Konvenzjoni Doganali dwar it-trasport internazzjonali tal-merkanzija li taqa’ taħt il-arnets TIR (Konvenzjoni TIR)

 

SOMMARJU TA’:

Deċiżjoni 2009/477/KE li tippubblika t-test tal-Konvenzjoni Doganali dwar it-Trasport Internazzjonali ta’ oġġetti ta’ -merkanzija li jaqgħu taħt il-carnets TIR

X’INHU L-GĦAN TAD-DEĊIŻJONI?

• Is-Sistema TIR (Transports Internationaux Routiers, Trasport Internazzjonali bit-Triq) tippermetti intervt minimu mill-amminstrazzjonijiet doganali en route u tipprovdi aċċess relattivament sempliċi għall-garanziji meħtieġa.
• Id-deċiżjoni tikkonsolida t-test tal-Konvenzjoni Doganali dwar it-trasport internazzjonali tal-merkanzija li taqa’ taħt il-carnets TIR, li jinkorporaw l-emendi kollha għall-Konvenzjoni TIR oriġinali mill-pubblikazzjoni tagħha fl-1975.

PUNTI EWLENIN

Kull Stat Membru tal-Unjoni Ewropea (UE), u l-UE nnifisha, huwa parti kontraenti għall-Konvenzjoni TIR tal-1975. L-UE hija meqjusa bħala territorju uniku għall-iskopijiet TIR.

It-TIR jista’ jintuża biss fl-UE fejn il-moviment tal-merkanzijajibda jew jispiċċa f’pajjiż mhux tal-UE, jew fejn il-moviment intra-UE ta’ oġġetti jgħaddi minnpajjiż mhux tal-UE, u huwa:

• b’vettura tat-triq, kombinazzjoni ta’ vetturi jew kontejner, mingħajr ma jitgħabba mill-ġdid f’fażi intermedja;
• fi fruntiera waħda jew aktar bejn l-uffiċċju doganali tat-tluq u l-uffiċċju doganali tad-destinazzjoni;
• tal-inqas parzjalment bit-triq (is-sistema TIR tista’ tiġi sospiża għad-durata tal-parti li mhix bit-triq);
• ggarantita minn assoċjazzjonijiet awtorizzati; u
• koperta b’carnet TIR uffiċjali.

Prinċipji

Merkanzija li tinġarr taħt il-proċedura TIR:

• ma għandhiex tkun suġġetta għal taxxi tal-importazzjoni jew tal-esportazzjoni f’uffiċċji doganali en route;
• ma għndhiex normalment tiġi eżaminata minn uffiċċji doganali en route jekk tkun f’vetturi jew kontejners issiġġillati;
• tista’, madanakollu, tkun eżaminata f’każijiet eċċezzjonali biex jimpedixxu l-abbużi, partikolarment fejn l-awtoritajiet doganali jissuspettaw irregolaritajiet.

Carnets TIR

L-awtoritajiet doganali jew awtoritajiet kompetenti oħra jawtorizzaw l-assoċjazzjonijiet biex joħorġu carnets TIR u biex jaġixxu bħala garanti. L-assoċjazzjonijiet iridu:

• ikunu ilhom stabbiliti għal tal-inqas sena fil-pajjiż tal-ħruġ;
• ikollhom prova ta’ kapaċità finanzjarja sogħda u kapaċità biex iwettqu l-obbligi;
• ma jkunu wettqu l-ebda reat serju jew ripetut kontra l-leġiżlazzjoni tad-dwana jew tat-taxxa.

Carnet TIR jista’ jinħareġ biss lil individwi bi:

• esperjenza jew kapaċità ppruvata li jieħdu sehem fi trasport internazzjonali regolari;
• kapaċità finanzjarja sogħda;
• ebda reat serju jew ripetut kontra l-leġiżlazzjoni tad-dwana jew tat-taxxa;
• għarfien ippruvat tal-Konvenzjoni TIR.

Trasport ta’ merkanzija taħt carnet TIR

Il-merkanzija trid tkun trasportata biss f’vetturi jew kontejners awtorizzati li huma konformi ma’ rekwiżiti tal-kostruzzjoni u t-tagħmir. Il-partijiet jistgħu jirrifjutaw li jirrikonoxxu l-validità tal-approvazzjoni ta’ vetturi jew kontejners tat-triq li ma jkunux konformi ma’ dawn il-kundizzjonijiet, imma jridu jevitaw li jittardjaw it-traffiku minħabba difetti żgħar li ma jinvolvux riskju ta’ kuntrabandu.

