EUR-Lex Access to European Union law
This document is an excerpt from the EUR-Lex website
Document 52010DC0477
COMMUNICATION FROM THE COMMISSION TO THE EUROPEAN PARLIAMENT, THE COUNCIL, THE EUROPEAN ECONOMIC AND SOCIAL COMMITTEE AND THE COMMITTEE OF THE REGIONS Youth on the Move An initiative to unleash the potential of young people to achieve smart, sustainable and inclusive growth in the European Union
KOMUNIKAZZJONI MILL-KUMMISSJONI LILL-KUNSILL, IL-PARLAMENT EWROPEW, IL-KUMITAT EKONOMIKU U SOĊJALI EWROPEW U L-KUMITAT TAR-REĠJUNI Żgħażagħ mobbli Inizjattiva biex jinħareġ il-potenzjal taż-żgħażagħ biex jinkiseb it-tkabbir bil-għaqal, sostenibbli u inklużiv fl-Unjoni Ewropea
KOMUNIKAZZJONI MILL-KUMMISSJONI LILL-KUNSILL, IL-PARLAMENT EWROPEW, IL-KUMITAT EKONOMIKU U SOĊJALI EWROPEW U L-KUMITAT TAR-REĠJUNI Żgħażagħ mobbli Inizjattiva biex jinħareġ il-potenzjal taż-żgħażagħ biex jinkiseb it-tkabbir bil-għaqal, sostenibbli u inklużiv fl-Unjoni Ewropea
/* */
[pic] | IL-KUMMISSJONI EWROPEA | Brussel 15.9.2010 KUMM(2010) 477 finali KOMUNIKAZZJONI MILL-KUMMISSJONI LILL-KUNSILL, IL-PARLAMENT EWROPEW, IL-KUMITAT EKONOMIKU U SOĊJALI EWROPEW U L-KUMITAT TAR-REĠJUNI Żgħażagħ mobbliInizjattiva biex jinħareġ il-potenzjal taż-żgħażagħ biex jinkiseb it-tkabbir bil-għaqal, sostenibbli u inklużiv fl-Unjoni Ewropea {SEG(2010) 1047} KOMUNIKAZZJONI MILL-KUMMISSJONI LILL-KUNSILL, IL-PARLAMENT EWROPEW, IL-KUMITAT EKONOMIKU U SOĊJALI EWROPEW U L-KUMITAT TAR-REĠJUNI Żgħażagħ mobbliInizjattiva biex jinħareġ il-potenzjal taz-żgħażagħ biex jinkiseb it-tkabbir bil-għaqal, sostenibbli u inklużiv fl-Unjoni Ewropea 1. INTRODUZZJONI L-Istrateġija Ewropa 2020 tistabbilixxi għanijiet ambizzjużi għal tkabbir bil-għaqal, sostenibbli u inklużiv. Iż-żgħażagħ huma essenzjali biex jinkiseb dan. Edukazzjoni u taħriġ ta' kwalità, integrazzjoni b'suċċess tas-suq tax-xogħol u iktar mobilità taż-żgħażagħ huma essenzjali biex jinħareġ il-potenzjal taż-żgħażagħ kollha u jinkisbu l-għanijiet tal-Ewropa 2020. Il-prosperità futura tal-Ewropa tiddependi fuq iż-żgħażagħ. Hemm qrib ta' 100 miljun fl-UE, li jirrappreżentaw 20% tal-popolazzjoni totali[1]. Minkejja l-opportunitajiet bla preċedenza li toffri l-Ewropa moderna, iż-żgħażagħ jiffaċċjaw l-isfidi - aggravati bil-kriżi ekonomika – fis-sistemi tal-edukazzjoni u tat-taħriġ u biex jaċċessaw is-suq tax-xogħol. Il-qgħad fost iż-żgħażagħ li jammonta għal madwar 21%, mhuwiex aċċettabbli[2]. Sabiex l-għan ta' impieg jilħaq 75 % għall-popolazzjoni ta' bejn 20-64 sena, it-tranżizzjoni ta' żgħażagħ għas-suq tax-xogħol jeħtieġ li tittejjeb b'mod radikali. Sal-2020, huwa stmat li 35% mill-impiegi se jeħtieġu kwalifiki ta' livell għoli, flimkien ma' kapaċità biex jadattaw u jinnovaw, meta mqabbel mad-29% illum. Dan ifisser li 15-il miljun impieg ieħor se jeħtieġ kwalifiki ta' livell għoli [3] . Għadd li kull ma jmur dejjem jikber ta' impiegi qed jeħtieġu l-ħiliet fl-ICT, iżda l-ekonomija tal-UE hija mxekkla min-nuqqas ta' nies kwalifikati fl-ICT[4]. Inqas minn persuna waħda minn tlieta fl-UE (31.1%[5]) għandha lawrja ta' edukazzjoni ogħla meta mqabbel ma iktar minn 40% fl-Istati Uniti u iktar minn 50% fil-Ġappun. L-UE għandha sehem iżgħar ta' riċerkaturi fil-forza tax-xogħol mill-kompetituri tagħha[6]. L-Istrateġija Ewropa 2020 qablet li l-mira ewlenija tal-UE għandha tkun li sal-2020, mill-inqas 40% ta' dawk b'età bejn 30-34 għandhom ikunu komplew l-edukazzjoni terzjarja jew ekwivalenti . Wisq żgħażagħ jitilqu l-iskola kmieni, u b'hekk iżidu r-riskju tagħhom li isiru qiegħda jew inattivi, li jgħixu fil-faqar u jikkawżaw spejjeż ekonomiċi u soċjali għolja. Bħalissa 14.4% ta' dawk b'età bejn 18-24 sena fl-UE ma laħqux l-edukazzjoni sekondarja ogħla u ma jinsabux f'qgħada li qed jirċievu iktar edukazzjoni u taħriġ[7]. L-għan li trid tilħaq l-UE huwa li titnaqqas ir-rata ta' dawk li jitilqu l-iskola minn qabel iż-żmien għal 10% . L-Ewropa għandha tittejjeb fuq il-litteriżmu – 24,1% ta' dawk li għandhom 15-il sena għandhom prestazzjoni baxxa fil-litteriżmu tal-qari u dan is-sehem żdied fis-snin riċenti[8]. L-implimentazzjoni ta' strateġiji nazzjonali għal taħriġ tul il-ħajja tibqa' sfida għal bosta Stati Membri, inkluż l-iżvilupp ta' toroq flessibbli ta' tagħlim biex jippermettu lin-nies jiċċaqilqu minn livell għal ieħor differenti u jattiraw studenti mhux tradizzjonali. 1.1. Il-fokus tal-inizjattiva Żgħażagħ Attivi hija l-inizjattiva prominenti tal-UE li tirrispondi għall-isfidi li jiffaċċjaw iż-żgħażagħ u tgħinhom jirnexxu fl-ekonomija tal-għarfien. Hija aġenda ta' qafas li tħabbar azzjonijiet ewlenin ġodda, u tirrafforza attivitajiet eżistenti u tiżgura l-implimentazzjoni ta' oħrajn fil-livelli tal-UE u nazzjonali, filwaqt li tirrispetta l-prinċipju ta' sussidjarjetà. Il-pajjiżi kandidatigħandhom ikunu jistgħu jibenefikaw minn din l-inizjattiva, permezz tal-mekkaniżmi xierqa. Għandha trażżan l-appoġġ finanzjarju tal-programmi rilevanti tal-UE dwar l-edukazzjoni, iż-żgħażagħ, u l-mobilità tat-tagħlim, kif ukoll il-Fondi Strutturali. Il-programmi eżistenti kollha se jiġu rreveduti biex jiġi żviluppat approċċ integrat iktar biex jappoġġja l-inizjattiva żgħażagħ Mobbli skont il-Qafas Finanzjarju li jmiss. Iż-żgħażagħ Mobbli se tkun implimentata f'sinerġija mill-qrib mal-inizjattiva ewlenija "Aġenda għal Ħiliet Ġodda u Impiegi", mħabbra fl-Ewropa 2020. Iż-żgħażagħ Mobbli se tiffoka fuq erba' linji ewlenija ta' azzjoni: - Tkabbir bil-għaqal u inklużiv jiddependi minn sistema ta' tagħlim tul il-ħajja , biex jiġu żviluppati kompetenzi ewlenin u riżultati ta' tagħlim ta' kwalità, f'konformità mal-ħtiġijiet tas-suq tax-xogħol. L-Ewropa għandha bżonn testendi u twessa' l-opportunitajiet wiesa' ta' tagħlim għaż-żgħażagħ in ġenerali, inkluż l-appoġġ għall-kisba ta' ħiliet permezz ta' attivitajiet edukattivi mhux formali. Żgħażagħ mobbli se jappoġġja dawn l-azzjonijiet, inter alia , billi jipproponi Rakkomandazzjoni tal-Kunsill biex tinkoraġġixxi lill-Istati Membri jitrattaw il-livell għoli ta' tluq bikri mill-iskola , permezz tas- Sena Ewropea għal Volontarjat 2011 u permezz ta' Rakkomandazzjoni tal-Kunsill dwar il-validità ta' tagħlim mhux formali u informali. Il-Kummissjoni qed tippromwovi wkoll taħriġ vokazzjonali tat-tip apprentistat u apprendistati ta' kwalità għolja bħala esperjenzi ta' tagħlim fuq il-post tax-xogħol, li jibnu r-rabtiet mas-suq tax-xogħol. - L-Ewropa għandha bżonn tgħolli l-persentaġġ taż-żgħażagħ li jipparteċipaw f'edukazzjoni għola jew ekwivalenti biex tlaħħaq mal-kompetituri fl-ekonomija bbażata fuq l-għarfien u biex tkattar l-innovazzjoni. Għandha bżonn ukoll trendi l-edukazzjoni għola tal-Ewropa iktar attraenti u miftuħa għall-bqija tad-dinja u għall-isfidi tal-globalizzazzjoni, notevolment billi tippromwovi l-mobilità tal-istudenti u tar-riċerkaturi. - Żgħażagħ mobbli se tipprova ttejjeb il-kwalità, l-attrazzjoni u r-reazzjoni tal-edukazzjoni ogħla u tippromwovi iktar mobilità u impjegabilità u ta' kwalità aħjar, inter alia , billi tipproponi aġenda ġdida għar-riforma u l-modernizzazzjoni ta' edukazzjoni ogħla inkluż inizjattiva għal valutazzjoni komparattiva tal-prestazzjoni universitarja u strateġija ġdida internazzjonali tal-UE biex tippromwovi l-attrazzjoni tal-edukazzjoni ogħla Ewropea u biex tkattar il-kooperazzjoni u l-iskambji akkademiċi mal-imsieħba globali. - L-appoġġ tal-UE għall- mobilità fit-tagħlim permezz ta' programmi u inizjattivi għandhom jiġu reveduti, estiżi u marbuta mar-riżorsi nazzjonali u reġjunali. Id-dimensjoni internazzjonali se tiġi rinforzata. Żgħażagħ Mobbli se tappoġġja l-aspirazzjoni li sal-2020 iż-żgħażagħ kollha fl-Ewropa għandhom ikollhom il-possibilità li jqattgħu parti mill-mixja edukattiva barra minn pajjiżhom, inkluż permezz tat-taħriġ fuq il-post tax-xogħol. Rakkommmandazzjoni tal-Kunsill immirata li tneħħi l-ostakoli għall-mobilità hija proposta bħala parti mill-pakkett Żgħażagħ Mobbli, akkumpanjat minn tabella ta' 'Valutazzjoni tal-Mobilità ' biex ikejjel il-progress tal-Istati