Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Regolament finanzjarju qafas għall-aġenziji regulatorji diċentralizzati

    Date of last review:
    03/11/2021
    Author:
    Uffiċċju tal-Pubblikazzjonijiet tal-Unjoni Ewropea
    Responsible entity(ies):
    Id-Direttorat Ġenerali għall-Baġit
    Summarised document(s):

    Regolament finanzjarju qafas għall-aġenziji regulatorji diċentralizzati

     

    SOMMARJU TA’:

    Regolament Delegat (UE) 2019/715 dwar ir-regolament finanzjarju qafas għall-korpi mwaqqfin skont it-TFUE u t-Trattat Euratom u msemmija fl-Artikolu 70 tar-Regolament (UE, Euratom) 2018/1046

    X’INHU L-GĦAN TAR-REGOLAMENT?

    • Huwa jistipula r-regoli finanzjarji essenzjali għall-korpi tal-Unjoni Ewropea (UE) riferuti fl-Artikolu 70 tar-Regolament (UE, Euratom) 2018/1046 — ara sommarju. Dawn il-korpi huma l-biċċa l-kbira aġenziji diċentralizzati* (Riferuti wkoll bħala aġenziji regulatorji) mwaqqfa skont it-trattati tal-UE, u għandhom personalità legali u jirċievu fondi tal-UE. Sabiex jaqgħu taħt dan ir-regolament delegat tal-Kummissjoni Ewropea, ir-regolament tal-Parlament Ewropew u tal-Kunsill tal-Unjoni Ewropea li waqqfu l-korp tal-UE inkwistjoni jeħtieġ li jirreferu għall-Artikolu 70 tar-regolament finanzjarju.
    • Kull tali korp tal-UE jeħtieġ li jadotta r-regoli finanzjarji proprji skont ir-regolament delegat tal-Kummissjoni (UE) 2019/715. Jista’ biss jitlaq mir-regoli tar-regolament delegat minħabba l-bżonnijiet speċifiċi tiegħu u jekk ikun irċieva l-kunsens minn qabel mill-Kummissjoni.

    PUNTI EWLENIN

    Kull korp tal-UE li jaqa’ taħt ir-regolament delegat tal-Kummissjoni jeħtieġ li jirrispetta l-prinċipji baġetarji li ġejjin.

