52005DC0607

[pic] | KUMMISSJONI TAL-KOMUNITAJIET EWROPEJ |

Brussel 28.11.2005

KUMM(2005) 607 finali

KOMUNIKAZZJONI MILL-KUMMISSJONI LILL-KUNSILL, LILL-PARLAMENT EWROPEW, LILL-KUMITAT EKONOMIKU U SOĊJALI U LILL-KUMITAT TAR-REĠJUNI

dwar l-Istat ta’ Tħejjija u l-Ippjanar tar-Rispons fil-Komunità Ewropea għall-Influwenza Pandemika

WERREJ

1. L-Isfond u l-Għan tal-Komunikazzjoni 4

2. L-Istat ta’ Tħejjija għall-Influwenza Pandemika fl-Unjoni Ewropea 5

3. Il-Ħidmiet Prinċipali għall-Istati Membri, il-Kummissjoni u l-Aġenziji ta’ l-UE 7

3.1. L-ippjanar u l-Koordinazzjoni 8

3.2. Il-monitoraġġ u l-evalwazzjoni 9

3.3. Il-prevenzjoni u t-trażżin 10

3.4. Ir-rispons tas-sistema tas-saħħa 13

3.5. Il-Komunikazzjoni 14

4. Il-Fażijiet tal-Pandemija u l-Livelli ta’ Allarm fl-UE 15

WHO PHASE 1 (Perjodu interpandemiku) 17

WHO PHASE 2 (Perjodu interpandemiku) 17

Ir-responsabbiltajiet u l-azzjonijiet 17

WHO PHASE 3 (Perjodu ta’ allarm ta’ pandemija) 18

Ir-responsabbiltajiet u l-azzjonijiet 18

4.1.1. Il-Kummissjoni 18

4.1.2. L-ECDC 19

4.1.3. L-Istati Membri 20

WHO PHASE 4 (Perjodu ta’ twissija ta’ pandemija) 20

4.1.4. Il-Kummissjoni 21

4.1.5. L-ECDC 21

4.1.6. L-Istati Membri 22

WHO PHASE 5 (Perjodu ta’ twissija ta’ pandemija) 23

Ir-responsabbiltajiet u l-azzjonijiet 23

4.1.7. Il-Kummissjoni 23

4.1.8. L-ECDC 24

4.1.9. L-Istati Membri 25

WHO PHASE 6 (Perjodu ta’ pandemija) – Livelli ta’ allarm ta’ l-UE - 1-4 25

Il-livell ta’ allarm 1 ta’ l-UE 25

Il-livell ta’ allarm 2 ta’ l-UE 25

Il-livell ta’ allarm 3 ta’ l-UE 26

Il-livell ta’ allarm 4 ta’ l-UE 26

Ir-responsabbiltajiet u l-azzjonijiet 26

4.1.10. Il-Kummissjoni 26

4.1.11. L-ECDC 27

4.1.12. L-Istati Membri 28

4.2. Perjodu Post-pandemiku: irkuprar u ritorn għall-perjodu interpandemiku 28

5. Konklużjonijiet 29

ANNESS 1: Fażijiet WHO Ġodda 30

ANNESS 2: Proġetti marbuta ma' l-influwenza ffinanzjati mill-programm ta’ azzjoni għas-saħħa pubblika 31

ANNESS 3: Riċerka appoġġata mill-UE marbuta ma’ l-influwenza pandemika tal-bniedem 32

1. L-ISFOND U L-GħAN TAL-KOMUNIKAZZJONI

Ħafna ċittadini Ewropej jkunu affettwati mill-influwenza kull xitwa. F'epidemija normali staġjonali, bejn 5 u 10% tal-popolazzjoni timrad. Pandemiji ta' l-influwenza fl-imgħoddi affettwaw il-popolazzjoni b'qawwa ħafna akbar minn epidemiji staġjonali, b'rati ta' attakk bejn l-10 u l-50%. Kien hemm tliet pandemiji fis-seklu għoxrin: l-influwenza Spanjola ta' l-1918-1920 (l-akbar waħda; ikkawżat aktar minn 20 miljun mewta, forsi wkoll 50 miljun mewta madwar id-dinja), l-influwenza Ażjatika ta' l-1957-1958, u l-influwenza ta' Ħong Kong ta' l-1968-1969. Il-mixja ta' epidemija ta' influwenza tat-tjur b'patoġeniċità għolja (HPAI) miċ-Ċina u x-Xlokk ta' l-Ażja wasslet għal tħassib li jista' jirriżulta virus ta' l-influwenza, li hu kompletament adattat għat-trażmissjoni minn bniedem għall-ieħor u kapaċi li jikkawża miljuni ta' mwiet u ħsara ekonomika kbira.

Filwaqt li huwa impossibbli li wieħed ibassar meta se tfaqqa' l-pandemija li jmiss, is-servizzi tas-saħħa, dawk soċjali u servizzi essenzjali oħra x'aktarx li jkunu taħt pressjoni kbira mill-bidu nett tagħha. Pandemija ta' l-influwenza tirriżulta f' livell għoli ta' inkwiet mill-pubbliku, mill-politiċi u mill-midja, u tikkawża sfrattu soċjali u ekonomiku wiesa', kemm matul il-perjodu tal-pandemija, kif ukoll wara li tgħaddi. L-ansjetà, ir-restrizzjonijiet fuq iċ-ċaqliq, il-limitazzjonijiet fuq il-laqgħat pubbliċi, id-diffikultajiet ta' distribuzzjoni u numru kbir ta' mwiet żejda kollha x'aktarx iżidu l-pressjonijiet u l-isfrattu għas-soċjetà.

L-effetti tal-pandemija fuq is-soċjetajiet huma inevitabbli, iżda tħejjija bir-reqqa u ppjanar tar-risponsi jistgħu jikkontribwixxu sabiex jittaffew il-firxa u l-impatt. Strateġiji nazzjonali u lokali komprensivi li huma komplementari u li huma appoġġati minn mekkaniżmi għall-iżgurar ta’ pariri u informazzjoni fil-ħin u preċiżi, iridu jkunu fondamentali għall-pjanijiet kollha. L-ippjanar għal pandemija hija ħaġa kumplessa peress li ftit hemm għarfien dwar l-impatt probabbli: Id-dejta differenti mhumiex konkreti u huma neqsin minn fatturi komuni. Abbażi ta' pandemiji preċedenti, pariri esperti u mmudellar teoretiku, l-parti l-kbira tal-pjanijiet ta' tħejjija huma bbażati fuq assunzjonijiet ta' ppjanar li jinkludu.

Rata t'attakk: din hija l-proporzjoni tal-popolazzjoni li tiżviluppa influwenza klinika matul pandemija. Fin-nuqqas ta' kwalunkwe intervent, min qed jippjana jassumi li fuq perjodu ta' 9 sa 15-il ġimgħa madwar 30% tal-popolazzjoni timrad. Ir-rati ta' attakk, u s-serjetà tal-mard, x'aktarx ivarjaw skond il-grupp ta' l-età, iżda peress li ma huwiex probabbli li kemm it-tfal u kemm l-adulti jkollhom l-immunità għall-virus il-ġdid, għall-iskopijiet ta' ppjanar, wieħed għandu jassumi rata uniformi ta' attakk, mard aktar serju u rati ogħla ta' mwiet mill-influwenza normali 'staġjonali' għall-gruppi kollha ta' età.

Rata ta' fatalità tal-każijiet: il-proporzjoni ta' nies morda li jmutu minħabba l-influwenza. Ħafna pjanijiet nazzjonali jibbażaw l-assunzjonijiet tagħhom fuq perċentwal tar-rata kumplessiva ta' fatalità tal-każijiet ta' 0,37% matul perjodu ta' pandemija.

Konsultazzjonijiet kliniċi : 50% tal-persuni morda huma mistennija li jfittxu tabib ġenerali jew kura medika outpatients.

Ammissjonijiet l-isptar: għal kundizzjonijiet respiratorji serji u kundizzjonijiet marbuta magħhom, każijiet simili għall-influwenza x'aktarx jammontaw għall- 1% tal-każijiet kliniċi.

Rata tal-Kura Intensiva: huwa mistenni li 15% tal-pazjenti li jidħlu l-isptar għall-mard simili għall-influwenza jeħtieġu l-kura intensiva, u 50% jistgħu ikunu jeħtieġu ventilators mekkaniċi.

Assenteiżmu mix-xogħol: għal skopijiet ta' ppjanar, wieħed għandu jassumi li totali kumulattiv ta' 30% tar-riżorsi umani li jaħdmu mhux se jidħlu għax-xogħol għal ħames sa tmint ijiem ta' ġranet tax-xogħol fuq perjodu ta' tliet xhur. It-tixrid ta' l-influwenza jkun aċċellerat fl-iskejjel u f'komunitajiet oħra magħluqa, u dan iwassal għal ħtieġa potenzjali li l-iskejjel jingħalqu. Dan, flimkien ma' l-isfrattu fl-ivjaġġjar u l-ħtieġa li min jaħdem jipprovdi l-kura għall-membri tal-familja u oħrajn, ikompli jiggrava l-assenteiżmu.

Hija prinċipalment ir-responsabbiltà ta’ kull Stat Membru li jieħu l-miżuri l-aktar adattati biex jiġġieled pandemiji ta' l-influwenza tal-bniedem. Madankollu, l-ebda pajjiż waħdu ma jista' jiffaċċja l-konsegwenzi ta' pandemija. Il-kooperazzjoni internazzjonali hija ħtieġa assoluta jekk l-impatt tagħha għandu jitnaqqas. Fl-UE, fejn ma jeżistux fruntieri interni, miżuri addizzjonali ta' koordinazzjoni huma meħtieġa. Minħabba f’hekk hemm il-ħtieġa għal azzjoni fuq il-livell ta' l-UE.

L-Istati membri kollha ippjanaw u saħħew it-tħejjija tagħhom għal pandemija ta' l-influwenza fix-xhur reċenti b'assistenza mill-Kummissjoni u l-WHO, u qed isir aktar xogħol, bl-appoġġ tal-konklużjonijiet tal-Kunsill[1] u tal-Ministri tas-Saħħa fil-laqgħa informali tagħhom fl-20 ta' Ottubru 2005. Il-Kummissjoni tassumi rwol importanti billi tgħin lill-Istati membri u tikkoordina l-miżuri fuq il-livell ta' l-UE, hi u tuża, b'mod partikolari, in-Netwerk Komunitarju għas-sorveljanza epidemjoloġika u l-kontroll ta' mard li jittieħed[2] u s-Sistema ta' Twissija u Rispons minn Kmieni (EWRS)[3] u l-arranġamenti mandatorji tagħhom għan-notifikazzjoni uffiċjali ta' każijiet u avvenimenti ta' mard u ta' informazzjoni, konsultazzjoni u koordinazzjoni tal-miżuri meħuda jew ippjanati. Il-Kummissjoni ħadmet għal numru ta' snin sabiex tgħin fit-titjib tat-tħejjija ta' l-Unjoni Ewropea u ta' l-Istati Membri tagħha għall-pandemiji, hekk kif inhu deskritt fil- working paper tal-Kummissjoni[4] dwar is-suġġett, li ġiet ippubblikata f'Marzu 2004. Minn dak iż-żmien, il-WHO irrivediet id-deskrizzjoni tagħha tal-fażijiet varji tal-pandemija (ara l-ANNESS 1) u ċ-Ċentru Ewropew għall-Prevenzjoni u l-Kontroll tal-Mard (ECDC) li twaqqaf permezz tar-Regolament (KE) Nru 851/2004 tal-Parlament Ewropew u tal-Kunsill[5], li jipprovdi konsulenza u esperjenza u li jgħin lill-Kummissjoni billi jopera l-EWRS, beda jopera fi Stokkolma f’Mejju 2005. Fid-dawl ta' dawn l-iżviluppi, sar neċessarju li l-pjan ta' tħejjija u rispons ta' l-UE għall-influwenza pandemika jiġi rivedut. Il-pjan rivedut huwa propost f'din il-komunikazzjoni.

