Bejn l-1994 u l-2017, l-Unjoni Ewropea (UE), preċedentement il-Komunità Ewropea, ikkonkludiet ftehimiet ta’ kooperazzjoni ma’ sitt pajjiżi tal-Assoċjazzjoni tal-Asja tan-Nofsinhar għall-Kooperazzjoni Reġjonali: l-Afganistan, il-Bangladesh, l-Indja, in-Nepal, il-Pakistan u s-Sri Lanka. Il-ftehim man-Nepal m’għadux fis-seħħ.
Il-ftehimiet għandhom l-għan li jiżviluppaw ir-rabtiet ta’ kooperazzjoni bejn is-sħab, filwaqt li jiżguraw ir-rispett għad-drittijiet tal-bniedem u l-promozzjoni tal-prinċipji demokratiċi.
Id-deċiżjonijiet jikkonkludu l-ftehimiet f’isem l-UE.

PUNTI EWLENIN

L-għanijiet ta’ kooperazzjoni ewlenin jikkonċernaw:

il-kummerċ, bil-għan li jiżdied, jiġi ddiversifikat u liberalizzat. Il-partijiet qablu li jiftħu s-swieq rispettivi tagħhom u li jsaħħu l-kooperazzjoni tagħhom fi kwistjonijiet doganali skont il-prinċipji tal-Organizzazzjoni Dinjija tal-Kummerċ;
l-ekonomija, sabiex jittejbu l-ambjent tan-negozju, id-djalogu bejn in-negozji, l-iskambju ta’ informazzjoni, u t-taħriġ tal-intraprendituri;
l-iżvilupp sostenibbli, speċifikament għall-progress soċjali u l-ġlieda kontra l-faqar. L-UE għandha tappoġġa l-progress tas-sħab fl-oqsma tas-saħħa, l-edukazzjoni, it-titjib tal-livell tal-għajxien, u l-promozzjoni tar-rwol tan-nisa fis-soċjetà;
l-iżvilupp tar-riżorsi umani, tal-kwalifiki vokazzjonali u l-promozzjoni tal-istandards internazzjonali dwar xogħol deċenti;
l-iżvilupp rurali, iż-żieda fil-kummerċ tal-prodotti agrikoli, tas-sajd u tal-biedja, inkluż it-titjib tal-miżuri sanitarji u fitosanitarji.

Il-ftehimiet jipprovdu wkoll għanijiet speċifiċi skont il-ħtiġijiet differenti tal-pajjiż għal:

kooperazzjoni xjentifika u teknoloġika, li għandha twassal għal titjib fl-assistenza teknika mal-Pakistan u s-Sri Lanka, standards ta’ kwalità u kontroll għall-Bangladesh, u t-tnedija ta’ proġetti konġunti ta’ riċerka, il-mobilità tar-riċerkaturi, u l-iskambju ta’ informazzjoni xjentifika (b’mod partikolari fl-oqsma tal-bijoteknoloġija, il-materjali ġodda u l-ġeoxjenzi) mal-Indja;
ħarsien tal-ambjent, b’mod partikolari biex il-Pakistan ikun appoġġat fil-ġestjoni tar-riżorsi naturali, fl-erożjoni u fid-deforestazzjoni; il-Bangladesh għat-tnaqqis tar-riskji ta’ diżastri naturali; is-Sri Lanka għall-prevenzjoni tat-tniġġis industrijali, u l-Indja għall-abbozzar u l-implimentazzjoni ta’ leġiżlazzjoni ambjentali, riċerka u taħriġ;
titjib tal-ambjent għall-investiment privat mal-Indja u s-Sri Lanka;
żvilupp tal-industrija u s-servizzi mal-Indja u l-Pakistan;
protezzjoni tad-drittijiet tal-proprjetà intellettwali mal-Indja u s-Sri Lanka;
kooperazzjoni fl-oqsma tal-informazzjoni, il-kultura u l-komunikazzjonijiet mal-Pakistan u l-Bangladesh;
promozzjoni tas-settur tal-enerġija mal-Indja u l-Pakistan, filwaqt li tiġi rikonoxxuta l-importanza tas-settur tal-enerġija għall-iżvilupp ekonomiku u soċjali tagħhom;
ġlieda kontra t-traffikar tad-droga u l-ħasil tal-flus, b’mod partikolari mal-Pakistan u l-Bangladesh permezz ta’ miżuri speċjali kontra l-produzzjoni u t-traffikar tad-drogi, u anke l-prevenzjoni tal-abbuż tad-droga;
turiżmu mal-Indja, il-Pakistan u s-Sri Lanka, b’mod partikolari permezz ta’ studji u skambju ta’ informazzjoni;
promozzjoni tad-drittijiet tal-bniedem u l-ugwaljanza bejn is-sessi u l-involviment tas-soċjetà ċivili mal-Afganistan;
appoġġ għall-paċi u s-sigurtà mal-Afganistan.

