Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32019R1241

Il-konservazzjoni ta’ riżorsi tas-sajd u l-protezzjoni ta’ ekosistemi tal-baħar

Datatal-aħħarreviżjoni:
19/10/2022
Data tal-ħolqien inizjali:
17/02/2020
Kodiċitat-taqsira:
  • 02.06.04.00 Preservazzjoni u mmaniġġjar tal-istokkijiet tas-sajd
  • 02.06.07.00 Protezzjoni ambjentali
  • 20.14.00.00 Natura u bijodiversità
  • 20.19.00.00 Ambjent kostali u tal-baħar
EUROVOC descriptor:
Kodiċi tad-direttorju:
Dokument(i) mqassar/mqassra:
Awtur:
Uffiċċju tal-Pubblikazzjonijiet tal-Unjoni Ewropea
Entita(jiet) responsabbli:
Id-Direttorat Ġenerali għall-Affarijiet Marittimi u s-Sajd

Il-konservazzjoni ta’ riżorsi tas-sajd u l-protezzjoni ta’ ekosistemi tal-baħar

 

SOMMARJU TA’:

Ir-Regolament (UE) 2019/1241 — il-konservazzjoni ta’ riżorsi tas-sajd u l-protezzjoni ta’ ekosistemi tal-baħar permezz ta’ miżuri tekniċi

X’INHU L-GĦAN TAR-REGOLAMENT?

  • Dan jistabbilixxi regoli dwar kif, fejn, meta, liema u kemm jistgħu jinqabdu ħut fl-ilmijiet tal-UE biex jiġu kkonservati l-ispeċijiet u jiġu protetti l-ekosistemi tal-baħar.
  • Dan iħassar ir-Regolament (KE) Nru 812/2004, 894/97, 850/98, 2549/2000, 254/2002 u 2187/2005.

PUNTI EWLENIN

Objettivi

F’konformità mal-Politika Komuni tas-Sajd tal-UE li ġiet riformata, ir-regoli huma maħsuba biex:

  • jiġi żgurat li l-livelli tas-sajd jikkorrispondu mal-livell ta’ rendiment massimu sostenibbli*, jitnaqqsu qabdiet mhux mixtieqa u jiġi eliminat il-qbid skartat, u biex jikkontribwixxu wkoll għall-kisba ta’ status ambjentali tajjeb;
  • jikkontribwixxu għall-protezzjoni ta’ ħut li għadu qed jikber u għall-ġlejjeb ta’ speċijiet tal-baħar permezz tal-użu ta’ rkaptu tas-sajd selettiv u ta’ miżuri biex jiġu evitati l-qabdiet mhux mixtieqa;
  • jitnaqqsu l-impatti tal-irkaptu tas-sajd fuq l-ekosistemi tal-baħar u b’mod partikolari fuq speċijiet u ħabitats sensittivi, inkluż fejn adatt bl-użu ta’ inċentivi u ta’ miżuri oħra.

Karatteristiċi ewlenin

Ir-Regolament jinkludi numri ta’ karatteristiċi importanti bħal:

  • is-simplifikazzjoni tal-proċedura għal kooperazzjoni reġjonali bil-għan li jinħolqu regoli reġjonalizzati għaż-żoni tas-sajd differenti;
  • il-projbizzjoni jew ir-restrizzjoni ta’ ċerti tipi ta’ metodi tas-sajd inkluża t-tneħħija b’mod gradwali ta’ sajd bl-impulsi elettriċi;
  • il-projbizzjoni jew ir-restrizzjoni ta’ ċerti tipi ta’ rkaptu tas-sajd, inkluż fid-daqsijiet tal-malja;
  • it-twaqqif ta’ lista ta’ speċijiet ipprojbiti;
  • it-twaqqif ta’ approċċ ibbażat fuq ir-riżultati. Bl-introduzzjoni tal-indikaturi tal-prestazzjoni ta’ selettività*, l-għan huwa li jiġi pprovdut punt ta’ riferiment kwantifikat biex tkun tista’ titkejjel l-effettività tal-miżuri tekniċi;
  • jiġu introdotti żoni magħluqa u staġuni magħluqa għas-sajd.

Riċerka xjentifika

Sabiex ma jkunx hemm tfixkil għar-riċerka xjentifika jew ir-ripopolazzjoni jew it-trapjantar diretti, ir-regoli ma japplikawx għal operazzjonijiet li jkunu saru għal dawn l-għanijiet.

MINN META JAPPLIKA R-REGOLAMENT?

Dan ilu japplika mill-14 ta’ Awwissu 2019.

SFOND

Għal aktar informazzjoni, ara:

TERMINI EWLENIN

Livell ta’ rendiment massimu sostenibbli: il-livell massimu li fih l-istokkijiet tal-ħut jistgħu jiġu sfruttati b’mod regolari mingħajr tnaqqis fit-tul.
Indikatur tal-prestazzjoni ta’ selettività: għodda ta’ referenza biex jiġi mmonitorjat il-progress maż-żmien lejn il-kisba tal-objettivi tal-Politika Komuni tas-Sajd ta’ minimizzazzjoni tal-qabdiet mhux mixtieqa.