2. L-Istat ta’ Tħejjija għall-Influwenza Pandemika fl-Unjoni Ewropea

Rakkomandazzjonijiet dwar azzjonijiet qabel u matul il-pandemiji nħarġu mill-WHO[6] u jservu bħala bażi għall-ippjanar minn pajjiżi madwar id-dinja kollha. L-ippjanar fil-livell ta’ l-UE huwa bbażat fuq l-istess rakkomandazzjonijiet, madankollu, irid isir provvediment speċifiku għal ċerti ċirkustanzi u kundizzjonijiet partikolari għall-UE. Li kieku ċ-ċirkostanzi ta' l-influwenza pandemika kellhom jiġu identifikati l-ewwel barra l-UE, id-dikjarazzjoni tal-pandemija (il-Fażi 6 tar-rakkomandazzjonijiet tal-WHO) kważi ċertament tinħareġ l-ewwel mill-WHO. Madankollu, id-dikjarazzjoni ta' stat ta' emerġenza tas-saħħa pubblika, marbuta ma' l-emerġenza ta' strain pandemiku taf toħroġ qabel. Ladarba l-UE tiġi affettwata, Stati Membri differenti jistgħu jgħaddu mill-fażijiet fi żminijiet u b’rati differenti. Għalhekk, għall-finijiet ta’ l-UE, l-attività epidemika ġewwa l-UE u fl-Istati Membri għandha sinifikat speċjali u teħtieġ dettall addizzjonali fil-qafas tal-klassifikazzjoni tal-WHO. Sensiela ta’ miżuri li għandhom jiġu kkunsidrati fil-livell ta’ l-UE huma deskritti f'din il-komunikazzjoni għal kull fażi u dawn ikunu japplikaw fil-kuntest epidemjoloġiku speċifiku.

F'Marzu 2005, il-Kummissjoni u l-Uffiċċju Reġjonali tal-WHO għall-Ewropa organizzaw workshop sabiex jiġu diskussi l-pjanijiet dwar il-pandemiji u jiġu identifikati n-nuqqasijiet u t-titjib li jinħtieġ. L-impenn politiku, aktar riżorsi għat-tħejjija għall-pandemiji, aktar riċerka u r-riżoluzzjoni ta' kwistjonijiet legali u etiċi kumplessi ġew identifikati bħala kwistjonijiet ewlenin u tleħħen interess qawwi fl-iżvilupp ta' soluzzjonijiet komuni u l-kooperazzjoni bejn pajjiż u ieħor[7].

F’Lulju 2005, il-Kummissjoni kitbet lill-Ministri tas-Saħħa kollha, u talbithom biex jipprovdu informazzjoni dwar l-istat ta’ tħejjija ta’ pajjiżhom, partikularment dwar id-disponibbiltà ta’ pjanijiet nazzjonali, antivirali u politika dwar it-tilqim. Ir-risposti u l-pjanijiet nazzjonali kollha ġew evalwati mill-Kummissjoni, b’konsultazzjoni mal-Kumitat għas-Sigurtà tas-Saħħa (ref.1) u l-ECDC. Dawn ġew diskussi aktar fil-fond bejn il-Ministri tas-Saħħa u l-Kummissjoni waqt laqgħa informali organizzata mill-Presidenza tar-Renju Unit fl-20 t’Ottubru u meqjusa fit-tieni workshop konġunt KE/WHO mill-24 sas-26 t’Ottubru 2005. Barra minn hekk, żjarat konġunti ta' evalwazzjoni mal-WHO u l-ECDC bdew iseħħu fl-Istati Membri ta’ l-UE u Pajjiżi oħra Ewropej. Is-sejbiet preliminari juru li l-istat ta’ tħejjija huwa ġeneralment limitat għas-settur tas-saħħa. Xi wħud mill-pjanijiet jeħtieġ li jsiru aktar operazzjonali – b’mod partikulari l-pjanijiet ta’ kontinġenza għal faċilitajiet ta’ kura tas-saħħa u s-servizzi ċivili, kif ukoll it-taħriġ għall-forza tax-xogħol.

Il-biċċa l-kbira ta’ l-Istati Membri fil-pjanijiet tagħhom indirizzaw kwistjonijiet ta’ prijorità bħall-istruttura tal-ġerarkija, l-istrateġija tal-komunikazzjoni u l-kapaċità tal-laboratorji. Madwar nofs l-Istati Membri s'issa koprew miżuri fuq l-ivvjaġġjar internazzjonali, ir-rintraċċar tal-kuntatti u l-kwarantina, u l-limitazzjoni fuq iċ-ċaqliq. Xi Stati Membri evalwaw il-bżonn għal miżuri li jikkonċernaw ċittadini nazzjonali msefrin.

Il-Kummissjoni wettqet eżerċizzju ta' simulazzjoni fuq l-influwenza pandemika ("Common Ground") sabiex tittestja l-komunikazzjonijiet u l-pjanijiet ta' tħejjija u l-koordinazzjoni bejn l-Istati membri, il-Kummissjoni u aġenziji tal-Komunità, bħalma huma l-ECDC u l-Aġenzija Ewropea għall-Evalwazzjoni tal-Mediċini (EMEA), kif ukoll mal-WHO. Ir-riżultati u t-tagħlimiet minn dan l-eżerċizzju se jkunu importanti fl-isforzi sabiex jittejbu l-pjanijiet u l-interoperabbiltà tagħhom.

Biex tkun żgurata kooperazzjoni aħjar bejn is-setturi tas-saħħa pubblika u tas-saħħa ta’ l-annimali, il-Kummissjoni laqqgħet flimkien l-Uffiċjali Għolja Mediċi (CMO) u Uffiċjali Għolja Veterinarji (CVO) ta' l-UE fit-22 ta' Settembru 2005. Din il-laqgħa mmarkat il-bidu ta' proċess kontinwu sabiex tiġi żgurata koordinazzjoni aħjar bejn l-awtoritajiet u s-servizzi veterinarji u tas-saħħa huma u jindirizzaw aspetti ewlenin marbuta mal-kontroll ta' l-influwenza.

In-natura tat-theddida hija tali li huwa ovvju li l-provvista tal-protezzjoni għall-Istati Membri timplika ż-żieda tal-miżuri protettivi u preventivi globalment. Il-Kummissjoni flimkien ma' l-Istati Membri qed tipprovdi wkoll appoġġ għal kollaborazzjonijiet internazzjonali, partikolarment ix-xogħol ta' l-Aġenziji tan-NU bħalma huma l-WHO, il-FAO, l-OIE u x-xogħol tal-Bank Dinji, sabiex jgħinu lil pajjiżi terzi, partikolarment pajjiżi li bħalissa huma affettwati mill-influwenza tat-tjur, sabiex itejbu l-kapaċitajiet tagħhom ta' sorveljanza u ta' kontroll tal-mard, partikolarment il-pajjiżi l-inqas żviluppati u l-aktar vulnerabbli, speċifikament b'referenza għall-Afrika u l-Ażja. Dan se jinkludi għajnuna sabiex jiġi pprovdut aċċess għal prodotti mediċinali essenzjali.

L-UE tipproponi li tisponsorja bi sħab konferenza ta' pledging flimkien mal-Bank Dinji u ċ-Ċina sabiex jiġi żgurat l-appoġġ għal forma ta' Fond Fiduċjarju sabiex tiġi miġġielda l-Influwenza tat-Tjur madwar id-dinja kollha.

Huwa wkoll importanti li l-Kummissjoni u l-Istati Membri jinsistu li r-rappurtar epidemjoloġiku jsir mill-ewwel, ikun preċiż u totalment trasparenti madwar id-dinja. Teżisti wkoll il-ħtieġa li l-Komunità tiffaċilità involviment akbar ta' l-imsieħba tal-Politika Ewropea tal-Viċinat (ENP) fix-xogħol f'dan il-qasam. Bħalissa Pjanijiet ta' Azzjoni ma' sitt pajjiżi jirreferu għal xogħol bħal dan (l-Ukraina, il-Moldova, l-Iżrael, il-Ġordan, il-Marokk u t-Tuneżija).

Fir-rigward ta' l-aktar interventi qawwija sabiex tiġi miġġielda pandemija, il-Kummissjoni u l-Istati Membri qed jaħdmu flimkien sabiex jiżguraw li l-vaċċini u l-mediċini antivirali jkunu disponibbli. Il-Kummissjoni, bl-għajnuna ta' l-EMEA u l-Istati Membri, ippubblikat dokument[8] dwar sħubija pubblika-privata sabiex tinkoraġġixxi l-produzzjoni ta' vaċċini pandemiċi fl-iqsar żmien possibbli. Kwistjonijiet ewlenin li ġew identifikati kienu l-kopertura ta' l-akbar numru possibbli ta' sotto-tipi tal-virus, provi kliniċi, żieda fil-kapaċità permezz ta’ żieda fit-tilqim interpandemiku u s-sorveljanza ta' l-istatus ta' immunizzazzjoni u l-effetti negattivi. Fir-rigward ta' l-antivirali, il-Kummissjoni impenjat ruħa fi sforzi sabiex jiġu stimulati strateġiji għall-akkwist u l-użu tagħhom, u dan wassal għal benefiċċi għall-Istati Membri f'dak li jirrigwarda għarfien u informazzjoni kruċjali dwar il-kundizzjonijiet ta' provvista u limitazzjonijiet, kif ukoll interess fl-industrija farmaċewtika għall-involviment ta' aktar kumpaniji f'dan il-qasam.

L-Istati Membri qed jevalwaw ukoll, bl-għajnuna tal-Kummissjoni u l-ECDC, il-bżonn ta’ maskri u tagħmir ieħor bħal pereżempju respirators .

3. Il-Ħidmiet Prinċipali għall-Istati Membri, il-Kummissjoni u l-Aġenziji ta’ l-UE

Element kruċjali tar-risponsi għal pandemija fuq kwalunkwe livell huwa li jkun żgurat li jkunu multi-settorjali u li jkopru servizzi barra s-settur tas-saħħa. L-Istati Membri u l-Kummissjoni jridu, għalhekk, ikollhom fis-seħħ strateġiji, dejjem aġġornati, għall-ippjanar u l-koordinazzjoni li jiffaċilitaw il-kollaborazzjoni multi-settorjali.

L-iżvilupp ta' pjanijiet għall-influwenza pandemika jinvolvi l-prinċipji u l-komponenti ta' proċess ta' ppjanar ippreżentat fil-Komunikazzjoni tal-Kummissjoni dwar it-tisħiħ tal-koordinazzjoni dwar l-ippjanar tat-tħejjija ġenerika għall-emerġenzi ta' saħħa pubblika fuq il-livell ta' liUE[9]. L-applikazzjoni ta' dan il-proċess ta' ppjanar għall-influwenza pandemika identifikat is-suġġetti ewlenin li ġejjin li fuqhom jissejjes il-pjan ta' l-UE għall-influwenza pandemika.

