Kawża C-536/11

Bundeswettbewerbsbehörde

vs

Donau Chemie AG et

(talba għal deċiżjoni preliminari mressaq mill-Oberlandesgericht Wien)

“Kompetizzjoni — Aċċess għall-fajl — Proċedura ġudizzjarja dwar multi imposti fir-rigward ta’ ksur tal-Artikolu 101 TFUE — Impriżi terzi li jixtiequ jressqu kawża għad-danni — Leġiżlazzjoni nazzjonali li tissuġġetta l-aċċess għall-fajl għall-kunsens tal-partijiet kollha fil-proċedura — Prinċipju ta’ effettività”

Sommarju — Sentenza tal-Qorti tal-Ġustizzja (L-Ewwel Awla) tas-6 ta’ Ġunju 2013

1. Domandi preliminari – Ġurisdizzjoni tal-Qorti tal-Ġustizzja – Limiti – Ġurisdizzjoni tal-qorti nazzjonali – Neċessità ta’ domanda preliminari u rilevanza tal-kwistjonijiet imqajma – Evalwazzjoni mill-qorti nazzjonali

   (Artikolu 267 TFUE)

2. Akkordji – Projbizzjoni – Effett dirett – Dritt tal-individwi li jitolbu kumpens għad-dannu subit – Modalitajiet ta’ eżerċizzju – Applikazzjoni tad-dritt nazzjonali – Kundizzjonijiet – Osservanza tal-prinċipju ta’ ekwivalenza tal-modalitajiet ta’ eżerċizzju ta’ dritt mogħti mid-dritt tal-Unjoni u ta’ dawk ta’ dritt mogħti mill-ordinament ġuridiku nazzjonali – Osservanza tal-prinċipju ta’ effettività tad-dritt tal-Unjoni

   (Artikolu 101(1) TFUE)

3. Akkordji – Effett ħażin fuq il-kompetizzjoni – Aċċess, ta’ persuna leża minn akkordju u li għandha l-intenzjoni tikseb kumpens, għad-dokumenti li jinsabu fil-proċess relatat ma’ proċedura nazzjonali dwar l-applikazzjoni tal-Artikolu 101 TFUE – Applikazzjoni tad-dritt nazzjonali – Kundizzjonijiet – Osservanza tal-prinċipju ta’ effettività – Obbligu ta’ bbilanċjar tal-interessi kontrapposti

   (Artikolu 101(1) TFUE; Regolament tal-Kunsill Nru 1/2003)

1.  Ara t-test tad-deċiżjoni.

   (ara l-punti 15, 16)

2.  Ara t-test tad-deċiżjoni.

   (ara l-punti 20-27)

3.  Id-dritt tal-Unjoni, b’mod partikolari l-prinċipju ta’ effettività, jipprekludi dispożizzjoni tad-dritt nazzjonali li permezz tagħha l-aċċess għad-dokumenti li jinsabu fil-proċess relatat ma’ proċedura nazzjonali dwar l-applikazzjoni tal-Artikolu 101 TFUE, inkluż għad-dokumenti kkomunikati fil-kuntest ta’ programm ta’ klemenza, ta’ terzi li ma humiex parti f’din il-proċedura u li għandhom l-intenzjoni li jippreżentaw rikorsi għad-danni kontra parteċipanti f’akkordju, huwa suġġett biss għall-kunsens tal-partijiet kollha fl-imsemmija proċedura, mingħajr ma tħalli l-ebda possibbiltà lill-qrati nazzjonali li jibbilanċjaw l-interessi kontrapposti.

   Fil-fatt, fil-kuntest tal-eżerċizzju tal-ġurisdizzjoni tagħhom sabiex jistabbilixxu u sabiex japplikaw ir-regoli nazzjonali relattivi għad-dritt tal-persuni li jqisu ruħhom leżi minn akkordju li jkollhom aċċess għad-dokumenti relatati mal-proċeduri nazzjonali li jikkonċernaw dan l-akkordju, huwa neċessarju li l-qrati nazzjonali jkunu jistgħu jibbilanċjaw, każ b’każ, l-interess tal-persuna li tagħmel it-talba li tikseb l-aċċess għal dawn id-dokumenti sabiex tipprepara r-rikors tagħha għad-danni, fid-dawl, b’mod partikolari, tal-possibbiltajiet l-oħra eventwalment għad-dispożizzjoni tagħha, u l-konsegwenzi li realment jistgħu joħolqu preġudizzju li tali aċċess jista’ jagħti lok għalihom fid-dawl ta’ interessi pubbliċi jew ta’ interessi leġittimi ta’ persuni oħrajn, inkluż l-interess pubbliku relatat mal-effettività tal-programmi ta’ klemenza.

   (ara l-punti 30, 34, 44-46, 49 u d-dispożittiv)