This document is an excerpt from the EUR-Lex website
Document 32008R0971
Commission Regulation (EC) No 971/2008 of 3 October 2008 concerning a new use of a coccidiostat as additive in feedingstuffs (Text with EEA relevance)
Regolament tal-Kummissjoni (KE) Nru 971/2008 tat- 3 ta’ Ottubru 2008 dwar użu ġdid tal-coccidiostat bħala addittiv fl-għalf Test b’relevanza għaż-ŻEE
Regolament tal-Kummissjoni (KE) Nru 971/2008 tat- 3 ta’ Ottubru 2008 dwar użu ġdid tal-coccidiostat bħala addittiv fl-għalf Test b’relevanza għaż-ŻEE
ĠU L 265, 4.10.2008, p. 3–5
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force: This act has been changed. Current consolidated version: 19/02/2019
4.10.2008 |
MT |
Il-Ġurnal Uffiċjali ta’ l-Unjoni Ewropea |
L 265/3 |
REGOLAMENT TAL-KUMMISSJONI (KE) Nru 971/2008
tat-3 ta’ Ottubru 2008
dwar użu ġdid tal-coccidiostat bħala addittiv fl-għalf
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 70/524/KEE tat-23 ta' Novembru 1970 dwar l-addittivi fl-għalf (1), u partikolarment l-Artikoli 3 u 9 tagħha,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 dwar l-addittivi għall-użu fin-nutriment tal-annimali (2), u b'mod partikolari l-Artikolu 25 tiegħu,
Billi:
(1) |
Ir-Regolament (KE) Nru 1831/2003 jistipula l-awtorizzazzjoni ta’ addittivi għall-użu fin-nutriment tal-annimali. |
(2) |
L-Artikolu 25 tar-Regolament (KE) Nru 1831/2003 jistabbilixxi l-miżuri tranżizzjonali għall-applikazzjonijiet għall-awtorizzazzjoni ta' addittivi fl-għalf imressqa skont id-Direttiva 70/524/KEE qabel id-data tal-applikazzjoni tar-Regolament (KE) Nru 1831/2003. |
(3) |
L-applikazzjoni għall-awtorizzazzjoni tal-addittiv imniżżel fl-Anness għal dan ir-Regolament tressqet qabel id-data tal-applikazzjoni tar-Regolament (KE) Nru 1831/2003. |
(4) |
Il-kummenti tal-bidu dwar din l-applikazzjoni, kif stipulat fl-Artikolu 4(4) tad-Direttiva 70/524/KEE, tressqu lill-Kummissjoni qabel id-data tal-applikazzjoni tar-Regolament (KE) Nru 1831/2003. Din l-applikazzjoni għalhekk se tibqa’ titqies skont l-Artikolu 4 tad-Direttiva 70/524/KEE. |
(5) |
L-addittiv diclazuril (Clinacox 0,5 % Premix) hu diġà awtorizzat mir-Regolamenti tal-Kummissjoni (KE) Nru 2430/1999 (3) għat-tiġieġ għat-tismin, (KE) Nru 418/2001 (4) għad-dundjani għat-tismin u (KE) Nru 162/2003 (5) għat-tiġieġ imrobbija biex ibidu. |
(6) |
Tressqet dejta ġdida mid-detentur tal-awtorizzazzjoni tal-addittiv b’appoġġ għall-applikazzjoni għall-awtorizzazzjoni għal għaxar snin għall-coccidiostat għal fniek. L-Awtorità Ewropea dwar is-Sigurtà fl-Ikel (“l-Awtorità”) wasslet żewġ opinjonijiet (6) dwar is-sigurtà tal-użu ta' dak il-coccidiostat għall-bnedmin, l-annimali u l-ambjent, taħt il-kundizzjonijiet stipulati fl-Anness ta' dan ir-Regolament. Il-valutazzjoni turi li l-kundizzjonijiet stabbiliti fl-Artikolu 3a tad-Direttiva 70/524/KEE għall-awtorizzazzjoni bħal din huma ssodisfati. Għalhekk, l-użu ta' din il-preparazzjoni, kif speċifikat fl-Anness, għandu jiġi awtorizzat għal għaxar snin. |
(7) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina tal-Ikel u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Il-preparazzjoni li hija parti mill-grupp “Coccidiostats u sustanzi mediċinali oħrajn”, kif speċifikat fl-Anness, hija awtorizzata għall-użu għal għaxar snin bħala addittiv fin-nutriment tal-annimali skont il-kundizzjonijiet stipulati f’dak l-Anness.
Artikolu 2
Dan ir-Regolament għandu jidħol fis-seħħ fl-għoxrin ġurnata wara dik tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 3 ta’ Ottubru 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 270, 14.12.1970 , p. 1.
(2) ĠU L 268, 18.10.2003, p. 29.
(3) ĠU L 296, 17.11.1999, p. 3.
(6) L-Opinjoni tal-Bord Xjentifiku dwar l-Addittivi u l-Prodotti jew Sustanzi użati fl-Għalf għall-Annimali fuq talba mill-Kummissjoni Ewropea dwar is-sigurtà u l-effettività tal-‘Clinacox 0,5 %’ ibbażat fuq id-diclazuril għall-fniek għat-tismin u t-tagħmir, Il-Ġurnal EFSA (2007) 506, 1-32 Opinjoni Xjentifika Aġġornata tal-Bord dwar l-Addittivi u l-Prodotti jew Sustanzi użati fl-Għalf (FEEDAP) fuq talba mill-Kummissjoni Ewropea dwar is-sigurtà tal-‘Clinacox 0,5 %’ (diclazuril) li jintuża fil-fniek għat-tismin u għat-tagħmir. Il-Ġurnal EFSA (2008) 697, 1-9.
ANNESS
Numru tar-reġistrazzjoni tal-addittiv |
Isem u numru tar-reġistrazzjoni tal-persuna risponsabbli għaċ-ċirkolazzjoni tal-addittiv |
Addittiv (Isem kummerċjali) |
Kompożizzjoni, formula kimika, deskrizzjoni |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħrajn |
Tmiem il-perjodu ta' awtorizzazzjoni |
Limiti massimi ta’ Residwi (MRLs) fl-oġġetti tal-ikel rilevanti li joriġinaw mill-annimali |
||||||||||||||||||
mg ta’ sustanzi attivi/kg ta’ oġġetti tal-għalf sħaħ |
||||||||||||||||||||||||||||
Coccidiostats u sustanzi mediċinali oħrajn |
||||||||||||||||||||||||||||
E 771 |
Janssen Pharmaceutica nv |
Diclazuril 0,5 g/100 g (Clinacox 0,5 % Premix) |
Kompożizzjoni tal-addittiv:
Sustanza attiva:
Impuritajiet relatati:
|
Fniek |
— |
1 |
1 |
Użu pprojbit mill-inqas jum wieħed qabel it-tbiċċir |
24 ta’ Ottubru 2018 |
2 500 diclazuril/kg ta’ fwied imxarrab 1 000 diclazuril/kg ta’ kilwa imxarrba 150 μg diclazuril/kg ta’ muskolu mxarrab 300 μg diclazuril/kg ta’ xaħam imxarrab |