- l-ippjanar u l-koordinazzjoni

- il-monitoraġġ u l-evalwazzjoni

- il-prevenzjoni u t-trażżin

- ir-rispons tas-sistema tas-saħħa

- il-komunikazzjoni

Dawn is-suġġetti huma amplifikati wieħed wieħed hawn taħt.

3.1. L-ippjanar u l-Koordinazzjoni

Il-ħidmiet meħtieġa f’kull fażi u f’kull livell ta’ allarm għandhom jiġu diretti lejn l-identifikazzjoni u l-indirizzar ta’ l-impatt kurrenti u l-potenzjal ta’ theddida sussegwenti ta’ tifqigħa ta’ l-influwenza biex jiġu limitati l-konsegwenzi tagħha. It-tranżizzjoni bejn stadji ta' allarm u ta' azzjoni, madankollu, jeħtieġ li tkun rapida, skond l-evoluzzjoni ta’ l-avvenimenti, u ċerti fażijiet jew livelli jista’ jkollhom jinqabżu. Il-pjanijiet, għalhekk, jeħtieġ li jkunu flessibbli biex jippermettu din il-kontinġenza.

Valur miżjud fl-UE jista’ jinkiseb billi jiġu mtejba l-koordinazzjoni u l-komunikazzjoni fost il-Kummissjoni u l-Istati Membri b’għajnuna mill-ECDC, aġenziji Ewropej oħra bħalma huma l-EMEA u l-Aġenzija Ewropea għas-Sikurezza fl-Ikel (EFSA) u mal-WHO. Hija prevista struttura bi tliet livelli:

L-ewwel, il-Grupp ta’ Tħejjija għas-Saħħa Pubblika u l-Ippjanar tar-Rispons (PRPG) tal-Kumitat għas-Sigurtà tas-Saħħa, kif propost fid-dokument ta’ ħidma tal-Kummissjoni ta’ Marzu 2004, għandu jimpenja ruħu f'numru ta' xogħlijiet bħall-iskambju ta’ informazzjoni, jikkomunika u jirrivedi pjanijiet nazzjonali eżistenti ta’ l-istat ta’ tħejjija u ta’ rispons u jipprovdi konsulenza dwar nuqqasijiet u ħtiġijiet ta’ koordinazzjoni bejn pjanijiet nazzjonali, il-qsim ta’ għarfien espert u prassi tajba ma’ gruppi oħrajn li qed jaħdmu fuq pjanijiet ta’ tħejjija għas-saħħa u jwaqqaf gruppi li jagħtu pariri dwar aspetti partikolari ta' l-ippjanar ta’ kontinġenza.

It-tieninett, kull notifikazzjoni, skambju ta’ informazzjoni bejn l-awtoritajiet tas-saħhħa pubblika u konsultazzjoni u koordinazzjoni dwar miżuri, ippjanati jew meħuda mill-Istati Membri, jridu jsiru permezz tas-Sistema ta’ Twissija u ta’ Rispons Bikri tal-Komunità, kif stipulat fid-Deċiżjoni 2119/98/KE[10] li tistabbilixxi Netwerk Komunitarju għas-sorveljanza epidemjoloġika u l-kontroll tal-mard li jinxtered u d-Deċiżjoni 2000/57/KE[11] dwar is-Sistema ta’ Twissija u Tweġiba (rispons) Bikrija .

It-tieletnett, il-mobilizzazzjoni ta' Timijiet ta’ Assistenza għat-Tifqigħat (OATs) se tkun parti mill-mekkaniżmu ta’ respons. B'kollaborazzjoni ma' l-Istati Membri, il-Kummissjoni ħejjiet lista primarja ta' esperti li jistgħu jiġu mmobilizzati u l-ECDC issa qed tkompli b'dan ix-xogħol. It-timijiet jaħdmu fuq mandat, organizzazzjoni, struttura u proċeduri ta’ distakkament miftiehma. Il-firxa sħiħa ta’ responsabbiltajiet tat-tim tista’ tvarja skond it-termini ta’ referenza li għandhom jiġu ddefiniti mill-ECDC, iżda li jinkludu l-parteċipazzjoni f’investigazzjoni ta’ tifqigħa ġewwa u barra l-Komunità sabiex jintużaw il-koerenza u s-sinerġiji mar-rispons estern ta’ l-UE f’kooperazzjoni mal-WHO u l-provvediment ta’ assistenza fl-evalwazzjoni tar-riskju u l-koordinazzjoni ta’ l-attivitajiet fil-post, partikolarment fejn jaqbżu l-fruntieri ta' Stat Membru..

3.2. Il-monitoraġġ u l-evalwazzjoni

L-aktar ħidma importanti tas-sistemi ta’ sorveljanza u djanjostiċi ta’ l-Istati Membri hija li jipprovdu individwazzjoni u karatterizzazzjoni bikrija ta’ l- istrains pandemiċi minn kampjuni kliniċi jew kampjuni oħra u li jagħmlu evalwazzjoni tar-riskju affidabbli dwar il-potenzjal li dawn jikkawżaw tifqigħat mifruxa sew fil-bnedmin. L-elementi ewlenin huma kopertura tajba ta’ dijanjożi viroloġika għall-każijiet suspettużi, b’karatterizzazzjoni rapida u effettiva ta’ l- istrains tal-virus iżolati mill-pazjenti, u l-evalwazzjoni ta’ l-impatt epidemjoloġiku, b’mod partikolari l-piż tal-mard. Is-sorveljanza effettiva ta’ l-influwenza hija l-aktar parti li tiżgura allarm f’waqtu li tkun ġejja pandemija.

L-ECDC għandu rwol ta’ koordinazzjoni fil-ħidma ta’ sorveljanza. L-Istati Membri huma obbligati jirrapportaw tifqigħat ta’ influwenza lin-netwerk tal-Komunità ta’ mard li jinxtered imwaqqaf mid-Deċiżjoni 2119/98/KE. Bħala parti minn dan in-netwerk, Is-Sistema ta' Twissija u Rispons minn Kmieni (EWRS) hija l-pedament ċentrali għar-rispons Komunitarju. Is-sistema qed tgħaqqad l-awtoritajiet tas-saħħa pubblika ta' l-Istati Membri. Taħt l-EWRS, in-notifikazzjoni formali u mill-aktar fis possibbli tal-każijiet trid issir permezz tat-trażmissjoni immedjata ta' l-informazzjoni mill-Kummissjoni lill-Istati Membri kollha, kif ukoll (minn qabel, jekk ikun possibbli) il-konsultazzjoni u l-koordinazzjoni ta' kontro-miżuri mill-Istati Membri.

Is-sorveljanza ta’ infezzjonijiet ta’ l-influwenza fl-annimali, speċjalment fil-popolazzjonijiet tat-tjur, hija importanti u hija rekwiżit taħt il-liġi tal-KE, minħabba li l-annimali jistgħu jżommu fihom varjetà kbira ta’ strains tal-virus ta’ l-influwenza. Abbażi ta' l-esperjenza miġbura minn stħarriġ madwar l-Ewropa fuq it-tjur domestiċi u tjur selvaġġi, programm ta’ sorveljanza mmirat se jkun imtejjeb ulterjorment.

Komunikazzjoni f’waqtha tas-sejbiet tas-sorveljanza fil-bnedmin u fl-annimali hija essenzjali biex ikun hemm il-medda ta’ żmien massima għat-tħejjija għall-produzzjoni tal-vaċċin u kontro-miżuri oħra għas-saħħa pubblika. Kapaċità adegwata tal-laboratorji u kapaċitajiet dijanjostiċi mtejba jridu jkunu fis-seħħ sabiex jiġu żgurati s-sorveljanza effettiva u l-identifikazzjoni mill-aktar fis ta' strains ta' virus ta' l-influwenza. Il-kooperazzjoni fost il-laboratorji f'dan ir-rigward huwa organizzat permezz ta' l-Iskema Ewropea għas-Sorveljanza ta' l-Influwenza (EISS), proġett immirat lejn il-monitoraġġ ta' l-attività ta' l-influwenza fl-Istati Membri kollha ta' l-UE permezz tan-netwerking tal-kliniċi u l-laboratorji, u l-assistenza lill-Kummissjoni fl-ippjanar għat-tħejjija għall-influwenza pandemika. L-EISS hija ffinanzjata bi sħab mill-Komunità fil-qafas tal-Programm għas-Saħħa Pubblika 2003-2008. Madankollu, laboratorji nazzjonali ta' referenza għandhom jiġu ddeżinjati mill-awtoritajiet kompetenti kollha ta' l-Istati Membri, u jkunu rikonoxxuti, fejn hu xieraq mill-Programm Globali tal-WHO għall-Influwenza bħala Ċentri Nazzjonali ta' l-Influwenza. In-netwerk ta' laboratorji EISS bħalissa qed jieħu l-funzjoni ta' struttura ta' "Laboratorju ta' Referenza Komunitarju għall-Influwenza tal-Bniedem" li hija prevista li titwaqqaf b'appoġġ mill-Programm ta' azzjoni Komunitarja fil-qasam tal-protezzjoni tas-Saħħa u tal-Ħarsien tal-Konsumatur 2007-2013[12] li l-Kummissjoni pproponiet fis-6 ta' April 2005.

Sorveljanza klinika fil-forma ta' għassa għandha tibda fl-Istati Membri b’sistemi tajbin ta’ rikonoxximent tal-każijiet minn dawk li jmexxu l-kliniċi marbuta mas-sorveljanza viroloġika u għandhom jinkludu morbidità u mortalità relatati ma’ l-età, u possibbilment ukoll ir-rata ta’ ammissjonijiet fl-isptar. Manifestazzjonijiet kliniċi jistgħu jinbidlu, speċjalment matul il-mewġiet ta’ pandemija li jiġu wara meta jistgħu jitfaċċaw karatteristiċi ġodda.

L-impatt ta’ programmi ta’ tilqim u miżuri oħra tas-saħħa, għandhom jiġu vvalutati minħabba li r-rotot staġjonali ta' l-i strains ta' l-influwenza fiċ-ċirkolazzjoni u b'konsegwenza l-kompożizzjoni tal-vaċċini jvarjaw minn sena għal oħra. Għandha ssir enfasi akbar fuq sorveljanza sistematika ta’ l-impatt tal-programmi ta’ tilqim fuq il-morbidità u l-mortalità u fuq informazzjoni tajba fuq l-istat ta’ immunizzazzjoni fl-UE. Peress li l-vaċċini għall-pandemiji se jkunu prodotti biss xi xhur wara l-iżolament ta' l-i strain tal-pandemija iżda se jiġu amministrati mingħajr il-provi konvenzjonali, se jkun hemm il-ħtieġa għall-monitoraġġ ta' l-effettività, is-sikurezza u l-effetti sekondarji tagħhom.

L-ECDC jieħu fuqu l-ħidmiet relatati mas-sorveljanza epidemjoloġika skond il-pjan, jieħu sehem fl-organizzazzjoni u t-tmexxija ta’ l-assistenza f’tifqigħat ta’ influwenza, u jipprovdi konsulenza dwar għażliet u linji ta’ gwida għar-rispons adattat fil-fażijiet u l-livelli varji li hemm fil-pjan.

Bħalissa l-Kummissjoni qegħda tiffinanzja proġetti taħt il-Programm ta’ Azzjoni tas-Saħħa Pubblika (2003-2008) biex issaħħaħ is-sorveljanza u l-istat ta’ tħejjija fuq il-livell ta’ l-UE (ara l-ANNESS 2).

