Kawża C-62/12

Galin Kostov

vs

Direktor na Direktsia “Obzhalvane I upravlenie na izpalnenieto” — Varna pri Tsentralno upravlenie na Natsionalnata agentsia za prihodite

(talba għal deċiżjoni preliminari mressqa mill-Administrativen sad Varna)

“Sistema komuni ta’ taxxa fuq il-valur miżjud — Direttiva 2006/112/KE — Artikolu 9(1) — Kunċett ta’ ‘persuna taxxabbli’ — Persuna fiżika — Provvista ta’ servizz taxxabbli — Provvista ta’ servizz okkażjonali — Assenza ta’ rabta ma’ attività professjonali rreġistrata u suġġetta għall-VAT — Uffiċjal eżekuttiv indipendenti”

Sommarju — Sentenza tal-Qorti tal-Ġustizzja (L-Ewwel Awla) tat-13 ta’ Ġunju 2013

1. Domandi preliminari – Ġurisdizzjoni tal-Qorti tal-Ġustizzja – Limiti – Ġurisdizzjoni tal-qorti nazzjonali – Stabbiliment u evalwazzjoni tal-fatti tat-tilwima

   (Artikolu 267 TFUE)

2. Armonizzazzjoni tal-leġiżlazzjonijiet fiskali – Sistema komuni ta’ taxxa fuq il-valur miżjud – Persuni taxxabbli – Kunċett – Persuna fiżika diġà suġġetta għat-taxxa għall-attivitajiet ta’ uffiċjal eżekuttiv indipendenti – Kull attività ekonomika oħra eżerċitata b’mod okkażjonali – Inklużjoni – Kundizzjoni

   (Direttiva tal-Kunsill 2006/112, Artikolu 9(1))

1.  Ara t-test tad-deċiżjoni.

   (ara l-punt 25)

2.  L-Artikolu 9(1) tad-Direttiva 2006/112, dwar is-sistema komuni ta’ taxxa fuq il-valur miżjud, għandu jiġi interpretat fis-sens li persuna fiżika, diġà suġġetta għat-taxxa fuq il-valur miżjud għall-attivitajiet tagħha bħala uffiċjal eżekuttiv indipendenti, għandha titqies bħala “persuna taxxabbli” għal kull attività ekonomika oħra eżerċitata b’mod okkażjonali, bil-kundizzjoni li din l-attività tikkostitwixxi attività fis-sens tat-tieni subparagrafu tal-Artikolu 9(1) tad-Direttiva 2006/112.

   (ara l-punt 31 u d-dispożittiv)