DATA TAD-DĦUL FIS-SEĦĦ

Pajjiż	Dħul fis-seħħ
L-Afganistan	applikazzjoni provviżorja mill-1 ta’ Diċembru 2017
Il-Pakistan	l-1 ta’ Settembru 2004
Il-Bangladesh	l-1 ta’ Marzu 2001
Is-Sri Lanka	l-1 ta’ April 1995
L-Indja	l-1 ta’ Awwissu 1994

SFOND

Ara wkoll:

L-Afganistan u l-UE (Servizz Ewropew għall-Azzjoni Esterna — SEAE).
Il-Bangladesh u l-UE ( SEAE )
L-Indja u l-UE (SEAE)
Il-Pakistan u l-UE (SEAE)
Is-Sri Lanka u l-UE ( SEAE).

DOKUMENTI EWLENIN

Id-Deċiżjoni tal-Kunsill (UE) 2017/434 tat-13 ta’ Frar 2017 dwar l-iffirmar, f’isem l-Unjoni, u l-applikazzjoni provviżorja tal-Ftehim ta’ Kooperazzjoni dwar Sħubija u Żvilupp bejn l-Unjoni Ewropea u l-Istati Membri tagħha, minn naħa waħda, u r-Repubblika Iżlamika tal-Afganistan, min-naħa l-oħra (ĠU L 67, 14.3.2017, pp. 1-2)

Il-Ftehim ta’ Kooperazzjoni dwar Sħubija u Żvilupp bejn l-Unjoni Ewropea u l-Istati Membri tagħha, minn naħa waħda, u r-Repubblika Iżlamika tal-Afganistan, min-naħa l-oħra (ĠU L 67, 14.3.2017, pp. 3-30)

Id-Deċiżjoni tal-Kunsill 2004/870/KE tad-29 ta’ April 2004 dwar il-konklużjoni ta’ Ftehim għall-Kooperazzjoni bejn il-Komunità Ewropea u r-Repubblika Iżlamika tal-Pakistan(ĠU L 378, 23.12.2004, p. 22)

Il-Ftehim ta’ Kooperazzjoni għal sħubija u żvilupp bejn il-Komunità Ewropea u r-Repubblika Islamika tal-Pakistan (ĠU L 378, 23.12.2004, pp. 23-36)

Id-Deċiżjoni tal-Kunsill 2001/332/KE tad-26 ta’ Frar 2001 dwar il-konklużjoni tal-Ftehim ta’ Kooperazzjoni bejn il-Komunità Ewropea u l-Poplu tar-Repubblika tal-Bangladexx fuq sħubija u żvilupp (ĠU L 118, 27.4.2001, p. 47)

Il-Ftehim ta’ Koperazzjoni bejn il-Komunità Ewropea u r-Repubblika Popolari tal-Bangladexx dwar is-sħubija u l-iżvilupp (ĠU L 118, 27.4.2001, pp. 48-56)

Id-Deċiżjoni tal-Kunsill 95/129/KE tas-27 ta’ Marzu 1995 dwar il-konklużjoni tal-Ftehim ta’ Kooperazzjoni bejn il-Komunità Ewropea u r-Repubblika Demokratika Soċjalista tas-Sri Lanka dwar is-Sħubija u l-Iżvilupp (ĠU L 85, 19.4.1995, p. 32)

Il-Ftehim ta’ Koperazzjoni bejn il-Komunità Ewropea u r-Repubblika Demokratika Soċjalista ta’ Sri Lanka dwar is-sħubija u l-iżvilupp (ĠU L 85, 19.4.1995, pp. 33-42)

Id-Deċiżjoni tal-Kunsill 94/578/KE tas-18 ta’ Lulju 1994 dwar il-konklużjoni tal-Ftehim ta’ Kooperazzjoni bejn il-Komunità Ewropea u r-Repubblika tal-Indja dwar is-Sħubija u l-Iżvilupp (ĠU L 223, 27.8.1994, p. 23)

Il-Ftehim ta’ Koperazzjoni bejn il-Komunità Ewropea u r-Repubblika tal-Indja fuq is-sħubija u l-iżvilupp (ĠU L 223, 27.8.1994, pp. 24-34)

DOKUMENTI RELATATI

Avviż dwar l-applikazzjoni proviżorja tal-Ftehim ta’ Kooperazzjoni dwar Sħubija u Żvilupp bejn l-Unjoni Ewropea u l-Istati Membri tagħha, minn naħa waħda, u r-Repubblika Iżlamika tal-Afganistan, min-naħa l-oħra (ĠU L 273, 24.10.2017, p. 1)

l-aħħar aġġornament 06.04.2020

Fuq

Titolu u referenza