    • Preċiżjoni unitarja u baġitarja:
      • kull sena finanzjarja, il-baġit tal-korp jeħtieġ li jbassar u jawtorizza d-dħul u l-infiq neċessarju kollu għax-xogħol tiegħu;
      • id-dħul u l-infiq kollu għandu jiġi reġistrat f’linja tal-baġit;
      • ebda nefqa ma tista’ tkun akbar mill-ammont awtorizzat fil-baġit.
    • Annwalità:
      • is-sena finanzjarja tal-baġit hija bejn l-1 ta’ Jannar sal-31 ta’ Diċembru;
      • regoli speċifiċi jkopru t-trattament tal-approprjazzjonijiet ta’ impenn* u ta’ pagament* approprjazzjonijiet;
      • jekk il-baġit ikun għadu ma ġiex adottat sal-bidu tas-sena finanzjarja, pagamenti kull xahar jiġu limitati sa wieħed minn tnax tas-somom korrispondenti fil-baġit tas-sena ta’ qabel.
    • Ekwilibriju:
      • approprjazzjonijiet ta’ dħul u nfiq għandhom ikunu f’bilanċ;
      • il-korp ma jistax iżid is-self fil-baġit tiegħu;
      • flus li ma ntefqux li ġew mill-baġit tal-UE għandhom jitħallsu lura lill-Kummissjoni.
    • Unità tal-kont:
      • il-baġit jitfassal u jiġi implimentat fl-euro, bħalma hi l-preżentazzjoni ta’ dawn il-kontijiet;
      • regoli jispeċifikaw kif muniti oħra għandhom jinqelbu għall-euro.
    • Universalità:
      • id-dħul totali għandu jkopri l-pagamenti totali;
      • id-dħul u l-infiq kollu għandhom jiddaħħlu kompletament mingħajr ebda aġġustament wieħed kontra l-ieħor;
      • regoli speċifiċi japplikaw għad-dħul, skont jekk dan ikunx iġġenerat esternament jew internament.
    • Speċifikazzjoni:
      • approprjazzjonijiet huma intenzjonati għal għanijiet speċifiċi b’titolu baġitarju, kapitolu, artikolu u linja;
      • id-direttur jista’ jittrasferixxi approprjazzjonijiet minn linja baġitarja jew minn kapitolu baġitarju għal oħra, skont ċerti kundizzjonijiet.
    • Ġestjoni u prestazzjoni finanzjarja tajba:
      • il-pagamenti għandhom jirrispettaw il-prinċipji tal-ekonomija, tal-effiċjenza u tal-effettività;
      • il-pagamenti jiffukaw fuq il-prestazzjoni, ibbażati fuq l-għanijiet għall-programmi u l-attivitajiet u l-indikaturi biex ikejlu l-progress li sar;
      • parametraġġ referenzjarju li jinkludi rivista tal-effiċjenza tas-servizzi orizzontali tal-korp u analiżi kost-benefiċċji dwar servizzi ta’ qsim ma’ jew trasferiment lejn korp ieħor jew lejn il-Kummissjoni;
      • programmi u attivitajiet li jinvolvu nfiq sinifikanti huma soġġetti għal evalwazzjonijiet ex ante (ibbażati fuq tbassir) u ex post (ibbażati fuq riżultat finali).
    • Kontroll intern tal-implimentazzjoni tal-baġit:
      • japplika għal-livelli tal-maniġment kollha;
      • għandu l-għan li jikseb assigurazzjoni raġonevoli ta’:
        • l-effettività, l-effiċjenza u l-ekonomija tal-operazzjonijiet,
        • l-affidabilità tar-rappurtar,
        • is-salvagwardja tal-assi u tal-informazzjoni,
        • il-prevenzjoni, l-iskoperta, il-korrezzjoni u s-segwitu ta’ frodi u irregolaritajiet,
        • il-maniġment adegwat ta’ riskji ta’ tranżazzjonijiet sottostanti.
    • Trasparenza:
      • sommarju tal-baġit tal-korp u kwalunkwe baġit emendatorju jiġi ppubblikat fil-Ġurnal Uffiċjali tal-Unjoni Ewropea fi żmien 3 xhur mill-adozzjoni;
      • il-korp jippubblika l-baġit, il-pjan ta’ stabbiliment u d-dettalji tan-numri tal-persunal u tal-esperti nazzjonali sekondati fuq is-sit web tiegħu, u jittrażmetti l-informazzjoni lill-Parlament Ewropew, lill-Kunsill, lill-Qorti Ewropea tal-Awdituri u lill-Kummissjoni fi żmien erbgħa ġimgħat mill-adozzjoni;
      • il-korp jipprovdi d-dettalji tar-reċipjenti tal-fondi tal-UE fuq is-sit web tiegħu;
      • fil-kuntest ta’ kunflitti ta’ interess, il-korp jippubblika d-dikjarazzjonijiet ta’ interess tal-membri tal-bord maniġerjali kull sena fuq il-sit web tiegħu.

    Regoli fuq l-istabbiliment u l-istrutturar tal-istat tal-baġit.

    • Il-korp jibgħat lill-Kummissjoni, lill-Parlament Ewropew u lill-Kunsill abbozz ta’ dokument uniku ta’ programmazzjoni sal-31 ta’ Jannar kull sena. Dan fih informazzjoni li tvarja minn programmi ta’ ħidma u stimi baġitarji għal bini ta’ dettalji tal-politika.
    • Il-Kummissjoni tadotta l-abbozz ta’ baġit wara input mill-Parlament Ewropew u mill-Kunsill. Dan isir definittiv ladarba l-baġit tal-UE jiġi adottat kollu kemm hu.
    • Il-baġit tal-korp jeħtieġ li jkollu dikjarazzjonijiet separati tad-dħul u tal-infiq kif ukoll dettalji dwar in-numru tal-persunal.