Membri f'dan ir-rigward. Se jitwaqqaf websajt iddedikat għaż-Żgħażagħ Mobbli li jagħti aċċess għal informazzjoni dwar l-opportunitajiet[9] tal-UE tal-mobilità u tagħlim u l-Kummissjoni se tipproponi kard taż-Żgħażagħ Mobbli biex tiffaċilita l-mobilità. L-inizjattiva ġdida intra-UE " L-ewwel impieg EURES tiegħek " se tappoġġja ż-żgħażagħ biex jaċċessaw l-opportunitajiet ta' impieg u jieħdu xogħol barra, kif ukoll li jinkoraġġixxu dawk li jimpjegaw biex joħolqu ftuħ ta' impiegi għal impjegati żgħażagħ mobli. Il-Kummissjoni se tikkunsidra wkoll li li tinbidel l-azzjoni preparatorja "Erasmus għal intraprendituri żgħażagħ" fi programm għal promozzjoni tal-mobilità tal-intraprendituri. - L-Ewropa għanda ttejjeb b'mod urġenti il-qagħda tal-impieg taż-żgħażagħ . Żgħażagħ Mobbli tippreżenta qafas ta' prioritajiet ta' politika għal azzjoni fil-livell nazzjonali u tal-UE biex tnaqqas l-qgħad fost iż-żgħażagħ billi tiffaċilita t-tranżizzjoni mill-iskola għax-xogħol u tnaqqas is-segmentazzjoni tas-suq tax-xogħol. Qed jitqiegħed fokus partikolari fuq ir-rwol tas-Servizzi tal-Impiegi Pubbliċi , li jinkoraġġixxu Garanzija Żgħażagħ biex tiżgura li ż-żgħażagħ kollha qegħdin f'impieg jew f'attivazzjoni, u jinħoloq Monitoraġġ tal-Postijiet Vakanti Ewropej u li jappoġġja l-intraprendituri żgħażagħ . 2. ŻVILUPP TA' SISTEMI TA' EDUKAZZJONI U TAħRIġ MODERN LI JWASSLU GħAL KOMPETENZI EWLENIN U GħALL-EċċELLENZA Hemm il-bżonn għal livelli ta' investiment b'miri aħjar, appoġġjati aħjar u mtejba fl-edukazzjoni u t-taħriġ sabiex jinkisbu edukazzjoni u taħriġ ta' kwalità aħjar, tagħlim tul il-ħajja u żvilupp tal-ħiliet. Il-Kummissjoni tħeġġeġ lill-Istati Membri biex jikkonsolidaw u fejn jinħtieġ, jespandu l-investiment, flimkien ma sforzi kbar biex jiżguraw l-aħjar riżultati għar-riżorsi pubbliċi. Fi klima ta' pressjoni fuq il-fondi pubbliċi, id-diversifikazzjoni tas-sorsi tal-iffinanzjar hija wkoll importanti. Sabiex jitnaqqas it-tluq bikri mill-iskola għal 10 % , kif maqbul fi Strateġija UE 2020, l-azzjoni għandha tittieħed kmieni, ffukata fuq il-prevenzjoni u l-immirar tal-istudenti identifikati bħala f'riskju li jitilqu kmieni. Il-Kummissjoni se tipproponi Rakkomandazzjoni fil-Kunsill biex tirrinforza l-azzjoni tal-Istati Membri biex tnaqqas r-rati ta' studenti li jitilqu mill-iskola . Il-Kummissjoni se tistabbilixxi Grupp ta' esperti ta' Livell Għoli biex jagħmel rakkomandazzjonijiet biex itejjeb il-litteriżmu u se tippreżenta Komunikazzjoni biex issaħħaħ l-edukazzjoni u l-kura bikrija tat-tfal . Iż-żgħażagħ huma kkonfrontati b'għadd li kull ma jmur dejjem jikber ta' għażliet edukattivi. Għandhom bżonn jingħataw l-lok li jagħmlu deċiżjonijiet infurmati. Għandhom bżonn jiksbu informazzjoni dwar it-toroq tal-edukazzjoni u tat-taħriġ , inkluż kwadru ċar tal-opportunitajiet ta' xogħol, biex iwittu l-bażi biex jimmaniġjaw il-karriera tagħhom. Jeħtieġ li jiġu żviluppati iktar is-servizzi ta' kwalità ta' gwida għall-karriera u orjentazzjoni vokazzjonali , b'involviment qawwi tal-istituzzjonijiet tas-suq tax-xogħol, appoġġjati minn azzjonijiet biex tittejjeb l-immaġini ta' setturi u professjonisti b'potenzjal ta' impieg. Għandu jkun promoss tagħlim ta' kwalità għolja ħafna fil-livelli kollha tas-sistema edukattiva. Il-kompetenzi ewlenin għall-ekonomija u s-soċjetà tal-għarfien , bħall-istudju biex wieħed jitgħallem jikkomunika f'lingwi barranin, ħiliet intrapreditorjali u l-abilità biex jiġi sfruttat il-potenzjal tal-ICT, l-elearning u l-ħiliet numeriċi[10] saru dejjem iktar importanti[11]. Fl-2011, il-Kummissjoni għandha tippreżenta Komunikazzjoni dwar kompetenzi li jappoġġjaw it-tagħlim tul il-ħajja , inklużi proposti biex tiġi żviluppata lingwa komuni bejn id-dinja tal-edukazzjoni u d-dinja tax-xogħol[12]. Id-domanda għall-kwalifikazzjonijiet qed tiġi xprunata 'l fuq, inkluż okkupazzjonijiet ta' ħiliet baxxi. Il-projezzjonijiet jipprevedu 50 % tal-impiegi kollha fl-2020 se jkomplu jiddependu fuq kwalifiki ta' livell medju previst permezz ta' edukazzjoni u taħriġ vokazzjonali (VET). Il-Kummissjoni enfasizzat fil-Komunikazzjoni tal-kooperazzjoni Ewropea 2010 fil-VET[13] li huwa vitali għal dan is-settur biex jimmodernizza. Il-prioritajiet jinkludu li jiżguraw li toroq u permeabilità bejn il-VET u edukazzjoni għola jiġu faċilitati, inkluż li l-iżvilupp ta' oqsfa nazzjonali ta' kwalifiki, u li nżommu l-imsieħba mill-qrib mas-settur tan-negozju. L-esperjenza bikrija fuq il-post tax-xogħol huwa essenzjali għal żgħażagħ biex jiżviluppa l-ħiliet u l-kompetenzi meħtieġa fuq il-post tax-xogħol[14]. It-tagħlim fuq il-post tax-xogħol fit- taħriġ tat-tip apprentistat huwa mezz potenti għall-integrazzjoni gradwali taż-żgħażagħ fis-suq tax-xogħol. Id-dispożizzjoni u l-kwalità tat-taħriġ tat-tip apprentistat ivarja sew fost l-Istati Membri. Xi pajjiżi riċentement bdew iwaqqfu skemi ta' taħriġ bħal dawn. L-involviment tal- Imsieħba Soċjali fid-disinn, l-organizzazzjoni, it-twettiq u l-iffinanzjar tagħhom huwa importanti għall-effiċjenza tagħhom u r-rilevanza tagħhom fis-suq tax-xogħol. Dawn l-azzjonjiet għandhom jiġu segwiti iktar fil-fond sabiex tikber il-bażi ta' ħiliet fit-toroq vokazzjonali, sabiex sal-aħħar tal-2012 mill-inqas 5 miljun żgħażugħ fl-Ewropa jkun jista' japplika għat-taħriġ fl-apprendistat (bħalissa, iċ-ċifra hija stmata li hija ta' 4,2 miljun[15]). Il-kisba tal-esperjenza tax-xogħol inizjali permezz ta' apprendistati kiseb importanza fost iż-żgħażagħ fis-snin riċenti, billi jitħallew jaġġustaw rwieħhom għad-domandi tas-suq tax-xogħol. Xi Stati Membri waqqfu wkoll xi skemi ta' esperjenzi ta' xogħol b'rispons għal inqas opportunitajiet ta' xogħol għaż-żgħażagħ. Dawn l-iskemi għandhom ikunu aċċessibli għal kulħadd, ta' kwalità għolja u b'għanijiet ta' tagħlim ċari u m'għandhomx jissostitwixxu l-impjiegi regolari u l-perjodi ta' prova. Il-qgħad fost il-gradwati minn livelli differenti ta' edukazzjoni u taħriġ qed iżid it-tħassib. Is-sistemi Ewropej kienu kamjana fir-rispons tagħhom għar-rekwiżiti tas-soċjetà tal-għarfien, billi naqqsu milli jadattaw il-kurrikuli u l-programmi għal ħtiġijiet li jinbidlu tas-suq tax-xogħol. Fl-2010, il-Kummissjoni se tipproponi ta' punt ta' riferiment tal-UE dwar l-impjegabbiltà f'rispons għal talba tal-Kunsill ta' Mejju 2009. Żgħażagħ Mobbli għandha timmira wkoll biex tespandi l-opportunitajiet ta' karriera u ta' tagħlim li ttejjeb il-ħajja għal żgħażagħ b'inqas opportunitajiet u/jew f'riskju ta' esklużjoni soċjali. B'mod partikolari, dawn iż-żgħażagħ għandhom jibbenefikaw mill-espansjoni ta' opportunitajiet għal tagħlim mhux formali u informali u minn dispożizzjonijiet msaħħa għar-rikonoxximent u l-validità ta' tagħlim bħal dan fi ħdan l-oqsfa tal-kwalifiki nazzjonali. Dan jista' jgħin biex jinfetħu bibien għal iktar tagħlim min-naħa tagħhom. Il-Kumissjoni se tipproponi Rakkomandazzjoni tal-Kunsill biex tiffaċilita l-validità ta' dan it-tip ta' tagħlim[16]. Azzjonijiet ewlenin ġodda: - Proposta ta' Rakkomandazzjonijiet tal-Kunsill dwar it-tnaqqis tat-Tluq Bikri mill-Iskola ( 2010) Ir-Rakkomandazzjoni se tistabbilixxi qafas ta' risponsi effettivi ta' politika relatati mal-kawżi differenti tar-rati ta' żgħżagħ li jitiliqu l-kulleġġ kmieni. Se tiffoka fuq miżuri preventivi kif ukoll miżuri ta' rimedju. - Tnedija ta' Grupp ta' esperti f'Livell Għoli dwar il-Litteriżmu (2010) biex jidentifika l-prassi effettiva fl-Istati Membri biex jittejjeb il-litteriżmu fost l-istudenti u l-adulti u jifformola rakkomandazzjonijiet xierqa. - Titkabbar l-attrazzjoni, id-dispożizzjoni u l-kwalità tal-VET bħala kontribut importanti għall-impjegabilità taż-żgħażagħ u t-tnaqqis tat-tluq bikri mill-iskola. Sal-aħħar tal-2010, il-Kummissjoni, flimkien mal-Istati Membri u l-imsieħba soċjali, se jniedu mill-ġdid kooperazzjoni fiż-żona tal-VET, u jipproponu miżuri fil-livelli nazzjonali u Ewropej. - Jiġi propost qafas għall-apprendistati , inkluż li jiġu indirizzati l-ostakoli amministrattivi għal karigi transnazzjonali. Jingħata appoġġ għal aċċess u parteċipazzjoni aħjar f'apprendistati ta' kwalità għolja, fosthom billi l-kumpaniji jiġu stimulati biex joffru postijiet ta' apprendistati u jkunu intrapriżi li jilqgħu tajjeb lil dawn iż-żgħażagħ (eż. permezz ta' tikketti jew premjijiet għall-kwalità) kif ukoll permezz ta' arranġemanti ta' Imsieħba Soċjali u bħala parti minn politika ta' Responsabbilità Soċjali Korporattiva (CSR). - Jiġi propost abbozz għar-Rakkomandazzjoni tal-Kunsill dwar il-promozzjoni u l-validità tat-tagħlim mhux formali u informali (2011) biex tittejjeb l-azzjoni tal-Istati Membri biex jippromwovu r-rikonoxximent tal-ħiliet miksuba permezz ta' dawn l-attivitjiate ta' tagħlim. 