This document is an excerpt from the EUR-Lex website
Document 52014DC0554
REPORT FROM THE COMMISSION TO THE EUROPEAN PARLIAMENT AND THE COUNCIL on the implementation of Council Framework Decision 2008/919/JHA of 28 November 2008 amending Framework Decision 2002/475/JHA on combating terrorism
RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-implimentazzjoni tad-Deċjoni Kwadru tal-Kunsill 2008/919/ĠAI tat-28 ta' Novembru 2008 li temenda d-Deċiżjoni Kwadru 2002/475/ĠAI dwar il-ġlieda kontra t-terroriżmu
RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-implimentazzjoni tad-Deċjoni Kwadru tal-Kunsill 2008/919/ĠAI tat-28 ta' Novembru 2008 li temenda d-Deċiżjoni Kwadru 2002/475/ĠAI dwar il-ġlieda kontra t-terroriżmu
/* COM/2014/0554 final */
RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-implimentazzjoni tad-Deċjoni Kwadru tal-Kunsill 2008/919/ĠAI tat-28 ta' Novembru 2008 li temenda d-Deċiżjoni Kwadru 2002/475/ĠAI dwar il-ġlieda kontra t-terroriżmu /* COM/2014/0554 final */
WERREJ 1............ Introduzzjoni 3 1.1......... Sfond. 3 1.2......... L-elementi
prinċipali u l-għan tad-Deċiżjoni Kwadru tal-2008. 3 1.3......... L-ambitu tar-rapport ta’
implimentazzjoni 4 2............ Traspożizzjoni
mill-Istati Membri 5 2.1......... Il-kriminalizzazzjoni
tar-reati l-ġodda ta’ provokazzjoni pubblika, reklutaġġ u
taħriġ għat-terroriżmu 5 2.1.1...... Provokazzjoni pubblika. 5 2.1.2...... Reklutaġġ
għat-terroriżmu. 7 2.1.3...... Taħriġ
għat-terroriżmu. 8 2.2......... Reati anċillari 9 2.2.1...... Għajnuna u Assistenza. 9 2.2.2...... Tentattivi 9 2.3......... Pieni għall-persuni
fiżiċi 10 3............ Rimarki
tal-għeluq. 10 RAPPORT
TAL-KUMMISSJONI LILL-PARLAMENT EWROPEW U LILL-KUNSILL dwar l-implimentazzjoni
tad-Deċiżjoni Kwadru tal-Kunsill 2008/919/ĠAI
tat-28 Novembru 2008 li temenda d-Deċiżjoni Kwadru
2002/475/ĠAI dwar il-ġlieda kontra t-terroriżmu
1.
Introduzzjoni
1.1.
Sfond
Id-Deċiżjoni
Kwadru 2002/475/ĠAI dwar il-ġlieda kontra t-terroriżmu
(“DK 2002[1]”)
pprovdiet bażi għall-approssimazzjoni tad-dispożizzjonijiet
tal-liġi kriminali dwar reati terroristiċi. B’reazzjoni
għat-theddidiet li qed jevolvu ta' radikalizzazzjoni, reklutaġġ
u terroriżmu, id-Deċiżjoni Kwadru 2008/919/ĠAI
(“DK 2008”[2])
daħħlet reati ġodda ta’ provokazzjoni pubblika,
reklutaġġ u taħriġ għat-terroriżmu. Reati
terroristiċi simili kienu diġà ġew introdotti mill-Konvenzjoni
tal-Kunsill tal-Ewropa tal-2005, dwar il-Prevenzjoni tat-Terroriżmu. Barra
minn hekk, in-NU kienet sejħet lill-Istati sabiex jesploraw modi u mezzi
għall-ġlieda kontra l-inċitament għal atti ta’
terroriżmu kif ukoll kontra manifestazzjonijiet tat-terroriżmu fuq
l-internet.[3]
L-Istati Membri kienu
obbligati jadottaw u jinnotifikaw il-miżuri ta’ implimentazzjoni sad-9 ta’ Diċembru 2010.
Il-Kummissjoni kellha tħejji rapport ibbażat fuq din l-informazzjoni.
Il-Kunsill kellu mbagħad, sad-9 ta’ Diċembru 2011,
jivvaluta jekk l-Istati Membri kinux ħadu l-miżuri meħtieġa
biex jikkonformaw mad-DK 2008. [4]
Mill-1 ta' Diċembru 2014, il-Kummissjoni se jkollha
l-kompetenza li tivvaluta l-konformità tal-Istati Membri u jekk ikun
meħtieġ tniedi proċeduri ta' ksur.
1.2.
L-elementi prinċipali u l-għan
tad-Deċiżjoni Kwadru tal-2008
Id-DK 2008
stabbiliti tliet reati ġodda marbuta mat-terroriżmu, jiġifieri
“il-provokazzjoni pubblika sabiex jitwettaq reat terroristiku”,
“ir-reklutaġġ għat-terroriżmu” u “it-taħriġ
għat-terroriżmu”[5].
L-Istati Membri huma meħtieġa jikkriminalizzaw l-għajnuna u
t-tħeġġiġ tar-reati l-ġodda[6].
Il-kriminalizzazzjoni ta’ tentattivi ta’ reklutaġġ u taħriġ
għat-terroriżmu hija fakultattiva[7].
Id-DK 2008
għandha l-għan li tnaqqas it-tixrid ta’ messaġġi u materjal
li jistgħu jinċitaw persuni biex iwettqu attakki terrroristiċi[8] u li
tadatta l-leġislazzjoni attwali għall-bidliet fil-modus operandi
tal-attivisti terroristiċi u ta' dawk li jsostnuhom. Dawn jinkludu, b’mod
partikolari, il-bdil ta’ gruppi strutturati u ġerakiċi b'ċelloli
semiawtonomi jew atturi solitarji u ż-żieda fl-użu tal-internet
għall-ispirizzjoni, il-mobilizzazzjoni, l-ordnijiet u t-taħriġ
ta' netwerks u individwi terroristiċi lokali[9].