3.3. Il-prevenzjoni u t-trażżin

Kontromiżura ewlenija għall-prevenzjoni ta’ l-influwenza huwa t-tilqim. Vaċċin għall-pandemija jkun prodott wara li l-i strain pandemiku jkun iżolat, iżda dan jista' jieħu bejn 6-8 xhur qabel ma jkun disponibbli. Barra dan, il-kapaċità tal-produzzjoni tal-vaċċini mhix adegwata. Kull Stat Membru għandu jipprepara pjanijiet biex ilaqqam gruppi ta’ prijorità. Il-Kummissjoni, bl-għajnuna mill-ECDC u l-WHO diġà tiffaċilita l-koordinazzjoni tal-pjanijiet biex tiżgura l-inter-operabbiltà u tevita l-konfuzjoni u t-tħassib pubbliku fuq il-livelli differenti ta’ protezzjoni tas-saħħa li jingħataw f’partijiet differenti ta’ l-UE.

Fil-bidu ta' pandemija, il-mediċini antivirali jikkostitwixxu l-ewwel pilastru tal-prevenzjoni u l-intervenzjoni medika sakemm isiru disponibbli l-vaċċini. L-Istati membri għandhom jikkunsidraw kif se jużaw il-ħażniet limitati minħabba d-disponibbiltà kurrenti limitata, u jagħtu prijorità lil dawk li għandhom jirċievu l-mediċina matul l-ewwel mewġa, b'attenzjoni partikolari fuq dawk li huma morda bl- istrain tal-pandemija u, għalhekk, li x'aktarx l-aktar li se jibbenefikaw minn trattament minn kmieni. Il-Kummissjoni tiffaċilita l-iskambju ta’ informazzjoni u l-qsim ta’ prassi tajba f’dan il-qasam. Kemm għall-vaċċini kif ukoll għall-antivirali, kwistjonijiet dwar distribuzzjoni ekwa u l- “mutwalizzazzjoni” ta’ ħażniet eżistenti biex tiġi miġġielda l-marda minn ras il-għajn ġew proposti, fid-dawl tan-nuqqas ta' kapaċità ta' produzzjoni f'ħafna pajjiżi u l-iżbilanċ innutat bejn il-pajjiżi sinjuri u b’saħħithom li jiġbru strains permezz ta’ programmi ta’ kollaborazzjoni mal-pajjiżi fqar u milquta iżda li jkunu huma biss li jibbenefikaw mill-produzzjoni tal-manifattura (tagħhom).

Informazzjoni li tikkonċerna l-użu annwali ta’ vaċċini fi gruppi ta’ riskju u l-pubbliku ġenerali għandha tinġabar biex tipprovdi bażi għall-istimi tal-bżonnijiet eventwali matul pandemija. Stimi ta’ dak li jista’ jkun hemm bżonn waqt pandemija jgħinu l-proċess ta’ provvista annwali ta’ vaċċini. Bħala parti mill-pjan dawn li ġejjin jistgħu jiġu segwiti:

- Il-provvista ta’ stimi għall-bżonn ta’ vaċċini, antivirali u antibijotiċi mill-Istati Membri skond ix-xenarji l-aktar probabbli għall-użu tagħhom.

- Id-determinazzjoni ta’ gruppi ta’ prijorità għat-tilqim, meta l-provvista tal-vaċċini ma tkunx biżżejjed.

- L-istabbiliment ta’ għażliet għal miżuri tas-saħħa pubblika biex jitnaqqsu l-morbidità u d-diżordni soċjali meta jkun hemm akkumulazzjoni rapida ta’ każijiet ta’ l-influwenza.

- Il-ġbir ta’ informazzjoni mingħand il-manifatturi dwar il-kapaċitajiet u l-pjanijiet ta’ produzzjoni għal vaċċini, antivirali u antibijotiċi.

Il-Kummissjoni qed tappoġġa proġetti f'dan il-qasam. L-aktar ħaġa importanti hija li l-Kummissjoni qablet ma' l-Istati Membri dwar dokument ta’ politika dwar sħubija pubblika-privata (PPP)[13] bejn korpi pubbliċi u l-industrija tal-vaċċini biex jipprovdu l-vaċċin ta’ l-influwenza lill-popolazzjoni ta’ l-Unjoni Ewropea fl-iqsar żmien possibbli f’każ ta’ pandemija ta’ l-influwenza.

Ix-xogħol li qed isir taħt il-mandat tal-Kunsill f'dan il-qasam diġà ta frott billi pprovda għarfien utli għall-Istati Membri sabiex dawn jinnegozjaw ma' l-industrija u wassal lill-industrija sabiex tibda tipproduċi fajls simulatorji u tirrevedi l-ispejjeż u l-prezzijiet, kif ukoll ħeġġeġ aktar kumpaniji sabiex jinvolvu ruħhom fil-produzzjoni tal-vaċċini.

Il-kontribuzzjoni li stqarret li tat l-industrija lill-PPP hija l-iżvilupp tal-prototip tal-vaċċini ta' l-influwenza skond il-linji ta' gwida prodotti mill-EMEA[14] sabiex jitħejjew dossiers simulatorji . Erba’ kumpaniji ħabbru l-intenzjoni tagħhom li jippreparaw dossier ta’ dan it-tip fix-xhur li ġejjin. L-industrija se tiżgura l-produzzjoni tal-vaċċini tal-pandemija, bl-użu tal-faċilitajiet kollha disponibbli fil-waqt tal-pandemija.

Is-settur pubbliku jappoġġa l-industrija l-ewwelnett permezz ta' l-iżvilupp ta' librerija ta' seed stocks għall-manifattura tal-vaċċin ta' l-influwenza. Barra minn hekk, jista' jipprovdi l-appoġġ għal provi kliniċi għall-vaċċini simulatorji u l-iżvilupp ta' sistemi ta' sorveljanza wara t-tqegħid fis-suq. Jgħin lill-industrija fil-provi kliniċi u l-ġbir tad-dejta ta' formulazzjonijiet alternattivi ta' vaċċini, inklużi dożi varjati ta' antiġeni u l-użu ta' adjuvants. Is-settur pubbliku wkoll jieħu l-impenn studji sjeroloġiċi u fuq l-annimali għall-effettività sabiex jipprovdi evidenza xjentifika għall-effikaċja protettiva probabbli ta' vaċċini kandidati kontra strain partikolari ta' pandemija li tkun qed tiċċirkola. Il-ħin li jiġi ffrankat billi l-vaċċin isir disponibbli għall-użu mill-pubbliku permezz ta' dawn l-attivitajiet potenzjalment huwa ta' xahrejn sa tliet xhur u possibilment aktar.

Il-kapaċità kurrenti tal-produzzjoni tal-vaċċin m’hijiex meqjusa suffiċjenti biex tlaħħaq mad-domandi tal-Komunità f’każ ta’ pandemija. Il-kapaċità ta’ riserva ta’ min jimmanifattura x’aktarx ma tkunx biżżejjed biex tagħmel tajjeb għal żieda f’daqqa fid-domanda. Parti mill-kontribuzzjoni pubblika tkun li żżid l-użu ta' vaċċin ta’ l-influwenza interpandemika, sabiex b'hekk tikkontribwixxi għal kapaċità akbar, billi tiżgura li t-teħid tagħha jittella' għal-livelli rrakkomandati mir-riżoluzzjoni ta' l-Assemblea Dinjija tas-Saħħa 56.19[15] li tipprevedi kopertura ta' 75% tal-gruppi mhedda identifikati mill-Istati Membri. Ġie osservat li t-tilqim fl-2005 b'vaċċini interpandemiċi żdied drastikament u l-ħażniet spiċċaw f'ħafna mill-Istati Membri ta' l-UE.

Qed issir ħidma fl-implimentazzjoni tas-sħubija pubblika-privata sabiex jitnaqqas b’mod sinifikanti iż-‘żmien mill-produzzjoni għas-suq'. Sabiex jintlaħaq dan l-għan u sabiex titgħaġġel l-evalwazzjoni ta' vaċċini ġodda speċifiċi għall-pandemiji, il-Kummissjoni qablet ma' l-EMEA li teżenta mill-ħlas ir-reġistrazzjoni tad-dossiers. L-isforzi ta' l-Istati membri li jiksbu l-vaċċini għall-pandemiji tista' tkun appoġġata mill-Komunità wara l-proposta mill-Kummissjoni fis-6 ta' April 2005 għal regolament tal-Parlament Ewropew u tal-Kunsill li jistabbilixxi l-Fond ta' Solidarjetà ta' l-Unjoni Ewropea[16], sabiex jiġi żviluppat l-aspett ta' solidarjetà ta' l-istrateġija integrata tal-Kummissjoni, sabiex jiġi żgurat ir-rispons għal diżastri maġġuri jew emerġenzi tas-saħħa pubblika, ikunu x'ikunu in-natura u l-oriġni tagħhom. Il-Kummissjoni titlob lill-Kunsill u lill-Parlament Ewropew li jikkonkludu xogħolhom fuq ir-Regolament Propost dwar l-EUSF malajr kemm jista' jkun sabiex jiddaħħal fis-seħħ mill-aktar fis possibbli.

L-ambitu ġeografiku huwa limitat għall-Istati Membri u l-pajjiżi li qed jinnegozjaw l-adeżjoni tagħhom ma' l-UE. L-ambitu tematiku jinkludi theddidiet għas-saħħa pubblika u atti ta' terroriżmu. Il-fond jibqa' limitiat għal diżastri "maġġuri" ddefiniti bħala avvenimenti li jirriżultaw fi ħsara totali diretta ta' aktar minn biljun EUR jew 0,5% tad-Dħul Gross Nett (GNI) tal-pajjiż affettwat rispettivament, jew jekk il-Kummissjoni tiddikjara li sitwazzjoni diżastruża hija "maġġuri", f'ċirkostanzi ġġusitifikati kif jixraq u eċċezzjonali, fejn il-konsegwenzi huma partikolarment serji iżda ma jistgħux jiġu evalwati abbażi ta' ħsara fiżika biss. Dan se jkun partikolarment importanti biex tkun protetta l-UE f'każ ta' pandemiji, partikolarment f'pandemiji ta' l-influwenza li huma ddikjarati uffiċjalment. Protezzjoni effettiva se teħtieġ użu rapidu u wiesa' ta' mediċini antivirali u vaċċini.

L-EUSF jista' jintuża bħala għajnuna għall-finanzjament mill-ġdid ta' l-ispejjez ta' dawn il-mediċinali. Il-mobbilizzazzjoni tal-Fond, kif inhi taħt il-proċedura kurrenti, għandha tkun possibbli biss fuq talba minn Stat eliġibbli. Wara l-evalwazzjoni tal-Kummissjoni u l-proposta lill-awtorità baġitarja dwar l-ammont ta' assistenza finanzjarja li għandha tingħata, din ta' l-aħħar tadotta baġit addizzjonali korrispondenti. Imbagħad il-Kummissjoni tadotta deċiżjoni ta' għotja, li tkun segwita mill-konklużjoni ta' ftehim ta' implimentazzjoni, li jwassal għall-ħlas ta' l-għotja.

