IL-KUMMISSJONI EWROPEA
Brussell,13.6.2018
COM(2018) 472 final
2018/0250(COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jistabbilixxi l-Fond għas-Sigurtà Interna
{SWD(2018) 347 final}
{SWD(2018) 348 final}
{SEC(2018) 315 final}
MEMORANDUM TA’ SPJEGAZZJONI
1.KUNTEST TAL-PROPOSTA
•Ir-raġunijiet u l-għanijiet tal-proposta
Matul dawn l-aħħar snin, it-theddidiet għas-sigurtà intensifikaw u ddiversifikaw fl-Ewropa. Seħħew fil-forma ta’ attakki terroristiċi, tipi ġodda ta’ kriminalità organizzata, kif ukoll bħala ċiberkriminalità. Is-sigurtà għandha intrinsikament dimensjoni transfruntiera u għaldaqstant jinħtieġ rispons tal-UE b’saħħtu u kkoordinat. Lil hinn mill-isfidi tas-sigurtà interna, l-Ewropa qed tiffaċċja theddid estern kumpless li l-ebda Stat Membru ma jista’ jaffronta waħdu. L-azzjoni tal-UE pprovdiet reazzjoni komprensiva u rapida li tfasslet fl-Aġenda tal-2015 dwar is-Sigurtà. Is-sigurtà se tibqa’ kwistjoni importanti għall-UE għas-snin li ġejjin u ċ-ċittadini tal-Ewropa jistennew li l-Unjoni u l-gvernijiet nazzjonali tagħhom jipprovdu s-sigurtà f’dinja inċerta u li qed tinbidel b’rata mgħaġġla.
L-isfidi li qed tiffaċċja l-Unjoni, b’mod partikolari mit-terroriżmu internazzjonali, ma jistgħux jiġu ttrattati mill-Istati Membri individwali waħedhom u mingħajr l-appoġġ finanzjarju u tekniku tal-UE. Fi żmien meta t-terroriżmu u kriminalità serja oħra joperaw bejn il-fruntieri, l-Istati Membri għad għandhom ir-responsabbiltà li liċ-ċittadini tagħhom jipprovdulhom is-sigurtà pubblika, f’konformità sħiħa mad-drittijiet fundamentali tal-UE, iżda l-UE tista’ tappoġġa dawn l-azzjonijiet. F'dan ir-rigward, it-Trattati jipprevedu l-ħtieġa li jiġi żgurat livell għoli ta' sigurtà, fost l-oħrajn permezz ta' miżuri preventivi, u permezz ta' koordinazzjoni u kooperazzjoni bejn il-pulizija, l-awtoritajiet ġudizzjarji u awtoritajiet kompetenti oħra.
L-aġenziji deċentralizzati, l-Aġenzija tal-Unjoni Ewropea għall-Kooperazzjoni fl-Infurzar tal-Liġi (European Union Agency for Law Enforcement Cooperation, Europol), l-Aġenzija tal-Unjoni Ewropea għat-Taħriġ fl-Infurzar tal-Liġi (European Union Agency for Law Enforcement Training, CEPOL) u ċ-Ċentru Ewropew għall-Monitoraġġ tad-Droga u d-Dipendenza fuq id-Droga (European Monitoring Centre for Drugs and Drug Addiction, EMCDDA) jaqdu rwol operazzjonali, ta’ koordinazzjoni u ta’ appoġġ importanti fl-implimentazzjoni tal-prijoritajiet, tal-għanijiet u tal-attivitajiet tal-UE fil-qasam tas-sigurtà.
Il-Fond għas-Sigurtà Interna ġie mwaqqaf biex jiffaċilita l-kooperazzjoni transfruntiera u l-skambju ta’ informazzjoni bejn uffiċjali tal-infurzar tal-liġi ta’ Stat Membru u awtoritajiet rilevanti oħra, b’mod partikolari billi jippermetti l-interoperabbiltà ta’ sistemi ta’ informazzjoni differenti tal-UE għas-sigurtà, billi jagħmel il-ġestjoni tal-fruntieri u tal-migrazzjoni aktar effikaċi u effiċjenti, u billi jiffaċilita azzjonijiet operattivi konġunti, kif ukoll billi jipprovdi appoġġ għat-taħriġ, għall-bini ta’ faċilitajiet essenzjali rilevanti għas-sigurtà, sabiex jiġi stabbilit il-ġbir u sabiex jiġu pproċessati r-reġistri tal-ismijiet tal-passiġġieri, f’konformità mal-acquis rilevanti tal-UE, u sabiex jinxtara t-tagħmir tekniku neċessarju. Dan għandu l-għan li jintensifika l-kooperazzjoni operattiva transfruntiera marbuta mal-prevenzjoni, il-kxif u l-investigazzjoni tal-kriminalità transfruntiera, u li jappoġġa l-isforzi mmirati lejn it-tisħiħ tal-kapaċitajiet biex tiġi evitata din it-tip ta’ kriminalità inkluż it-terroriżmu, b’mod partikolari permezz ta’ aktar kooperazzjoni bejn l-awtoritajiet pubbliċi, is-soċjetà ċivili u sħab privati mill-Istati Membri.
Il-Kummissjoni, fil-Komunikazzjoni tagħha Baġit Modern għal Unjoni li Tipproteġi, li Tagħti s-Setgħa u li Tiddefendi tipproponi li timmultiplika l-finanzjament tal-Unjoni għas-sigurtà interna b’fattur ta’ 1,8 meta mqabbel mal-perjodu attwali mill-2014 sal-2020, sabiex tiżgura livell għoli ta’ sigurtà fl-Unjoni u fl-istess ħin issaħħaħ ir-rwol tal-Aġenziji deċentralizzati f’dan il-qasam. Din il-proposta madankollu ma tkoprix il-fondi allokati għall-Aġenziji u tirregola biss il-Fond għas-Sigurtà Interna li jikkontribwixxi biex jiġi żgurat livell għoli ta’ sigurtà fl-Unjoni. Il-pakkett finanzjarju għall-Fond għas-Sigurtà Interna fil-perjodu mill-2021 sal-2027 se jkun ta’ EUR 2,5 biljun (bi prezzijiet attwali).
L-isfida ewlenija li l-proposta għandha l-għan li tindirizza hija l-ħtieġa għal aktar flessibbiltà fil-ġestjoni tal-Fond futur, meta mqabbel mal-perjodu ta’ programmar attwali, iżda wkoll l-għodod biex jiġi żgurat li l-finanzjament jiġi ggwidat lejn il-prijoritajiet u l-azzjonijiet tal-UE li jkollhom valur miżjud sinifikanti għall-Unjoni. Mekkaniżmi ġodda għall-allokazzjoni tal-fondi bejn ġestjoni kondiviża, diretta u indiretta huma meħtieġa biex jiġu indirizzati sfidi u prijoritajiet ġodda.
Il-finanzjament jiġi implimentat permezz ta’ ġestjoni kondiviża mill-Istati Membri kif ukoll permezz ta’ ġestjoni diretta / indiretta mill-Kummissjoni.
L-aktar fatt importanti fit-tqassim tal-finanzjament hija l-flessibbiltà biex jiġi ddeterminat il-metodu ta’ implimentazzjoni t-tajjeb u t-temi li għalihom jeħtieġ li jiġu allokati l-fondi, filwaqt li tinżamm massa kritika ta’ finanzjament bil-quddiem għal investimenti strutturali kbar pluriennali li jikkonformaw mal-ħtiġijiet tal-Istati Membri biex ikomplu jiġu żviluppati s-sistemi ta’ sigurtà tagħhom. L-allokazzjoni tal-fondi se tqis bis-sħiħ il-ħtieġa li l-Istati Membri jkunu kompletament konformi mal-acquis tal-Unjoni u l-ħtieġa li l-investimenti jiġu ffukati fuq il-prijoritajiet ewlenin tal-UE.
L-allokazzjoni tal-fondi għall-programmi tal-Istati Membri se tkun ibbażata fuq gwida għat-tqassim bi tliet kriterji 1) il-prodott domestiku gross, 2) id-daqs tal-popolazzjoni u 3) il-popolazzjoni tal-Istat. Hemm propost li l-kriterji differenti jingħataw importanza kif ġej: 45 % fi proporzjon invers għall-prodott domestiku gross, 40 % fi proporzjon tad-daqs tal-popolazzjoni u 15 % fi proporzjon għad-daqs tat-territorju ta’ l-Istat Membru.
Is-sehem għall-programmi tal-Istati Membri huwa ta’ 60 % tal-pakkett totali tal-Fond. Hemm propost li l-Istati Membri jiġu pprovduti b’50 % tal-pakkett fil-bidu tal-perjodu ta’ programmar, filwaqt li tinżamm il-possibbiltà li perjodikament il-pakkett ikollu żieda supplimentari. Hemm maħsub li żieda supplimentari waħda fissa ta’ 10 % tal-pakkett ta’ finanzjament se ssir f’nofs it-terminu (bl-aġġustament tekniku tal-gwida għat-tqassim suġġett għall-prestazzjoni finanzjarja, li skontha l-Istat Membru kellu jippreżenta t-talbiet għall-ħlas li jkopru mill-inqas 10 % tal-ammont inizjali tal-approprjazzjonijiet ta’ pagament).
L-40 % li jifdal tal-pakkett finanzjarju kumplessiv jenħtieġ li jiġu amministrati permezz ta’ faċilità tematika, li perjodikament tipprovdi finanzjament għal għadd ta’ prijoritajiet definiti fid-deċiżjonijiet ta’ finanzjament tal-Kummissjoni. Din il-faċilità toffri flessibbiltà fil-ġestjoni tal-Fond bl-iżborż ta’ fondi għall-assistenza teknika b'inizjattiva tal-Kummissjoni, u għall-komponenti li ġejjin:
–appoġġ għal azzjonijiet speċifiċi, billi tipprovdi finanzjament addizzjonali għal azzjonijiet speċifiċi b’valur miżjud għoli tal-UE, permezz tal-programmi nazzjonali tal-Istati Membri;
–appoġġ għal azzjonijiet tal-Unjoni, ġestiti permezz ta’ ġestjoni diretta u indiretta; u
–l-assistenza ta’ emerġenza.
L-ipprogrammar ta’ azzjonijiet permezz tal-faċilità tematika se jiġi implimentat permezz ta’ programmi ta’ ħidma annwali u pluriennali adottati b’Deċiżjoni ta’ Implimentazzjoni tal-Kummissjoni. Il-faċilità se tagħmilha possibbli li jiġu indirizzati prijoritajiet ġodda jew biex tittieħed azzjoni urġenti, u biex dawn jiġi implimentati permezz tal-metodu ta’ implimentazzjoni li qiegħed fl-aħjar pożizzjoni biex l-għan tal-politika jintlaħaq.
Hija meħtieġa iktar simplifikazzjoni fl-implimentazzjoni tal-istrument, b’mod partikolari billi jiġi żgurat approċċ koerenti mar-regoli applikabbli għall-ġestjoni ta’ Fondi tal-Unjoni oħra (“ġabra unika tar-regoli”), li tingħata gwida aħjar dwar is-sistemi ta’ ġestjoni u kontroll u dwar ir-rekwiżiti tal-awditjar, u billi jiġi żgurat li r-regoli ta’ eliġibbiltà b'ġestjoni konġunta jagħmlu użu sħiħ mill-opzjonijiet relatati mal-kostijiet simplifikati (simplified cost options, SCOs). Huwa importanti wkoll li jiġi massimizzat il-valur miżjud tal-UE fl-oqsma ta’ intervent u li jiġi implimentat qafas imtejjeb ta’ monitoraġġ u ta’ evalwazzjoni biex b’hekk tissaħħaħ il-ġestjoni tal-fondi fuq il-bażi tal-prestazzjoni.
Din il-proposta tipprevedi data ta' applikazzjoni mill-1 ta' Jannar 2021 u hija ppreżentata f’isem Unjoni ta' 27 Stat Membru, b'konformità man-notifika tar-Renju Unit bl-intenzjoni tiegħu li jirtira mill-Unjoni Ewropea u l-Euratom fuq il-bażi tal-Artikolu 50 tat-Trattat dwar l-Unjoni Ewropea, li l-Kunsill Ewropew irċieva fid-29 ta' Marzu 2017.
•Konsistenza mad-dispożizzjonijiet ta’ politika eżistenti fil-qasam ta’ politika
Il-Fond għas-Sigurtà Interna jibni fuq l-investimenti u l-kisbiet tal-istrumenti preċedenti tiegħu:
(i) Il-programm tas-“sigurtà u s-salvagwardja tal-libertajiet”, li kien jikkonsisti fi programmi speċifiċi għall-“prevenzjoni u l-ġlieda kontra l-kriminalità organizzata” (ISEC) u għall-“l-prevenzjoni, l-istat ta' tħejjija u l-immaniġġar tal-konsegwenzi tat-terroriżmu u riskji oħra relatati massigurtà''” (CIPS) fil-perjodu 2007-2013;
(ii) l-istrument għall-kooperazzjoni tal-pulizija, il-prevenzjoni u l-ġlieda kontra l-kriminalità u għall-immaniġġar tal-kriżijiet (ISF-P), li ġie stabbilit bir-Regolament (UE) Nru 513/2014 u fforma parti mill-Fond għas-Sigurtà Interna għall-perjodu 2014-2020 u
(iii)l-parti marbuta mal-politika dwar id-drogi tal-programm dwar il-Ġustizzja stabbilit bir-Regolament (UE) Nru 1382/2013 għall-perjodu 2014-2020.
L-istrumenti ta’ hawn fuq appoġġaw b’mod ġenerali l-politiki tal-UE fil-qasam tas-sigurtà interna, pereżempju dwar il-kooperazzjoni tal-pulizija, il-prevenzjoni u l-ġlieda kontra l-kriminalità (inklużi l-ġlieda kontra t-terroriżmu, it-tisħiħ tal-koordinazzjoni u l-kooperazzjoni bejn l-awtoritajiet tal-infurzar tal-liġi tal-Istati Membri u l-Europol), u l-immaniġġar tal-kriżijiet (il-protezzjoni tan-nies u l-infrastruttura kritika) u l-ġlieda kontra l-kuntrabandu tad-drogi.
Il-ħidma fil-Fond għas-Sigurtà Interna tenħtieġ li tkun konsistenti ma’ dik tal-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol), l-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL) u ċ-Ċentru Ewropew għall-Monitoraġġ tad-Droga u d-Dipendenza fuq id-Droga (European Monitoring Centre for Drugs and Drug Addiction, EMCDDA). Il-Fond se jaħdem f’kumplimentarjetà sħiħa ma’ dawn l-aġenziji. Il-Kummissjoni, fil-Komunikazzjoni tagħha Baġit Modern għal Unjoni li Tipproteġi, Tagħti s-Setgħa u Tiddefendi, tipproponi li jiġi allokat l-ammont ta’ EUR 1 128 000 000 (bi prezzijiet kurrenti) għall-aġenziji tal-Unjoni fil-qasam tas-sigurtà. Dan ir-Regolament ma jkoprix il-finanzjament għal dawn l-aġenziji. Il-finanzjament tagħhom huwa ddeterminat fil-proċedura baġitarja annwali regolari.
•Konsistenza ma’ politiki oħra tal-Unjoni
L-iskala u l-importanza, kif ukoll in-natura trażversali u li tevolvi tat-theddid għas-sigurtà jeħtieġu rispons ikkoordinat tal-UE kif ukoll l-intervent tal-istrumenti kollha tal-UE. Is-sigurtà hija kwistjoni trażversali u l-Fond għas-Sigurtà Interna jekk ma jkollux sinerġiji ma’ strumenti ta’ finanzjament oħra ma jistax jipprovdi rispons tal-UE effettiv. Is-sigurtà hija għalhekk indirizzata f’diversi programmi tal-Unjoni. L-ewwel nett, is-sigurtà se tkun indirizzata f’sinerġija u f’koerenza mal-Fond għall-Ażil u l-Migrazzjoni kif ukoll mal-Fond għall-Ġestjoni Integrata tal-Fruntieri (li jikkonsisti fi strument għall-ġestjoni tal-fruntieri u l-viżi u fi strument għat-tagħmir ta’ kontroll doganali). Is-sorveljanza jiġifieri l-kxif ta’ kuntrabandu ta’ oġġetti illegali, splussivi, prekursuri, migrazzjoni illegali u l-investigazzjoni tas-sigurtà fil-fruntieri esterni huma essenzjali sabiex tinżamm is-sigurtà globali tal-UE. Element ewlieni ieħor tas-sinerġija ma’ politiki tal-migrazzjoni u tal-fruntieri se jinħoloq bl-espansjoni kbira tal-Aġenzija Ewropea għall-Gwardja tal-Fruntiera u tal-Kosta għal status operazzjonali sħiħ, b’korp permanenti ta’ madwar 10 000 gwardja tal-fruntiera.
Barra minn hekk is-sinerġija u l-koerenza huma importanti fil-Fondi tal-Politika ta’ Koeżjoni, fir-rigward tar-riċerka għas-sigurtà li tagħmel parti minn Orizzont Ewropa, il-Programm Ewropa Diġitali, il-Programm dwar il-Ġustizzja u l-Programm dwar id-Drittijiet u l-Valuri. Minħabba l-konnessjonijiet intrinsiċi bejn is-sigurtà u l-ġustizzja fil-prattika, se jkun hemm ukoll sinerġiji partikolari bejn il-Fond għas-Sigurtà Interna u l-Programm dwar il-Ġustizzja f’termini ta' għoti ta' protezzjoni adegwata lil vittmi ta’ reati, finanzjament ta’ skwadri ta’ investigazzjoni konġunta u taħriġ ġudizzjarju, żgurar tal-interoperabbiltà mas-sistema Ewropea ta’ informazzjoni ta’ rekords kriminali, titjib ta’ kundizzjonijiet ta’ detenzjoni u kooperazzjoni bejn l-aġenziji fl-oqsma tal-ġustizzja u s-sigurtà, inkluż permezz ta’ aġenziji relatati mal-ġustizzja bħalma huma l-Eurojust u l-Uffiċċju tal-Prosekutur Pubbliku Ewropew. Fil-qasam tal-politika dwar id-droga hemm sinerġiji mal-Fond Soċjali Ewropew+, b’mod partikolari l-komponent tas-saħħa tiegħu. Għandhom jinstabu wkoll sinerġiji fil-qasam tas-sigurtà tal-infrastruttura u tal-ispazji pubbliċi, taċ-ċibersigurtà u l-prevenzjoni tar-radikalizzazzjoni. L-FSE+ jista’ jkollu rwol importanti fil-prevenzjoni tar-radikalizzazzjoni permezz ta’ integrazzjoni aħjar, u l-FEŻR kif ukoll InvestEU jista’ jkollhom rwol ewlieni biex tiżdied is-sigurtà tal-investimenti fl-infrastruttura fl-Unjoni filwaqt li ċ-ċibersigurtà tista’ tiġi indirizzata billi tiżdied is-sigurtà tas-sistemi tal-IT. Din il-kwistjoni hija bħas-sigurtà ta’ fenomeni transfruntiera u transsettorjali, u element importanti tal-programm Ewropa Diġitali, għaldaqstant iridu jiġu żgurati sinerġiji mal-Fond għas-Sigurtà Interna.
Is-sigurtà fi kwistjonijiet u azzjonijiet globali lil hinn mill-fruntieri tal-Unjoni jista’ jkollhom impatt sinifikanti fuq is-sigurtà interna tal-Unjoni. Għaldaqstant miżuri f’pajjiżi terzi u fir-rigward tagħhom se jkomplu jkunu appoġġati permezz tal-Fond, iżda jenħtieġ li jiġu implimentati f’sinerġija u f’koerenza sħiħa ma’ azzjonijiet oħra barra l-Unjoni u jenħtieġ li jikkumplimentawhom, appoġġati permezz ta’ strumenti ta’ finanzjament esterni tal-Unjoni inkluż l-istrument għall-assistenza ta’ qabel l-adeżjoni. B’mod partikolari, fl-implimentazzjoni ta’ azzjonijiet bħal dawn, jenħtieġ li jkun hemm sforz biex ikun hemm koerenza sħiħa mal-prinċipji u l-objettivi ġenerali tal-azzjoni esterna u l-politika barranija tal-Unjoni marbuta mal-pajjiż jew ir-reġjun inkwistjoni. Fir-rigward tad-dimensjoni esterna, il-Fond jenħtieġ li jtejjeb il-kooperazzjoni ma’ pajjiżi terzi f’oqsma ta’ interess għas-sigurtà interna tal-Unjoni, bħalma huma l-ġlieda kontra t-terroriżmu u r-radikalizzazzjoni, il-kooperazzjoni ma’ awtoritajiet tal-infurzar tal-liġi ta’ pajjiżi terzi fil-ġlieda kontra t-terroriżmu (inklużi brigati u skwadri ta’ investigazzjoni konġunti), il-kriminalità u l-korruzzjoni serji u organizzati, it-traffikar tal-bnedmin u l-faċilitazzjoni ta' immigrazzjoni illegali. Is-sigurtà hija wkoll marbuta mill-qrib mad-difiża, u fil-qasam tad-difiża l-Unjoni trid tieħu responsabbiltà akbar biex tipproteġi l-interessi, il-valuri kif ukoll l-istil ta’ ħajja Ewropea tagħha.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
Id-dritt tal-UE biex taġixxi fil-qasam tal-affarijiet interni jirriżulta mill-Artikolu 3(2) tat-Trattat dwar l-Unjoni Ewropea (TUE) li jistipula li “l-Unjoni għandha toffri liċ-ċittadini tagħha spazju ta' libertà, sigurtà u ġustizzja mingħajr fruntieri interni, li fih il-moviment liberu tal-persuni jkun assigurat flimkien ma' miżuri xierqa f'dak li jirrigwarda l-kontrolli tal-fruntieri esterni, l-ażil, l-immigrazzjoni kif ukoll il-prevenzjoni tal-kriminalità u l-ġlieda kontriha”.
L-azzjoni tal-Unjoni hi ġġustifikata fuq il-bażi tal-għanijiet msemmija fl-Artikolu 67 tat-Trattat dwar il-Funzjonament tal-Unjoni (TFUE), li jistabbilixxi l-mezzi li jikkostitwixxu spazju ta’ libertà, sigurtà u ġustizzja. Qed tinġibed l-attenzjoni wkoll għall-Artikolu 80 TFUE li jenfasizza li dawn il-politiki tal-Unjoni u l-implimentazzjoni tagħhom għandhom ikunu rregolati mill-prinċipju tas-solidarjetà u l-kondiviżjoni ġusta tar-responsabbiltà, inklużi l-implikazzjonijiet finanzjarji tiegħu bejn l-Istati Membri.
Dan ir-Regolament huwa bbażat fuq l-Artikoli 82(1), 84 u 87(2) TFUE, li jikkostitwixxu l-bażijiet legali kompatibbli fid-dawl taċ-ċirkustanzi legali speċifiċi li japplikaw għatteħid tad-deċiżjonijiet permezz tat-Titolu V TFUE.
Dan ir-Regolament se jipprovdi appoġġ finanzjarju fuq il-bażi ta’ politika komuni tal-Unjoni (strateġiji, programmi u pjanijiet ta’ azzjoni), leġiżlazzjoni, kooperazzjoni prattika u valutazzjonijiet tat-theddid u tar-riskju. Bħala konsegwenza, il-programm li attwalment jipprovdi appoġġ finanzjarju f’dan il-qasam ta’ politika (ISF-Pulizija) jenħtieġ li jitħassar b’effett mill-1 ta’ Jannar 2021, suġġett għar-regoli tranżitorji.
Barra minn hekk, il-Kummissjoni fid-29 ta’ Mejju 2018 adottat proposta għal Regolament dwar Dispożizzjonijiet Komuni sabiex ittejjeb il-koordinazzjoni u tarmonizza l-implimentazzjoni tal-appoġġ permezz tal-ġestjoni kondiviża, bil-għan ewlieni jkun li jiġi ssimplifikat it-twassil tal-politika. Il-parti tal-ġestjoni kondiviża tal-ISF hija koperta minn dawn id-dispożizzjonijiet komuni.
Id-diversi Fondi f’ġestjoni kondiviża għandhom għanijiet kumplimentari u jħaddnu l-istess mod ta’ ġestjoni, għaldaqstant ir-Regolament (UE) Nru [CPR] jistabbilixxi sensiela ta’ prinċipji komuni bħalma hija s-sħubija. Dan ir-Regolament fih ukoll l-elementi komuni strateġiċi tal-ippjanar u ta’ programmar, inklużi d-dispożizzjonijiet dwar il-Ftehim ta’ Sħubija li għandhom jiġu konklużi ma’ kull Stat Membru, u jistabbilixxi approċċ komuni għall-orjentazzjoni tal-prestazzjoni tal-Fondi. Għalhekk, dan jinkludi kundizzjonijiet ta’ abilitazzjoni u l-arranġamenti għall-monitoraġġ, ir-rappurtar u l-evalwazzjoni. Hemm stabbiliti wkoll dispożizzjonijiet komuni rigward ir-regoli ta’ eliġibbiltà, il-ġestjoni finanzjarja u l-arranġamenti ta’ ġestjoni u kontroll.
•Sussidjarjetà (għall-kompetenza mhux esklużiva)
Il-ġestjoni tat-theddid għas-sigurtà tippreżenta sfidi li ma jistgħux jiġu ttrattati mill-Istati Membri li jaġixxu waħidhom. Kollox ma’ kollox, dan hu qasam fejn b’mod ċar hemm valur miżjud fl-interventi tal-Unjoni u fil-mobilizzazzjoni tal-baġit tal-UE.
Fil-qasam tas-sigurtà, il-kriminalità serja u organizzata, it-terroriżmu u theddid ieħor marbut mas-sigurtà dejjem qed isiru aktar transfruntiera fin-natura tagħhom. Il-kooperazzjoni u l-koordinazzjoni transnazzjonali bejn l-awtoritajiet tal-infurzar tal-liġi huma essenzjali jekk dan it-theddid irid jiġi pprevenut u indirizzat, pereżempju permezz tal-iskambju ta' informazzjoni, investigazzjonijiet konġunti, teknoloġiji interoperabbli u valutazzjonijiet tar-riskju u dwar theddid komuni. L-appoġġ finanzjarju permezz ta’ dan ir-Regolament se jgħin biex jissaħħu l-kapaċitajiet nazzjonali u Ewropej f’dawk l-oqsma ta’ politika, billi jiffaċilitaw it-twaqqif ta’ qafas tal-Unjoni biex tiġi espressa s-solidarjetà kif ukoll pjattaforma għall-iżvilupp ta’ sistemi tal-IT komuni li hija l-bażi ta’ dawn il-politiki.