3. IL-PROMOZZJONI TAL-ATTRAZZJONI TAL-EDUKAZZJONI GħOLA GħALL-EKONOMIJA TAL-GħARFIEN L-edukazzjoni għola hija l-ixprun ewlieni għall-kompetittività ekonomika f'ekonomija xprunata mill-għarfien, li trendi l-edukazzjoni tal-livell terzjarju ta' kwalità għolja essenzjali biex jintlaħqu l-għanijiet soċjali u ekonomiċi. Bl-għadd ta' impiegi li kull ma jmur dejjem jiżdied li jeħtieġu ħiliet ta' livell għoli, iktar żgħażagħ se jkollhom jidħlu għal u jispiċċaw l-edukazzjoni għola sabiex l-UE tkun tista' tilħaq l-għan tal-Ewropa 2020 ta' 40% ta' edukazzjoni ogħla jew ekwivalenti. Barra minn hekk, ir-riċerka għandha tattira u żżomm iktar żgħażagħ billi tipprovdi kundizzjonijiet attraenti ta' impieg. Jinħtieġ li jingħaraf li dawn l-għanijiet se jeħtieġu approċċ multidimensjonali, li jimmira li jimmodernizza l-edukazzjoni ogħla, jiżgura l-kwalità, l-eċċellenza u t-trasparenza u jistimula s-sħubija fid-dinja globalizzata tagħna. Xi universitajiet Ewropej huma fost l-aħjar fid-dinja, iżda huma mxekkla milli jilħqu l-potenzjal sħiħ tagħhom. L-edukazzjoni ogħla soffriet perjodu twil ta' sotto-investiment, flimkien ma espansjoni kbira fl-għadd ta' studenti. Il-Kummissjoni qed tisħaq għal darb'oħra li għal sistema universitarja moderna u ta' prestazzjoni tajba, investiment totali ta' 2% tal-PGD (ffinanzjar pubbliku u privat flimkien) huwa l-minimu meħtieġ għal ekonomiji ffukati fuq l-għarfien[17]. L-universitajiet għandhom jingħataw is-setgħa li jiddiversifikaw id-dħul tagħhom u jieħdu responsabbilità ikbar għas-sostennibilità finanzjarja fit-tul. L-Istati Membri jeħtieġu li jżidu l-isforzi biex jimmodernizzaw l-edukazzjoni ogħla [18] fl-oqsma ta' kurrikuli, governanza u ffinanzjar, bl-implimentazzjoni tal-prioritajiet maqbula fil-kuntest tal-proċess tal-Bologna, li jappoġġjaw l-aġenda l-ġdida għal kooperazzjoni u r-riforma fil-livell tal-UE u jiffukaw fuq l-isfidi ġodda fil-kuntest tal-Istrateġija tal-Ewropa 2020. Iż-żamma ta' livell għoli ta' kwalità hija kruċjali għall-attrazzjoni ta' edukazzjoni ogħla. L-assikurazzjoni tal-kwalità fl-edukazzjoni ogħla teħtieġ li tkun rinforzata f'livell Ewropew, billi tiġi appoġġjata l-kooperazzjoni fost il-partijiet interessati u l-istituzzjonijiet. Il-Kummissjoni għandha tissorvelja l-progress u tistipula l-prioritajiet f'dan il-qasam f'rapport li għandu jiġi adottat fl-2012, f'rispons għal Rakkomandazzjoni tal-Parlament Ewropew u tal-Kunsill[19]. F'dinja iktar globali u mobbli, it-trasparenza fir-rigward il-prestazzjoni ta' istituzzjonijiet ta' edukazzjoni ogħla tista' tistimula kemm kompetizzjoni kif ukoll kooperazzjoni u tista' tkun inċentiva għal iktar titjib u modernizzazzjoni. Madankollu, klassifiċi internazzjonali eżistenti jistgħu jagħtu stampa mhux kompluta tal-prestazzjoni tal-universitajiet, b'enfasi esaġerata fuq ir-riċerka, filwaqt li jeskludu fatturi ewelnin oħra li jwasslu lill-universitajiet jkunu ta' suċċess, bħall-kwalità tat-tagħlim, l-innovazzjoni, l-involviment reġjunali u l-internazzjonalizzazzjoni. Fl-2011, il-Kummissjoni għandha tippreżenta r-riżultati tal-istudju tal-fattibilità biex tiżviluppa sistema ta' klassifikazzjoni alternattiva multidimensjonali u globali tal-universitajiet , li tqis id-diversità tal-istituzzjonijiet ta' edukazzjoni ogħla. Il-kapaċità innovattiva tal-Ewropa se teħtieġ sħubija ta' għarfien u rabtiet ikbar bejn l-edukazzjoni, ir-riċerka u l-innovazzjoni ('it-triangolu tal-għarfien'). Dan jinkludi li jiġi sfruttat bis-sħiħ ir-rwol tal-Istitut Ewropew tal-Innovazzjoni u Teknoloġija (EIT) u l-Azzjonijiet Marie Curie, filwaqt li jinsilet it-tagħlim miksub mit-tnejn li huma. F'dan il-kuntest, il-Kummissjoni se tirrinforza u testendi l-attivitajiet tal-pjattaforma Ewropea għal djalogu bejn l-universitajiet u n-negozju ( Forum UE għad-Djalogu bejn l-Universitajiet ), bil-ħsieb li tiżdied l-impjegabbilità tal-istudenti u l-iżvilupp tar-rwol tal-edukazzjoni fit-'triangolu tal-għarfien'. L-edukazzjoni ogħla qed issir dejjem iktar internazzjonalizzata. Huma meħtieġa iktar mobilità, ċarezza u trasparenza internazzjonali biex jiġu attirati l-aħjar studenti, għalliema u riċerkaturi, biex jinħolqu u jiġu rinforzati l-isħubiji u l-kooperazzjoni akkademika mal-universitajiet minn partijiet oħra tad-dinja. Dan se jeħtieġ enfasi speċifika fuq tisħiħ tal-kooperazzjoni internazzjonali, programmi u djalogu politiku fl-edukazzjoni ogħla. A. Komunikazzjoni li tistabbilixxi l-isfidi ewlenin u l-azzjonijiet meħtieġa għall-edukazzjoni ogħla fl-Ewropa fil-perspettiva 2020 se jiġi ppreżentata fl-2011, inkluża strateġija tal-internazzjonalizzazzjoni tal-UE[20]. Azzjonijiet ġodda ewlenin: - Appoġġ għar-riforma u l-modernizzazzjoni ta' edukazzjoni ogħla, billi tiġi ppreżentata Komunikazzjoni ( 2011), li se tistabbilixxi aġenda msaħħa ġdida għall-edukazzjoni ogħla: Din ser tiffoka fuq it-tisħiħ l-impjegabilità tal-gradwati, tinkoraġġixxi l-mobilità, inkluż bejn l-akkademja u l-industrija, il-promozzjoni trasparenti u kwalità għolja ta' informazzjoni dwar possibilitajiet ta' studju u riċerka u l-prestazzjoni tal-istituzzjonijiet. Hija ser tiffoka wkoll fuq li tiftaħ opportunitajiet għal studenti mhux tradizzjonali u tiffaċilita l-aċċess għall-gruppi żvantaġġati, inkluż permezz ta' finanzjament adegwat. L-aġenda msaħħa se tipproponi wkoll strateġija ta' internazzjonalizzazzjoni tal-UE, waqt li tippromwovi l-attrazzjoni ta' edukazzjoni ogħla Ewropea. - Kriterju tal-prestazzjoni u r-riżultati edukattivi tal-edukazzjoni ogħla : Fl-2011, il-Kummissjoni se tippreżenta r-riżultati ta' studju ta' fattibilità, biex tiżviluppa sistema tal-klassifika universitarja globali u multi-dimensjonali, waqt li tqis id-diversità tal-istituzzjonijiet ta 'edukazzjoni ogħla. - Tiġi proposta Aġenda Strateġika multiannwali (2011), li tiddefinixxi r-rwol tal-EIT fil-kuntest tal-innovazzjoni multi-polari Ewropea u tistabbilixxi l-prijoritajiet għall-edukazzjoni ogħla, ir-riċerka, l-innovazzjoni u l-intraprenditorija matul is-seba' snin li ġejjin. 4. APPOġġ GħAL żVILUPP B'SAħħTU TA' TAGħLIM TRANSNAZZJONALI U MOBILITÀ TAL-IMPIEGI GħAż-żGħAżAGħ Filwaqt li l-mobilità fost il-popolazzjoni globali fl-UE ma kinitx partikolarment għolja, tistudja u taħdem f'pajjiż barrani huwa partikolarment attraenti għaż-żgħażagħ. Il-maġġoranza ta' nies '"mobbli" fl-UE huma bejn il-25 u l-34 sena Hemm tendenza f'dan il-grupp ta 'età li jkollhom għarfien aħjar tal-lingwi u inqas obbligi ta' familja. Iż-żieda fil-mobilità hija dovuta wkoll għall-fruntieri dejjem aktar miftuħa u s-sistemi ta' edukazzjoni aktar komparabbli. Din it-tendenza għandha tiġi appoġġjata billi ż-żgħażagħ jiġu pprovduti b'aċċess għal aktar opportunitajiet għat-tisħiħ tal-ħiliet jew biex isibu impieg. 