Bil-proposta għal regolament li jistabbilixxi l-Fond ta' Solidarjetà ta' l-Unjoni Ewropea, il-Kummissjoni tissuġġerixxi li jissaħħu u jitwessgħu il-possibbiltajiet għar-rispons għal emerġenzi tas-saħħa pubblika. Dan ikopri assistenza medika u miżuri immedjati biex tkun protetta l-popolazzjoni kontra theddid imminenti għas-saħħa, fosthom l-ispejjeż tal-vaċċini, il-mediċini, il-prodotti mediċi, it-tagħmir u l-infrastruttura li jintużaw matul emerġenza. L-użu ta' dan il-fond, madankollu, huwa marbut ma' rekwiżiti speċifiċi u jirrappreżenta, fil-kunċett bażiku tiegħu, finanzjament mill-ġdid u għalhekk tip ta' strument ta' rispons, bi proċeduri standard li normalment idumu xi ftit. Għalhekk, il-Kummissjoni ssuġġeriet mekkaniżmu avvanzat ta' finanzjament li jippermetti finanzjament limitat bi żmien qasir għar-reazzjoni.

Id-disponibbiltà ta’ vaċċini jew antivirali lill-popolazzjonijiet l-aktar f’riskju tista’, f’sitwazzjonijiet kritiċi, tkun limitata ulterjorment permezz ta’ miżuri imposti mill-awtoritajiet ta’ l-Istat Membru biex jipprovdu l-protezzjoni massima għall-popolazzjoni tagħhom stess. Għalhekk għandhom jiġu ikkunsidrati miżuri bil-ħsieb li jiżguraw aċċess ekwu għhal kulħadd. Aktar kollaborazzjoni ma' l-industrija, l-Istati Membri u oħrajn hija meħtieġa. Il-miżuri, madankollu, m’għandhomx jinkludu l-promozzjoni ta’ kwalunkwe mġiba li tikser ir-regoli tal-kompetizzjoni ta’ l-UE.

Miżuri mhux farmaċewtiċi bħalma huma l-ħasil ta' l-idejn u ż-żamma ta' ċertu distanza bejn in-nies se jkollhom rwol importanti fit-tnaqqis ta' l-impatt ta' l-influwenza pandemika. L-ECDC, f'ħidma mal-Kummissjoni u korpi nazzjonali u internazzjonali, se jipprepara gwida bbażata fuq l-evidenza fuq dawn is-suġġetti sabiex tintuża mill-Istati Membri.

Finalment, il-Kummissjoni, permezz tal-Programmi ta’ Qafas għar-Riċerka, mill-1998 qed tiffinanzja proġetti fil-qasam ta’ l-influwenza pandemika tal-bnedmin. Dawn l-isforzi għandhom jibqgħu fis-seħħ matul is-7 Programm ta' Qafas[17] (ANNESS 3).

3.4. Ir-rispons tas-sistema tas-saħħa

Biex tiżgura t-trattament effettiv u sigur ta’ każijiet ta’ strain ġdida ta’ l-influwenza fil-bnedmin, huwa importanti li l-isptarijiet ikollhom pjanijiet ta’ emerġenza stabbiliti sew biex ilaħħqu ma’ ħafna każijiet u jiżguraw kontinwità u reżistenza, il-linji ta’ gwida kliniċi jkunu lesti, il-ħażniet ikunu disponibbli u l-istaff ikun konxju tal-kriterji għall-ammissjoni. Hija r-responsabbiltà u l-kompetenza ta’ l-Istati Membri li jiżguraw li ċ-ċittadini jkollhom aċċess għall-aħjar prassi u huwa l-għan tal-Komunità li inugwaljanzi f’dan il-qasam jitwittew bejn il-pajjiżi u r-reġjuni. Barra minn hekk, l-istaff li jaħdem fil-kura tas-saħħa għandu jkun konxju ta’ u jiġi mħarreġ f’miżuri ta’ kontroll ta’ l-infezzjoni. L-Istati Membri għandhom jiżguraw l-iżvilupp u l-implimentazzjoni ta’ linjita’ gwida għall-immaniġġjar kliniku ta’ pazjenti ssuspetati jew ikkonfermati li huma infettati bi strain ta’ l-influwenza pandemika. Linji ta' gwida għall-kontroll ta’ l-infezzjoni huma importanti biex jiġu ċċarati r-rotot tat-trażmissjoni u metodi li jinterrompu t-trażmissjoni permezz ta’ miżuri iġjeniċi. Il-kontroll ta’ l-infezzjoni huwa parti essenzjali mill-immaniġġjar tal-pazjenti, u jgħin biex jipprevjeni li l-marda tinfirex aktar fost il-pubbliku, u jeħtieġ li l-Istati Membri jikkunsidraw il-kwalità tas-servizzi tal-pajjiżi ġirien biex ikunu lesti li jgħinu ċittadini li jfittxu għajnuna billi jaqsmu l-fruntieri nazzjonali.

Huwa kruċjali li s-servizzi tas-saħħa jadattaw għall-kundizzjonijiet pandemiċi sabiex il-kura bażika għal dawk li l-aktar li huma fil-bżonn tinżamm. Sabiex dan jiġi żgurat, bosta passi ta’ emerġenza għandhom jiġu żviluppati għall-assikurazzjoni ta' l-immaniġġjar sensibbli tal-ħaddiema u tal-volontarji u li jsir l-aħjar użu tal-faċilitajiet u tal-prodotti farmaċewtiċi disponibbli. Ġeneralment, attivitajiet f’dan il-qasam għandhom ikunu bbażati fuq pjan ġenerali ta’ tħejjija għall-emerġenzi tas-saħħa. Ikun importanti li l-pjanijiet tal-kura klinika u tas-servizzi tas-saħħa jkunu kkoordinati ma' ġuriżdizzjonijiet ġirien sabiex jiġi evitat li l-pazjenti jaqsmu l-fruntieri bil-ħsieb li jsibu kura tas-saħħa aħjar.

Bil-Komunikazzjoni[18] tagħha dwar il-linji ta' gwida strateġiċi għall-Komunità għal politika ta' koeżjoni b'appoġġ għat-tkabbir ekonomiku u l-impjiegi (2007-2013), il-Kummissjoni ssuġġeriet li tiġi inkluża l-prevenzjoni tar-riskji għas-saħħa u li jiġu indirizzati n-nuqqasijiet fl-infrastruttura tas-saħħa bħala parametri strateġiċi għall-politika ta' koeżjoni fil-ġejjieni. Għal dawk l-Istati Membri li qed jippjanaw li jiżviluppaw programmi orizzontali ta' koeżjoni fuq is-saħħa u dawk ir-reġjoni li beħsiebhom jintegraw prijoritajiet marbuta mas-saħħa fil-programmi operazzjonali tagħhom, il-Kummissjoni tirrakkomanda rbit b'saħħtu bejniethom u bejn il-pjanijiet nazzjonali ta' tħejjija. Għandha tingħata attenzjoni speċjali wkoll lill-possibilitajiet offruti mill-istrumenti ġejjiena tal-politika ta' koeżjoni dwar il-kooperazzjoni territorjali, partikolarment il-kooperazzjoni minn pajjiż għal ieħor.'

3.5. Il-Komunikazzjoni

Komunikazzjoni lill-pubbliku

Pjan ta’ komunikazzjoni għandu jitħejja għal kull fażi u livell. Aktar ma tkun serja t-theddida, aktar ikun importanti li tiġi żgurata komunikazzjoni effiċjenti lill-pubbliku ġenerali u lill-midja.

Il-perċezzjoni tat-theddida ta’ pandemija tista’ tagħti lok għal interess konsiderevoli mill-midja. It-tħejjija ta’ informazzjoni affidabbli dwar it-theddida potenzjali għandha tkun prijorità ewlenija ta’ l-Istati Membri, l-ECDC u tal-Kummissjoni. L-għoti ta' informazzjoni awtorevoli minn stadju bikri tipprevjeni l-ħolqien ta’ “vojt fl-informazzjoni” li l-midja jistgħu jimlew bi spekulazzjoni u għajdut. Biex jiżguraw li qegħdin f’pożizzjoni li jagħmlu dan, l-awtoritajiet ta’ l-Istati Membri flimkien mal-Kummissjoni u l-ECDC, għandhom jiżviluppaw firxa ta’ materjali lesti biex jintużaw bħala informazzjoni qasira lill-midja dwar l-influwenza. Numru ta' Stati Membri diġà għamlu dan, u taw, pereżempju, ċertu ammont ta’ informazzjoni bażika dwar il-marda u s-sistemi li hemm lesti biex jirrispondu għal tifqigħat kbar.

Matul epidemija ta’ l-influwenza, informazzjoni dwar azzjonijiet fuq il-livell ta’ l-UE u fuq il-livell nazzjonali biex tiġi indirizzata t-theddida, jeħtieġ li jiġu kkomunikati lill-midja, u lill-pubbliku, b’manjiera f’waqtha u konsistenti. L-istrateġija tal-komunikazzjoni teħtieġ li tiġi kkunsidrata minn kmieni fil-proċess ta' indirizzar ta' pandemija potenzjali. L-Istati Membri, l-ECDC u l-Kummissjoni għandhom ifittxu li jiżviluppaw aktar pjanijiet ta' komunikazzjoni u jagħmlu ħilithom li jikkoordinaw messaġġi u stqarrijiet preċiżi lill-midja dwar it-theddida u l-miżuri ppjanati biex jiġu evitati l-konfużjoni u stqarrijiet kontradittorji.

Mod wieħed kif jiġi żgurat il-qsim ta’ informazzjoni fost l-Istati Membri u s-sinċerità mal-pubbliku u l-midja jkun li, matul pandemija, jiġu ppubblikati rapporti regolari fuq l-Internet dwar is-sitwazzjoni tal-pandemija madwar l-Ewropa. Dan il-mod ta’ ħidma wera li kien effettiv meta faqqgħet is-SARS.

Arranġamenti għat-tilqim u d-distribuzzjoni ta’ l-aġenti antivirali se jvarjaw minn pajjiż għal ieħor skond il-pjanijiet nazzjonali individwali. Il-komunikazzjoni lill-professjonisti tas-saħħa u lill-pubbliku dwar dawn l-arranġamenti bilfors se jkun xogħol l-awtoritajiet ta’ l-Istat Membru. Madankollu, anke f’dawn iċ-ċirkustanzi se jkun hemm il-bżonn ta’ koordinazzjoni madwar l-UE kollha. Din se tgħin biex issaħħaħ il-kunfidenza tal-pubbliku fl-istrateġija tar-rispons jekk l-Istati Membri u l-Kummissjoni jkunu jistgħu juru li l-istrateġiji nazzjonali madwar l-UE huma konsistenti u bbażati fuq evalwazzjoni komuni tax-xjenza rilevanti.

Komunikazzjoni fost l-awtoritajiet tas-saħħa kompetenti

Skambju rapidu ta’ informazzjoni u notifika fil-pront matul l-ewwel stadji ta’ influwenza pandemika huma essenzjali biex jgħinu lill-Istati Membri, lill-Kummissjoni, lill-ECDC, u lill-WHO u korpi oħra biex jirrispondu b’pożizzjonijiet komuni fil-komunikazzjonijiet pubbliċi, u jwasslu l-allarm kif jixraq lill-istrutturi tagħhom, sabiex il-miżuri jkunu jistgħu jiġu implementati f’waqthom.

Il-Kummissjoni impenjat ruħha f'azzjonijiet għall-koordinazzjoni tas-servizzi tal-midja ta' l-awtoritajiet ta' l-Istati Membri li huma inkarigati minn Komunikazzjonijiet pubbliċi dwar l-influwenza pandemika. F’Ottubru ta’ l-2005 dokument ta’ gwida teknika dwar ‘‘ Procedure for Communication to Member States, the Commission and the ECDC about highly pathogenic Avian Influenza events in humans ’ kien maqbul u ppubblikat fuq il-websajt Europa[19].

