Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32015R0207

Informazzjoni dwar proġetti tal-politika ta' koeżjoni ffinanzjati mill-UE — regoli u mudelli

Datatal-aħħarreviżjoni:
13/09/2016
Data tal-ħolqien inizjali:
13/09/2016
Dokument(i) mqassar/mqassra:
Awtur:
Uffiċċju tal-Pubblikazzjonijiet tal-Unjoni Ewropea

Informazzjoni dwar proġetti tal-politika ta' koeżjoni ffinanzjati mill-UE — regoli u mudelli

 

SOMMARJU TAD-DOKUMENT:

Regolament ta' Implimentazzjoni (UE) 2015/207 — regoli u mudelli għal rapporti li għandhom jiġu pprovduti mill-programmi u l-proġetti ffinanzjati taħt l-objettivi tal-politika ta' koeżjoni tal-UE

X'INHU L-GĦAN TA' DAN IR-REGOLAMENT?

Dan jistabbilixxi regoli u mudelli ta' rappurtar tal-Unjoni Ewropea (UE) għall-perjodu ta' programmazzjoni 2013-2020 li l-Awtoritajiet ta' Ġestjoni* jeħtieġu jużaw meta jirrappurtaw għand l-Kummissjoni Ewropea dwar l-implimentazzjoni ta' programmi taħt il-Fondi Strutturali u ta' Investiment tal-UE.

PUNTI EWLENIN

  • Il-pajjiżi tal-UE għandhom jissottomettu rapporti dwar il-progress b'mod regolari. Il-format f'Anness I tar-regolament huwa maqsum f'ħames partijiet u jippermetti aggregazzjoni faċli tad-dejta minn programmi differenti biex issir valutazzjoni effettiva tal-progress ġenerali fil-ftehim ta' sħubija* għal kull pajjiż tal-UE.
  • Proġetti ewlenin jirrappreżentaw parti kbira min-nefqa tal-UE u huma sinifikanti fil-kisba tat-tkabbir u l-impjiegi. Il-format standard tar-rappurtar f'Anness II jistabbilixxi l-informazzjoni meħtieġa mill-Kummissjoni biex tapprova proġett ewlieni. L-informazzjoni mitluba tfittex li tistabbilixxi li proġett mhuwiex ser ineħħi impjiegi eżistenti minn postijiet oħra fi ħdan l-UE.
  • Analiżi tal-kost-benefiċċju, inkluż analiżi ekonomika, analiżi finanzjarja u valutazzjoni tar-riskju huma essenzjali għall-approvazzjoni ta' proġett ewlieni. Bl-użu tal-approċċ stabbilit fl-Anness III, l-analiżi tal-kost-benefiċċju ta' proġetti ewlenin għandha turi li l-proġett huwa mixtieq mil-lat ekonomiku.
  • Pjanijiet ta' azzjoni konġunti jistgħu jiġu sottomessi minn awtoritajiet amministrattivi bl-użu tal-mudell stabbilit fl-Anness IV li jirrappreżentaw minimu ta' EUR 10 miljuni jew 20 % tal-appoġġ pubbliku tal-programm jew il-programmi. Dawn huma pakkett ta' proġetti li ma jinkludux infrastruttura li tikkontribwixxi għal programm jew programmi b'mod aktar effiċjenti għal benefiċjarji tal-għotjiet.
  • Il-programmi huma meħtieġa li jissottomettu rapporti ta' implimentazzjoni annwali mill-31 ta' Mejju 2016 sal-2023. Il-mudell f'Anness V jistabbilixxi l-informazzjoni meħtieġa mill-Kummissjoni biex tevalwa l-progress lejn l-għan tat-tkabbir u l-impjiegi. Il-mudell f'Anness X jistabbilixxi l-informazzjoni meħtieġa mill-Kummissjoni biex tevalwa l-progress ta' programmi ta' kooperazzjoni territorjali*.
  • Dikjarazzjonijiet amministrattivi huma meħtieġa mill-awtoritajiet ta' ġestjoni għal kull programm taħt ir-responsabbiltà tagħhom bl-użu tal-format stabbilit fl-Anness VI. Dawn jirreferu għall-użu korrett u maħsub tal-fondi u tal-awditjar tagħhom.
  • Mudelli għall-awtoritajiet tal-awditjar li jirrappreżentaw strateġiji tal-awditjar (Anness VII), opinjonijiet tal-awditjar (Anness VIII) u rapporti annwali ta' kontroll (Anness IX) huma preskritti b'mod ċar.

