This document is an excerpt from the EUR-Lex website
Document 31999D0510
Kooperazzjoni xjentifika u teknoloġika bejn l-UE u l-Awstralja
Ftehim relatat mal-kooperazzjoni xjentifika u teknika bejn il-Komunità Ewropea u l-Awstralja
Il-ftehim jistabbilixxi qafas formali għal kooperazzjoni f’oqsma ta’ interess komuni meta l-partijiet ikunu jappoġġaw attivitajiet ta’ riċerka u żvilupp biex imexxu ’l quddiem ix-xjenza u/jew it-teknoloġija rilevanti għal dawk l-oqsma ta’ interess. Il-ftehim ġie emendat darba fl-1999 u b’mod partikolari l-Artikolu 4(2) tiegħu, jiġifieri l-kamp ta’ applikazzjoni.
Bid-deċiżjonijiet tiegħu, il-Kunsill approva l-konklużjoni tal-ftehim, u l-emenda sussegwenti tiegħu, f’isem il-Komunità Ewropea (issa l-Unjoni Ewropea — UE).
L-attivitajiet li saru taħt il-ftehim huma bbażati fuq sett ta’ prinċipji:
Kamp ta’ applikazzjoni
L-oqsma ta’ kooperazzjoni huma ddefiniti kif ġej:
Attivitajiet
Il-kooperazzjoni tista’ tinkludi l-attivitajiet li ġejjin:
Il-ftehim daħal fis-seħħ fil-25 ta’ Lulju 1994 u l-ftehim li jemendah daħal fis-seħħ fid-9 ta’ Diċembru 1999. It-tul tiegħu huwa indefinit u jista’ jintemm fi kwalunkwe ħin minn kwalunkwe parti fi żmien tnax-il xahar ta’ avviż bil-miktub.
Il-ftehim Xjentifiku u Teknoloġiku (S&T) tal-1994 kien l-ewwel ftehim ta’ kooperazzjoni fix-xjenza u t-teknoloġija konkluż mill-Komunità Ewropea ma’ pajjiż industrijalizzat barra l-Ewropa. Dan jifforma parti minn relazzjonijiet bilaterali usa’ bejn l-UE u l-Awstralja li bħalissa huma bbażati fuq il-Qafas ta’ Sħubija bejn l-UE u l-Awstralja tal-2008. Fl-2017, ġie ffirmat Ftehim Qafas ġdid, aktar komprensiv, u ilu japplika b’mod provviżorju għal ċerti setturi mill-4 ta’ Ottubru 2018.
Għal aktar informazzjoni, ara:
Għal aktar informazzjoni dwar il-kooperazzjoni fir-Riċerka u l-Innovazzjoni (R&I) mal-Awstralja, ara:
Ftehim relatat mal-koperazzjoni xjentifika u teknika bejn il-Komunità Ewropea u l-Awstralja (ĠU L 188, 22.7.1994, pp. 18-25)
Emendi suċċessivi għall-ftehim ġew inkorporati fit-test oriġinali. Din il-verżjoni konsolidata hija ta’ valur dokumentarju biss.
Id-Deċiżjoni tal-Kunsill 99/510/KE tad-29 ta’ April 1999 li tirrigwardja l-konklużjoni tal-Ftehim li jemenda l-Ftehim li għandu x’jaqsam ma’ koperazzjoni xjentifika u teknika bejn il-Komunità Ewropea u l-Awstralja (ĠU L 195, 28.7.1999, p. 31)
Id-Deċiżjoni tal-Kunsill 94/457/KE tas-27 ta’ Ġunju 1994 dwar il-konklużjoni ta’ Ftehim li għandu x’jaqsam mal-kooperazzjoni xjentifika u teknika bejn il-Komunitajiet Ewropej u l-Awstralja (ĠU L 188, 22.7.1994, p. 17)
Il-Ftehim ta’ Sħubija bejn l-Unjoni Ewropea u l-Istati Membri tagħha, minn naħa waħda, u l-Awstralja, min-naħa l-oħra (ĠU L 237, 15.9.2017, pp. 7-35)
l-aħħar aġġornament 26.03.2020