Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

Indirizzar tat-tħassib tal-UE dwar ix-xogħol fl-2015

Legal status of the document This summary has been archived and will not be updated, because the summarised document is no longer in force or does not reflect the current situation.

Date of last review:
22/07/2015
Author:
Uffiċċju tal-Pubblikazzjonijiet tal-Unjoni Ewropea
Archived:
true
Summarised document(s):

Indirizzar tat-tħassib tal-UE dwar ix-xogħol fl-2015

L-abbozz tar-rapport konġunt dwar l-impjiegi jakkompanja l-istħarriġ dwar it-tkabbir annwali 2015 (AGS). Janalizza t-tendenzi tal-impjiegi u dawk soċjali fil-pajjiżi tal-Unjoni Ewropea (UE) u r-risponsi politiċi tagħhom sabiex itejbu l-prestazzjoni fl-impjiegi u dik soċjali.

ATT

Abbozz tar-Rapport Konġunt dwar l-Impjieg mill-Kummissjoni u l-Kunsill li jakkompanja l-Komunikazzjoni mill-Kummissjoni dwar l-Istħarriġ dwar it-Tkabbir Annwali 2015 (COM(2014) 906 final tat-28 ta' Novembru 2014).

SOMMARJU

L-abbozz tar-rapport konġunt dwar l-impjiegi jakkompanja l-istħarriġ dwar it-tkabbir annwali 2015 (AGS). Janalizza t-tendenzi tal-impjiegi u dawk soċjali fil-pajjiżi tal-Unjoni Ewropea (UE) u r-risponsi politiċi tagħhom sabiex itejbu l-prestazzjoni fl-impjiegi u dik soċjali.

X'INHU L-GĦAN TA' DAN IR-RAPPORT?

Fil-kuntest taċ-ċiklu l-ġdid tas-semestru Ewropew, il-Kummissjoni Ewropea (KE) ppubblikat l-AGS li jiffoka fuq kif l-UE tista’ taġixxi sabiex tappoġġa l-ħolqien u t-tkabbir tax-xogħol. B’mod partikolari, l-AGS jistabbilixxi l-prijoritajiet ekonomiċi ġenerali tal-UE u jipprovdi lill-pajjiżi tal-UE bi gwida politika għas-sena li jkun imiss.

L-AGS huwa akkompanjat ukoll b’dan ir-rapport konġunt dwar l-impjiegi li janalizza s-sitwazzjoni tal-impjiegi fl-UE u r-risponsi politiċi mill-pajjiżi tal-UE f’dan ir-rigward.

PUNTI EWLENIN

Ir-rapport juri li riformi strutturali sostanzjali jwasslu għal riżultati. Janalizza wkoll il-potenzjal għat-titjib tal-prestazzjoni tal-impjiegi u dik soċjali tal-UE.

Konklużjonijiet prinċipali:

—
it-tendenzi tas-suq tax-xogħol u dawk soċjali: anki jekk il-qgħad qiegħed jonqos bil-mod, xorta waħda għadu għoli fl-EU28 bi 24.6 miljun (10.1 %) f’Settembru 2014. Ir-rapport jindika wkoll li:

—
il-qgħad għal perjodu ta’ żmien twil qiegħed jiżdied (5.1 % fl-EU28 fl-2013);

—
il-qgħad fost iż-żgħażagħ għadu f’livell għoli ħafna (21.6 % fl-EU28 fl-2014) iżda qed juri sinjali ta’ titjib;

—
il-livelli ta’ tluq kmieni mill-iskola qegħdin jagħmlu progress lejn il-mira ta’ inqas minn 10 % ta’ tluq mill-iskola sal-2020;

—
l-UE qiegħda tagħmel progress tajjeb lejn il-mira ta’ 40 % ta’ dawk li għandhom bejn 30 u 34 sena li jtemmu l-edukazzjoni terzjarja sal-2020.

