32014R0750

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
Regolament implimentattiv - 750/2014 - EN - EUR-Lex

Document 32014R0750

Help

Regolament ta' Implimentazzjoni tal-Kummissjoni (UE) Nru 750/2014 tal- 10 ta' Lulju 2014 dwar il-miżuri ta' protezzjoni f'rabta mad-dijarea porċina epidemika fir-rigward tar-rekwiżiti tas-saħħa tal-annimali għall-introduzzjoni tal-annimali porċini fl-Unjoni Test b'rilevanza għaż-ŻEE

ĠU L 203, 11.7.2014, p. 91–97 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 31/10/2016: This act has been changed. Current consolidated version: 04/10/2015

ELI: http://data.europa.eu/eli/reg_impl/2014/750/oj

HTML

PDF

Official Journal

11.7.2014

Il-Ġurnal Uffiċjali tal-Unjoni Ewropea

L 203/91

REGOLAMENT TA' IMPLIMENTAZZJONI TAL-KUMMISSJONI (UE) Nru 750/2014

tal-10 ta' Lulju 2014

dwar il-miżuri ta' protezzjoni f'rabta mad-dijarea porċina epidemika fir-rigward tar-rekwiżiti tas-saħħa tal-annimali għall-introduzzjoni tal-annimali porċini fl-Unjoni

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 91/496/KEE tal-15 ta' Lulju 1991 li tistabbilixxi l-prinċipji li jirregolaw l-organizzazzjoni tal-kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (1), u b'mod partikolari l-Artikolu 18(1) u (7) tagħha,

Billi:

(1)

Id-Direttiva 91/496/KEE tipprevedi, fost l-oħrajn, li jekk marda jew kwalunkwe fenomenu ieħor li għandhom il-probabbiltà li jippreżentaw theddida serja għas-saħħa tal-annimali jew dik umana fit-territorju ta' pajjiż terz, jew jekk kwalunkwe raġuni oħra serja tas-saħħa tal-annimali hekk timmerita, il-Kummissjoni, billi taġixxi fuq l-inizjattiva tagħha stess jew fuq talba ta' Stat Membru, tista' tadotta miżuri mingħajr dewmien, inkluż kundizzjonijiet speċjali fir-rigward ta' annimali li ġejjin mill-pajjiż terz ikkoċernat, kollu jew parti minnu.

(2)

Ir-Regolament tal-Kummissjoni (UE) Nru 206/2010 (2) jistabbilixxi, fost l-oħrajn, ir-rekwiżiti taċ-ċertifikazzjoni veterinarja għall-introduzzjoni fl-Unjoni ta' ċerti kunsinni ta' annimali ħajjin. Fih previst li l-kunsinni tal-bhejjem tal-ifrat għandhom jiġu introdotti fl-Unjoni biss jekk jikkonformaw ma' ċerti rekwiżiti u jkunu akkumpanjati miċ-ċertifikat veterinarju li jixraq, magħmul skont il-mudell rilevanti stabbilit fil-Parti 2 tal-Anness I ta' dak ir-Regolament.

(3)

Ir-rekwiżiti tas-saħħa tal-annimali stipulati fil-mudell taċ-ċertifikati verterinarji jipprevjenu garanziji fir-rigward tal-mard tal-annimali li jistgħu jagħmlu ħsara lill-istatus tas-saħħa tal-annimali tal-Unjoni. L-issodisfar ta' rekwiżiti bħal dawn huwa għalhekk essenzjali sabiex l-Unjoni tiġi protetta minn tifqigħa ta' mard eżotiku.

(4)

Notifika mill-Istati Uniti lill-Organizzazzjoni Dinjija għas-Saħħa tal-Annimali, l-Uffiċċju Internazzjonali tal-Mard Epiżootiku (3) turi li Mard Ġdid Koronavajrus Enteriku tal-Ħnieżer ikkawżat mill-alfakoronavajrusis porċini emerġenti inkluż il-vajrus tad-dijarea porċina epidemika u deltakoronavajrus porċin ġdid ħareġ fl-Amerika ta' Fuq. Il-Kanada informat lill-Kummissjoni dwar ir-riżutati pożittivi tat-testijiet għall-preżenza kemm tal-alfa kif ukoll tad-deltakoronavajrus li twettqu fl-impriżi tal-ħnieżer Kanadiżi.