Huma meħtieġa riżorsi u kapaċitajiet sostanzjali biex l-Istati Membri jkunu jistgħu jieħdu ħsieb is-sigurtà tal-UE. It-titjib fil-kooperazzjoni u l-koordinazzjoni operazzjonali li jinvolvu l-kondiviżjoni ta' riżorsi joħloq ekonomiji tal-kobor u sinerġiji li jiżguraw użu aktar effiċjenti ta' fondi pubbliċi u t-tisħiħ tas-solidarjetà, il-fiduċja reċiproka u l-kondiviżjoni tarresponsabbiltà għall-politiki komuni tal-UE. Dan huwa rilevanti b’mod partikolari fil-qasam tas-sigurtà fejn l-appoġġ finanzjarju għall-forom kollha ta’ operazzjoni konġunta transfruntiera huwa essenzjali biex titjieb il-kooperazzjoni bejn il-pulizija, id-dwana, il-gwardji tal-fruntieri u l-awtoritajiet ġudizzjarji.
Fir-rigward tad-dimensjoni esterna tal-affarijiet interni, huwa ċar li l-adozzjoni ta’ miżuri u l-ġbir flimkien ta’ riżorsi fil-livell tal-UE se jżidu b'mod sinifikanti s-saħħa li l-UE tenħtieġ biex tipperswadi pajjiżi oħra sabiex jimpenjaw ruħhom magħha rigward il-kwistjonijiet relatati massigurtà li huma primarjament fl-interess tal-UE u tal-Istati Membri.
Din il-proposta tirrispetta l-prinċipju tas-sussidjarjetà, billi l-biċċa l-kbira tal-finanzjament se jiġi implimentat permezz ta’ ġestjoni kondiviża f’konformità mal-kompetenzi istituzzjonali tal-Istati Membri, filwaqt li jiġi kompletament rikonoxxut li l-intervent jenħtieġ li jseħħ f’livell xieraq u li r-rwol tal-Unjoni ma għandux imur lil hinn minn dak li huwa meħtieġ.
•Proporzjonalità
Il-proposta tikkonforma mal-prinċipju ta’ proporzjonalità, u taqa’ fil-kamp ta’ applikazzjoni marbut ma’ azzjoni fl-ispazju tal-libertà, is-sigurtà u l-ġustizzja, kif definit fit-Titolu V TFUE. L-għanijiet u l-livelli ta’ finanzjament korrispondenti mhumiex proporzjonali għal dak li l-Fond qed jimmira li jilħaq. L-azzjonijiet previsti minn din il-proposta jindirizzaw d-dimensjoni Ewropea tal-kooperazzjoni tal-pulizija.
•Għażla tal-istrument
Regolament tal-Parlament Ewropew u tal-Kunsill biex jiġi stabbilit Fond għas-Sigurtà Interna.
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
•L-evalwazzjonijiet ex post / il-kontrolli tal-idoneità tal-leġiżlazzjoni eżistenti
Il-proposta tqis ir-riżultati tal-evalwazzjonijiet tal-istrumenti ta’ finanzjament preċedenti għall-kooperazzjoni tal-pulizija. Hija tibni fuq l-evalwazzjoni ex post tas-CIPS u tal-ISEC, li kienu l-istrumenti fil-perjodu ta’ programmar 2007-2013, u l-evalwazzjoni interim tal-Fond għas-Sigurtà Interna, l-istrument għall-kooperazzjoni tal-pulizija, għall-prevenzjoni u l-ġlieda kontra l-kriminalità u għall-immaniġġar tal-kriżijiet, li huwa l-Fond għall-perjodu attwali (2014-2020). F’termini ta’ kriterji ta’ valutazzjoni differenti, ir-riżultati kienu kif ġej:
L-istrument tal-pulizija (ISF-P) kien fil-qofol tiegħu effettiv u kkontribwixxa għal livell għoli ta’ sigurtà fl-Unjoni permezz tal-prevenzjoni u l-ġlieda kontra l-kriminalità serja u organizzata transfruntiera, inkluż it-terroriżmu, u saħħaħ il-koordinazzjoni u l-kooperazzjoni bejn lawtoritajiet tal-infurzar tal-liġi. Għen ukoll biex tittejjeb il-kapaċità tal-Istati Membri biex jiġġestixxu b’mod effettiv ir-riskji relatati mas-sigurtà u l-kriżijiet u, sa ċertu punt, biex jipproteġu lin-nies u l-infrastrutturi kritiċi kontra l-attakki terroristiċi u inċidenti oħra relatati mas-sigurtà. L-evidenza tindika li għen biex jiġu msaħħa l-kooperazzjoni u l-koordinazzjoni fost l-Istati Membri u l-korpi Ewropej, u biex tittejjeb il-kapaċità tal-Istati Membri biex jiżviluppaw valutazzjonijiet komprensivi tat-theddid u tar-riskju, għalkemm fil-livell nazzjonali u tal-Unjoni ffinanzja relattivament għadd żgħir ta’ proġetti. Diversi azzjonijiet ġew iffinanzjati mill-Unjoni fil-qasam ta’ twissija bikrija u ta’ kooperazzjoni għall-prevenzjoni ta’ kriżijiet (pereż. in-netwerk ATLAS).
Madankollu, sal-lum l-ISF-P għamel progress limitat sabiex jiġu msaħħa l-kapaċitajiet amministrattivi u operattivi tal-Istati Membri u sabiex jiġu protetti l-infrastruttura kritika u l-vittmi u jiġu żviluppati skemi ta’ taħriġ u programmi ta’ skambju kif ukoll tittieħed azzjoni ma’ pajjiżi mhux tal-UE u organizzazzjonijiet internazzjonali, għalkemm il-biċċa l-kbira tal-proġetti relatati ma’ dawn l-għanijiet operattivi għadhom għaddejjin.
B’mod ġenerali rigward l-effiċjenza, fil-limiti tad-data disponibbli, l-evalwazzjoni indikat li r-riżultati tal-istrument ntlaħqu b’kostijiet raġonevoli f’termini kemm ta’ riżorsi umani kif ukoll finanzjarji. Xi Stati Membri waqqfu miżuri ta’ effiċjenza nazzjonali. Madankollu, il-biċċa l-kbira tal-Istati Membri jiffaċċjaw problemi mal-gwida, mal-indikaturi komuni u mal-kalendarju ta’ rappurtar / ta’ monitoraġġ tal-UE. Minkejja titjib fis-simplifikazzjoni, il-piż amministrattiv perċepit jista’ jiġi kkunsidrat li xekkel l-effiċjenza.
Il-ġabra unika ta’ proċeduri għat-tliet fondi (il-Fond għas-Sigurtà Interna - il-Pulizija, il-Fond għas-Sigurtà Interna - l-Istrument tal-Fruntieri u tal-Viżi (Internal Security Fund - Borders and Visa, ISF-BV) u l-Fond għall-Asil, il-Migrazzjoni u l-Integrazzjoni (Asylum, Migration and Integration Fund, AMIF)) instab li jwasslu għal simplifikazzjoni. Il-ftit Stati Membri li użaw l-opzjonijiet relatati mal-kostijiet issimplifikati rrikonoxxew l-effiċjenza tiegħu fit-tnaqqis tal-piż amministrattiv. Madankollu, il-miżuri ta’ simplifikazzjoni u l-miżuri biex jitnaqqas il-piż amministrattiv laħqu biss parzjalment il-miri maħsuba minnhom. Minkejja titjib fis-simplifikazzjoni, f’dan l-istadju ftit hemm evidenza ta’ tnaqqis sinifikanti fil-piż amministrattiv. Miżuri ta’ monitoraġġ, rappurtar u kontroll għadhom jitqiesu li huma ta’ piż u l-Istati Membri talbu għal aktar gwida biex jikkonformaw mar-rekwiżiti tal-UE. Ir-rekwiżiti ta’ rappurtar u l-irrilevanza ta’ xi indikaturi kienu wkoll irrapportati li jżidu l-piż amministrattiv.
Il-ħsieb u l-għanijiet tal-istrument oriġinali għadhom rilevanti fil-perjodu ta’ wara l-kriżi migratorja u tas-sigurtà. Ġew stabbiliti mekkaniżmi xierqa biex jiġu indirizzati l-ħtiġijiet li qed jinbidlu kemm fil-fażi ta’ programmar kif ukoll f’dik ta’ implimentazzjoni. Il-flessibbiltà offruta mill-istrument (il-possibbiltà ta’ trasferiment ta’ fondi bejn l-għanijiet) għenu biex jiġu indirizzati l-ħtiġijiet dejjem jinbidlu; madankollu, l-Istati Membri japprezzaw il-flessibbiltà akbar li tirriżulta mit-tnaqqis fl-għadd ta’ għanijiet nazzjonali u mit-tneħħija tal-livelli minimi ta’ allokazzjoni għal kull għan.
L-istrument huwa meqjus bħala koerenti u l-għanijiet tiegħu huma komplementari ma’ dawk ta’ politiki nazzjonali oħra. Il-koerenza u l-komplementarjetà ma’ strumenti oħra ta’ finanzjament tal-UE kienu żgurati fl-istadji ta’ tfassil, ta’ programmar u ta’ implimentazzjoni. Ġew stabbiliti mekkaniżmi ta’ koordinazzjoni sabiex jiġu żgurati l-koerenza u l-komplementarjetà fl-istadju ta’ implimentazzjoni. Il-kumitat ta’ monitoraġġ u l-awtoritajiet responsabbli għandhom rwol essenzjali fl-iżgurar tal-koerenza. Modi ta’ implimentazzjoni differenti kienu kumplimentari għal xulxin. Madankollu, jidher li hemm xi lok għal titjib fir-rigward tal-aġenziji tal-UE u tal-koerenza interna, billi ftit li xejn hemm għarfien fost il-benefiċjarji dwar l-azzjonijiet u l-proġetti fil-qafas tal-ISF.
B’mod ġenerali, l-istrument żgura valur miżjud tal-UE f’termini ta’ titjib fil-kooperazzjoni transfruntiera, l-iskambju tal-għarfien u l-aħjar prattiki, fil-fiduċja fost l-awtoritajiet tal-infurzar tal-liġi tal-Istati Membri u fl-applikazzjoni u l-implimentazzjoni tal-politiki ewlenin tal-UE (l-effetti tal-proċedura). Ikkontribwixxa wkoll biex twessa’ l-kamp ta’ applikazzjoni u tjiebet il-kwalità tal-azzjonijiet f’termini ta’ investiment f’oqsma li mhumiex mogħtija prijorità jew li huma speċjalizzati ħafna. Ix-xiri ta’ tagħmir tal-ogħla livell teknoloġiku tejjeb il-kapaċità tal-awtoritajiet nazzjonali biex iwettqu interventi speċjalizzati b’kamp ta’ applikazzjoni aktar wiesa’. L-istrument wassal ukoll sabiex jitwessgħu t-tipi ta’ skambji tal-għarfien u ta’ taħriġ flinfurzar talliġi (l-effetti tal-kamp ta’ applikazzjoni). Ikkontribwixxa għall-armonizzazzjoni tar-riċerka fil-livell ta’ UE dwar il-prevenzjoni tal-kriminalità, iffaċilita aktar investimenti u ffoka fuq miżuri ta’ terminu twil f’dan il-qasam. Ippermetta wkoll investimenti ta’ volum għoli, speċjalment fis-sistemi tal-IT, fit-taħriġ u fit-tagħmir speċjalizzat (l-effetti tal-volum). In-nuqqas ta’ finanzjament mill-ISF-P kien ikun detrimentali għall-kwalità tar-reazzjoni tal-UE għall-kooperazzjoni transfruntiera u għall-kapaċità tal-Istati Membri biex jimplimentaw soluzzjonijiet innovattivi (l-effetti tar-rwol).
Is-sostenibbiltà tal-istrument ġiet żgurata permezz tal-allinjament u l-komplementarjetà tal-azzjonijiet tiegħu ma’ azzjonijiet żviluppati bħala rispons għall-prijoritajiet nazzjonali jew ir-rekwiżiti tal-UE. Miżuri komprensivi u mekkaniżmi li jiżguraw is-sostenibbiltà ġew stabbiliti fl-istadji ta’ programmar u ta’ implimentazzjoni, kemm permezz ta’ ġestjoni kondiviża kif ukoll dik diretta. Madankollu, l-implimentazzjoni kontinwa ta’ ħafna mill-proġetti tagħmilha diffiċli li jiġi stabbilit jekk l-effetti fuq il-gruppi fil-mira u fuq l-oqsma speċifiċi humiex se jdumu.
•Konsultazzjonijiet mal-partijiet ikkonċernati
Twettqu żewġ konsultazzjonijiet pubbliċi speċifiċi miftuħa dwar il-fondi tal-UE fl-oqsma tal-migrazzjoni u tas-sigurtà mill-10 ta’ Jannar sad-9 ta’ Marzu 2018. B’mod ġenerali, dawk li wieġbu enfasizzaw il-ħtieġa għal simplifikazzjoni fit-twassil tal-istrumenti ta' finanzjament tal-affarijiet interni, aktar flessibbiltà (b’mod speċifiku fir-rigward tal-kapaċità ta’ rispons għallkriżijiet ta’ migrazzjoni u relatati mas-sigurtà) u aktar finanzjament u appoġġ f’oqsma b’livelli għolja ta’ kondiviżjoni tar-responsabbiltà (fl-ażil u l-ġestjoni tal-fruntieri) u / jew ta’ kooperazzjoni bejn l-Istati Membri u l-aġenziji responsabbli mill-affarijiet interni. It-tweġibiet juru li dawn il-miżuri jkunu jistgħu jtejbu l-effikaċja u l-effiċjenza tal-istrumenti u l-valur miżjud tal-UE. Partijiet ikkonċernati ġibdu l-attenzjoni dwar il-bżonn ta’ aktar pressjoni fil-politika tal-affarijiet interni f’pajjiżi terzi.
L-awtoritajiet responsabbli tal-Istati Membri ġew ikkonsultati fil-qafas tal-Kumitat AMIF-ISF. L-Istati Membri pprovdew kontribut dwar il-prijoritajiet prinċipali ta’ finanzjament, il-problemi, l-istruttura tal-Fondi u l-metodi ta’ implimentazzjoni. Ġew wkoll ikkonsultati partijiet kkonċernati ewlenin oħra u benefiċjarji tal-finanzjament tal-AMIF u tal-ISF permezz ta’ ġestjoni diretta u indiretta, bħal organizzazzjonijiet internazzjonali u organizzazzjonijiet tas-soċjetà ċivili, kif kienu kkonsultati l-aġenziji tal-affarijiet interni.
Il-partijiet ikkonċernati qablu li sabiex jiġi massimizzat il-valur miżjud tal-UE, l-infiq tal-UE jenħtieġ li jirrifletti l-prijoritajiet u l-impenji politiċi fillivell tal-UE u li jappoġġa l-implimentazzjoni tal-acquis tal-UE marbut mal-affarijiet interni. Huma talbu li jkun hemm disponibbli biżżejjed fondi sabiex jiġu ffaċċjati l-isfidi attwali u emerġenti ġodda. Għandu jkun disponibbli wkoll biżżejjed finanzjament għall-aġenziji tal-affarijiet interni, f’konformità mal-attivitajiet li dejjem qed jiżdiedu tagħhom. Il-partijiet ikkonċernati qablu dwar il-bżonn li tinbena aktar flessibbiltà fl-istruttura tal-fondi. Sabu li sabiex tinżamm biżżejjed flessibbiltà, jenħtieġ li jinżammu l-programmi nazzjonali pluriennali sabiex ikunu jistgħu jirreaġixxu għaċ-ċirkostanzi li qed jinbidlu. L-organizzazzjonijiet mhux governattivi kienu tal-fehma li l-ġestjoni diretta jenħtieġ li titkompla wkoll.
Dawn il-konsultazzjonijiet ikkonfermaw kunsens ġenerali fost il-partijiet ikkonċernati ewlenin dwar il-ħtieġa li tinżamm azzjoni b’kamp ta’ applikazzjoni wiesa’ għall-finanzjament tal-UE, inkluż fir-rigward tad-dimensjoni esterna tagħha, sabiex jissaħħaħ l-impatt tal-politiki tal-affarijiet interni, jkomplu jiġu ssimplifikati l-mekkaniżmi ta’ twassil u għal aktar flessibbiltà, b’mod partikolari biex jirrispondu għall-emerġenzi.
•Ġbir u użu tal-kompetenzi
Il-ħidma fuq il-preparazzjoni tal-istrumenti finanzjarji futuri għall-affarijiet interni bdiet fl-2016 u kompliet fl-2017 u fl-2018. Bħala parti minn din il-ħidma, saru studji tal-QFP fl-2017 sabiex tiġi appoġġata l-valutazzjoni tal-impatt li tnediet f’Settembru 2017. Dawn l-istudji ġabru flimkien ir-riżultati disponibbli minn evalwazzjonijiet tal-istrumenti finanzjarji eżistenti u minn konsultazzjonijiet mal-partijiet ikkonċernati, u esploraw il-problemi, l-għanijiet u l-opzjonijiet ta’ politika, inkluż l-impatt probabbli tagħhom, skont kif eżaminat fil-valutazzjoni tal-impatt.
•Valutazzjoni tal-impatt
Twettqet valutazzjoni tal-impatt għall-proposta. Il-valutazzjoni tal-impatt kopriet dan li ġej: il-Fond għall-Ażil u l-Migrazzjoni, il-Fond għas-Sigurtà Interna u l-Fond għall-Ġestjoni Integrata tal-Fruntieri, li huwa magħmul mill-Istrument għall-Ġestjoni tal-Fruntieri u l-Viżi u mill-Istrument għat-Tagħmir ta’ Kontroll Doganali. L-iskeda tas-sommarju tal-valutazzjoni tal-impatt u l-opinjoni pożittiva tal-Bord tal-Iskrutinju Regolatorju jinsabu fis-sit web li ġej
http://ec.europa.eu/transparency/regdoc/?fuseaction=ia&language=mt
.
Ir-rapport tal-valutazzjoni tal-impatt janalizza opzjonijiet politiċi differenti f’termini ta’ kif il-finanzjament se jingħata, filwaqt li jindirizza l-koerenza u l-komplementarjetà ma’ strumenti oħra ta’ finanzjament tal-UE, id-dimensjoni esterna tal-finanzjament fl-oqsma tal-migrazzjoni u s-sigurtà, il-flessibbiltà f’ambjent finanzjarju stabbli (inkluża l-faċilità tematika), il-modalitajiet ta’ implimentazzjoni (il-ġestjoni kondiviża, diretta u indiretta), il-possibbiltà li tingħata assistenza ta’ emerġenza kif ukoll il-mekkaniżmu ta’ rieżami ta’ nofs it-terminu. L-opzjoni ppreferuta hija taħlita ta’ opzjonijiet li jibnu fuq ir-riżultati u r-rakkomandazzjonijiet tal-evalwazzjoni ex post tal-Fondi preċedenti (il-perjodu ta’ programmar 2007-2013) u l-evalwazzjonijiet interim għall-Fondi attwali (il-perjodu ta’ programmar 2014-2020).
Il-valutazzjoni ta’ l-impatt tindirizza r-rakkomandazzjonijiet tal-Bord tal-Iskrutinju Regolatorju. It-tabella ta’ hawn taħt tiddeskrivi l-kunsiderazzjonijiet u r-rakkomandazzjonijiet prinċipali għal titjib li ġew riċevuti għall-Fond għall-Ażil u l-Migrazzjoni, l-Istrument għall-Ġestjoni tal-Fruntieri u l-Viżi (bħala parti mill-Fond għall-Ġestjoni Integrata tal-Fruntieri) u l-Fond għas-Sigurtà Interna, u kif ir-rapport tal-valutazzjoni tal-impatt ġie emendat biex jirrifletti dan.
Il-kunsiderazzjonijiet ewlenin tal-Bord tal-Iskrutinju Regolatorju
|
Modifiki fir-rapport tal-valutazzjoni tal-impatt
|
Ir-rapport ma jispjegax kif żieda fil-kompetenza tal-UE f’dawn l-oqsma [tal-affarijiet interni] u rwol ikbar tal-aġenziji se jaffettwaw is-sistema kollha kemm hi.
|
Għall-Fond għall-Ażil u l-Migrazzjoni, l-Istrument għall-Ġestjoni tal-Fruntieri u l-Viżi (bħala parti mill-Fond għall-Ġestjoni Integrata tal-Fruntieri) u l-Fond għas-Sigurtà Interna, ir-rapport ġie rivedut sabiex jiġi spjegat kif l-estensjoni tal-kompetenza tal-UE u r-rwol akbar tal-Aġenziji jaffettwa r-rwoli tal-Fondi rispettivi (it-Taqsima 3.2). Billi għandhom rwol ewlieni fl-implimentazzjoni tal-politiki ta’ sigurtà u tal-migrazzjoni tal-Unjoni, l-Aġenziji tal-Affarijiet interni se jkollhom rwol importanti matul il-fażi tal-ipprogrammar tal-programmi nazzjonali filwaqt li l-attivitajiet ta’ monitoraġġ tagħhom se jikkontribwixxu għar-rieżami ta’ nofs it-terminu. Mandat estiż tal-Aġenziji mhux se jkollu l-għan li jissostitwixxi l-kompiti attwali mwettqa mill-Istati Membri, iżda pjuttost li jsaħħaħ u jaġġorna l-azzjonijiet tal-Unjoni u tal-Istati Membri fil-qasam tal-migrazzjoni, tal-ġestjoni tal-fruntieri u tas-sigurtà
|
Aktar kunsiderazzjonijiet u rakkomandazzjonijiet għal titjib
|
Modifiki fir-rapport tal-valutazzjoni tal-impatt
|
(1) Ir-rapport jenħtieġ li jippreżenta t-tibdil ewlieni fl-istruttura tal-programm u fil-prijoritajiet meta mqabbel mal-perjodu ta’ programmar attwali. Barra minn hekk, ir-rapport jenħtieġ li jiċċara l-kamp ta’ applikazzjoni tal-komponent estern tal-programm, jiġifieri l-komplementarjetà tiegħu ma’ strumenti esterni.
|
Ir-rapport ġie rivedut biex jiġu ppreżentati l-bidliet ewlenin fl-istruttura tal-programm apparagun tal-perjodu ta’ programmar attwali (it-Taqsima 3.2) u biex jiġi ċċarat il-kamp ta’ applikazzjoni tal-komponent estern u l-komplementarjetà tiegħu mal-istrumenti esterni (it-Taqsima 3.3). L-għanijiet tal-Fondi huma bbażati fuq il-kamp ta’ applikazzjoni tal-predeċessuri tagħhom li, b’mod ġenerali, kienu kkunsidrati bħala wiesa’ biżżejjed sabiex tiġi appoġġata l-implimentazzjoni tal-prijoritajiet tal-politika tal-UE, filwaqt li jiġi pprovdut il-valur miżjud tal-UE. L-adattamenti tal-prijoritajiet u tal-azzjonijiet jirriflettu l-iżviluppi tal-politika u l-ħtieġa ta’ sinerġiji ma’ Fondi oħra tal-UE. Interventi fid-dimensjoni esterna se jitfasslu u se jiġu implimentati f’koerenza mal-azzjoni esterna u l-politika barranija tal-UE, b’mod partikolari mal-Istrument estern tal-UE.
|
(2) Ir-rapport jenħtieġ li jispjega wkoll kif l-estensjoni tal-kompetenza tal-UE u rwol akbar għall-aġenziji jaffettwa r-rwoli tal-programmi rispettivi. Din iżżid il-ħtieġa għal azzjonijiet fil-livell nazzjonali, biex jiġu ddelegati l-aġenziji, jew biex titnaqqas il-prijorità ta’ xi interventi?
|
Ara l-modifiki li saru fir-rapport li fih il-kunsiderazzjoni ewlenija tal-Bord tal-Iskrutinju Regolatorju ppreżentata hawn fuq.
|
(3) Il-Bord jifhem li l-mekkaniżmu l-ġdid tar-riżervi ta’ prestazzjoni kien għadu qed jiġi żviluppat meta ġie abbozzat ir-rapport. Il-verżjoni finali tiegħu għandha madankollu taġġorna u tiċċara l-mekkaniżmu magħżul kif ukoll tiġġustifikah fid-dawl tal-esperjenza minn fondi oħra tal-UE (kif spjegat bil-fomm lill-Bord).
|
Ir-rapport ġie rivedut biex jiġi aġġornat u ċċarat il-mekkaniżmu ppreferut, filwaqt li jiġu kkunsidrati l-esperjenza minn Fondi oħra tal-UE u l-iżviluppi fil-qafas tat-tħejjija tar-Regolament dwar Dispożizzjonijiet Komuni futuri għall-ġestjoni kondiviża (it-Taqsima 4.1.4). L-ebda riżerva ta’ prestazzjoni speċifika ma hija ppreżentata fl-opzjoni ppreferuta. Livell minimu ta’ implimentazzjoni finanzjarja huwa inkluż għall-allokazzjoni tal-iffinanzjar supplementari fl-aġġustament tekniku ta’ nofs it-terminu filwaqt li l-elementi tal-prestazzjoni se jiġu kkunsidrati meta jiġu pprovduti fondi addizzjonali permezz tal-faċilità tematika.
|
(4) Ir-rapport jenħtieġ li jikkjarifika kif l-mekkaniżmu l-ġdid ta’ emerġenza se jiffunzjona fil-pakkett ta’ kull wieħed mit-tliet fondi għall-migrazzjoni u s-sigurtà, u li l-użu tal-assistenza ta’ emerġenza jenħtieġ li jkun limitat minħabba l-flessibbiltà l-ġdida pprovduta mill-faċilità tematika. Għandu jispjega l-vantaġġ ta’ dan il-mekkaniżmu fuq il-finanzjament ta’ emerġenza fil-perjodu ta’ programmar preċedenti.
|
Ir-rapport ġie rivedut sabiex jipprovdu kjarifiki dwar kif se jiffunzjona l-mekkaniżmu l-ġdid ta’ emerġenza (it-Taqsima 4.1.3). L-assistenza ta’ emerġenza pprovduta permezz tal-Fondi jenħtieġ li tkun kumplimentari għar-Riżerva ta' Għajnuna f'Emerġenza (fil-livell ta’ baġit ta’ UE) u tintuża f’sitwazzjonijiet definiti b’mod ċar. Minħabba l-flessibbiltà inkorporata fil-faċilità tematika, l-użu tal-assistenza ta’ emerġenza hija mistennija li tkun aktar limitat milli fil-perjodu ta’ programmar attwali. L-assistenza ta’ emerġenza tista’ tiġi implimentata permezz ta’ ġestjoni kondiviża, diretta jew indiretta.
|
(5) L-arranġamenti ta’ monitoraġġ mhumiex żviluppati sew. Ir-rapport jenħtieġ li jiċċara kif is-suċċess tal-programmi se jiġi definit u mkejjel.
|
Ir-rapport ġie rivedut (it-Taqsima 5.1) sabiex jippreżenta d-daqs tas-suċċess tal-programmi. Dan se jkun ibbażat fuq l-għanijiet stabbiliti bejn il-Kummissjoni u l-Istati Membri, li għandu jintlaħaq qbil dwarhom fil-programmi nazzjonali, u fuq minn kemm sussegwentement dawn l-għanijiet ikunu ntlaħqu, permezz ta’ indikaturi tal-eżiti u tar-riżultati inklużi fil-proposti legali. Ir-rekwiżiti ta’ rappurtar għall-ġestjoni kondiviża huma stabbiliti fir-Regolament dwar id-Dispożizzjonijiet Komuni.
|
•Idoneità regolatorja u simplifikazzjoni
Ir-Regolament dwar id-Dispożizzjonijiet Komuni (komuni għall-oqsma kollha ta’ politika tal-ġestjoni konġunta) se jiżgura s-simplifikazzjoni tal-Fond bl-użu, kemm jista’ jkun, ta’ regoli komuni għall-implimentazzjoni tal-programmi. Barra minn hekk, l-Istati Membri se jkunu mħeġġa biex iżidu l-użu tal-opzjonijiet relatati mal-kostijiet simplifikati. L-approċċ tal-awditjar se jkun issimplifikat sabiex jiffoka aktar fuq il-kampjunar tal-awditjar fuq il-bażi tar-riskju u sabiex jirrispetta l-prinċipju tal-“awditu uniku” biex jitnaqqas il-piż amministrattiv.