Taħt il-proċedura TIR:

• m’hemm bżonn ebda dokument speċjali tad-dwana għall-importazzjoni temporanja ta’ vettura jew kontejner tat-triq;
• pjanċa rettangolari bil-kliem “TIR” trid tidher fuq quddiem u fuq wara;
• carnet TIR uniku jsir għal kull vettura jew kontejner (jew għal diversi kontejners mgħobbija fuq vettura tat-triq waħda jew fuq kombinazzjoni ta’ vetturi);
• carnets huma validi għal vjaġġ wieħed biss;
• trasport TIR jista’ jinvolvi sa tmien uffiċċji doganali tat-tluq u tad-destinazzjoni;
• l-awtoritajiet doganali tal-pajjiż tat-tluq iridu jkunu sodisfatti rigward il-preċiżjoni tal-manifest tal-merkanzija;
• f’uffiċċji doganali en route u fid-destinazzjoni, il-vettura tat-triq (u t-tagħbija tagħha) għandha tkun ippreżentata l-carnet TIR tagħha għal skopijiet ta’ kontroll;
• uffiċċji doganali normalment iridu jaċċettaw siġilli intatti applikati minn partijiet kuntraenti oħra, imma jistgħu jżidu s-siġilli tagħhom stess.

Awtoritajiet doganali ma jistgħux, ħlief f’każijiet speċjali, jitolbu li l-vetturi jkunu:

• akkumpanjati bi spejjeż għat-trasportaturi fuq it-territorju tal-pajjiż tagħhom; jew
• iċċekkjati en route.

Il-konvenzjoni tistabbilixxi proċeduri f’każ li s-siġilli tad-dwana jinkisru en route jew jekk il-merkanzija tinqered mingħajr ma jinkisru s-siġilli.

Kundizzjonijiet speċjali japplikaw għat-trasport ta’ merkanzija tqila jew goffa.

Irregolaritajiet

Għal kull ksur tal-konvenzjoni:

• it-trasgressur hu ħati għal penali preskritti mil-liġi tal-pajjiż fejn isir ir-reat;
• kull parti kontraenti għandha d-dritt li teskludi, temporanjament jew b’mod permanenti, kull persuna li hija ħatja għal reat serju jew reati ripetuti kontra l-liġijiet tad-dwana applikabbli għat-trasport internazzjonali tal-merkanzija.

MINN META TAPPLIKA D-DEĊIŻJONI?

Id-Deċiżjoni ilha tapplika mis-26 ta’ Ġunju 2009.

SFOND

Għal aktar informazzjoni, ara:

• X’nagħmlu — TIR (Unjoni tat-Trasport Internazzjonali tat-Triq)
• TIR (transports internationaux routiers, trasport internazzjonali bit-triq) (il-Kummissjoni Ewropea).

DOKUMENT PRINĊIPALI

Deċiżjoni tal-Kunsill 2009/477/KE tat-28 ta’ Mejju 2009 li tippubblika f’forma konsolidata t-test tal-Konvenzjoni Doganali dwar it-trasport internazzjonali ta’ oġġetti ta’ merkanzija li jaqgħu taħt il-carnets TIR (Konvenzjoni TIR) tal-14 ta’ Novembru 1975 kif emendata minn dik id-data ’l hawn (ĠU L 165, 26.6.2009, pp. 1-94).

Emendi suċċessivi għad-Deċiżjoni 2009/477/KE ġew inkorporati fit-test oriġinali. Din il-verżjoni konsolidata għandha valur dokumentarju biss.

DOKUMENTI RELATATI

Ir-Regolament ta’ Implimentazzjoni tal-Kummissjoni (UE) 2015/2447 tal-24 ta’ Novembru 2015 li jistabbilixxi regoli dettaljati għall-implimentazzjoni ta’ ċerti dispożizzjonijiet tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni (ĠU L 343, 29.12.2015, pp. 558-893).

Ara l-verżjoni konsolidata.

Ir-Regolament Delegat tal-Kummissjoni (UE) 2015/2446 tat-28 ta’ Lulju 2015 li jissupplimenta r-Regolament (UE) Nru 952/2013 tal-Parlament Ewropew u tal-Kunsill fir-rigward ta’ regoli dettaljati li jikkonċernaw uħud mid-dispożizzjonijiet tal-Kodiċi Doganali tal-Unjoni (ĠU L 343, 29.12.2015, pp. 1-557).

Ara l-verżjoni konsolidata.

Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (riformulazzjoni) (ĠU L 269, 10.10.2013, pp. 1-101).

Ara l-verżjoni konsolidata.

l-aħħar aġġornament 08.08.2022