EUR-Lex Access to European Union law
This document is an excerpt from the EUR-Lex website
Document 32014R0911
Tniġġis tal-ibħra minn vapuri u installazzjonijiet tal-gass u ż-żejt
Dan is-sommarju ġie arkivjat u mhux se jiġi aġġornat, għaliex id-dokument imqassar ma għadux fis-seħħ jew ma jirriflettix is-sitwazzjoni attwali.
- Datatal-aħħarreviżjoni:
- 08/12/2014
- Data tal-ħolqien inizjali:
- 08/12/2014
- Kodiċitat-taqsira:
-
- 20.99.00.00 Taqsiriet arkivjati
- EUROVOC descriptor:
- Kodiċi tad-direttorju:
- Dokument(i) mqassar/mqassra:
- Awtur:
- Uffiċċju tal-Pubblikazzjonijiet tal-Unjoni Ewropea
Tniġġis tal-ibħra minn vapuri u installazzjonijiet tal-gass u ż-żejt
F’Lulju 2014, l-UE adottat liġi li tiggarantixxi finanzjament għall-ħidma tal-Aġenzija Ewropea għas-Sigurtà Marittima (EMSA) biex tiġġieled it-tniġġis fil-baħar għall-perjodu 2014-2020.
ATT
Regolament (UE) Nru 911/2014 tal-Parlament Ewropew u tal-Kunsill tat-23 ta’ Lulju 2014 dwar finanzjament pluriennali għall-azzjoni tal-Aġenzija Ewropea għas-Sigurtà Marittima fil-qasam tar-reazzjoni għat-tniġġis tal-baħar ikkawżat minn vapuri u minn installazzjonijiet taż-żejt u tal-gass.
SOMMARJU
F’Lulju 2014, l-UE adottat liġi li tiggarantixxi finanzjament għall-ħidma tal-Aġenzija Ewropea għas-Sigurtà Marittima (EMSA) biex tiġġieled it-tniġġis fil-baħar għall-perjodu 2014-2020.
L-EMSA oriġinarjament twaqqfet biex tiżgura livelli għoljin ta’ sigurtà fil-baħar u tipprevjeni u timmaniġġja t-tniġġis mill-vapuri, bħal tnixxija ta’ żejt jew sustanzi perikolużi. Fl-2013, il-kompitu tal-EMSA kien estiż biex ikopri tniġġis minn installazzjonijiet taż-żejt u l-gass.
X’JAGĦMEL IR-REGOLAMENT?
Dan jipprovdi finanzjament biex jippermetti lill-EMSA twettaq ir-responsabbiltajiet tagħha li twieġeb għat-tniġġis marittimu. Dan jgħid espliċitament li l-eżistenza tal-EMSA ma għandhiex terħi lill-pajjiżi mir-responsabbiltà tagħhom li jkollhom il-mekkaniżmi neċessarji f’posthom.
PUNTI EWLENIN
Il-finanzjament jippermetti lill-EMSA biex tinvesti fi:
|
— |
vapuri u tagħmir speċjalizzati li jkunu disponibbli biex jassistu meta msejħa;
|
|
— |
immaġnijiet u tagħmir satellitari li jidentifikaw it-tniġġis u jgħinu biex ikun ippjanat kif dan se jiġi indirizzat.
|
Ir-responsabbiltajiet ewlenin tal-EMSA huma li:
|
— |
taħdem fil-qrib u tipprovdi lill-Kummissjoni Ewropea u l-pajjiżi tal-UE b’assistenza teknika u xjentifika biex tiġġieled it-tniġġis;
|
|
— |
tanalizza u xxerred informazzjoni dwar prattiċi tajba u għarfien;
|
|
— |
tikkoordina l-attivitajiet tagħha ma’ ftehimiet eżistenti ta’ kooperezzjoni reġjonali;
|
|
— |
tmantni s-Servizz Ewropew ta' Monitoraġġ taż-Żejt bis-Satellita (Cleanseanet), li jgħin biex jikxef it-tniġġis minn kmieni u jidentifika l-vapuri u l-installazzjonijiet responsabbli.
|
Il-pajjiżi kollha milqutin jitolbu l-assistenza tal-EMSA permezz tal-Mekkaniżmu ta’ Protezzjoni Ċivili tal-UE.
L-EMSA sejra tinkoraġġixxi wkoll lil pajjiżi li mhumiex fl-UE, li jaqsmu baċir tal-baħar reġjonali mal-UE biex jaqsmu l-informazzjoni dwar il-vapuri u tagħmir tagħhom u biex jipprovdu dettalji dwar il-mekkaniżmi u kapaċitajiet ta’ rispons tagħhom.
FINANZJAMENT
€160.5 miljun. L-EMSA tħallas għall-kuntratti għall-vapuri u t-tagħmir disponibbli għall-bżonn. Madankollu, il-pajjiżi milqutin iħallsu għall-ispejjeż tal-operazzjonijiet ta’ tindif fl-ilmijiet tagħhom.
META JAPPLIKA DAN IR-REGOLAMENT?
L-1 ta’ Jannar 2014 sal-31 ta’ Diċembru 2020.
SFOND
Ara l-websajt tal-EMSA.
REFERENZI
|
Att |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
|
Regolament (UE) Nru 911/2014 |
29.8.2014 |
- |
ATTI RELATATI
Regolament (KE) Nru 1406/2002 tal-Parlament Ewropew u tal-Kunsill tas-27 ta’ Ġunju 2002 li jistabbilixxi l-Aġenzija Marittima Ewropea tas-Sigurtà (ĠU L 208 tal-5.8.2002, p. 1-9).
Regolament (KE) Nru 724/2004 tal-Parlament Ewropew u tal-Kunsill tal-31 ta’ Marzu 2014 li jemenda r-Regolament (KE) Nru 1406/2002 li jistabbilixxi l-Aġenzija Marittima Ewropea tas-Sigurtà (ĠU L 129 tad-29.4.2004, p. 1-5).
Regolament (KE) Nru 100/2013 tal-Parlament Ewropew u tal-Kunsill tal-15 ta’ Jannar 2013 li jemenda r-Regolament (KE) Nru 1406/2002 li jistabbilixxi l-Aġenzija Marittima Ewropea tas-Sigurtà (ĠU L 39 tad-9.2.2013, p. 30-40).
Deċiżjoni Nru 1313/2013/EU tal-Parlament Ewropew u tal-Kunsill tas-17 ta’ Diċembru dwar Mekkaniżmu tal-Unjoni għall-Protezzjoni Ċivili (ĠU L 347 tal-20.12.2013, p. 924-947).
L-aħħar aġġornament: 08.12.2014