Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Mudell tar-regolament finanzjarju għall-korpi ta’ sħubija pubblika-privata

    Date of last review:
    05/11/2021
    Author:
    Uffiċċju tal-Pubblikazzjonijiet tal-Unjoni Ewropea
    Responsible entity(ies):
    Id-Direttorat Ġenerali għall-Baġit
    Summarised document(s):

    Mudell tar-regolament finanzjarju għall-korpi ta’ sħubija pubblika-privata

     

    SOMMARJU TA’:

    Ir-Regolament Delegat (UE )2019/887 dwar il-mudell tar-regolament finanzjarju għall-korpi ta’ sħubija pubblika-privata msemmijin fl-Artikolu 71 tar-Regolament (EU, Euratom) 2018/1046

    X’INHU L-GĦAN TAR-REGOLAMENT?

    • Huwa jistabblixxi l-prinċipji u r-regoli essenzjali għal korpi ta’ sħubija pubblika-privata (korpi PPP)* koperti mill-Artikolu 71 tar-regolament finanzjarju (ara s-sommarju) għandhom jirrispettaw meta jadottaw l-arranġamenti finanzjarji speċifiċi tagħhom.
    • L-għan tar-regolament delegat huwa li jiżgura ġestjoni finanzjarja soda tal-fondi tal-Unjoni Ewropea (UE) mogħtija lil dawn il-korpi.
    • Kull korp PPP jadotta r-regoli finanzjari proprji skont ir-regolament delegat. Korpi PPP jistgħu biss jitbiegħdu mir-regoli tagħhom, minħabba l-bżonnijiet speċifiċi, bil-kunsens minn qabel tal-Kummissjoni Ewropea.

    PUNTI EWLENIN

    Il-baġit annwali tal-korp PPP għandu jbassar u jawtorizza d-dħul u l-infiq kollu. Dan ikopri:

    • il-kontribuzzjonijiet finanzjarji tal-membri għall-ispejjeż amministrattivi u operazzjonali;
    • id-dħul intenzjonat għal spiża speċifika;
    • id-dħul li jiġġenera korp PPP;
    • in-nefqa, inkluż fuq l-amministrazzjoni.

    Il-korp PPP għandu jirrispetta l-prinċipji baġitarji li ġejjin.

    • Preċiżjoni unitarja u baġitarja
      • Id-dħul u l-infiq kollu għandu jiġi rreġistrat f’linja tal-baġit.
      • Ebda spiża ma tista’ tkun akbar mill-ammont awtorizzat fil-baġit.
    • Annwalità
      • Is-sena finanzjarja tal-baġit hija mill-1 ta’ Jannar sal-31 ta’ Diċembru.
      • Approprjazzjonijiet ta’ impenn* ikopru l-ispejjeż totali li daħlu fihom legalment matul is-sena finanzjarja.
      • Approprjazzjonijiet ta’ pagament* tkopri nefqa li tirrispetta l-impenji legali li saru fis-snin finanzjarji kurrenti u preċedenti.
    • Ekwilibriju
      • Id-dħul u l-approprjazzjonijiet ta’ pagament għandhom ikunu f’bilanċ.
      • Il-PPP ma tistax tissellef fil-baġit tagħha.
    • Unità tal-kont
      • Il-baġit għandu jitfassal u jiġi implimentat f’euro.
      • L-uffiċjal tal-kontabilità, għall-finijiet ta’ likwidità, jista’ jopera fil-muniti tiegħu.
    • L-universalità
      • Id-dħul totali għandu jkopri l-pagamenti totali.
      • Id-dħul intenzjonat għal għan partikolari, bħal dħul minn fondazzjonijiet, sussidji, rigali u legati, għandu jintuża għal dak l-għan speċifiku.
    • Speċifikazzjoni
      • Approprjazzjonijiet huma intenzjonati għal għanijiet speċifiċi b’titlu u kapitlu.
      • Id-direttur jista’ jittrasferixxi approprjazzjonijiet minn linja baġitarja u kapitlu wieħed, suġġett għal ċertu kundizzjonijiet.
    • Ġestjoni u prestazzjoni finazjarja soda
      • Il-pagamenti għandhom jirrispettaw il-prinċipji tal-ekonomija, l-effiċjenza u l-effettività.
      • Il-pagamenti jiffukaw fuq il-prestazzjoni, ibbażati fuq l-għanijiet u l-indikaturi biex ikejlu l-progress li sar.
    • Kontroll intern tal-implimentazzjoni tal-baġit
      • Japplika għal-livelli tal-maniġment kollha.
      • Għandu l-għan li jikseb assigurazzjoni raġonevoli ta’:
        • l-effettività, l-effiċjenza u l-ekonomija tal-operazzjonijiet;
        • l-affidabilità tar-rappurtar;
        • is-salvagwardja tal-assi u l-informazzjoni;
        • il-prevenzjoni, l-iskoperta, il-korrezzjoni u s-segwitu ta’ frodi u irregolaritajiet;
        • il-maniġment adegwat ta’ riskji ta’ tranżazzjonijiet sottostanti.
    • Trasparenza
      • Il-korp PPP għandu jippubblika l-baġit, ir-riċevituri tal-pagamenti u informazzjoni rilevanti oħra tiegħu, fuq is-sit web tiegħu, b’mod faċilment aċċessibbli, trasparenti u komprensiv.
      • Fir-rigward ta’ kunflitti ta’ interess, il-korp PPP jippubblika d-dikjarazzjoni ta’ interess tal-membri tal-bord ta’ tmexxija fuq is-sit web kull sena.