(5)	Id-dijarea porċina epidemika kkawżata mill-alfakoronavajrus emerġenti u d-deltakoronavajrus ġdid tista' tikkostitwixxi riskju għall-istatus tas-saħħa tal-annimali tal-Unjoni. Din taffettwa lill-ħnieżer u l-marda klinika hija iktar evidenti fil-qżieżes fejn kien hemm perċentwali għoljin ta' mwiet.

(6)

Għalhekk hemm bżonn li jiġu riveduti r-rekwiżiti tas-saħħa tal-annimali għad-dħul tal-kunsinni tal-annimali porċini fl-Unjoni miż-żoni li fihom hija preżenti l-marda kkawżata minn dawn il-vajrusis sabiex jiġu fornuti l-garanziji neċessarji fl-impriża tal-oriġini u tiġi evitata l-introduzzjoni fl-Unjoni tad-dijarea porċina epidemika li hija kkawżata minn dawk il-vajrusis.

(7)

B'riżultat tal-bżonn li tiġi protetta s-saħħa tal-annimali fl-Unjoni u t-theddida serja minħabba l-introduzzjoni fl-Unjoni ta' ħnieżer ħajjin għat-tnissil u/jew il-produzzjoni, il-Kummissjoni għandha tadotta miżuri ta' salva gwardja proviżorji għall-kunsinni ta' dawk l-annimali minn pajjiżi terzi affettwati elenkati fl-Anness I ta' dan ir-Regolament. Bl-istess mod, il-kunsinni ta' dawk l-annimali għandhom ikunu akkumpanjati minn ċertifikat tas-saħħa skont il-mudell stipulat fl-Anness II ta' dan ir-Regolament li jipprevjeni garanziji speċifiċi fir-rigward tad-dijarea porċina epidemika kkawżata mill-alfakoronavajrus emerġenti u d-deltakoronavajrus porċin ġdid.

(8)	Minħabba r-riskju serju għas-saħħa tal-annimali b'riżultat ta' dawk il-kunsinni, dawk il-miżuri ta' salva gwardja proviżorji għandhom jidħlu fis-seħħ fil-jum ta' wara l-pubblikazzjoni ta' dan ir-Regolament u japplikaw għal perjodu ta' 6 xhur.

(9)	Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Permezz ta' deroga mill punt (b) tal-Artikolu 3 u l-Partijiet 1 u 2 tal-Anness I tar-Regolament (UE) Nru 206/2010, il-kunsinni tal-ħnieżer ħajjin għat-tnissil u l-produzzjoni, koperti miċ-ċertifikat veterinarju mudell “POR-X” stipulat f'dak l-Anness, minn pajjiżi terzi elenkati fl-Anness I ta' dan ir-Regolament, għandhom ikunu akkumpanjati minn ċertifikat veterinarju skont il-mudell stipulat fl-Anness II ta' dan ir-Regolament.

Artikolu 2

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Għandu japplika sat-12 ta' Jannar 2015.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-10 ta' Lulju 2014.

Għall-Kummissjoni

Il-President

José Manuel BARROSO

(1) ĠU L 268, 24.9.1991, p. 56.

(2) Ir-Regolament tal-Kummissjoni (UE) Nru 206/2010 tat-12 ta' Marzu 2010 li jistabbilixxi listi ta' pajjiżi terzi, territorji jew partijiet minnhom awtorizzati għall-introduzzjoni fl-Unjoni Ewropea ta' annimali partikulari u laħam frisk u r-rekwiżiti relatati maċ-ċertifikazzjoni veterinarja (ĠU L 73, 20.3.2010, p. 1).

(3) http://www.oie.int/wahis_2/public/wahid.php/Reviewreport/Review?page_refer=MapFullEventReport&reportid=15133

ANNESS I

CA — Il-Kanada

US — L-Istati Uniti

ANNESS II

Mudell POR-X -PED

Test ta 'immaġni

PAJJIŻ

Mudell POR-X

II. Informazzjoni dwar is-saħħa

II.a. Numru ta’ referenza taċ-ċertifikat

II.b.