4.1. Il-promozzjoni tal-mobilità tat-tagħlim Il-mobilità tat-tagħlim huwa mod importanti li bih iż-żgħażagħ jistgħu jsaħħu l-impjegabbiltà futura tagħhom u jiksbu kompetenzi professjonali ġodda, filwaqt li jtejbu l-iżvilupp tagħhom bħala ċittadini attivi. Hija tgħinhom biex jiksbu l-aċċess għal għarfien ġdid u jiżviluppaw kompetenzi ġodda lingwistiċi u interkulturali. L-Ewropej li huma mobbli bħala studenti żgħażagħ huma aktar probabbli li jkunu mobbli bħala ħaddiema aktar tard fil-ħajja. Min iħaddem jirrikonoxxi u japprezza dawn il-benefiċċji. Il-mobilità tat-tagħlim għandha wkoll rwol importanti biex tiftaħ iktar is-sistemi ta' edukazzjoni u taħriġ u l-istituzzjonijiet, u tgħinhom isiru aktar Ewropej u internazzjonali, aktar aċċessibbli u aktar effiċjenti[21]. L-UE għandha rekord twil u ta' suċċess ta' appoġġ għall-mobilità ta'tagħlim permezz ta' programmi u inizjattivi varji, li l-iktar magħruf fosthom huwa l-programm Erasmus[22]. Skemi futuri, bħall-ħolqien tal-Korp Volontarju Ewropew għall-Għajnuna Umanitarja previst mit-Trattat ta' Lisbona, jistgħu wkoll jikkontribwixxu għal dan il-proċess. Xi Stati Membri jużaw ukoll il-Fondi Strutturali, partikolarment il-Fond Soċjali Ewropew, għat-tagħlim transnazzjonali u l-mobilità tax-xogħol. Il-mobilità u l-iskambji ta' persunal ta' edukazzjoni ogħla u studenti bejn universitajiet Ewropej u dawk barra mill-Ewropa hija appoġġjata taħt il-programmi Erasmus Mundus u Tempus. L-għan tal-Kummissjoni huwa li testendi opportunitajiet għal mobilità tat-tagħlim liż-żgħażagħ kollha fl-Ewropa sal-2020 billi timmobilizza riżorsi u tneħħi l-ostakoli biex wieħed isegwi esperjenza ta' tagħlim barra l-pajjiż[23]. Il- Green Paper dwar il-Mobilità tat-Tagħlim (Lulju 2009)[24] nediet konsultazzjoni pubblika dwar kif l-aħjar biex jiġu ttrattati ostakoli għall-mobilità u jiftħu aktar opportunitajiet għat-tagħlim barra mill-pajjiż. Dan wassal għal aktar minn 3,000 reazzjoni, fosthom mill-Gvernijiet nazzjonali u reġjonali u partijiet oħra interessati[25] Dawn juru xewqa mifruxa biex tingħata spinta lill-mobilità tat-tagħlim fil-partijiet kollha tas-sistema edukattiva (edukazzjoni ogħla, skejjel, edukazzjoni u taħriġ vokazzjonali), iżda wkoll f'ambjenti mhux formali u informali, bħall-volontarjat. Fl-istess ħin, ir-risponsi jikkonfermaw li baqa' ħafna ostakoli għall-mobilità. Għalhekk, flimkien ma' din il-Komunikazzjoni, il-Kummissjoni qed tipproponi Rakkomandazzjoni tal-Kunsill dwar Mobilità tat-Tagħlim , bħala bażi għal kampanja miftiehma ġdida fost l-Istati Membri biex finalment jitneħħew l-ostakoli għall-mobilità. Il-monitoraġġ tal-progress se jkun rifless f'"Tabella ta' Valutazzjoni tal-Mobilità", li għandu jipprovdi stampa komparattiva ta' kif l-Istati Membri qegħdin ineħħu dawn l-ostakoli Biex jittejjeb il-fehim tad-drittijiet tal-istudenti li jistudjaw barra, il-Kummissjoni qed tippubblika, flimkien ma' din il-Komunikazzjoni, gwida dwar id-deċiżjonijiet rilevanti tal-Qorti Ewropea tal-Ġustizzja . Dan jitratta ma' kwistjonijiet bħall-aċċess għal istituzzjonijiet edukattivi, ir-rikonoxximent ta' diplomi u portabilità ta' għotjiet, li jgħinu l-awtoritajiet pubbliċi, il-partijiet interessati u l-istudenti jifhmu l-implikazzjonijiet tal-każistika stabbilita. Il-Ministri għall-Edukazzjoni Ogħla "Bolonja", li jirrappreżentaw 46 pajjiż, stabbilew kriterju fl-2009 li mill-inqas 20 % ta 'dawk li jiggradwaw fiż-Żona Ewropea ta' Edukazzjoni Għolja għandhom ikollhom studju jew perjodu ta' taħriġ barra l-pajjiż sal-2020 [26] . Fl-2010, bi tweġiba għat-talba tal-Kunsill ta' Mejju 2009, il-Kummissjoni ser tipproponi punti ta' referenza dwar mobilità tat-tagħlim fl-UE , li jiffoka b'mod partikolari fuq studenti fl-edukazzjoni ogħla u l-VET. Strumenti u għodod Ewropej biex jiffaċilitaw il-mobilità , bħas-Sistema Ewropea għall-Akkumulazzjoni u t-Trasferiment ta' Krediti (ECTS), Qafas Ewropew tal-Kwalifiki għat-tagħlim tul il-ħajja (EQF) u l-Europass, għandhom jiġu implimentati bis-sħiħ sabiex jipprovdu benefiċċju sħiħ tagħhom għall-istudenti mobbli[27]. Il-mobilità virtwali għandha tiġi promossa biex tikkomplementa l-mobilità fiżika, permezz tal-użu tal-ICT u tal-e-tagħlim. Il-Kummissjoni se tiżviluppa elementi eżistenti Europass f' passaport tal-ħiliet Ewropej , sabiex tiżdied it-trasparenza u t-trasferiment ta' kompetenzi miksuba permezz ta' kemm it-tagħlim formali kif ukoll dak mhux formali madwar l-Unjoni Ewropea. F'dan il-kuntest, se jiġu żviluppati għodod biex jidentifikaw u jirrikonoxxu l-kompetenzi tal-prattikanti fl-ICT u l-utenti, inkluż Qafas Ewropew għall-ICT Professjonaliżmu konformi mal-UE-e-ħiliet istrateġija[28]. Il-Kummissjoni se tfittex ukoll li tiżviluppa kard taż-Żgħażagħ Mobbli biex tħaffef il-proċess ta' integrazzjoni għal studenti mobbli meta jiċċaqilqu barra minn pajjiżhom u tipprovdi vantaġġi oħra konformi mal-kards nazzjonali taż-żgħażagħ jew tal-istudenti. Il-finanzjament mill-UE jappoġġja l-istudenti, ir-riċerkaturi, iż-żgħażagħ u l-mobilità tal-voluntiera permezz ta' għadd ta' programmi, għalkemm l-għadd ta' żgħażagħ li huma kapaċi li jibbenefikaw minn dawn jibqa' relativament żgħir b'madwar 380,000 fis-sena. Il-Kummissjoni se ttejjeb l-effiċjenza u l-funzjonament ta' dawn il-programmi u se tippromwovi strateġija integrata għall-appoġġ taż-Żgħażagħ Mobbli taħt il-Qafas Finanzjarju li jmiss. Azzjonijiet ewlenin ġodda: - Titwaqqaf websajt Żgħażagħ Mobbli li tagħti informazzjoni dwar it-tagħlim u l-opportunitajiet ta' mobilità fl-UE ( 2010): Dan il-websajt għandu jagħti trasparenza sħiħa għall-programmi kollha rilevanti tal-UE, l-opportunitajiet u d-drittijiet relatati mal-mobilità tat-tagħlim għaż-żgħażagħ, u jiġi żviluppat b'mod progressiv, eż billi jorbot azzjonijiet tal-UE mal-inizjattivi nazzjonali u reġjonali, jipprovdi informazzjoni dwar possibilitajiet ta' finanzjament, programmi ta 'edukazzjoni u taħriġ madwar l-Ewropa (billi titqies il-ħidma li għaddejja dwar għodod ta' trasparenza u l-portal PLOTEUS eżistenti), jelenka l-intrapriżi ta' kwalità li jipprovdu apprendistati u simili. - Jiġi propost abbozz ta' Rakkomandazzjoni tal-Kunsill dwar il-promozzjoni tal-mobilità taż-żgħażagħ (2010), li jindirizza l-ostakoli għall-mobilità tat-tagħlim fil-livell nazzjonali, Ewropew u internazzjonali. Dan jibni fuq r-reazzjoni mill-konsultazzjoni pubblika 2009 fil-Green Paper "Nippromwovu l-mobilità taż-żgħażagħ" Permezz ta 'monitoraġġ regolari, " Tabella ta' Valutazzjoni tal-Mobilità " se tagħti l-kriterji u tkejjel il-progress fit-tneħħija ta' dawn l-ostakoli fl-Istati Membri. - Tiġi żviluppata kard Żgħażagħ Mobbli biex tiffaċilità l-mobilità għaż-żgħażagħ kollha (jiġifieri l-istudenti, apprendisti, trainees, riċerkaturi u voluntiera), li tgħin biex jiġi ffaċilitat il-proċess ta' integrazzjoni tal-studenti mobbli. - Tiġi ppubblikata Gwida dwar il-Qorti Ewropea tal-Ġustizzja dwar id-drittijiet ta 'studenti mobbli (2010): Din tkopri kwistjonijiet bħall-aċċess, ir-rikonoxximent u l-portabilità tal-għotjiet. - Jiġi propost Passaport Ewropew tal-Ħiliet (2011), ibbażat fuq elementi eżistenti tal-Europass, biex jirreġistra b'mod trasparenti u komparabbli l-kompetenzi miksuba minn nies tul ħajjithom kollha f'varjetà ta kuntesti ta' tagħlim, inkluż l-e-ħiliet u t-tagħlim informali u mhux formali. Dan għandu jiffaċilita l-mobilità billi jiġi ffaċilitat ir-rikonoxximent tal-ħiliet fost il-pajjiżi. 4.2. Il-promozzjoni tal-mobilità tal-impiegi Kif enfasizzat aktar reċentement fir-rapport Monti[29], anki fit-tnaqqis ekonomiku, l-impjiegi baqgħu vakanti fl-UE. Dan huwa parzjalment minħabba nuqqas ta' mobilità ta' xogħol ġewwa l-Unjoni. Madankollu, il-maġġoranza tal-Ewropej (60%) jaħsbu li l-fatt li n-nies li jiċċaqalqu fi ħdan l-UE huwa ħaġa tajba għall-integrazzjoni Ewropea, 50% jaħsbu li dan huwa ħaġa tajba għas-suq tax-xogħol u 47% jaħsbu li dan huwa ħaġa tajba għall- ekonomija[30]. Li jaħdmu barra mill-pajjiż huwa partikolarment attraenti għaż-żgħażagħ Madankollu għad hemm ħafna ostakoli li, fil-prattika, ifixklu l-moviment ħieles: jeħtieġ li dawn jitneħħew biex issir aktar faċli għall-ħaddiema żgħażagħ li jiċċaqalqu u jaħdmu fi ħdan l-Unjoni u jiksbu ħiliet u kompetenzi ġodda. Iż-żgħażagħ spiss huma lesti li jaħdmu barra minn pajjiżhom, iżda ma jeħdux opportunitajiet ta' xogħol f'pajjiżi oħra għaliex ma jkunux konxji tagħhom, u minħabba l-ispejjeż taċ-ċaqliq. Il-pariri u l-appoġġ finanzjarju biex ikopri l-ispejjeż ta' rilokazzjoni tal-applikanti żgħażagħ għall-impiegi fil-pajjiż il-ġdid, kif ukoll ftit mill-ispejjeż għall-integrazzjoni li normalment jitħallsu minn min iħaddem, jistgħu jikkontribwixxu għal tqabbil aħjar