It-teknoloġija u riżorsi edukattivi miftuħa biex niffurmaw mill-ġdid l-edukazzjoni tal-UE

 

SOMMARJU TA’:

Komunikazzjoni (COM(2013) 654 final) intitolata Niftħu l-Edukazzjoni: tagħlim innovattiv għal kulħadd permezz ta’ teknoloġiji ġodda u riżorsi edukattivi miftuħa

X’INHU L-GĦAN TAL-KOMUNIKAZZJONI?

• Din il-komunikazzjoni għandha l-għan li tistimola modi ta’ taħriġ u tagħlim ta’ kwalità għolja u innovattivi bl-użu ta’ teknoloġiji ġodda u kontenut diġitali.
• Tippreżenta strateġiji għal ambjenti ta’ tagħlim miftuħ* biex tiġi pprovduta edukazzjoni ta’ kwalità għolja. Din tikkontribwixxi għall-miri tal-Ewropa 2020 fir-rigward tat-tisħiħ tal-kompetittività u t-tkabbir tal-UE permezz ta’ forza ta’ xogħol imħarrġa u żieda fl-impjiegi.

PUNTI EWLENIN

• Għalkemm il-pajjiżi tal-UE huma responsabbli għall-kwistjonijiet edukattivi, l-UE tappoġġja l-ħidma tagħhom billi:
  • tippromwovi u taqsam l-aħjar prattika;
  • tappoġġja l-qsim tal-informazzjoni;
  • u tipprovdi benefiċċji permezz ta’ ekonomiji ta’ skala u tiskambja u tuża l-informazzjoni bejn il-fruntieri;
  • tappoġġja l-użu u d-disponibbiltà tat-teknoloġija u l-kontenut diġitali permezz ta’ appoġġ finanzjarju, sħubijiet pubbliċi-privati u rakkomandazzjonijiet.
• l-edukazzjoni tal-UE mhijiex tlaħħaq mal-pass tas-soċjetà u l-ekonomija diġitali u t-teknoloġija tipprovdi l-opportunità biex jiżdiedu l-effiċjenza u l-ekwità fl-edukazzjoni.
• L-Erasmus+, l-Orizzont 2020 u programmi oħra ta’ finanzjament tal-UE jipprovdu inċentivi u kundizzjonijiet li jħeġġu sħubijiet u proġetti, b’mod partikolari sabiex jiġu indirizzati l-kwistjonijiet li ġejjin.
  • Ambjenti ta’ tagħlim miftuħ — opportunitajiet ta’ innovazzjoni:
    • l-istituzzjonijiet tal-edukazzjoni u t-taħriġ jeħtieġ li jirrevedu l-istrateġiji organizzattivi tagħhom biex jistimulaw prattiki innovattivi ta’ tagħlim;
    • l-għalliema għandhom ikunu kapaċi jiksbu kompetenzi pedagoġiċi diġitali għoljin, pereżempju permezz ta’ komunitajiet tal-prattika b’saħħithom u għandhom jiġu ppremjati għal metodi ġodda ta’ tagħlim;
    • l-istudenti jistennew li jiksbu ħiliet u kompetenzi diġitali u l-ħiliet tagħhom ikunu ċċertifikati u rikonoxxuti faċilment għal iktar taħriġ jew xogħol.
  • Riżorsi edukattivi miftuħin* — opportunitajiet biex l-għarfien miftuħ jintuża għal titjib fil-kwalità u l-aċċess:
    • riżorsi edukattivi miftuħin ta’ kwalità għolja għandhom isiru aktar viżibbli u disponibbli għaċ-ċittadini kollha;
    • il-kwistjonijiet tad-drittijiet tal-awtur għandhom ikunu aktar trasparenti bejn il-fruntieri.
  • Konnettività u innovazzjoni — sħubijiet għal infrastrutturi, prodotti u servizzi ġodda, u l-iskambju u l-użu tal-informazzjoni:
    • ċerti pajjiżi tal-UE għad għandhom bżonn ta’ infrastruttura tal-konnessjoni tal-internet aħjar. Standards miftuħin tal-kompatibbiltà jistgħu jressqu l-ekonomiji ta’ skala fl-apps u l-kontenut diġitali sabiex is-suq tal-edukazzjoni diġitali tal-UE jkun jista’ jikber.
  • Sforz kollettiv biex jinħatfu l-opportunitajiet tar-rivoluzzjoni diġitali:
    • jinħtieġ approċċ integrat sabiex jinħatfu aħjar l-opportunitajiet li ġejjin, jiġifieri l-iżgurar tal-aċċess għall-kontenut diġitali, għall-informazzjoni u għall-infrastruttura tat-teknoloġija tal-komunikazzjonijiet, il-livell it-tajjeb ta’ ħiliet diġitali u għall-istrateġiji organizzativi tajbin jista’ jiġġenera offerta edukattiva li kapaċi żżomm l-innovazzjoni.

Il-komunikazzjoni tipproponi azzjonijiet fil-livell tal-UE u fil-livell nazzjonali, inkluż:

• l-għajnuna lill-istituzzjonijiet tat-tagħlim, lill-għalliema u lill-istudenti biex jiksbu ħiliet u metodi ta’ tagħlim diġitali;
• l-appoġġ lill-iżvilupp u d-disponibibiltà ta’ riżorsi edukattivi miftuħin, b’mod partikolari permezz ta’ rekwiżit ta’ aċċess miftuħ għall-Erasmus+;
• il-konnessjoni tal-klassijiet bl-użu ta’ tagħmir u kontenut diġitali;
• il-mobilizzazzjoni tal-għalliema, l-istudenti, il-familji, l-isħab ekonomiċi u soċjali biex jibdlu r-rwol tat-teknoloġiji diġitali fl-istituzzjonijiet edukattivi.

SFOND

• Il-komunikazzjoni tikkontribwixxi għall-miri tal-UE fir-rigward tat-tnaqqis tat-tluq bikri mill-iskola u ż-żieda fil-kisbiet:
  • “L-Edukazzjoni u t-Taħriġ f’Ewropa intelliġenti, sostenibbli u inklussiva” (Rapport konġunt tal-Kunsill u l-Kummissjoni).
• Din tibni fuq l-inizjattivi deskritti fil-komunikazzjonijiet li ġejjin tal-Kummissjoni Ewropea:
  • “Reviżjoni tal-Edukazzjoni”;
  • “L-edukazzjoni ogħla Ewropea fid-dinja”;
  • “Aġenda Diġitali għall-Ewropa”.

TERMINI EWLENIN

DOKUMENT EWLIENI

Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Niftħu l-Edukazzjoni: Tagħlim innovattiv għal kulħadd permezz ta’ Teknoloġiji ġodda u Riżorsi Edukattivi Miftuħa (COM(2013) 654 final, 25.9.2013)

DOKUMENTI RELATATI

Dokument ta’ Ħidma tal-Persunal tal-Kummissjoni — Analiżi u mmappjar tat-tagħlim innovattiv għal kulħadd permezz ta’ teknoloġiji ġodda u riżorsi edukattivi miftuħin fl-Ewropa — Li jakkumpanja d-dokument ta’ komunikazzjoni “Il-Ftuħ tal-Edukazzjoni” (SWD(2013) 341 final, 25.9.2013) [verżjoni mhux uffiċjali]

l-aħħar aġġornament 24.08.2017