II.1. Attestazzjoni tas-Saħħa Pubblika

Jiena, il-veterinarju uffiċjali sottoskritt, b’dan niċċertifika, li l-annimali deskritti f’dan iċ-ċertifikat:

II.1.1. ġejjin minn impriżi agrikoli li kienu ħielsa minn kwalunkwe projbizzjoni uffiċjali minħabba raġunijiet ta’ saħħa, għall-aħħar 42 jum fil-każ tal-bruċellożi, għall-aħħar 30 jum fil-każ tal-antraċe u għall-aħħar sitt xhur fil-każ tar-rabja, u l-annimali ma ġewx f’kuntatt ma’ annimali minn impriżi agrikoli li ma kinux jissodisfaw dawn il-kundizzjonijiet;

II.1.2. ma rċevew:

— ebda sustanza stilbene jew tirostatika,

— sustanzi estroġeniċi, androġeniċi, ġestaġeniċi jew b agonistiċi għal skopijiet apparti minn trattamenti terapewtiċi jew żootekniċi (kif iddefinit fid-Direttiva 96/22/KE).

II.2. Attestazzjoni tas-Saħħa tal-Annimali

Jiena, il-veterinarju uffiċjali sottoskritt, b’dan niċċertifika, li l-annimali deskritti hawn fuq jissodisfaw ir-rekwiżiti li ġejjin:

II.2.1. ġejjin minn territorju bil-kodiċi: (1) li, fid-data tal-ħruġ ta’ dan iċ-ċertifikat:

(2) jew [(a) ilu ħieles għal 24 xahar mill-marda tal-ilsien u d-dwiefer, għal 12-il xahar mill-pesta tal-ifrat, mid-deni Afrikan tal-ħnieżer, mid-deni klassiku tal-ħnieżer, mill-marda vesikulari tal-ħnieżer u mill-eksantema vesikulari, u]

(2) jew [(a) (i) ilu ħieles [għal 24 xahar mill-marda tal-ilsien u d-dwiefer] (2), għal 12-il xahar mill-pesta tal-ifrat, mid-deni Afrikan tal-ħnieżer, mill-eksantema vesikulari, [mid-deni klassiku tal-ħnieżer] (2) u [mill-marda vesikulari tal-ħnieżer] (2), u

(ii) ilu meqjus ħieles [mill-marda tal-ilsien u d-dwiefer] (2), [[mid-deni klassiku tal-ħnieżer] (2), u [mill-marda vesikulari tal-ħnieżer (2), minn (jj/xx/ssss), mingħajr ma’ kien hemm każijiet/tfaqqigħ minn dik id-data, u awtorizzat jesporta dawn l-annimali permezz tar-Regolament tal-Kummissjoni (UE) Nru/, tal- (jj/xx/ssss), u]

(2) jew [(b) għal 6 xhur mill-istomatite vexxikulari, u]

(2) (9) jew [(b) l-annimali nżammu għal 21 jum, jew mit-twelid jekk ikollhom inqas minn 21 jum fl-età, qabel il-bidu tal-kwarantina ta’ qabel l-esportazzjoni f’impriża agrikola li fiha l-ebda każ tal-istomatite vexxikulari ma ġie rrappurtat uffiċjalment matul dak il-perjodu u matul il-kwarantina ta’ qabel l-esportazzjoni ta’ mhux inqas minn 30 jum qabel l-imbark fi stazzjon tal-kwarantina protett minn insetti portaturi fejn ġew soġġetti, b’riżultat negattiv, għal soluzzjoni dilwita tas-serum ta’ 1 fi 32 għal test tan-newtralizzazzjoni tal-vajrus għall-istomatite vexxikulari mwettaq kif imsemmi fil-Parti 6 tal-Anness I tar-Regolament (UE) Nru 206/2010 fuq kampjuni li jittieħdu mill-inqas 21 jum wara l-bidu tal-kwarantina; u]

(c) inżammu għal 40 jum qabel intbagħtu f’impriża agrikola fejn l-ebda każ tad-dijarea porċina epidemika ma kien ikkonfermat jew suspettat u ġew soġġetti għal test aġent ta’ identifikazzjoni (PCR) għad-detezzjoni tal-vajrus tad-Dijarea Porċina Epidemika u d-Deltakoronavajrus Porċin fuq kampjuni fekali meħudin sebat ijiem qabel intbagħtu, b’riżultati negattivi u ma ħadux tilqim kontra dawk il-vajrusis, u