4. Il-Fażijiet tal-Pandemija u l-Livelli ta’ Allarm fl-UE

Il-miżuri ewlenin li għandhom jiġu ppjanati u implimentati fir-rigward ta' pandemiji ta' l-influwenza jistgħu jinqasmu bejn il-fażijiet u l-livelli ppreżentati hawn taħt. Settijiet differenti ta' azzjoni għandhom jitwettqu mill-Kummissjoni u l-Istati Membri, iżda jeżistu wkoll azzjonijiet li għandhom jitwettqu flimkien. Huma maħsuba azzjonijiet għal fażijiet u livelli varji u dawn jibbenefikaw mill-evalwazzjoni tas-sitwazzjoni epidemjoloġika mwettqa mill-ECDC u l-WHO abbażi tax-xenarji u l-firxa ġeografika hekk kif deskritta hawn taħt.

L-għażla ta' fażijiet u livelli hija konsistenti mar-rakkomandazzjonijiet tal-WHO u d-definizzjoni tagħha ta' fażijiet ta' pandemija. Madankollu, minħabba ċ-ċirkostanzi speċifiċi ta' l-Unjoni Ewropea, li hi kkaratterizzata min-nuqqas tal-fruntieri interni u ċ-ċirkolazzjoni ħielsa tal-persuni u ta' l-oġġetti, l-erba' livelli ta' allarm ta' l-UE li ġejjin għandhom jintużaw taħt il-WHO Phase 6 (perjodu ta' pandemija), wara konsultazzjoni ma' l-Istati Membri, l-WHO u l-ECDC:

Livelli ta' Allarm ta' l-UE fil-fażi pandemika 6:

Wieħed – l-ebda każijiet ikkonfermati ta' infezzjoni fil-bnedmin tal-virus pandemiku fi kwalunkwe Stat Membru ta' l-UE;

Tnejn – każ wieħed jew aktar ta' infezzjoni fil-bnedmin tal-virus pandemiku fi kwalunkwe Stat Membru ta' l-UE;

Tlieta – tifqigħa (trażmissjoni) kkonfermata mal-virus pandemiku fi kwalunkwe Stat Membru ta' l-UE;

Erbgħa – trażmissjoni mifruxa fl-Istati Membri ta' l-UE

Fi ħdan dawn il-livelli ta' allarm, u speċjalment il-Livell ta' Allarm 4, l-esperjenza bit-trażmissjoni ta' l-influwenza staġjonali tissuġġerixxi li l-attività pandemika mhix se tkun uniformi madwar l-UE u dan se jkun deskritt mill-Istati Membri u l-ECDC. Assunzjoni għall-ippjanar hija li l-pandemija ma toħroġx fi Stat Membru u miżuri addizzjonali jkunu meħtieġa bejn l-ewwel u t-tieni mewġa tal-pandemija u wara li l-vaċċin isir disponibbli.

L-azzjonijiet li ġejjin huma komuni għal kull fażi pandemika u għalhekk se jitqiesu mill-atturi rilevanti kull darba li s-sitwazzjoni timxi għall-fażi ta' wara.

L-ippjanar u l-koordinazzjoni

L-Istati Membri huma obbligati li jinfurmaw, jikkonsultaw u jikkoordinaw il-miżuri ma' Stati Membri oħra u l-Kumissjoni permezz ta' l-EWRS u, fejn ikun xieraq, mekkaniżmi oħra;

Il-Kummissjoni torganizza l-informazzjoni, l-konsultazzjoni u l-koordinazzjoni tal-miżuri.

Il-monitoraġġ u l-evalwazzjoni

L-Istati Membri huma obbligati jittrażmettu informazzjoni dwar is-sejba ta’ każijiet fil-bnedmin lin-Netwerk dwar mard li jittieħed, u lill-ECDC, permezz tas-Sistema ta’ Twissija u Rispons Bikri;

Il-Kummissjoni qed tikkoordina l-iskambju ta' informazzjoni bl-għajnuna ta' l-ECDC li qed jopera l-EWRS.

Il-prevenzjoni u t-trażżin

Interventi tas-saħħa pubblika

- Il-Kummissjoni, bl-għajnuna ta' l-ECDC, tirrepeti miżuri adegwati u inadegwati għall-pajjiżi milquta u mhux milquta;

- Il-Kummissjoni tirrakkomanda li organizzazzjonijiet u assoċjazzjonijiet internazzjonali adattati u kumpaniji tat-trasport jiżviluppaw u jħejju biex jimplimentaw miżuri standard għal dawk li jivvjaġġaw bi trasport internazzjonali, skond il-fażi tal-pandemija;

- Mir-raba' fażi sas-sitt waħda: Il-Kummissjoni b'konsultazzjoni ma' l-Istati Membri, tivvaluta l-bżonn li jiġu rrakkomandati miżuri ta’ trażżin addizzjonali eż. fil-fruntieri internazzjonali;

Il-komunikazzjonijiet

- Il-Kummissjoni għandha taħdem ma' l-Istati Membri, bl-għajnuna ta' l-ECDC u b'kooperazzjoni mal-WHO, sabiex tipprovdi messaġġi preċiżi skond il-fażi tal-pandemija;

- Il-Kummissjoni regolarment tinforma lill-midja u lill-pubbliku dwar is-sitwazzjoni, iżżomm il-kapaċità sabiex jiġu indirizzati talbiet mistennija internazzjonali għall-informazzjoni u tevalwa u taġġorna r-rispons tal-komunikazzjoni matul il-fażijiet varji fid-dawl tat-tagħlimiet li tikseb.

WHO PHASE 1 (Perjodu interpandemiku)

F’din il-fażi l-ebda sottotip ġdid tal-virus ta’ l-influwenza ma nstab fil-bniedem.

Sottotip tal-virus ta’ l-influwenza li kkawża infezzjoni fil-bniedem jista’ jkun preżenti fl-annimali. Jekk jinsab fl-annimali, ir-riskju ta’ infezzjoni jew mard fil-bniedem jitqies li huwa baxx.

L-għan ewlieni ta’ saħħa pubblika huwa t-tisħiħ ta’ l-istat ta’ tħejjija għall-influwenza pandemika fil-livelli globali, reġjonali, nazzjonali u sotto nazzjonali.

Dan ix-xenarju ma jinkludi l-ebda virus ġdid ta’ l-Influwenza tat-tjur misjub fl-annimali fl-Ewropa u l-ebda każ fil-bniedem.

WHO PHASE 2 (Perjodu interpandemiku)

Ma nstab l-ebda sottotip ġdid tal-virus ta’ l-influwenza fil-bniedem.

Madankollu, sottotip ta’ l-influwenza tal-virus ta’ l-annimali li qed jiċċirkola huwa ta’ riskju sostanzjali għall-mard fil-bniedem.

L-għan ewlieni ta’ saħħa pubblika huwa li jiġi mminimizzat ir-riskju ta’ trażmissjoni lill- bnedmin; l-individwazzjoni u r-rappurtar ta’ tali trażmissjoni jekk din isseħħ.

Dan ix-xenarju ma jinkludi l-ebda każ fil-bniedem fl-UE.

Ir-responsabbiltajiet u l-azzjonijiet

Fil-fażijiet 1 u 2, it-tisħiħ ta’ l-istat ta’ tħejjija għall-influwenza pandemika fil-livelli nazzjonali u internazzjonali huwa ta’ importanza partikolari fit-tħejjija għar-rispons f’każ ta’ pandemija. Biex jiġi aġġornat l-istatus ta’ tħejjija fil-livell tal-Komunità, il-Kummissjoni u l-ECDC, f’konsultazzjoni mal-Kumitat għas-Sigurtà tas-Saħħa u f’kooperazzjoni mal-WHO, jevalwaw, jirrevedu u jorganizzaw eżerċizzji dwar il-pjanijiet nazzjonali għall-pandemija, b’enfasi speċjali fuq l-interoperabbiltà tagħhom.

WHO PHASE 3 (Perjodu ta’ allarm ta’ pandemija)

Infezzjoni(jiet) fil-bniedem b’sottotip ġdid, iżda mingħajr trażmissjoni minn bniedem għall-ieħor, jew l-iktar, każijiet rari ta’ trażmissjoni minn kuntatt fil-qrib.

F’din il-fażi l-għan prinċipali ta’ saħħa pubblika huwa li tkun żgurata l-karatterizzazzjoni rapida tas-sottotip tal-virus il-ġdid u l-individwazzjoni bikrija u n-notifikazzjoni ta’ każijiet addizzjonali u r-rispons għalihom.

L-ebda każ fil-bniedem iżda riskju ta’ importazzjoni sporadika jew li jitfaċċaw każijiet iżolati fl-Istati Membri.

Ir-responsabbiltajiet u l-azzjonijiet

4.1.1. Il-Kummissjoni

L-ippjanar u l-koordinazzjoni

- Tikkoordina t-tmexxija għall-awtoritajiet nazzjonali fir-reviżjoni u l-aġġornament tal-pjanijiet nazzjonali ta’ kontinġenza, fuq il-bażi ta' tagħrif xjentifiku li jkun qed jevolvi dwar il-każ(ijiet) fil-bnedmin.

- Tirrevedi l-pjan ta’ kontinġenza intern tal-Kummissjoni.

Il-prevenzjoni u t-trażżin

Interventi ta’ saħħa pubblika

- Titlob lill-Istati Membri milquta li jinfurmaw lill-Kummissjoni u lill-Istati Membri l-oħra dwar l-implimentazzjoni u l-effettività ta’ miżuri ta’ trażżin bil-għan li tikkoordinahom, permezz tas-sistema EWRS;

Mediċini antivirali

- Taħdem ma’ l-awtoritajiet nazzjonali biex tikoordina d-disponibbiltà biex dawn ikunu jistgħu jintbagħtu malajr;

Vaċċini

- Taħdem ma’ l-awtoritajiet nazzjonali biex tivvaluta l-benefiċċji u l-iżvantaġġi possibbli tat-tlaqqim ta’ persuni esposti minħabba xogħol jew mod ieħor bil-vaċċin ta’ l-influwenza ta’ l-istaġun, u tħejji programmi ta’ tilqim jekk ikun xieraq;

- Taħdem ma’ l-Istati Membri u l-industrija sabiex tħeġġeġ id-disponibbilta’ ta’ vaċċini effettivi u suffiċjenti.

Ir-rispons tas-sistema tas-saħħa

- Tinkoraġġixxi lill-awtoritajiet nazzjonali biex jirrivedu u jaġġornaw l-istrateġiji ta’ rispons tas-sistema tas-saħħa fil-livelli nazzjonali u sotto-nazzjonali;

Komunikazzjonijiet

- Tikkoordina l-qsim ta’ tagħrif ta’ sfond fir-rigward ta’ l-effettività tal-miżuri rrakkomandati;

- Taġġorna lil imsieħba u partijiet interessati oħrajn, u lill-pubbliku dwar is-sitwazzjoni epidemjoloġika globali u l-karatteristiċi tal-marda;

- Tikkoordina l-qsim tat-tagħrif fir-rigward ta’ l-effettività tal-miżuri rakkomandati bl-għajnuna ta’ l-ECDC.