    Ir-regolament jgħid li:

    • id-doveri tal-uffiċċjali tal-awtorizzazzjoni u tal-kontabilità huma segregati u mutwalment esklussivi, u li kull wieħed minnhom ikollhom ir-riżorsi neċessarji biex iwettqu dmirijiethom;
    • id-direttur iwettaq id-doveri tal-uffiċjal tal-awtorizzazzjoni li jinkludu:
      • l-implimentazzjoni tad-dħul u tal-infiq skont il-prinċipju tal-immaniġġjar finanzjarju sod,
      • it-twaqqif tal-istruttura organizzatorja u tal-kontrolli interni,
      • l-applikazzjoni tal-kontrolli ex ante u possibilment ex post,
      • l-użu ta’ sistemi tal-karti jew elettroniċi għaż-żamma tad-dokumenti oriġinali ġustifikattivi baġitarji għal tal-inqas ħames snin,
      • ir-rappurtar annwali lill-bord ta’ tmexxija billi jissottomettu rapport annwali dettaljat konsolidat tal-attività;
    • il-bord ta’ tmexxija jaħtar uffiċjal ta’ kontabilità indipendenti responsabbli għal:
      • l-implimentazzjoni tajba tal-pagamenti, il-ġbir tad-dħul u l-irkupru tal-ammonti dovuti,
      • it-tħejjija, il-preżentazzjoni u ż-żamma tal-kontijiet,
      • it-tqegħid u l-validazzjoni tas-sistemi kontabilistiċi, inkluż dawk tal-uffiċjal tal-kontabilità, meta meħtieġ.

    Japplikaw ir-regoli tan-nefqa li ġejjin:

    • kull entrata teħtieġ li tigi impenjata, validata, awtorizzata u mħallsa;
    • impenji baġitarji li jaqgħu taħt waħda minn dawn it-tliet kategoriji:
      • individwali, meta r-reċipjent u l-ammont mhumiex magħrufa,
      • globali, jekk jew ir-reċipjent jew l-ammont mhuwiex magħruf,
      • proviżjonali, biex tkopri nefqa amministrattiva ta’ rutina meta l-ammont jew min ser jitħallas ma jkunux magħrufa;
    • l-impenji huma suġġetti għal limiti ta’ żmien;
    • il-pagamenti jeħtieġu evidenza li l-azzjoni rilevanti tikkonforma mal-kuntratt.

    Il-korp tal-UE għandu jkollu funzjoni tal-awditu intern. L-awditur intern tal-Kummissjoni jwettaq dan ir-rwol billi:

    • jagħti pariri dwar riskji, il-kwalità ta’ sistemi ta’ ġestjoni u ta’ kontroll u titjib possibbli;
    • jassessja l-effettività tal-ġestjoni, tas-sistemi ta’ kontroll u ta’ awditu interni u tal-prestazzjoni dipartimentali fil-programmi li qed jiġu implimentati;
    • igawdi aċċess komplut u mingħajr limitu għall-informazzjoni neċessarja kollha kif ukoll indipendenza kompleta fix-xogħol tiegħu.

    Il-kontribuzzjonijiet finanzjarji tal-korp tal-UE għandhom jgħinu jiksbu għan ta’ politika tal-UE b’riżultati speċifiċi. Dawn jistgħu jvarjaw minn rimbors ta’ spejjeż eliġibbli sa finanzjament b’rata fissa.

    Il-korp tal-UE jeħtieġ li jinforma lill-Kummissjoni mingħajr dewmien dwar każijiet ta’ frodi preżunta jew dwar irregolaritajiet oħra finanzjarji, kwalunkwe investigazzjonijiet kompluti jew li qed isiru mill-Uffiċċju tal-Prosekutur Pubbliku Ewropew jew mill-Uffiċċju Ewropew Kontra l-Frodi u dwar kwalunkwe awditi jew kontrolli mill-Qorti tal-Awdituri u mis-Servizz tal-Awditjar Intern, mingħajr ma jpoġġu fil-periklu il-kunfidenzjalità tal-investigazzjonijiet.

    Ir-regoli tal-kontabilità annwali jeħtieġu li l-korp tal-UE jipprovdi d-dikjarazzjonijiet finanzjarji, ir-rapporti ta’ implimentazzjoni tal-baġit u dokumenti ġustifikattivi.

