Is-sorveljanza tal-UE tal-importazzjonijiet ta’ ċerti prodotti tal-ħadid u tal-azzar li joriġinaw f’ċerti pajjiżi mhux tal-UE

 

SOMMARJU TA’:

Ir-Regolament tal-implimentazzjoni (UE) 2016/670 - li jintroduċi sorveljanza minn qabel tal-UE tal-importazzjonijiet ta’ ċerti prodotti tal-ħadid u tal-azzar li joriġinaw minn ċerti pajjiżi li mhumiex fl-UE

X’INHU L-GĦAN TAR-REGOLAMENT?

Huwa jintroduċi skema ta’ “sorveljanza minn qabel” ta’ liċenzja tal-importazzjoni biex itejjeb il-monitoraġġ tal-importazzjonijiet ta’ ċerti prodotti tal-ħadid u tal-azzar.

PUNTI EWLENIN

Kamp ta’ applikazzjoni

• L-Anness 1 tar-regolament jistabbilixxi l-kodiċi tal-prodotti koperti mir-regolament.
• Ir-regolament japplika għal importazzjonijiet b’piż nett ta’ aktar minn 2 500 kilogramma.

Regoli komuni tal-UE

• Sabiex jingħataw ċirkolazzjoni libera mal-UE, tali prodotti huma soġġetti għal sorveljanza minn qabel tal-UE skont ir-regoli tal-importazzjoni stabbiliti fi:
  • Ir-Regolament (UE) 2015/478 dwar ir-regoli Komuni tal-UE għall-importazzjonijiet, u
  • Ir-Regolament (UE) 2015/755 dwar ir-regoli Komuni tal-UE għall-importazzjonijiet minn ċerti pajjiżi li mhumiex fl-UE.

Liċenzja ta’ sorveljanza

• Il-prodotti li jissodisfaw dawn ir-regoli tal-importazzjoni jingħataw liċenzja ta’ sorveljanza mill-pajjiż tal-UE kkonċernat li jirrilaxxa l-prodott għal ċirkolazzjoni libera fis-suq tal-UE.
• L-importaturi għandhom jipprovdu ċerta informazzjoni inkluż:
  • l-isem u l-indirizz tal-applikant;
  • deskrizzjoni tal-oġġetti, il-kwantità u l-valur tagħhom;
  • evidenza kummerċjali tal-intenzjoni tal-importazzjoni, bħal kopja tal-kuntratt tal-bejgħ jew ix-xiri jew il-fattura pro forma.
• Jekk il-prezz tal-unità li bih saret it-tranżazzjoni, jew il-kwantità totali tal-prodott ippreżentat tvarja b’inqas minn 5 % minn dak iddikjarat fuq il-liċenzja ta’ sorveljanza, dan ma jipprevjenix iċ-ċirkolazzjoni ħielsa tal-prodott.

Rappurtar

• Pajjiżi tal-UE għandhom jaġġornaw lill-Kummissjoni Ewropea fuq bażi regolari (għall-inqas kull xahar) tal-kwantitajiet u l-valuri li għalihom inħarġu liċenzji ta’ sorveljanza.
• Huma għandhom ukoll jinnotifikaw lill-Kummissjoni bi kwalunkwe anomaliji jew każi ta’ frodi li jiskopru u, il-bażi li fuqha kwalunkwe liċenzja ġiet miċħuda.

MINN META JIBDA JAPPLIKA R-REGOLAMENT?

Huwa japplika mit-30 ta’ April 2016 sal-15 ta’ Mejju 2020.

SFOND

• Restrizzjonijiet fuq l-importazzjoni (Il-Kummissjoni Ewropea).

DOKUMENT PRINĊIPALI

Ir-Regolament ta’ Implimentazzjoni tal-Kummissjoni (UE) 2016/670 tat-28 ta’ April 2016 ili tintroduċi s-sorveljanza minn qabel tal-Unjoni tal-importazzjonijiet ta’ ċerti prodotti tal-ħadid u tal-azzar li joriġinaw minn ċerti pajjiżi terzi (ĠU L 115, 29.4.2016, p. 37-47)

Emendi suċċessivi għar-Regolament (UE) 2016/670 ġew inkorporati fid-dokument oriġinali. Din il-verżjoni konsolidata għandha valur dokumentarju biss.

DOKUMENTI RELATATI

Ir-Regolament (UE) 2015/755 tal-Parlament Ewropew u tal-Kunsill tas-26 ta’ April 2015 dwar regoli komuni għall-importazzjonijiet minn ċerti pajjiżi terzi (ĠU L 123, 19.5.2015, p. 33-49)

Ara l-verżjoni konsolidata.

Ir-Regolament (UE) 2015/478tal-Parlament Ewropew u tal-Kunsill tal-11 ta’ Marzu 2015 dwar ir-regoli komuni għall-importazzjonijiet (ĠU L 83, 27.3.2015, p. 16-33)

Ftehim dwar iż-Żona Ekonomika Ewropea — Att Finali — Dikjarazzjonijiet Konġunti — Dikjarazzjonijiet mill-Gvernijiet tal-Istati Membri tal-Komunità u l-Istati tal-EFTA — Arranġamenti — Minuti Maqbula — Dikjarazzjonijiet minn waħda jew bosta mill-Partijiet Kontraenti tal-Ftehim dwar iż-Żona Ekonomika Ewropea (ĠU L 1, 3.1.1994, p. 3-522)

Ara l-verżjoni konsolidata.

Ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1-101)

Ara l-verżjoni konsolidata.

l-aħħar aġġornament 23.05.2019