Kawża C-294/11

Ministero dell’Economia e delle Finanze

u

Agenzia delle Entrate

vs

Elsacom NV

(talba għal deċiżjoni preliminari mressqa mill-Corte suprema di cassazione)

“Tmien Direttiva tal-VAT — Modalitajiet ta’ rimbors tal-VAT lill-persuni taxxabbli li ma humiex stabbiliti fil-pajjiż — Terminu għas-sottomissjoni tal-applikazzjoni għar-rimbors — Terminu ta’ dekadenza”

Sommarju tas-sentenza

Armonizzazzjoni tal-leġiżlazzjonijiet fiskali – Sistema komuni ta’ taxxa fuq il-valur miżjud – Rimbors tat-taxxa lill-persuni taxxabbli li ma humiex stabbiliti fil-pajjiż – Natura ġuridika tat-terminu previst għas-sottomissjoni ta’ applikazzjoni għar-rimbors – Terminu ta’ dekadenza

(Direttiva tal-Kunsill 79/1072, l-ewwel subparagrafu tal-Artikolu 7(1))

It-terminu ta’ sitt xhur previst fl-aħħar sentenza tal-ewwel subparagrafu tal-Artikolu 7(1) tat-Tmien Direttiva 79/1072 dwar l-armonizzazzjoni tal-liġijiet tal-Istati Membri rigward it-taxxi fuq id-dħul mill-bejgħ — Arranġamenti għar-rifużjoni tat-taxxa fuq il-valur miżjud lill-persuni taxxabbli li mhumiex stabbiliti fit-territorju tal-pajjiż, għas-sottomissjoni ta’ applikazzjoni għar-rimbors tat-taxxa fuq il-valur miżjud, huwa terminu ta’ dekadenza.

(ara l-punt 34 u d-dispożittiv)