1. 

Unjoni Ewropea – Stħarriġ ġudizzjarju tal-legalità tal-atti tal-istituzzjonijiet – Miżuri restrittivi meħuda fid-dawl tas-sitwazzjoni fl-Ukraina – Iffriżar ta’ fondi tal-persuni implikati fil-miżapproprjazzjoni ta’ fondi pubbliċi u tal-persuni fiżiċi jew ġuridiċi, entitajiet jew organi assoċjati magħhom – Portata tal-istħarriġ

(It-tieni paragrafu tal-Artikolu 275 TFUE; Karta tad-Drittijiet Fundamentali tal-Unjoni Ewropea, Artikoli 47 u 48; Deċiżjoni tal-Kunsill (PESK) 2020/373; Regolament tal-Kunsill 2020/370)

(ara l-punti 77, 78)

2. 

Politika estera u ta’ sigurtà komuni – Miżuri restrittivi meħuda fid-dawl tas-sitwazzjoni fl-Ukraina – Deċiżjoni ta’ ffriżar ta’ fondi – Adozzjoni jew żamma fuq il-bażi ta’ proċedura ġudizzjarja mmexxija mill-awtoritajiet ta’ Stat terz fir-rigward ta’ miżapproprjazzjoni ta’ fondi pubbliċi jew ta’ abbuż ta’ poter mid-detentur ta’ kariga pubblika – Ammissibbiltà – Kundizzjoni – Deċiżjoni nazzjonali adottata fir-rispett tad-drittijiet tad-difiża u tad-dritt għal protezzjoni ġudizzjarja effettiva – Obbligu ta’ verifika li jaqa’ fuq il-Kunsill – Obbligu ta’ motivazzjoni – Portata – Stat terz li aderixxa għall-Konvenzjoni Ewropea tad-Drittijiet tal-Bniedem – Assenza ta’ effett – Għan tal-miżuri restrittivi intiżi għat-tisħiħ tal-Istat tad-dritt u d-drittijiet tal-bniedem

(Deċiżjoni 2014/119/PESK, kif emendata bid-Deċiżjoni (PESK) 2020/373, anness; Regolamenti tal-Kunsill Nru 208/2014, Anness I, u 2020/370)

(ara l-punti 79 sa 85)

3. 

Politika estera u ta’ sigurtà komuni – Miżuri restrittivi meħuda fid-dawl tas-sitwazzjoni fl-Ukraina – Deċiżjoni ta’ ffriżar ta’ fondi – Adozzjoni jew żamma fuq il-bażi ta’ proċedura ġudizzjarja mmexxija mill-awtoritajiet ta’ Stat terz fir-rigward ta’ miżapproprjazzjoni ta’ fondi pubbliċi jew ta’ abbuż ta’ poter mid-detentur ta’ kariga pubblika – Kundizzjonijiet – Deċiżjoni nazzjonali adottata fir-rispett tad-drittijiet tad-difiża u tad-dritt għal protezzjoni ġudizzjarja effettiva – Obbligu tal-awtorità kompetenti tal-Unjoni li tistabbilixxi, fil-każ ta’ kontestazzjoni, il-fondatezza tal-motivi invokati fil-konfront tal-persuni jew entitajiet ikkonċernati – Obbligu ta’ verifika tar-rispett tal-imsemmija drittijiet li jaqa’ fuq il-Kunsill – Ksur

(Deċiżjoni 2014/119/PESK, kif emendata bid-Deċiżjoni (PESK) 2020/373, anness; Regolamenti tal-Kunsill Nru 208/2014, Anness I, u 2020/370)

(ara l-punti 90, 92 sa 101, 103 sa 108, 131)

4. 

Politika estera u ta’ sigurtà komuni – Miżuri restrittivi meħuda fid-dawl tas-sitwazzjoni fl-Ukraina – Deċiżjoni ta’ ffriżar ta’ fondi – Adozzjoni jew żamma fuq il-bażi ta’ deċiżjoni nazzjonali ta’ ffriżar ta’ fondi adottata minn awtorità ta’ Stat terz – Ammissibbiltà – Kundizzjoni – Deċiżjoni nazzjonali adottata fir-rispett tad-drittijiet tad-difiża u tad-dritt għal protezzjoni ġudizzjarja effettiva – Obbligu ta’ verifika li jaqa’ fuq il-Kunsill – Prova tal-verifika – Oneru tal-prova

(Deċiżjoni 2014/119/PESK, kif emendata bid-Deċiżjoni (PESK) 2020/373, anness; Regolamenti tal-Kunsill Nru 208/2014, Anness I, u 2020/370)

(ara l-punti 109 sa 112, 129, 130)

5. 

Dritt tal-Unjoni Ewropea – Prinċipji – Dritt għal protezzjoni ġudizzjarja effettiva – Osservanza ta’ terminu raġonevoli – Miżuri restrittivi meħuda fid-dawl tas-sitwazzjoni fl-Ukraina – Proċedura ġudizzjarja f’pajjiż terz li sservi bħala bażi għad-deċiżjoni ta’ adozzjoni tal-miżuri restrittivi – Obbligu ta’ verifika tal-Kunsill – Portata

(Karta tad-Drittijiet Fundamentali tal-Unjoni Ewropea, Artikolu 47)

(ara l-punti 114 sa 121, 125, 126)

1) 

Id-Deċiżjoni tal-Kunsill (PESK) 2019/354 tal‑4 ta’ Marzu 2019, li temenda d-Deċiżjoni 2014/119/PESK dwar miżuri restrittivi diretti kontra ċerti persuni, entitajiet u korpi fid-dawl tas-sitwazzjoni fl-Ukrajna u r-Regolament ta’ Implimentazzjoni tal-Kunsill (UE) 2019/352 tal‑4 ta’ Marzu 2019 li jimplimenta r-Regolament (UE) Nru 208/2014 dwar miżuri restrittivi diretti kontra ċerti persuni, entitajiet u korpi fid-dawl tas-sitwazzjoni fl-Ukrajna, huma annullati sa fejn isem Viktor Fedorovych Yanukovych inżamm fil-lista tal-persuni, tal-entitajiet u tal-korpi li għalihom japplikaw dawn il-miżuri restrittivi.

2) 

Il-Kunsill tal-Unjoni Ewropea huwa kkundannat għall-ispejjeż.