Il-ġbir ta’ statistiċi mhux finanzjarji trimestrali għal gvern mill-pajjiżi tal-UE

 

SOMMARJU TAD-DOKUMENT:

Ir-Regolament (KE) Nru 1221/2002 dwar kontijiet mhux finanzjarji trimestrali għal gvern ġenerali

X’INHU L-GĦAN TAR-REGOLAMENT?

Dan jiddefinixxi l-kategoriji ewlenin tal-kontijiet mhux finanzjarji pubbliċi, kif stabbilit f’ESA 95, li l-uffiċċji tal-istatistika tal-pajjiżi tal-Unjoni Ewropea (UE) iridu jikkomunikaw lill-Kummissjoni Ewropea (l-Eurostat) kull 3 xhur.

PUNTI EWLENIN

• Id-data trimestrali tkopri kemm in-nefqa ta’ gvern ġenerali kif ukoll id-dħul.
• Skont l-Eurostat, gvern ġenerali jikkonsisti f’4 sottosetturi:
  • il-gvern ċentrali;
  • il-gvern tal-istat;
  • il-gvern lokali; u
  • il-fondi tas-sigurtà soċjali.
• Nefqa
  • konsum intermedju*;
  • formazzjoni grossa ta’ kapital*;
  • formazzjoni grossa tal-kapital fiss*;
  • kumpens tal-impjegati*;
  • taxxi oħra fuq il-produzzjoni;
  • sussidji;
  • introjtu mill-proprjetà;
  • imgħax;
  • taxxi fuq id-dħul u l-ġid;
  • trasferimenti soċjali* u oħrajn pprovduti lill-unitajiet domestiċi;
  • sovvenzjonijiet ta’ investimenti u trasferimenti kapitali oħrajn.
• Dħul:
  • output tas-suq (il-prodotti kollha disponuti fis-suq jew intiżi għad-disponiment fis-suq) u pagamenti oħrajn għal output tal-gvern;
  • taxxi: fuq il-produzzjoni u l-importazzjonijiet, fuq id-dħul u l-ġid, taxxi kapitali;
  • sussidji oħrajn fuq il-produzzjoni;
  • introjtu mill-proprjetà;
  • kontribuzzjonijiet soċjali attwali u imputati (fejn kontribuzzjonijiet “imputati” huma kontribuzzjonijiet soċjali li jitħallsu mill-impjegaturi f’isem l-impjegati tagħhom);
  • trasferimenti kurrenti oħrajn;
  • sovvenzjonijiet ta’ investimenti u trasferimenti kapitali oħrajn.
• L-ewwel data trimestrali trażmessa taħt din il-leġislazzjoni kopriet l-ewwel trimestru tal-2002. Ir-regoli ta’ tranżizzjoni qabel kienu bdew japplikaw mill-bidu tal-1999.
• Il-pajjiżi tal-UE iridu:
  • jwasslu d-data sa mhux aktar tard minn 3 xhur mit-tmiem tat-trimestru kkonċernat;
  • jinfurmaw lill-Eurostat dwar is-sorsi u l-metodi użati biex jiġbru d-data.
• Il-Kummissjoni trid:
  • tinforma lill-Kumitat tas-Sistema Ewropea tal-Istatistika u lill-Kumitat dwar l-Istatistika Monetarja, Finanzjarja u tal-Bilanċ tal-Pagamentis dwar is-sorsi u l-metodi nazzjonali;
  • tipproduċi rapport sa mhux aktar tard mill-31 ta’ Diċembru 2005 li jivvaluta l-affidabilità tad-data trimestrali nazzjonali.

META JAPPLIKA R-REGOLAMENT?

Dan ilu japplika mid-29 ta’ Lulju 2002.

SFOND

Is-sistema Ewropea tal-kontijiet nazzjonali u reġjonali, magħrufa bħala ESA 95 (issa ssostituta minn ESA 2010), tiġbor informazzjoni kumparabbli, aġġornata u affidabbli dwar l-istruttura u l-iżviluppi ta’ ekonomiji nazzjonali u reġjonali fl-UE.

* TERMINI EWLENIN

DOKUMENT EWLIENI

Ir-Regolament (KE) Nru 1221/2002 tal-Parlament Ewropew u tal-Kunsill tal-10 ta’ Ġunju 2002 dwar kontijiet mhux finanzjarji ta' kull tliet xhur tal-amministrazzjoni pubblika (ĠU L 179, 9.7.2002, pp. 1-5)

L-emendi suċċessivi għar-Regolament (KE) Nru 1221/2002 ġew inkorporati fit-test oriġinali. Din il-verżjoni konsolidata hija biss ta’ valur dokumentarju.

l-aħħar aġġornament 27.02.2017