tal-provvista tax-xogħol mad-domanda tax-xogħol , filwaqt li jagħtu lill-ħaddiema żgħażagħ esperjenzi u ħiliet siewja. Iż-żgħażagħ ġodda fis-suq tax-xogħol u n-negozji ta' spiss ma jintrabtux faċilment, u s-Servizzi tal-Impjieg Pubbliku (PES) mhux dejjem joffru servizzi adattati għaż-żgħażagħ u ma jħaddmux biżżejjed il-kumpaniji fir-reklutaġġ taz-żgħażagħ madwar l-Ewropa. L-EURES u l-opportunitajiet ta' impjieg li joffri mhumiex sfruttati għal kollox mill-PES, anke jekk 12% tal-Ewropej jafu dwaru u 2% fil-fatt użawh ukoll[31]. Waqt li tiffaċċja l-iskarsezza tax-xogħol futur, l-Ewropa teħtieġ li żżomm kemm jista' jkun ħaddiema b'ħiliet kbar kif ukoll tattira l-ħiliet xierqa għaż-żieda mistennija fid-domanda tax-xogħol. Se jkunu meħtieġa sforzi speċjali biex jiġbdu lill-migranti b'ħiliet għolja fil-kompetizzjoni globali għat-talent. Firxa wiesgħa ta' aspetti lil hinn mill-politika tax-xogħol tradizzjonali jikkontribwixxu għall-ġibda relattiva ta' lokazzjoni tax-xogħol. Il-politiki għandhom jindirizzaw il-fatt li ċerti professjonijiet iġiegħlu lil wisq Ewropej jemigraw u ftit wisq immigranti minn pajjiżi terz jidħlu fl-Ewropa. Dan jinkludi li titqajjem il-kuxjenza tad-drittijiet taċ-ċittadini meta jiċċaqilqu fi ħdan l-UE, b'mod partikolari fil-qasam tal-koordinazzjoni tas-sigurtà soċjali u l-moviment ħieles tal-ħaddiema, proċeduri simplifikati għall-koordinazzjoni tas-sigurtà soċjali waqt li jitqiesu xejriet ġodda ta' mobilità, it-tnaqqis tal-ostakoli għall-moviment liberu ta' ħaddiema (per eżempju aċċess għall-impjiegi fis-settur pubbliku), it-titjib fl-informazzjoni li tingħata liż-żgħażagħ dwar professjonijiet fid-domanda , iż-żieda fl-attrazzjoni tal-impjiegi fi professjonijiet li jikkawżaw eżodu ta' mħuħ (eż. professjonijiet xjentifiċi u mediċi) u l-identifikazzjoni fi ħdan l-inizjattiva tal-Ħiliet u Impjiegi Ġodda ta' dawk ix-xogħolijiet b'nuqqasijiet li talenti żgħażagħ fi ħdan u barra l-UE għandhom jiġu mħajra għalihom. Azzjonijiet ewlenin ġodda: - L-iżvilupp ta' inizjattiva ġdida: "L-ewwel impjieg EURES tiegħek", bħala proġett pilota (sakemm jirċievi l-appoġġ finanzjarju mitlub mill-awtorità baġitarja) li jgħin liż-żgħażagħ isibu xogħol fi kwalunkwe mill-Istati Membri UE-27 u jgħixu barra minn pajjiżhom. Li tfittex impjieg barra mill-pajjiżek għandu jkun faċli daqs li kieku tfittex f'pajjiżek. "L-ewwel impjieg EURES tiegħek" għandu jipprovdi konsulenza, tfittxija tax-xogħol, reklutaġġ u appoġġ finanzjarju għal kemm iż-żgħażagħ li qed ifittxu xogħol barra mill-pajjiż kif ukoll il-kumpaniji (b'mod partikolari l-SMEs) li jirreklutaw ħaddiema żgħażagħ mobbli Ewropej u jipprovdu programm komprensiv ta' integrazzjoni għar-reklutati ġodda. Dan l-istrument ġdid ta' mobilità għandu jiġi amministrat mill-EURES, in-netwerk Ewropew tal-mobilità tax-xogħol tas-Servizzi ta' Impjieg Pubbliku. - Fl-2010 jinħoloq " Monitoraġġ tal-Postijiet Vakanti Ewropej ", li juri ż-żgħażagħ u l-konsulenti tax-xogħol fejn l-impjiegi huma fl-Ewropa u liema ħiliet huma meħtieġa Il-Monitoraġġ tal-Postijiet Vakanti Ewropej se jtejjeb it-trasparenza u l-informazzjoni dwar impjiegi disponibbli għal żgħażagħ li qed ifittxu x-xogħol billi jiżviluppa sistema ta' intelliġenza dwar ix-xogħol u domanda tal-ħiliet fl-Ewropa kollha. - Tiġi ssorveljata l-applikazzjoni tal-leġiżlazzjoni tal-UE dwar il-libertà tal-ħaddiema , biex jiġi żgurat li miżuri ta' inċentiva fl-Istati Membri għall-ħaddiema żgħażagħ, inkluż fit-taħriġ vokazzjonali, huma aċċessibbli wkoll għall-ħaddiema żgħażagħ mobbli, u fl-2010, jiġu identifikati, iż-żoni għall-azzjoni biex jippromwovu l-mobilità taż-żgħażagħ mal-Istati Membri fil-Kumitat Tekniku dwar il-moviment ħieles tal-ħaddiema. 5. QAFAS GħALL-IMPIEG TAż-żGħAżAGħ Filwaqt li l-Istati Membri kollha għandhom politiki dwar l-impjieg taż-żgħażagħ fis-seħħ, u ħafna ħadu azzjoni addizzjonali matul il-kriżi - ta 'spiss b'involviment mill-qrib tal-Imsieħba Soċjali - għad fadal ħafna xi jsir[32][33]. Miżuri għat- tnaqqis fil-qgħad għoli taż-żgħażagħ u żieda fir-rati tal-impjieg taż-żgħażagħ fi żminijiet ta' baġits pubbliċi li jkunu magħfusin għandhom ikunu effiċjenti fit-terminu qasir u sostenibbli fit-tul biex jindirizzaw l-isfida tal-bidla demografika. Huma għandhom ikopru b'mod integrat is-sekwenza ta' passi għaż-żgħażagħ fit-tranżizzjoni mill-edukazzjoni għax-xogħol u jiżguraw xbieki ta' sikurezza għal dawk bir-riskju li jitilqu mill-edukazzjoni u l-impjiegi. Il-leġiżlazzjoni eżistenti tal-UE li tipproteġi liż-żgħażagħ fuq ix-xogħol għandha tiġi implimentata b'mod sħiħ u adegwatament[34]. L-evidenza turi li koordinazzjoni ta' politika b'saħħitha fuq livell Ewropew fi ħdan l-prinċipji komuni ta' flessigurtà tista' tagħmel differenza reali għaż-żgħażagħ. Flimkien mal-partijiet interessati inkluż is-Servizzi tal-Impjieg Pubbliku (PES), l-Imsieħba Soċjali, u l-NGOs, huma meħtieġa tentattivi speċifiċi min-naħa tal-UE u nazzjonali. Huma għandhom ikunu bbażati fuq l- azzjonijiet prijoritarji li ġejjin biex jitnaqqas il-qgħad taż-żgħażagħ u jittejbu l-prospetti tax-xogħol taż-żgħażagħ. Il-prijoritajiet għall-azzjoni għandhom jitqiesu bħala kontribuzzjoni lejn il- mira ta' impjieg ta' 75% stabbilit fl-Ewropa 2020. In-nuqqas ta' opportunitajiet ta' xogħol deċenti għaż-żgħażagħ hija sfida mifruxa madwar l-ekonomija globali. Iż-żieda fl-impjieg taż-żgħażagħ fil-pajjiżi msieħba tagħna u notevolment fil-Viċinat tal-UE mhux biss se jibbenefikaw minnhom iż-żgħżagħ, iżda se jkunu ta'impatt pożittiv għall-UE. L-impjieg għaż-żgħażagħ wasal saħansitra aktar fuq quddiem tad-dibattitu politiku globali bi tweġiba għall-kriżi u l-irkupru, b'enfasi fuq il-konverġenza ta' prijoritajiet tal-politika u l-istimolu ta' skambju politiku. Dan ġie enfasizzat mill-Patt Globali tal-Impjiegi tal-ILO, ir-rakkomandazzjonijiet mill-Ministri tal-Impjieg u tax-Xogħol tal-G20, l-Istrateġija Globali ta' Taħriġ tal-G20 jew il-Forum taż-Żgħażagħ tal-OECD. 5.1. Għajnuna biex jinkiseb l-ewwel xogħol u tinbeda l-karriera Wara li jkunu spiċċaw l-iskola sekondarja, iż-żgħażagħ għandhom jew jiksbu impjieg jew jidħlu għal edukazzjoni ulterjuri - u jekk le, huma għandhom jirċievu appoġġ xieraq permezz ta' miżuri tas-suq tax-xogħol jew soċjali attivi , anki jekk ma jkunux intitolati għall-benefiċċji. Dan huwa importanti, partikolarment fl-Istati Membri bi ftit opportunitajiet tax-xogħol, b'tali mod li ż-żgħażagħ ma jaqgħux lura fi stadju bikri. Prerekwiżit huwa li jiżgura li ż-żgħażagħ ikollhom aċċess usa u iktar bikri għal dawn il-miżuri, anki jekk ma jkunux reġistrati bħala persuni li qed jfittxu impieg. Għaż-żgħażagħ bi sfond ta' migrazzjoni jew li jappartjenu għal gruppi etniċi speċifiċi, miżuri iktar adattati jistgħu jkunu meħtieġa biex itejbu l-progress li sar minn din il-popolazzjoni taż-żgħażagħ li kull ma tmur dejjem tikber, li ħafna drabi jesperjenzaw diffikultajiet partikolari fil-bidu tal-karriera tagħhom. Gradwati minn passaġġi vokazzjonali u mill-edukazzjoni ogħla jeħtieġu wkoll appoġġ biex jaslu malajr kemm jista' jkun għall-ewwel impieg tagħhom full-time. Istituzzjonijiet tas-suq tax-xogħol, speċjalment is- Servizzi ta' Impjieg Pubbliku , għandhom il-kompetenza biex jinfurmaw liż-żgħażagħ dwar opportunitajiet ta' xogħol, u li jagħtuhom għajnuna għat-tiftix tax-xogħol - iżda għandhom bżonn jadattaw l-appoġġ tagħhom għall-ħtiġijiet speċifiċi taż-żgħażagħ, partikolarment permezz ta' sħubiji ma' istituzzjonijiet ta' taħriġ u tal-edukazzjoni, l-appoġġ soċjali u s-servizzi ta' gwida tal-karriera, trade unions u min iħaddem, li jistgħu ukoll joffru dan it-tip ta' appoġġ bħala parti mill-politika tar- Responsabbiltà Soċjali Korporattiva tagħhom (CSR). Min iħaddem, meta offrut għażla bejn ħaddiem b'esperjenza u novizz, ħafna drabi jippreferu dak bl-esperjanza. Arranġamenti tal-pagi u l-ispejjeż tax-xogħol mhux marbuta mal-pagi jistgħu jipprovdu inċentiv biex jiġu impjegati ħaddiema ġodda, iżda m'għandux jikkontribwixxi għal prekarjetà. In-negozjar kollettiv jista' wkoll ikollu rwol