Ftehim bejn l-UE-New Zealand dwar l-iskambju ta’ data personali

 

SOMMARJU TA’:

Ftehim bejn l-Unjoni Ewropea u New Zealand dwar l-iskambju ta’ data personali bejn l-aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet ta’ New Zealand kompetenti fil-ġlieda kontra kriminalità serja u terroriżmu

Deċiżjoni (UE) 2022/1090 dwar l-iffirmar tal-Ftehim bejn l-Unjoni Ewropea u New Zealand dwar l-iskambju ta’ data personali bejn Europol u l-awtoritajiet ta’ New Zealand

Deċiżjoni (UE) 2023/368 — ratifika tal-Ftehim bejn l-Unjoni Ewropea u New Zealand dwar l-iskambju ta’ data personali bejn Europol u l-awtoritajiet ta’ New Zealand

X’INHU L-GĦAN TAL-FTEHIM U TAD-DEĊIŻJONIJIET?

Il-ftehim jistabbilixxi regoli li bihom id-data personali tista’ tkun ittrasferita bejn l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet ta’ infurzar tal-liġi ta’ New Zealand (pulizija, servizz tad-dwana u s-servizz tal-immigrazzjoni) li għandhom l-għan li:

• jappoġġjaw u jsaħħu l-kooperazzjoni dwar il-prevezjoni u l-ġlieda kontra kriminalità serja u terroriżmu minn awtoritajiet kompetenti taż-żewġ partijiet;
• jissalvagwardjaw id-drittijiet tal-bniedem u libertajiet individwali, inkluż id-dritt għal privatezza u l-protezzjoni tad-data.

Id-deċiżjonijiet jimmarkaw l-iffirmar u l-konklużjoni tal-ftehim mill-Unjoni Ewropea (UE) ma’ New Zealand.

PUNTI EWLENIN

data personali taħt dan il-tehim trid tintuża biss biex timpedixxi, tinvestiga, issib jew tipproċedi kontra kriminalità jew biex twettaq penali. L-awtoritajiet jridu jindikaw l-iskopijiet li għalihom d-data qed tkun ittrasferita. Id-data trid tkun:

• adegwata, rilevanti u pproċessata b’mod ġust u legalment;
• korretta, aġġornata u rrattifikata jew mħassra mingħajr dewmien;
• miżmuma f’forma li tippermetti l-identifikazzjoni ta’ individwi għal mhux aktar milli huwa meħtieġ għall-iskop iddikjarat;
• ipproċessata b’mod li jiżgura s-sigurtà xierqa tad-data personali.

It-termini tal-ftehim jinkludu:

• kategoriji speċjali ta’ data personali u ta’ kategoriji differenti tas-suġġett ta’ data, bħal vittmi ta’ reat, xhieda jew persuni taħt it-18.
• salvagwardji speċifiċi għal proċessar awtomatizzat ta’ data personali;
• gwida dwar it-trasferiment ulterjuri ta’ data personali;
• il-bżonn li taċċessja l-affidabbiltà tas-sors u l-korrettezza tal-informazzjoni;
• id-dritt għal aċċess, li jiżgura li s-suġġett ta’ data jkollu d-dritt għall-informazzjoni dwar jekk id-data personali tkunx ipproċessata taħt il-ftehim;
• id-dritt li tikkoreġi, tħassar u żżomm data, li jiżgura li individwi jkollhom id-dritt li jitolbu l-awtoritajiet kompetenti li jikkoreġu data personali mhux korretta ttrasferita taħt dan il-ftehim;
• li tinnotifika ksur tad-data:
  • li tiżgura li l-awtoritajiet rispettivi jgħarrfu lil xulxin kif ukoll s-setgħa ta’ sorveljanza u jnaqqsu kull effett avvers.
  • jikkomunikaw lis-suġġett ta’ data mingħajr dewmien fejn ksur ta’ data personali x’aktarx ikollha effett avvers serju fuq id-drittijiet fundamentali u libertajiet tagħhom;
• gwida dwar il-ħażna, rieżami, korrezzjoni u tħassir tad-data personali;
• iż-żamma ta’ rekords tal-ġbir, alterazzjoni, aċċess, żvelar, trasferiment ulterjuri, kombinazzjoni u tħassir ta’ data personali;
• implimentazzjoni ta’ miżuri tekniċi u organizzattivi biex jipproteġu d-data personali;
• setgħat ta’ sorveljanza indipendenti li jiżguraw il-protezzjoni tad-data u jipproteġu d-drittijiet fundamentali u libertajiet;
• rimedju amministrattiv u ġudizzjarju għal-ksur tad-drittijiet u salvagwardji fil-ftehim;
• riżoluzzjoni ta’ tilwimiet li jinvolvu konsultazzjonijiet u negozzjar bejn rappreżentanti tal--UE u New Zealand biex jilħqu soluzzjoni li tkun tajba għat-tnejn;
• Punti ta’ kuntatt u uffiċċjali ta’ kollegament nazzjonali.

