Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2007/190/06

Notifika minn qabel ta' konċentrazzjoni (Każ COMP/M.4760 — Amadeus/Sabre/JV) — Każ li jista' jiġi kkunsidrat għall-proċedura simplifikata Test b'relevanza għaż-ŻEE

ĠU C 190, 15.8.2007, p. 9–9 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

15.8.2007   

MT

Il-Ġurnal Uffiċjali ta’ l-Unjoni Ewropea

C 190/9

Notifika minn qabel ta' konċentrazzjoni

(Każ COMP/M.4760 — Amadeus/Sabre/JV)

Każ li jista' jiġi kkunsidrat għall-proċedura simplifikata

(Test b'rilevanza għaż-ŻEE)

(2007/C 190/06)

1.

Fis-7 ta' Awwissu 2007, il-Kummissjoni rċeviet notifika ta' konċentrazzjoni proposta skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Amadeus IT Group, S.A. (“Amadeus”, ta' Spanja) u Sabre Inc. (“Sabre”, ta' l-Istati Uniti) jakkwistaw, skond it-tifsira ta' l-Artikolu 3(1)(b) tar-Regolament tal-Kunsill, il-kontroll konġunt ta' l-impriża Moneydirect (li għandha tkun imwaqqfa fl-Irlanda) permezz tax-xiri ta' ishma f'kumpanija mwaqqfa ġdida li tikkostitwixxi negozju bi sħab.

2.

L-attivitajiet kummerċjali ta' l-impriżi kkonċernati huma:

—

għall-Amadeus: Id-distribuzzjoni u l-bejgħ ta' servizzi ta' l-ivvjaġġar permezz ta' Sistema Globali ta' Distribuzzjoni (“GDS”), servizzi ta' IT lill-industrija tat-trasport bl-ajru;

—

għal Sabre: id-distribuzzjoni u l-bejgħ ta' servizzi ta' l-ivvjaġġar permezz ta' GDS, aġenzija ta' l-ivvjaġġar fuq l-internet, servizzi ta' ġestjoni, prodotti ta' software u servizzi ta' konsultazzjoni lill-industrija tat-trasport bl-ajru;

—

Għal Moneydirect: il-forniment ta' servizzi ta' ipproċessar ta' pagamenti u ta' clearing għall-industrija ta' l-ivvjaġġar.

3.

Wara analiżi preliminari, il-Kummissjoni ssib li l-konċentrazzjoni notifikata tista' taqa' fl-ambitu tar-Regolament (KE) Nru 139/2004. Madanakollu, id-deċiżjoni finali dwar dan il-punt hi riżervata. Skond l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) għandu jiġi nnutat li dan il-każ jista' jiġi kkunsidrat għal trattament skond il-proċedura stabbilita fin-Notifika.

4.

Il-Kummissjoni tistieden lil terzi interessati sabiex iressqulha l-kummenti li jista' jkollhom dwar l-operazzjoni proposta.

Dawn il-kummenti jridu jaslu għand il-Kummissjoni mhux aktar tard minn 10 ijiem wara d-data ta' din il-pubblikazzjoni. L-osservazzjonijiet jistgħu jintbagħtu lill-Kummissjoni bil-faks (faks Nru (32-2) 296 43 01 jew 296 72 44) jew bil-posta, taħt in-numru ta' referenza COMP/M.4760 — Amadeus/Sabre/JV, fl-indirizz li ġej:

Il-Kummissjoni Ewropea

Id-Direttorat Ġenerali għall-Kompetizzjoni

Reġistru ta' l-Amalgamazzjonijiet

J-70

B-1049 Brussell

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.

Top