This document is an excerpt from the EUR-Lex website
Document 62007CJ0339
Sommarju tas-sentenza
Sommarju tas-sentenza
Kawża C-339/07
Christopher Seagon, bħala stralċjarju ta’ Frick Teppichboden Supermärkte GmbH
vs
Deko Marty Belgium NV
(talba għal deċiżjoni preliminari mressqa mill-Bundesgerichtshof)
“Kooperazzjoni ġudizzjarja f’materji ċivili — Proċedimenti ta’ falliment — Qorti li għandha ġurisdizzjoni”
Konklużjonijiet tal-Avukat Ġenerali D. Ruiz-Jarabo Colomer, ippreżentati fis-16 ta’ Ottubru 2008 I ‐ 769
Sentenza tal-Qorti tal-Ġustizzja (L-Ewwel Awla) tat-12 ta’ Frar 2009 I ‐ 791
Sommarju tas-sentenza
Kooperazzjoni ġudizzjarja f’materji ċivili – Proċedimenti ta’ falliment – Regolament Nru 1346/2000
(Regolament tal-Kunsill Nru 1346/2000, Artikoli 3(1), 16 u 25, u premessi 2, 4, 6 u 8)
L-Artikolu 3(1) tar-Regolament Nru 1346/2000 dwar il-proċedimenti ta’ falliment, għandu jiġi interpretat fis-sens li l-qrati tal-Istat Membru li fit-territorju tiegħu nfetħu l-proċedimenti ta’ falliment għandhom il-ġurisdizzjoni sabiex jiddeċiedu dwar azzjoni revokatorja bbażata fuq il-falliment u intiża kontra konvenut li jkollu l-uffiċċju rreġistrat tiegħu fi Stat Membru ieħor.
Tali interpretazzjoni tirriżulta kemm mill-effett utli ta’ dan ir-regolament kif ukoll mill-intenzjoni tal-leġiżlatur li jillimita l-imsemmi regolament għal dispożizzjonijiet li jirregolaw il-ġurisdizzjoni għall-ftuħ ta’ proċedimenti ta’ falliment u deċiżjonijiet li jingħataw direttament fuq bażi ta’ proċedimenti ta’ falliment u li huma marbuta mill-qrib ma’ proċedimenti bħal dawn
(ara l-punti 20, 21, 28 u d-dispożittiv)