Id-dispożizzjonijiet fis-seħħ għall-implimentazzjoni
tad-DK 2002 tqiesu insuffiċjenti peress li aġir bħat-tixrid
ta’ messaġġi ta’ provokazzjoni pubblika li fil-fatt ma jinċitawx
persuna partikolari biex twettaq reat terroristiku, it-tixrid ta’
messaġġi li jħeġġu lin-nies biex isiru terroristi
mingħajr referenza għal reat terroristiku speċifiku, jew
it-tixrid fuq l-internet ta' għarfien espert terroristiku mhux immirat
biex isostni attivitajiet ta’ grupp terroristiku speċifiku, ma kinux
neċessarjament kriminalizzati. Id-DK 2008 tfasslet biex timla dan
il-vojt, biex tippromwovi l-infurzar tal-liġi u biex ittejjeb
il-kooperazzjoni ġudizzjarja u tal-pulizija. L-Artikolu 2
tad-DK 2008 jiċċara li mhux se jkollha l-effett li l-Istati
Membri jkunu meħtieġa jieħdu miżuri f’kontradizzjoni ma’ inter
alia prinċipji fundamentali relatati mal-libertà tal-espressjoni.
L-Artikolu 3(1) jfakkar lill-Istati Membri fil-ħtieġa li
jiżguraw li l-kriminalizzazzjoni tkun proporzjonali għall-miri
leġittimi segwiti u meħtieġa f’soċjetà demokratika,
bl-esklużjoni ta’ kull forma ta’ arbitrarjetà jew diskriminazzjoni. Dawn
id-dispożizzjonijiet jirriflettu s-salvagwardji fl-Artikolu 12
tal-Konvenzjoni tal-Kunsill tal-Ewropa. Barra minn hekk, ir-reati l-ġodda
mhumiex intenzjonati li jinkludu t-tixrid ta’ materjal għal skopijiet
xjentifiċi, akkademiċi jew ta’ rappurtar jew l-espressjoni ta’
opinjonijiet polemiċi jew kontroversjali fid-dibattitu pubbliku dwar kwistjonijiet
politiċi sensittivi, kif iggarantit mid-dritt tal-libertà tal-espressjoni.
1.3.
L-ambitu tar-rapport ta’ implimentazzjoni
Id-deskrizzjoni u
l-analiżi f’dan ir-rapport huma primarjament ibbażati fuq
l-informazzjoni li pprovdew l-Istati Membri, issupplimentata b’informazzjoni
disponibbli għall-pubbliku ur-riżultati ta’ studju estern. Ir-rapport jiffoka fuq
il-miżuri li ħadu l-Istati Membri s’issa biex jimplimentaw ir-reati
l-ġodda, inklużi r-reati anċillari relatati u penali rispettivi[10].
Huwa jivvaluta jekk l-Istati Membri implementawx id-DK 2008 fil-perjodu
ta’ żmien speċifikat, jekk issodisfawx ir-rekwiżiti ta’
ċarezza u ċertezza legali u jekk laħqux l-objettivi
tad-DK 2008. L-ambitu u l-potenzjal ta’ prosekuzzjonijiet
b’suċċess għal dawn ir-reati jiddependu wkoll fuq
l-implimentazzjoni korretta tad-dispożizzjonijiet (mhux mibdula) li
jinsabu fid-DK 2002. Filwaqt li dan ir-rapport ma
jivvalutax (mill-ġdid) il-konformità ma’ dawn id-dispożizzjonijiet[11], madankollu jiġbed l-attenzjoni għar-riżultati ta’ rapporti
ta’ implimentazzjoni preċedenti u għan-nuqqasijiet identifikati
fihom.[12] Sakemm
ma jiġux rimedjati, dawn in-nuqqasijiet se jaffettwaw l-ambitu tar-reati
l-ġodda ta’ provokazzjoni pubblika, reklutaġġ u taħriġ
għat-terroriżmu.
2.
Traspożizzjoni mill-Istati Membri
2.1.
Il-kriminalizzazzjoni tar-reati l-ġodda ta’
provokazzjoni pubblika, reklutaġġ u taħriġ
għat-terroriżmu
Ħafna
mill-Istati Membri kkriminalizzaw il-provokazzjoni pubblika,
ir-reklutaġġ u t-taħriġ għat-terroriżmu, anke
jekk f’xi każijiet l-ambitu tad-dispożizzjonijiet huwa aktar limitat
milli maħsub fid-DK 2008. Il-biċċa
l-kbira tal-Istati Membri kellhom jadottaw dispożizzjonijiet
speċifiċi peress li l-imġiba preparatorja jew għadha tinbed
ma kinitx ġiet espliċitament kriminalizzata u ma kinitx taqa' taħt
id-dispożizzjonijiet ġenerali marbuta mal-parteċipazzjoni u
l-attentati. Sussegwentament għall-adozzjoni tal-Konvenzjoni tal-Kunsill
tal-Ewropa tal-2005 dwar il-Prevenzjoni tat-Terroriżmu, għadd ta’
Stati Membri kienu diġà adottaw miżuri biex jikkriminalizzaw t-tliet
reati l-ġodda (DK, EE, IT, LV, MT, FI u UK)[13].