Aktar simplifikazzjoni permezz ta’ ġestjoni diretta se tintlaħaq permezz tal-użu ta’ għodod komuni tal-IT fil-Kummissjoni kollha kemm hi (sistema ta’ ġestjoni tal-Għotjiet elettroniċi).
•Drittijiet fundamentali
Appoġġ finanzjarju mill-baġit tal-Unjoni huwa indispensabbli għall-implimentazzjoni tal-ISF biex jiġu appoġġati l-Istati Membri fl-isforzi tagħhom biex jiżguraw livell għoli ta’ sigurtà fl-Unjoni, b’mod partikolari billi jiġġieldu t-terroriżmu u r-radikalizzazzjoni, il-kriminalità serja u organizzata u ċ-ċiberkriminalità, u billi jassistu u jipproteġu lill-vittmi ta’ kriminalità filwaqt li jaġixxu b’rispett sħiħ tad-drittijiet fundamentali. Dawn l-għanijiet se jiġu segwiti f’konformità sħiħa mal-impenji tal-Unjoni dwar id-drittijiet fundamentali. Dawn se jinżammu mill-qrib taħt monitoraġġ waqt l-implimentazzjoni tal-Fond.
4.L-IMPLIKAZZJONIJIET BAĠITARJI
Il-proposta tal-Kummissjoni għal qafas finanzjarju pluriennali tinkludi EUR 2 500 000 000 (fi prezzijiet attwali) għall-Fond għas-Sigurtà Interna għall-perjodu 2021-2027.
L-implimentazzjoni se tkun permezz ta’ ġestjoni kondiviża jew diretta / indiretta. Il-pakkett finanzjarju għandu jintuża kif ġej: 60 % se jiġu allokati għal programmi tal-Istati Membri li għandhom jiġu implimentati permezz ta’ ġestjoni kondiviża, filwaqt li 40 % se jiġu allokati għall-faċilità tematika u użati għal azzjonijiet speċifiċi fuq livell nazzjonali jew transnazzjonali, għal azzjonijiet tal-Unjoni u għall-assistenza ta’ emerġenza. Il-pakkett tal-faċilità tematika se jintuża wkoll għall-assistenza teknika bl-inizjattiva tal-Kummissjoni.
5.ELEMENTI OĦRA
•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rappurtar
Il-qafas ta’ monitoraġġ u evalwazzjoni, inkluża metodoloġija mtejba ta’ intraċċar għall-investimenti fil-fondi rilevanti tal-UE, se jiġu mtejba biex tiġi stimulata prestazzjoni f’waqtha u biex jiġi żgurat li l-evalwazzjonijiet jistgħu jagħtu kontribut effettiv għal kull reviżjoni tal-interventi ta’ politika fil-futur. Dan se jsir permezz ta’ indikaturi aħjar, kooperazzjoni aktar mill-qrib ma’ sħab u mekkaniżmi rilevanti biex tiġi inċentivata l-prestazzjoni. Evalwazzjoni ta’ nofs it-terminu u evalwazzjoni retrospettiva se jsiru mill-Kummissjoni. Dawn se jsiru skont il-paragrafi 22 u 23 tal-Ftehim Interistituzzjonali tat-13 ta’ April 2016, fejn it-tliet istituzzjonijiet ikkonfermaw li l-evalwazzjonijiet ta’ leġiżlazzjoni u politika eżistenti jenħtieġ li jipprovdu l-bażi għall-valutazzjoni tal-impatt ta’ opzjonijiet għal azzjoni ulterjuri. L-evalwazzjonijiet se jivvalutaw l-effetti tal-Fond fil-post fuq il-bażi ta’ indikaturi u miri u fuq analiżi ddettaljata dwar kemm il-fond jista’ jitqies rilevanti, effettiv, effiċjenti, jipprovdi biżżejjed valur miżjud tal-UE u huwa koerenti ma’ politiki oħra tal-UE. Dawn se jinkludu t-tagħlimiet meħuda biex jiġu identifikati kwalunkwe nuqqas, problema jew kwalunkwe potenzjal għal titjib ulterjuri tal-azzjonijiet jew tar-riżultati tagħhom, u biex jkun massimizzat l-impatt tagħhom.
F’termini ta’ rappurtar, l-Istati Membri huma mistennija jirrappurtaw dwar l-implimentazzjoni tal-programmi tagħhom skont il-modalitajiet stabbiliti f’dan ir-Regolament u fir-Regolament dwar id-Dispożizzjonijiet Komuni.
•Spjegazzjoni fid-dettall tad-dispożizzjonijiet speċifiċi tal-proposta
Il-Kapitolu I — Dispożizzjonijiet ġenerali, tar-Regolament propost, jistabbilixxi l-għan, il-kamp ta’ applikazzjoni u definizzjonijiet ewlenin tiegħu. Dan jistabbilixxi wkoll l-għanijiet tar-Regolament u l-kamp ta’ applikazzjoni għall-appoġġ li għandu jingħata. Il-kamp ta’ applikazzjoni propost ta’ dawn l-Artikoli huwa msejjes l-aktar fuq ir-Regolament attwali għall-Fond għas-Sigurtà Interna - il-Pulizija, filwaqt li jitqiesu l-iżviluppi ġodda ta’ politika, bħalma huma l-aġenda Ewropea dwar is-sigurtà, il-ġlieda kontra t-terroriżmu, il-kriminalità serja u organizzata u ċ-ċiberkriminalità, u l-aġenda l-ġdida dwar l-Interoperabbiltà.
Il-Kapitolu II — Qafas finanzjarju u ta’ implimentazzjoni, jistabbilixxi l-prinċipji ġenerali għall-appoġġ ipprovdut skont ir-Regolament u jwassal l-importanza tal-konsistenza u tal-kumplimentarjetà ma’ strumenti ta’ finanzjament tal-UE rilevanti. Dan il-kapitolu barra minn hekk jistipula l-metodi ta’ implimentazzjoni għall-azzjonijiet appoġġati f’dan ir-Regolament: b’ġestjoni kondiviża, diretta u indiretta. It-taħlita proposta ta’ metodi ta’ implimentazzjoni hija bbażata fuq l-esperjenza pożittiva ta’ din il-kombinazzjoni fl-implimentazzjoni tal-istrument ta’ finanzjament attwali.
L-ewwel taqsima tal-kapitolu tistabbilixxi l-qafas finanzjarju. Il-proposta tindika ammont għall-pakkett finanzjarju għall-Fond u l-użu tiegħu permezz ta’ diversi arranġamenti ta’ implimentazzjoni.
It-tieni, it-tielet u r-raba’ taqsimiet jiddeskrivu l-qafas ta’ implimentazzjoni għall-Fond, bħalma huma l-programmi mill-Kummissjoni u mill-Istati Membri. Il-kundizzjonijiet li japplikaw għall-azzjonijiet appoġġati skont ir-Regolament huma wkoll stabbiliti, bħal dawk relatati max-xiri ta’ tagħmir u mal-attivitajiet ta’ taħriġ. It-taqsima tistabbilixxi l-arranġamenti ddettaljati għarrieżami ta’ nofs it-terminu permezz tal-programmi tal-Istati Membri u għall-implimentazzjoni ta’ azzjonijiet speċifiċi, ta’ azzjonijiet tal-Unjoni, tal-assistenza ta’ emerġenza, tal-assistenza teknika, tal-operazzjonijiet ta’ taħlit u tal-appoġġ operattiv.
Il-ħames u l-aħħar taqsima jistabbilixxu d-dispożizzjonijiet meħtieġa fir-rapporti annwali tal-prestazzjoni mill-Istati Membri, fil-monitoraġġ u fl-evalwazzjoni.
Il-Kapitolu III — Dispożizzjonijiet tranżitorji u finali, fih dispożizzjonijiet dwar id-delega ta’ setgħa lill-Kummissjoni biex tadotta atti delegati, u dwar il-proċedura tal-Kumitat. Id-data tad-dħul fis-seħħ tar-Regolament propost hija stabbilita, u huwa stipulat li r-Regolament se jorbot fl-intier tiegħu u jkun direttament applikabbli fl-Istati Membri kollha f’konformità mat-Trattati, mill-1 ta’ Jannar 2021.
2018/0250 (COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jistabbilixxi l-Fond għas-Sigurtà Interna
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikoli 82(1), 84 u 87(2) tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew,
Wara li kkunsidraw l-opinjoni tal-Kumitat tar-Reġjuni,
Filwaqt li jaġixxu skont il-proċedura leġiżlattiva ordinarja,
Billi:
(1)Jiġi żgurat li s-sigurtà interna, li hija kompetenza ta’ l-Istati Membri, tkun sforz kondiviż li l-istituzzjonijiet tal-UE, l-aġenziji relevanti tal-Unjoni u l-Istati Membri jenħtieġ li jikkontribwixxu b’mod konġunt. Fil-perjodu mill-2015 sal-2020 il-Kummissjoni, il-Kunsill tal-Unjoni Ewropea u l-Parlament Ewropew iddefinixxew il-prijoritajiet komuni kif stabbiliti fl-Aġenda Ewropea dwar is-Sigurtà ta’ April 2015, li ġew affermati mill-ġdid mill-Kunsill fl-Istrateġija ta’ Sigurtà Interna li ġġeddet f’Ġunju 2015 u mill-Parlament Ewropew fir-Riżoluzzjoni tiegħu ta’ Lulju 2015. Din l-istrateġija kondiviża kellha l-għan li tipprovdi l-qafas strateġiku għall-ħidma fil-livell ta’ Unjoni fil-qasam tas-sigurtà interna, u ddefinixxiet l-prijoritajiet ewlenin għall-azzjoni, biex tiżgura rispons effettiv tal-Unjoni għat-theddid tas-sigurtà matul l-2015-2020, jiġifieri billi tiġġieled it-terroriżmu u tipprevjeni r-radikalizzazzjoni, tisfratta l-kriminalità organizzata u tiġġieled iċ-ċiberkriminalità.
(2)Fid-dikjarazzjoni ta’ Ruma, iffirmata fil-25 ta’ Settembru 2017, il-mexxejja tas-27 Stat Membru kkonfermaw id-determinazzjoni tagħhom għal Ewropa sikura u sigura u biex tinbena Unjoni fejn iċ-ċittadini kollha jħossuhom sikuri u jistgħu jiċċaqilqu liberament, fejn il-fruntieri esterni jkunu siguri, b’politika dwar il-migrazzjoni effiċjenti, responsabbli u sostenibbli, u li tirrispetta n-normi internazzjonali, kif ukoll Ewropa determinata li tiġġieled it-terroriżmu u l-kriminalità organizzata.
(3)Il-Kunsill Ewropew tal-15 ta’ Diċembru 2016 sejjaħ biex jibqgħu jinkisbu riżultati b'rabta mal-interoperabbiltà tas-sistemi ta’ informazzjoni u tal-bażijiet ta’ data tal-UE. Il-Kunsill Ewropew tat-23 ta’ Ġunju 2017 enfasizza l-ħtieġa li titjieb l-interoperabbiltà bejn il-bażijiet tad-data u li fit-12 ta’ Diċembru 2017, il-Kummissjoni adottat proposta għal Regolament dwar it-twaqqif ta’ qafas għall-interoperabbiltà bejn is-sistemi ta’ informazzjoni tal-UE (il-kooperazzjoni ġudizzjarja u tal-pulizija, l-ażil u l-migrazzjoni).
(4)L-objettiv tal-Unjoni li jiġi żgurat livell għoli ta’ sigurtà fi spazju ta’ libertà, sigurtà u ġustizzja skont l-Artikolu 67(3) tat-Trattat dwar il-Funzjonament tal-Unjoni Ewropea (TFUE) għandu jinkiseb, fost l-oħrajn, permezz ta’ miżuri għall-prevenzjoni u l-ġlieda kontra l-kriminalità kif ukoll permezz ta’ miżuri għal koordinazzjoni u kooperazzjoni bejn awtoritajiet tal-infurzar tal-liġi u awtoritajiet nazzjonali oħrajn tal-Istati Membri, inkluż ma’ aġenziji tal-Unjoni u korpi relevanti oħrajn tal-Unjoni u ma’ pajjiżi terzi u organizzazzjonijiet internazzjonali rilevanti.
(5)Sabiex jinkiseb dan l-objettiv, jenħtieġ li jittieħdu azzjonijiet fil-livell tal-Unjoni għall-protezzjoni ta’ persuni u ta’ oġġetti minn theddidiet transnazzjonali li dejjem qed jiżdiedu u biex tiġi appoġġata l-ħidma mwettqa mill-awtoritajiet kompetenti tal-Istati Membri. It-terroriżmu, il-kriminalità serja u organizzata, il-kriminalità itineranti, it-traffikar tad-droga, il-korruzzjoni, iċ-ċiberkriminalità, it-traffikar tal-bnedmin u l-armi, fost l-oħrajn, għadhom sfida għas-sigurtà interna tal-Unjoni.
(6)Il-finanzjament mill-baġit tal-UE jenħtieġ li jikkonċentra fuq attivitajiet li permezz tagħhom l-intervent tal-UE jista’ jagħti valur miżjud meta mqabbel ma’ azzjoni mill-Istati Membri waħidhom. F’konformità mal-Artikoli 84 u 87(2) TFUE, il-finanzjament jenħtieġ li jappoġġa miżuri li jippromwovu u jappoġġaw l-azzjoni tal-Istati Membri fil-qasam tal-prevenzjoni tal-kriminalità u tal-kooperazzjoni tal-pulizija li tinvolvi l-awtoritajiet kompetenti kollha tal-Istati Membri, b’mod partikolari fir-rigward tal-iskambju ta’ informazzjoni, ta’ aktar kooperazzjoni operattiva u ta’ appoġġ għall-isforzi li jsaħħu l-kapaċitajiet fil-ġlieda u l-prevenzjoni tal-kriminalità. Jenħtieġ li l-Fond ma jappoġġax l-ispejjeż operattivi u l-attivitajiet relatati mal-funzjonijiet essenzjali tal-Istati Membri rigward iż-żamma tal-liġi u tal-ordni u s-salvagwardja tas-sigurtà interna u nazzjonali kif imsemmi fl-Artikolu 72 TFUE.
(7)L-Istati Membri, sabiex jippreservaw l-acquis ta’ Schengen u sabiex jsaħħu l-funzjonament tiegħu, mis-6 ta’ April 2017 huma obbligati li jwettqu verifiki sistematiċi ma’ bażijiet tad-data rilevanti fuq ċittadini tal-UE li jaqsmu l-fruntieri esterni tal-UE. Barra minn hekk, il-Kummissjoni ħarġet Rakkomandazzjoni għall-Istati Membri sabiex jagħmlu użu aħjar mill-verifiki tal-pulizija u mill-kooperazzjoni transfruntiera. Jenħtieġ li s-solidarjetà fost l-Istati Membri, iċ-ċarezza dwar it-tqassim tal-kompiti, ir-rispett għad-drittijiet u l-libertajiet fundamentali u l-istat tad-dritt, l-attenzjoni b’qawwa fuq il-perspettiva globali u l-koerenza li hemm bżonn mad-dimensjoni esterna tas-sigurtà jkunu l-prinċipji ewlenin li jiggwidaw l-azzjoni tal-Unjoni u tal-Istati Membri biex tiġi żviluppata Unjoni tas-Sigurtà effettiva u ġenwina.
(8)Jenħtieġ li l-Istati Membri, biex jikkontribwixxi għall-iżvilupp u l-implimentazzjoni ta’ Unjoni tas-Sigurtà effettiva u ġenwina li għandha l-għan li tiżgura livell għoli ta’ sigurtà interna fl-Unjoni Ewropea kollha, ikunu pprovduti b’appoġġ finanzjarju xieraq tal-Unjoni billi jiġi stabbilit u ġestit Fond għas-Sigurtà Interna (“il-Fond”).
(9)Il-Fond jenħtieġ li jiġi implimentat f’konformità sħiħa mad-drittijiet u l-prinċipji stabbiliti fil-Karta tad-Drittijiet Fundamentali tal-Unjoni Ewropea u mal-obbligi internazzjonali tal-Unjoni fir-rigward tad-drittijiet fundamentali.
(10)Skont l-Artikolu 3 tat-Trattat dwar l-Unjoni Ewropea (TUE), il-Fond jenħtieġ li jappoġġa attivitajiet li jiżguraw il-protezzjoni tat-tfal mill-vjolenza, l-abbuż, l-isfruttament u n-negliġenza. Il-Fond jenħtieġ wkoll li jappoġġa s-salvagwardji u l-assistenza ta’ tfal li jkunu xhieda u vittmi, b’mod partikolari dawk li ma jkunux akkumpanjati jew li inkella jkollhom bżonn ta’ tutela.
(11)F’konformità mal-prijoritajiet kondiviżi identifikati fil-livell ta’ Unjoni sabiex jiġi żgurat livell għoli ta’ sigurtà fl-Unjoni, il-Fond se jappoġġa azzjonijiet immirati li jindirizzaw it-theddid ewlieni għas-sigurtà u b’mod partikolari jiġġieldu t-terroriżmu u r-radikalizzazzjoni, il-kriminalità serja u organizzata u ċ-ċiberkriminalità, u li jassistu u jipproteġu l-vittmi tal-kriminalità. Il-Fond se jiżgura li l-Unjoni u l-Istati Membri tagħha jkunu mgħammra tajjeb sabiex jindirizzaw it-theddid emerġenti bil-ħsieb li tiġi implimentata unjoni tas-sigurtà ġenwina. Dan jenħtieġ li jitwettaq permezz ta’ assistenza finanzjarja li tappoġġa skambju aħjar ta’ informazzjoni, li żżid il-kooperazzjoni operattiva u li ttejjeb il-kapaċitajiet nazzjonali u kollettivi.
(12)Fil-qafas komprensiv tal-Fond, l-assistenza finanzjarja provduta permezz tal-Fond jenħtieġ li b’mod partikolari tappoġġa l-kooperazzjoni ġudizzjarja u tal-pulizija u l-prevenzjoni fl-oqsma tal-kriminalità serja u organizzata, it-traffikar illeċitu tal-armi, il-korruzzjoni, il-ħasil tal-flus, it-traffikar tad-drogi, il-kriminalità ambjentali, l-iskambju u l-aċċess għall-informazzjoni, it-terroriżmu, it-traffikar tal-bnedmin, l-isfruttament tal-immigrazzjoni illegali, l-isfruttament sesswali tat-tfal, it-tqassim ta’ immaġini b’abbuż fuq it-tfal u ta’ pedopornografija, kif ukoll iċ-ċiberkriminalità. Il-Fond jenħtieġ li jappoġġa wkoll il-protezzjoni tal-persuni, tal-ispazji pubbliċi u tal-infrastruttura kritika kontra inċidenti marbuta mas-sigurtà u l-ġestjoni effettiva tar-riskji relatati mas-sigurtà u mal-kriżijiet, inkluż permezz tal-iżvilupp ta’ politiki komuni (strateġiji, ċikli ta’ politiki, programmi u pjanijiet ta’ azzjoni), ta’ leġiżlazzjoni u ta’ kooperazzjoni prattika.
(13)Il-Fond jenħtieġ li jibni fuq ir-riżultati u l-investimenti tal-predeċessuri tiegħu: il-Programm ta' Prevenzjoni u l-Ġlieda kontra l-Kriminalità (ISEC) u l-programm Prevenzjoni, Stat ta’ Tħejjija u Maniġġar tal-Konsegwenzi tat-Terroriżmu u ta’ riskji oħra relatati mas-Sigurtà’(CIPS) għall-perjodu 2007-2013 u l-istrument għall-kooperazzjoni tal-pulizija, il-prevenzjoni u l-ġlieda kontra l-kriminalità, u l-ġestjoni tal-kriżijiet bħala parti mill-Fond għas-Sigurtà Interna għall-perjodu 2014-2020 stabbilit bir-Regolament (UE) Nru 513/2014 tal-Parlament Ewropew u tal-Kunsill, u jenħtieġ li jiġi estiż sabiex jitqiesu l-iżviluppi ġodda.
(14)Hemm il-ħtieġa li l-impatt tal-finanzjamenti tal-Unjoni jiġi massimizzat permezz ta’ mobilizzazzjoni, ġbir komuni u t-tisħiħ tar-riżorsi finanzjarji pubbliċi u privati. Il-Fond jenħtieġ li jippromwovi u jinkoraġġixxi l-parteċipazzjoni attiva u valida tas-soċjetà ċivili kif ukoll jinvolviha, inklużi l-organizzazzjonijiet nongovernattivi, kif ukoll is-settur industrijali fl-iżvilupp u l-implimentazzjoni tal-politika ta’ sigurtà, inkluż fejn rilevanti, l-involviment ta’ atturi rilevanti oħra, aġenziji tal-Unjoni u korpi oħra tal-Unjoni, pajjiżi terzi u organizzazzjonijiet internazzjonali fir-rigward tal-għan tal-Fond.
(15)Fil-qafas komprensiv tal-istrateġija tal-Unjoni kontra d-drogi li tippromwovi approċċ ekwilibrat imsejjes fuq tnaqqis simultanju fil-provvista u fid-domanda, l-assistenza finanzjarja mogħtija skont dan il-Fond jenħtieġ li tappoġġa l-azzjonijiet kollha li jkollhom l-objettiv li jipprevjenu u jikkumbattu t-traffikar fid-drogi (it-tnaqqis fil-provvista u fid-domanda), u b’mod partikolari l-miżuri li għandhom fil-mira tagħhom il-produzzjoni, il-manifattura, l-estrazzjoni, il-bejgħ, it-trasport, l-importazzjoni u l-esportazzjoni tad-drogi illegali, inklużi l-pussess u x-xiri bi skop ta’ involviment f’attivitajiet ta’ traffikar tad-drogi. Il-Fond jenħtieġ li b’mod partikolari jkopri l-aspetti ta’ prevenzjoni tal-politika dwar id-drogi. Sabiex ikun hemm aktar sinerġiji u ċarezza fil-qasam relatat mad-drogi, dawn l-elementi tal-għanijiet relatati mad-drogi — li fl-2014-2020 kienu koperti mill-Programm tal-Ġustizzja — jenħtieġ li jiġu inkorporati fil-Fond.
(16)Sabiex jiġi żgurat li l-Fond jagħti kontribut effettiv għal livell ogħla ta’ sigurtà interna fl-Unjoni Ewropea kollha, għall-iżvilupp ta’ Unjoni tas-Sigurtà ġenwina, il-Fond jenħtieġ li jintuża b’mod li l-azzjoni tal-Istati Membri jkollha kemm jista’ jkun valur.
(17)Fl-interess ta’ solidarjetà fl-Unjoni, u fi spirtu ta’ responsabbiltà kondiviża għas-sigurtà fiha, meta jiġu identifikati nuqqasijiet jew riskji, b’mod partikolari wara l-evalwazzjoni ta’ Schengen, l-Istat Membru kkonċernat jenħtieġ li jindirizza b’mod adegwat il-kwistjoni billi juża r-riżorsi fil-programm tiegħu biex jimplimenta r-rakkomandazzjonijiet adottati skont ir-Regolament tal-Kunsill (UE) Nru 1053/2013.
(18)Sabiex jikkontribwixxu għall-kisba tal-objettivi tal-Fond, l-Istati Membri jenħtieġ li jiżguraw li l-prijoritajiet tal-programmi tagħhom jindirizzaw l-objettivi speċifiċi tal-Fond, li l-prijoritajiet magħżula jkunu f’konformità mal-miżuri ta’ implimentazzjoni kif stabbilit fl-Anness II u li l-allokazzjoni tar-riżorsi ta’ bejn l-għanijiet tkun tiżgura li l-objettiv ta’ politika ġenerali jista’ jintlaħaq.
