EUR-Lex Access to European Union law
This document is an excerpt from the EUR-Lex website
Document 32008R0177
Reġistri kummerċjali għal għanijiet statistiċi
Din it-taqsira ġiet arkivjata u mhux se tkun aġġornata Ara
'L-istatistika Ewropea tan-negozju'
għall-informazzjoni aġġornata dwar is-suġġett.
- Datatal-aħħarreviżjoni:
- 07/11/2016
- Data tal-ħolqien inizjali:
- 14/09/2015
- Kodiċitat-taqsira:
-
- 19.99.00.00 Taqsiriet arkivjati
- EUROVOC descriptor:
- Kodiċi tad-direttorju:
- Dokument(i) mqassar/mqassra:
- Awtur:
- Uffiċċju tal-Pubblikazzjonijiet tal-Unjoni Ewropea
Reġistri kummerċjali għal għanijiet statistiċi
SOMMARJU TAD-DOKUMENT:
Regolament (KE) Nru 177/2008 — regoli standard għall-istatistiċi kummerċjali
X’INHU L-GĦAN TA' DAN IR-REGOLAMENT?
Huwa jirrevoka u jissostitwixxi r-Regolament (KEE) Nru 2186/93, dan ir-regolament jistabbilixxi regoli standard għar-reġistri kummerċjali statistiċi* f’kull pajjiż tal-Unjoni Ewropea (UE), sabiex jiżgura li dawn jikkompilaw data affidabbli u komparabbli li ser tgħin lill-istituzzjonijiet tal-UE janalizzaw l-attività kummerċjali fl-Ewropa.
PUNTI EWLENIN
Kull pajjiż tal-UE huwa meħtieġ jistabbilixxi mill-inqas reġistru kummerċjali tal-istatistika standardizzat wieħed li jinkludi l-unitajiet tal-istatistika li ġejjin:
- il-kumpaniji kollha li jikkontribwixxu għall-Prodott Gross Domestiku tal-pajjiż tal-UE fejn huma bbażati u l-unitajiet lokali tagħhom (bħal maħżen, fabbrika jew workshop),
- l-“unitajiet legali” (persuni, organizzazzjonijiet, eċċ.) li jikkostitwixxu unità tal-istatistika,
- gruppi multinazzjonali (jiġifieri dawk magħmula mill-inqas minn żewġ unitajiet legali li jinsabu f’pajjiżi differenti),
- l-unitajiet legali kollha ta’ grupp multinazzjonali li huma bbażati f’dak il-pajjiż,
- gruppi li huma bbażati għalkollox (il-kumpanniji kollha) f’dak il-pajjiż (“gruppi totalment residenti”).
Għal aktar dettalji dwar dawn l-unitajiet, u d-definizzjoni preċiża tagħhom, ara l-Anness fir-Regolament (KEE) Nru 696/93.
Obbligi nazzjonali
Kull pajjiż tal-UE jrid:
- jiżgura li r-reġistri kummerċjali tal-istatistika tiegħu jipprovdu data affidabbli, preċiża u aġġornata (u juri dan f’rapport jekk mitlub mill-uffiċċju tal-istatistika tal-UE, Eurostat)
- jaġġorna r-reġistri tiegħu mill-inqas darba fis-sena (entrati u tneħħijiet)
- iwettaq analiżi statistika bl-użu tad-data fir-reġistri tiegħu u jibgħatha lill-Kummissjoni.
Obbligi tal-Kummissjoni Ewropea
- Il-Kummissjoni Ewropea se tippubblika manwal ta’ rakkomandazzjonijiet tar-reġistri kummerċjali, għall-awtoritajiet nazzjonali, biex tispjega d-dettalji tar-regolament u kif għandu jiġi implimentat.
META JAPPLIKA R-REGOLAMENT?
Ilu japplika mill-25 ta’ Marzu 2008.
SFOND
Għal aktar informazzjoni, ara:
* TERMINI EWLENIN
Reġistri tal-kummerċ: databases użati biex jipproduċu statistika tal-kummerċ. Dawn ikun fihom listi ta' unitajiet ta' statistika li jiddeskrivu l-atturi relevanti kollha fl-ekonomija, eż., kumpaniji, korpi pubbliċi u mhux għal profitt. Huma jirreġistraw ukoll informazzjoni dwar bidliet fil-kompożizzjoni ta' dawn l-unitajiet (start-ups, għeluq jew kwalunkwe bidliet li jseħħu, pereżempju, minħabba mergers, takeovers jew ristrutturazzjoni), impjiegi, fatturat, eċċ
DOKUMENT EWLIENI
Regolament (KE) Nru 177/2008 tal-Parlament Ewropew u tal-Kunsill tal-20 ta’ Frar 2008 li jistabbilixxi qafas komuni għar-reġistri kummerċjali għall-finijiet ta’ l-istatistika u li jħassar ir-Regolament tal-Kunsill (KEE) Nru 2186/93 (ĠU L 61, 5.3.2008, p. 6-16)
DOKUMENTI RELATATI
Regolament tal-Kunsill (KEE) Nru 696/93 tal-15 ta' Marzu 1993 dwar l-unitajiet tal-istatistika għall-osservazzjoni u l-analiżi tas-sistema ta'-produzzjoni fil-Komunità (ĠU L 76, 30.3.1993, p. 1-11)
Emendi suċċessivi għar-Regolament (KEE) Nru 696/93 ġew inkorporati fit-test oriġinali. Din il-verżjoni konsolidata hija ta' valur dokumentarju biss.
Rapport tal-Kummissjoni lill-Parlament Ewropew u lill-Kunsill dwar l-implimentazzjoni tar-Regolament (KE) Nru 177/2008 tal-20 ta’ Frar 2008 li jistabbilixxi qafas komuni għar-reġistri kummerċjali għall-finijiet tal-istatistika u li jħassar ir-Regolament tal-Kunsill (KEE) Nru 2186/93 (COM(2015) 90 final tal-5.3.2015)
l-aħħar aġġornament 07.11.2016