    Il-Qorti tal-Awdituri, awditur estern independenti, il-Kummissjoni, il-Kunsill u l-Parlament Ewropew kollha jeżaminaw kif il-baġit ġie implimentat qabel ma l-Membri tal-Parlament Ewropew japprovaw, jew jirrifjutaw il-kontijiet annwali (magħrufa bħala “l-proċedura ta’ kwittanza”).

    Il-persunal tal-Kummissjoni u l-Qorti tal-Awdituri għandhom aċċess għas-siti tal-korp, għall-bini u għad-data tal-UE biex twettaq awditi. L-Uffiċċju Ewropew Kontra l-Frodi jista’ jwettaq investigazzjonijiet, verifiki fuq il-post u spezzjonijiet.

    Ir-regolament iħassar ir-Regolament Delegat (UE) Nru 1271/2013, li pprovda r-regolament finanzjarju qafas preċedenti.

    MINN META JAPPLIKA R-REGOLAMENT?

    Dan daħal fis-seħħ fil-11 ta’ Mejju 2019 imma ġie applikat retrospettivament mill-1 ta’ Jannar 2019, apparti mill-Artikolu 32 (dokument uniku ta’ programmazzjoni) u Artikolu 48 (rapport annwali konsolidat ta’ attività), li applikaw mill-1 ta’ Jannar 2020.

    SFOND

    TERMINI EWLENIN

    Aġenziji diċentralizzati/regulatorji. Korpi tal-UE mwaqqfa skont it-Trattat dwar il-Funzjonament tal-Unjoni Ewropea (TFUE) u t-Trattat tal-Euroatom u li għandhom personalità legali u li jirċievu kontribuzzjonijiet iddebitati mill-baġit. Dawn huma fdati b’kompiti baġitarji speċifiċi li jikkontribwixxu għall-implimentazzjoni tal-politiki tal-UE u jgħinu l-proċess tat-teħid ta’ deċiżjonijiet billi jiġbru għarfien speċjalizzat. Jistgħu jieħdu funzjonijiet tekniċi, regulatorji u superviżorji.

    Huma differenti wieħed mill-ieħor, kemm f’dak li huwa daqs u skop, imma għandhom l-istess struttura bażika u modi simili kif joperaw.

    Approprjazzjonijiet ta’ impenn. Wegħdiet għall-ħlas, sakemm ċertu kundizzjonijiet ikunu ssodisfati.
    Approprjazzjonijiet ta’ pagament. Nefqa minn impenji fis-snin finanzjarji kurrenti, jew preċedenti.

    DOKUMENT EWLIENI

    Ir-Regolament Delegat tal-Kummissjoni (UE) 2019/715 tat-18 ta’ Diċembru 2018 dwar ir-regolament finanzjarju qafas għall-korpi mwaqqfin skont it-TFUE u t-Trattat Euratom u msemmija fl-Artikolu 70 tar-Regolament (UE, Euratom) 2018/1046 tal-Parlament Ewropew u tal-Kunsill (ĠU L 122, 10.5.2019, pp. 1–38).

    DOKUMENTI RELATATI

    Avviż tal-Kummissjoni — Gwida dwar l-evitar tal-kunflitti ta’ interess u l-ġestjoni tagħhom skont ir-Regolament Finanzjarju (ĠU C 121, 9.4.2021, pp. 1–43).

    Komunikazzjoni mill-Kummissjoni dwar it-tisħiħ tat-tmexxija tal-korpi tal-Unjoni skont Artikolu 70 tar-Regolament Finanzjarju 2018/1046 u fuq il-linji gwida għad-Dokument Uniku tal-programmazzjoni u tar-Rapport Annwali Konsolidat tal-Attività (C(2020) 2297, 20.4.2020).

    Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012 (ĠU L 193, 30.7.2018, pp. 1–222).

    Emendi suċċessivi għar-Regolament (UE, Euratom) 2018/1046 ġew inkorporati fid-dokument oriġinali. Din il-verżjoni konsolidata għandha valur dokumentarju biss.

    l-aħħar aġġornament 03.11.2021

    Top