(19)Is-sinerġiji, il-konsistenza u l-effiċjenza jenħtieġ li jinstabu f’fondi oħra tal-UE u jenħtieġ li jiġi evitat trikkib bejn l-azzjonijiet.
(20)Il-Fond jenħtieġ li jkun koerenti ma’ programmi finanzjarji oħra tal-Unjoni kif ukoll kumplimentari magħhom fil-qasam tas-sigurtà. Għandhom jinstabu wkoll sinerġiji b’mod partikolari mal-Fond għall-Ażil u l-Migrazzjoni, il-Fond għall-Ġestjoni Integrata tal-Fruntieri li jikkonsisti mill-istrument għall-ġestjoni tal-fruntieri u l-viżi stabbilit mir-Regolament (UE) X u l-istrument għat-tagħmir ta’ kontroll doganali stabbilit mir-Regolament (UE) X kif ukoll il-Fondi l-oħra tal-Politika ta’ Koeżjoni koperti bir-Regolament (UE) X [CPR], il-parti dwar ir-riċerka għas-sigurtà tal-Programm Orizzont Ewropa stabbilit mir-Regolament (UE) X, il-Programm dwar id-Drittijiet u l-Valuri stabbilit mir-Regolament X, il-Programm tal-Ġustizzja stabbilit mir-Regolament UE X, il-Programm Ewropa Diġitali stabbilit mir-Regolament UE X u l-programm InvestEU stabbilit mir-Regolament UE X. Jenħtieġ li jinstabu sinerġiji b’mod partikolari dwar is-sigurtà tal-infrastruttura u l-ispazji pubbliċi, iċ-ċibersigurtà u l-prevenzjoni tar-radikalizzazzjoni. Mekkaniżmi ta’ koordinazzjoni effettivi huma essenzjali sabiex jintlaħqu bl-aktar mod effettiv l-għanijiet tal-politika, jiġu sfruttati l-ekonomiji ta’ skala u jiġi evitat trikkib bejn l-azzjonijiet.
(21)Miżuri f’pajjiżi terzi u fir-rigward tagħhom appoġġati permezz tal-Fond jenħtieġ li jiġu implimentati f’sinerġija u f’koerenza sħiħa ma’ azzjonijiet oħra barra l-Unjoni u jenħtieġ li jikkumplimentawhom, appoġġati permezz ta’ strumenti ta’ finanzjament esterni tal-Unjoni. B’mod partikolari, fl-implimentazzjoni ta’ azzjonijiet bħal dawn, jenħtieġ li jkun hemm sforz biex ikun hemm koerenza sħiħa mal-prinċipji u l-objettivi ġenerali tal-azzjoni esterna u l-politika barranija tal-Unjoni marbuta mal-pajjiż jew ir-reġjun inkwistjoni. Fir-rigward tad-dimensjoni esterna, il-Fond jenħtieġ li jtejjeb il-kooperazzjoni ma’ pajjiżi terzi f’oqsma ta’ interess għas-sigurtà interna tal-Unjoni, bħalma huma l-ġlieda kontra t-terroriżmu u r-radikalizzazzjoni, il-kooperazzjoni ma’ awtoritajiet tal-infurzar tal-liġi ta’ pajjiżi terzi fil-ġlieda kontra t-terroriżmu (inklużi brigati u skwadri ta’ investigazzjoni konġunti), il-kriminalità u l-korruzzjoni serji u organizzati, it-traffikar tal-bnedmin u l-faċilitazzjoni ta' immigrazzjoni illegali.
(22)Il-finanzjament mill-baġit tal-UE jenħtieġ li jikkonċentra fuq attivitajiet li permezz tagħhom l-intervent tal-UE jista’ jagħti valur miżjud meta mqabbel ma’ azzjonijiet mill-Istati Membri waħidhom. Is-sigurtà għandha intrinsikament dimensjoni transfruntiera u għaldaqstant jinħtieġ rispons tal-Unjoni b’saħħtu u kkoordinat. L-appoġġ finanzjarju provdut b’dan ir-Regolament se jikkontribwixxi b'mod partikolari biex jissaħħu l-kapaċitajiet nazzjonali u tal-Unjoni f'dan il-qasam.
(23)Stat Membru jista’ jitqies li mhuwiex konformi mal-acquis tal-Unjoni rilevanti fir-rigward tal-użu ta’ appoġġ operattiv taħt dan il-Fond jekk ikun naqas milli jwettaq l-obbligi tiegħu tat-Trattati fil-qasam ta’ sigurtà, jekk ikun hemm riskju ċar ta’ ksur serju minn Stat Membru tal-valuri tal-Unjoni meta jimplimenta l-acquis dwar is-sigurtà, jew jekk rapport ta’ evalwazzjoni tal-Mekkaniżmu ta’ Evalwazzjoni u Monitoraġġ ta’ Schengen jidentifika nuqqasijiet fiż-żona rilevanti.
(24)Il-Fond jenħtieġ li jirrifletti l-ħtieġa għal żieda fil-flessibbiltà u s-simplifikazzjoni filwaqt li jirrispetta r-rekwiżiti f’termini ta’ prevedibbiltà, u filwaqt li jiżgura t-tqassim ġust u trasparenti tar-riżorsi sabiex jintlaħqu l-objettivi stipulati f’dan ir-Regolament.
(25)Dan ir-Regolament jenħtieġ li jistabbilixxi l-ammonti inizjali għall-Istati Membri kkalkulati fuq il-bażi tal-kriterji stabbiliti fl-Anness I.
(26)Dawn l-ammonti inizjali jenħtieġ li jiffurmaw il-bażi għall-investimenti ta’ terminu twil fis-sigurtà tal-Istati Membri. Sabiex jittieħed kont tal-bidliet fit-theddid għas-sigurtà jew fis-sitwazzjoni bażika, jenħtieġ li jiġi allokat ammont addizzjonali għall-Istati Membri f’nofs it-terminu fuq il-bażi tal-aktar data statistika reċenti disponibbli, kif stabbiliti fil-gwida għat-tqassim, filwaqt li jitqies l-istat ta’ implimentazzjoni tal-programmi.
(27)Billi l-isfidi fil-qasam tas-sigurtà qed jevolvu b’mod kostanti, hemm il-bżonn li l-allokazzjoni ta’ finanzjament tiġi adattata għall-bidliet fit-theddid għas-sigurtà u li l-finanzi jmorru għall-prijoritajiet bl-ogħla valur miżjud għall-Unjoni. Bħala reazzjoni għall-ħtiġijiet pressanti, għall-bidliet fil-politika u fil-prijoritajiet tal-Unjoni u sabiex il-fondi jmorru għal azzjonijiet b’livell għoli ta’ valur miżjud għall-Unjoni, parti mill-finanzjament se jiġi perjodikament allokat għal azzjonijiet speċifiċi, għal azzjonijiet tal-Unjoni u għall-assistenza ta’ emerġenza permezz tal-faċilità tematika.
(28)L-Istati Membri jenħtieġ li jiġu mħeġġa biex jużaw parti mill-allokazzjoni tal-programm tagħhom biex jiffinanzjaw azzjonijiet mniżżla fl-Anness IV biex jibbenefikaw minn kontribuzzjoni ogħla tal-Unjoni.
(29)Parti mir-riżorsi disponibbli permezz tal-Fond jistgħu jitqassmu wkoll għall-implimentazzjoni ta’ azzjonijiet speċifiċi li jeħtieġu sforz kooperattiv fost l-Istati Membri jew meta żviluppi ġodda fl-Unjoni jeħtieġu fondi addizzjonali li għandhom jkunu disponibbli għal Stat Membru jew aktar. Dawn l-azzjonijiet speċifiċi jenħtieġ li jkunu definiti mill-Kummissjoni fil-programmi ta’ ħidma tagħha.
(30)Il-Fond jenħtieġ li jikkontribwixxi għall-appoġġ tal-ispejjeż operattivi marbuta mas-sigurtà interna u jippermetti lill-Istati Membri biex iżommu l-kapaċitajiet li huma kruċjali għall-Unjoni kollha kemm hi. Dan l-appoġġ jikkonsisti minn rimborż sħiħ ta’ għażla ta’ spejjeż speċifiċi relatati mal-għanijiet tal-Fond u jenħtieġ li jifforma parti integrali mill-programmi tal-Istati Membri.
(31)Il-Fond, sabiex jikkumplimenta l-implimentazzjoni tal-għanijiet ta’ politika tiegħu fil-livell nazzjonali permezz tal-programmi tal-Istati Membri, jenħtieġ li jipprovdi wkoll appoġġ għal azzjonijiet fil-livell tal-Unjoni. Dawn l-azzjonijiet jenħtieġ li jservu għanijiet strateġiċi globali fil-kamp ta’ applikazzjoni tal-intervent tal-Fond relatat mal-analiżi tal-politika u l-innovazzjoni, it-tagħlim reċiproku u s-sħubijiet transnazzjonali kif ukoll l-ittestjar ta’ inizjattivi u azzjonijiet ġodda fl-Unjoni.
(32)Sabiex tissaħħaħ il-kapaċità tal-Unjoni biex tirreaġixxi immedjatament għal inċidenti marbuta mas-sigurtà jew theddidiet emerġenti ġodda għall-Unjoni, jenħtieġ li jkun possibbli li tingħata assistenza ta’ emerġenza skont il-qafas stabbilit f’dan ir-Regolament. Għaldaqstant jenħtieġ li ma tingħatax assistenza ta’ emerġenza biex jiġu sempliċiment appoġġati miżuri fuq terminu twil u ta’ kontinġenza, jew biex jiġu indirizzati sitwazzjonijiet fejn l-urġenza biex wieħed jaġixxi tirriżulta minn nuqqas ta’ organizzazzjoni amministrattiva u ppjanar operattiv insuffiċjenti min-naħa tal-awtoritajiet kompetenti.
(33)Sabiex tkun żgurata l-flessibbiltà meħtieġa tal-azzjoni u sabiex jitwieġbu l-ħtiġijiet emerġenti, jenħtieġ li jkun possibbli għall-aġenziji deċentralizzati li jiġu pprovduti b’mezzi finanzjarji addizzjonali xierqa biex iwettqu ċerti kompiti ta’ emerġenza. F’każijiet meta l-kompitu li għandu jitwettaq ikun ta’ tali natura urġenti, meta l-baġits tagħhom ma setgħux jiġu finalizzati fil-ħin, l-aġenziji deċentralizzati jenħtieġ li jkunu eliġibbli bħala benefiċjarji tal-għajnuna ta’ emerġenza, inkluż fil-forma ta’ għotjiet, b’mod konsistenti mal-prijoritajiet u l-inizjattivi identifikati fil-livell ta’ Unjoni mill-Istituzzjonijiet tal-UE.
(34)L-għan tal-politika ta’ dan il-Fond se jiġi indirizzat ukoll permezz tal-istrumenti finanzjarji u ta’ garanzija baġitarja skont kampijiet ta' applikazzjoni tal-politika ta’ InvestEU. L-appoġġ finanzjarju jenħtieġ li jintuża sabiex nuqqasijiet tas-suq jew sitwazzjonijiet ta’ investiment mhux ottimali jiġu indirizzati b’mod proporzjonat, filwaqt li l-azzjonijiet jenħtieġ li ma jiddupplikawx jew ma jeskludux il-finanzjament privat, jew ifixklu l-kompetizzjoni fis-suq intern. L-azzjonijiet jenħtieġ li jkollhom valur miżjud Ewropew ċar.
(35)Dan ir-Regolament jistabbilixxi pakkett finanzjarju għall-Fond għas-Sigurtà Interna (ISF) li għandu jikkostitwixxi l-ammont ta' referenza primarja, fis-senstal-paragrafu X tal-Ftehim Interistituzzjonali ta’ X bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji ta' baġit u dwar ġestjoni finanzjarja tajba, għall-Parlament Ewropew u l-Kunsill matul il-proċedura baġitarja annwali.
(36)Ir-Regolament (UE, Euratom) Nru [ir-RF l-ġdid] (ir-“Regolament Finanzjarju”) japplika għal dan il-Fond. Dan jistabbilixxi regoli dwar l-implimentazzjoni tal-baġit tal-Unjoni, inklużi r-regoli dwar għotjiet, premjijiet, akkwist, implimentazzjoni indiretta, assistenza finanzjarja, strumenti finanzjarji u garanziji baġitarji. Biex tkun żgurata koerenza fl-implimentazzjoni tal-programmi ta’ finanzjament tal-Unjoni, ir-Regolament Finanzjarju jenħtieġ li jiġi applikat għall-azzjonijiet li jridu jiġu implimentati b’ġestjoni diretta jew indiretta permezz tal-ISF.
(37)Għall-fini tal-implimentazzjoni tal-azzjonijiet taħt ġestjoni kondiviża, il-Fond jenħtieġ li jifforma parti minn qafas koerenti li jikkonsisti minn dan ir-Regolament, mir-Regolament Finanzjarju u mir-Regolament dwar id-Dispożizzjonijiet Komuni (UE) Nru X.
(38)Ir-Regolament (UE) Nru X [CPR] jistabbilixxi l-qafas għall-azzjoni tal-Fond Ewropew għall-Iżvilupp Reġjonali (FEŻR), il-Fond Soċjali Ewropew Plus (FSE+), il-Fond ta’ Koeżjoni, il-Fond Ewropew għall-Affarijiet Marittimi u s-Sajd (FEMS), il-Fond għall-Ażil u l-Migrazzjoni (AMIF), il-Fond għas-Sigurtà Interna (ISF) u l-Istrument ta’ Ġestjoni tal-Fruntieri u tal-Viżi (BMVI) bħala parti mill-Fond għall-Ġestjoni Integrata tal-Fruntieri (IBMF), u jistabbilixxi b’mod partikolari r-regoli dwar il-programmazzjoni, il-monitoraġġ u l-evalwazzjoni, il-ġestjoni u l-kontroll għall-fondi tal-UE implimentati b’ġestjoni kondiviża. Barra minn hekk huwa neċessarju li jiġu speċifikati l-għanijiet tal-Fond għas-Sigurtà Interna f’dan ir-Regolament, u li jiġu stabbiliti dispożizzjonijiet speċifiċi dwar l-attivitajiet li jistgħu jiġu ffinanzjati bl-appoġġ ta’ dan il-Fond.
(39)It-tipi ta’ finanzjament u l-metodi ta’ implimentazzjoni skont dan ir-Regolament jenħtieġ li jintgħażlu fuq il-bażi tal-kapaċità li għandhom biex jilħqu l-għanijiet tal-azzjonijiet u biex jagħtu riżultati, filwaqt li b’mod partikolari jitqiesu l-ispejjeż tal-kontroll, il-piż amministrattiv u mbagħad ir-riskju mistenni ta’ nuqqas ta’ konformità. Jenħtieġ li dan jinkludi konsiderazzjoni tal-użu tas-somom f’daqqa, ir-rati fissi u l-kostijiet ta’ unità, kif ukoll il-finanzjament mhux marbut mal-kostijiet kif jissemma fl-Artikolu 125(1) tar-Regolament Finanzjarju.
(40)Skont ir-Regolament Finanzjarju, ir-Regolament (UE, Euratom) Nru 883/2013 tal-Parlament Ewropew u tal-Kunsill, ir-Regolament tal-Kunsill (Euratom, KE) Nru 2988/95, ir-Regolament tal-Kunsill (Euratom, KE) Nru 2185/96 u r-Regolament tal-Kunsill (UE) 2017/1939 , l-interessi finanzjarji tal-Unjoni jenħtieġ li jiġu protetti permezz ta’ miżuri proporzjonati, inklużi l-prevenzjoni, id-detezzjoni, il-korrezzjoni u l-investigazzjoni ta’ irregolaritajiet u ta’ frodi, l-irkupru ta’ fondi mitlufa, imħallsa bi żball jew użati b’mod mhux korrett u fejn xieraq, l-impożizzjoni ta’ sanzjonijiet amministrattivi. B’mod partikolari, skont ir-Regolament (UE, Euratom) Nru 883/2013 u r-Regolament (Euratom, KE) Nru 2185/96, l-Uffiċċju Ewropew ta’ Kontra l-Frodi (l-OLAF) jista’ jwettaq u jamministra investigazzjonijiet, inkluż kontrolli u spezzjonijiet fil-post, bil-ħsieb li jistabbilixxi jekk kienx hemm frodi, korruzzjoni jew xi reati kriminali oħra li jaffettwaw l-interessi finanzjarji tal-Unjoni. Skont ir-Regolament tal-Kunsill (UE) 2017/1939, l-Uffiċċju tal-Prosekutur Pubbliku Ewropew jista’ jwettaq investigazzjoni u prosekuzzjoni dwar frodi u attivitajiet illegali oħra li jaffettwaw l-interessi finanzjarji tal-Unjoni, kif previst fid-Direttiva (UE) 2017/1371 tal-Parlament Ewropew u tal-Kunsill. Skont ir-Regolament Finanzjarju, kull persuna jew entità li tirċievi fondi tal-Unjoni trid tikkoopera bis-sħiħ fil-protezzjoni tal-interessi finanzjarji tal-Unjoni, tagħti d-drittijiet u l-aċċess meħtieġa lill-Kummissjoni, lill-OLAF, lill-UPPE u lill-Qorti Ewropea tal-Awdituri (QEA) u tiżgura li kull terza persuna involuta fl-implimentazzjoni tal-fondi tal-Unjoni tagħti drittijiet ekwivalenti.
(41)Ir-regoli finanzjarji orizzontali adottati mill-Parlament Ewropew u mill-Kunsill fuq il-bażi tal-Artikolu 322 tat-Trattat dwar il-Funzjonament tal-Unjoni Ewropea japplikaw għal dan ir-Regolament. Dawn ir-regoli huma stipulati fir-Regolament Finanzjarju u jiddeterminaw b’mod partikolari l-proċedura għall-istabbiliment u l-implimentazzjoni tal-baġit permezz tal-għotjiet, l-akkwist pubbliku, il-premjijiet, l-implimentazzjoni indiretta, u jipprovdu verifiki dwar ir-responsabilità tal-atturi finanzjarji. Ir-regoli adottati fuq il-bażi tal-Artikolu 322 TFUE jikkonċernaw ukoll il-protezzjoni tal-baġit tal-Unjoni f’każ ta’ nuqqasijiet ġeneralizzati fir-rigward tal-istat tad-dritt fl-Istati Membri, billi r-rispett għall-istat tad-dritt huwa prekundizzjoni essenzjali għal ġestjoni finanzjarja soda u effettiva tal-fondi tal-UE.
(42)Skont l-Artikolu 94 tad-Deċiżjoni tal-Kunsill 2013/755/UE, persuni u entitajiet stabbiliti f’pajjiżi u territorji barra l-Ewropa (overseas countries and territories, OCTs) huma eliġibbli għal finanzjament soġġett għar-regoli u għall-għanijiet tal-Fond u għall-arranġamenti possibbli applikabbli għall-Istat Membru li magħhom il-pajjiż jew territorju barra l-Ewropa rilevanti huwa marbut.
(43)Skont l-Artikolu 349 tat-TFUE u f’konformità mal-Komunikazzjoni tal-Kummissjoni “Sħubija strateġika aktar b'saħħitha u mġedda mar-reġjuni ultraperiferiċi tal-UE”, li ġie approvata mill-Kunsill fil-konklużjonijiet tiegħu tat-12 ta’ April 2018, l-Istati Membri rilevanti jenħtieġ li jiżguraw li l-programmi tagħhom jindirizzaw l-isfidi speċifiċi li jiffaċċjaw ir-reġjuni ultraperiferiċi. Il-Fond jappoġġa dawn l-Istati Membri b’riżorsi adegwati biex jgħinu lil dawn ir-reġjuni kif xieraq.
(44)Skont il-paragrafi 22 u 23 tal-ftehim Interistituzzjonali għat-Tfassil Aħjar tal-Liġijiet tas-13 ta’ April 2016, hemm il-ħtieġa li dan il-Fond jiġi evalwat fuq il-bażi tal-informazzjoni miġbura permezz ta’ rekwiżiti speċifiċi tal-monitoraġġ, filwaqt li jiġu evitati r-regolamentazzjoni żejda u l-piż amministrattiv, b’mod partikolari għall-Istati Membri. Dawn ir-rekwiżiti, fejn xieraq, jistgħu jinkludu indikaturi li jistgħu jitkejlu, bħala bażi għall-evalwazzjoni tal-effetti tal-Fond b’mod prattiku. Sabiex jitkejlu l-kisbiet ta’ dan il-Fond, jenħtieġ li jiġu stabbiliti indikaturi u miri relatati b’rabta ma’ kull objettiv speċifiku tal-Fond.
(45)Dan il-Fond, filwaqt li jirrifletti l-importanza tal-indirizzar tat-tibdil fil-klima f’konformità mal-impenji tal-Unjoni biex jiġi implimentat il-Ftehim ta’ Pariġi u l-Għanijiet ta’ Żvilupp Sostenibbli tan-Nazzjonijiet Uniti, se jikkontribwixxi biex jintegra l-azzjonijiet klimatiċi u biex tintlaħaq il-mira kumplessiva ta’ 25 % ta’ nefqiet tal-baġit tal-UE li jappoġġaw l-objettivi klimatiċi. L-azzjonijiet rilevanti se jiġu identifikati matul it-tħejjija u l-implimentazzjoni tal-Fond, u se jiġu vvalutati mill-ġdid fil-kuntest tal-evalwazzjonijiet u tal-proċessi ta’ rieżami rilevanti.
(46)Permezz ta’ dawn l-indikaturi u tar-rappurtar finanzjarju, il-Kummissjoni u l-Istati Membri jenħtieġ li jimmonitorjaw l-implimentazzjoni tal-Fond f’konformità mad-dispożizzjonijiet rilevanti tar-Regolament (UE) Nru X [CPR] u dan ir-Regolament.
(47)Sabiex jiġu ssupplimentati u emendati l-elementi mhux essenzjali ta’ dan ir-Regolament, il-Kummissjoni jenħtieġ li tiġi ddelegata bis-setgħa li tadotta l-atti skont l-Artikolu 290 TFUE fir-rigward tal-lista ta’ azzjonijiet eliġibbli għal kofinanzjament ogħla kif elenkat fl-Anness IV, tal-appoġġ operattiv, u sabiex tiżviluppa aktar il-qafas ta’ monitoraġġ u evalwazzjoni. Huwa ta’ importanza partikolari li waqt il-ħidma preparatorja tagħha, il-Kummissjoni tagħmel konsultazzjonijiet xierqa anki fil-livell tal-esperti, u li dawn il-konsultazzjonijiet jsiru f’konformità mal-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016.
(48)Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, is-setgħat ta’ implimentazzjoni jenħtieġ li jiġu kkonferiti lill-Kummissjoni. Dawn is-setgħat jenħtieġ li jkunu eżerċitati f'konformità mar-Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni. Il-proċedura ta’ eżami jenħtieġ li tintuża għal atti ta ' implimentazzjoni li jistabbilixxu l-obbligi komuni fuq l-Istati Membri, partikolarment dwar il-provvediment ta’ informazzjoni lill-Kummissjoni, u l-proċedura konsultattiva jenħtieġ li tintuża għall-adozzjoni tal-atti ta’ implimentazzjoni marbuta mal-modalitajiet għall-għoti ta’ informazzjoni lill-Kummissjoni fil-qafas ta’ programmar u rappurtar, fid-dawl tan-natura purament teknika tagħhom.
(49)Skont l-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness għat-TUE u għat-TFUE, id-Danimarka mhix qed tieħu sehem fl-adozzjoni ta’ dan ir-Regolament u mhix marbuta bih u lanqas soġġetta għall-applikazzjoni tiegħu.
(50)Skont l-Artikolu 3 tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-ispazju ta’ libertà, sigurtà u ġustizzja anness mat-TUE u mat-TFUE, u mingħajr preġudizzju għall-Artikolu 4 ta’ dan il-Protokoll, l-Irlanda [mhix qed tieħu sehem fl-adozzjoni ta’ dan ir-Regolament u mhix marbuta bih jew suġġetta għall-applikazzjoni tiegħu / innotifikat ix-xewqa tagħha li tieħu sehem fl-adozzjoni u fl-applikazzjoni ta’ dan ir-Regolament].
(51)Huwa xieraq li l-perjodu ta’ applikazzjoni ta’ dan ir-Regolament ikun allinjat ma’ dak tar-Regolament tal-Kunsill (UE, Euratom) Nru X li jistabbilixxi l-qafas finanzjarju pluriennali,
ADOTTAW DAN IR-REGOLAMENT:
KAPITOLU I
DISPOŻIZZJONIJIET ĠENERALI
Artikolu 1
Suġġett
1.Dan ir-Regolament jistabbilixxi l-Fond għas-Sigurtà Interna (“il-Fond”).
2.Jistabbilixxi l-għanijiet tal-Fond, il-baġit għall-perjodu 2021-2027, il-forom ta’ finanzjament tal-Unjoni u r-regoli dwar l-għoti ta’ finanzjament bħal dan.
