02011D0163 — MT — 11.08.2022 — 021.001

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

Emendata bi:

Ikkoreġuta bi:

▼B

DEĊIŻJONI TAL-KUMMISSJONI

tas-16 ta’ Marzu 2011

dwar l-approvazzjoni tal-pjanijiet sottomessi mill-pajjiżi terzi skont l-Artikolu 29 tad-Direttiva tal-Kunsill 96/23/KE

(notifikata bid-dokument numru C(2011) 1630)

(Test b’relevanza għaż-ŻEE)

(2011/163/UE)

Artikolu 1

Il-pjanijiet stipulati fl-Artikolu 29 tad-Direttiva 96/23/KE mressqa lill-Kummissjoni minn pajjiżi terzi elenkati fit-tabelli stabbiliti fl-Anness huma approvati għall-annimali u l-prodotti li joriġinaw mill-annimali li huma maħsuba għall-konsum mill-bniedem u mmarkati b’“X” f’dik it-tabella.

Artikolu 2

▼M19

Għall-produzzjoni tal-budellat maħsub għall-esportazzjoni lejn l-Unjoni, il-pajjiżi terzi jistgħu jużaw il-materja prima importata minn pajjiżi terzi oħra, li huma awtorizzati għad-dħul fl-Unjoni ta’ laħam frisk, jew ta’ ċerti prodotti tal-laħam u stonkijiet, bżieżaq tal-awrina u intestini ttrattati fir-Regolamenti ta’ Implimentazzjoni (UE) 2021/404 u (UE) 2021/405.

Il-pajjiż terz li beħsiebu jesporta l-budellat lejn l-Unjoni għandu jiġi elenkat fir-Regolamenti ta’ Implimentazzjoni (UE) 2021/404 u (UE) 2021/405 għall-budellat, kif ukoll fl-Anness tad-Deċiżjoni 2011/163/UE (għall-budellat). Barra minn hekk, l-istabbilimenti li minnhom il-budellat ikun se jiġi esportat lejn l-Unjoni, għandhom jiġu elenkati f’konformità mal-Artikolu 5 tar-Regolament Delegat (UE) 2019/625.

▼B

▼M22

Artikolu 2a

Pajjiżi terzi li ma ppreżentawx pjan ta’ monitoraġġ tar-residwi għall-annimali u l-prodotti tal-annimali iżda li, abbażi ta’ talba ta’ pajjiż terz, biħsiebhom jesportaw prodotti tal-annimali lejn l-Unjoni mħejjija bl-użu ta’ materja prima li toriġina minn annimali miksuba minn Stat Membru jew minn pajjiż terz li jkun ipprovda pjan ta’ monitoraġġ tar-residwi skont l-Artikolu 29 tad-Direttiva 96/23/KE jiġu mmarkati b’“Δ” fit-tabella fl-Anness ta’ din id-Deċiżjoni għall-kummerċ triangolari.

Artikolu 2b

Pajjiżi terzi li ma ppreżentawx pjan ta’ monitoraġġ tar-residwi għall-annimali bovini, ovini/kaprini, porċini, ekwini u pollam, iżda li, abbażi ta’ talba ta’ pajjiż terz, biħsiebhom jesportaw prodotti komposti lejn l-Unjoni, bl-użu ta’ prodotti tal-annimali proċessati minn dawk l-ispeċi, miksuba minn Stat Membru jew minn pajjiż terz approvat jiġu mmarkati b’“O” fil-kolonna biss għall-ispeċi tal-annimali rilevanti fit-tabella tal-Anness.

Artikolu 2c

Abbażi ta’ talba minn pajjiż terz, pajjiżi terzi mmarkati b’“X” f’waħda mill-kategoriji tal-prodotti tal-akkwakultura, ħalib jew bajd fit-tabella tal-Anness huma mmarkati b’“O” f’dik it-tabella għall-bqija tal-kategoriji.

Artikolu 2d

Il-pajjiżi terzi kollha elenkati għall-molluski bivalvi, l-ekinodermi, it-tunikati u l-gastropodi tal-baħar ħajjin, imkessħin, iffriżati jew ipproċessati fl-Anness VIII tar-Regolament ta’ Implimentazzjoni (UE) 2021/405 jiġu mmarkati b’“M” fit-tabella fl-Anness ta’ din id-Deċiżjoni għall-molluski.

Artikolu 2e

Il-pajjiżi terzi kollha li jipproduċu prodotti komposti minn prodotti pproċessati derivati mill-molluski, sa fejn il-molluski bivalvi pproċessati jew joriġinaw mill-Istati Membri inkella minn pajjiżi terzi elenkati fl-Anness VIII tar-Regolament ta’ Implimentazzjoni (UE) 2021/405 jiġu mmarkati b’“P” fil-kolonna “Akkwakultura” fit-tabella fl-Anness ta’ din id-Deċiżjoni għall-prodotti pproċessati derivati mill-molluski.

▼B

Artikolu 3

Artikolu 4

Id-Deċiżjoni 2004/432/KE hija rrevokata.

Artikolu 5

Din id-Deċiżjoni hija indirizzata lill-Istati Membri.

Għndha tibda tapplika mill-15 ta’ Marzu 2011.

▼M22

ANNESS

( 1 ) Ir-Regolament Delegat tal-Kummissjoni (UE) 2019/625 tal-4 ta' Marzu 2019 li jissupplimenta r-Regolament (UE) 2017/625 tal-Parlament Ewropew u tal-Kunsill fir-rigward ta' rekwiżiti għad-dħul fl-Unjoni ta' kunsinni ta' ċerti annimali u oġġetti maħsuba għall-konsum mill-bniedem (ĠU L 131, 17.5.2019, p. 18).