Opportunitajiet ta’ sajd fl-ibħra tal-UE u mhux tal-UE

 

SOMMARJU TA’:

Ir-Regolament (UE) 2019/124 — l-opportunitajiet tas-sajd għall-2019 għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-UE u, għal bastimenti tas-sajd tal-UE, f’ċerti ilmijiet mhux tal-Unjoni

Ir-Regolament (UE) 2018/2058 — l-opportunitajiet tas-sajd għall-2019 għal ċerti stokkijiet ta’ ħut u gruppi ta’ stokkijiet ta’ ħut fil-Baħar l-Iswed

Ir-Regolament (UE) 2018/2025 — l-opportunitajiet tas-sajd għall-bastimenti tas-sajd għall-2019 u l-2020 tal-UE għal ċerti stokkijiet ta’ ħut tal-baħar fond

Ir-Regolament (UE) 2018/1628 — l-opportunitajiet tas-sajd għall-2019 għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku u ċerti opportunitajiet ta’ sajd f’ilmijiet oħra

X’INHU L-GĦAN TA’ DAWN IR-REGOLAMENTI?

Huma jistabbilixxu, għall-2019 (u f’ċerti każijiet għall-2020 ukoll) il-qabdiet totali permissibbli ta’ speċijiet differenti ta’ ħut fl-ilmijiet tal-UE kif ukoll f’ċerti ilmijiet mhux tal-UE.

PUNTI EWLENIN

Qabdiet totali permissibbli (TACs)

• It-TACs jistabbilixxu l-kwantità massima ta’ ħut ta’ speċijiet differenti li jistgħu jinqabdu matul is-sena rispettiva.
• Il-limiti stabbiliti jsegwu l-prinċipju tal-isfruttament sostenibbli tad-diversi stokkijiet f’konformità mar-rendiment massimu sostenibbli (MSY)*.
• Dawn huma bbażati fuq l-aħjar parir xjentifiku, inklużi rapporti mill-Kumitat Xjentifiku, Tekniku u Ekonomiku għas-Sajd billi jitqiesu l-aspetti bijoloġiċi u soċjoekonomiċi filwaqt li jiġi żgurat trattament ġust bejn is-setturi tas-sajd.
• Dawn jiġu deċiżi mill-pajjiżi tal-UE fuq proposta mill-Kummissjoni Ewropea.
• It-TAC għal kull speċi individwali hija diviża fi kwoti — proporzjonijiet tat-TAC assenjati lill-UE, lill-pajjiżi tal-UE jew lill-pajjiżi mhux tal-UE.

Kamp ta’ applikazzjoni

Ir-regolamenti japplikaw għal:

• bastimenti tas-sajd irreġistrati fl-UE;
• bastimenti tas-sajd mhux tal-UE fl-ilmijiet tal-UE.

Ir-regolamenti jkopru s-sajd fl-ilmijiet tal-UE, kif ukoll f’ċerti ilmijiet mhux tal-UE (in-Norveġja, Greenland u l-Gżejjer Faroe), b’regolamenti speċifiċi għal:

• stokkijiet ta’ ħut tal-baħar fond — ħut maqbud f’ilmijiet lil hinn mill-post għas-sajd tal-blat kontinentali;
• il-limitu u l-kwoti ta’ qbid (kondiviżi bejn il-Bulgarija u r-Rumanija) għal-laċċ ikħal u għall-barbun imperjali maqbud fil-Baħar l-Iswed;
• 10 stokkijiet kummerċjalment importanti fil-Baħar Baltiku.

Obbligu ta’ ħatt l-art

Mill-1 ta’ Jannar 2019, il-flotot tas-sajd kollha tal-UE jridu jaderixxu mal-obbligu ta’ ħatt l-art:

• il-qabdiet kollha tal-ispeċijiet kummerċjali rregolati li jittellgħu abbord (inklużi qabdiet inċidentali*) għandhom jiġu żbarkati u magħduda mal-kwoti rispettivi ta’ kull pajjiż tal-UE;
• l-obbligu jtemm il-prattika tal-iskartar.

