This document is an excerpt from the EUR-Lex website
Document 32000L0029
Protezzjoni kontra organiżmi ta' ħsara għall-pjanti
Din it-taqsira ġiet arkivjata u mhux se tkun aġġornata Ara
'Protezzjoni kontra l-pesti tal-pjanti'
għall-informazzjoni aġġornata dwar is-suġġett.
- Datatal-aħħarreviżjoni:
- 30/11/2015
- Data tal-ħolqien inizjali:
- 12/07/2010
- Kodiċitat-taqsira:
-
- 30.99.00.00 Taqsiriet arkivjati
- EUROVOC descriptor:
- Kodiċi tad-direttorju:
- Dokument(i) mqassar/mqassra:
- Awtur:
- Uffiċċju tal-Pubblikazzjonijiet tal-Unjoni Ewropea
Protezzjoni kontra organiżmi ta' ħsara għall-pjanti
SOMMARJU TAD-DOKUMENT:
Id-Direttiva tal-Kunsill 2000/29/KE dwar miżuri li jipproteġu s-saħħa tal-pjanti tal-UE
SOMMARJU
X'TAGĦMEL ID-DIRETTIVA?
Għandha l-għan li tipproteġi l-pjanti minn organiżmi dannużi* (pesti u mard) kemm billi tipprevjeni l-importazzjoni tagħhom fl-UE kif ukoll billi tillimita l-firxa tagħhom jekk jidħlu.
PUNTI EWLENIN
— |
Kull pajjiż tal-UE jrid jistabbilixxi awtorità responsabbli għas-saħħa tal-pjanti u jipprojbixxi l-importazzjoni tal-organiżmi u l-pjanti li huma kkunsidrati dannużi.
|
— |
Il-leġiżlazzjoni tkopri pjanti ħajjin u żrieragħ, b'mod partikolari frott, ħaxix, basal, fjuri maqtugħin, fergħat, siġar maqtugħin u tessut tal-pjanti.
|
— |
Il-produtturi tal-pjanti jridu jkunu elenkati f'reġistru uffiċjali.
|
— |
Ċerti pjanti u prodotti tal-pjanti mkabbra fl-UE għandhom jgħaddu minn spezzjoni tas-saħħa fil-bini mill-inqas darba fis-sena.
|
— |
Il-pjanti li jissodisfaw l-ispezzjoni jingħataw ċertifikat fitosanitarju. Ikollhom sinjal miftiehem (passaport tal-pjanti) Dan huwa essenzjali għall-pjanti li jiġu ttrasportati lejn pajjiż tal-UE ieħor.
|
— |
Il-pjanti li ma jissodisfawx il-kundizzjonijiet taċ-ċertifikat jiġu tratti, jitmexxew f'żona fejn ma joħolqux riskju, jintbagħtu għall-ipproċessar industrijali jew jinqerdu.
|
— |
L-awtoritajiet nazzjonali jridu jwettqu kontrolli każwali fuq il-pjanti fejn jitkabbru, jinħażnu, jinbiegħu jew jiġu trasportati.
|
— |
L-awtoritajiet nazzjonali jridu jiċċekkjaw ċerti pjanti li jiġu minn pajjiżi mhux tal-UE. L-ispezzjonijiet ikopru l-imballaġġ tagħhom u l-vetturi li jittrasportaw il-pjanti.
|
— |
Il-pjanti impurtati jrid ikollhom passaport tal-pjanti, maħruġ mhux iktar minn 14-il ġurnata qabel l-esportazzjoni tagħhom. Huma wkoll soġġetta għal kontrolli tal-identità u tas-saħħa tal-pjanti.
|
— |
Meta l-pjanti impurtati ma jilħqux l-istandards meħtieġa, jistgħu jiġu trattati, jitqiegħdu fi kwarantina, jinqerdu jew jitneħħielhom il-prodott infettat.
|
— |
Il-pajjiżi tal-UE jridu jinnotifikaw lil xulxin u lill-Kummissjoni Ewropea meta jiġu skoperti organiżmi dannużi u jieħdu l-miżuri meħtieġa kollha biex jeqirduhom.
|
F'Mejju 2013, il-Kummissjoni proponiet regolament tal-UE ġdid dwar is-saħħa tal-pjanti.
META TAPPLIKA D-DIRETTIVA?
Daħlet fis-seħħ fit-30 ta' Lulju 2000. Il-pajjiżi tal-UE kellhom jinkorporawha fil-liġi nazzjonali tagħhom sal-20 ta' Jannar 2002.
SFOND
Is-saħħa tal-pjanti u l-bijosigurtà
TERMINI EWLENIN
* Organiżmu dannuż: pesti ta’ pjanti jew annimali, bħal insetti, dud, batterji, fungi, vajrusijiet u parassiti.
ATT
Id-Direttiva tal-Kunsill 2000/29/KE tat-8 ta' Mejju 2000 dwar il-miżuri protettivi kontra l-introduzzjoni ġewwa l-Komunità ta' organiżmi ta' ħsara għall-prodotti tal-pjanti u kontra t-tixrid tagħhom ġewwa l-Komunità (ĠU L 169, 10.7.2000, pp. 1–112)
L-emendi u l-korrezzjonijiet suċċessivi għad-Direttiva 2000/29/KE ġew inkorporati fit-test bażiku. Din il-verżjoni konsolidata hija biss bħala referenza.
l-aħħar aġġornament 29.11.2015