Tento dokument je výňatok z webového sídla EUR-Lex
Dokument 62015CJ0466
Sentenza tal-Qorti tal-Ġustizzja (Ir-Raba' Awla) tas-6 ta’ Ottubru 2016.
Jean-Michel Adrien et vs Premier ministre et.
Rinviju għal deċiżjoni preliminari – Moviment liberu tal-ħaddiema – Uffiċjali nazzjonali ssekondati fi ħdan istituzzjoni jew korp tal-Unjoni – Pensjoni ta’ xjuħija – Dritt tal-għażla – Sospensjoni jew żamma tas-sħubija għall-iskema ta’ pensjoni nazzjonali – Limitazzjoni tal-kumulu tal-pensjoni miksuba taħt l-iskema ta’ pensjoni nazzjonali flimkien ma’ dik miksuba taħt l-iskema ta’ pensjoni tal-Unjoni.
Kawża C-466/15.
Sentenza tal-Qorti tal-Ġustizzja (Ir-Raba' Awla) tas-6 ta’ Ottubru 2016.
Jean-Michel Adrien et vs Premier ministre et.
Rinviju għal deċiżjoni preliminari – Moviment liberu tal-ħaddiema – Uffiċjali nazzjonali ssekondati fi ħdan istituzzjoni jew korp tal-Unjoni – Pensjoni ta’ xjuħija – Dritt tal-għażla – Sospensjoni jew żamma tas-sħubija għall-iskema ta’ pensjoni nazzjonali – Limitazzjoni tal-kumulu tal-pensjoni miksuba taħt l-iskema ta’ pensjoni nazzjonali flimkien ma’ dik miksuba taħt l-iskema ta’ pensjoni tal-Unjoni.
Kawża C-466/15.
Zbierka rozhodnutí – Všeobecná zbierka
Kawża C-466/15
Jean-Michel Adrien et
vs
Prim Ministru et
(talba għal deċiżjoni preliminari mressqa mill-Conseil d’État (Franza))
“Rinviju għal deċiżjoni preliminari — Moviment liberu tal-ħaddiema — Uffiċjali nazzjonali ssekondati fi ħdan istituzzjoni jew korp tal-Unjoni — Pensjoni ta’ xjuħija — Dritt tal-għażla — Sospensjoni jew żamma tas-sħubija għall-iskema ta’ pensjoni nazzjonali — Limitazzjoni tal-kumulu tal-pensjoni miksuba taħt l-iskema ta’ pensjoni nazzjonali flimkien ma’ dik miksuba taħt l-iskema ta’ pensjoni tal-Unjoni”
Sommarju – Sentenza tal-Qorti tal-Ġustizzja (Ir-Raba’ Awla) tas-6 ta’ Ottubru 2016
Sigurtà soċjali – Ħaddiema migranti – Kompetenza tal-Istati Membri li jamministraw is-sistemi tagħhom tas-sigurtà soċjali – Limiti – Osservanza tad-dritt tal-Unjoni – Regoli tat-Trattat dwar il-moviment liberu tal-ħaddiema – Effett fir-rigward tal-benefiċċji mogħtija biss skont il-leġiżlazzjoni ta’ Stat Membru wieħed
(Artikoli 45 TFUE u 48 TFUE)
Moviment liberu tal-persuni – Ħaddiema – Kunċett – Ċittadin ta’ Stat Membru impjegat minn organizzazzjoni internazzjonali – Inklużjoni
(Artikolu 45 TFUE)
Moviment liberu tal-persuni – Ħaddiema – Ugwaljanza fit-trattament – Pensjoni ta’ xjuħija – Uffiċjali nazzjonali ssekondati fi ħdan istituzzjoni jew korp tal-Unjoni li għażlu s-sħubija fl-iskema nazzjonali u li temmew il-perijodu ta’ għaxar snin li jagħtihom id-dritt għal pensjoni tal-Unjoni – Leġiżlazzjoni nazzjonali li tillimita l-kumulu tal-pensjoni miksub taħt l-iskema ta’ pensjoni nazzjonali ma’ dik miksuba taħt l-iskema ta’ pensjoni tal-Unjoni – Inammissibbiltà
(Artikolu 45 TFUE)
Ara t-test tad-deċiżjoni.
(ara l-punti 22, 26-28)
Ara t-test tad-deċiżjoni.
