Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62022CN0707

    Kawża C-707/22: Talba għal deċiżjoni preliminari mressqa mir-Raad van State (il-Pajjiżi l-Baxxi) fis-17 ta’ Novembru 2022 – Minister van Infrastructuur en Waterstaat vs AVROTROS

    ĠU C 189, 30.5.2023, p. 5–5 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    30.5.2023   

    MT

    Il-Ġurnal Uffiċjali tal-Unjoni Ewropea

    C 189/5

    Talba għal deċiżjoni preliminari mressqa mir-Raad van State (il-Pajjiżi l-Baxxi) fis-17 ta’ Novembru 2022 – Minister van Infrastructuur en Waterstaat vs AVROTROS

    (Kawża C-707/22)

    (2023/C 189/06)

    Lingwa tal-kawża: l-Olandiż

    Qorti tar-rinviju

    Raad van State

    Partijiet fil-kawża prinċipali

    Rikorrent: Minister van Infrastructuur en Waterstaat

    Konvenut: AVROTROS

    Partijiet oħra: Bestuur van de Luchtverkeersleiding Nederland, Royal Schiphol Group NV/Schiphol Nederland BV

    Domandi preliminari

    1)

    a)

    X’tifsira għandha tingħata għal “dettalji tal-okkorrenzi” u “kunfidenzjalità” fis-sens tal-Artikolu 15(1) tar-Regolament (UE) Nru 376/2014 tal-Parlament Ewropew u tal-Kunsill tat-3 ta’ April 2014 dwar ir-rappurtar, l-analiżi u s-segwitu ta’ okkorrenzi fl-avjazzjoni ċivili, li jemenda r-Regolament (UE) Nru 996/2010 tal-Parlament Ewropew u tal-Kunsill u li jħassar id-Direttiva 2003/42/KE tal-Parlament Ewropew u tal-Kunsill, u r-Regolamenti tal-Kummissjoni (KE) Nru 1321/2007 u (KE) Nru 1330/2007 (1) u fid-dawl tad-dritt għal-libertà tal-espressjoni u tal-informazzjoni stipulat fl-Artikolu 11 tal-Karta tal-Unjoni u fl-Artikolu 10 tal-KEDB?

    b)

    Informazzjoni aggregata taqa’ taħt “dettalji tal-okkorrenzi” fis-sens tal-Artikolu 15(1) tar-Regolament Nru 376/2014?

    2)

    a)

    Fid-dawl tad-dritt għal-libertà tal-espressjoni u tal-informazzjoni stipulat fl-Artikolu 11 tal-Karta tal-Unjoni u fl-Artikolu 10 tal-KEDB, l-Artikolu 15(1) tar-Regolament Nru 376/2014 għandu jiġi interpretat fis-sens li huwa kompatibbli ma’ regola nazzjonali bħalma hija dik inkwistjoni fil-kawża prinċipali li tipprovdi li ebda informazzjoni rċevuta wara okkorrenzi rrapportati ma tista’ tiġi ppubblikata?

    b)

    Dan japplika wkoll għad-data aggregata relatata mal-okkorrenzi rrapportati?

    3)

    Fil-każ li tingħata risposta negattiva għad-domandi 2a u 2b: l-awtorità nazzjonali kompetenti tista’ tapplika regola nazzjonali ġenerali dwar l-iżvelar li abbażi tagħha informazzjoni ma tiġix żvelata sakemm l-iżvelar ma jkunx jegħleb l-interessi li jirrigwardaw, pereżempju, ir-relazzjonijet ma’ Stati oħra u ma’ organizzazzjonijiet internazzjonali, l-ispezzjoni, il-kontroll u s-sorveljanza minn awtoritajiet amministrattivi, ir-rispett tal-ħajja privata u l-fatt li għandu jiġi evitat li persuni fiżiċi jew ġuridiċi jiġu vvantaġġati jew żvantaġġati b’mod sproporzjonat?

    (1)  ĠU 2014, L 122, p. 18.

    Top