Għadd żgħir biss ta’ Stati Membri qalu li
d-dispożizzjonijiet ġenerali eżistenti jkopru l-aġir
inkwistjoni. Ħafna
mill-Istati Membri ttrasponew id-DK 2008 billi emendaw jew
daħħlu dispożizzjonijiet fil-Kodiċi Kriminali, filwaqt li
għadd iżgħar adottaw jew emendaw atti speċjali dwar
il-ġlieda kontra t-terroriżmu (IE, CY, PT, RO, SE, UK), jew
inkella qagħdu fuq atti oħra, bħal-Liġi tal-Istampa
tal-1881 (FR)[14]. Minn dawk li
kienu meħtieġa jadottaw miżuri ġodda, għadd
relattivament żgħir għamlu hekk fil-perjodu ta’ żmien
stipulat (DE, ES, CY, NL, SI, SK, SE). L-Istati Membri l-oħra
ttrasponew id-DK 2008 biss fl-2011 (BG, CZ, AT, PL, PT), fl-2012 (FR,
LU, RO) jew fl-2013 (BE, HR, LT, HU). Żewġ Stati Membri
għadhom ma adottawx il-leġiżlazzjoni meħtieġa (IE,
EL)[15].
2.1.1.
Provokazzjoni pubblika
L-Artikolu 3(1)(a)
tad-DK 2002 kif emendata jiddefinixxi l-provokazzjoni pubblika bħala
" id-distribuzzjoni, jew inkella t-tqegħid
għad-dispożizzjoni, ta’ messaġġ lill-pubbliku,
bl-intenzjoni tal-inċitazzjoni tat-twettiq ta’ wieħed mir-reati
elenkati fl-Artikolu 1(1)(a) sa (h), fejn imġiba bħal din, kemm
jekk tippromwovi direttament reati terroristiċi kif ukoll jekk le
tikkaġuna periklu li jista’ jitwettaq reat wieħed jew aktar.;
" Inqas minn nofs
l-Istati Membri adottaw dispożizzjonijiet speċifiċi li
espliċitament jikkriminalizzaw it-tixrid ta' messaġġi
lill-pubbliku bl-intenzjoni li jinċitaw reati terroristiċi, allinjati
mill-qrib mat-test tad-DK 2008 (BE, DE, IE, ES, HR, CY, LU, RO, SI, FI,
UK). Il-bqija tal-Istati Membri għażlu li jistrieħu fuq
dispożizzjonijiet li jikkriminalizzaw “il-provokazzjoni” f’termini aktar
ġenerali (BG, DK, MT, PL, PT, SK, SE), “l-inċitament” (EE,
FR, IT, LV, LT, HU) jew il-faċilitazzjoni jew is-sostenn ta’ reati
terroristiċi (CZ, NL, AT, PL). Id-dipendenza fuq
dispożizzjonijiet li jirrigwardaw, b’mod iktar ġenerali
l-inċitament pubbliku jew l-provokazzjoni pubblika minflok dipendenza fuq
is-sempliċi intenzjoni ta' inċitament ta' reati terroristiċi kif
meħtieġ mid-DK 2008 tissogra li tiġi kkriminalizzata biss
“il-provokazzjoni diretta”[16],
minflok “il-provokazzjoni indiretta” li sempliċement toħloq
il-periklu li jiġu kommessi reat wieħed jew aktar (BG, EE, FR
fejn id-dispożizzjoni hija limitata espliċitament
għall-provokazzjoni diretta, IT, LT, HU, MT). "Provokazzjoni
indiretta" xorta waħda tista' tkun koperta jekk
id-dispożizzjonijiet nazzjonali jkopru l-imġiba preparatroja jew ta'
faċilitazzjoni (kif jidher li huwa l-każ għal CZ, EE,
NL, AT, PL, PT), tkopri imġiba li sempliċiment
tikkawża periklu li jitwettaq reat terroristiku (kif jidher li huwa li
każ għal LV, AT, SK) irrispettivament mir-reati
terroristiċi li jkunu qed jitwettqu jew it-tentattivi tagħhom (CZ,
SE) jew jiġu applikati mill-qrati nazzjonali għal imġiba li
tista' tiġi kkwalifikata bħala provokazzjoni indiretta (kif jidher li
huwa l-każ fid-DK). Xi Stati Membri
jikkjarifikaw b’mod espliċitu li l-provokazzjoni pubblika hija punibbli
irrispettivament minn jekk persuna kinitx fil-fatt imħeġġa
(eż. UK) jew jekk ir-reat terroristiku fil-fatt twettaqx (eż. IE,
CY, LU) u wkoll f’każijiet fejn l-imġiba tinkoraġġixxi
reati terroristiċi b'mod ġenerali (UK). Xi Stati Membri
jikkriminalizzaw mhux biss il-provokazzjoni għat-twettiq ta’ reati
terroristiċi, iżda wkoll provokazzjoni biex jitħejjew u
jiġu instigati reati bħal dawn (UK) jew inċitament
għat-taħriġ jew biex jitħarrġu (RO). Xi Stati
Membri jikkriminalizzaw mhux biss l-att tat-tixrid iżda wkoll l-att
tal-ksib jew il-pussess ta' materjal maħsub għal skopijiet ta’
propaganda terroristika (DE, UK). Filwaqt li l-parti l-kbira tal-Istati
Membri jikkriminalizzaw biss l-aġir intenzjonali, f’mill-inqas Stat Membru
wieħed hija kriminalizzata wkoll l-imġiba l-irresponsabbli (UK).
Fl-aħħar nett, xi Stati Membri introduċew reati aktar
speċifiċi, bħar-reat tat-tixrid pubbliku ta' propoganda
terroristika flimkien mar-reat tat-tħeġġiġ
tat-terroriżmu (UK), il-glorifikazzjoni pubblika, il-promozzjoni
jew l-approvazzjoni tat-terroriżmu (DK, ES, LT AT, SI,
SK) jew l-umiljazzjoni u d-disprezz tal-vittmi tat-terroriżmu (ES,
LT). Min-naħa l-oħra, f’xi każijiet, jidher li mhux
ir-reati kollha elenkati fl-Artikolu 1 tad-DK 2002 huma koperti (DE).
