02022R0058-20220811

This document is an excerpt from the EUR-Lex website

EUROPA
EUR-Lex home
EUR-Lex - 02022R0058-20220811 - EN

Help

Search tips

Need more search options? Use the Advanced search

Document 02022R0058-20220811

Help

Consolidated text: Regolament ta’ Implimentazzjoni tal-Kummissjoni (UE) 2022/58 tal-14 ta’ Jannar 2022 li jimponi dazju anti-dumping definittiv fuq l-importazzjonijiet ta’ ċerti prodotti b’vina parallela rrumblati ċatt ta’ azzar elettriku bis-siliċju li joriġinaw mir-Repubblika tal-Poplu taċ-Ċina, mill-Ġappun, mir-Repubblika tal-Korea, mill-Federazzjoni Russa u mill-Istati Uniti tal-Amerka wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill

Access initial legal act

(

Legal status of the document In force

)

11/08/2022

ELI: http://data.europa.eu/eli/reg_impl/2022/58/2022-08-11

HTML

PDF

02022R0058 — MT — 11.08.2022 — 001.001

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

►B

REGOLAMENT TA’ IMPLIMENTAZZJONI TAL-KUMMISSJONI (UE) 2022/58

tal-14 ta’ Jannar 2022

li jimponi dazju anti-dumping definittiv fuq l-importazzjonijiet ta’ ċerti prodotti b’vina parallela rrumblati ċatt ta’ azzar elettriku bis-siliċju li joriġinaw mir-Repubblika tal-Poplu taċ-Ċina, mill-Ġappun, mir-Repubblika tal-Korea, mill-Federazzjoni Russa u mill-Istati Uniti tal-Amerka wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill

(ĠU L 010 17.1.2022, p. 17)

Emendat bi:

		Il-Ġurnal Uffiċjali
		Nru	Paġna	Data
►M1	REGOLAMENT TA’ IMPLIMENTAZZJONI TAL-KUMMISSJONI (UE) 2022/1387 tad-9 ta’ Awwissu 2022	L 208	5	10.8.2022

▼B

REGOLAMENT TA’ IMPLIMENTAZZJONI TAL-KUMMISSJONI (UE) 2022/58

tal-14 ta’ Jannar 2022

Artikolu 1

Dazju definittiv anti-dumping huwa impost fuq l-importazzjonijiet ta’ prodotti b’vina parallela rrumblati ċatt ta’ azzar elettriku bis-siliċju, li għandhom ħxuna ta’ iżjed minn 0,16 mm, li attwalment jaqgħu taħt il-kodiċijiet NM ex 7225 11 00 (il-kodiċijiet TARIC 7225110011 , 7225110015 u 7225110019 ) u ex 7226 11 00 (il-kodiċijiet TARIC 7226110012 , 7226110014 , 7226110016 , 7226110092 , 7226110094 u 7226110096 ) u li joriġinaw mir-Repubblika tal-Poplu taċ-Ċina, mill-Ġappun, mir-Repubblika tal-Korea, mill-Federazzjoni Russa u mill-Istati Uniti tal-Amerka.

L-ammont ta’ dazju anti-dumping definittiv applikabbli għall-prodott deskritt fil-paragrafu 1 u manifatturat mill-kumpaniji msemmija individwalment kif stipulat fil-paragrafu 4 għandu jkun id-differenza bejn il-prezz minimu ta’ importazzjoni ffissat fil-paragrafu 3 u l-prezz nett fil-fruntiera tal-Unjoni, qabel id-dazju, jekk dan tal-aħħar huwa aktar baxx minn dak ta’ qabel. M’għandu jinġabar ebda dazju fejn il-prezz nett fil-fruntiera tal-Unjoni huwa ugwali jew ogħla mill-prezz minimu tal-importazzjoni korrispondenti ffissat fil-paragrafu 3. L-ammont tad-dazju fl-ebda każ ma għandu jkun ogħla mir-rati ta’ dazju ad valorem stabbiliti fil-paragrafu 4.

