1. 

Rikors għal nuqqas ta’ twettiq ta’ obbligu–Deċiżjoni dwar it-tkomplija ta’ jew ir-rinunzja għal rikors quddiem il-Qorti tal-Ġustizzja–Kompetenza esklużiva tal-Kummissjoni

(Artikolu 258 TFUE)

(ara l-punt 16)

2. 

Rikors għal nuqqas ta’ twettiq ta’ obbligu–Eżami tal-fondatezza mill-Qorti tal-Ġustizzja–Sitwazzjoni li għandha tittieħed inkunsiderazzjoni–Sitwazzjoni fl-iskadenza tat-terminu stabbilit mill-opinjoni motivata

(Artikolu 258 TFUE)

(ara l-punt 20)

3. 

Stati Membri–Obbligi li jirriżultaw mid-dritt tal-Unjoni–Nuqqas ta’ twettiq ta’ obbligu–Ġustifikazzjoni bbażata fuq l-ordinament intern–Inammissibbiltà

(Artikolu 258 TFUE)

(ara l-punt 21)

4. 

Trasport–Trasport bit-triq–Regolament Nru 1071/2009–Regoli komuni dwar il-kundizzjonijiet għall-eżerċizzju tal-professjoni ta’ trasportatur bit-triq–Reġistru elettroniku nazzjonali tal-impriżi tat-trasport bit-triq–Assenza ta’ kreazzjoni ta’ tali reġistru u ta’ interkonnessjoni mar-reġistri elettroniċi nazzjonali tal-Istati Membri l-oħrajn–Nuqqas ta’ twettiq ta’ obbligu

(Regolament tal-Parlament Ewropew u tal-Kunsill Nru 1071/2009, Artikolu 16(1) u (5))

(ara l-punt 22 u d-dispożittiv)

1)

Peress li ma stabbilixxiex reġistru elettroniku nazzjonali tal-impriżi tat-trasport tat-triq għal kollox konformi u interkonness mar-reġistri elettroniċi nazzjonali tal-Istati Membri l-oħrajn, il-Gran Dukat tal-Lussemburgu naqas mill-obbligi imposti fuqu skont l-Artikolu 16(1) u (5) tar-Regolament (KE) Nru 1071/2009 tal-Parlament Ewropew u tal-Kunsill, tal-21 ta’ Ottubru 2009, li jistabbilixxi regoli komuni dwar il-kundizzjonijiet li għandhom jiġu rispettati għall-eżerċizzju tal-professjoni ta’ operatur tat-trasport bit-triq u li jħassar id-Direttiva tal-Kunsill 96/26/KE.

2)

Il-Gran Dukat tal-Lussemburgu huwa kkundannat għall-ispejjeż.