—
Riformi fl-impjiegi u soċjali tal-pajjiżi tal-UE: Il-pajjiżi tal-UE segwew riformi b’mod konformi mas-semestru Ewropew tal-2014 b’effetti fuq ir-rati ta’ attività . Ittieħdu miżuri sabiex jagħmlu tajjeb għall-qgħad għal perjodu ta’ żmien twil li għandhom l-għan li:

—
inaqqsu s-segmentazzjoni tas-suq tax-xogħol* billi jissimplifikaw il-liġi dwar ix-xogħol tal-pajjiżi tal-UE;

—
inaqqsu t-tassazzjoni fuq ix-xogħol li tippermetti lill-kumpaniji jirreklutaw (mill-ġdid) iż-żgħażagħ u lil dawk li ilhom għal żmien twil bla xogħol;

—
jiżguraw ambjent favorevoli għal kumpaniji li jippromwovu l-apprendistati;

—
itejbu l-ħiliet fis-sistema edukattiva tal-pajjiżi tal-UE fil-livelli kollha;

—
jirriformaw is-sistemi tal-protezzjoni soċjali sabiex jiġi żgurat li dawk esklużi mis-swieq tax-xogħol ikunu protetti u milqugħin mill-faqar.

Madankollu, ir-rapport jisħaq li l-progress u l-ambizzjoni fl-implimentazzjoni ta’ dawn ir-riformi jvarja bejn pajjiżi tal-UE. Għalhekk hemm bżonn ta’ aktar sforzi sabiex jiġu żgurati riżultati prattiċi konkreti.

Tabella ta' valutazzjoni tal-indikaturi

Ir-rapport fih ukoll it-tieni edizzjoni tat-tabella ta' valutazzjoni tal-indikaturi ewlenin tal-impjiegi u dawk soċjali introdotti sabiex isaħħu d-dimensjoni soċjali tal-Unjoni Ekonomiku u Monetarja (EMU):

—
il-qgħad;

—
il-qgħad fost iż-żgħażagħ u r-rata ta’ dawk barra mill-edukazzjoni, impjieg jew taħriġ (rata NEET);

—
dħul disponibbli għad-djar domestiċi;

—
ir-rata ta’ riskju ta’ faqar;

—
inugwaljanzi fid-dħul*.

Is-sejbiet prinċipali fl-2015 juru varjazzjoniijet soċjo-ekonomiċi persistenti fir-rati ta’ qgħad, ta’ qgħad fost iż-żgħażagħ u ta’ NEET fost iż-żgħażagħ. Tnaqqis fid-dħul fl-unitajiet domestiċi u żieda fl-inugwaljanzi u fir-rati ta’ qgħad jidhru wkoll fil-pajjiżi li jinsabu fin-nofsinhar nett taż-żona tal-euro (l-Italja, il-Greċja, eċċ.).

TERMINI EWLENIN

* Segmentazzjoni tas-suq tax-xogħol: fejn is-suq tax-xogħol huwa maqsum f'sub-partijiet. Eżempji jinkludu sitwazzjonijiet fejn xi impjegati jkollhom kuntratti permanenti u oħrajn ikollhom kuntratti temporanji jew fejn hemm differenzi bejn il-kundizzjonijiet għal ħaddiema migranti u dawk mhux migranti.

* Inugwaljanzi fid-dħul: f'dan il-kuntest, huwa t-tqabbil tal-ishma relattivi tad-dħul ta' pajjiż fost il-gruppi varji fi ħdan il-popolazzjoni tiegħu. Meta s-sehem tad-dħul ġenerali jkun wieħed għoli ħafna fost is-sinjuri, is-segmenti l-iktar foqra għandhom sehem korrespondentament iżgħar u l-inugwaljanza tkun ogħla.

Għal iktar informazzjoni, ara:

—
is-sit elettroniku tad-DĠ Affarijiet Ekonomiċi u Finanzjarji; u

—
l-iskeda informattiva dwar l-Abbozz tar-Rapport Konġunt dwar l-Impjiegi.

L-aħħar aġġornament: 21.06.2015

Top