326, tad-19.12.1988, p. 137 u ĠU C 96, tas-17.4.1990, p. 82
( 3 ) ĠU C 318, tat-12.12.1988, p. 37
( 4 ) ĠU C 28, tat-3.2.1988, p.3
( 5 ) ĠU C 28, tat-3.2.1988, p.1
( 6 ) ĠU L 183, tad-29.6.1983, p.1
( 7 ) ĠU L 185, tad-9.7.1974, p. 15
( 8 ) Sabiex issir analiżi li tikkonsidra ħafna fatturi, tista' ssir referenza fl-istess waqt għall-fatturi varji mniżżlin fl-Annessi I u II.
( 9 ) Sabiex issir analiżi li tikkonsidra ħafna fatturi, tista' ssir referenza fl-istess waqt għall-fatturi mniżżla fl-Annessi I u II.