(ara l-punti 24, 25)
L-Artikolu 45 TFUE għandu jiġi interpretat fis-sens li dan jipprekludi leġiżlazzjoni nazzjonali, li għandha bħala effett li uffiċjal nazzjonali ssekondat fi ħdan istituzzjoni jew korp tal-Unjoni Ewropea li jagħżel li jibqa’ msieħeb fl-iskema ta’ pensjoni nazzjonali matul il-perijodu tal-issekondar tiegħu jitlef il-benefiċċji kollha jew parti minnhom li jikkorrispondu għas-sħubija tiegħu f’din l-iskema tal-aħħar jekk ikun għamel perijodu ta’ għaxar snin fis-servizz tal-Unjoni li jagħtih id-dritt għal pensjoni taħt l-iskema ta’ pensjoni tal-Unjoni.
Għalhekk, fl-eventwalità li uffiċjal jiġi ssekondat fi ħdan istituzzjoni jew korp tal-Unjoni jibqa’ msieħeb fl-iskema ta’ pensjoni nazzjonali tiegħu għat-tul tal-issekondar tiegħu, din il-leġiżlazzjoni nazzjonali tissuġġetta l-pensjoni li tirriżulta minn din l-isħubija għal regola ta’ ammont massimu u għal regola ta’ livellament. Skont dawn ir-regoli, l-ammont tal-pensjoni li jirċievi l-uffiċjal taħt l-iskema ta’ pensjoni nazzjonali jista’ jintegra l-pensjoni miksuba taħt l-iskema ta’ pensjoni tal-Unjoni biss fil-limitu tal-pensjoni nazzjonali li kieku kien jinkiseb fl-assenza tal-issekondar u l-pensjoni nazzjonali titnaqqas sal-pensjoni dovuta taħt l-iskema tal-Unjoni b’tali mod li l-ammont kumulattiv taż-żewġ pensjonijiet ma jaqbiżx il-limitu massimu hekk iffissat.
F’dawn iċ-ċirkustanzi, l-uffiċjal li jibqa’ msieħeb fl-iskema ta’ pensjoni nazzjonali jħallas kontribuzzjonijiet li ma jitħallsux lura.Dawn ir-regoli ta’ limitu massimu u ta’ livellament għalhekk jistgħu jxekklu jew jirrendu inqas attraenti l-eżerċizzju, minn uffiċjal, tal-libertà tiegħu ggarantita mill-Artikolu 45 TFUE.
In-natura fakultattiva taż-żamma ta’ sħubija għall-iskema ta’ pensjoni nazzjonali ma tbiddel xejn mill-fatt li r-regoli ta’ limitu massimu u ta’ livellament li japplikaw f’każ ta’ eżerċizzju ta’ din il-possibbiltà għandhom bħala effett li l-uffiċjal juża l-imsemmija possibbiltà li jħallas kontribuzzjonijiet li ma jitħallsux lura jekk ikun għamel il-perijodu ta’ għaxar snin fis-servizz tal-Unjoni li jagħtih id-dritt għal pensjoni taħt l-iskema ta’ pensjoni tal-Unjoni. Madankollu, meta skema ta’ pensjoni nazzjonali tippermetti lill-uffiċjali ssekondati li jibqgħu mseħbin, din il-possibbiltà għandha tiġi mfassla b’tali mod li ma jkollhiex dan l-effett, billi tikkostitwixxi ostakolu għall-moviment liberu tal-ħaddiema.
Fil-fatt, din il-leġiżlazzjoni tisfavorixxi uffiċjal issekondat imsieħeb kemm fl-iskema ta’ pensjoni tal-Unjoni u kif ukoll fl-iskema ta’ pensjoni nazzjonali meta mqabbel ma’ uffiċjal li jibqa’ fl-Istat Membru ta’ oriġini li jkun imsieħeb biss f’din tal-aħħar skema peress li l-ewwel wieħed biss ikun suġġett, billi jkunu kkontribwixxa għaż-żewġ skemi, telf tal-benefiċċji kollha jew parti minnhom li jikkorrispondu għas-sħubija tiegħu fl-iskema ta’ pensjoni nazzjonali, jekk jikseb drittijiet għal pensjoni taħt l-iskema ta’ pensjoni tal-Unjoni.
(ara l-punti 29, 30, 32, 34, 38 u dispożittiv)