pożittiv fl-iffissar miftiehem tal-pagi differenzjati għall-ħaddiema ġodda. Miżuri bħal dawn għandhom ukoll jiġu kkumplimentati minn benefiċċji sekondarji u aċċess għal taħriġ biex jgħinu liż-żgħażagħ jibqgħu fl-impjieg. Il-ħaddiema żgħażagħ huma ħafna drabi reklutati permezz ta' kuntratti temporanji , li jistgħu jippermettu lil ditti li jittestjaw il-ħiliet u l-produttività tal-ħaddiema qabel ma joffrulhom impjieg indeterminat.. Madankollu, wisq ta' spiss, il-kuntratti temporanji huma biss alternattiva irħas għal dawk permanenti, b'mod partikolari f'pajjiżi fejn id-differenza bejn ir-regolamenti ta' tkeċċija ta' dawn il-kuntratti hija għolja (jiġifieri ħlas ta' terminazzjoni, perjodi ta' notifika, possibbilità ta' appell lill-qrati): allura r-riżultat huwa suq tax-xogħol maqsum , fejn ħafna ħaddiema żgħażagħ jesperjenzaw sekwenza ta' impjiegi temporanji li talterna mal-qgħad, bi ftit ċans li jiċċaqilqu għal kuntratt aktar stabbli, u indeterminat u kontribuzzjonijiet inkompluti għall dispożizzjonijiet ta' pensjonijiet. Iż-żgħażagħ nisa huma partikolarment f'riskju li jaqaw f'din il-nassa ta' segmentazzjoni. L-użu suċċessiv ta' kuntratti bħal dawn għandhom jiġu limitati, peress li huwa ħażin għat-tkabbir, il-produttività u l-kompetittività[35]: dan għandu effetti negattivi fit-tul fuq l-akkumulazzjoni tal-kapital uman u l-qligħ tal-kapaċità, minħabba li l-ħaddiema żgħażagħ temporanji għandhom tendenza li jirċievu pagi aktar baxxi u anqas taħriġ. Modi possibbli biex dan jiġi indirizzat huwa li jiġu introdotti inċentivi fiskali lil ditti li jużaw kuntratti permanenti jew għall-konverżjoni ta' kuntratti temporanji f'dawk permanenti. Sabiex titfa' aktar dawl fuq il-kuntest partikolari, fl-2010 l-Kummissjoni se tippreżenta analiżi komprensiva ta' fatturi li jaffettwaw ir-riżultati tas-suq tax-xogħol għaż-żgħażagħ u r-riskji ta' segmentazzjoni tas-suq tax-xogħol li jaffettwaw liż-żgħażagħ. 5.2. Appoġġ għaż-żgħażagħ f'riskju Indikaturi għall-prestazzjoni tas-suq tax-xogħol taż-żgħażagħ ma jurux għal kollox il-fatt li 15% ta' Ewropej bejn l-20-24 sena huma distakkati kemm mix-xogħol kif ukoll mill-edukazzjoni (żgħażagħ NEET: la fl-impjieg, la fl-edukazzjoni u lanqas f'taħriġ) u qegħdin f'riskju li jiġu esklużi b'mod permanenti mis-suq tax-xogħol u jiġu dipendenti fuq il-benefiċċji. Huwa essenzjali, bħala l-ewwel prijorità, biex tiġi indirizzata din il-problema, li jiġu pprovduti passaġġi xierqa għal dawn iż-żgħażagħ biex jerġgħu lura għall-edukazzjoni u taħriġ jekk dan jinħtieġ jew biex jinġiebu f'kuntatt mas-suq tax-xogħol. Għandu jsir kull sforz ukoll biex jkun assigurat li l-biċċa l-kbira taż-żgħażagħ b'diżabilità jew bi problemi ta' saħħa jkollhom impieg, biex jiġu minimizzati r-riskji ta' inattività u l-esklużjoni soċjali fil-futur. Is-Servizzi tal-Impjieg Pubbliku huma kruċjali biex ikabbru u jikkoordinaw sforzi bħal dawn Għażla minnhom hija li jiġu żviluppati sħubiji u ftehimiet ma' dawk li jħaddmu u jiġu offruti appoġġ speċjali għar-reklutaġġ ta' żgħażagħ f'riskju 5.3. Jiġu pprovduti xbieki ta 'sigurtà soċjali adegwati għaż-żgħażagħ L-inklużjoni attiva ta 'żgħażagħ, b'enfasi partikolari fuq l-aktar gruppi vulnerabbli, teħtieġ kombinazzjoni ta' appoġġ ta' dħul adegwat, swieq tax-xogħol inklużivi u aċċess għal servizzi ta' kwalità[36]. Ħafna żgħażagħ qiegħda, speċjalment jekk dawn qatt ma ħadmu, m'għandhom l-ebda aċċess għal benefiċċji tal-qgħad jew appoġġ minn dħul ieħor Biex tiġi indirizzata din il-problema, l- aċċess għal benefiċċji soċjali , fejn xieraq, għandhu jkun żgurat, u fejn meħtieġ , imwessa ' biex jipprovdi sigurtà fid-dħul, filwaqt li, fl-istess ħin, miżuri effettivi u effiċjenti ta' attivazzjoni u kondizzjonalità għandhom jiżguraw li l-benefiċċji jingħataw biss jekk iż-żagħżugħ jiġi involut fit-tfittxija attiva għal impjieg jew fl-edukazzjoni jew taħriġ ulterjuri. Dan huwa ta 'importanza ewlenija sabiex jiġu evitati nases ta' benefiċċju. L-immodernizzar tas-sistemi tas-sigurtà soċjali għandhom jindirizzaw is-sitwazzjoni prekarja taż-żgħażagħ. Għadd dejjem jikber ta' żgħażagħ qed jiġu ttrasferiti fuq il- benefiċċji għal diżabilità (permanenti). Filwaqt li xi wħud jistgħu ma jkunux kapaċi jaħdmu kompletament, anke b'postijiet tax-xogħol adattati b'mod xieraq, oħrajn jistgħu jsibu mod lura għas-suq tax-xogħol permezz ta' politiki ta 'attivazzjoni mfassla tajjeb 5.4. Appoġġ għall-intraprendituri żgħażagħ u l-impjieg Ix-xogħol għall-ħajja mal-istess persuna li tħaddem ċertament mhux se tkun in-norma: Il-biċċa l-kbira tal-ħaddiema se jibdlu kumpaniji diversi drabi, u ħafna mill-impjiegi attwali u futuri huma fl-SMEs u l-mikro-intrapriżi. Barra minn hekk, l-impjieg indipendenti huwa mutur importanti ta' intraprenditorija u għalhekk jista' jikkontribwixxi b'mod sinifikanti għall-ħolqien ta'impjiegi, speċjalment fis-settur tas-servizzi. L-impieg indipendenti joffri opportunità ta' valur għaż-żgħażagħ li jagħmlu użu mill-ħiliet tagħhom u jifformolaw l-għamla tax-xogħol tagħhom huma stess. Hija wkoll għażla li għandha tiġi kkunsidrata serjament minn dawk li jgħinu liż-żgħażagħ jippjanaw il-karriera tagħhom. L-interess u l-potenzjal taż-żgħażagħ biex isiru intraprendituri jeħtieġ li jitħeġġeġ sew billi jitrawmu l-imħuħ u attitudnijiet intraprenditorjali fl-edukazzjoni u t-taħriġ. Dan għandu jkun appoġġjat mis-setturi pubbliċi u privati. Għal dan il-għan, iż-żgħażagħ jeħtieġu aktar opportunitajiet li jkollhom esperjenzi intraprenditorjali, li jirċievu appoġġ u gwida dwar pjanijiet ta' negozju, aċċess għall-kapital tal-bidu u kowċing fil-perjodu tal-bidu . Hawnhekk ukoll, is-Servizzi tal-Impjieg Pubbliku għandhom rwol importanti, billi jagħtu informazzjoni u pariri lil żgħażagħ li qed ifittxu xogħol dwar l-opportunitajiet ta' intraprenditorija u ta' impieg indipendenti. Azzjonijiet ewlenin ġodda: Il-Kummissjoni se: - Sabiex tindirizza il-limitazzjonijiet fl-infiq pubbliku, taħdem mal-Istati Membri biex jidentifikaw il-miżuri ta' appoġġ aktar effettiv , inkluż pjazzament tax-xogħol, programmi ta' taħriġ, sussidji ta' reklutaġġ u l-arranġamenti tal-pagi, miżuri ta' sigurtà u l-benefiċċji flimkien mal-attivazzjoni u tipproponi azzjonijiet adegwata ta' segwitu. - Tistabbilixxi monitoraġġ sistematiku tas-sitwazzjoni taż-żgħażagħ mhux fl-impjieg, edukazzjoni jew taħriġ (NEETs) fuq il-bażi ta' dejta komparabbli madwar l-UE, bħala appoġġ għall-iżvilupp ta' politika u tagħlim reċiproku f'dan il-qasam - Tistabbilixxi, bl-appoġġ tal-programm PROGRESS, Programm ta' Tagħlim Reċiproku ġdid għas- Servizzi Pubbliċi Ewropej ta' Impjieg (2010), biex tgħinhom jilħqu liż-żgħażagħ u testendi s-servizzi speċjalizzati għalihom. Dan il-programm se jidentifika elementi ewlenin ta' prattika tajba fis-Servizzi ta' Impjieg Pubbliku u jappoġġja t-trasferibbiltà tagħhom. - Issaħħaħ id-djalogu ta' politika bilaterali u reġjonali dwar l-impjiegi taż-żgħażagħ ma' sħab strateġiċi tal-UE u l-Viċinat Ewropew, u fil-fora internazzjonali, partikolarment l-ILO, l-OECD u l-G20. - Tħeġġeġ l-użu akbar ta' appoġġ għal intraprendituri żgħażagħ potenzjali permezz tal-Faċilità Ewropea ġdida ta' Mikrofinanzjament Progress tal-Kummissjoni [37] Il-Faċilità iżżid l-aċċessibbiltà u d-disponibilità tal-mikrofinanzjament għal dawk li jixtiequ li joħolqu jew jiżviluppaw aktar negozju, iżda li jkollhom diffikultajiet biex ikollhom aċċess għas-suq ta' kreditu konvenzjonali. F'ħafna Stati Membri żgħażagħ mikro-imprendituri li jfittxu finanzjament taħt il-Faċilità Mikro-finanza se jibbenefikaw ukoll minn gwida u taħriġ bl-appoġġ tal-ESF. Fil-qafas tal-Ewropa 2020 u l-Istrateġija Ewropea tal-Impieg, l-Istati Membri għandhom jiffokaw fuq: - Li jkun żgurat li ż-żgħażagħ kollha huma fl-impjieg, edukazzjoni ulterjuri jew miżuri ta 'attivazzjoni fi żmien erba' xhur minn meta jitilqu mill-iskola u jipprovdu dan bħala " Garanzija Żgħażagħ". Għal dan il-għan, l-Istati Membri huma mitluba li jidentifikaw u jegħlbu l-ostakoli legali u amministrattivi li jistgħu jimblukkaw l-aċċess għal dawn il-miżuri għaż-żgħażagħ li huma inattivi għajr għal raġunijiet ta' edukazzjoni. Dan se spiss jirrikjedu li jiġi estiż l-appoġġ tal-PES, bl-użu ta' strumenti adattati għall-ħtiġijiet taż-żgħażagħ. - Joffru bilanċ tajjeb bejn drittijiet għall-benefiċċji, u miżuri mmirati ta' attivazzjoni bbażati fuq obbligazzjoni reċiproka, sabiex jiġi evitat li ż-żgħażagħ, speċjalment l-aktar vulnerabbli, jaqgħu barra minn kull sistema ta 'protezzjoni soċjali. - Fis-swieq tax-xogħol segmentati, jiġi introdott "kuntratt uniku" miftuħ ma' perjodu ta' prova twil biżżejjed u żieda gradwali tad-drittijiet ta' protezzjoni, aċċess għal taħriġ, tagħlim tul il-ħajja u gwida tal-karriera għall-impjegati kollha. L-introduzzjoni ta' dħul minimu speċifiku għaż-żgħażagħ u l-ispejjeż mhux differenzjati b'mod pożittiv tal-pagi biex il-kuntratti permanenti għaż-żgħażagħ isir aktar attraenti u tiġi ndirizzata is-segmentazzjoni tas-suq tax-xogħol, skont il-prinċipji komuni tal-flessigurtà. 