(d) fejn matul l-aħħar 12-il xahar, ma sar l-ebda tilqim kontra l-mard elenkat fil-punt (a) u l-importazzjonijiet ta’ bhejjem domestiċi tal-ifrat imlaqqma kontra dan il-mard mhumiex permessi;

II.2.2. dawn ilhom fit-territorju deskritt fil-punt II.2.1 minn twelidhom, jew għal mill-inqas għal dawn l-aħħar sitt xhur qabel ma ntbagħtu lejn l-Unjoni u bla ma ġew f’kuntatt ma’ bhejjem tal-ifrat importati fl-aħħar 30 jum;

II.2.3. ilhom fl-impriża/i agrikola/i deskritti fil-kaxxa ta’ referenza I.11 minn twelidhom, jew għal mill-inqas 40 jum qabel ma ntbagħtu, u, matul dan il-perjodu, fl-impriża/i agrikola/i u f’żona b’raġġ ta’ 10 km madwar l-impriża/i agrikola/i tal-oriġini, ma kien hemm l-ebda każ/tifqigħa tal-mard imsemmi fil-punt II.2.1;

Parti II: Ċertifikazzjoni

Test ta 'immaġni

PAJJIŻ

Mudell POR-X

II. Informazzjoni dwar is-saħħa

II.a. Numru ta’ referenza taċ-ċertifikat

II.b.

II.2.4. A mhumiex annimali li se jinqatlu skont programm nazzjonali għall-eradikazzjoni tal-mard, u lanqas ma tlaqqmu kontra l-mard imsemmi fil-punt II.2.1;

(2) (3) [II.2.4. B ġew soġġetti fl-aħħar 30 jum għal test għall-antikorpi tal-marda vesikulari tal-ħnieżer u għal test għall-antikorpi tad-deni klassiku tal-ħnieżer b’riżultati negattivi fiż-żewġ każijiet;]

(2) (4) [II.2.4. C ġew soġġetti f’dawn l-aħħar 30 jum għal test b’antiġeni ta’ Brucella bbaferjati għall-bruċellożi porċina b’riżultati negattivi;]

II.2.5. ġejjin minn merħliet li mhumiex ristretti fil-programm nazzjonali tal-eradikazzjoni tal-bruċellożi;

II.2.6. huma/kienu (2) mibgħuta mill-impriża/i agrikola/i tal-oriġini, mingħajr ma għaddew minn ebda suq,

(2) jew [direttament lejn l-Unjoni,]

(2) jew [lejn iċ-ċentru ta’ raggruppament awtorizzat uffiċjalment deskritt fil-kaxxa ta’ referenza I.13 li jinsab fit-territorju deskritt fil-punt II.2.1,,]

u, sakemm intbagħtu lejn l-Unjoni:

(a) ma ġewx f’kuntatt ma’ bhejjem oħra tal-ifrat li mhumiex konformi mar-rekwiżiti tas-saħħa kif deskritti f’dan iċ-ċertifikat, u

(b) ma kienu fl-ebda post fejn fih, jew madwaru f’raġġ ta’ 10 km, matul l-40 jum preċedenti, kien hemm każ/tifqigħa ta’ ebda marda msemmija fil-punt II.2.1, u

(c) ma kienu fl-ebda post fejn fih, jew madwaru f’raġġ ta’ 10 km, matul l-40 jum preċedenti, kien hemm każ/tifqigħa ta’ ebda marda msemmija fil-punt II.2.1, u;

II.2.7. kull vettura tat-trasport jew kontejner li fihom tgħabbew, tnaddfu u ġew diżinfettati qabel it-tagħbija b’diżinfettant awtorizzat uffiċjalment;

II.2.8. ġew eżaminati minn veterinarju uffiċjali fi żmien 24 siegħa mit-tagħbija u ma wrew l-ebda sinjal kliniku ta’ mard;

II.2.9. dawn tgħabbew biex jintbagħtu lejn l-Unjoni fi (jj/xx/ssss) (5) fil-mezz tat-trasport deskritt fil-kaxxa ta’ referenza I.15 li tnaddfu u ġew diżinfettati qabel it-tagħbija b’diżinfettant awtorizzat uffiċjalment u huma mibnija b’tali mod li l-fekali, l-awrina, l-imfierex jew l-għalf ma jkunux jistgħu jnixxu jew jaqgħu barra mill-vettura jew mill-kontejner waqt it-trasportazzjoni.

