Il-Kunsill tal-Unjoni Ewropea

 

SOMMARJU TA:

Artikolu 16 tat-Trattat dwar l-Unjoni Ewropea

Artikoli 237 tat-Trattat dwar il-Funzjonament tal-Unjoni Ewropea

Artikoli 238 tat-Trattat dwar il-Funzjonament tal-Unjoni Ewropea

Artikoli 239 tat-Trattat dwar il-Funzjonament tal-Unjoni Ewropea

Artikoli 240 tat-Trattat dwar il-Funzjonament tal-Unjoni Ewropea

Artikoli 241 tat-Trattat dwar il-Funzjonament tal-Unjoni Ewropea

Artikoli 242 tat-Trattat dwar il-Funzjonament tal-Unjoni Ewropea

Artikoli 243 tat-Trattat dwar il-Funzjonament tal-Unjoni Ewropea

X’INHU L-GĦAN TAL-ARTIKOLI?

Huma jistabbilixxu r-rwol, il-kompożizzjoni u l-funzjonament tal-Kunsill tal-Unjoni Ewropea, li jirrappreżenta l-gvernijiet tal-pajjiżi tal-UE.

PUNTI EWLENIN

Rwol

• 1.

  Jinnegozja u jadotta liġijiet tal-UE, ġeneralment flimkien mal-Parlament Ewropew, abbażi tal-proposti mill-Kummissjoni Ewropea.

• 2.

  Jikkoordina l-politiki tal-pajjiżi tal-UE.

• 3.

  Jiżviluppa l-politika estera u ta’ sigurtà tal-UE, abbażi tal-linji gwida tal-Kunsill Ewropew.

• 4.

  Jikkonkludi ftehimiet bejn l-UE u pajjiżi jew organizzazzjonijiet internazzjonali oħra.

• 5.

  Jadotta l-baġit annwali tal-UE b’mod konġunt mal-Parlament Ewropew.

Kompożizzjoni

• M’hemm l-ebda membru tal-Kunsill li huwa fiss.
• Il-Kunsill jiltaqa’ f’10 konfigurazzjonijiet differenti, kull waħda tikkorrispondi għall-qasam ta’ politika li qed jiġi diskuss. Skont il-konfigurazzjoni, kull pajjiż jibgħat il-ministru tiegħu responsabbli għal dak il-qasam ta’ politika.
• Il-Kunsill Affarijiet Barranin għandu president permanenti — ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà. Il-laqgħat l-oħra kollha tal-Kunsill jiġu ppreseduti mill-ministru rilevanti tal-pajjiż li għandu l-presidenza tal-UE b’rotazzjoni.
• Il-Kunsill Affarijiet Ġenerali huwa responsabbli sabiex jiżgura konsistenza fil-ħidma tal-konfigurazzjonijiet differenti tal-Kunsill u sabiex iħejji għal-laqgħat tal-Kunsill Ewropew.

Voti

• Id-diskussjonijiet u l-voti kollha fil-Kunsill isiru fil-pubbliku.
• F’ħafna każijiet, il-Kunsill jiddeċiedi skont maġġoranza kwalifikata. Dan ifisser li, bħala regola ġenerali, biex deċiżjoni tgħaddi:
  • 55% tal-pajjiżi (bi 28 membru, għalhekk 16-il pajjiż);
  • li jirrappreżentaw mill-inqas 65% tal-popolazzjoni sħiħa tal-UE jivvotaw favur.
• Biex tiġi blokkata deċiżjoni, mill-inqas huma meħtieġa pajjiżi (li jirrappreżentaw mill-inqas 35% tal-popolazzjoni sħiħa tal-UE).
• Għal ċerti temi sensittivi, bħall-politika estera u t-tassazzjoni, il-Kunsill jiddeċiedi b’unanimità.
• Maġġoranza sempliċi tal-pajjiżi se tkun biżżejjed għal kwistjonijiet proċedurali u amministrattivi.

SFOND

Għal aktar informazzjoni, ara:

• Kunsill tal-Unjoni Ewropea (Kunsill).

DOKUMENTI PRINĊIPALI

Verżjoni konsolidata tat-Trattat tal-Unjoni Ewropea — Titolu III — Dispożizzjonijiet dwar l-istituzzjonijiet — Artikolu 16 (ĠU C 202, 7.6.2016, p. 24)

Verżjoni konsolidata tat-Trattat dwar il-Funzjonament tal-Unjoni Ewropea — Is-Sitt Parti — Dispożizzjonijiet istituzzjonali u finanzjarji — Titolu I — Dispożizzjonijiet istituzzjonali — Kapitolu 1 — L-istituzzjonijiet — Sezzjoni 3 — Il-Kunsill — Artikolu 237 (ĠU C 202, 7.6.2016, p. 153)

Verżjoni konsolidata tat-Trattat dwar il-Funzjonament tal-Unjoni Ewropea — Is-Sitt Parti — Dispożizzjonijiet istituzzjonali u finanzjarji — Titolu I — Dispożizzjonijiet istituzzjonali — Kapitolu 1 — L-istituzzjonijiet — Sezzjoni 3 — Il-Kunsill — Artikolu 238 (ĠU C 202, 7.6.2016, p. 153-154)

Verżjoni konsolidata tat-Trattat dwar il-Funzjonament tal-Unjoni Ewropea — Is-Sitt Parti — Dispożizzjonijiet istituzzjonali u finanzjarji — Titolu I — Dispożizzjonijiet istituzzjonali — Kapitolu 1 — L-istituzzjonijiet — Sezzjoni 3 — Il-Kunsill — Artikolu 239 (ĠU C 202, 7.6.2016, p. 154)

Verżjoni konsolidata tat-Trattat dwar il-Funzjonament tal-Unjoni Ewropea — Is-Sitt Parti — Dispożizzjonijiet istituzzjonali u finanzjarji — Titolu I — Dispożizzjonijiet istituzzjonali — Kapitolu 1 — L-istituzzjonijiet — Sezzjoni 3 — Il-Kunsill — Artikolu 240 (ĠU C 202, 7.6.2016, p. 154)

Verżjoni konsolidata tat-Trattat dwar il-Funzjonament tal-Unjoni Ewropea — Is-Sitt Parti — Dispożizzjonijiet istituzzjonali u finanzjarji — Titolu I — Dispożizzjonijiet istituzzjonali — Kapitolu 1 — L-istituzzjonijiet — Sezzjoni 3 — Il-Kunsill — Artikolu 241 (ĠU C 202, 7.6.2016, p. 155)

Verżjoni kkonsolidata tat-Trattat dwar il-Funzjonament tal-Unjoni Ewropea — Is-Sitt Parti — Instituzzjonijiet u dispożizzjonijiet finanzjarji — Titolu I — Dispożizzjonijiet istituzzjonali — Kapitolu 1 — L-istituzzjonijiet — Sezzjoni 3 — Il-Kunsill— Artikolu 242 (ĠU C 202, 7.6.2016, p. 155)

Verżjoni konsolidata tat-Trattat dwar il-Funzjonament tal-Unjoni Ewropea — Is-Sitt Parti — Dispożizzjonijiet istituzzjonali u finanzjarji — Titolu I — Dispożizzjonijiet istituzzjonali — Kapitolu 1 — L-istituzzjonijiet — Sezzjoni 3 — Il-Kunsill — Artikolu 243 (ĠU C 202, 7.6.2016, p. 155)

l-aħħar aġġornament 11.12.2017