1. 

Domandi preliminari — Risposta li tkun tista’ kjarament tiġi dedotta mill-ġurisprudenza — Applikazzjoni tal-Artikolu 99 tar-Regoli tal-Proċedura (Artikolu 267 TFUE; Regoli tal-Proċedura tal-Qorti tal-Ġustizzja, Artikolu 99) (ara l-punti 26, 27)

2. 

Armonizzazzjoni tal-leġiżlazzjonijiet fiskali — Sistema komuni ta’ taxxa fuq il-valur miżjud — Tnaqqis tat-taxxa tal-input imħallsa — Rifjut għar-raġuni ta’ assenza ta’ seħħ effettiv tal-kunsinna ta’ oġġetti, minħabba frodi u irregolaritajiet — Inammissibbiltà — Limiti — Kundizzjonijiet — Destinatarju tal-fattura li kien jaf jew kellu jkun jaf bl-eżistenza ta’ frodi — Verifika li taqa’ fuq il-qorti nazzjonali — Elementi ta’ evalwazzjoni (Direttiva tal-Kunsill 2006/112, Artikoli 14(1), 167 u 168(a)) (ara l-punti 37-40, 42-49, 55 u d-dispożittiv 1, 2)

3. 

Domandi preliminari — Ġurisdizzjoni tal-Qorti tal-Ġustizzja — Limiti — Ġurisdizzjoni tal-qorti nazzjonali — Stabbiliment u evalwazzjoni tal-fatti tat-tilwima (Artikolu 267 TFUE) (ara l-punt 51)

1) 

L-Artikolu 14(1) tad-Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud, għandu jiġi interpretat fis-sens li jipprekludi li l-amministrazzjoni fiskali ta’ Stat Membru tqis li kunsinna ta’ oġġetti ma twettqitx, bil-konsegwenza li tiġi ostakolata l-possibbiltà ta’ tnaqqis mill-akkwirent tat-taxxa fuq il-valur miżjud imħallsa waqt dan l-akkwist minħabba li l-imsemmi akkwirent ma rċeviex il-merkanzija li huwa xtara iżda bagħatha direttament lil persuna terza, lil liema persuna huwa biegħ mill-ġdid il-merkanzija, jew minħabba li l-fornitur dirett ta’ dan l-akkwirent ma rċeviex il-merkanzija li huwa xtara iżda bagħatha direttament lill-imsemmi akkwirent.

2) 

L-assenza ta’ kooperazzjoni tal-fornituri preċedenti ta’ persuna taxxabbli fil-katina kummerċjali mal-awtoritajiet fiskali u l-assenza ta’ trasbord tal-merkanzija kkonċernata ma jikkostitwixxux, minnhom innifishom, provi oġġettivi suffiċjenti sabiex jiġi konkluż li din il-persuna taxxabbli kienet taf jew kellha tkun taf li t-tranżazzjoni invokata bħala bażi għad-dritt tagħha għal tnaqqis tat-taxxa fuq il-valur miżjud kienet involuta fi frodi fiskali. Madankollu, dawn iż-żewġ ċirkustanzi huma provi oġġettivi li jistgħu jittieħdu inkunsiderazzjoni, fil-kuntest ta’ evalwazzjoni globali tal-fatti u taċ-ċirkustanzi kollha, sabiex jiġi stabbilit jekk l-imsemmija persuna taxxabbli kinitx taf jew kellhiex tkun taf li t-tranżazzjoni invokata bħala bażi għad-dritt tagħha għal tnaqqis kienet involuta fi frodi fiskali.