DOKUMENT EWLIENI

Ir-Regolament (UE) 2019/1241 tal-Parlament Ewropew u tal-Kunsill tal-20 ta’ Ġunju 2019 dwar il-konservazzjoni ta’ riżorsi tas-sajd u l-protezzjoni ta’ ekosistemi tal-baħar permezz ta’ miżuri tekniċi, li jemenda r-Regolamenti tal-Kunsill (KE) Nru 1967/2006, (KE) Nru 1224/2009 u r-Regolamenti (UE) Nru 1380/2013, (UE) 2016/1139, (UE) 2018/973, (UE) 2019/472 u (UE) Nru 2019/1022 tal-Parlament Ewropew u tal-Kunsill, u li jħassar ir-Regolamenti tal-Kunsill (KE) Nru 894/97, (KE) Nru 850/98, (KE) Nru 2549/2000, (KE) Nru 254/2002, (KE) Nru 812/2004 u (KE) Nru 2187/2005 (ĠU L 198, 25.7.2019, pp. 105-201)

L-emendi suċċessivi għar-Regolament (UE) 2019/1241 ġew inkorporati fit-test oriġinali. Din il-verżjoni konsolidata għandha valur dokumentarju biss.

DOKUMENTI RELATATI

Ir-Regolament (UE) 2019/1022 tal-Parlament Ewropew u tal-Kunsill tal-20 ta’ Ġunju 2019 li jistabbilixxi pjan pluriennali għas-sajd li jisfrutta l-istokkijiet tal-ħut tal-qiegħ fil-Punent tal-Mediterran u li jemenda r-Regolament (UE) Nru 508/2014 (ĠU L 172, 26.6.2019, pp. 1-17)

Ara l-verżjoni konsolidata.

Ir-Regolament (UE) 2019/472 tal-Parlament Ewropew u tal-Kunsill tad-19 ta’ Marzu 2019 li jistabbilixxi pjan pluriennali għall-istokkijiet mistada fl-Ilmijiet tal-Punent u fl-ilmijiet tal-madwar, u għas-sajd li jisfrutta dawk l-istokkijiet, u li jemenda r-Regolamenti (UE) 2016/1139 u (UE) 2018/973, u li jħassar ir-Regolamenti tal-Kunsill (KE) Nru 811/2004, (KE) Nru 2166/2005, (KE) Nru 388/2006, (KE) Nru 509/2007 u (KE) Nru 1300/2008 (ĠU L 83, 25.3.2019, pp. 1-17)

Ara l-verżjoni konsolidata.

Ir-Regolament (EU) 2018/973 tal-Parlament Ewropew u tal-Kunsill tal-4 ta’ Lulju 2018 li jistabbilixxi pjan pluriennali għall-istokkijiet demersali fil-Baħar tat-Tramuntana u s-sajd li jisfrutta dawk l-istokkijiet, li jispeċifika d-dettalji tal-implimentazzjoni tal-obbligu ta’ ħatt l-art fil-Baħar tat-Tramuntana u li jħassar ir-Regolamenti tal-Kunsill (KE) Nru 676/2007 u (KE) Nru 1342/2008 (ĠU L 179, 16.7.2018, pp. 1-13)

Ara l-verżjoni konsolidata.

Ir-Regolament (EU) 2016/1139 tal-Parlament Ewropew u tal-Kunsill tas-6 ta’ Lulju 2016 li jistabbilixxi pjan pluriennali għall-istokkijiet tal-merluzz, l-aringi u l-laċċ ikħal fil-Baħar Baltiku u s-sajd li jisfrutta dawk l-istokkijiet, li jemenda r-Regolament tal-Kunsill (KE) Nru 2187/2005 u li jħassar ir-Regolament tal-Kunsill (KE) Nru 1098/2007 (ĠU L 191, 15.7.2018, pp. 1-15)

Ara l-verżjoni konsolidata.

Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, pp. 22-61)

Ara l-verżjoni konsolidata.

Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-politika komuni tas-sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, pp. 1-50)

Ara l-verżjoni konsolidata.

Id-Direttiva 2008/56/KE tal-Parlament Ewropew u tal-Kunsill tas-17 ta’ Ġunju 2008 li tistabbilixxi Qafas għal Azzjoni Komunitarja fil-qasam tal-Politika ta’ l-Ambjent Marin (Direttiva Kwadru dwar l-Istrateġija Marina) (ĠU L 164, 25.6.2008, pp. 19-40)

Ara l-verżjoni konsolidata.

Ir-Regolament tal-Kunsill (KE) Nru 1967/2006 tal-21 ta’ Diċembru 2006 dwar miżuri ta’ ġestjoni għall-isfruttament sostenibbli ta’ riżorsi tas-sajd fil-Baħar Mediterran u li jemenda r-Regolament (KEE) Nru 2847/93 u jħassar ir-Regolament (KE) Nru 1626/94 (ĠU L 409, 30.12.2006, pp. 11-85). Test ippubblikat mill-ġdid fil-corrigendum (ĠU L 36, 8.2.2007, pp. 6-30)

Ara l-verżjoni konsolidata.

l-aħħar aġġornament 19.10.2022

Fuq