27.5.2015   

MT

Il-Ġurnal Uffiċjali tal-Unjoni Ewropea

C 172/13

1.

is-setturi kulturali u kreattivi huma sors ta’ valur kulturali u ekonomiku. F’dawn l-aħħar snin twettqet ħidma sinifikanti biex is-setturi kulturali u kreattivi jiġu stabbiliti bħala parti integrali tas-soċjetà u l-ekonomija tal-Ewropa u bħala sors ta’ tkabbir, impjiegi u prosperità. Madankollu, il-kontribut usa’ tagħhom għadu ma ġiex rikonoxxut kompletament, b’mod partikolari f’termini tal-potenzjal tal-kultura u tal-kreattività artistika li jwasslu għall-innovazzjoni f’setturi oħra tal-ekonomija, fis-soċjetà b’mod ġenerali, u għall-ġid tal-individwi;

2.

il-kollegamenti bejn is-setturi kulturali u kreattivi u setturi oħra jistgħu jinftehmu bħala proċess li jgħaqqad l-għarfien u l-ħiliet speċifiċi għas-setturi kulturali u kreattivi flimkien ma’ dawk ta’ setturi oħra sabiex jiġu ġenerati soluzzjonijiet innovattivi u intelliġenti għall-isfidi soċjetali tal-lum;

3.

kollegamenti kulturali u kreattivi jistgħu jkunu ta’ benefiċċju reċiproku għas-setturi kollha involuti jekk is-setturi jipparteċipaw b’mod ugwali;

4.

kollegamenti kulturali u kreattivi ma’ setturi oħra jistgħu jwasslu għal firxa wiesgħa ta’ benefiċċji (1), inkluż:

5.

hemm nuqqas ta’ sensibilizzazzjoni dwar il-potenzjal li jirriżulta mill-għaqda tal-arti, il-kultura u l-kreattività mat-teknoloġija, ix-xjenza u n-negozju, kif ukoll skambju insuffiċjenti ta’ prattiki tajba. B’mod partikolari, l-effett katalitiku tal-kultura u l-arti fuq l-innovazzjoni fis-setturi kollha għadu sottovalutat u b’hekk mhux użat biżżejjed;

6.

Il-kollegamenti jseħħu fl-intersezzjonijiet ta’ setturi differenti. Madankollu, is-setturi u l-politiki ta’ spiss għadhom qed jiġu organizzati f’kompartimenti separati, u b’hekk qed jiġi limitat l-ambitu għal sinerġiji u l-feġġ ta’ soluzzjonijiet innovattivi. Sabiex tingħeleb il-mentalità tal-organizzazzjoni f’kompartimenti u biex jiġu promossi l-kollegamenti, hemm bżonn ta’ approċċ strateġiku komprensiv li jinvolvi l-atturi kollha mil-livell lokali sal-livell tal-UE;

7.

hemm ħtieġa għal data affidabbli u komparabbli dwar il-kollegamenti kulturali u kreattivi li tippermetti il-qbid u l-analiżi tal-kontribut tagħhom għall-ekonomija ġenerali u l-impatt tagħhom fuq is-soċjetà usà fil-livelli kollha;

8.

l-iżvilupp ta’ ħiliet kreattivi u ħsieb kritiku matul l-edukazzjoni formali u mhux formali u t-tagħlim informali jippermetti lill-individwi jilħqu aħjar il-ħtiġijiet ta’ soċjetà dejjem aktar diversa u bbażata fuq l-għarfien kif ukoll ta’ suq tax-xogħol impenjattiv u li jinbidel rapidament;

9.

Is-Suq Uniku Diġitali tal-Ewropa għandu jinkoraġġixxi l-ħolqien u ċ-ċirkolazzjoni ta’ kontenut ta’ kwalità li jiddependi mid-diversità kulturali u lingwistika tal-Ewropa u jipprovdi qafas bilanċjat ta’ drittijiet u dmirijiet fil-katina tal-valur kollha;

10.

l-investimenti fis-setturi kulturali u dawk kreattivi huma ta’ spiss meqjusa bħala riskjużi u volatili minħabba li huma bbażati fuq assi intanġibbli. Għaldaqstant hemm ħtieġa għal strumenti innovattivi finanzjarji speċifikament immirati għas-setturi kulturali u kreattivi li ser isaħħu l-kapaċità tagħhom biex jipparteċipaw f’kollaborazzjoni transettorjali, inkluż fil-livell internazzjonali;

11.

iqajmu s-sensibilizzazzjoni tal-partijiet ikkoċernati kollha, b’mod partikolari dawk li jfasslu l-politika, il-professjonisti kreattivi, l-industriji, in-negozji u l-investituri, dwar il-valur kulturali, ekonomiku u soċjetali tal-kreattività u l-innovazzjoni permezz ta’ kooperazzjoni transsettorjali. Għal dan il-għan, huwa importanti li jiġi inkoraġġut it-tixrid wiesa’ ta’ informazzjoni dwar il-prattiki tajba, ir-riżultati, u l-lezzjonijiet meħuda mill-kollaborazzjoni transsettorjali, kif ukoll in-netwerking ta’ esperti u t-tagħlim bejn il-pari;

12.

jegħlbu l-mentalità tal-organizzazzjoni li ma jikkondividux l-informazzjoni (silo) f’oqsma ta’ politika tradizzjonali permezz tal-integrazzoni mtejba tal-kultura u l-kreattività artistika fl-istrateġiji għat-tkabbir ekonomiku, il-politiki soċjali, l-iżvilupp urban u reġjonali, u l-iżvilupp sostenibbli;

13.