6. L-ISFUTTAR TAL-POTENZJAL KOLLU TAL-PROGRAMMI TAL-FONDI TAL-UE Bosta programmi eżistenti diġà jappoġġjaw l-għanijiet ta' Żgħażagħ Mobbli. Fir-rigwrad tal-edukazzjoni u t-taħriġ, il-programmi ta' Tagħlim Tul il-Ħajja (inkluż Erasmus, Leonardo da Vinci, Comenius u Grundtvig), Żgħażagħ fl-Azzjoni, Erasmus Mundus, Tempus u Azzjonijiet Marie Curie jindirizzaw gruppi speċifiċi fil-mira. L-għanijiet tagħhom għandhom jissaħħu, jiġu razzjonalizzati u użati aħjar biex jappoġġjaw l-għanijiet ta' Żgħażagħ Mobbli. Għalliema, trejners, riċerkaturi u ħaddiema żgħażagħ jistgħu jaġixxu bħala moltiplikaturi tal-mobilità f'livelli differenti: fil-persważjoni taż-żgħażagħ biex jipparteċipaw f'esperjenza ta' mobilità, fit-tħejjija tal-parteċipanti, u fiż-żamma tal-kuntatt mal-istituzzjoni , organizzazzjoni jew intrapriża ospitanti Fil-ġenerazzjoni li jmiss ta' programmi ta' mobilità, il-Kummissjoni se tipproponi fokus akbar fuq żieda fil-mobilità ta' multiplikaturi, bħal għalliema u trejners, biex jaġixxu bħala difensuri tal-mobilità. Il-Kummissjoni se teżamina l-possibilità li tkabbar il-promozzjoni tal-mobilità intraprenditorjali għaż-żgħażagħ , b'mod partikolari billi żżid il-mobilità tal-pjazzament tax-xogħol tal-Erasmus, tippromwovi l-edukazzjoni intraprenditorjali fil-livelli kollha tas-sistema edukattiva u fl-EIT, tkabbar l-parteċipazzjoni tan-negozju fl-azzjonijiet Marie Curie u billi tappoġġja l-inizjattiva " Erasmus għall-intraprendituri żgħażagħ " . Dawn il-programmi waħedhom, madankollu, mhux se jkunu jistgħu jilqgħu għat-talbiet kollha Għalhekk, hemm bżonn li jingħaqad il-finanzjament minn ħafna sorsi u jkun hemm aktar involviment mill-awtoritajiet pubbliċi, is-soċjetà ċivili, kummerċjali u oħrajn li jappoġġjaw l-għanijiet tal-Programm Żgħażagħ Mobbli, biex tinkiseb il-massa kritika meħtieġa. Il- Fond Soċjali Ewropew (ESF) jipprovdi għajnuna konsiderevoli għaż-żgħażagħ. Huwa l-istrument finanzjarju prinċipali tal-UE għall-appoġġ tal-impjieg taż-żgħażagħ, l-intraprenditorija u l-mobilità tal-ħaddiema żgħażagħ, biex jiġi evitat it-tluq bikri mill-iskola u jiżdiedu l-livelli tal-ħiliet. Terz mill-10 miljun benefiċjarji tal-ESF appoġġjati kull sena huma żgħażagħ, u madwar 60% tal-baġit tal-ESF sħiħ ta' 75 biljun għall-2007-2013 u l-ko-finanzjament nazzjonali jibbenefikaw iż-żgħażagħ. L-ESF b'mod sinifikanti jappoġġja ukoll r-riformi tas-sistemi ta' edukazzjoni u taħriġ tal-Istati Membri u l-parteċipazzjoni fit-tagħlim tul il-ħajja, li jikkontribwixxu € 20,7 biljun. Madankollu l-potenzjal tal-ESF għandu jkun massimizzat , minħabba d-deterjorament drastiku fis-sitwazzjoni taż-żgħażagħ mit-tfassil tal-programmi tal-ESF. Għal dan il-għan, il-Kummissjoni se twettaq evalwazzjoni tal-miżuri attwali tal-ESF u mbagħad taħdem mal-Istati Membri biex jidentifikaw il-miżuri ewlenin fil-mira u l-azzjonijiet ta' politika li għandhom b'mod urġenti jirċievu l-appoġġ tal-ESF. Dan se jsir permezz tal-rappurtar ESF u s-sorveljanza multilaterali Ewropa 2020. Is-sensibilizzazzjoni għandha wkoll tiġi intensifikata, sabiex iż-żgħażagħ jkunu jistgħu jisfruttaw bis-sħiħ l-opportunitajiet offruti mill-ESF. Il-Kummissjoni ser teżamina, flimkien mal-Istati Membri u r-reġjuni, kif l-aħjar jappoġġjaw l-impjiegi, l-opportunitajiet edukattivi u l-infrastruttura tal-edukazzjoni ogħla taż-żgħażagħ permezz ta' fondi oħra strutturali u ta' koeżjoni, b'mod partikolari il-Fond Ewropew għall-Iżvilupp Reġjonali. Barra minn hekk, PROGRESS u l-ġdida Faċilità Ewropea ġdida tal-mikro-finanza se jiġu sfruttati aktar, kif għandhom jiġu sfruttati l-fondi nazzjonali u reġjonali. Il-Kummissjoni qed teżamina wkoll jekk toħloqx fil-livell tal-UE, b'kooperazzjoni mal-Bank Ewropew għall-Investiment, faċilità ta' self lill-istudenti bħala komplement għall-iskemi tal-Istati Membri. Id-disponibilità ta' self għall-studju għaż-żgħażagħ tista' tiżdied u tikkontribwixxi għal aktar mobilità transkonfinali fl-edukazzjoni, inkluża l-għażla għall-istudenti biex jagħmlu programm ta' studju kollu barra mill-pajjiż. Il-kumplimentarjetà mal-programmi eżistenti tal-UE dwar l-edukazzjoni u t-taħriġ għandhom jiġu żgurati. Bħalissa qed jitwettaq studju, bir-riżultati mistennija li joħorġu fl-2011. Il-Kummissjoni ħabbret fil-Komunikazzjoni tagħha li ġiet adottata riċentement "Aġenda Diġitali għall-Ewropa"[38], li sejra tipproponi miżuri, għal aċċess 'ħafif u mgħaġġel' għall-fondi ta' riċerka tal-UE għall-ICT, biex dawn isiru aktar attraenti għall-SMEs u r-riċerkaturi żgħażagħ Se ssir reviżjoni kkordinata ta' programmi eżistenti ta' edukazzjoni u ta' taħriġ bl-għan li tiżviluppa approċċ integrat skont il-Qafas Finanzjarju post-2013 li jsostni l-istrateġija Żgħażagħ Mobbli. L-għan huwa li jiġu appoġġjati opportunitajiet usa ta' tagħlim u ta' mobilità għaż-żgħażagħ kollha fl-Ewropa, kif ukoll jingħata appoġġ għall-modernizzazzjoni ta' sistemi ta' edukazzjoni u ta' taħriġ u l-iżvilupp tas- settur taż-żgħażagħ , partikolarment permezz ta' proġetti u netwerks ta' kooperazzjoni transnazzjonali u internazzjonali. Dan ikun jinkludi l-ħolqien ta' sħubiji ta' edukazzjoni, azzjonijiet ta' bini tal-kapaċità, id-djalogu ta' politika internazzjonali u l-promozzjoni ta' Ewropa bħala destinazzjoni attraenti ta' studju u ta 'riċerka. Il-Kummissjoni se tniedi konsultazzjoni pubblika minn Settembru 2010, sabiex tippermetti lill-partijiet kollha interessati jesprimu l-fehmiet tagħhom dwar l-programmi futuri ta' edukazzjoni u ta' tagħlim. Hija se tippreżenta proposti fl-2011. Fil-perjodu ta' programmazzjoni li jmiss, l- appoġġ tal-ESF għandu jkun marbut aktar mill-qrib mal-prijoritajiet tal-politika tal-Linjigwida Integrati u l-miri tal-impjiegi u tal-edukazzjoni nazzjonali tal-Ewropa 2020. Azzjonijiet ewlenin ġodda: - Minħabba l-importanza li kull ma tmur dejjem tikber tal-kwistjoni, il-Kummissjoni u l-Istati Membri se jeżaminaw l-interventi tal-ESF u se jagħmlu proposta biex tiżdied il-kuxjenza ta' u jiġi mmassimizzat il-potenzjal tal-ESF għall-appoġġ taż-żgħażagħ. - L-Istati Membri għandhom jiżguraw li l-ESF jappoġġja malajr ż-żgħażagħ u l-kisba tal-miri tal-Ewropa 2020. Il-Kummissjoni ser tidentifika prattiki tajbin għall-użu effiċjenti tal-flus biex issaħħaħ l-opportunitajiet ta' impjieg taż-żgħażagħ u tispira l-applikazzjoni tagħhom b'mod aktar wiesa fil-programmi tal-Istati Membri. - Għandha issir analiżi tal-programmi kollha rilevanti tal-UE li jkattru l-mobilità tat-tagħlim u tal-edukazzjoni, inkluż permezz ta' konsultazzjoni miftuħa mal-partijiet interessati, li għandha titnieda f'Settembru 2010, u jsiru proposti fl-2011 għall-Qafas Finanzjarju l-ġdid. - Tiġi eżaminata l-fattibilità għall-ħolqien faċilità ta' self għall-istudenti fil-livell tal-UE, f'kooperazzjoni mal-Grupp tal-EIB u istituzzjonijiet finanzjarji oħra, biex tissaħħaħ il-mobilità transnazzjonali tal-istudenti u jittejjeb l-aċċess taż-żgħażagħ għall-edukazzjoni ogħla, b'komplement tal-iskemi tal-Istati Membri. Ir-riżultati ta' studju ta' fattibilità huma mistennija fl-2011. 