This document is an excerpt from the EUR-Lex website
Document 62008CJ0069
Sommarju tas-sentenza
Sommarju tas-sentenza
Kawża C-69/08
Raffaello Visciano
vs
Istituto nazionale della previdenza sociale (INPS)
(talba għal deċiżjoni preliminari mressqa mit-Tribunale di Napoli)
“Politika soċjali — Protezzjoni tal-ħaddiema — Insolvenza ta’ min iħaddem — Direttiva 80/987/KEE — Obbligu ta’ ħlas tal-krediti kollha mhux imħallsa sa limitu massimu stabbilit minn qabel — Natura tal-krediti tal-ħaddiem fil-konfront tal-istituzzjoni ta’ garanzija — Terminu ta’ preskrizzjoni”
Konklużjonijiet tal-Avukat Ġenerali V. Trstenjak, ippreżentati fit-2 ta’ April 2009 I ‐ 6743
Sentenza tal-Qorti tal-Ġustizzja (It-Tieni Awla) tas-16 ta’ Lulju 2009 I ‐ 6770
Sommarju tas-sentenza
Politika soċjali – Approssimazzjoni tal-liġijiet – Protezzjoni tal-ħaddiema fil-każ tal-insolvenza ta’ min iħaddem – Direttiva 80/987
(Direttiva tal-Kunsill 80/987, Artikoli 3 u 4)
Politika soċjali – Approssimazzjoni tal-liġijiet – Protezzjoni tal-ħaddiema fil-każ tal-insolvenza ta’ min iħaddem – Direttiva 80/987
(Direttiva tal-Kunsill 80/987, Artikoli 4 u 5)
Politika soċjali – Approssimazzjoni tal-liġijiet – Protezzjoni tal-ħaddiema fil-każ tal-insolvenza ta’ min iħaddem – Direttiva 80/987
(Direttiva tal-Kunsill 80/987)
L-Artikoli 3 u 4 tad-Direttiva 80/987, dwar it-taqrib tal-liġijiet tal-Istati Membri dwar il-protezzjoni tal-impjegati f’każ tal-insolvenza ta’ min iħaddimhom, ma jipprekludux leġiżlazzjoni nazzjonali li tippermetti li l-krediti mhux imħallsa tal-impjegati jiġu kklassifikati bħala “benefiċċji tas-sigurtà soċjali” meta dawn jitħallsu minn istituzzjoni ta’ garanzija.
(ara l-punt 31 u d-dispożittiv 1)
Id-Direttiva 80/987, dwar it-taqrib tal-liġijiet tal-Istati Membri dwar il-protezzjoni tal-impjegati f’każ tal-insolvenza ta’ min iħaddimhom, ma tipprekludix leġiżlazzjoni nazzjonali li tuża bħala sempliċi terminu ta’ paragun il-kreditu inizjali marbut mal-paga tal-impjegat sabiex jiġi ddeterminat il-benefiċċju li għandu jiġi ggarantit permezz tal-intervent minn fond ta’ garanzija.
(ara l-punt 35 u d-dispożittiv 2)
Fil-kuntest ta’ talba minn impjegat għall-ksib minn fond ta’ garanzija tal-ħlas ta’ krediti ta’ paga mhux imħallsa, id-Direttiva 80/987, dwar it-taqrib tal-liġijiet tal-Istati Membri dwar il-protezzjoni tal-impjegati f’każ tal-insolvenza ta’ min iħaddimhom, ma tipprekludix l-applikazzjoni ta’ terminu ta’ preskrizzjoni ta’ sena (prinċipju ta’ ekwivalenza). Madankollu, huwa l-kompitu tal-qorti nazzjonali li teżamina jekk il-formulazzjoni tiegħu jirrendix prattikament impossibbli jew eċċessivament diffiċli l-eżerċizzju ta’ drittijiet rikonoxxuti mis-sistema legali Komunitarja (prinċipju ta’ effettività).
(ara l-punt 50 u d-dispożittiv 3)