Edizzjoni speċjali bil-Kroat: Kapitolu 03 Volum 026 P. 333 - 333
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32009R1053
Commission Regulation (EC) No 1053/2009 of 5 November 2009 amending Regulation (EC) No 952/2006 laying down detailed rules for the application of Council Regulation (EC) No 318/2006 as regards the management of the Community market in sugar and the quota system
Regolament tal-Kummissjoni (KE) Nru 1053/2009 tal- 5 ta’ Novembru 2009 li jemenda r-Regolament tal-Kummissjoni (KE) Nru 952/2006 li jipprovdi regoli dettaljati għar-Regolament tal-Kunsill (KE) Nru 318/2006 dwar il-ġestjoni tas-suq intern taz-zokkor u l-iskema tal-kwoti
Regolament tal-Kummissjoni (KE) Nru 1053/2009 tal- 5 ta’ Novembru 2009 li jemenda r-Regolament tal-Kummissjoni (KE) Nru 952/2006 li jipprovdi regoli dettaljati għar-Regolament tal-Kunsill (KE) Nru 318/2006 dwar il-ġestjoni tas-suq intern taz-zokkor u l-iskema tal-kwoti
ĠU L 290, 6.11.2009, p. 61–61
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 30/09/2010
Language
HTML
PDF
Official Journal
|
6.11.2009 |
MT |
Il-Ġurnal Uffiċjali tal-Unjoni Ewropea |
L 290/61 |
REGOLAMENT TAL-KUMMISSJONI (KE) Nru 1053/2009
tal-5 ta’ Novembru 2009
li jemenda r-Regolament tal-Kummissjoni (KE) Nru 952/2006 li jipprovdi regoli dettaljati għar-Regolament tal-Kunsill (KE) Nru 318/2006 dwar il-ġestjoni tas-suq intern taz-zokkor u l-iskema tal-kwoti
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 318/2006 tal-20 ta’ Frar 2006 dwar l-organizzazzjoni komuni tas-swieq fis-settur taz-zokkor (1), u b’mod partikolari l-Artikolu 40 tiegħu,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (2), u b’mod partikolari l-Artikolu 50(1) tiegħu, flimkien mal-Artikolu 4 tiegħu,
Billi:
|
(1) |
Wara l-introduzzjoni tas-sistema finali u kompjuterizzata tat-trażmissjoni ta’ tagħrif dwar il-prezzijiet taz-zokkor għas-sistema ta’ reġistrazzjoni tal-prezzijiet skont l-Artikolu 14 tar-Regolament tal-Kummissjoni (KE) Nru 952/2006 tad-29 ta’ Ġunju 2006 li jipprovdi regoli dettaljati għar-Regolament tal-Kunsill (KE) Nru 318/2006 dwar il-ġestjoni tas-suq intern taz-zokkor u s-sistema tal-kwoti (3), li tikkonsisti fi trasferiment ta’ kull xahar ta’ dejta dwar il-prezzijiet minn operaturi approvati lill-Istati Membri, segwit minn trasferiment tad-dejta nazzjonali dwar il-medji tal-prezzijiet mill-Istati Membri lill-Kummissjoni, huwa xieraq li tiżdied il-frekwenza li biha l-Kumitat tat-Tmexxija għall-Organizzazzjoni Komuni tas-Swieq Agrikoli jiġi infurmat bil-medja tal-prezzijiet taz-zokkor. |
|
(2) |
Għal dan il-għan, għandu jiġi pprovdut li l-Kummisjoni għandha tinforma kull xahar lill-Kumitat tal-Ġestjoni għall-Organizzazzjoni Komuni tas-Swieq Agrikoli bil-prezzijiet medji taz-zokkor abjad mibjugħ fis-suq tal-Komunità. Madanakollu, sabiex tiġi żgurata l-kunfidenzjalità tal-informazzjoni, għandu jkun hemm dewmien ta’ tliet xhur qabel ma l-informazzjoni dwar il-prezzijiet tiġi kkomunikata lill-Kumitat tal-Ġestjoni għall-Organizzazzjoni Komuni tas-Swieq Agrikoli. |
|
(3) |
Il-miżuri provduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-ewwel paragrafu tal-Artikolu 14 tar-Regolament (KE) Nru 952/2006 qed jinbidel b’dan li ġej:
“Kull xahar, il-Kummissjoni għandha tinforma lill-Kumitat tal-Ġestjoni għall-Organizzazzjoni Komuni tas-Swieq Agrikoli bil-prezz medju taz-zokkor abjad reġistrat waqt it-tielet xahar qabel id-data tal-informazzjoni.”
Artikolu 2
Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Novembru 2009.
Għall-Kummissjoni
Mariann FISCHER BOEL
Membru tal-Kummissjoni
(2) ĠU L 299, 16.11.2007, p. 1.
(3) ĠU L 178, 1.7.2006, p. 39.