2.1.2.
Reklutaġġ għat-terroriżmu.
Ir-reklutaġġ
għat-terroriżmu huwa definit fl-Artikolu 3(1)(b) kif emendat
bħala “li wieħed ifittex persuna oħra sabiex twettaq
wieħed mir-reati elenkati fl-Artikolu 1(1) (a) sa (h), jew fl-Artikolu
2(2)...”. Il-biċċa
l-kbira tal-Istati Membri adottaw dispożizzjonijiet speċifiċi li
jikkriminalizzaw l-att li wieħed iħajjar persuna oħra biex
twettaq reat terroristiku u biex tipparteċipa f’attivitajiet ta’ grupp
terroristiku. Reklutaġġ biex jitwettqu reati terroristiċi (skont
it-tifsira tal-Artikolu 1 tad-DK 2002) u reklutaġġ fi grupp
terroristiku (skont it-tifsira tal-Artikolu 2 tad-DK 2002) huma parti
mill-istess dispożizzjoni fi ftit inqas minn nofs l-Istati Membri (BE,
CZ, DK, ES, HR, LT, LU, HU, NL, SI, FI). Bosta Stati Membri oħra
għandhom dispożizzjonijiet differenti għaż-żewġ
forom ta’ reklutaġġ (DE, FR, AT, UK). F'xi Stati Membri jidher
li huwa punibbli biss ir-reklutaġġ għat-twettiq ta' reat
terroristiku, u mhux ir-reklutaġġ għall-parteċipazzjoni
fl-attivitajiet ta' gruppi terroristiċi kif definit fl-Artikolu 2(2)
tad-DK 2002 (BG, EE, IE, MT, PT, RO, SK, SE,
filwaqt li f'CY u LV mhux ċar jekk ir-referenza għal
atti terroristiċi tkoprix ukoll il-parteċipazzjoni fi grupp
terroristiku). Mill-Istati Membri li
daħħlu dispożizzjonijiet speċifiċi ġodda biex
ikopru r-reati l-ġodda, ftit użaw it-terminu 'tħajjir'
fid-definizzjoni tagħhom ta' reklutaġġ (HR, LU, SK
'jintalab', MT: 'tħajjir' jew 'reklutaġġ').
Il-biċċa l-kbira tal-Istati Membri jidher li għażlu
t-terminu 'reklutaġġ' (BE, BG, DE, EE, IE, IT, ES,
LV, LT, MT: 'tħajjir' jew 'reklutaġġ', PT,
RO, SI: 'konskrizzjoni', FI) jew termini oħra
bħal 'jippruvaw jinduċu' (SE), 'inċitament' u
'provokazzjoni' (NL), 'instigazzjoni' (HU) jew
'inkuraġġament' (CY). F’xi Stati Membri, huwa argumentat li
t-terminu “reklutaġġ” ikun jeħtieġ xi xorta ta’ pjan jew
qafas istituzzjonali minimu li l-persuna reklutata tkun meħtieġa
taderixxi miegħu (PT). Dan jista’ jqajjem dubji dwar jekk
l-inkuraġġament ta' “attur solitarju” sabiex iwettaq atti
terroristiċi huwiex fil-fatt kriminalizzat skont id-dispożizzjonijiet
nazzjonali. Filwaqt li
l-biċċa l-kbira tal-Istati Membri jirreferu għal
reklutaġġ (jew sinonimi) f’termini ġenerali, għadd
żgħir jispeċifikaw f’aktar dettall l-imġiba punibbli (fi FR
id-definizzjoni tirreferi għall-offerta ta’ rigali u benefiċċji
oħra biex jheddu jew ipoġġu pressjoni fuq persuna biex twettaq
reat terroristiku). Dan jista’ jillimita bla bżonn il-kamp ta’
applikazzjoni tad-dispożizzjoni billi ma tkunx tista' tkopri każijiet
fejn persuna tiġi mħeġġa b’modi oħra. Xi Stati Membri
jikkjarifikaw b’mod espliċitu li r-reklutaġġ huwa punibbli anke
jekk il-persuna ma tagħtix il-kunsens tagħha biex twettaw ir-reat
terroristiku (CY, LU). Xi Stati Membri
jinvokaw dispożizzjonijiet eżistenti jew ġenerali li jkopru
diversi forom ta' parteċipazzjoni f'reat terroristiku (e.ż. CZ, AT),
il-faċilitazzjoni ta' reat terroristiku (pereż. PL), sostenn
għal grupp terroristiku (pereż. CZ, DE, AT),
l-inċitament għat-twettiq ta' reati terroristiċ jew li tkun
tagħmel parti minn grupp proskritt (pereż. UK), tentattiv ta' parteċipazzjoni,
konġura (DE, FR: 'association de malfaiteurs') jew
attivitajiet preparatorji oħra (pereż. HU, UK). Riskju
potenzjali huwa li d-dispożizzjonijiet relatati mas-sostenn ta’
organizzazzjonijiet terroristiċi jew il-parteċipazzjoni
f’konġura ma jkoprux ir-reklutaġġ ta’ “atturi solitarji”
(pereż. CZ, DE, FR, UK). Din jista’ jkun ta' tħassib jekk
l-ebda dispożizzjoni oħra ma tikkriminalizza din l-imġiba.