4.1.2. L-ECDC

Il-monitoraġġ u l-evalwazzjoni

- Jissorvelja t-theddida pandemika ta’ l-influwenza permezz tal-ġbir ta’ tagħrif u l-kollaborazzjoni ma’ l-Aġenziji Ewropej (eż. l-EFSA) u entitajiet internazzjonali (WHO, OIE, FAO) u jikkomunika regolarment dwar l-attivitajiet ta’ monitoraġġ tar-riskju tiegħu;

- Jiffaċilita l-qsim tat-tagħrif dwar il-konferma minn laboratorju ta’ l-infezzjoni fil-bniedem permezz tan-netwerk ta’ laboratorji ta’ referenza;

- Jikkoordina l-iżvilupp ta’ definizzjoni tal-każ għar-rappurtar mill-pajjiżi;

- Jipprovdi formoli ta’ rappurtar u jikkoordina r-rappurtar rapidu ta’ infezzjonijiet fil-bniedem bi strain ġdida ta’ l-influwenza b’mezzi xierqa;

- Tipprovdi appoġġ xieraq lill-awtoritajiet nazzjonali fl-investigazzjoni tal-każ(i) u ċ-ċirkostanzi epidjemoloġiċi ta’ l-infezzjoni, u fl-identifikazzjoni tal-gruppi fir-riskju;

Ir-Rispons tas-Sistema tas-Saħħa

- Tipprovdi pariri xjentifiċi dwar il-miżuri ta’ kontroll li mhumiex faramaċewtiċi sabiex toffri gwida lill-Istati Membri fl-Istrateġija ta’ Rispons tagħhom

Komunikazzjonijiet

- Taħdem ma’ l-Istati Membri fil-promozzjoni ta’ messaġġi konsistenti dwar il-marda u s-sitwazzjoni epidjemoloġika;

- Tikkoordina l-qsim ta’ tagħrif ta’ sfond fir-rigward ta’ l-effettività tal-miżuri rrakkomandati b’konsultazzjoni mal-Kummissjoni

- Taġġorna lil imsieħba u partijiet interessati oħrajn, u lill-pubbliku dwar is-sitwazzjoni epidemjoloġika globali u l-karatteristiċi tal-marda.

4.1.3. L-Istati Membri

Il-monitoraġġ u l-evalwazzjoni

- Jiffaċilitaw il-qsim tat-tagħrif dwar il-konferma minn laboratorju ta’ l-infezzjoni fil-bniedem permezz tan-netwerk ta’ laboratorji ta’ referenza;

- Japplikaw definizzjonijiet tal-każ maqbula fuq livell ta’ l-UE għar-rappurtar;

- Jiżguraw ir-rappurtar rapidu ta’ infezzjonijiet fil-bniedem bi strain ġdida tal-virus ta’ l-influwenza permezz ta’ l-EWRS u, fejn xieraq, mekkaniżmi oħrajn;

- Jinvestigaw każ(i) u ċ-ċirkostanzi epidjemoloġiċi ta’ l-infezzjoni u jidentifikaw gruppi fir-riskju u jikkomunikaw minnufih ir-riżultati lill-Kummissjoni u lill-ECDC.

Ir-Rispons tas-Sistema tas-Saħħa

- Jirrevedu, jaġġornaw u jxerrdu linji ta’ gwida għal kura klinika, dijanjostiċi, trattament, kontroll ta’ l-infezzjoni u l-użu sikur tal-kampjuni.

Komunikazzjonijiet

- Jaħdmu ma’ Stati Membri oħra u l-Kummissjoni sabiex jibagħtu messaġġi preċiżi;

- Jaqsmu ma’ l-Istati Membri l-oħra u l-Kummissjoni tagħrif dwar l-effettività tal-miżuri rrakkomandati;

- Jaġġornaw lil imsieħba u partijiet interessati oħrajn, u lill-pubbliku dwar is-sitwazzjoni epidemjoloġika globali u l-karatteristiċi tal-marda.

WHO PHASE 4 (Perjodu ta’ twissija ta’ pandemija)

Raggruppament(i) żgħar bi trażmissjoni limitata minn bniedem għall-ieħor iżda l-firxa hija lokalizzata ħafna li tindika li l-virus mhuwiex adattat sewwa għall-bniedem.

L-għan ewlieni tas-saħħa pubblika hu li jitrażżan il-virus il-ġdid ġewwa punti limitati jew li tiddewwem il-firxa biex jintrebaħ żmien għall-implimentazzjoni tal-miżuri tat-tħejjija, inkluż l-iżvilupp tal-vaċċin.

Ma hemm l-ebda każijiet fil-bniedem fl-UE iżda riskju elevat ta’ importazzjoni jew każijiet iżolati fl-Istati Membri u riskju elevat ta’ trażmissjoni minnhom.

Ir-responsabbiltajiet u l-azzjonijiet

4.1.4. Il-Kummissjoni

Il-monitoraġġ u l-evalwazzjoni

- F’konsultazzjoni ma’ l-ECDC, tikkoordina strateġiji ta’ l-awtoritajiet nazzjonali sabiex ittejjeb is-sorveljanza fil-gruppi ta’ riskju;

- F'konsultazzjoni ma’ l-ECDC, tikkoordina ma’ l-awtoritajiet nazzjonali s-sorveljanza ta’ miżuri għat-trażżin u l-kontroll.

Il-prevenzjoni u t-trażżin

Interventi tas-saħħa pubblika

- Tikkoordina l-implimentazzjoni ta’ miżuri addizzjonali ta’ trażżin irrakkomandati.

Ir-rispons tas-sistema tas-saħħa

- Tinkoraġġixxi lill-awtoritajiet nazzjonali biex jivvalutaw mill-ġdid il-linji gwida għall-immaniġġjar kliniku u l-kontroll ta’ l-infezzjoni fil-kura tas-saħħa (inklużi faċilitajiet ta’ kura għall-medda t-twila);

- Tinkoraġġixxi lill-awtoritajiet nazzjonali biex jitħejjew għall-fażi li jmiss, inkluż pjan ta’ mobilizzazzjoni għall-ħaddiema tal-kura tas-saħħa;

Komunikazzjonijiet

- Bl-għajnuna ta’ l-ECDC, tippromwovi l-qsim ta’ mudelli għall-materjali ta’ edukazzjoni tas-saħħa ġeneral

4.1.5. L-ECDC

Il-monitoraġġ u l-evalwazzjoni

- Jissorvelja r-riskju għall-UE b’enfasi speċjali fuq il-potenzjal għall-importazzjoni ta’ każijiet miż-żoni affettwati

- F’konsultazzjoni mal-Kummissjoni, jikkoordina strateġiji ta’ l-awtoritajiet nazzjonali sabiex itejjeb is-sorveljanza fil-gruppi ta’ riskju;

- Jiffaċilita r-rappurtaġġ ta’ trażmissjoni ta’ l-infezzjoni minn bniedem għall-ieħor bi strain ġdida tal-virus ta’ l-influwenza mill-awtoritajiet nazzjonali permezz ta’ l-użu ta’ l-EWRS;

- Jipprovdi appoġġ xieraq lill-awtoritajiet nazzjonali fl-investigazzjoni tal-każijiet u l-kuntatti, fit-titjib tas-sorveljanza tal-mard biex jiġu identifikati każijiet addizzjonali u ċ-ċirkostanzi epidemjoloġiċi ta’ l-infezzjoni (eż. is-sors ta’ l-esponiment, l-infezzjoni ta’ min ikollu kuntatt, u l-firxa fil-popolazzjoni ġenerali) u fl-identifikazzjoni tal-gruppi ta’ riskju;

Interventi ta’ saħħa pubblika

- Jipprovdi pariri xjentifiċi dwar l-intervenzjonijiet ta’ saħħa pubblika li mhumiex farmaċewtiċi;

- F’konsultazzjoni mal-Kummissjoni, jitlob lill-Istati Membri milquta li jirrapportaw dwar l-implimentazzjoni tal-miżuri ta’ sorveljanza mtejba, jassisti fl-evalwazzjoni ta’ l-effettività ta’ miżuri bħal dawn, u jittrażmetti t-tagħrif adegwat lill-Istati Membri kollha biex jinfurmaw l-ippjanar nazzjonali u internazzjonali;

- Jirrevedi l-linji ta’ gwida għall-bijosigurtà fin-netwerk ta’ laboratorji ta’ l-influwenza;

Komunikazzjonijiet

- Jassigura l-aġġornar regolari tat-tagħrif dwar ir-riskju għall-Unjoni Ewropea u l-evalwazzjoni xjentifika tal-miżuri rakkomandati.

4.1.6. L-Istati Membri

Il-monitoraġġ u l-evalwazzjoni

- Jaqsmu bejniethom tagħrif dwar is-sorveljanza mtejba tal-gruppi fir-riskju u dwar l-effettività tal-miżuri għat-trażżin u l-kontroll.

Il-prevenzjoni u t-trażżin

Interventi tas-saħħa pubblika

- Jikkonsultaw ma' l-Istati Membri l-oħra u l-Kummissjoni dwar kull miżura ta’ trażżin addizzjonali ppjanata.

Ir-rispons tas-sistema tas-saħħa

- Jaqsmu bejniethom il-linji gwida għall-immaniġġjar kliniku u l-kontroll ta’ l-infezzjonijiet fil-kura tas-saħħa (inklużi faċilitajiet ta’ kura għall-medda t-twila);

- Jirrappurtaw u jikkonsultaw dwar il-preparazzjonijiet għall-fażi li jmiss, speċjalment fir-rigward ta’ Stati Membri oħra u pjanijiet għall-għajnuna ta’ ċittadini ta’ l-UE f’pajjiżi terzi, inkluża l-protezzjoni fil-post u r-ripatrijazzjoni.

Komunikazzjonijiet

- Jaqsmu bejniethom messaġġi maħsuba għall-pubbliku u materjal edukattiv ma' l-Istati Membri l-oħra, il-Kummissjoni u l-ECDC.

WHO PHASE 5 (Perjodu ta’ twissija ta’ pandemija)

Raggruppament(i) akbar iżda t-tixrid minn bniedem għal bniedem għadu lokalizzat, li jindika li l-virus qed jadatta dejjem aktar għall-bnedmin, iżda għadu m’huwiex kompletament trażmissibbli (riskju sostanzjali ta’pandemija).

F’din il-fażi hemm il-ħtieġa li l-isforzi jiġu mmassimizzati biex jittrażżan jew jiġi pposponut it-tixrid biex possibbilment tkun evitata pandemija, u biex jintrebaħ iż-żmien għall-implimentazzjoni tal-miżuri ta’ reazzjoni għall-pandemija.

Raggruppamenti kbar lokalizzati f’pajjiżi barra l-Ewropa bi trażmissjoni minn persuna għall-oħra mingħajr konferma ta’ tixrid internazzjonali; hemm riskju li progressivament qed jogħla ta’ importazzjoni jew każijiet iżolati fl-UE.

Ir-responsabbiltajiet u l-azzjonijiet

4.1.7. Il-Kummissjoni

L-ippjanar u l-koordinazzjoni

- Tikkoordina l-evalwazzjoni dejjem għaddejja ta’ l-interventi;

- Tiffinalizza t-tħejjijiet għal pandemija imminenti, inklużi l-organizzazzjoni interna u l-kapaċità taż-żieda fl-istaff;

- Tagħti bidu għall-pjan ta’ kontinġenza tal-Kummissjoni;

Il-prevenzjoni u t-trażżin

Interventi ta’ saħħa pubblika

- Tikkollabora ma’ l-awtoritajiet nazzjonali billi tgħin fit-tqassim ta’ provvisti għall-kontroll ta’ l-infezzjoni lill-oqsma tal-kura tas-saħħa li qed jipprovdu kura għall-każijiet tal-bnedmin, speċjalment jekk dawn il-provvisti ġejjin minn Stati Membri oħra;

- Tirrevedi l-miżuri jew il-possibilitajiet għal proposti għall-miżuri Komunitarji fis-setturi kollha rilevanti ta’ politika Komunitarja.