    L-ippjanar finanzjarju jeħtieġ:

    • li l-korp PPP jibgħat lill-Kummissjoni u lil membri oħra stima dettaljata tad-dħul u l-infiq tas-sena ta’ wara u jabbozza programm ta’ ħidma annwali mhux aktar tard mill-31 ta’ Jannar;
    • li l-bord ta’ tmexxija tal-korp tal-PPP jadotta l-pjan ta’ stabbiliment tal-baġit u l-istaff tal-bord.

    Ir-regolament jagħmel id-dikjarazzjonijiet li ġejjin.

    • Id-doveri tal-uffiċjal tal-awtorizzazzjoni u l-uffiċjal tal-kontabilità huma segregati u esklussivi b’mod reċiproku.
    • Id-direttur iwettaq id-doveri tal-uffiċjal tal-awtorizzazzjoni. Dawn jinkludu:
      • ir-rispett tar-regoli tal-korp tal-PPP u l-prinċipji ta’ maniġment finanzjarju sod;
      • l-applikazzjoni ta’ verifiki qabel u possibilment wara li jsiru l-pagamenti;
      • ir-rappurtar annwali lill-bord ta’ tmexxija billi jissottometti rapport tal-attività annwali konsolidata;
      • l-aġir, meta jkun meħtieġ, biex jipproteġi l-interessi finanzjarji tal-UE.
    • Il-bord ta’ tmexxija jaħtar uffiċjal ta’ kontabilità responsabbli għal:
      • l-implimentazzjoni tajba tal-pagamenti, il-ġbir tad-dħul u l-irkupru tal-ammonti dovuti;
      • iż-żamma, il-preparazzjoni u l-preżentazzjoni tal-kontijiet;
      • l-implementazzjoni tar-regoli tal-kontabilità u ċ-ċart tal-kontijiet;
      • l-istabbiliment u l-validazzjoni tas-sistemi kontabilistiċi;
      • l-immaniġġjar tat-teżor.
    • Uffiċjali tal-awtorizzazzjoni u tal-kontabilità, membri tal-bord ta’ tmexxija u oħrajn involuti fl-implimentazzjoni u l-immaniġġjar tal-baġit għandhom jevitaw kull kunflitt ta’ interess.

    Korpi PPP għandu jkollhom funzjoni ta’ verifika interna. L-awditur intern tal-Kummissjoni jwettaq dan ir-rwol billi:

    • jagħti pariri dwar riskji, il-kwalità ta’ sistemi ta’ ġestjoni u ta’ kontroll u titjib possibbli;
    • ikollu indipendenza kompluta fix-xogħol tiegħu.

    Operazzjonijiet ta’ dħul u nefqa jeħtieġu:

    • dħul: it-tfassil ta’ ammonti riċevibbli, li jistabbilixxu intitolamenti li għandhom jiġu rkuprati u l-irkupru ta’ ammonti mhux dovuti;
    • nefqa: kull entrata li tigi impenjata, validata, awtorizzata u mħallsa.