Id-dipendenza fuq dispożizzjonijiet ġenerali tista wkoll tqajjem
dubji dwar jekk ir-reati li jkunu għadhom qed jinbtu humiex fil-fatt
kriminalizzati. Dan se jiddependi fuq l-interpretazzjoni u l-applikazzjoni ta’
kunċetti bħall-faċilitazzjoni ta’ jew atti preparatorji
għal reati terroristiċi. Filwaqt li f'xi
każijiet, ir-reklutaġġ ma jidhirx li jkopri r-reati kollha
elenkati fl-Artikolu 1(1)(a) sa (h) tad-DK 2002 (IT), Stati
Membri oħra kkriminalizzaw mhux biss ir-reklutaġġ
għat-twettiq ta' reati terroristiċi iżda wkoll
ir-reklutaġġ għall-faċilitazzjoni (DK),
il-preparazzjoni (FI) jew il-parteċipazzjoni (LT, SI,
SK) f'reati terroristiċi. F’xi Stati Membri, id-definizzjoni ta’
reklutaġġ testendi għall-finanzjament tat-terroriżmu (DK).
F’ċerti Stati Membri, kwalunkwe persuna li hija konxja li l-attività
tagħha tippromwovi b'mod attiv reati terroristiċi tista' teħel
piena (FI). Fl-aħħar nett, xi pajjiżi kkriminalizzaw
ukoll li wieħed jippermetti lilu nnifsu li jiġi reklutat (eż. DK).
2.1.3.
Taħriġ għat-terroriżmu.
It-taħriġ
għat-terroriżmu huwa definit fl-Artikolu 3(1)(c) kif emendat
bħala "li tingħata istruzzjoni dwar kif isiru jew
jintużaw l-isplussivi, l-armi tan-nar jew armi oħra jew is-sustanzi
tossiċi jew perikolużi, jew dwar metodi u tekniki oħra
speċifiċi, bl-iskop li jitwettaq wieħed jew aktar mir-reati
elenkati fl-Artikolu 1(1) (a) sa (h), u bil-konoxxenza li l-ħiliet
ipprovduti jkunu maħsuba biex jintużaw għal dan l-iskop.' Il-biċċa
l-kbira tal-Istati Membri adottaw dispożizzjonijiet speċifiċi li
espliċitament jikkriminalizzaw l-istruzzjoni f'metodi u tekniki
għall-iskop li jitwettqu reati terroristiċi miktuba allinjati
mill-qrib mat-test tad-DK 2008 (BE, DE, IE, HR,
IT, CY, LU, MT, AT, PT, RO, SI, SK,
FI, SE, UK). Xi Stati Membri
jirreferu f'termini aktar ġenerali għal 'taħriġ
għat-twettiq ta' reat terroristiku' (BG, DK, EE, ES,
LV) jew 'l-għoti ta' informazzjoni, għarfien u ħiliet
għat-twettiq ta' reat terroristiku' (LT, NL), mingħajr
ma jsemmu l-ħiliet speċifiċi elenkati fl-Artikolu 3
tad-DK 2008 (anki jekk, f'xi każijiet, jidher li ngħataw kjarifiki
addizzjonali f'noti ta' sjegazzjoni għal-liġi; pereż. DK).
Sal-punt li
l-Istati Membri jiddependu fuq dispożizzjonijiet ġenerali
eżistenti dwar il-parteċipazzjoni, il-preparazzjoni,
il-faċilitazzjoni jew is-sostenn għal reati terroristiċi (CZ,
HU, PL), mhuwiex ċar jekk il-liġi nazzjonali tinkriminalizzax
l-għoti ta’ taħriġ f’każijiet fejn ma jkunx twettaq reat
terroristiku jew sar tentattiv tiegħu; Dan fl-aħħar
mill-aħħar jiddependi fuq l-interpretazzjoni u l-applikazzjoni ta’
dawn il-kunċetti fil-liġi nazzjonali. Barra minn hekk, mhuwiex
ċar jekk il-kunċett ta’ “konġura” (pereż. “association
de malfaiteurs” fi FR) tinkludix is-sempliċi tixrid ta’
materjal ta’ taħriġ mingħajr rabtiet stabbiliti ma' grupp
terroristiku. Il-biċċa
l-kbira tal-Istati Membri jikkriminalizzaw kemm l-istruzzjoni kif ukoll
it-taħriġ (pereż BE, DK jirreferu wkoll
għat-'tagħlim', IE, IT, MT, AT, PT,
RO, UK), filwaqt li xi wħud jirreferu biex
għat-taħriġ (BG, EE, ES, LV, FI) jew xi forma ta'
struzzjoni (DE, HR u CY: 'għoti ta' gwida', LU, NL: 'għoti
ta' informazzjoni' u 'tagħlim', SI, SK: 'għoti ta'
għarfien espert', SE). Filwaqt li t-terminu “taħriġ”
jista' jinftiehem li jimplika xi tip ta’ relazzjoni bejn min iħarreġ
u ta’ min jitħarreġ, ‘struzzjoni” tkopri t-tixrid ta’ informazzjoni
għal awtostruzzjoni (pereż. IT, AT). Xi
dispożizzjonijiet nazzjonali jipprovdu aktar kjarifiki, pereżempju,
li t-taħriġ huwa punibbli jekk jingħata lil persuna partikolari
waħda jew aktar (BG, UK) jew b’mod ġenerali (UK) jew li
l-ħiliet jistgħu jintużaw għal atti ta’ terroriżmu
diġà speċifikati jew reati terroristiċi b'mod ġenerali (UK)
jew li t-taħriġ huwa punibbli anke jekk min jitħarreġ ma
jkunx ser iwettaq jew jipparteċipa f’attakk terroristiku (DK, LU). Normalment hija
meħtieġa l-intenzjoni biex l-azzjonijiet jikkostitwixxu reat,