Speċijiet protetti

Huwa pprojbit li tistad għal, jew li żżomm abbord jekk jinqabdu aċċidentalment, numru ta’ speċijiet inkluż il-kelb il-baħar l-abjad u l-gabdoll.

MINN META JAPPLIKAW IR-REGOLAMENTI?

• Ir-Regolament (UE) 2019/124 ilu japplika mill-1 ta’ Jannar 2019. Ir-regoli dwar l-opportunitajiet tas-sajd fil-Kummissjoni għall-Konservazzjoni taż-Żona tal-Konvenzjoni tar-Riżorsi Ħajjin tal-Baħar tal-Antartiku ilhom japplikaw mill-1 ta’ Diċembru 2018 u l-limiti tal-isforz tas-sajd ilhom japplikaw mill-1 ta’Frar 2019.
• Ir-Regolament (UE) 2018/2058 ilu japplika mill-1 ta’ Jannar 2019.
• Ir-Regolament (UE) 2018/2025 ilu japplika mill-1 ta’ Jannar 2019.
• Ir-Regolament (UE) 2018/1628 ilu japplika mill-1 ta’ Jannar 2019. Ir-regoli dwar l-opportunitajiet tas-sajd għall-merluzz tan-Norveġja f’żoni speċifiċi japplikaw mill-1 ta’ Novembru 2018 sal-31 ta’ Ottubru 2019. Ir-regoli għall-inċova mistada f’żoni speċifiċi japplikaw mill-1 ta’ Jannar 2018.

SFOND

Għal aktar informazzjoni, ara:

• Il-ġestjoni tas-sajd (Kummissjoni Ewropea)
• Il-kwoti tas-sajd (Kummissjoni Ewropea).

TERMINI EWLENIN

DOKUMENTI PRINĊIPALI

Ir-Regolament tal-Kunsill (UE) 2019/124 tat-30 ta’ Jannar 2019 li jistabbilixxi għall-2019 l-opportunitajiet tas-sajd għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni (ĠU L 29, 31.1.2019, pp. 1-166)

L-emendi suċċessivi għar-Regolament (UE) 2019/124 ġew inkorporati fit-test oriġinali. Din il-verżjoni konsolidata għandha valur dokumentarju biss.

Ir-Regolament tal-Kunsill (UE) 2018/2058 tas-17 ta’ Diċembru 2018 li jiffissa għall-2019 l-opportunitajiet tas-sajd għal ċerti stokkijiet ta’ ħut u gruppi ta’ stokkijiet ta’ ħut fil-Baħar l-Iswed (ĠU L 329, 27.12.2018, pp. 8-12)

Ir-Regolament tal-Kunsill (UE) 2018/2025 tas-17 ta’ Diċembru 2018 li jiffissa l-opportunitajiet tas-sajd għall-bastimenti tas-sajd tal-Unjoni għal ċerti stokkijiet ta’ ħut tal-baħar fond għall-2019 u għall-2020 (ĠU L 325, 20.12.2018, pp. 7-17)

Ara l-verżjoni konsolidata.

Ir-Regolament tal-Kunsill (UE) 2018/1628 tat-30 ta’ Ottubru 2018 li jistabbilixxi l-opportunitajiet tas-sajd għall-2019 għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku u li jemenda r-Regolament (UE) 2018/120 fir-rigward ta’ ċerti opportunitajiet ta’ sajd f’ilmijiet oħra (ĠU L 272, 31.10.2018, pp. 1-10)

DOKUMENT RELATAT

Ir-Regolament tal-Kunsill (UE) 2018/120 tat-23 ta’ Jannar 2018 li jistabbilixxi l-opportunitajiet tas-sajd għall-2018 għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-Unjoni u, għal bastimenti tal-Unjoni, f’ċerti ilmijiet mhux tal-Unjoni, u li jemenda r-Regolament (UE) 2017/127 (ĠU L 27, 31.1.2018, pp. 1-168)

Ara l-verżjoni konsolidata.

l-aħħar aġġornament 08.08.2019