II.3. Attestazzjoni tat-trasport tal-annimali

Jiena, il-veterinarju uffiċjali sottoskritt, b’dan niċċertifika, li l-annimali deskritti hawn fuq ġew trattati qabel u waqt it-tagħbija skont id-dispożizzjonijiet rilevanti tar-Regolament (KE) Nru 1/2005, b’mod partikolari fir-rigward tal-ilma u l-għalf, u huma f’kundizzjoni tajba għat-trasport maħsub.

(2) (6) [II.4. Rekwiżiti spe ċifiċi

II.4.1. Il-marda ta’ Aujeszky hija notifikabbli fil-pajjiż imsemmi fil-kaxxa ta’ referenza I.7;

II.4.2. skont l-informazzjoni uffiċjali, ma kienet irreġistrata l-ebda evidenza klinika, patoloġika jew seroloġika tal-marda ta’ Aujeszky għall-aħħar 12-il xahar fl-impriża/i agrikola/i tal-oriġini msemmija fil-kaxxa ta’ referenza I.11., u f’dawk l-impriża/i agrikola/i li jinsabu fil-qrib tagħha/om f’distanza ta’ 5 km;

II.4.3. l-annimali msemmija fil-kaxxa ta’ referenza I.28:

(a) qabel ma ntbagħtu għall-esportazzjoni, ilhom minn twelidhom fl-impriża/i agrikola/i tal-oriġini msemmija fil-kaxxa ta’ referenza I.11. jew ilhom f’din/dawn l-impriża/i agrikola/i għall-aħħar 3 xhur u f’oħrajn ta’ status ekwivalenti mit-twelid,

(b) ġew iżolati f’akkomodazzjoni approvata mill-awtorità kompetenti għall-aħħar 30 jum immedjatament qabel ma ntbagħtu għall-esportazzjoni, mingħajr kuntatt dirett jew indirett ma’ annimali Suidae oħra,

Test ta 'immaġni

PAJJIŻ

Mudell POR-X

II. Informazzjoni dwar is-saħħa

II.a. Numru ta’ referenza taċ-ċertifikat

II.b.

(c) ġew soġġetti għal test ELISA għall-preżenza tal-Ig (7) fuq sera li ttieħdu mill-inqas 21 jum wara li ġew iżolati, b’riżultati negattivi; u, l-annimali kollha f’iżolament ukoll taw riżultati negattivi għal dan it-test, u

(d) ma tlaqqmux kontra l-marda ta’ Aujeszky u ma kinux f’kuntatt ma’ annimali mlaqqma, u l-merħla tal-oriġini ma tlaqqmitx matul it-12-il xahar preċedenti.]

(2) (8) [II.4.4 (rekwiżiti u/jew testijiet oħra)]

Noti

Dan iċ-ċertifikat huwa maħsub għall-annimali porċini domestiċi ħajjin (Sus scrofa) maħsuba għat-tgħammir jew għall-produzzjoni.

Wara l-importazzjoni, l-annimali għandhom jittieħdu mingħajr dewmien lejn l-impriża agrikola tad-destinazzjoni fejn għandhom jibqgħu għal perjodu minimu ta’ 30 jum qabel ċaqliq ieħor barra mill-impriża agrikola, ħlief fil-każ ta’ annimali mibgħuta direttament lejn biċċerija jew ta’ annimali li jagħmlu tranżitu fl-Unjoni minn pajjiż terz wieħed għal pajjiż terz ieħor

Parti I:

— Kaxxa ta’ referenza I.8: Agħti l-kodiċi tat-territorju kif tidher fil-Parti 1 tal-Anness I tar-Regolament (UE) Nru 206/2010.