META JAPPLIKA R-REGOLAMENT?

Ilu japplika mill-14 ta’ Frar 2015.

SFOND

Il-finanzjament tal-politika ta' koeżjoni huwa l-fergħa ewlenija tal-investiment tal-UE u jappoġġja l-objettiv strateġiku tal-UE tal-investiment fl-impjiegi, b'allinjament mill-qrib mal-miri tal-Ewropa 2020

Għal aktar tagħrif, ara:

* TERMINI EWLENIN

Awtorità ta’ ġestjoni: il-korp uffiċjali li huwa responsabbli għat-tmexxija tal-programm, għall-għażla tal-proġetti, għall-monitoraġġ tal-implimentazzjoni tal-baġit u għall-għoti tal-informazzjoni lill-Kummissjoni, lis-sħab u lill-pubbliku.

Ftehim ta' sħubija: Il-pajjiżi tal-UE jeħtieġu jfasslu u jimplimentaw pjanijiet strateġiċi bi prijoritajiet ta' investiment li jkopru l-Fondi Strutturali u ta' Investiment kollha. Ftehimiet ta' sħubija huma nnegozjati fil-bidu tal-perjodu ta' 7 snin bejn il-Kummissjoni Ewropea u l-awtoritajiet nazzjonali, wara konsultazzjoni tal-gruppi ta' interess, is-soċjetà ċivili u r-rappreżentanti lokali u reġjonali.

Kooperazzjoni territorjali Ewropea: Il-programmi tal-kooperazzjoni territorjali Ewropea jfittxu li jinkoraġġixxu reġjuni u bliet minn pajjiżi differenti tal-UE biex jaħdmu flimkien, jaqsmu l-għarfien u jitgħallmu minn xulxin biex itejbu l-integrazzjoni u l-kwalità tal-ħajja minn naħa għal oħra tal-fruntiera permezz ta' programmi, proġetti u netwerks konġunti.

DOKUMENT EWLIENI

Regolament ta' Implimentazzjoni tal-Kummissjoni (UE) 2015/207 tal-20 ta' Jannar 2015 li jistabbilixxi regoli dettaljati li jimplimentaw ir-Regolament (UE) Nru 1303/2013 tal-Parlament Ewropew u tal-Kunsill fir-rigward tal-mudelli għar-rapport ta' progress, il-preżentazzjoni tal-informazzjoni dwar proġett maġġuri, il-pjan ta' azzjoni konġunta, ir-rapporti ta' implimentazzjoni għall-Investiment għall-għan tat-tkabbir u l-impjiegi, id-dikjarazzjoni ta' ġestjoni, l-istrateġija tal-awditjar, l-opinjoni tal-awditu u r-rapport ta' kontroll u l-metodoloġija għat-twettiq tal-analiżi tal-ispejjeż imqabbla mal-benefiċċji u skont ir-Regolament (UE) Nru 1299/2013 tal-Parlament Ewropew u tal-Kunsill fir-rigward tal-mudell għar-rapporti tal-implimentazzjoni għall-għan ta' kooperazzjoni territorjali Ewropea (ĠU L 38, 13.2.2015, pp. 1-122)

DOKUMENTI RELATATI

Ir-Regolament (UE) Nru 1303/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (ĠU L 347, 20.12.2013, pp. 320-469)

L-emendi suċċessivi għar-Regolament (KE) Nru 1303/2013 ġew inkorporati fit-test oriġinali. Din il-verżjoni kkonsolidata għandha valur dokumentarju biss.

Regolament (UE) Nru 1299/2013 tal-Parlament Ewropew u tal-Kunsill tas-17 ta' Diċembru 2013 dwar dispożizzjonijiet speċifiċi għall-appoġġ mill-Fond Ewropew għall-Iżvilupp Reġjonali għall-għan ta’ kooperazzjoni territorjali Ewropea (ĠU L 347, 20.12.2013, pp. 259-280)

l-aħħar aġġornament 13.09.2016

Fuq