Il-Missjoni ta’ Taħriġ Militari tal-UE fir-Repubblika Ċentru-Afrikana (EUTM RCA)

 

SOMMARJU TA’:

Id-Deċiżjoni tal-Kunsill (PESK) 2016/610 dwar Missjoni ta’ Taħriġ Militari fir-Repubblika Ċentru-Afrikana (EUTM RCA)

X’INHU L-GĦAN TAD-DEĊIŻJONI?

Id-deċiżjoni tħabbar politika ta’ sigurtà u ta’ difiża komuni tal-Unjoni Ewropea (UE) dwar missjoni ta’ taħriġ militari biex tikkontribwixxi għar-riforma tas-settur tad-difiża fi ħdan ir-Repubblika Ċentru-Afrikana bħala parti mil-proċess tar-riforma fis-settur tas-sigurtà kkoordinata mill-Missjoni Multidimensjonali Integrata tan-Nazzjonijiet Uniti għall-Istabbilizzazzjoni fir-Repubblika Ċentru-Afrikana (MINUSCA)

PUNTI EWLENIN

Missjoni kurrenti

Waqt li taħdem għall-għan ta’ Forzi Armati modernizzati, effettivi u akkontabbli demokratikament tar-Repubblika Ċentru Afrikana (FACA) il-Missjoni ta’ Taħriġ Militari tal-UE fir-Repubblika Ċentru-Afrikana (EUTM RCA).

• tipprovdi parir strateġiku lill-Ministeru tad-Difiża tar-Repubblika Ċentru-Afrikana u l-persunal ġenerali tal-FACA bil-għan li toħloq Forzi tas-sigurtà kapaċi taħt kontroll demokratiku,
• teduka lill-FACA fuq oqsma mhux operattivi, inklużi d-drittijiet tal-bniedem, id-dritt umanitarju internazzjonali u standards internazzjonali fuq kwistjonijiet tal-ġeneru.
• tipproteġi liċ-ċittadini, l-aġenda tan-Nazzjonijiet Uniti dwar nisa, paċi u sigurtà (WPS) u l-aġenda dwar tfal u gwerra (CAAC);
• tagħti parir lil stabbilimenti tat-taħriġ tal-uffiċjali dwar kif toħloq sistema edukattiva għal tmexxija kapaċi;
• tħarreġ lill-FACA, jekk il-Kumitat Politiku u ta’ Sigurtà tal-UE (PSC) jiddeċiedi li jissodisfaw il-kundizzjonijiet;
• tappoġġja sforzi biex trawwem il-valuri tal-UE, tippromwovi azzjoni tal-UE u tesponi ksur u abbużi tad-drittijiet tal-bniedem u d-dritt umanitarju internazzjonali minn forzi barranin fir-Repubblika Ċentru-Afrikana;
• tipprovi għarfien espert dwar is-sigurtà u l-istat tad-dritt lid-delegazzjoni tar-Repubblika Ċentru-Afrikana;
• tipprovdi appoġġ koerenti u integrat lill-gvern u l-forzi tas-sigurtà tar-Repubblika Ċentru-Afrikana flimkien mal-Missjoni Konsultattiva tal-UE fir-Repubblika Ċentru-Afrikana (EUAM RCA) u korpi internazzjonali oħra, b’mod partikolari lill-Missjoni Multidimensjonali Integrata tan-Nazzjonijiet Uniti għall-Istabbilizzazzjoni fir-Repubblika Ċentru-Afrikana.

Kmandant u Kwartieri tal-Missjoni tal-UE

• Id-Direttur tal-Kapaċità Militari tal-Ippjannar u t-Tmexxija (MPCC) jinħatar mill-Kmandant tal-Missjoni tal-EUTM RCA.
• L-MPCC hu l-kmand statiku u struttura ta’ kontroll fil-livell militari strateġiku barra miż-żona tal-operazzjonijiet, responsabbli għall-ippjannar operattiv u t-tmexxija tal-EUTM RCA.
• Il-kwartieri tal-forza tal-missjoni jinsabu f’Bangui u joperaw taħt il-kmand tal-Kmandant tal-Forza tal-Missjoni.
• Ċellula t’appoġġ fi Brussell hi inkluża fl-MPCC sakemm tilħaq kapaċità operattiva sħiħa.

Kontroll politiku, direzzjoni strateġika u direzzjoni militari

• Responsabbli għall-Kunsill tal-Unjoni Ewropea u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà, il-KPS jeżerċita kontroll politiku u direzzjoni strateġika.
• Il-Kumitat Militari tal-UE jissorvelja l-prestazzjoni tal-EUTM RCA taħt ir-responsabbiltà tal-Kmandant tal-Missjoni tal-UE.

Pajjiżi mhux tal-UE

Pajjiżi mhux tal-UE jistgħu jiġu mistiedna jieħdu sehem fil-missjoni. Pajjiżi li jagħmlu kontribuzzjonijiet militari sinifikanti ser ikollhom l-istess drittijiet u obbligi f’termini ta’ ġestjoni ta’ kuljum tal-missjoni bħal Stati Membri tal-UE li jieħdu sehem fil-missjoni.

Ċellula ta’ proġett

L-EUTM RCA għandu ċellula ta’ proġett biex jidentifika u jimplimenta proġetti, iffinanzjati mill-Istati Membri tal-UE jew pajjiżi mhux tal-UE li jipparteċipaw, li huma konsistenti mal-objettivi tagħha u jikkontribwixxu għall-missjoni.

MINN META TAPPLIKA D-DEĊIŻJONI?

Id-deċiżjoni li nehdiet il-missjoni daħlet fis-seħħ fil-19 ta’ April 2016. Suġġett għal valutazzjoni strateġika li ssir mill-KPS mhux aktar tard minn Marzu 2024, l-EUTM RCA ser tispiċċa fid-19 ta’ Settembru 2024.

SFOND

Għal aktar informazzjoni, ara:

• Il-Missjoni ta’ Taħriġ tal-Unjoni Ewropea fir-Repubblika Ċentru-Afrikana (Servizz Ewropew għall-Azzjoni Esterna)
• Delegazzjoni tal-Unjoni Ewropea għar-Repubblika Ċentru-Afrikana (Servizz Ewropew għall-Azzjoni Esterna)
• Missjonijiet u operazzjonijiet tal-UE (Servizz Ewropew għall-Azzjoni Esterna)
• Kapaċità Militari tal-Ippjanar Militari u t-Tmexxija il-(Kunsill Ewropew — il-Kunsill tal-Unjoni Ewropea)

DOKUMENT EWLIENI

Id-Deċiżjoni tal-Kunsill (PESK) 2016/610 tad-19 ta’ April 2016 dwar Missjoni ta’ Taħriġ Militari tal-PSDK tal-Unjoni Ewropea fir-Repubblika Ċentru-Afrikana (EUTM RCA) (ĠU L 104, 20.4.2016, pp. 21–26).

Emendi suċċessivi għad-Deċiżjoni (PESK) 2016/610 ġew inkorporati fit-test bażiku. Din il-verżjoni konsolidata għandha valur dokumentarju biss.

DOKUMENTI RELATATI

Id-Deċiżjoni tal-Kunsill (PESK) 2021/509 tat-22 ta’ Marzu 2021 li tistabbilixxi Faċilità Ewropea għall-Paċi, u li tħassar id-Deċiżjoni (PESK) 2015/528 (ĠU L 102, 24.3.2021, pp. 14–62).

Ara l-verżjoni kkonsolidata.

l-aħħar aġġornament 20.10.2023