Ftehim Qafas dwar Sħubija u Kooperazzjoni Komprensivi bejn l-UE u l-Indoneżja

 

SOMMARJU TA’:

Ftehim Qafas dwar Sħubija u Kooperazzjoni Komprensivi bejn il-Komunità Ewropea u l-Istati Membri tagħha, minn naħa waħda, u l-Indoneżja, min-naħa l-oħra

Id-Deċiżjoni 2014/229/UE dwar l-iffirmar tal-ftehim qafas mal-Indoneżja

Id-Deċiżjoni 2014/230/UE dwar il-konklużjoni tal-ftehim qafas mal-Indoneżja, bl-eċċezzjoni ta’ kwistjonijiet relatati mar-riammissjoni

Id-Deċiżjoni 2014/231/UE dwar il-konklużjoni tal-ftehim qafas mal-proprjetarju, fir-rigward ta’ kwistjonijiet ta’ riammissjoni

X’INHU L-GĦAN TAL-FTEHIM U TAD-DEĊIŻJONIJIET?

Il-ftehim qafas għandu l-għan li:

• isaħħaħ is-sħubija bejn il-partijiet;
• japprofondixxi u jtejjeb il-kooperazzjoni dwar kwistjonijiet ta’ interess reċiproku filwaqt li jirrifletti valuri kondiviżi u prinċipji komuni.

Deċiżjoni 2014/229/UE tas-27 ta’ Ottubru 2009 li tawtorizza l-iffirmar tal-ftehim f’isem l-Unjoni Ewropea (UE).

Id-Deċiżjoni 2014/230/UE u d-Deċiżjoni 2014/231/UE kkonkludew il-ftehim f’isem l-UE.

PUNTI EWLENIN

Il-ftehim ikopri diversi oqsma ta’ kooperazzjoni:

• il-paċi u sigurtà, b’enfasi partikolari fuq il-ġlieda kontra:
  • il-proliferazzjoni u t-twassil ta’ armi ta’ qerda massiva,
  • it’terroriżmu;
• il-kooperazzjoni f’organizzazzjonijiet reġjonali u internazzjonali bħan-Nazzjonijiet Uniti, l-Assoċjazzjoni tan-Nazzjonijiet Uniti tal-Ażja tax-Xlokk u l-Organizzazzjoni Dinjija tal-Kummerċ;
• il-kooperazzjoni bilaterali u reġjonali;
• kwistjonijiet kummerċjali u ta’ investiment, inklużi:
  • l-iżvilupp kummerċjali u l-ostakli tekniċi għall-kummerċ,
  • il-protezzjoni tad-drittijiet tal-proprjetà intellettwali,
  • il-politika tal-kompetizzjoni;
• Il-ġustizzja, b’enfasi fuq diversi kwistjonijiet inkluż:
  • ġlieda kontra il-kriminaltà organizzata u l-korruzzjoni,
  • il-ġlieda kontra l-ħasil tal-flus,
  • id-drogi illeċiti;
• l-iżvilupp soċjoekonomiku, b’kooperazzjoni fuq kwistjonijiet bħal:
  • il-migrazzjoni,
  • id-drittijiet tal-bniedem,
  • is-saħħa,
  • l-ambjent u r-riżorsi naturali.

Kumitat konġunt, b’rappreżentanti taż-żewġ partijiet, jissorvelja l-implimentazzjoni tal-ftehim u t-twettiq tal-għanijiet tiegħu

DATA TAD-DĦUL FIS-SEĦĦ

Il-ftehim se jidħol fis-seħħ ladarba jiġi ratifikat mill-Istati Membri tal-UE u konkluż mill-UE u ratifikat mill-Indoneżja.

SFOND

Għal iktar informazzjoni, ara:

• Id-Delegazzjoni tal-UE għall-Indoneżja (Servizz Ewropew għall-Azzjoni Esterna)
• Relazzjonijiet kummerċjali tal-UE mal-Indoneżja (il-Kummissjoni Ewropea)

DOKUMENTI PRINĊIPALI

Ftehim Qafas dwar sħubija komprensiva u kooperazzjoni bejn il-Komunità Ewropea u l-Istati Membri tagħha, minn naħa waħda, u r-Repubblika tal-Indoneżja, min-naħa l-oħra (ĠU L 125, 26.4.2014, pp. 17–43).

Id-Deċiżjoni tal-Kunsill 2014/229/UE tas-27 ta’ Ottubru 2009 dwar l-iffirmar tal-Ftehim Qafas dwar Sħubija u Kooperazzjoni komprensivi bejn il-Komunità Ewropea u l-Istati Membri tagħha, minn naħa waħda, u r-Repubblika tal-Indoneżja, min-naħa l-oħra (ĠU L 125, 26.4.2014, p. 16).

Id-Deċiżjoni tal-Kunsill 2014/230/UE tal-14 ta’ April 2014 dwar il-konklużjoni tal-Ftehim Qafas dwar Sħubija u Kooperazzjoni Komprensivi bejn il-Komunità Ewropea u l-Istati Membri tagħha, minn naħa waħda, u r-Repubblika tal-Indoneżja, min-naħa l-oħra, bl-eċċezzjoni ta’ kwistjonijiet relatati mar-riammissjoni (ĠU L 125, 26.4.2014, pp. 44–45).

Id-Deċiżjoni tal-Kunsill 2014/231/UE tal-14 ta’ April 2014 dwar il-konklużjoni tal-Ftehim Qafas dwar Sħubija u Kooperazzjoni Komprensivi bejn il-Komunità Ewropea u l-Istati Membri tagħha, minn naħa waħda, u r-Repubblika tal-Indoneżja, min-naħa l-oħra, fir-rigward ta’ kwistjonijiet ta’ riammissjoni (ĠU L 125, 26.4.2014, pp. 46–47).

l-aħħar aġġornament 28.09.2023