iżda f’xi Stati Membri, l-għarfien li l-istruzzjoni mogħtija
tinkoraġġixxi lin-nies iwettqu reati terroristiċi (FI)
jew negliġenza (UK fir-rigward ta' attendenza f’kampijiet ta’
taħriġ) huma suffiċjenti. F’każijiet oħra,
l-intenzjoni meħtieġa jidher li tkun preżunta u jkun l-imputat
li jkollu jipprova l-legalità tal-istruzzjoni jew it-taħriġ li jkun
ta jew irċieva (IE, UK). Filwaqt li f’xi
Stati Membri, ir-reati terroristiċi li jingħata taħriġ
għalihom ma jinkludux ir-reati kollha elenkati fl-Artikolu 1(1)
tad-DK 2002 (pereż. DE, IT), Stati Membri oħra jmorru lil
hinn mir-rekwiżiti, billi jistipulaw, pereżempju li
t-taħriġ huwa kriminalizzat ukoll fir-rigward tal-finanzjament
tat-terroriżmu (DK) jew meta l-ħiliet ikunu se jintużaw
minn organizzazzjoni terroristika (CY). F’xi Stati Membri,
it-taħriġ mhuwiex punibbli biss jekk jingħata bil-għan li
jitwettaq reat terroristiku iżda wkoll jekk l-għan ikun
il-parteċipazzjoni f'atti bħal dawn (SI) jew li jitwettqu
reati bil-għan li jitħejja jew jiġi ffaċilitat reat
terroristiku (NL, FI, UK) jew li tiġi assistita l-kummissjoni jew
il-preparazzjoni minn oħrajn ta’ atti terroristiċi (UK). Barra
minn hekk, diversi Stati Membri jikkriminalizzaw l-att li wieħed
jirċievi taħriġ jew struzzjoni, imsemmi wkoll bħala
'taħriġ passiv' (BE, DK, DE, IE, NL,
AT, RO, UK). Xi Stati Membri adottaw
dispożizzjonijiet addizzjonali speċifiċi li jikkriminalizzaw
l-attendenza f’kampijiet ta’ taħriġ (pereż. UK).
2.2.
Reati anċillari
2.2.1.
Għajnuna u Assistenza
L-Artikolu 4(1)
tad-DK 2002 kif emendat jeħtieġ li l-Istat Membru jieħu
l-miżuri neċessarji biex jiżguraw li l-għajnuna jew
il-kompliċità fir-reati l-ġodda kif definit fl-Artikolu 3 tkun
punibbli. Kważi l-Istati Membri kollha kkriminalizzaw l-għajnuna u
l-kompliċità fir-reati l-ġodda. Fil-biċċa l-kbira
tal-Istati Membri, id-dispożizzjonijiet ġenerali dwar l-għajnuna
u l-kompliċità huma applikabbli awtomatikament għar-reati
l-ġodda. CY biss dikjara espliċitament
fid-dispożizzjonijiet relevanti li l-għajnuna u l-assistenza
għar-reati ġodda mhumiex reat.
2.2.2.
Tentattivi
L-Artikolu 4(4)
tad-DK 2002 kif emendat jagħti lill-Istati Membri l-għażla
li jikkriminaliżżaw tentattivi ta’ taħriġ jew
reklutaġġ għat-terroriżmu. Fil-biċċa l-kbira
tal-Istati Membri, ir-regoli ġenerali dwar it-tentattivi japplikaw
mingħajr distinzjoni jew kwalifika ulterjuri għar-reati jew
id-delitti kollha u għalhekk anke għar-reati terroristiċi
l-ġodda. B'riżultat ta' dan, il-biċċa l-kbira tal-Istati Membri
kkriminalizzaw it-tentattiv tar-reklutaġġ u t-taħriġ ta'
persuna għal għanijiet ta' terroriżmu kif ukoll it-tentattiv ta'
provokazzjoni pubblika (BE, BG, CZ, EE, ES, HU,
LV, LT, MT, NL, AT, PL). F’xi Stati Membri,
mandankollu jidher li l-ġurisprudenza tikkunsidra li
d-dispożizzjonijiet ġenerali dwar it-tentattivi mhumiex applikabbli
għal reati li jkunu għadhom qed jinbtu (pereż. IT). F’ċerti
Stati Membri, tentattiv huwa punibbli biss fil-każ li jkun ta' ċerta
serjetà, reati kriminali, reati b’ċerti sanzjonijiet minimi u mhux
fil-każ ta’ reati anqas serji. Filwaqt li f’xi Stati Membri t-tliet reati
l-ġodda kollha huma kklassifikati bħala tali reati (DK, HR, PT),
f’oħrajn mhumiex. Tentattiv għalhekk mhuwiex punibbli (DE; SI
dubbjuż). Fi Stati Membri
oħra, tentattiv huwa punibbli jekk ikun speċifikament previst hekk.
Xi Stati Membri kkriminalizzaw b'mod espliċitu t-tentattiv li jitwettaq
kwalunkwe wieħed mit-tliet reati l-ġodda (IE, SE, UK). Xi
wħud ikkriminalizzaw biss it-tentattiv biex iħarrġu u
jirreklutaw persuna għal skopijiet terroristiċi (LU, SK, FI) u
oħrajn ma kkriminalizzawx it-tentattiv (CY: eskluda b’mod
espliċitu l-punibbiltà tat-tentattiv tar-reati l-ġodda, RO).
2.3.
Pieni għall-persuni fiżiċi
Il-livell
tal-pieni jvarja b’mod sinifikanti bejn l-Istati Membri.[17]
It-terminu minimu ta' priġunerija jvarja minn inqas minn sena sa 20 sena.