    Il-kontribuzzjonijiet finanzjarji tal-korp tal-PPP għandhom jgħinu jiksbu għan ta’ politika tal-UE b’riżultati speċifiċi. Dawn jistgħu jvarjaw minn rimbors ta’ spejjeż eliġibbli sa finanzjament b’rata fissa.

    Il-korp PPP għandu jinforma lill-Kummissjoni dwar il-każijiet ta’ frodi preżunta jew irregolaritajiet finanzjraji oħra mingħajr dewmien.

    Regoli tal-kontabilità jeħtieġu li l-korp PPP:

    • jistabbilixxi sistema kontabilistika li tipprovdi informazzjoni preċiża, kompluta u affidabbli fil-ħin;
    • isegwi proċeduri standard meta jipprovdi dokumenti, rapporti finanzjarji, rapporti ta’ implimentazzjoni tal-baġit, kontijiet proviżorji u finali u rapport annwali dwar il-maniġment baġitarju u finanzjarju.

    Awditur estern indipendenti jivverifika l-kontijiet annwali tal-korp PPP, u l-Parlament Ewropew huwa responsabbli li japprova kif il-baġit ġie implimentat (il-“proċedura ta’ kwittanza”).

    Staff tal-Kummissjoni u l-Qorti tal-Awdituri għandhom aċċess għas-siti u l-bini tal-korp PPP biex iwettqu verifiki, u l-Uffiċċju Ewropew ta’ Kontra l-Frodi (OLAF) jista’ jwettaq investigazzjonijiet, verifiki u spezzjonijiet fuq il-post.

    MINN META JAPPLIKA R-REGOLAMENT?

    Ilu japplika mit-30 ta’ Mejju 2019, apparti r-regoli dwar ir-rapport tal-attività konsolidata (l-Artikolu 23) u programm ta’ ħidma annwali (l-Artikolu 33(4)) li ilhom japplikaw mill-1 ta’ Jannar 2021.

    SFOND

    Għal aktar informazzjoni, ara:

    TERMINI EWLENIN

    Korpi ta’ Sħubija pubbliċi–privati. Korpi b’personalità ġuridika stabbiliti b’att bażiku u fdati bl-implimentazzjoni ta’ sħubija pubblika-privata dwar attivitajiet ta’ riċerka u innovazzjoni u programmi oħra tal-UE, kif imsemmija fl-Artikolu 71 tar-regolament finanzjarju. Dawn il-korpi kapaċi jutilizzaw kemm is-setturi pubbliċi kif ukoll privati biex jipprovdu prodotti u servizzi normalment fornuti minn dak tal-ewwel. Dawn iqiegħdu diversi responabilitajiet u riskji fuq is-sħubija privata, filwaqt li jnaqqsu l-limitazzjonijiet baġitarji stretti.

    Dawn jistgħu jkunu strutturati b’modi differenti biex jiksbu firxa wiesgħa ta’ għanijiet f’setturi bħat-trasport u s-saħħa.

    Approprjazzjonijiet ta’ impenn. Wegħdiet għall-ħlas, sakemm ċertu kundizzjonijiet ikunu ssodisfati.
    Approprjazzjonijiet ta’ pagament. Nefqa minn impenji fis-snin finanzjarji kurrenti, jew preċedenti.

    DOKUMENT EWLIENI

    Ir-Regolament Delegat tal-Kummissjoni (UE) Nru 2019/887 tat-13 ta’ Marzu 2019 dwar il-mudell tar-regolament finanzjarju għall-korpi ta’ sħubija pubblika-privata msemmijin fl-Artikolu 71 tar-Regolament (UE, Euratom) Nru 2018/1046 tal-Parlament Ewropew u tal-Kunsill (ĠU L 142, 29.5.2019, pp. 16–42).

    DOKUMENTI RELATATI

    Avviż tal-Kummissjoni — Gwida dwar l-evitar tal-kunflitti ta’ interess u l-ġestjoni tagħhom skontt ir-Regolament Finanzjarju (ĠU C 121, 9.4.2021, pp. 1–43).

    Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012 (ĠU L 193, 30.7.2018, pp. 1–222).

    Emendi suċċessivi għar-Regolament (UE, Euratom) 2018/1046 ġew inkorporati fid-dokument oriġinali. Din il-verżjoni konsolidata għandha valur dokumentarju biss.

    l-aħħar aġġornament 05.11.2021

    Top