Għall-iskopijiet tal-paragrafu 2, għandu japplika l-prezz minimu tal-importazzjoni stabbilit fit-tabella ta’ hawn taħt. Fejn jinstab, wara verifika li sseħħ wara l-importazzjoni, li l-prezz nett ħieles fil-fruntiera tal-Unjoni, attwalment imħallas mill-ewwel klijent indipendenti fl-Unjoni (il-prezz ta’ wara l-importazzjoni) huwa anqas mill-prezz nett, ħieles fil-fruntiera tal-Unjoni, qabel id-dazju, kif irriżulta mid-dikjarazzjoni doganali u l-prezz ta’ wara l-importazzjoni huwa anqas mill-prezz minimu tal-importazzjoni, għandu japplika ammont ta’ dazju ekwivalenti għad-differenza bejn il-prezz minimu tal-importazzjoni stabbilit fit-tabella ta’ hawn taħt u l-prezz ta’ wara l-importazzjoni, sakemm l-applikazzjoni tad-dazju ad valorem stabbilita fil-paragrafu 4 flimkien mal-prezz ta’ wara l-importazzjoni ma twassalx għal ammont (il-prezz attwalment imħallas flimkien mad-dazju ad valorem) li jibqa’ anqas mill-prezz minimu tal-importazzjoni stabbilit fit-tabella ta’ hawn taħt.

Pajjiżi kkonċernati	Firxa tal-prodotti	Prezzijiet Minimi tal-Importazzjoni (EUR/Tunnellata ta’ piż nett tal-prodott)
Ir-Repubblika tal-Poplu taċ-Ċina, il-Ġappun, l-Istati Uniti tal-Amerika, il-Federazzjoni Russa, ir-Repubblika tal-Korea	Prodotti b’massimu tat-telf fil-qalba mhux ogħla minn 0,9 W/kg	2 043
	Prodotti b’massimu tat-telf fil-qalba għola minn 0,9 W/kg imma mhux ogħla minn 1,05 W/kg	1 873
	Prodotti b’massimu tat-telf fil-qalba ogħla minn 1,05 W/kg	1 536

Għall-iskopijiet tal-paragrafu 2, għandhom japplikaw ir-rati tad-dazju ad valorem stabbiliti fit-tabella hawn taħt.

Kumpanija	Dazju ad valorem	Kodiċi addizzjonali TARIC
Baoshan Iron & Steel Co., Ltd., Shanghai; RPĊ	21,5 %	C039
Wuhan Iron & Steel Co., Ltd., Wuhan, PRC	36,6 %	C056
JFE Steel Corporation, Tokyo, il-Ġappun	39,0 %	C040
Nippon Steel & Sumitomo Metal Corporation, Tokyo, il-Ġappun	35,9 %	C041
POSCO, Seoul, ir-Repubblika tal-Korea	22,5 %	C042
OJSC Novolipetsk Steel, Lipetsk;VIZ Steel, Ekaterinburg, il-Federazzjoni Russa	21,6 %	C043
▼M1
Cleveland-Cliffs Steel Corporation, Ohio, l-Istati Uniti tal-Amerka	22,0 %	C044
▼B

Ir-rata tad-dazju anti-dumping definittiv applikabbli għall-prodotti deskritti fil-paragrafu 1 u manifatturat minn kwalunkwe kumpanija oħra mhux speċifikament imsemmija fil-paragrafu 4 għandu jkun id-dazju ad valorem kif stabbilit fit-tabella hawn taħt.

Kumpanija	Dazju ad valorem	Kodiċi addizzjonali TARIC
Il-kumpaniji Ċiniżi l-oħrajn kollha	36,6 %	C999
Il-kumpaniji Ġappuniżi l-oħrajn kollha	39,0 %	C999
Il-kumpaniji Koreani l-oħrajn kollha	22,5 %	C999
Il-kumpaniji Russi l-oħrajn kollha	21,6 %	C999
Il-kumpaniji Amerikani l-oħrajn kollha	22,0 %	C999

L-applikazzjoni tal-miżuri għall-kumpaniji msemmija fil-paragrafu 4 għandha tkun kondizzjonali għall-preżentazzjoni lill-awtoritajiet doganali tal-Istati Membri ta’ fattura kummerċjali valida u ta’ ċertifikat tal-fabbrika, li għandhom ikunu konformi mar-rekwiżiti stipulati fl-Annessi I u II, rispettivament. Jekk la ċ-ċertifikat tal-fabbrika u lanqas il-fattura ma jiġu ppreżentati, għandha tapplika r-rata tad-dazju applikabbli għall-kumpaniji l-oħrajn kollha. Dan iċ-ċertifikat tal-fabbrika għandu jelenka t-telf massimu fil-qalba għal kull koljatura f’Watts għal kull kilogramm bi frekwenza ta’ 50 Hz u induzzjoni manjetika ta’ 1,7 Tesla.