Artikolu 2
Definizzjonijiet
Għall-finijiet ta’ dan ir-Regolament jenħtieġ li japplikaw id-definizzjonijiet li ġejjin:
(a)“operazzjoni ta’ taħlit” tfisser azzjonijiet appoġġati mill-baġit tal-Unjoni, inklużi dawk fil-faċilitajiet ta’ taħlit skont l-Artikolu 2(6) tar-Regolament Finanzjarju, li jikkombinaw forom ta’ appoġġ li mhux rimborsabbli u / jew strumenti finanzjarji mill-baġit tal-Unjoni b’forom ta’ appoġġ rimborsabbli mingħand istituzzjonijiet tal-iżvilupp jew istituzzjonijiet oħra finanzjarji pubbliċi, kif ukoll mingħand istituzzjonijiet tal-finanzjament kummerċjali u investituri;
(b) “prevenzjoni tal-kriminalità” tfisser il-miżuri kollha li huma maħsuba sabiex jnaqqsu jew inkella jikkontribwixxu għat-tnaqqis fil-kriminalità u s-sensazzjoni ta’ nuqqas ta’ sigurtà fiċ-ċittadini, kif imsemmi fl-Artikolu 2(2) tad-Deċiżjoni tal-Kunsill 2009/902/ĠAI;
(c)“infrastruttura kritika” tfisser assi, netwerk, sistema jew parti minn dawn, li hija essenzjali għall-manteniment tal-funzjonijiet vitali tas-soċjetà, tas-saħħa, tas-sikurezza, tas-sigurtà, tal-benesseri ekonomiku jew soċjali talpoplu, u li t-tfixkil, il-ksur, jew il-qerda tagħhom ikollu impatt sinifikanti fi Stat Membru jew fl-Unjoni minħabba li dawn il-funzjonijiet ma jinżammux;
(d)“ċiberkriminalità” tfisser reati dipendenti fuq iċ-ċibernetika, jiġifieri reati li jistgħu jiġu kommessi biss permezz tal-użu ta’ tagħmir u sistemi tat-teknoloġija tal-informazzjoni u l-komunikazzjoni (information and communications technology, ICT), fejn it-tagħmir u s-sistema huma għodda biex jitwettaq ir-reat kriminali jew il-miri prinċipali tar-reat; u reati li jsiru permezz ta’ ċibernetika, jiġifieri reati tradizzjonali, bħall-isfruttament sesswali tat-tfal, li jistgħu jiżdiedu fl-iskala jew jintlaħqu permezz tal-użu tal-kompjuters, netwerks tal-kompjuters jew forom oħra ta’ ICT;
(e)“azzjonijiet EMPACT” tfisser azzjonijiet li jsiru fil-qafas tal-pjattaforma multidixxiplinari Ewropea kontra t-theddid kriminali (EMPACT). EMPACT huwa pjattaforma strutturata ta’ kooperazzjoni multidixxiplinari tal-Istati Membri rilevanti, l-istituzzjonijiet u l-aġenziji tal-UE, kif ukoll pajjiżi terzi, organizzazzjonijiet internazzjonali u sħab pubbliċi u privati oħra biex jiġu indirizzati t-theddidiet prijoritizzati ta’ kriminalità internazzjonali organizzata u serja skont iċ-Ċiklu ta’ Politika tal-UE;
(f)“Ċiklu tal-Politika tal-UE” tirreferi għall-inizjattiva multidixxiplinari u mmexxija mill-intelligence bil-għan li tikkumbatti l-iktar theddidiet importanti ta’ kriminalità serja u organizzata għall-Unjoni billi tinkoraġġixxi l-kooperazzjoni bejn l-Istati Membri, l-istituzzjonijiet tal-UE, l-aġenziji u fejn ikun rilevanti pajjiżi terzi u organizzazzjonijiet;
(g)“skambju tal-informazzjoni u l-aċċess għaliha” tfisser il-ġbir, il-ħażna, l-ipproċessar, l-analiżi u l-iskambju siguri tal-informazzjoni rilevanti għall-awtoritajiet kif imsemmija fl-Artikolu 87 TFUE kif ukoll lill-Europol f’rabta mal-prevenzjoni, id-detezzjoni, l-investigazzjoni u l-prosekuzzjoni ta’ reati kriminali, b’mod partikolari reati kriminali transfruntiera organizzati;
(h)“kooperazzjoni ġudizzjarja” tfisser kooperazzjoni ġudizzjarja f’materji kriminali;
(i)“LETS” tfisser l-Iskema Ewropea ta’ Taħriġ għall-Infurzar, immirati lejn it-tagħmir tal-uffiċjali tal-infurzar tal-liġi bl-għarfien u l-ħiliet meħtieġa biex jipprevjenu u jiġġieldu effettivament il-kriminalità permezz ta’ kooperazzjoni effiċjenti, kif deskritt fil-Komunikazzjoni tal-Kummissjoni tas-27 ta’ Marzu 2013 dwar l-istabbiliment ta’ LETS Ewropew u msemmi wkoll fir-Regolament tas-CEPOL;
(j)“kriminalità organizzata” tfisser imġiba kastigabbli relatata ma’ parteċipazzjoni f’organizzazzjoni kriminali, kif definita fid-Deċiżjoni Qafas tal-Kunsill 2008/841/ĠAI;
(k) “prevenzjoni u preparazzjoni” tfisser kwalunkwe miżura mmirata lejn il-prevenzjoni jew it-tnaqqis tar-riskji konnessi ma’ attakki terroristiċi possibbli jew inċidenti oħra marbuta mas-sigurtà;
(l) “mekkaniżmu ta’ evalwazzjoni u monitoraġġ ta’ Schengen” tfisser il-verifika tal-applikazzjoni korretta tal-acquis ta’ Schengen kif stabbilit fir-Regolament (UE) Nru 1053/2013, inkluż fil-qasam tal-kooperazzjoni tal-pulizija;
(m)“l-indirizzar tal-korruzzjoni” tkopri l-oqsma kollha deskritti fil-Konvenzjoni tan-Nazzjonijiet Uniti kontra l-korruzzjoni, inkluża l-prevenzjoni, il-kriminalizzazzjoni u l-miżuri ta’ infurzar tal-liġi, il-kooperazzjoni internazzjonali, l-irkupru tal-assi, l-assistenza teknika u l-iskambju ta’ informazzjoni;
(n)“terroriżmu" tfisser kwalunkwe mill-atti intenzjonali jew reati kif definiti fid-Direttiva (UE) 2017/541 tal-Parlament Ewropew u tal-Kunsill dwar il-ġlieda kontra t-terroriżmu.
Artikolu 3
L-għanijiet tal-Fond
1.L-għan tal-politika tal-Fond għandu jkun li jikkontribwixxi biex jiżgura livell għoli ta’ sigurtà fl-Unjoni b’mod partikolari permezz tal-ġlieda kontra t-terroriżmu u r-radikalizzazzjoni, il-kriminalità serja u organizzata u ċ-ċiberkriminalità u billi jassisti u jipproteġi lill-vittmi tal-kriminalità.
2.Fl-għan tal-politika stabbilit fil-paragrafu 1, il-Fond għandu jikkontribwixxi għall-għanijiet speċifiċi li ġejjin:
(a)biex iżid l-iskambju ta’ informazzjoni fost u fl-awtoritajiet tal-infurzar tal-liġi tal-UE u awtoritajiet kompetenti oħrajn u korpi rilevanti oħrajn tal-Unjoni kif ukoll ma’ pajjiżi terzi u organizzazzjonijiet internazzjonali;
(b)biex jintensifika l-operazzjonijiet konġunti transfruntiera fost u fl-awtoritajiet tal-infurzar tal-liġi tal-UE u awtoritajiet kompetenti oħrajn fir-rigward ta’ kriminalità serja u organizzata b’dimensjoni transfruntiera; u
(c)biex jappoġġa l-isforz biex jissaħħu l-kapaċitajiet fir-rigward tal-ġlieda kontra l-kriminalità, u l-prevenzjoni, inkluż it-terroriżmu b’mod partikolari permezz ta’ aktar kooperazzjoni bejn l-awtoritajiet pubbliċi, is-soċjetà ċivili u s-sħab privati fost l-Istati Membri.
3.Fl-għanijiet speċifiċi stabbiliti f’paragrafu 2, il-Fond għandu jiġi implimentat permezz tal-miżuri ta’ implimentazzjoni elenkati fl-Anness II.
4.Azzjonijiet iffinanzjati għandhom jiġu implementati b’rispett sħiħ għad-drittijiet fundamentali u mad-dinjità umana. B’mod partikolari, l-azzjonijiet għandhom jikkonformaw ruħhom mad-dispożizzjonijiet tal-Karta tad-Drittijiet Fundamentali tal-Unjoni Ewropea, mal-liġijiet tal-Unjoni dwar il-protezzjoni tad-data u mal-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali (KEDB). B’mod partikolari, kull fejn ikun possibbli, għandha tingħata attenzjoni speċjali mill-Istati Membri, meta jimplimentaw l-azzjonijiet, għall-assistenza u l-protezzjoni tal-persuni vulnerabbli, b’mod partikolari t-tfal u l-minorenni mhux akkumpanjati.
Artikolu 4
Il-kamp ta’ applikazzjoni tal-appoġġ
1.Fl-għanijiet imsemmija fl-Artikolu 3 u f’konformità mal-implimentazzjoni tal-miżuri elenkati fl-Anness II, il-Fond għandu jappoġġa b’mod partikolari l-azzjonijiet elenkati fl-Anness III.
2.Biex jilħaq l-objettivi ta’ dan ir-Regolament, il-Fond jista’ jappoġġa azzjonijiet f’konformità mal-prijoritajiet tal-Unjoni kif imsemmija fl-Anness III fir-rigward ta’ pajjiżi terzi u fihom, fejn xieraq, skont l-Artikolu 5.
3.L-azzjonijiet li ġejjin ma għandhomx ikunu eliġibbli:
(a)azzjonijiet limitati għaż-żamma tal-ordni pubblika fil-livell nazzjonali;
(b)azzjonijiet li jkopru x-xiri jew il-manutenzjoni ta’ tagħmir standard, mezzi standard ta’ trasport jew faċilitajiet standard tal-infurzar talliġi u awtoritajiet kompetenti oħra msemmija fl-Artikolu 87 TFUE;
(c)azzjonijiet b’għan militari jew ta’ difiża;
(d)tagħmir li mill-inqas wieħed mill-għanijiet tiegħu huwa kontroll doganali;
(e)tagħmir koerċittiv, inklużi armi, munizzjoni, splussivi u bsaten tal-irvellijiet, ħlief għal taħriġ;
(f)premjijiet lil informaturi u flus "lixka" barra l-qafas ta’ azzjoni tal-EMPACT.
Meta tinqala’ sitwazzjoni ta’ emerġenza, azzjonijiet mhux eliġibbli msemmija f’dan il-paragrafu jistgħu jitqiesu bħala eliġibbli.
Artikolu 5
Entitajiet eliġibbli
1.L-entitajiet li ġejjin jistgħu jkunu eliġibbli:
(a)l-entitajiet ġuridiċi stabbiliti fi kwalunkwe wieħed mill-pajjiżi li ġejjin::
(i)Stat Membru jew pajjiż jew territorju barra l-Ewropa marbut miegħu;
(ii)pajjiż terz elenkat fil-programm ta’ ħidma skont il-kundizzjonijiet speċifikati fihom.
(b)kwalunkwe entità ġuridika maħluqa skont il-liġi tal-Unjoni jew kwalunkwe organizzazzjoni internazzjonali.
2.Il-persuni fiżiċi mhumiex eliġibbli.
3.L-entitajiet ġuridiċi stabbiliti f’pajjiż terz huma eċċezzjonalment eliġibbli biex jipparteċipaw fejn dan ikun meħtieġ sabiex jintlaħqu l-għanijiet ta’ azzjoni partikolari.
4.L-entitajiet ġuridiċi li jipparteċipaw f’konsorzji ta’ mill-inqas żewġ entitajiet indipendenti, stabbiliti fi Stati Membri differenti jew f’pajjiżi jew territorji barra l-Ewropa marbuta ma’ dawk l-istati jew ma’ pajjiżi terzi, huma eliġibbli.
KAPITOLU II
QAFAS FINANZJARJU U TA’ IMPLIMENTAZZJONI
IT-TAQSIMA 1
Provvedimenti komuni
Artikolu 6
Prinċipji ġenerali
1.Appoġġ pprovdut skont dan ir-Regolament għandu jikkumplimenta l-intervent nazzjonali, reġjonali u lokali, u għandu jiffoka fuq il-kisba ta’ valur miżjud għall-għanijiet ta’ dan ir-Regolament.
2.Il-Kummissjoni u l-Istati Membri għandhom jiżguraw li l-appoġġ ipprovdut skont dan ir-Regolament u mill-Istati Membri jkun konsistenti mal-attivitajiet, politiki u l-prijoritajiet rilevanti tal-Unjoni u jkun komplementari ma’ strumenti oħra tal-Unjoni.
3.Il-Fond għandu jkun implimentat taħt ġestjoni kondiviża, diretta jew indiretta skont l-Artikoli 62(1)(a), (b) u (c) tar-Regolament Finanzjarju.
Artikolu 7
Baġit
1.Il-pakkett finanzjarju għall-implimentazzjoni tal-Fond għall-perjodu 2021-2027 għandu jkun ta’ EUR 2 500 000 000 fi prezzijiet attwali.
2.Il-pakkett finanzjarju għandu jintuża kif ġej:
(a)EUR 1 500 000 000 għandhom jiġu allokati għall-programmi implimentati b'ġestjoni kondiviża;
(b)EUR 1 000 000 000 għandhom jiġu allokati għall-faċilità tematika.
3.Għandhom jiġu allokati sa 0,84 % tal-pakkett finanzjarju għal għajnuna teknika bl-inizjattiva tal-Kummissjoni għall-implimentazzjoni tal-Fond.
Artikolu 8
Dispożizzjonijiet ġenerali dwar l-implimentazzjoni tal-faċilità tematika
1.Il-pakkett finanzjarju msemmi fl-Artikolu 7(2)(b) għandu jiġi allokat b’mod flessibbli permezz tal-faċilità tematika bl-użu ta’ ġestjoni kondiviża, diretta u indiretta kif stabbiliti fi programm ta’ ħidma. Finanzjament mill-faċilità tematika għandu jintuża għall-komponenti tiegħu:
(a)azzjonijiet speċifiċi;
(a)azzjonijiet tal-Unjoni; u
(b)l-assistenza ta’ emerġenza.
Assistenza teknika bl-inizjattiva tal-Kummissjoni għandha tiġi appoġġata wkoll mill-pakkett finanzjarju għall-faċilità tematika.
2.Finanzjament mill-faċilità tematika għandha tindirizza prijoritajiet b’valur miżjud għoli għall-Unjoni jew tintuża b’reazzjoni għal ħtiġijiet urġenti, f’konformità mal-prijoritajiet miftehma tal-Unjoni kif deskritt fl-Anness II.
3.Meta jingħata finanzjament mill-faċilità tematika f’ġestjoni diretta jew indiretta lill-Istati Membri, għandu jiġi żgurat li l-proġetti magħżula mhumiex affettwati minn opinjoni motivata mill-Kummissjoni fir-rigward ta’ ksur skont l-Artikolu 258 TFUE li jpoġġi f’riskju l-legalità u r-regolarità tan-nefqa jew il-prestazzjoni tal-proġetti.
4.Meta jingħata finanzjament mill-faċilità tematika jkun implimentat f’ġestjoni kondiviża, il-Kummissjoni għandha, għall-fini tal-Artikolu 18 u l-Artikolu 19(2) tar-Regolament (UE) Nru [CPR], tivvaluta jekk l-azzjonijiet previsti humiex affettwati minn opinjoni motivata mill-Kummissjoni fir-rigward ta’ ksur skont l-Artikolu 258 TFUE li jpoġġi f’riskju l-legalità u r-regolarità tan-nefqa jew il-prestazzjoni tal-proġetti.
5.Il-Kummissjoni għandha tistabbilixxi l-ammont globali magħmul disponibbli għall-faċilità tematika għal taħt l-approprjazzjonijiet annwali tal-baġit tal-Unjoni. Il-Kummissjoni għandha tadotta deċiżjonijiet ta’ finanzjament kif imsemmi fl-Artikolu [110] tar-Regolament Finanzjarju għall-faċilità tematika billi tidentifika l-għanijiet u l-azzjonijiet li għandhom jiġu appoġġati u tispeċifika l-ammonti għal kull wieħed mill-komponenti tagħha kif imsemmi fil-paragrafu 1. Id-deċiżjonijiet ta’ finanzjament għandhom jistabbilixxu, fejn applikabbli, l-ammont globali riżervat għall-operazzjonijiet ta’ taħlit.
6.B’segwitu għall-adozzjoni tad-deċiżjoni ta’ finanzjament kif imsemmi fil-paragrafu 3, il-Kummissjoni tista’ temenda l-programmi implimentati taħt ġestjoni kondiviża skontu.
7.Dawn id-deċiżjonijiet ta’ finanzjament jistgħu jkunu annwali jew pluriennali u jistgħu jkopru komponent wieħed jew aktar tal-faċilità tematika.
IT-TAQSIMA 2
Appoġġ u implimentazzjoni b’ġestjoni kondiviża
Artikolu 9
Kamp ta’ applikazzjoni
1.Din it-taqsima tapplika għall-parti tal-pakkett finanzjarju msemmija fl-Artikolu 7(2)(a) u r-riżorsi addizzjonali li għandhom jiġu implimentati b'ġestjoni kondiviża skont id-deċiżjoni tal-Kummissjoni għall-faċilità tematika msemmija fl-Artikolu 8.
2.L-appoġġ skont din it-taqsima għandu jiġi implimentat b'ġestjoni kondiviża skont l-Artikolu 63 tar-Regolament Finanzjarju u r-Regolament (UE) Nru [CPR].
Artikolu 10
Riżorsi baġitarji
1.Ir-riżorsi msemmija fl-Artikolu 7(2)(a) għandhom jiġu allokati għall-programmi nazzjonali implimentati mill-Istati Membri taħt ġestjoni kondiviża (“il-programmi”) b’mod indikattiv kif ġej:
(a)EUR 1 250 000 000 lill-Istati Membri skont il-kriterji fl-Anness I;
(b)EUR 250 000 000 lill-Istati Membri għall-aġġustament tal-allokazzjonijiet għall-programmi kif imsemmi fl-Artikolu 13(1).
2.Meta l-ammont imsemmi fil-paragrafu 1(b) ma jkunx allokat, l-ammont li jifdal jista jiżdied mal-ammont imsemmi fl-Artikolu 7(2)(b).
Artikolu 11
Rati ta’ kofinanzjament
1.Il-kontribuzzjoni mill-baġit tal-Unjoni ma għandhiex teċċedi l-75 % tan-nefqa totali eliġibbli ta’ proġett.
2.Il-kontribuzzjoni mill-baġit tal-Unjoni tista’ tiżdied għal 90 % tan-nefqa totali eliġibbli għal proġetti implimentati skont azzjonijiet speċifiċi.
3.Il-kontribuzzjoni mill-baġit tal-Unjoni tista’ tiżdied għal 90 % tan-nefqa totali eliġibbli għal azzjonijiet elenkati fl-Anness IV.
4.Il-kontribuzzjoni mill-baġit tal-Unjoni tista’ tiżdied għal 100 % tan-nefqa totali eliġibbli għal appoġġ operattiv.
5.Il-kontribuzzjoni mill-baġit tal-Unjoni tista’ tiżdied għal 100 % tan-nefqa totali eliġibbli għal assistenza ta’ emerġenza.
6.Id-deċiżjoni tal-Kummissjoni li tapprova programm għandha tiffissa r-rata ta’ kofinanzjament u l-ammont massimu ta’ appoġġ għal dan il-Fond għat-tipi ta’ azzjonijiet imsemmija fil-paragrafi minn 1 sa 5.
7.Għal kull għan speċifiku, id-deċiżjoni tal-Kummissjoni għandha tistabbilixxi jekk ir-rata ta’ kofinanzjament għall-għan speċifiku għandhiex tiġi applikata għal:
(a)il-kontribuzzjoni totali, inklużi l-kontribuzzjonijiet pubbliċi u privati; jew
(b)il-kontribuzzjoni pubblika biss.
Artikolu 12
Programmi
1.Kull Stat Membru għandu jiżgura li l-prijoritajiet indirizzati fil-programmi tiegħu huma konsistenti mal-prijoritajiet tal-Unjoni u jirrispondu għall-isfidi fil-qasam tas-sigurtà u li huma kompletament konformi mal-acquis tal-Unjoni rilevanti u l-prijoritajiet miftiehma tal-Unjoni. Meta jiddefinixxu dawn il-prijoritajiet tal-programmi tagħhom, l-Istati Membri għandhom jiżguraw li l-miżuri ta’ implimentazzjoni kif stabbiliti fl-Anness II huma indirizzati b’mod adegwat fil-programm.
2.Il-Kummissjoni għandha tiżgura li l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol), l-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL) u ċ-Ċentru Ewropew għall-Monitoraġġ tad-Droga u d-Dipendenza fuq id-Droga (European Monitoring Centre for Drugs and Drug Addiction, EMCDDA) huma assoċjati mal-iżvilupp tal-programmi fi stadju bikri, fir-rigward tal-oqsma ta’ kompetenza tagħhom. Speċifikament, l-Istati Membri għandhom jikkonsultaw mal-Europol dwar it-tfassil tal-azzjonijiet tagħhom b’mod partikolari meta jinkludu ċ-ċiklu ta’ politika tal-UE jew l-azzjonijiet EMPACT jew azzjonijiet koordinati mit-Taskforce ta’ Azzjoni Konġunta kontra ċ-Ċiberkriminalità (Joint Cybercrime Action Taskforce, J-CAT) fil-programmi tagħhom. Qabel ma jinkludu t-taħriġ fil-programmi tagħhom, l-Istati Membri għandhom jikkoordinaw mas-CEPOL sabiex jevitaw it-trikkib.
3.Il-Kummissjoni tista’ tassoċja l-Aġenzija tal-Unjoni għall-Kooperazzjoni fl-Infurzar tal-Liġi (Europol), l-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL) u ċ-Ċentru Ewropew għall-Monitoraġġ tad-Droga u d-Dipendenza fuq id-Droga (EMCDDA) fejn xieraq fil-kompiti ta’ monitoraġġ u evalwazzjoni kif speċifikat fit-Taqsima 5 b’mod partikolari bil-ħsieb li jiġu żgurati li l-azzjonijiet implimentati bl-appoġġ tal-Fond huma konformi mal-acquis rilevanti tal-Unjoni u l-prijoritajiet miftiehma tal-Unjoni.
4.Massimu ta’ 15 % tal-allokazzjoni ta’ programm ta’ Stat Membru jistgħu jintużaw għax-xiri ta’ tagħmir, mezzi ta’ trasport jew il-kostruzzjoni ta’ faċilitajiet rilevanti għas-sigurtà. Il-limitu massimu jista’ jinqabeż biss f’każijiet ġustifikati kif xieraq.
5.Fil-programmi tagħhom, l-Istati Membri għandhom jagħtu prijorità li jindirizzaw:
(a)il-prijoritajiet u l-acquis tal-Unjoni fil-qasam tas-sigurtà b’mod partikolari għall-iskambju ta’ informazzjoni u l-interoperabbiltà ta’ sistemi tal-IT;
(b)ir-rakkomandazzjonijiet b’implikazzjonijiet finanzjarji magħmula fil-qafas tar-Regolament (UE) Nru 1053/2013 dwar il-mekkaniżmu ta’ evalwazzjoni u monitoraġġ ta’ Schengen fil-qasam tal-kooperazzjoni tal-pulizija;
(c)in-nuqqasijiet speċifiċi għall-pajjiż b’implikazzjonijiet finanzjarji identifikati fil-qafas ta’ valutazzjonijiet tal-ħtiġijiet bħal rakkomandazzjonijiet tas-Semestru Ewropew fil-qasam tal-korruzzjoni.
6.Fejn hu meħtieġ, il-programm għandu jiġi emendat biex jikkunsidra r-rakkomandazzjonijiet imsemmija fil-paragrafu 5. Skont l-impatt finanzjarju tal-aġġustament, il-programm rivedut jistgħu jiġu approvati mill-Kummissjoni.
7.L-Istati Membri għandhom jimmiraw li jwettqu b’mod partikolari l-azzjonijiet elenkati fl-Anness IV. Fil-każ ta’ ċirkostanzi ġodda jew mhux previsti jew biex tiżgura l-implimentazzjoni ta’ finanzjament, il-Kummissjoni se tingħata s-setgħa li tadotta atti delegati skont l-Artikolu 28 biex temenda l-Anness IV.
8.Kull meta Stat Membru jiddeċiedi li jimplimenta proġetti ma’ pajjiż terz jew fih, bl-appoġġ tal-Fond, l-Istat Membru kkonċernat għandu jikkonsulta mal-Kummissjoni qabel ma jinbeda l-proġett.
9.Il-programmazzjoni kif imsemmi fl-Artikolu 17(5) tar-Regolament (UE) Nru [CPR] għandha tkun ibbażata fuq it-tipi ta’ intervent stabbiliti fit-Tabella 1 tal-Anness VI.
Artikolu 13
Analiżi ta’ nofs it-terminu
1.Fl-2024, il-Kummissjoni għandha talloka l-ammont addizzjonali msemmija fl-Artikolu 10(1)(b) għall-programmi tal-Istati Membri kkonċernati skont il-kriterji msemmija fil-paragrafu 2 fl-Anness I. Il-finanzjament għandu jkun effettiv għall-perjodu mis-sena kalendarja 2025.
2.Jekk mill-inqas 10 % tal-allokazzjoni inizjali ta’ programm imsemmija fl-Artikolu 10(1)(a) ma kinitx koperta minn applikazzjonijiet ta’ pagamenti interim ippreżentati skont l-Artikolu 85 tar-Regolament (UE) Nru [CPR], l-Istat Membru kkonċernat ma għandux ikun eliġibbli biex jirċievi l-allokazzjoni addizzjonali għall-programm imsemmija fil-paragrafu 1.
3.L-allokazzjoni tal-fondi mill-faċilità tematika mill-2025 għandha, fejn xieraq, tieħu kont tal-progress li jkun sar biex jintlaħqu l-għanijiet prinċipali tal-qafas ta’ prestazzjoni kif imsemmi fl-Artikolu 12 tar-Regolament (UE) Nru [CPR] u tan-nuqqasijiet identifikati fl-implimentazzjoni.
Artikolu 14
Azzjonijiet speċifiċi
1.Azzjonijiet speċifiċi huma proġetti transnazzjonali jew nazzjonali b’konformità mal-għanijiet ta’ dan ir-Regolament li għalihom Stati Membri wieħed, ħafna Stati Membri jew l-Istati Membri kollha jistgħu jirċievu allokazzjoni addizzjonali għall-programmi tagħhom.
2.L-Istati Membri jistgħu, minbarra l-allokazzjoni tagħhom ikkalkulata f’konformità mal-Artikolu 10(1), jirċievu finanzjament għal azzjonijiet speċifiċi, dment li jkun allokat bħala tali fil-programm u li jintuża biex jikkontribwixxi għall-implimentazzjoni tal-għanijiet ta’ dan ir-Regolament, inkluża l-kopertura ta’ theddidiet emerġenti ġodda.