Bl-istess mod, it-terminu massimu jvarja minn sentejn sa25 sena jew għomor
il-ħabs. Il-multi jistgħu jkunu alternattiva (DK, DE, IE, LU, NL,
UK) jew piena addizzjonali għal priġunerija (BE, IE, FR, LU,
UK). Aktar minn nofs
l-Istati Membri jimponu l-istess piena għat-tliet reati l-ġodda
kollha (BE, BG, CZ, EE, IE, HR, LU, HU, MT, PL, SI, SK, SE). Fl-Istati
Membri b’sanzjonijiet differenti għat-tliet reati l-ġodda, il-pieni
għall-provokazzjoni pubblika huma ġeneralment inferjuri minn dawk
għaż-żewġ reati l-oħra (DE, DK, ES, IT, CY, LV, LT,
PT, RO, FI, UK). Meta l-Istati
Membri jikkriminalizzaw li wieħed jiġi rreklutat jew jirċievi
taħriġ jew istruzzjonijiet kif ukoll ir-reklutaġġ u
l-għoti ta’ taħriġ jew istruzzjonijiet, fil-biċċa
l-kbira tal-każijiet hija applikata l-istess firxa ta’ pieni (DE, DK,
IE, NL, AT). F’każijiet oħra, li tieħu sehem
f’taħriġ huwa reat li jġorr piena inqas milli li tipprovdi
t-taħriġ (RO). Bl-istess mod, fejn l-Istati Membri
kkriminalizzaw mhux biss it-tixrid, iżda wkoll l-att tal-ksib jew
il-pussess ta' propaganda terroristika, l-istess pieni japplikaw
għaż-żewġ reati (DE, UK). Meta ssir distinzjoni bejn
il-provokazzjoni u l-apoloġija/il-glorifikazzjoni tat-terroriżmu, xi
Stati Membri jipprevedu pieni aktar baxxi għal apoloġija
tat-terroriżmu (DK, ES), filwaqt li Stati Membri oħra
japplikaw l-istess pieni (DK, AT, SI, SK, UK). Meta l-Istati Membri
jikkriminalizzaw it-taħriġ u l-istruzzjoni, f’ħafna
każijiet tiġi applikata l-istess piena. Fi Stati Membri oħra
madankollu l-piena għall-istruzzjoni hija aktar baxxa mill-piena
għat-taħriġ (AT). Diversi Stati Membri japplikaw pieni
differenti skont jekk ir-reklutaġġ isirx f’isem grupp terroristiku,
f’liema każ jistgħu jiġu imposti pieni akbar (DK, HU, AT).
3.
Rimarki tal-għeluq
Ħafna
mill-Istati Membri adottaw miżuri maħsuba biex jikkriminalizzaw
il-provokazzjoni pubblika, ir-reklutaġġ u t-taħriġ
għat-terroriżmu skont id-DK 2008. Il-Kummissjoni tinnota li
żewġ Stati Membri (IE u EL) għadhom ma implimentawx
id-DK 2008 u tħeġġiġhom jadottaw il-miżuri
leġiżlattivi meħtieġa mingħajr aktar dewmien. Filwaqt
li l-biċċa l-kbira tal-Istati Membri huma ġeneralment konformi
mad-DK 2008, hemm għadd ta’ kwistjonijiet ta' tħassib potenzjali
b’mod partikolari fir-rigward tal-kriminalizzazzjoni skont
id-dispożizzjonijiet nazzjonali ta’ "provokazzjoni indiretta" u
reklutaġġ ta’ “atturi solitarji”. L-Istati Membri huma mistiedna
jipprovdu lill-Kummissjoni bi spjegazzjonijiet u informazzjoni addizzjonali
biex tkun tista' tlesti l-valutazzjoni tagħha. Diskussjonijiet
dwar l-impatt tal-leġiżlazzjoni ta’ kontra t-terroriżmu fuq
id-drittijiet fundamentali saru l-aktar fir-rigward tal-adozzjoni
tal-miżuri ta' implimentazzjoni tad-DK 2002 u xi ftit inqas
fir-rigward tar-reati l-ġodda[18].
Filwaqt li t-tħassib dwar id-drittijiet fundamentali jista' jkollu rwol
fl-interpretazzjoni u l-applikazzjoni tad-dispożizzjonijiet nazzjonali li
jistabbilixxu t-tliet reati l-ġodda, jidher li dawn ma ħolqux
il-ħtieġa li jiġi limitat l-ambitu tad-dispożizzjonijiet
legali rilevanti skont il-liġi nazzjonali.[19] Il-Kummissjoni
tinnota li l-partijiet konċernati huma favur li jiżdiedu l-iskambji
tal-esperjenzi u l-prassi bejn il-prosekuturi u l-imħallfin u jaraw
il-ħtieġa li jintegraw l-isforzi tal-infurzar tal-liġi
f’approċċ aktar komprensiv li għandu jinkludi l-prevenzjoni
bikrija tar-radikalizzazzjoni u tar-reklutaġġ
għat-terroriżmu. Il-Kummissjoni
tħeġġeġ lill-Istati Membri biex jimmonitorjaw u jevalwaw
l-applikazzjoni tad-dispożizzjonijiet tal-liġi kriminali dwar
it-terroriżmu fil-prattika. Meta jagħmlu dan, għandha tiġi
kkunsidrata l-protezzjoni tad-drittijiet fundamentali kif ukoll
l-approċċ ta’ politika usa’ kontra r-radikalizzazzjoni u
r-reklutaġġ għat-terroriżmu. Il-Kummissjoni
se tkompli timmonitorja l-effikaċja u l-impatt tad-Deċiżjoni
Kwadru dwar it-terroriżmu. [1] ĠU L 164, 22/06/2002, p. 3–7. [2] ĠU L 330, 09/12/2008, p. 21–23. [3] Ara r-Riżoluzzjoni 1624(2005) tal-Kunsill
tas-Sigurtà tan-NU kif ukoll l-Istrateġija Globali tan-NU Kontra t-Terroriżmu
adottata fl-2006. [4] Ara l-Artikolu 3(1) u (2) tad-DK 2008. [5] Ara l-Artikolu 1(1) u tad-DK 2008 li temenda
l-Artikolu 3. Ir-reati marbuta ma’ attivitajiet terroristiċi kif
definit fl-Artikolu 3 tad-DK 2002 kienu jinkludu biss serq aggravat,
estorsjoni u tħejjija ta’ dokumenti amministrattivi foloz bl-iskop li
jitwettqu reati terroristiċi. Ir-reati l-ġodda ġew miżjuda
bħala l-Artikolu 3(1)(a) sa (c) u r-reati preċedenti
fl-Artikolu 3(a) sa (c) issa sar l-Artikolu 3(1)(d) sa (f). [6] Ara l-Artikolu 1(2) tad-DK 2008 li jemenda
l-Artikolu 4 tad-DK 2002 (li jintroduċi l-Artikolu 4(1)
tad-DK 2002). [7] Ara l-Artikolu 1(2) tad-DK 2008 li jemenda
l-Artikolu 4 tad-DK 2002 (li jintroduċi l-Artikolu 4(4)
tad-DK 2002). [8] Ara l-premessa 7 tad-DK 2008. [9] Partikolarment ara l-premessi 4 u 5 tad-DK 2008.