Għall-produtturi msemmija individwalment u fil-każijiet fejn il-merkanzija tkun saritilha l-ħsara qabel tidħol fiċ-ċirkolazzjoni libera u, għaldaqstant, il-prezz effettivament imħallas jew li għandu jitħallas jiġi mqassam sabiex jiġi ddeterminat il-valur doganali skont l-Artikolu 131(2) tar-Regolament ta’ Implimentazzjoni tal-Kummissjoni (UE) 2015/2447 ( 1 ), il-prezz minimu tal-importazzjoni stipulat hawn fuq għandu jitnaqqas b’perċentwal li jikkorrispondi għat-tqassim tal-prezz effettivament imħallas jew li għandu jitħallas. Id-dazju pagabbli mbagħad għandu jkun id-differenza bejn il-prezz minimu mnaqqas ta’ importazzjoni u l-prezz nett imnaqqas, ħieles fil-fruntiera tal-Unjoni, qabel l-approvazzjoni doganali.

Għall-kumpaniji l-oħrajn kollha u f’każijiet fejn il-merkanzija saritilha ħsara qabel ma daħlet fiċ-ċirkolazzjoni libera u, għalhekk, il-prezz effettivament imħallas jew li għandu jitħallas huwa mqassam għad-determinazzjoni tal-valur doganali skont l-Artikolu 131(2) tar-Regolament ta’ Implimentazzjoni (UE) 2015/2447, l-ammont tad-dazju anti-dumping, maħdum abbażi tal-paragrafu 2 hawn fuq, għandu jitnaqqas b’perċentwal li jikkorrispondi mat-tqassim tal-prezz effettivament imħallas jew li għandu jitħallas.

Sakemm ma jkunx speċifikat mod ieħor, għandhom japplikaw id-dispożizzjonijiet fis-seħħ dwar id-dazji doganali.

Artikolu 2

Dan ir-Regolament għandu jidħol fis-seħħ fil-jum ta’ wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

ANNESS I

Dikjarazzjoni ffirmata minn uffiċjal tal-entità li qed toħroġ il-fattura kummerċjali, fil-format li ġej, trid tidher fuq il-fattura kummerċjali valida msemmija fl-Artikolu 1(6):

—

L-isem u l-kariga tal-uffiċjal tal-entità li tkun qed toħroġ il-fattura kummerċjali.

—

Id-dikjarazzjoni li ġejja:

“Jiena, hawn taħt iffirmat, niċċertifika li l-(volum) u t-(telf fil-qalba) tal-azzar elettriku b’vina parallela mibjugħ għall-esportazzjoni lejn l-Unjoni Ewropea kopert minn din il-fattura, kien immanifatturat minn (isem il-kumpanija u indirizz) (Kodiċi TARIC addizzjonali) fi (il-pajjiż ikkonċernat). Niddikjara li l-informazzjoni pprovduta f’din il-fattura hija sħiħa u korretta.”

Data u firma

ANNESS II

Trid tidher dikjarazzjoni ffirmata mill-uffiċjal tal-entità li toħroġ iċ-ċertifikat tal-fabbrika, fil-format li ġej, fuq iċ-ċertifikat tal-fabbrika validu msemmi fl-Artikolu 1(6):

—

L-isem u l-funzjoni tal-uffiċjal tal-entità li toħroġ iċ-ċertifikat tal-fabbrika.

—

Id-dikjarazzjoni li ġejja:

“Jiena, hawn taħt iffirmat, niċċertifika li l-azzar elettriku b’vina parallela mibjugħ għall-esportazzjoni lejn l-Unjoni Ewropea kopert miċ-ċertifikat tal-fabbrika, li juri l-kejl tat-telf massimu fil-qalba f’Watts għal kull kilogramma bi frekwenza ta’ 50 Hz u induzzjoni manjetika ta’ 1,7 Tesla, u d-daqs f’mm, kien immanifatturat minn (isem u indirizz tal-kumpanija) (kodiċi addizzjonali TARIC) fi (pajjiż ikkonċernat). Niddikjara li l-informazzjoni pprovduta f’dan iċ-ċertifikat tal-fabbrika hija sħiħa u korretta.”

Data u firma

( 1 ) Ir-Regolament ta’ Implimentazzjoni tal-Kummissjoni (UE) 2015/2447 tal-24 ta’ Novembru 2015 li jistabbilixxi regoli dettaljati għall-implimentazzjoni ta’ ċerti dispożizzjonijiet tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni (ĠU L 343, 29.12.2015, p. 558).

Top

Choose the experimental features you want to try