3.Il-finanzjament ma għandux jintuża għal azzjonijiet oħra fil-programm ħlief f’ċirkostanzi ġustifikati b’mod xieraq u kif approvat mill-Kummissjoni permezz tal-emenda tal-programm.
Artikolu 15
Appoġġ operattiv
1.L-appoġġ operattiv huwa parti mill-allokazzjoni ta’ Stat Membru li jista’ jintuża bħala appoġġ għall-awtoritajiet pubbliċi responsabbli mit-twettiq tal-kompiti u s-servizzi li jikkostitwixxu servizz pubbliku għall-Unjoni.
2.Stat Membru jista’ juża sa 10 % tal-ammont allokat mill-Fond għall-programm tiegħu biex jiffinanzja sostenn operatorju għall-awtoritajiet pubbliċi responsabbli mit-twettiq tal-kompiti u s-servizzi li jikkostitwixxu servizz pubbliku għall-Unjoni.
3.Stat Membru li juża l-appoġġ operattiv għandu jikkonforma mal-acquis tal-Unjoni dwar is-sigurtà.
4.L-Istati Membri għandhom jiġġustifikaw fil-programm u fir-rapporti annwali dwar il-prestazzjoni, kif imsemmi fl-Artikolu 26, l-użu ta’ appoġġ operattiv biex jintlaħqu l-għanijiet ta’ dan ir-Regolament. Qabel l-approvazzjoni tal-programm, il-Kummissjoni għandha tivvaluta s-sitwazzjoni tal-linja bażi fl-Istati Membri li jkunu indikaw l-intenzjoni tagħhom li jitolbu appoġġ operattiv, filwaqt li tqis l-informazzjoni mogħtija minn dawk l-Istati Membri kif ukoll rakkomandazzjonijiet minn mekkaniżmi ta’ kontroll u ta’ evalwazzjoni ta’ kwalità bħalma huma l-mekkaniżmu ta’ evalwazzjoni ta’ Schengen u mekkaniżmi oħrajn ta’ kontroll u ta’ evalwazzjoni tal-kwalità.
5.L-appoġġ operattiv għandu jkun iffokat fuq kompiti u servizzi speċifiċi kif stipulat fl-Anness VII.
6.Biex tindirizza ċirkostanzi mhux previsti jew ġodda jew biex tiżgura l-implimentazzjoni effettiva tal-finanzjament, il-Kummissjoni għandha tingħata s-setgħa li tadotta atti delegati f’konformità mal-Artikolu 28 biex temenda l-kompiti u s-servizzi speċifiċi fl-Anness VII.
Taqsima 3
Appoġġ u implimentazzjoni b’ġestjoni diretta u indiretta
Artikolu 16
Kamp ta’ applikazzjoni
L-appoġġ skont din it-taqsima għandha jiġi implimentat jew direttament mill-Kummissjoni skont punt (a) tal-Artikolu 62(1) tar-Regolament Finanzjarju jew indirettament skont punt (c) ta’ dan l-Artikolu.
Artikolu 17
Azzjonijiet tal-Unjoni
1.Azzjonijiet tal-Unjoni huma proġett transnazzjonali jew proġetti ta’ interess partikolari għall-Unjoni, f’konformità mal-għanijiet ta’ dan ir-Regolament.
2.B’inizjattiva tal-Kummissjoni, il-Fond jista’ jintuża biex jiġu ffinanzjati azzjonijiet tal-Unjoni li jirrigwardaw l-għanijiet ta’ dan ir-Regolament kif imsemmi fl-Artikolu 3 u f’konformità mal-Anness III.
3.Azzjonijiet tal-Unjoni jistgħu jipprovdu finanzjament fi kwalunkwe waħda mill-forom stabbiliti fir-Regolament Finanzjarju, b’mod partikolari għotjiet, premjijiet u akkwist pubbliku. Jistgħu jipprovdu wkoll finanzjament fil-forma ta’ strumenti finanzjarji f'operazzjonijiet ta’ taħlit.
4.Għotjiet implimentati b’ġestjoni diretta għandhom jingħataw u jiġu ġestiti skont it-Titolu VIII tar-Regolament Finanzjarju.
5.Il-kumitat ta’ evalwazzjoni, li jivvaluta l-proposti, jista’ jkun magħmul minn esperti esterni.
6.Kontribuzzjonijiet għal mekkaniżmu ta’ assigurazzjoni reċiproka jistgħu jkopru r-riskju assoċjat mal-irkupru ta’ fondi dovuti minn riċevituri, u skont ir-Regolament Finanzjarju għandhom jitqiesu bħala garanzija suffiċjenti. Id-dispożizzjonijiet stabbiliti fl-[Artikolu X tar-]Regolament X [suċċessur tar-Regolament dwar il-Fond ta’ Garanzija] għandhom japplikaw.
Artikolu 18
Operazzjonijiet ta’ taħlit
Operazzjoni ta’ taħlit skont dan il-Fond għandha tiġi implimentata b’konformità mar-Regolament ta’ InvestUE u t-Titolu X tar-Regolament Finanzjarju.
Artikolu 19
Assistenza teknika bl-inizjattiva tal-Kummissjoni
Il-Fond jista’ jappoġġa miżuri ta’ għajnuna teknika implimentati bl-inizjattiva tal-Kummissjoni jew f’isimha. Dawn il-miżuri jistgħu jiġu finanzjati bir-rata ta’ 100 %.
Artikolu 20
Awditi
L-awditi dwar l-użu ta’ kontribuzzjoni tal-Unjoni mwettqa minn persuni jew minn entitajiet, inkluż oħrajn minbarra dawk imqabbda mill-Istituzzjonijiet jew mill-korpi tal-Unjoni, għandhom jiffurmaw il-bażi tal-garanzija kumplessiva skont l-Artikolu 127 tar-Regolament (UE) Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni].
Artikolu 21
Informazzjoni, komunikazzjoni u pubbliċità
1.Ir-riċevitur tal-finanzjament tal-Unjoni għandu jirrikonoxxu l-oriġini u jiżgura l-viżibbiltà tal-finanzjament tal-Unjoni, b’mod partikolari meta jippromwovi l-azzjonijiet u r-riżultati tagħhom, billi jipprovdi informazzjoni mmirata koerenti, effettiva u proporzjonata lil diversi udjenzi, inklużi lill-midja u lill-pubbliku.
2.Il-Kummissjoni għandha timplimenta azzjonijiet ta’ informazzjoni u komunikazzjoni relatati mal-Fond u l-azzjonijiet u r-riżultati tiegħu. Ir-riżorsi finanzjarji allokati għall-Fond għandhom jikkontribwixxu wkoll għall-komunikazzjoni korporattiva dwar il-prijoritajiet politiċi tal-Unjoni, dment li dawn ikunu relatati mal-għanijiet ta’ dan ir-Regolament.
Taqsima 4
Appoġġ u implimentazzjoni b’ġestjoni kondiviża, diretta u indiretta
Artikolu 22
Assistenza ta’ emerġenza
1.Il-Fond għandu jipprovdi assistenza finanzjarja għall-indirizzar ta’ ħtiġijiet urġenti u speċifiċi fil-każ ta’ sitwazzjoni ta’ emerġenza li tirriżulta minn inċident relatat mas-sigurtà jew theddida ġdida fil-kamp ta’ applikazzjoni ta’ dan ir-Regolament li għandhom jew li jista’ jkollhom impatt avvers importanti fuq is-sigurtà tan-nies fi Stat Membru wieħed jew iktar;
2.Assistenza ta’ emerġenza tista’ tkun fil-forma ta’ għotjiet mogħtija direttament lill-aġenziji deċentralizzati.
3.Assistenza ta’ emerġenza tista’ tkun allokata lil programmi tal-Istati Membri minbarra l-allokazzjoni tagħhom ikkalkulata skont l-Artikolu 10(1), dment li tkun allokata bħala tali fil-programm. Dan il-finanzjament ma għandux jintuża għal azzjonijiet oħra fil-programm ħlief f’ċirkostanzi ġustifikati b’mod xieraq u kif approvat mill-Kummissjoni permezz tal-emenda tal-programm.
4.Għotjiet implimentati b’ġestjoni diretta għandhom jingħataw u jiġu ġestiti skont it-Titolu VIII tar-Regolament Finanzjarju.
Artikolu 23
Finanzjament kumulattiv, komplementari u kkombinat
1.Azzjoni li tkun irċeviet kontribuzzjoni skont il-Fond tista’ tirċievi wkoll kontribuzzjoni minn kull programm ieħor tal-Unjoni, inklużi Fondi taħt ġestjoni kondiviża, sakemm il-kontribuzzjonijiet ma jkoprux l-istess kostijiet. Ir-regoli ta’ kull programm tal-Unjoni kontribwenti għandhom japplikaw għall-kontribuzzjoni rispettiva tiegħu għall-azzjoni. Il-finanzjament kumulattiv ma għandux jaqbeż il-kostijiet eliġibbli totali tal-azzjoni u l-appoġġ mill-programmi differenti tal-Unjoni jista’ jiġi kkalkolat fuq bażi prorata b’konformità mad-dokumenti li jistabbilixxu l-kundizzjonijiet għall-appoġġ.
2.L-azzjonijiet li jingħataw ċertifikazzjoni b’siġill ta’ Eċċellenza, jew li jkunu konformi mal-kundizzjonijiet kumulattivi u paragunabbli li ġejjin:
(a)dawn ġew ivvalutati f’sejħa għal proposti skont il-Fond;
(b)dawn iħarsu l-ħtiġijiet minimi ta’ kwalità ta’ din is-sejħa għal proposti;
(c)ma jistgħux jiġu ffinanzjati fil-qafas ta’ dik is-sejħa għal proposti minħabba limitazzjonijiet baġitarji.
jistgħu jirċievu appoġġ mill-Fond Ewropew għall-Iżvilupp Reġjonali, mill-Fond ta’ Koeżjoni, mill-Fond Soċjali Ewropew+ jew mill-Fond Agrikolu Ewropew għall-Iżvilupp Rurali, b’konformità mal-paragrafu 5 tal-Artikolu [67] tar-Regolament (UE) X [CPR] u mal-Artikolu [8] jew mar-Regolament (UE) X [Il-finanzjament, il-ġestjoni u l-monitoraġġ tal-Politika Agrikola Komuni], bil-kundizzjoni li tali azzjonijiet ikunu konsistenti mal-għanijiet tal-programm ikkonċernat. Għandhom japplikaw ir-regoli tal-Fond li jipprovdi l-appoġġ.
Taqsima 5
Monitoraġġ, rappurtar u evalwazzjoni
Subtaqsima 1 Dispożizzjonijiet komuni
Artikolu 24
Monitoraġġ u rapportar
1.F’konformità mar-rekwiżiti ta’ rappurtar tagħha skont l-Artikolu [43(3)(h)(i)(iii)] tar-Regolament Finanzjarju, il-Kummissjoni għandha tippreżenta lill-Parlament Ewropew u lill-Kunsill informazzjoni dwar il-prestazzjoni f’konformità mal-Anness V.
2.Il-Kummissjoni għandha tingħata s-setgħa li tadotta atti delegati skont l-Artikolu 28 biex temenda l-Anness V biex isiru l-aġġustamenti meħtieġa biex l-informazzjoni dwar il-prestazzjoni li għandu jingħata lill-Parlament Ewropew u lill-Kunsill.
3.L-indikaturi għar-rapportar dwar il-progress tal-Fond lejn il-kisba tal-objettivi speċifiċi stipulati fl-Artikolu 3 huma stabbiliti fl-Anness VIII. Għall-indikaturi tal-output, il-linji bażi għandhom ikunu stabbiliti fil-livell ta’ żero. L-istadji importanti stabbiliti għall-2024 u l-miri stabbiliti għall-2029 għandhom ikunu kumulattivi.
4.Is-sistema ta’ rapportar dwar il-prestazzjoni għandha tiżgura li d-data għall-monitoraġġ tal-implimentazzjoni u tar-riżultati tal-programm tinġabar b’mod effiċjenti, effettiv, u f’waqtu. Għal dan il-għan, għandhom jiġu imposti rekwiżiti ta’ rapportar proporzjonati fuq dawk li jirċievu l-fondi tal-UE u fejn rilevanti l-Istati Membri.
5.Biex tiżgura valutazzjoni effettiva tal-progress tal-Fond lejn il-kisba tal-għanijiet tiegħu, il-Kummissjoni għandha tingħata s-setgħa li tadotta atti delegati skont l-Artikolu 28 biex temenda l-Anness VIII biex tirrevedi u tikkumplimenta l-indikaturi fejn meħtieġ u biex dan ir-Regolament jiġi ssupplimentat b’dispożizzjonijiet dwar l-istabbiliment ta’ qafas ta’ monitoraġġ u evalwazzjoni, inkluż għal informazzjoni li għandha tiġi pprovduta mill-Istati Membri.
Artikolu 25
Evalwazzjoni
1.Il-Kummissjoni għandha twettaq evalwazzjoni ta’ nofs it-terminu u retrospettiva ta’ dan ir-Regolament, inklużi l-azzjonijiet implimentati skont dan il-Fond.
2.L-evalwazzjoni ta’ nofs it-terminu u retrospettiva għandha titwettaq fil-ħin sabiex ikun hemm kontribuzzjoni għall-proċess tat-teħid tad-deċiżjonijiet f’konformità mal-iskeda ta’ żmien stipulata fl-Artikolu 40 tar-Regolament (UE) Nru [CPR].
Subtaqsima 2 Regoli għal ġestjoni kondiviża
Artikolu 26
Rapporti annwali dwar il-prestazzjoni
1.Sal-15 ta’ Frar 2023 u sal-istess data ta’ kull sena sussegwenti sal-2031, biha inkluża, l-Istati Membri għandhom jippreżentaw lill-Kummissjoni rapport tal-prestazzjoni annwali kif imsemmi fl-Artikolu 36(6) tar-Regolament (UE) Nru [CPR]. Ir-rapport ippreżentat fl-2023 għandu jkopri l-implimentazzjoni tal-programm sat-30 ta’ Ġunju 2022.
2.Ir-rapport tal-prestazzjoni annwali b’mod partikolari għandu jinkludi informazzjoni dwar:
(a)il-progress fl-implimentazzjoni tal-programm u fil-kisba tal-għanijiet u l-miri, filwaqt li jqis l-aħħar data kif meħtieġ skont l-Artikolu 37 tar-Regolament (UE) Nru [CPR];
(b)kwalunkwe kwistjoni li taffettwa l-prestazzjoni tal-programm u l-azzjonijiet meħuda biex jindirizzawhom;
(c)il-komplementarjetà bejn l-azzjonijiet appoġġati mill-Fond u l-appoġġ provdut minn Fondi oħra tal-Unjoni, b’mod partikolari dawk f’pajjiżi terzi jew b’rabta ma’ pajjiżi terzi jew b’rabta magħhom;
(d)il-kontribuzzjoni tal-programm għall-implimentazzjoni tal-acquis rilevanti tal-Unjoni u pjanijiet ta’ azzjoni;
(e)l-implimentazzjoni tal-azzjonijiet ta’ komunikazzjoni u ta’ viżibbiltà;
(f)l-issodisfar tal-kundizzjonijiet ta’ abilitazzjoni u l-applikazzjoni tagħhom matul il-perjodu ta’ programmazzjoni.
3.Il-Kummissjoni tista’ tagħmel osservazzjonijiet dwar ir-rapport tal-prestazzjoni annwali fi żmien xahrejn mid-data tal-wasla tagħha. Meta l-Kummissjoni ma tipprovdix osservazzjonijiet fi żmien din l-iskadenza, ir-rapport għandu jitqies li ġie aċċettat.
4.Sabiex tiżgura kundizzjonijiet uniformi għall-implimentazzjoni ta’ dan l-Artikolu, il-Kummissjoni għandha tadotta atti ta’ implimentazzjoni li jistabbilixxu l-mudell għar-rapport annwali dwar il-prestazzjoni. Dan l-att ta’ implimentazzjoni għandu jiġi adottat f'konformità mal-proċedura ta’ konsulenza msemmija fl-Artikolu 29(2).
Artikolu 27
Monitoraġġ u rapportar
1.Il-monitoraġġ u r-rapportar, skont it-Titlu IV tar-Regolament (UE) Nru [CPR], għandhom ikunu bbażati fuq tipi ta’ interventi stabbiliti fit-Tabelli 1, 2 u 3 tal-Anness VI. Biex tindirizza ċirkostanzi ġodda jew mhux previsti jew biex tiżgura l-implimentazzjoni effettiva tal-finanzjament, il-Kummissjoni għandha tingħata s-setgħa li tadotta atti delegati biex temenda l-Annessi VI skont l-Artikolu 28.
2.L-indikaturi għandhom jiġu użati skont l-Artikoli 12(1), 17 u 37 tar-Regolament (UE) Nru [CPR].
KAPITOLU III
DISPOŻIZZJONIJIET TRANŻITORJI U FINALI
Artikolu 28
Eżerċizzju tad-delega
1.Il-Kummissjoni tingħata s-setgħa li tadotta atti delegati soġġett għall-kundizzjonijiet stipulati f'dan l-Artikolu.
2.Is-setgħa tal-adozzjoni tal-atti ddelegati msemmija fl-Artikoli 12, 15, 24 u 27 għandha tingħata lill-Kummissjoni sal-31 ta’ Diċembru 2028.
3.Il-Parlament Ewropew jew il-Kunsill jista’ jirrevoka d-delega tas-setgħat imsemmija fl-Artikoli 12, 15, 24 u 27 fi kwalunkwe żmien. Deċiżjoni ta’ revoka għandha ttemm id-delegazzjoni tas-setgħa speċifikata f’dik id-deċiżjoni. Din għandu jibda jkollha effett fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fiha. Din ma għandhiex taffettwa l-validità ta’ xi att delegat li jkun diġà fis-seħħ.
4.Qabel ma tadotta l-att delegat, il-Kummissjoni għandha tikkonsulta lill-esperti maħtura minn kull Stat Membru b'konformità mal-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016.
5.Malli tadotta att delegat, il-Kummissjoni għandha fl-istess ħin tinnotifikah lill-Parlament Ewropew u lill-Kunsill.
6.Att delegat adottat skont l-Artikoli 12, 15, 24 u 27 għandu jidħol fis-seħħ biss jekk la l-Parlament Ewropew u lanqas il-Kunsill ma joġġezzjonaw għalih fi żmien xahrejn minn meta jiġu mgħarrfa bih jew jekk, qabel ma jiskadi dak il-perjodu, it-tnejn li huma jkunu għarrfu lill-Kummissjoni li mhumiex se joġġezzjonaw għalih. Dan il-perjodu għandu jiġi estiż b’xahrejn b'inizjattiva tal-Parlament Ewropew jew tal-Kunsill.
Artikolu 29
Proċedura ta’ kumitat
1.Il-Kummissjoni għandha tkun assistita minn Kumitat ta’ Koordinazzjoni tal-Fond għall-Ażil u l-Migrazzjoni, il-Fond għas-Sigurtà Interna u l-Istrument ta’ Ġestjoni tal-Fruntieri u l-Viża. Dan il-Kumitat għandu jkun Kumitat fis-sens tar-Regolament (UE) Nru 182/2011.
2.Fejn issir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.
3.Meta l-Kumitat ma jagħti ebda opinjoni, il-Kummissjoni ma għandhiex tadotta l-abbozz ta’ att ta’ implimentazzjoni. Dan ma għandux japplika għall-att ta’ implimentazzjoni msemmi fl-Artikolu 26(4).
Artikolu 30
Dispożizzjonijiet tranżitorji
1.Ir-Regolament (UE) Nru 513/2014 għandu jiġi revokat b'effett mill-1 ta’ Jannar 2021.
2.Mingħajr preġudizzju għall-paragrafu 1, dan ir-Regolament ma għandux jaffettwa t-tkomplija jew il-modifika tal-azzjonijiet ikkonċernati, sal-għeluq tagħhom, skont L-Istrument tal-Pulizija tal-Fond għas-Sigurtà Interna, li għandhom ikomplu japplikaw għall-azzjonijiet ikkonċernati sal-għeluq tagħhom.
3.Il-pakkett finanzjarju għall-Fond jista’ jkopri wkoll l-ispejjeż tal-għajnuna teknika u amministrattiva meħtieġa biex tiġi żgurata t-tranżizzjoni bejn il-Fond u l-miżuri adottati taħt il-predeċessur tiegħu, l-Istrument tal-Pulizija tal-Fond għas-Sigurtà Interna stabbilit mir-Regolament (UE) Nru 513/2014.
Artikolu 31
Id-dħul fis-seħħ u l-applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa għandu japplika mill-1 ta' Jannar 2021.
Dan ir-Regolament għandu jorbot fl-intier tiegħu u japplika direttament fl-Istati Membri f’konformità mat-Trattati.
Magħmul fi Brussell,
Għall-Parlament Ewropew
Għall-Kunsill
Il-President
Il-President
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA / TAL-INIZJATTIVA
1.1.Titolu tal-proposta / tal-inizjattiva
1.2.Qasam(oqsma) ta’ politika kkonċernat(i) (raggruppament ta’ programmi)
1.3.Natura tal-proposta / tal-inizjattiva
1.4.Raġunijiet għall-proposta / għall-inizjattiva
1.5.Tul ta' żmien u impatt finanzjarju
1.6.Mod/i ta’ ġestjoni ppjanat/i
2.MIŻURI TA’ ĠESTJONI
2.1.Regoli ta’ monitoraġġ u ta’ rapportar
2.2.Sistema ta’ ġestjoni u ta’ kontroll
2.3.Miżuri għall-prevenzjoni ta’ frodi u ta’ irregolaritajiet
3.IMPATT FINANZJARJU STMAT TAL-PROPOSTA / TAL-INIZJATTIVA
3.1.Intestatura/i tal-qafas finanzjarju pluriennali u linja/i baġitarja/i tan-nefqa affettwata(i)
3.2.L-impatt stmat fuq in-nefqa
3.2.1.Sommarju tal-impatt stmat fuq in-nefqa
3.2.2.Impatt stmat fuq l-approprjazzjonijiet ta’ natura amministrattiva
3.2.3.Kontribuzzjonijiet ta’ terzi persuni
3.3.Impatt stmat fuq id-dħul
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA / TAL-INIZJATTIVA
1.1.Titolu tal-proposta / tal-inizjattiva
Il-Proposta għal Regolament tal-Parlament Ewropew u tal-Kunsill dwar il-Fond għas-Sigurtà Interna (Internal Security Fund, ISF)
1.2.Qasam/oqsma ta’ politika kkonċernat(i) (Raggruppament ta’ programmi)
Intestatura 5 (Sigurtà u difiża); Titolu 12. Sigurtà
1.3.Il-proposta / L-inizjattiva hija relatata ma’:
☑ azzjoni ġdida
◻ azzjoni ġdida li ssegwi proġett pilota / azzjoni preparatorja
◻ l-estensjoni ta’ azzjoni eżistenti
◻ fużjoni ta' azzjoni waħda jew aktar lejn / ma' azzjoni oħra jew azzjoni ġdida
1.4.Raġunijiet għall-proposta / għall-inizjattiva
1.4.1.Rekwiżit(i) li jridu jiġu ssodisfati fuq terminu qasir jew twil inkluża kronoloġija dettaljata għall-prosegwiment tal-implimentazzjoni tal-inizjattiva
Jenħtieġ li l-Fond jibni fuq ir-riżultati u l-investimenti li saru bl-appoġġ tal-predeċessuri tiegħu, jiġifieri jappoġġa l-politiki ġenerali tal-UE fil-qasam tas-sigurtà interna, bħalma huma l-kooperazzjoni tal-pulizija, il-prevenzjoni u l-ġlieda kontra l-kriminalità u l-ġestjoni tal-kriżijiet (protezzjoni tan-nies, l-ispazji pubbliċi u l-infrastruttura kritika), il-ġlieda kontra d-droga.
Barra minn hekk, jenħtieġ li l-finanzjament tal-UE jindirizza sitwazzjonijiet li jirriżultaw minn theddidiet għas-sigurtà emerġenti ġodda jew sitwazzjonijiet oħra li jirrikjedu azzjoni immedjata li ma jistgħux jiġu indirizzati mill-Istati Membri għal rashom.
Mingħajr preġudizzju għal kwalunkwe żvilupp ta’ politika futura, kull proposta futura f'dan il-qasam se tinkludi d-dikjarazzjoni finanzjarja leġiżlattiva separat tagħha stess li għaliha r-riżorsi finanzjarji korrispondenti jistgħu jiġu koperti jew bil-pakkett tal-Fond jew bi kwalunkwe finanzjament addizzjonali disponibbli fil-pakkett tal-QFP.
1.4.2.Valur miżjud tal-involviment tal-Unjoni (dan jista’ jirriżulta minn fatturi differenti, pereż. żidiet fil-koordinazzjoni, ċertezza legali, effettività jew komplimentaritajiet akbar). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li inkella kien jinħoloq mill-Istati Membri weħidhom.
Il-ġestjoni tat-theddid għas-sigurtà tippreżenta sfidi li ma jistgħux jiġu ttrattati mill-Istati Membri li jaġixxu waħidhom.
Fil-qasam tas-sigurtà, il-kriminalità serja u organizzata, itterroriżmu u theddid ieħor marbuta mas-sigurtà dejjem qed isiru aktar transfruntiera fin-natura tagħhom. Il-kooperazzjoni u l-koordinazzjoni transnazzjonali bejn lawtoritajiet tal-infurzar tal-liġi huma essenzjali biex din il-kriminalità tiġi miġġielda u prevenuta b’suċċess, pereżempju permezz tal-iskambju ta’ informazzjoni, investigazzjonijiet konġunti, teknoloġiji interoperabbli u valutazzjonijiet komuni tat-theddid u r-riskji. L-appoġġ finanzjarju pprovdut taħt dan ir-Regolament jikkontribwixxi b’mod partikolari biex isaħħaħ il-kapaċitajiet nazzjonali u Ewropej f’dawk l-oqsma ta’ politika, ipoġġi l-Unjoni f’pożizzjoni aħjar biex tipprovdi qafas li jesprimi s-solidarjetà tal-Unjoni u biex tipprovdi pjattaforma għall-iżvilupp ta’ sistemi komuni tal-IT li jsostnu dawn il-politiki.