Ara wkoll l-aħħar rapport dwar is-sitwazzjoni u t-tendenzi
tat-terroriżmu fl-Unjoni Ewropea tal-2014 (European Union Terrorism
Situation and Trend Report 2014) ippubblikat mill-Europol li jenfasizza inter
alia l-użu tal-internet u tal-midja soċjali bħala
għodda għall-ippjanar, il-finanzjament, ir-reklutaġġ,
il-komunikazzjoni, l-ordinijiet, it-taħriġ u l-propoganda li huwa
maħsub li kkontribwixxew għaż-żieda fir-rata
tal-awtoradikalizzazzjoni fost iċ-ċittadini tal-UE. [10] Ara wkoll il-premessa 11 tad-DK 2008. [11] F’ħafna każijiet, l-Istati Membri pprovdew biss
l-informazzjoni meħtieġa għall-valutazzjoni tal-konformità
mal-Artikoli emendati 3 u 4 tad-Deċiżjoni Kwadru. [12] Ara l-ewwel rapport ta’ implimentazzjoni
tat-8 ta’ Ġunju 2004 (COM(2004) 409 finali u SEC(2004)688)
u t-tieni rapport ta’ implimentazzjoni tas-6 ta’ Novembru 2007
(COM(2007)681 finali u SEC(2007)1463). Jirriżulta minn dawn ir-rapporti
ta’ implimentazzjoni li hemm nuqqasijiet fir-rigward tal-implimentazzjoni tad-dispożizzjonijiet
relatati ma’ reati terroristiċi ewlenin (ara l-Artikolu 1
DK 2002), ir-responsabbiltà tal-persuni ġuridiċi (ara
l-Artikoli 7 u 8 tad-DK 2002) kif ukoll ir-regoli
ġurisdizzjonali (ara l-Artikoli 9 u 10 tad-DK 2002). [13] L-Istati Membri kollha (ħlief CZ) iffirmaw
il-Konvenzjoni. Għadd ta’ Stati Membri għadhom ma rratifikawhiex (BE,
CZ, IE, EL, IT, LT, MT, PT, UK). [14] Għal ħarsa dettaljata tal-miżuri
leġiżlattivi adottati mill--Istati Membri, ara t-Tabella 1
tad-Dokument ta’ Ħidma tal-Persunal tal-Kummissjoni (SWD(2014)xxx). [15] Il-Gvern Irlandiż ressaq l-Abbozz ta' Liġi
tal-2012 tal-Ġustizzja Kriminali (Reati Terroristiċi) (Emenda) u
għarraf lill-Kummissjoni li l-Abbozz ta' Liġi kien se jitressaq
quddiem il-Parlament. Id-deskrizzjoni f'dan ir-rapport hija bbażata fuq
dak l-Abbozz ta' Liġi. Il-Gvern Grieg informa lill-Kummissjoni dwar
it-tħejjija ta' Abbozz ta' Liġi intitolat "Ir-Ratifikazzjoni
tal-Konvenzjoni Ewropea għall-Prevenzjoni tat-Terroriżmu u l-Protokoll
li jemenda l-Konvenzjoni Ewropea dwar is-soppressjoni tat-terroriżmu u
l-leġiżlazzjoni relatata" iżda ma ssottomettiex dan
l-Abbozz ta' Liġi. [16] “Provokazzjoni diretta” tiddeskrivi każijiet li fihom
l-inċitament iwassal biex persuna tikkommetti jew tal-anqas tipprova
tikkommeti reat terroristiku, u li fihom l-inċitament ikun marbut ma’ reat
terroristiku speċifiku. [17] Għal ħarsa dettaljata tal-pieni applikabbli, ara
t-tabella 2 tad-Dokument ta’ Ħidma tal-Persunal tal-Kummissjoni. [18] Id-diskussjonijiet kienu jirrigwardaw fost l-oħrajn kwistjonijiet
ta’ ċertezza legali, ir-rispett tal-prinċipju tal-proporzjonalità
tas-sanzjonijiet għar-reati ta’ natura preparatorja u l-konflitt
potenzjali bejn il-libertà tal-espressjoni u r-reat ta’ provokazzjoni pubblika.
[19] Fin-notifiki tagħhom lill-Kummissjoni, l-Istati
Membri ma invokawx l-Artikolu 2 jew 3 tad-DK 2008 sabiex jillimitaw
l-ambitu tar-reati terroristiċi l-ġodda jew biex isostnu
t-tħassib dwar id-drittijiet fundamentali bħala raġuni biex ma
jimplimentawx ir-reati l-ġodda.