7. MONITORAġġ U ARRANġAMENTI TA' RAPPURTAR Il-Kummissjoni u l-Istati Membri għandhom jikkoperaw fuq is-segwitu għall-inizjattiva Żgħażagħ Mobbli fil-kuntest tas-segwitu għall-Istrateġija Ewropa 2020, l-arranġamenti eżistenti għall-Qafas Strateġiku għall-kooperazzjoni Ewropea fl-Edukazzjoni u Taħriġ ("ET 2020"), l-Istrateġija Ewropea għall-Impjiegi u l-istrateġija UE taż-Żgħażagħ [39]. Il- Linji Gwida Integrati ġodda, speċjalment il-linji gwida dwar l-impjieg, huma l-qafas għall-azzjonijiet ta' politika koordinata, u ħafna minnhom jaqgħu taħt ir-responsabbiltà tal-Istati Membri. Il-Kummissjoni se tappoġġja lill-Istati Membri fit-tfassil u implimentazzjoni ta' azzjonijiet permezz ta' finanzjament u l- metodi miftuħa ta' koordinazzjoni , notevolment permezz ta' tagħlim reċiproku msaħħaħ u r- reviżjonijiet inter pares mal-gvernijiet nazzjonali, dawk li jfasslu l-politika reġjonali u lokali u partijiet interessati oħra u prattikanti, kif ukoll permezz ta' monitoraġġ regolari ta', u kooperazzjoni fuq, il-programmi ESF. L-azzjonijiet imħabbra f'din il-Komunikazzjoni se jiġu riveduti u aġġornati matul iż-żmien , fi ħdan l-orizzont 2020. 8. KAMPANJA TA' INFORMAZZJONI Fl-2010, il-Kummissjoni se tniedi kampanja ta' informazzjoni biex tappoġġja l-inizjattiva Żgħażagħ Mobbli għad-deċennju li jmiss. Il-kampanja se tinkludi azzjoni speċifika li tqajjem kuxjenza dwar l-Impjieg taż-Żgħażagħ u l-azzjoni ta' mobilizzazzjoni fl-2011, diretta lejn ċittadini żgħażagħ u partijiet interessati tas-suq tax-xogħol fl-Istati Membri, biex tiffoka l-isforzi nazzjonali u tal-UE fuq it-treġġigħ lura tat-tendenzi tal-qgħad fost iż-żgħażagħ u biex tinkoraġġixxi liż-żgħażagħ biex jieħdu opportunitajiet li jiġu offruti lilhom. Il-kampanja se tinvolvi b'mod attiv l-awtoritajiet nazzjonali u reġjonali, is-settur tan-negozju, b'mod partikolari l-SMEs, u partijiet interessati ewlenin oħra. 9. KONKLUżJONI L-inizjattiva ewlenija tal-Ewropa 2020 Żgħażagħ Mobbli tqiegħed liż-żgħażagħ fiċ-ċentru tal-aġenda tal-UE biex toħloq ekonomija msejsa fuq l-għarfien, ir-riċerka u l-innovazzjoni, il-livelli ta' edukazzjoni u l-ħiliet għoljin skont il-ħtiġijiet tas-suq tax-xogħol, l-adattabilità u l-kreattività, is-swieq tax-xogħol inklussivi u l-parteċipazzjoni attiva fis-soċjetà. Dawn kollha jirrappreżentaw komponenti ewlenin tal-prosperità futura tal-Ewropa. Hija meħtieġa azzjoni urġenti mill-Istati Membri u meta jkun rilevanti mill-pajjiżi kandidati, kemm fil-livelli nazzjonali u reġjonali, kif ukoll fil-livell tal-UE, biex tindirizza l-isfidi ffaċċjati miż-żgħażagħ deskritti f'din il-Komunikazzjoni u jkun żgurat li s-sistemi ta' edukazzjoni u taħriġ, kif ukoll l-istrutturi tas-suq tax-xogħol, huma mgħammra għall-irkupru ekonomiku u lil hinn. Minħabba n-natura globali ta' dawn l-isfidi għall-UE, għandhom jiġu promossi d-djalogu, l-iskambji u l-kooperazzjoni mal-imsieħba esterni tal-UE. Biex tkun ta' suċċess, din l-inizjattiva tiddependi fuq l-appoġġ ta' istituzzjonijiet Ewropej oħra u fuq il-parteċipazzjoni attiva tal-partijiet interessati kollha. [1] Eurostat, 2009, żgħażagħ ta' età bejn 15-30. [2] Eurostat, Ġunju 2010, < 25 y. [3] Projezzjonijet CEDEFOP [4] Studju eSkills Monitor, European Commission, 2009 [5] Eurostat, 2008, żgħażagħ ta' età bejn 30-34. [6] Studju MORE, Kummissjoni Ewropea, 2010 [7] Eurostat, 2009. [8] OECD, PISA, 2006. [9] Marbut mal-portal eżistenti PLOTEUS dwar opportuniatjiet tat-tagħlim. Fuq il-Portal 'L-Ewropa Tiegħek', il-Kummissjoni ppubblikat ukoll taqsima ' edukazzjoni u żgħażagħ' li fiha informazzjoni dwar id-drittijiet u l-opportunitajiet għall-istudenti u ż-żgħażagħ fl-Ewropa. [10] Fl-2010, il-Kummissjoni għandha tistabbilixxi grupp ta' ħidma tematiku ta' dawk li jfasslu l-politika u esperti minn Stati Membri biex jeżaminaw il-kawżi ta' prestazzjoni baxxa ta' studenti tal-iskola fil-matemika (inkluż il-ħiliet numeriċi) u xjenza. [11] Rakkomandazzjoni tal-Parlament Ewropew u tal-Kunsill tat-18 ta' Diċembru 2006 (ĠU L 394, 30.12.2006). [12] Ħiliet Ewropej, tassonomija tal-Kompetenzi u Okkupazzjonijiet (ESCO). [13] COM(2010) 296.o [14] Ara r-rapport tal-inizjattiva tal-Parlament Ewropew stess minn Ms E Turunen "Il-promozzjoni tal-aċċess taż-żgħażagħ għas-suq tax-xogħol, it-tisħiħ tal-istejtus ta’ min jitħarreġ, tal-internship u l-apprendistat", Ġunju 2010. [15] Rapport mill-Grupp ta' Ħidma dwar il-Mobilità għall-Apprentisti, Frar 2010 (Kummissjoni Ewropea). [16] Il-volontarjat, il-parteċipazzjoni, l-attiviajiet fi ħdan l-organizzazzjonijiey taż-żgħażagħ jipprovdu opportunitajiet għal tagħlim barra l-istrutturi formali. Dawn jistgħu jgħinu biex jirrinforzaw l-attivitajiet l-oħra taż-Żgħażagħ Mobbli u jinvolvu żgħażagħ li altrimenti jkunu f'riskju li jitħallew barra. Is- Sena Ewropea tal-Volontarjat 2011 se tipprovdi impetus ġdid biex jiġu żviluppati iktar dawn l-attivitajiet. [17] COM(2005) 15. [18] COM(2006) 208. [19] Rakkomandazzjoni tal-Parlament Ewropew u tal-Kunsill tal-15 ta' Frar 2006 dwar dwar iktar koperazzjoni Ewropea fl-assigurazzjoni tal-kwalità ta' l-edukazzjoni ogħla (2006/143/KE) (ĠU L 64, 4.3.2006). [20] Konklużjonijiet tal-Kunsill dwar l-internazzjonalizzazzjoni ta 'edukazzjoni ogħla tal-11 ta' Mejju 2010. [21] Ara COM(2009) 329 għal referenzi għall-istudji u r-riċerka. [22] Dawn jinkludu dan li ġej: edukazzjoni ogħla (Erasmus, Erasmus Mundus, Marie Curie) għal studenti, kandidati għal dottorat u tal-persunal; edukazzjoni ogħla u riċerka (Marie Curie, mobilità fi ħdan Netwerks ta 'Eċċellenza u Pjattaformi ta' Teknoloġija); mill-edukazzjoni ogħla għal negozju (pjazzamenti fi ħdan l-Erasmus u Marie Curie); edukazzjoni vokazzjonali u apprendisti (Leonardo); it-tieni livell ta 'edukazzjoni (Comenius) tat-tagħlim għall-adulti u tal-volontarjat superjuri (Grundtvig); l-isfera kulturali (Programm ta' Kultura); skambji taż-żgħażagħ u tal-volontarjat (Żgħażagħ Mobbli); volontarjat (Servizz Volontarju Ewropew fi ħdan il-Programm Żgħażagħ Mobbli); is-soċjetà ċivili (il-Programm Ewropa għaċ-Ċittadini) u l-azzjoni preparatorja "Erasmus għall-Intraprendituri Żgħażagħ". [23] http://ec.europa.eu/commission_2010-2014/president/about/political/index_en.htm [24] COM(2009) 329. [25] Ara d-Dokument ta' Ħidma tal-Persunal tal-Kummissjoni SEC (2010) 1047 għal analiżi tar-risposti riċevuti. [26] http://www.ond.vlaanderen.be/hogeronderwijs/bologna/conference/documents/Leuven_Louvain-la-Neuve_Communiqué_April_2009.pdf [27] B'mod partikolari, il-Qafas ta' Kwalifiki Ewropej għat-Taglim Tul il-Ħajja (EQF), l-Europass, is-Suppliment tad-Diploma, Sistema Ewropea għall-Akkumulazzjoni u t-Trasferiment ta' Krediti (ECTS, għal edukazzjoni ogħla), Sistema Ewropea ta’ Kredits għall-Edukazzjoni u t-Taħriġ Vokazzjonali (ECVET) u Youthpass. [28] Mħabbra fil-Aġenda Diġitali - COM (2010) 245; "E-Ħiliet għas-Seklu 21" COM (2007) 496 [29] "Strateġija ġdida għas-suq waħdieni ", rapport minn M. Monti, 9 ta' Mejju 2010, p. 57 [30] "Il-Mobbiltà Ġeografika u tas-Suq tax-Xogħol", Eurobarometru Speċjali 337, Ġunju 2010 [31] Eurobarometru Speċjali 337, Ġunju 2010. [32] Sorsi: L-Istudju dwar l-Impjiegi taż-Żgħażagħ (2008) jipprovdi inventarju ta' politiki ewlenin fis-seħħ għall-Istati Membri kollha tal-UE-27 Ir-rapport tal-Kumitat tal-Impiegi dwar l-impjieg taż-żgħażagħ (2010) jagħti ħarsa ġenerali tal-miżuri reċenti li ġew implimentati fl-Istati Membri. [33] Is-serje ta' reviżjonijiet temati tal-OECD dwar l-Impieg taż-żgħażagħ fil-pajjiżi OECD magħżula (2008-2010) [34] Il-Kummissjoni dalwaqt se tippreżenta analiżi (permezz ta' dokument ta' ħidma tal-persunal) dwar l-applikazzjoni tad-Direttiva 94/33/KE tat-22 ta' Ġunju 1994 dwar il-protezzjoni taż-żgħażagħ fuq ix-xogħol. [35] Ara d-Direttiva 1999/70/KE. [36] Rakkomandazzjoni tal-Kummissjoni dwar l-inklużjoni attiva ta' nies esklużi mis-suq tax-xogħol ta' 03.10.2008 (ĠU L 307, 18.11.2008), approvat mill-Kunsill fis-17 Diċembru 2008 u mill-Parlament Ewropew fir-Riżoluzzjoni tiegħu 6 ta' Mejju 2009. [37] www.ec.europa.eu/epmf [38] COM(2010) 245. [39] COM(2009) 200.