— Kaxxa ta’ referenza I.13: Iċ-ċentru ta’ raggruppament, jekk ikun hemm, irid jissodisfa l-kundizzjonijiet għall-approvazzjoni tiegħu, kif stabbilit fil-Parti 5 tal-Anness I tar-Regolament (UE) Nru 206/2010.

— Kaxxa ta’ referenza I.15: Għandu jingħata n-numru tar-reġistrazzjoni (vaguni tal-ferrovija jew kontejners u trakkijiet), in-numru tat-titjira (ajruplan) jew l-isem (tal-vapur). Fil-każ ta’ ħatt u tagħbija mill-ġdid, l-ispeditur għandu jinforma lill-BIP bid-dħul fl-Unjoni.

— Kaxxa ta’ referenza I.23: Fil-każ ta’ kontejners jew kaxex, għandu jiġi inkluż in-numru tal-kontejner u n-numru tas-siġill (fejn applikabbli).

— Kaxxa ta’ referenza I.28: Sistema ta’ identifikazzjoni: l-annimali għandu jkollhom:

Numru individwali li jippermetti t-traċċar tal-impriżi agrikoli tal-oriġini tagħhom. Tkun speċifikata s-sistema ta’ identifikazzjoni (bħal tikketta, tatwaġġi, ħruq fuq il-ġilda, ċippa, transponder).

Tikketta tal-widnejn li tinkludi l-kodiċi ISO tal-pajjiż esportatur. In-numru individwali jrid jippermetti t-traċċar tal-impriża agrikola tal-oriġini tagħhom.

— Kaxxa ta’ referenza I.28: Eta’: xhur.

— Kaxxa ta’ referenza I.28: Sess (M = maskil, F = femminili, K = kastrat).

Parti II:

(1) Il-kodiċi tat-territorju kif tidher fil-Parti 1 tal-Anness I tar-Regolament (UE) Nru 206/2010.

(2) Żomm kif jixraq.

(3) Għandhom jingħataw il-garanziji supplimentari meta jintalbu fil-kolonna 5 “SG” tal-Parti 1 tal-Anness I tar-Regolament (UE) Nru 206/2010, bl-entrata “B”.

(4) Għandhom jingħataw il-garanziji supplimentari meta jintalbu fil-kolonna 5 “SG” tal-Parti 1 tal-Anness I tar-Regolament (UE) Nru 206/2010, bl-entrata “C”.

(5) Data tat-tagħbija. L-importazzjonijiet ta’ dawn l-annimali ma għandhomx jiġu permessi meta l-annimali jkunu tgħabbew qabel id-data tal-awtorizzazzjoni għall-esportazzjoni lejn l-Unjoni jew il-pajjiż terz, it-territorju jew parti minnu msemmi fil-Kaxxi I.7 u I.8, jew matul perjodu fejn ġew adottati miżuri restrittivi mill-Unjoni kontra l-importazzjonijiet ta’ dawn l-annimali minn dan il-pajjiż terz, mit-territorju jew parti minnu.

(6) Meta jintalab mill-Istat Membru tal-UE tad-destinazzjoni jew mill-Iżvizzera, f’konformità mad-Deċiżjoni 2008/185/KE, u l-Ftehim bejn il-Komunità u l-Konfederazzjoni Żvizzera dwar il-kummerċ fi prodotti agrikoli (ĠU L 114, 30.4.2002, p. 132.) ħlief għal dawk il-pajjiżi b’“IX” fil-kolonna 6 “Kundizzjonijiet speċifiċi” tal-Parti 1 tal-Anness I tar-Regolament (UE) Nru 206/2010.

(7) Għandhom jitwettqu skont l-istandards stabbiliti fl-Anness III tad-Deċiżjoni 2008/185/KE. Fil-każ ta’ ħnieżer li għandhom iktar minn 4 xhur, it-test użat għandu jkun dak tal-vajrus sħiħ ELISA.

(8) Rekwiżiti oħra rikjesti mill-Finlandja fir-rigward tal-gastro-enterite trażmissibbli.

(9) Għandhom jingħataw il-garanziji supplimentari meta jintalbu fil-kolonna 5 “SG” tal-Parti 1 tal-Anness I tar-Regolament (UE) Nru 206/2010, bl-entrata “D”.

Test ta 'immaġni

Top