Huma meħtieġa riżorsi u kapaċitajiet sostanzjali biex l-Istati Membri jkunu jistgħu jieħdu ħsieb is-sigurtà tal-UE. It-titjib fil-kooperazzjoni u l-koordinazzjoni operazzjonali li jinvolvu l-kondiviżjoni ta’ riżorsi f’oqsma bħat-taħriġ u t-tagħmir joħloq ekonomiji tal-kobor u sinerġiji li jiżguraw użu aktar effiċjenti ta’ fondi pubbliċi u t-tisħiħ tas-solidarjetà, il-fiduċja reċiproka u lkondiviżjoni tar-responsabbiltà għall-politiki komuni tal-UE fost l-Istati Membri. Dan huwa rilevanti b’mod partikolari fil-qasam tas-sigurtà fejn l-appoġġ finanzjarju għall-forom kollha ta’ operazzjoni konġunta transfruntiera huwa essenzjali biex titjieb il-kooperazzjoni bejn il-pulizija, id-dwana, il-gwardji tal-fruntieri u l-awtoritajiet ġudizzjarji.
Fir-rigward tad-dimensjoni esterna tal-affarijiet interni, huwa ċar li l-adozzjoni ta’ miżuri u l-ġbir flimkien ta’ riżorsi fil-livell tal-UE se jżidu b'mod sinifikanti s-saħħa tal-UE meħtieġa sabiex tikkonvinċi pajjiżi terzi sabiex jimpenjaw ruħhom mal-UE dwar dawk ilkwistjonijiet relatati mas-sigurtà li huma primarjament fl-interess tal-UE u l-Istati Membri.
1.4.3.Tagħlimiet meħuda minn esperjenzi simili fl-imgħoddi
L-evalwazzjoni interim ISF-P tal-perjodu ta’ programmazzjoni 2014-2020 u l-evalwazzjonijiet ex post tal-perjodu 2007-2013 (“prevenzjoni tal-kriminalità u l-ġlieda kontrieha” (ISEC) u “l-prevenzjoni, it-tħejjija u l-ġestjoni tal-konsegwenzi tat-terroriżmu u riskji oħra relatati mas-sigurtà” (CIPS)) ipproduċiet is-sejbiet indikati hawn taħt. Ta’ min jinnota li ISF-P huwa l-ewwel programm ta’ finanzjament tal-UE f’dan il-qasam ta’ politika implimentat wkoll permezz ta’ ġestjoni kondiviża mal-Istati Membri; finanzjamenti preċedenti kienu implimentati biss direttament mill-Kummissjoni.
–Relevanza, kamp ta’ applikazzjoni u daqs
Il-kamp ta’ applikazzjoni wiesa’ tal-ISF-P attwali żgura li jkun jista’ jappoġġa l-implimentazzjoni ta’ l-azzjonijiet meħtieġa fil-livell tal-UE fil-qasam tas-sigurtà. Il-flessibbiltà offruta mill-Fond (il-possibbiltà li finanzjament jiġi trasferit bejn l-objettivi) għenet tindirizza l-ħtiġijiet li qed jinbidlu, iżda l-Istati Membri jistgħu japprezzaw iktar flessibbiltà billi jabbandunaw l-allokazzjonijiet minimi ta’ fondi għal objettivi u jnaqqsu l-għadd ta’ objettivi nazzjonali. Barra minn hekk, l-allokazzjonijiet ffissati fil-bidu tal-perjodu ta’ programmazzjoni, fuq il-bażi ta’ data statistika, ma jirriflettux bidliet fil-ħtiġijiet tal-Istati Membri matul il-perjodu ta’ implimentazzjoni. Meta tkun qed tipprovdi appoġġ finanzjarju addizzjonali matul il-perjodu ta’ programmazzjoni, l-iskema ta’ distribuzzjoni stabbilita fil-bidu tal-perjodu ta’ programmazzjoni ma tippermettix li jkun hemm flessibbiltà, b’impatt potenzjali fuq l-effikaċja u l-effiċjenza tal-Fond.
- Effettività
L-ISF-P attwali huwa meqjus effettiv, u qed jikkontribwixxi għall-għanijiet tiegħu. L-evalwazzjonijiet juru li taħlita ta’ modalitajiet ta’ twassil fl-oqsma tas-sigurtà, il-migrazzjoni u l-ġestjoni tal-fruntieri ppermettew mod effettiv biex jintlaħqu l-objettivi tal-Fondi. Jenħtieġ li d-diżinn olistiku tal-mekkaniżmi ta’ implimentazzjoni jinżamm. Mill-banda l-oħra, l-evalwazzjonijiet jiġbdu l-attenzjoni għan-nuqqas ta’ flessibbiltà li fadal, biex tiġi bbilanċjata mal-prevedibbiltà hekk kif l-awtoritajiet tal-Istati Membri u l-benefiċjarji jeħtieġu ċertezza finanzjarja u legali biex jippjanaw l-implimentazzjoni tal-Fond matul il-perjodu ta’ programmazzjoni, bħala limitazzjoni tal-effikaċja tagħhom. L-ISF-P attwali ma jinkludix pakkett finanzjarju li għandu jiġi distribwit mal-programmi nazzjonali fil-qafas tar-rieżami ta’ nofs it-terminu, u b’hekk jillimita l-possibbiltà li jipprovdu finanzjament addizzjonali lill-programmi nazzjonali. Limitazzjoni oħra tirrigwarda l-fatt li r-rieżami ta’ nofs it-terminu jista’ jintuża biss f’ħin predefinit matul il-perjodu ta’ implimentazzjoni. Il-kriżi tal-migrazzjoni u ż-żieda fit-theddid għas-sigurtà fl-UE fi snin riċenti wrew li l-flessibbiltà mill-bidu tal-perjodu ta’ programmazzjoni ‘il quddiem tkun tista’ jkun hemm reazzjoni għall-bidliet fil-post. L-evalwazzjonijiet interim innotaw ukoll il-ħtieġa għal loġika ċara ta’ intervent, u li programmi nazzjonali iktar iffukati jżidu l-effikaċja billi jippermettu li xi għanijiet jiġu prijoritizzati, u l-importanza ta’ sistema ta’ monitoraġġ u evalwazzjoni, kemm għal ġestjoni diretta kif ukoll konġunta. B’diżinn fi stadju bikri, tiżgura monitoraġġ tal-progress u l-effikaċja konsistenti u uniformi mill-bidu nett.
- Effiċjenza (inklużi s-simplifikazzjoni u t-tnaqqis tal-piż amministrattiv)
Il-partijiet interessati nnotaw progress fis-simplifikazzjoni tal-proċeduri. Miżuri innovattivi (l-għażliet ta’ kostijiet issimplifikati, programmar pluriennali) jitqiesu bħala ta’ benefiċċju. L-istabbiliment ta’ regoli komuni dwar l-implimentazzjoni tal-AMIF u l-ISF appoġġa r-rabtiet ta’ ġestjoni tat-tliet strumenti ta’ finanzjament, li jwasslu għal kooperazzjoni mill-qrib bejn l-entitajiet responsabbli għall-ġestjoni taż-żewġ fondi — u f’xi każijiet l-unifikazzjoni tagħhom.
Madankollu, il-piż amministrattiv għadu meqjus li huwa għoli kemm mill-amministrazzjonijiet kif ukoll mill-benefiċjarji, u dan jimmina l-effiċjenza tal-Fondi. Pereżempju, anki jekk l-użu ta’ regoli ta’ eliġibbiltà nazzjonali għandu l-potenzjal li jnaqqas il-piż amministrattiv, kultant regoli ta’ eliġibbiltà li huma applikati għadhom ħarxa wisq. Għażliet ta’ kost simplifikati mhumiex applikati għalkollox. Hemm ukoll piż amministrattiv relattivament għoli kemm għall-Istati Membri kif ukoll għall-Kummissjoni fl-għoti ta’ assistenza ta’ emerġenza permezz ta’ ġestjoni diretta. Dan jinvolvi t-twaqqif ta’ ftehim ta’ għotja dettaljat f’perjodu qasir ta’ żmien u rekwiżiti ta’ rappurtar aktar dettaljat lejn il-Kummissjoni għall-benefiċjarji (meta mqabbla ma’ ġestjoni kondiviża). Hemm bżonn għal livell suffiċjenti ta’ assistenza teknika biex tiġi ffaċilitata l-ġestjoni b’suċċess tal-Fond u għal aktar sforzi biex jiġi ssimplifikat l-aċċess għall-Fondi għal benefiċjarji potenzjali billi tiġi pprovduta informazzjoni fir-rigward ta’ azzjoni u opportunitajiet ta’ finanzjament. Barra minn hekk, fl-ISF-P attwali ma hemmx ebda mekkaniżmu bil-għan li jtejjeb il-prestazzjoni, bħal pereżempju sistema ta’ inċentivi li ttejjeb aktar l-effikaċja u l-effiċjenza tal-Fondi. Fin-nuqqas ta’ mekkaniżmu bħal dan, l-Istati Membri li jkollhom prestazzjoni tajba fl-implimentazzjoni tal-Fondi ma setgħux jiġu ppremjati. Dan seta’ żied l-effettività tal-Fondi biex jilħqu l-għanijiet tagħhom.
- Koerenza
Il-Fond huwa meqjus bħala koerenti u l-għanijiet tiegħu huma komplementari ma’ dawk ta’ politiki nazzjonali oħra. Il-koerenza u l-komplementarjetà ma’ strumenti oħra ta’ finanzjament tal-UE kienu żgurati tul l-istadji ta’ tfassil, ta’ programmar u ta’ implimentazzjoni. Ġew stabbiliti mekkaniżmi ta’ koordinazzjoni sabiex jiġu żgurati l-koerenza u l-komplementarjetà fl-istadju ta’ implimentazzjoni. Il-format tal-fondi (programmi nazzjonali bil-għan ta’ kapaċitajiet fit-tul, assistenza ta’ emerġenza mmirata biex ittaffi l-pressjoni immedjata u azzjonijiet tal-Unjoni maħsuba biex jappoġġaw il-kooperazzjoni transnazzjonali) kien meqjus bħala pożittiv. Madankollu, il-garanzija tal-koerenza u s-sinerġiji għadha tippreżenta sfida fi tliet oqsma prinċipali: l-appoġġ għall-objettivi tal-ażil u tal-integrazzjoni permezz tal-FSIE, l-appoġġ għall-ġestjoni tal-fruntieri, u l-miżuri ta’ ritorn u riintegrazzjoni kif ukoll l-iżvilupp ta’ sistemi ta’ protezzjoni f’pajjiżi terzi u, fl-aħħar nett, il-garanzija ta’ koerenza bejn l-interventi tal-fondi tal-UE fil-qasam tas-sigurtà.
1.4.4.Il-kompatibbiltà u s-sinerġija possibbli ma’ strumenti oħra xierqa
L-objettivi tal-Fond fil-qasam tas-sigurtà se jkunu appoġġati permezz ta’ sett ikkoordinat bis-sħiħ ta’ strumenti ta’ finanzjament, inklużi kemm l-aspetti interni kif ukoll esterni. Huwa importanti li jiġi evitat it-trikkib mal-finanzjament ipprovdut permezz tal-istrumenti tal-UE billi jiġu stabbiliti linji ta’ demarkazzjoni u mekkaniżmi ta’ koordinazzjoni effikaċi.
L-ISF futur se jaġixxi bħala strument iddedikat tal-Unjoni fil-qasam tas-sigurtà. Il-komplementarjetajiet se jkunu żgurat b’mod partikolari mal-Politika ta’ Koeżjoni, il-Fond għall-Ġestjoni Integrata tal-Fruntieri li jikkonsisti fl-istrument għall-ġestjoni tal-fruntieri u l-viżi u l-istrument għal tagħmir ta’ kontroll doganali, il-parti ta’ riċerka tas-sigurtà tal-Horizon Europe u l-programmi “drittijiet u valuri” futur. Se jkun imfittex li jinħolqu sinerġiji b’mod partikolari dwar il-ġestjoni tal-fruntieri u t-tagħmir ta’ kontroll doganali, is-sigurtà tal-infrastruttura u l-ispazji pubbliċi, iċ-ċibersigurtà u l-prevenzjoni tar-radikalizzazzjoni. Mekkaniżmi ta’ koordinazzjoni effettivi huma essenzjali sabiex jintlaħqu bl-aktar mod effettiv l-għanijiet tal-politika, jiġu sfruttati l-ekonomiji ta’ skala u jiġi evitat trikkib bejn l-azzjonijiet.
Miżuri f’pajjiżi terzi u fir-rigward tagħhom appoġġati permezz tal-Fond għandhom jittieħdu f’sinerġija u koerenza ma’ azzjonijiet oħra barra l-Unjoni appoġġati permezz ta’ strumenti ta’ assistenza esterna tal-Unjoni. B’mod partikolari, fl-implimentazzjoni ta’ dawn l-azzjonijiet għandha titfittex koerenza mal-prinċipji u l-objettivi ġenerali tal-azzjoni esterna u l-politika barranija tal-Unjoni relatata mal-pajjiż jew ir-reġjun ikkonċernat. Fir-rigward tad-dimensjoni esterna, il-Fond se jimmira appoġġ biex itejjeb il-kooperazzjoni ma’ pajjiżi terzi f’oqsma ta’ interess għas-sigurtà interna tal-Unjoni, bħalma huma b’mod partikolari l-ġlieda kontra t-terroriżmu u r-radikalizzazzjoni, sigurtà tat-trasport u tal-kummerċ, il-kooperazzjoni ma’ awtoritajiet tal-infurzar tal-liġi ta’ pajjiżi terzi fil-ġlieda kontra t-terroriżmu (inklużi brigati u skwadri ta’ investigazzjoni konġunti), il-kriminalità organizzata u l-korruzzjoni kif ukoll it-traffikar tal-bnedmin u l-faċilitazzjoni ta’ immigrazzjoni illegali.
1.5.Tul ta' żmien u impatt finanzjarju
☑ tul ta' żmien limitat
–☑
fis-seħħ mill-1.1.2021 sal-31.12.2027
–☑
Impatt finanzjarju mill-2021 sa 2027 għal approprjazzjonijiet ta’ impenn u mill-2021 għal approprjazzjonijiet ta’ pagament.
◻ tul ta' żmien illimitat
–Implimentazzjoni b’perjodu ta’ tnedija minn SSSS sa SSSS,
–segwita b’operazzjoni fuq skala sħiħa.
1.6.Mod(i) ta’ ġestjoni ppjanat(i)
☑ Ġestjoni diretta mill-Kummissjoni
–☑ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;
–◻
mill-aġenziji eżekuttivi
☑ Ġestjoni kondiviża mal-Istati Membri
☑ Ġestjoni indiretta billi jiġu fdati kompiti ta’ implimentazzjoni baġitarja:
–☑ pajjiżi terzi jew lill-korpi nnominati minnhom;
–☑ organizzazzjonijiet internazzjonali u lill-aġenziji tagħhom (iridu jiġu speċifikati);
–☑ il-BEI u lill-Fond Ewropew tal-Investiment;
–☑ korpi li jissemmew fl-Artikoli 70 u 71 tar-Regolament Finanzjarju;
–☑ korpi tal-liġi pubblika;
–☑ korpi rregolati mil-liġi privata b’missjoni ta’ servizz pubbliku safejn dawn jipprovdu garanziji finanzjarji adegwati;
–☑ korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;
–◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.
–Jekk jiġi indikat aktar minn mod wieħed ta’ ġestjoni, agħti d-dettalji fit-Taqsima “Kummenti”.
Kummenti
Il-Fond propost se jiġi implimentat f’ġestjoni kondiviża, jew ġestjoni diretta jew indiretta. Il-parti l-kbira tar-riżorsi se tiġi allokata lill-programmi nazzjonali f’ġestjoni kondiviża. Il-parti li jifdal se tiġi allokata għal faċilità tematika u tkun tista’ tiġi użata għal azzjonijiet speċifiċi (implimentati mill-Istati Membri nazzjonalment jew transnazzjonalment), azzjonijiet tal-Unjoni (diretti / indiretti) u assistenza ta’ emerġenza (ġestjoni kondiviża, jew diretta jew indiretta).
Se tiġi implimentata għajnuna teknika bl-inizjattiva tal-Kummissjoni minn ġestjoni diretta.
2.MIŻURI TA’ ĠESTJONI
2.1.Regoli ta’ monitoraġġ u ta’ rapportar
Speċifika l-frekwenza u l-kundizzjonijiet.
Ġestjoni diretta / indiretta:
Il-Kummissjoni se timmonitorja direttament l-implimentazzjoni tal-azzjonijiet skont l-arranġamenti stabbiliti fil-ftehimiet ta’ għotja rispettivi, ftehimiet ta’ delega ma’ organizzazzjonijiet internazzjonali fejn applikabbli u kuntratti mal-benefiċjarji.
Ġestjoni konġunta:
Kull Stat Membru se jistabbilixxi sistemi ta’ ġestjoni u kontroll għall-programm tiegħu u jiżgura l-kwalità u l-affidabbiltà tas-sistema ta’ monitoraġġ u ta’ data dwar indikaturi, skont ir-Regolament dwar Dispożizzjonijiet Komuni (CPR). Biex jiġi ffaċilitat bidu rapidu għall-implimentazzjoni, huwa possibbli li jiġu “riportati” s-sistemi ta’ ġestjoni u kontroll eżistenti li jaħdmu sew għall-perjodu ta’ programmazzjoni li jmiss.
F’dan il-kuntest, l-Istati Membri se jintalbu li jwaqqfu kumitat ta’ monitoraġġ li fih tista’ tipparteċipa l-Kummissjoni f’kapaċità ta’ konsulenza. Il-kumitat ta’ monitoraġġ se jiltaqa’ mill-inqas darba fis-sena. Se jirrieżamina l-kwistjonijiet kollha li jaffettwaw il-progress tal-programm fil-kisba tal-objettivi tiegħu.
L-Istati Membri għandhom jibagħtu rapport annwali tal-prestazzjoni, li jenħtieġ li jistipula informazzjoni dwar il-progress fl-implimentazzjoni tal-programm u għall-ksib ta’ għanijiet u miri. Jenħtieġ li r-rapport ukoll isemmi dawk il-kwistjonijiet li qed jaffettwaw il-prestazzjoni tal-programm u jiddeskrivi l-azzjoni li tkun ittieħdet biex tittrattahom.
Fi tmiem il-perjodu, kull Stat Membru se jissottometti rapport ta’ prestazzjoni finali. Jenħtieġ li r-rapport finali jiffoka fuq il-progress li sar lejn il-kisba tal-għanijiet tal-programm u jenħtieġ li jagħti ħarsa ġenerali lejn il-kwistjonijiet ewlenin li jaffettwaw il-prestazzjoni tal-programm, il-miżuri meħuda biex jindirizzaw dawk il-kwistjonijiet u l-valutazzjoni tal-effikaċja ta’ dawn il-miżuri. Barra minn hekk, jenħtieġ li jippreżentaw il-kontribuzzjoni tal-programm biex jindirizza l-isfidi identifikati fir-rakkomandazzjonijiet rilevanti tal-UE indirizzati lill-Istat Membru, il-progress li sar biex jintlaħqu l-miri stabbiliti fil-qafas tal-prestazzjoni, is-sejbiet tal-evalwazzjonijiet rilevanti u s-segwitu mogħti lil dawn is-sejbiet u r-riżultati ta’ azzjonijiet ta’ komunikazzjoni.
Skont l-abbozz ta’ proposta tas-CPR, l-Istati Membri se jibagħtu pakkett ta’ assigurazzjoni kull sena, li jinkludi l-kontijiet annwali, id-dikjarazzjoni ta’ ġestjoni u l-opinjonijiet dwar il-kontijiet tal-awtorità tal-awditjar, is-sistema ta’ ġestjoni u kontroll u l-legalità u r-regolarità tan-nefqa ddikjarata fil-kontijiet annwali. Dan il-pakkett ta’ aċċertament se jintuża mill-Kummissjoni biex tiddetermina l-ammont li għandu jitħallas mill-Fond għas-sena kontabilistika.
Laqgħa ta’ rieżami bejn il-Kummissjoni u kull Stat Membru se tiġi organizzata kull sentejn biex teżamina l-prestazzjoni ta’ kull programm.
Sitt darbiet fis-sena l-Istati Membri jibagħtu data għal kull programm imqassma skont l-għanijiet speċifiċi. Din id-data tirreferi għall-kost tal-operazzjonijiet u għall-valuri tal-indikaturi tal-eżitu u r-riżultati komuni.
B’mod ġenerali:
Il-Kummissjoni se twettaq evalwazzjoni ta’ nofs it-terminu u retrospettiva għall-azzjonijiet implimentati skont dan il-Fond, f’konformità mas-CPR. L-evalwazzjoni ta’ nofs it-terminu jenħtieġ li tkun ibbażata b’mod partikolari fuq l-evalwazzjoni ta’ nofs it-terminu tal-programmi ppreżentati mill-Istati Membri lill-Kummissjoni sal-31 ta’ Diċembru 2024.
2.2.Sistema(i) ta’ ġestjoni u ta’ kontroll
2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposti
Iż-żewġ evalwazzjoni ex post tal-fondi DĠ HOME 2007-2013 kif ukoll l-evalwazzjonijiet interim tal-fondi kurrenti ta’ DĠ HOME juru li taħlita ta’ modalitajiet ta’ twassil fl-oqsma tal-migrazzjoni u l-affarijiet interni ppermettew li jkun hemm metodu effikaċi biex jinkisbu l-għanijiet tal-fondi. Id-disinn olistiku tal-mekkaniżmi ta’ twassil qed jinżamm u jinkludi ġestjoni kondiviża, diretta u indiretta.
Permezz ta’ ġestjoni kondiviża, l-Istati Membri jimplimentaw programmi li jikkontribwixxu għall-għanijiet ta’ politika tal-Unjoni u huma mfassla apposta għall-kuntest nazzjonali tagħhom. Il-ġestjoni kondiviża tiżgura li l-appoġġ finanzjarju jkun disponibbli fl-Istati parteċipanti kollha. Barra minn hekk, il-ġestjoni kondiviża tippermetti li l-finanzjament ikun prevedibbli u li l-Istati Membri, li għandhom l-aktar għarfien dwar l-isfidi li jkunu qed jaffaċċaw, ikunu jistgħu jippjanaw l-allokazzjonijiet tagħhom fuq terminu twil skont dan. Finanzjament supplimentari għal azzjonijiet speċifiċi (li jirrikjedu sforzi ta’ kooperazzjoni bejn l-Istati Membri jew fejn żviluppi ġodda fl-Unjoni jirrikjedu li Stat Membru jew aktar ikollhom għad-dispożizzjoni tagħhom finanzjament addizzjonali) u għal attivitajiet ta’ risistemazzjoni jew trasferiment jista’ jiġi implimentat permezz tal-ġestjoni kondiviża. Fi żvilupp ġdid, il-Fond jista’ wkoll jipprovdi assistenza ta’ emerġenza permezz tal-ġestjoni kondiviża, apparti l-ġestjoni diretta u indiretta.
Permezz ta’ ġestjoni diretta, il-Kummissjoni tappoġġa azzjonijiet oħrajn li jikkontribwixxu għall-objettivi tal-politika komuni tal-Unjoni. Lazzjonijiet jippermettu appoġġ imfassal apposta għal ħtiġijiet urġenti u speċifiċi fi Stati Membri individwali (“assistenza ta’ emerġenza”), jappoġġaw netwerks u attivitajiet transnazzjonali, jittestjaw attivitajiet innovattivi li jistgħu jiżdiedu skont il-programmi nazzjonali u jkopru studji fl-interess tal-Unjoni kollha kemm hi (“azzjonijiet tal-Unjoni”).
Permezz ta’ ġestjoni indiretta, il-Fond jibqagħlu l-possibbiltà li jiddelega kompiti ta’ implimentazzjoni tal-baġit lil, fost oħrajn, organizzazzjonijiet Internazzjonali u aġenziji tal-affarijiet interni għal skopijiet partikolari.
Filwaqt li wieħed iqis l-għanijiet u l-ħtiġijiet differenti, qed tiġi proposta faċilità tematika fuq il-bażi tal-Fond bħala mod kif tiġi bbilanċjata l-prevedibbiltà tal-allokazzjoni pluriennali tal-finanzjament lill-programmi nazzjonali bil-flessibbiltà fl-iżborż perjodiku tal-finanzjament għal azzjonijiet b’livell għoli ta’ valur miżjud għall-Unjoni. Il-faċilità tematika se tintuża għal azzjonijiet speċifiċi fl-Istati Membri u bejniethom, għal azzjonijiet tal-Unjoni, għall-assistenza tal-emerġenza, għar-risistemazzjoni u għar-rilokazzjoni. Se tiżgura li fondi jkunu jistgħu jiġu allokati u trasferiti fost il-modalitajiet differenti ta’ hawn fuq, abbażi ta’ ċiklu ta’ programmazzjoni fuq sentejn.
L-arranġamenti ta’ pagament għal għall-ġestjoni kondiviża huma deskritti fl-abbozz tal-proposta tas-CPR, li tipprevedi prefinanzjament annwali, segwit minn massimu ta’ erba’ pagamenti interim għal kull programm u sena fuq il-bażi tal-applikazzjonijiet ta’ pagament mibgħuta mill-Istati Membri matul is-sena kontabilistika. Kif speċifikat fl-abbozz tal-proposta għal CPR, il-prefinanzjament jiġi kklerjat sal-aħħar sena kontabilistika tal-programmi.
L-istrateġija ta’ kontroll se tkun ibbażata fuq ir-Regolament Finanzjarju l-ġdid u fuq is-CPR. Ir-Regolament Finanzjarju l-ġdid u l-abbozz ta’ proposta għas-CPR għandhom jestendu l-użu tal-forom simplifikati tal-għotjiet bħal somom f’daqqa, rati fissi u kostijiet unitarji. Jintroduċu wkoll forom ġodda ta’ pagamenti, fuq il-bażi tar-riżultati miksuba, minflok tal-kost. Il-benefiċjarji se jkunu jistgħu jirċievu ammont fiss ta’ flus jekk jagħtu prova li jkunu saru ċerti azzjonijiet bħal korsijiet ta’ taħriġ jew it-twassil tal-assistenza tal-emerġenza. Dan mistenni jissimplifika l-piż tal-kontroll kemm fil-livelli tal-benefiċjarji kif ukoll tal-Istati Membri (pereżempju verifika tal-kontijiet u riċevuti għall-kostijiet).
