L-akkreditament tal-korpi ta’ valutazzjoni tal-konformità fl-Unjoni Ewropea

 

SOMMARJU TA’:

Ir-Regolament (KE) Nru 765/2008 dwar ir-rekwiżiti għall-akkreditament relatati mal-kummerċjalizzazzjoni ta’ prodotti

X’INHU L-GĦAN TAR-REGOLAMENT?

• Huwa jistabbilixxi regoli komuni għall-akkreditament tal-korpi ta’ valutazzjoni tal-konformità fl-Unjoni Ewropea (UE).
• Huwa jistabbilixxi wkoll il-prinċipji ġenerali għall-marka CE*.

PUNTI EWLENIN

Il-Korpi nazzjonali ta’ akkreditament

• L-Istati Membri tal-UE għandhom:
  • jaħtru organizzazzjoni ta’ akkreditament nazzjonali unika;
  • jiżguraw li l-organizzazzjoni għandha finanzi u persunal suffiċjenti biex twettaq id-dmirijiet tagħha;
  • jimmonitorjaw l-organizzazzjoni biex jiżguraw li tissodisfa r-rekwiżiti stabbiliti;
  • jikkommunikaw id-dettalji rilevanti lill-Kummissjoni Ewropea li tagħmel lista għad-dispożizzjoni tal-pubbliku tad-diversi organizzazzjonijiet nazzjonali.
• Il-korpi nazzjonali ta’ akkreditament iridu:
  • jiddeterminaw jekk organizzazzjonijiet individwali ta’ valutazzjoni tal-konformità* huma kompetenti biex jagħmlu xogħolhom u jimmonitorjaw il-prestazzjoni tagħhom;
  • jillimitaw, jissospendu jew jirtiraw ċertifikati ta’ akkreditament għall-valutazzjoni tal-organizzazzjonijiet li ma jibqgħux kapaċi jwettqu d-dmirijiet tagħhom;
  • ikunu oġġettivi u imparzjali u jkollhom stabbiliti ġestjoni effiċjenti u kontrolli interni adegwati;
  • jaqblu mal-valutazzjoni bejn il-pari;
  • jinformaw korpi nazzjonali ta’ akkreditament oħrajn dwar l-attivitajiet ta’ valutazzjoni ta’ konformità;
  • jagħmlu informazzjoni dwar ix-xogħol tagħhom disponibbli għall-pubbliku.
• L-assoċjazzjoni tal-kooperazzjoni Ewropea għall-Akkreditazzjoni tiġġestixxi l-evalwazzjoni bejn il-pari biex tiżgura l-kwalità tas-servizzi li jipprovdu l-korpi nazzjonali ta’ akkreditament.
• Il-marka CE tista’ titwaħħal ukoll ma’ prodott minn manifattur jew minn xi ħadd b’mandat li jopera f’isimhom, diment li dan jissodisfa l-istandards kollha ta’ konformità.
• Ir-Regolament Emendatorju (UE) 2019/1020 jneħħi l-artikoli fir-Regolament (KE) Nru 765/2008 li qabel kien jittratta l-aspetti tas-sorveljanza tas-suq (ara s-sommarju).

MINN META BEDA JAPPLIKA R-REGOLAMENT?

Dan ilu japplika mill-1 ta’ Jannar 2010.

SFOND

• L-akkreditament hija parti minn sistema ġenerali li tinkludi l-valutazzjoni ta’ konformità u s-sorveljanza tas-suq.
• Għal aktar informazzjoni, ara:
  • Akkreditament tal-korpi tal-valutazzjoni tal-konformità (il-Kummissjoni Ewropea).

TERMINI EWLENIN

DOKUMENT PRINĊIPALI

Ir-Regolament (UE) Nru 765/2008 tal-Parlament Ewropew u tal-Kunsill tad-9 ta’ Lulju 2008 li jistabbilixxi r-rekwiżiti għall-akkreditament u għas-sorveljanza tas-suq relatati mal-kummerċjalizzazzjoni ta’ prodotti, u li jħassar ir-Regolament tal-Kunsill (KEE) Nru 339/93 (ĠU L 218, 13.8.2008, pp. 30–47).

L-emendi suċċessivi għar-Regolament (KE) Nru 765/2008 ġew inkorporati fit-test oriġinali. Din il-verżjoni konsolidata għandha valur dokumentarju biss.

DOKUMENTI RELATATI

Ir-Regolament (UE) 2019/515 tal-Parlament Ewropew u tal-Kunsill tad-19 ta’ Marzu 2019 dwar ir-rikonoxximent reċiproku ta’ merkanzija kummerċjalizzata legalment fi Stat Membru ieħor u li jħassar ir-Regolament tal-Kunsill (KE) Nru 764/2008 (ĠU L 91, 29.3.2019, pp. 1–18).

Id-Deċiżjoni Nru 768/2008/KE tal-Parlament Ewropew u tal-Kunsill tad-9 ta’ Lulju 2008 dwar qafas komuni għall-kummerċjalizzazzjoni ta’ prodotti u li tħassar id-Deċiżjoni tal-Kunsill 93/465/KEE (ĠU L 218, 13.8.2008, p. 82–128).

Id-Direttiva 2001/95/KE tal-Parlament Ewropew u tal-Kunsill tat-3 ta’ Diċembru 2001 dwar is-sigurtà ġenerali tal-prodotti (ĠU L 11, 15.1.2002, pp. 4–17).

Ara l-verżjoni konsolidata.

l-aħħar aġġornament 29.09.2023