ikomplu l-immappjar ta’ politiki eżistenti u ta’ tendenzi relatati ma’ kollegamenti kulturali u kreattivi u t-titjib tal-ġbir ta’ data sabiex jissaħħaħ it-tfassil ta’ politika bbażata fuq l-evidenza. Dan jimplika l-iżvilupp ta’ metodoloġiji ġodda biex jiġu mkejla l-kollegamenti kulturali u kreattivi ma’ industriji oħra sabiex il-kontribut innovattiv tagħhom jinqabad aħjar, jinfiehem l-impatt usa’ tagħhom;

14.

jippromwovu ekosistemi kreattivi u ambjenti multidixxiplinari għas-setturi kulturali u kreattivi permezz ta’ strutturi bħal ċentri għall-innovazzjoni u n-negozju, aċċeleraturi għall-bidu ta’ negozju, inkubaturi, ċentri kreattivi, spazji għal ħidma konġunta u programmi ta’ netwerking;

15.

jippromwovu raggruppamenti u netwerks kulturali u kreattivi transettorjali fil-livell nazzjonali, Ewropew u internazzjonali sabiex tingħata spinta lill-esportazzjonijiet kulturali u kreattivi u jittejjeb l-aċċess għal swieq ġodda;

16.

jinkoraġġixxu l-użu tal-innovazzjoni mhux teknoloġika, soċjali u ta’ servizz f’industriji tradizzjonali pereżempju bl-introduzzjoni ta’ approċċ tal-mentalità tad-disinn (2) u l-kreattività bbażata fuq il-kultura f’dawn l-industriji;

17.

jinkoraġġixxu s-setturi kulturali u kreattivi biex jibbenefikaw mill-opportunitajiet tas-Suq Uniku Diġitali futur;

18.

jinkoraġġixxu l-kollegamenti kulturali u kreattivi fil-livell lokali u dak reġjonali, jekk possibbli abbażi ta’ inizjattivi eżistenti, f’kooperazzjoni mill-qrib mal-operaturi lokali, l-NGOs, l-organizzazzjonijiet u n-negozji. Il-ħolqien ta’ raggruppamenti multidixxiplinari bl-involviment attiv tal-awtoritajiet lokali u reġjonali jista’ jiġi kkunsidrat ukoll;

19.

jappoġġaw inizjattivi li jinkoraġġixxu attivitajiet konġunti ta’ sostenn għas-setturi kulturali u kreattivi sabiex jingħelbu silos settorjali u jiġu żviluppati approċċi srateġiċi komprensivi;

20.

jinkoraġġixxu l-użu tal-approċċ ta’ mentalità tad-disinn fis-settur pubbliku waqt l-indirizzar ta’ kwistjonijiet kumplessi u l-iżvilupp ta’ servizzi effiċjenti u ċċentrati fuq l-utent (3);

21.

jippromwovu kondizzjonijiet favorevoli għas-setturi kulturali u kreattivi biex ikomplu jiżviluppaw il-potenzjal tagħhom fil-kuntest ta’ sħubijiet transettorjali, inkluż bil-konsiderazzjoni tar-rakkomandazzjonijiet tal-Alleanza tal-Industriji Kreattivi Ewropej (4), permezz ta’ miżuri adatti li jinkludu:

22.

il-promozzjoni tal-iżvilupp ta’ ħiliet trasversali bħall-kreattività, is-sensibilizzazzjoni kulturali, u l-intraprenditorija fl-edukazzjoni formali u t-tagħlim mhux formali. Jinkoraġġixxu, fejn adatt, approċċi transettorjali bejn oqsma differenti fi ħdan l-istituzzjonijiet ta’ edukazzjoni ogħla, pereżempju permezz ta’ programmi konġunti bejn l-arti u l-kultura, ix-xjenza, l-inġinerija, it-teknoloġija, in-negozju u oqsma rilevanti oħra;

23.

tiżviluppa approċċ strateġiku komprensiv biex tingħata spinta lill-kompetittività u l-iżvilupp tal-industriji kulturali u kreattivi, filwaqt li jiġi enfasizzat ir-rwol tagħhom fil-proċess ġenerali tal-innovazzjoni fl-industriji kollha;

24.

tfassal u xxerred aħjar l-informazzjoni dwar il-programmi u l-fondi eżistenti tal-UE għas-setturi kulturali u kreattivi biex jiġu rinfurzati l-kollegamenti ma’ oqsma oħra ta’ politika;

25.

tikkunsidra l-użu ta’ finanzjament eżistenti disponibbli taħt programmi tal-UE, bħall-Orizzont 2020, il-Faċilità Nikkollegaw l-Ewropa, COSME, Erasmus+ u Ewropa Kreattiva, għal proġetti ta’ kollegamenti mmirati, pereżempju, lejn:

u tipproċedi mingħajr dewmien bl-azzjonijiet preparatorji meħtieġa biex tniedi l-Faċilità ta’ Garanzija għas-Setturi Kulturali u Kreattivi (8) fl-2016;

26.

tkompli l-ħidma mibdija mis-servizzi tagħha bħall-Eurostat u ċ-Ċentru Konġunt tar-Riċerka, biex jiġu prodotti informazzjoni u data dwar il-kontribut tal-kollegamenti kulturali u kreattivi għal setturi ekonomiċi u oqsma ta’ politika oħra, kif ukoll għat-tkabbir b’mod ġenerali.

27.

jittieħed kont ta’ dawn il-konklużjonijiet fl-2018. L-għan tal-eżerċizzju ta’ teħid ta’ kont ser ikun biex jiġi evalwat il-progress imwettaq mill-Istati Membri u l-Kummissjoni fis-segwitu għall-konklużjonijiet (9). L-Istati Membri għandhom jiġu kkonsultati dwar il-forma u l-ambitu tal-eżerċizzju, li għandu jkun ħafif u utli.