Għall-ġestjoni kondiviża, l-abbozz tal-proposta tas-CPR jibni fuq l-istrateġija ta’ ġestjoni u kontroll fis-seħħ għall-perjodu ta’ programmazzjoni 2014-2020 iżda jintroduċi xi miżuri li għandhom l-għan li jissimplifikaw l-implimentazzjoni u t-tnaqqis tal-piż tal-kontroll fil-livelli kemm tal-benefiċjarji kif ukoll tal-Istati Membri. L-iżviluppi l-ġodda jinkludu:
- it-tneħħija tal-proċedura ta’ deżinjazzjoni (li għandha tagħmilha possibbli li titħaffef l-implimentazzjoni tal-programmi);
- it-twettiq ta’ verifiki (amministrattivi u fil-post) tal-ġestjoni mill-awtorità ta’ ġestjoni fuq bażi tar-riskju (meta mqabbla mal-kontrolli amministrattivi 100 % rekwiżiti fil-perjodu ta’ programmazzjoni 2014-2020). Barra minn hekk, f’ċerti kundizzjonijiet, l-awtoritajiet ta’ ġestjoni jistgħu japplikaw arranġamenti proporzjonali ta’ kontroll b’konformità mal-proċeduri nazzjonali;
- kundizzjonijiet biex jiġu evitati ħafna awditi fuq l-istess operazzjoni / nefqa.
L-awtoritajiet tal-programmi se jippreżentaw lill-Kummissjoni talbiet interim għall-pagamenti fuq il-bażi tal-ispejjeż imġarrba mill-benefiċjarji. L-abbozz tal-proposta tas-CPR jippermetti li l-awtoritajiet tal-ġestjoni jagħmlu verifiki dwar il-ġestjoni fuq il-bażi tar-riskju u jipprevedi wkoll kontrolli speċifiċi (pereżempju kontrolli fil-post mill-awtorità tal-ġestjoni u awditi tal-operazzjonijiet / infiq mill-awtorità tal-awditjar) wara li n-nefqa assoċjata tkun ġiet dikjarata lill-Kummissjoni fit-talbiet interim għall-pagamenti. Sabiex jittaffa r-riskju tar-rimborż ta’ nfiq ineliġibbli, l-abbozz tas-CPR iqiegħed limitu fuq il-pagamenti interim tal-Kummissjoni għal 90 %, billi f’dan il-mument twettqu biss parti mill-kontrolli nazzjonali. Il-Kummissjoni se tħallas il-bilanċ li jibqa’ wara l-eżerċizzju ta’ kklerjar annwali tal-kontijiet, hekk kif tirċievi l-pakkett annwali ta’ aċċertament mingħand l-awtoritajiet tal-programm. Kull irregolarità li jsibu l-Kummissjoni jew il-Qorti Ewropea tal-Awdituri wara t-trażmissjoni tal-pakkett annwali ta’ aċċertament tista’ twassal għal korrezzjoni finanzjarja netta.
2.2.2.Informazzjoni dwar ir-riskji identifikati u s-sistema(i) ta’ kontroll intern stabbilita/i għall-mitigazzjoni tagħhom
Ġestjoni konġunta:
DĠ HOME ma kienx qed jiffaċċja riskji importanti ta’ żbalji fil-programmi ta’ nfiq tiegħu. Dan huwa kkonfermat minn assenza rikorrenti ta’ konstatazzjonijiet sinifikanti fir-rapporti annwali tal-Qorti tal-Awdituri. Barra minn hekk, id-DĠ HOME diġà rreveda l-bażi ġuridika tiegħu (ir-Regolament (UE) 2015/378 u r- Regolament Delegat (UE) 1042/2014) biex jallinja aktar il-qafas ta’ kontroll tal-Politika ta’ Koeżjoni u l-mudell ta’ assigurazzjoni u jkompli jżomm livell baxx ta’ żbalji fil-programmi ta’ nfiq. Dan l-isforz ta’ allinjament ikompli fil-proposta attwali, fejn il-Qafas ta’ Kontroll huwa konsistenti mad-Direttorati Ġenerali tal-Politika ta’ Koeżjoni.
F’ġestjoni kondiviża, ir-riskji ġenerali fir-rigward tal-implimentazzjoni tal-programmi kurrenti jikkonċernaw is-sottoimplimentazzjoni tal-Fond mill-Istati Membri u l-iżbalji possibbli li jirriżultaw mill-kumplessità tar-regoli u d-dgħufijiet fis-sistemi ta’ ġestjoni u kontroll. L-abbozz tas-CPR jissimplifika l-qafas regolatorju billi jarmonizza r-regoli u s-sistemi ta’ ġestjoni u kontroll bejn il-Fondi differenti implimentati b'ġestjoni kondiviża. Huwa jippermetti wkoll li jkun hemm rekwiżiti ta’ kontroll differenzjati skont ir-riskju (pereżempju il-verifiki tal-ġestjoni fuq il-bażi tar-riskju, il-possibbiltà għal arranġamenti ta’ kontroll proporzjonat fuq il-bażi ta’ proċeduri nazzjonali, limitazzjonijiet ta’ ħidma ta' awditjar f’termini ta’ twaqqit u / jew operazzjonijiet speċifiċi).
Ġestjoni diretta / indiretta:
Fuq il-bażi ta’ analiżi reċenti tal-kawżi u t-tipi ewlenin tal-aktar żbalji komuni identifikati fl-awditi ex post, l-oqsma ewlenin ta’ nuqqas ta’ konformità joriġinaw minn ġestjoni finanzjarja batuta tas-sovvenzjonijiet li jingħataw lill-benefiċjarji, dokumenti ta’ sostenn neqsin jew mhux adegwati, akkwist pubbliku mhux korrett, u kosti mhux ibbaġitjati.
Konsegwentement, ir-riskji huma prinċipalment minħabba
– garanzija tal-kwalità tal-proġetti magħżulin u sussegwentement l-implimentazzjoni teknika tagħhom, gwida mhux ċara jew mhux kompleta li jingħataw il-benefiċjarji jew mhux biżżejjed monitoraġġ;
– riskju ta’ użu ineffiċjenti u mhux ekonomiku ta’ fondi mogħtija, kemm għal għotjiet (kumplessità ta’ rimborż għall-kostijiet eliġibbli attwali flimkien ma’ possibbiltajiet limitati biex jiġu kkontrollati l-kostijiet eliġibbli fuq il-bank tax-xogħol) u għal akkwist (xi drabi numru limitat ta’ dawk li jipprovdu servizzi ekonomiċi bl-għarfien speċjalizzat meħtieġ, li jinkludi possibbiltajiet insuffiċjenti biex jiġu mqabbla l-offerti fil-prezz);
– riskju marbut mal-kapaċità ta’ (speċjalment) organizzazzjonijiet iżgħar biex jikkontrollaw b’mod effettiv in-nefqa kif ukoll biex jiżguraw it-trasparenza ta’ operazzjonijiet imwettqa;
– riskju għar-reputazzjoni tal-Kummissjoni, jekk jiġu skoperti frodi jew attivitajiet kriminali; tista’ tittieħed biss assigurazzjoni parzjali mis-sistemi ta’ kontroll intern tal-pajjiżi terzi minħabba l-għadd pjuttost kbir ta’ kuntratturi u benefiċjarji eteroġenji, kollha joperaw bis-sistema ta’ kontroll tagħhom stess tagħhom, ħafna drabi żgħar fid-daqs.
Hu mistenni li ħafna minn dawn ir-riskji jitnaqqsu bis-saħħa ta’ tfassil aħjar tas-sejħiet għall-proposti, gwida lill-benefiċjarji, iffukar tal-proposti u użu aħjar tal-kosti simplifikati u d-dipendenza trasversali fuq l-awditi u l-valutazzjonijiet kif inklużi fir-Regolament Finanzjarju l-ġdid.
2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u l-valutazzjoni tal-livelli mistennija tar-riskju ta’ żball (mal-ħlas u fl-għeluq)
Ġestjoni konġunta:
Dan il-kost tal-kontrolli mistenni li jibqa’ l-istess jew potenzjalment jitnaqqas għall-Istati Membri. Għaċ-ċiklu ta’ programmazzjoni (2014-2020) preżenti, mill-2017, in-nefqa kumulattiva tal-kontroll mill-Istati Membri hija stmata għal madwar 5 % tal-ammont totali tal-pagamenti mitluba mill-Istati Membri għas-sena 2017.
Dan il-perċentwal mistenni jonqos minħabba t-titjib tal-effiċjenza fl-implimentazzjoni tal-programmi u jiżdied fil-pagamenti lill-Istati Membri.
Bl-approċċ ibbażat fuq ir-riskju ta’ ġestjoni u kontrolli jiġi introdott fl-abbozz tar-Regolament dwar id-Dispożizzjonijiet Komuni flimkien ma’ motivazzjoni msaħħa biex jiġu adottati għażliet ta’ kost simplifikati (simplified cost options, SCOs), il-kost tal-kontrolli għall-Istati Membri huwa mistenni li jkompli jonqos.
Ġestjoni diretta / indiretta:
Il-kost tal-kontrolli jammonta għal madwar 2,5 % tal-pagamenti magħmula mid-DĠ HOME. Dan huwa mistenni li jibqa’ stabbli jew jonqos ftit fil-każ ta’ użu usa’ tal-SCOs fil-perjodu ta’ programmazzjoni li jmiss.
2.3.Miżuri għall-prevenzjoni ta’ frodi u ta’ irregolaritajiet
Speċifika l-miżuri ta’ prevenzjoni u ta’ protezzjoni eżistenti jew previsti, pereż. mill-Istrateġija Kontra l-Frodi.
Il-prevenzjoni u l-identifikazzjoni tal-frodi huwa wieħed mill-għanijiet tal-kontroll intern kif stipulat fir-Regolament Finanzjarju u kwistjoni ewlenija tal-governanza, li l-Kummissjoni trid tindirizza matul iċ-ċiklu kollu tal-infiq.
Barra minn hekk, l-istrateġija tad-DĠ HOME għal kontra l-frodi (AFS) għandha l-għan prinċipali ta’ prevenzjoni, identifikazzjoni u riparazzjoni tal-frodi, filwaqt li fost oħrajn tiżgura li l-kontrolli interni tagħha ta’ kontra l-frodi jkunu allinjati għal kollox mal-istrateġija tal-Kummissjoni ta’ kontra l-frodi (Commission’s anti-fraud strategy, CAFS) u li l-approċċ tagħha tal-ġestjoni tar-riskji ta’ frodi jkun immirat li jidentifika oqsma b’riskju ta’ frodi kif ukoll reazzjonijiet adegwati.
Fir-rigward tal-ġestjoni kondiviża, l-Istati Membri se jiżguraw il-legalità u r-regolarità tal-infiq inkluż fil-kontijiet tagħhom li jippreżentaw lill-Kummissjoni. F’dan il-kuntest, l-Istati Membri se jieħdu l-azzjonijiet kollha meħtieġa għall-prevenzjoni, l-identifikazzjoni u l-korrezzjoni tal-irregolaritajiet, inkluża l-frodi. Bħal fiċ-ċiklu ta’ programmazzjoni attwali (2014-2020), l-Istati Membri huma obbligati li jdaħħlu fis-seħħ proċeduri għall-identifikazzjoni tal-irregolaritajiet u għal kontra l-frodi u li jirrapportaw lill-Kummissjoni dwar l-irregolaritajiet, inkluża frodi suspettata u frodi stabbilita fl-oqsma tal-ġestjoni kondiviża. Il-miżuri ta’ kontra l-frodi se jibqgħu prinċipju trasversali u obbligu għall-Istati Membri.
3.IMPATT FINANZJARJU STMAT TAL-PROPOSTA / TAL-INIZJATTIVA
3.1.Intestatura tal-qafas finanzjarju pluriennali u l-linja/i baġitarja/i ġdida / ġodda tan-nefqa proposta
Intestatura tal-qafas finanzjarju pluriennali
|
Linja baġitarja
|
Tip ta’
nefqa
|
Kontribuzzjoni
|
|
Intestatura Nru 5: “Sigurtà u Difiża”
|
Diff./Mhux diff.
|
mingħand il-pajjiżi tal-EFTA
|
mingħand il-pajjiżi kandidati
|
mingħand pajjiżi terzi
|
skont it-tifsira tal-Artikolu [21(2)(b)] tar-Regolament Finanzjarju
|
5
|
12.02.01 — Fond għas-Sigurtà Interna (Internal Security Fund, ISF)
|
Diff.
|
LE
|
LE
|
LE
|
LE
|
5
|
12.01.01 — Nefqa ta’ appoġġ għall-Fond għas-Sigurtà Interna (Assistenza Teknika)
|
Mhux diff.
|
LE
|
LE
|
LE
|
LE
|
3.2.L-impatt stmat fuq in-nefqa
3.2.1.Sommarju tal-impatt stmat fuq in-nefqa
EUR miljun (sa tliet pożizzjonijiet deċimali)
Intestatura tal-qafas finanzjarju
pluriennali
|
5
|
“Sigurtà u Difiża”
|
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
Approprjazzjonijiet operazzjonali (maqsuma skont il-linji baġitarji elenkati taħt 3.1)
|
Impenji
|
(1)
|
224.811
|
341.107
|
345.694
|
384.921
|
389.693
|
394.560
|
398.214
|
—
|
2 479.000
|
|
Pagamenti
|
(2)
|
23.212
|
51.821
|
105.901
|
265.329
|
373.387
|
371.677
|
369.230
|
918.443
|
2 479.000
|
Approprjazzjonijiet ta’ natura amministrattiva ffinanzjati mill-pakkett tal-programm
|
Impenji = Pagamenti
|
(3)
|
2.827
|
2.884
|
2.941
|
3.000
|
3.060
|
3.121
|
3.167
|
—
|
21.000
|
TOTAL tal-approprjazzjonijiet għall-pakkett tal-programm
|
Impenji
|
=1+3
|
227.638
|
343.991
|
348.635
|
387.921
|
392.753
|
397.681
|
401.381
|
—
|
2 500.000
|
|
Pagamenti
|
=2+3
|
26.039
|
54.705
|
108.842
|
268.329
|
376.447
|
374.798
|
372.397
|
918.443
|
2 500.000
|
Intestatura tal-qafas finanzjarju
pluriennali
|
7
|
“Nefqa amministrattiva”
|
Meta timtela din it-Taqsima jenħtieġ li tintuża “id-data baġitarja ta’ natura amministrattiva” li qabel kollox trid tiġi introdotta fl-
Anness tad-Dikjarazzjoni Finanzjarja Leġiżlattiva
li jittella’ fid-DECIDE għal finijiet ta’ konsultazzjoni bejn is-servizzi.
EUR miljun (sa tliet pożizzjonijiet deċimali)
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
Riżorsi umani
|
5.942
|
6.943
|
6.943
|
6.943
|
6.943
|
6.943
|
6.943
|
|
47.600
|
Nefqa amministrattiva oħra
|
0.202
|
0.202
|
0.202
|
0.202
|
0.202
|
0.202
|
0.202
|
|
1.412
|
Approprjazzjonijiet TOTALI taħt l-INTESTATURA 7 tal-qafas finanzjarju pluriennali
|
(Total ta’ impenji = Total ta’ pagamenti)
|
6.144
|
7.145
|
7.145
|
7.145
|
7.145
|
7.145
|
7.145
|
|
49.012
|
EUR miljun (sa tliet pożizzjonijiet deċimali)
|
|
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
TOTAL tal-approprjazzjonijiet
fl-INTESTATURI kollha
tal-qafas finanzjarju pluriennali
|
Impenji
|
233.782
|
351.136
|
355.780
|
395.066
|
399.898
|
404.826
|
408.526
|
-
|
2 549.012
|
|
Pagamenti
|
32.182
|
61.849
|
115.987
|
275.474
|
383.592
|
381.943
|
379.542
|
918.443
|
2 549.012
|
3.2.2.Sommarju tal-impatt stmat fuq l-approprjazzjonijiet ta’ natura amministrattiva
–◻
Il-proposta / L-inizjattiva ma teħtieġx l-użu ta’ approprjazzjonijiet ta’ natura amministrattiva
–☑
Il-proposta / L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:
EUR miljun (sa tliet pożizzjonijiet deċimali)
Snin
|
2021
|
2022
|
2023
|
2024
|
2025
|
2026
|
2027
|
TOTAL
|
INTESTATURA 7
tal-qafas finanzjarju pluriennali
|
|
|
|
|
|
|
|
|
Riżorsi umani
|
5.942
|
6.943
|
6.943
|
6.943
|
6.943
|
6.943
|
6.943
|
47.600
|
Nefqa amministrattiva oħra
|
0.202
|
0.202
|
0.202
|
0.202
|
0.202
|
0.202
|
0.202
|
1.412
|
Subtotal tal-INTESTATURA 7
tal-qafas finanzjarju pluriennali
|
6.144
|
7.145
|
7.145
|
7.145
|
7.145
|
7.145
|
7.145
|
49.012
|
Barra mill-INTESTATURA 7
tal-qafas finanzjarju pluriennali
|
|
|
|
|
|
|
|
|
Riżorsi umani
|
|
|
|
|
|
|
|
|
Nefqa oħra
ta’ natura amministrattiva
|
2.827
|
2.884
|
2.941
|
3.000
|
3.060
|
3.121
|
3.167
|
21.000
|
Subtotal
barra mill-INTESTATURA 7
tal-qafas finanzjarju pluriennali
|
2.827
|
2.884
|
2.941
|
3.000
|
3.060
|
3.121
|
3.167
|
21.000
|
TOTAL
|
8.971
|
10.029
|
10.086
|
10.145
|
10.205
|
10.266
|
10.312
|
70.012
|
L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà huma assenjati għall-ġestjoni tal-azzjoni u / jew li jkunu ġew allokati mill-ġdid fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.
3.2.2.1.Rekwiżiti stmati ta’ riżorsi umani
–◻
Il-proposta / L-inizjattiva ma teħtieġx l-użu ta’ riżorsi umani.
–☑
Il-proposta / L-inizjattiva teħtieġ l-użu ta’ riżorsi umani, kif spjegat hawn taħt:
L-istima trid tiġi espressa f’unitajiet ekwivalenti għal full-time
Snin
|
2021
|
2022
|
2023
|
2024
|
2025
|
2026
|
2027
|
•Pożizzjonijiet fil-pjan ta’ stabbiliment (uffiċjali u aġenti temporanji)
|
Kwartieri Ġenerali u Uffiċċji ta’ Rappreżentanza tal-Kummissjoni
|
38
|
45
|
45
|
45
|
45
|
45
|
45
|
Delegazzjonijiet
|
2
|
2
|
2
|
2
|
2
|
2
|
2
|
Riċerka
|
|
|
|
|
|
|
|
• Persunal estern (f’unità Ekwivalenti għall-Full-Time: FTE) - AC, AL, END, INT u JED
Intestatura 7
|
Iffinanzjati mill-INTESTATURA 7 tal-qafas finanzjarju pluriennali
|
- fil-Kwartieri Ġenerali
|
3
|
3
|
3
|
3
|
3
|
3
|
3
|
|
- fid-Delegazzjonijiet
|
|
|
|
|
|
|
|
Iffinanzjati mill-pakkett tal-programm
|
- fil-Kwartieri Ġenerali
|
|
|
|
|
|
|
|
|
- fid-Delegazzjonijiet
|
|
|
|
|
|
|
|
Riċerka
|
|
|
|
|
|
|
|
Oħrajn (speċifika)
|
|
|
|
|
|
|
|
TOTAL
|
43
|
50
|
50
|
50
|
50
|
50
|
50
|
Ir-riżorsi umani meħtieġa se jiġu mill-persunal tad-DĠ li diġà jkun assenjat għall-ġestjoni tal-azzjoni u / jew ġew riallokati fid-DĠ, flimkien, jekk inhu meħtieġ ma’ kull allokazzjoni addizzjonali li tista’ tingħata lid-DĠ li jiġġestixxi skont il-proċedura annwali ta’ allokazzjoni u fid-dawl tar-restrizzjonijiet baġitarji.
Deskrizzjoni tal-kompiti li jridu jitwettqu:
Uffiċjali u aġenti temporanji
|
Il-persunal ta’ 50 FTE sal-2027 jirrappreżenta l-persunal ġenerali meħtieġ għall-implimentazzjoni u l-ġestjoni tal-Fond. Huwa magħmul minn persunal li diġà jaħdem fid-DĠ HOME għall-ISF (linja bażi: 33 FTE = 3 CA, 11-il AST, 19-il AD) minn April 2018 u persunal addizzjonali (+3 AST, +14-il AD li minnhom tnejn (2) huma għad-Delegazzjonijiet). Ara hawn taħt għad-deskrizzjoni tal-kompiti għall-persunal addizzjonali:
Ippjanar, ipprogrammar, relazzjoni mal-aġenziji (+ 1 AD):
- il-provvista ta’ input għall-proċedura tal-baġit,
- isir kollegament bejn il-fondi u l-aġenziji (pereżempju ftehimiet ta’ għotjiet / delega lill-aġenziji)
Awditi, OLAF, ECA (+3 AD):
- l-eżekuzzjoni ta’ kontrolli kif deskritt qabel (verifika ex ante, kumitat ta’ akkwist, awditjar ex post, awditjar intern, approvazzjoni ta’ kontijiet),
- isir segwitu għall-awditi ġestiti bl-IAS u CoA.
Ġestjoni diretta (+1 AST +2 AD):
- it-tħejjija ta’ programmi ta’ ħidma annwali / deċiżjonijiet ta’ finanzjament, l-iffissar ta’ prijoritajiet annwali,
- il-komunikazzjoni ma’ partijiet interessati (benefiċjarji potenzjali / attwali, Stati Membri, eċċ.),
- ġestjoni ta’ sejħiet għal proposti u sejħiet għal offerti u l-proċeduri ta’ għażla sussegwenti,
- ġestjoni operazzjonali tal-proġetti.
Ġestjoni kondiviża (inkluż TF) (+1 AST +3AD):
- it-twettiq tad-djalogu ta’ politika mal-Istati Membri,
- il-ġestjoni tal-programmi nazzjonali,
- l-abbozzar ta’ linji gwida lill-Istati Membri,
- l-iżvilupp u ġestjoni ta’ għodod tal-IT għal ġestjoni ta’ għotjiet u programmi nazzjonali.
Sinerġiji ma’ fondi oħra (+1 AD):
- koordinazzjoni mal-fondi ta’ dimensjoni esterna,
- koordinazzjoni fil-kuntest tas-CPR,
- sinerġiji u kumplimentarjetà ma’ fondi oħra.
Ġestjoni finanzjarja (+1 AST):
- inizjazzjoni finanzjarja u verifika finanzjarja,
- il-kontabbiltà,
- il-monitoraġġ u r-rappurtar dwar l-ilħiq tal-għanijiet, inklużi fir-rapporti annwali ta’ attività u r-rapporti tal-uffiċjal awtorizzanti b’sottodelega.
Persunal għal direttorati oħra li jaħdmu fuq il-kwistjonijiet ta’ finanzjament (+2 AD):
- L-uffiċjali tal-politika involuti fl-implimentazzjoni tal-fondi (pereż. l-evalwazzjoni tar-rapporti tekniċi mill-benefiċjarji tal-ġestjoni diretta, ir-rieżami tar-rapporti annwali dwar l-implimentazzjoni għall-ġestjoni kondiviża, il-ġestjoni operattiva tal-proġetti).
|
Persunal estern
|
Il-kompiti huma simili għal dawk ta’ uffiċjali u aġenti temporanji, ħlief għal kompiti li ma jistgħux jiġu ssodisfati minn persunal estern.
|
Persunal fid-delegazzjonijiet
|
+ 2 AD: Biex jakkumpanja l-iżvilupp ta' implimentazzjoni ta' politika fil-qasam tal-affarijiet interni, u b'mod partikolari fid-dimensjonijiet esterni tiegħu, id-delegazzjonijiet tal-UE se jeħtieġu jkunu mgħammra b'esperjenza suffiċjenti fl-affarijiet interni. Dan jista’ jkun persunal mill-Kummissjoni Ewropea u / jew is-Servizz Ewropew għall-Azzjoni Esterna.
|
3.2.3.Kontribuzzjonijiet ta’ terzi persuni
Il-proposta / L-inizjattiva:
–◻
ma tipprevedix il-kofinanzjament minn terzi persuni
–☑
tipprevedi l-kofinanzjament minn terzi persuni u li qed jiġi stmat hawn taħt:
Approprjazzjonijiet f’EUR miljun (sa tliet pożizzjonijiet deċimali)
Snin
|
2021
|
2022
|
2023
|
2024
|
2025
|
2026
|
2027
|
TOTAL
|
Speċifika l-korp ta’ kofinanzjament
|
SM
|
SM
|
SM
|
SM
|
SM
|
SM
|
SM
|
|
Approprjazzjonijiet TOTALI kofinanzjati
|
għad irid jiġi deċiż
|
għad irid jiġi deċiż
|
għad irid jiġi deċiż
|
għad irid jiġi deċiż
|
għad irid jiġi deċiż
|
għad irid jiġi deċiż
|
għad irid jiġi deċiż
|
|
3.3.Impatt stmat fuq id-dħul
–☑
Il-proposta / L-inizjattiva ma għandha l-ebda impatt finanzjarju fuq id-dħul.
–◻
Il-proposta / L-inizjattiva għandha l-impatt finanzjarju li ġej:
–◻
fuq ir-riżorsi proprji
–◻
fuq dħul ieħor
indika jekk id-dħul huwa assenjat għal-linji tan-nefqa ◻
EUR miljun (sa tliet pożizzjonijiet deċimali)
Linja baġitarja tad-dħul:
|
Impatt tal-proposta / tal-inizjattiva
|
|
2021
|
2022
|
2023
|
2024
|
2025
|
2026
|
2027
|
Artikolu …………
|
|
|
|
|
|
|
|
Għal dħul assenjat, speċifika l-linja/i baġitarja/i tan-nefqa affettwata/i.
Rimarki oħra (pereż. il-metodu / formula użati għall-kalkolu tal-impatt fuq id-dħul jew kwalunkwe informazzjoni oħra).