Il-korpi tal-UE involuti huma:

• Il-missjonijiet/operazzjonijiet tal-politika ta’ sigurtà u ta’ difiża komuni (PSDK) li jirrigwardaw l-infurzar tal-liġi biss;
• l-Uffiċċju Ewropew ta’ Kontra l-Frodi (OLAF);
• l-Aġenzija Ewropea tal-Gwardja tal-Fruntiera u tal-Kosta (Frontex);
• il-Bank Ċentrali Ewropew (BĊE);
• l-Uffiċċju tal-Prosekutur Pubbliku Ewropew (UPPE);
• l-Aġenzija tal-Unjoni Ewropea għall-Kooperazzjoni fil-Ġustizzja Kriminali (Eurojust); u
• l-uffiċċju tal-Proprjetà Intellettwali tal-Unjoni Ewropea (EUIPO).

DATA TAD-DĦUL FIS-SEĦĦ

Il-ftehim jidħol fis-seħħ fid-data tal-irċevuta tal-aħħar notifika li biha l-partijiet kuntrattwanti jkunu infurmaw lil xulxin permezz ta’ kanali diplomatiċi li l-proċeduri ta’ approvazzjoni rispettivi kienu lesti.

Il-ftehim ser japplika mill-ewwel ġurnata wara d-data meta l-kundizzjonijiet ikunu sodisfati.

• 1.

  l-arranġament amministrattiv maħsub tiegħu jsir applikabbli, u

• 2.

  il-partijiet kuntrattwanti jinnotifikaw lil xulxin li l-obbligi maħsuba tagħhom jkun ġew implimentati u n-notifiki tagħhom aċċettati.

SFOND

Għal aktar informazzjoni, ara:

• Protezzjoni tad-data fl-UE (il-Kummissjoni Ewropea).

DOKUMENTI PRINĊIPALI

Ftehim bejn l-Unjoni Ewropea, fuq in-naħa waħda, dwar l-iskambju ta’ data personali u New Zealand, min-naħa l-oħra, dwar l-iskambju ta’ data personali bejn l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet ta’ New Zealand kompetenti biex jiġġieldu kriminalità serja u terroriżmu (ĠU L 51, 20.2.2023, pp. 4–22).

Id-Deċiżjoni tal-Kunsill (UE) 2022/1090 tas-27 Ġunju 2022 dwar l-iffirmar, f’isem l-Unjoni, fuq naħa waħda, u New Zealand, fuq in-naħa l-oħra, dwar l-iskambju ta’ data personali bejn l-Aġenzija tal-Unjoni Ewropea għall-Kooperazzjoni fl-infurzar tal-Liġi (Europol) u l-awtoritajiet ta’ New Zealand kompetenti biex jiġġieldu kriminalità serja u terroriżmu (ĠU L 176, 1.7.2022, pp. 3–4).

Id-Deċiżjoni tal-Kunsill (UE) 2023/368 tal-14 ta’ Frar 2023 dwar il-konklużjoni tal-Ftehim bejn l-Unjoni Ewropea, fuq in-naħa waħda, u New Zealand, fuq in-naħa l-oħra, dwar l-iskambju ta’ data personali bejn l-Aġenzija tal-Unjoni Ewropea għall-Kooperazzjoni fl-infurzar tal-Liġi (Europol) u l-awtoritajiet ta’ New Zealand kompetenti biex jiġġieldu kriminalità serja u terroriżmu (ĠU L 51, 20.2.2023, pp. 1–3).

DOKUMENTI RELATATI

Il-Komunikazzjoni mill-Kummissjoni lill-Parlament Ewropew u lill-Kunsill — Skambju u Protezzjoni ta’ data Personali f’Dinja Globalizzata (COM(2017) 7 final, 10.1.2017).

l-aħħar aġġornament 03.04.2023