Mediċini antivirali

- Tikkollabora ma’ l-awtoritajiet nazzjonali fl-għoti ta’ profilassi antivirali lil gruppi u persuni xierqa u tgħin fil-koordinazzjoni tal-mobilizzazzjoni tal-ħażniet ta’ Stati Membri oħra jekk ikun meħtieġ;

Vaċċini

- Tippromwovi, b’għajnuna mill-ECDC, flimkien ma' l-awtoritajiet nazzjonali, it-tħejjija u l-implimentazzjoni ta’ kampanji ta’ tilqim immirati li jinvolvu l-gruppi u l-persuni xierqa fil-komunità milquta, jekk il-vaċċin pandemiku jkun disponibbli;

Ir-rispons tas-sistema tas-saħħa

- Tikkoordina, bl-għajnuna ta' l-ECDC, it-tmexxija għall-awtoritajiet nazzjonali fl-assistenza lit-tobba fl-għarfien, id-dijanjożi u r-rappurtar tal-każijiet;

- Tikkoordina, bl-għajnuna ta' l-ECDC, it-tmexxija għall-awtoritajiet nazzjonali għall-aħjar użu tal-faċilitajiet skarsi (klassifikazzjoni medika ( triage ), linji ta’ gwida kliniċi modifikati, linji ta’ gwida għal infezzjoni fl-isptar modifikati, eċċ.);

Komunikazzjonijiet

- Tinkoraġġixxi l-applikazzjoni tal-miżuri rrakkomandati għall-pubbliku, minkejja l-limitazzjonijiet possibbli tagħhom, u dwar interventi li jistgħu jiġu modifikati jew implementati matul pandemija;

4.1.8. L-ECDC

Il-monitoraġġ u l-evalwazzjoni:

- Jissorvelja r-riskju għall-Unjoni Ewropea b’enfasi speċjali fuq il-potenzjal għall-importazzjoni ta’ każijiet minn żoni affettwati

- Jippromwovi l-intensifikazzjoni tas-sorveljanza tal-mard fil-pajjiżi li għadhom m’humiex milquta, sal-limitu massimu possibbli;

- Jirrevedi u jaġġusta d-definizzjoni tal-każ u l-linji ta’ gwida jekk hemm bżonn;

- Jgħaġġel u jtejjeb l-attivitajiet tal-monitoraġġ u l-evalwazzjoni tas-sitwazzjoni mibdija fil-fażi 4 ta’ pandemija, sal-massimu;

- Jippromwovi monitoraġġ tal-ħtiġijiet u l-faċilitajiet tal-kura tas-saħħa fil-pajjiżi li qegħdin f’riskju;

- Jippromwovi mudelli matematiċi għat-tbassir ta’ xejriet għall-ewwel mewġa tal-pandemija (reġjuni milquta, gruppi fir-riskju, ħtiġijiet ta’ riżorsi għall-kura tas-saħħa, impatt, eċċ.);

Komunikazzjonijiet

- Jaġġorna lill-imsieħba u l-partijiet interessati, u lill-pubbliku dwar is-sitwazzjoni globali, ix-xejriet, il-karatteristiċi epidemjoloġiċi u l-miżuri rakkomandati, kif ukoll is-sitwazzjoni u r-riskju fl-UE.

4.1.9. L-Istati Membri

Il-monitoraġġ u l-evalwazzjoni

- Jevalwaw ir-riskju u jinfurmaw minnufih dwar l-investigazzjonijiet

Il-prevenzjoni u t-trażżin

Interventi tas-saħħa pubblika

- Jikkoordinaw ma' l-Istati Membri l-oħra u l-Kummissjoni, miżuri addizzjonali ta’ trażżin.

Ir-rispons tas-sistema tas-saħħa

- Jimplimentaw il-linji ta’ gwida għall-immaniġġjar kliniku u l-kontroll ta’ l-infezzjoni fil-kura tas-saħħa (inklużi faċilitajiet ta’ kura għall-medda t-twila);

- Jaqsmu bejniethom il-miżuri ta’ kontinġenza għall-fażi li jmiss, speċjalment fir-rigward ta’ Stati Membri oħra u pjanijiet għall-għajnuna ta’ ċittadini ta’ l-UE f’pajjiżi terzi, inkluża l-protezzjoni fil-post u r-ripatrijazzjoni.

Komunikazzjonijiet

Jaqsmu bejniethom messaġġi maħsuba għall-pubbliku u materjal edukattiv ma' l-Istati Membri l-oħra, il-Kummissjoni u l-ECDC.

WHO PHASE 6 (Perjodu ta’ pandemija) – Livelli ta’ allarm ta’ l-UE - 1-4

Pandemija: trażmissjoni akbar u sostenuta fil-popolazzjoni ġenerali.

Bosta tifqigħat f’minn ta’ lanqas pajjiż wieħed barra mill-UE bi trażmissjoni sostenuta minn persuna għall-oħra, u b’tixrid lejn pajjiżi oħra.

L-għan ewlieni ta’ saħħa pubblika huwa li jiġi mminimizzat l-impatt tal-pandemija.

Ix-xenarji li ġejjin għall-UE jistgħu jseħħu fil-WHO Phase 6 u jvarjaw fis-sekwenza epidjemoloġika u l-firxa ġeografika, u jokkorru f’ordni kronoloġika;

Il-livell ta’ allarm 1 ta’ l-UE

- L-ebda każ fil-bniedem fl-UE. Riskju għoli ħafna ta’ introduzzjoni jew suspett ta’ każijiet sporadiċi impurtati fl-Ewropa;

Il-livell ta’ allarm 2 ta’ l-UE

- Iżolament tas-sottotip tal-pandemija minn każ uman wieħed ġewwa l-UE;

Il-livell ta’ allarm 3 ta’ l-UE

- Raggruppament iżolat b’sottotip pandemiku fi Stat Membru ta' l-UE jew trażmissjoni sostnuta minn bniedem għall-ieħor b'għadd ta' raggruppamenti kkonfermati fl-UE;

Il-livell ta’ allarm 4 ta’ l-UE

- Attività mifruxa fi Stat Membru wieħed jew aktar.

Ir-responsabbiltajiet u l-azzjonijiet

L-azzjonijiet se jitqassmu skond il-livell ta’ allarm, u se jiġu implimentati f’konsultazzjoni ma’ l-imsieħba kollha kkonċernati, wara evalwazzjoni mill-ECDC tas-sitwazzjoni epidjemoloġika u t-tbassir dwar l-evoluzzjoni, u l-evalwazzjoni ta' l-effettività tal-miżuri li ttieħdu mill-Istati Membri. Hekk kif is-sitwazzjoni tevolvi mal-livelli ta’ allarm, ikun jeħtieġ li l-azzjonijiet jiġu koordinati partikolarment bejn il-mewġiet konsekuttivi tal-pandemija u f’rabta mad-disponibbiltà ta’ vaċċin.

4.1.10. Il-Kummissjoni

L-ippjanar u l-koordinazzjoni

- Twaqqaf u tħaddem ċentru ta’ informazzjoni u koordinazzjoni għall-influwenza pandemika;

- Tinteraġixxi ma' organizzazzjonijiet u aġenziji biex tikkoordina intervenzjonijiet fil-livell ta’ l-UE u dak internazzjonali u tikkoordina l-pożizzjonijiet ta' l-Istati Membri;

- Tikkoordina l-iżvilupp dejjem għaddej tal-linji ta’ gwida;

- Tikkoordina l-evalwazzjoni tal-miżuri u l-evalwazzjoni ta’ l-impatt tagħhom;

Il-prevenzjoni u t-trażżin

Interventi ta’ saħħa pubblika

- Tikkoordina ma’ l-Istati Membri l-pożizzjoni dwar iċ-ċaqliq ta’ persuni u oġġetti u tikkoopera ma’ l-organizzazzjonijiet u l-assoċjazzjonijiet internazzjonali xierqa u kumpaniji tat-trasport sabiex jimplimentaw miżuri standard għall-vjaġġaturi abbord mezzi tat-trasport, b'konsistenza mal-livell ta' allarm;

- Tikkoordina flimkien ma' l-Istati Membri l-evalwazzjoni ta' l-impatt tal-miżuri, bl-għajnuna ta' l-ECDC, partikolarment dwar l-użu ta' l-antivirali u l-effett tal-kampanji ta' tilqim immirati.

Ir-rispons tas-sistema tas-saħħa

- Tiffaċilita arranġamenti ta’ għajnuna reċiproka bejn l-Istati Membri skond il-fażi tal-pandemija, inkluża l-mobilizzazzjoni ta’ ħaddiema immunizzati fil-kura tas-saħħa u t-trasferiment ta’ l-assi mediċi;

4.1.11. L-ECDC

Il-monitoraġġ u l-evalwazzjoni

- Jissorvelja t-tixrid tal-marda, il-gruppi fir-riskju, ir-rata ta’ mwiet tal-każijiet u r-rata ta’ trażmissjoni u jikkoordina l-aġġustament tad-definizzjonijiet tal-każi;

- Jikkoordina l-karatterizzazzjoni klinika, mikrobijoloġika u epidjemoloġika ta’ l-i strain pandemika fir-raggruppamenti li ġew irrappurtati l-ewwel fl-UE sabiex tiġi ddeterminata r-rata ta' trażmissjoni, il-proporzjon ta' mwiet tal-każijiet (mortalità attribbwita) u l-gruppi ta' età milquta.

- Jikkoordina l-monitoraġġ għall-bidliet possibbli fl-aspetti epidemjoloiċi, kliniċi u viroloġiċi ta’ l-infezzjoni, inkluża r-reżistenza għall-mediċina antivirali;

- Jikkoordina r-rappurtar nazzjonali dwar l-istima ta’ l-impatt nazzjonali u jassisti l-monitoraġġ tas-sitwazzjoni globali (tixrid globali, xejriet nazzjonali);

- Jinkoraġġixxi t-tħejjija ta’ tbassir għall-mewġa li jmiss (reġjuni ġodda milquta, gruppi fir-riskju, riżorsi għall-kura tas-saħħa, eċċ);

- Jirrivedi t-tagħlimiet meħuda u jagħmel aġġustamenti fil-linji ta’ gwida u l-għodod tas-sorveljanza għall-pajjiżi

Il-prevenzjoni u t-trażżin

Interventi ta’ saħħa pubblika

- Jikkoordina u jiffaċilita l-evalwazzjoni ta’ l-interventi u jaġġorna r-rakkomandazzjonijiet jekk ikun meħtieġ;

- Iwieġeb għal talbiet sabiex jintbagħtu t-timijiet ta' għajnuna f'tifqigħa;

Mediċini antivirali

- Jaġġorna, f’konsultazzjoni ma’ l-Istati Membri u l-Kummissjoni, il-gwida dwar l-aħjar użu ta' l-aġenti disponibbli;

- Jikkoordina, ma’ l-Istati Membri, il-Kummissjoni u l-imsieħba (partikolarment l-EMEA) il-monitoraġġ tal-kopertura, l-effettività, l-effetti sekondarji u s-sikurezza;

Vaċċini

- Meta l-vaċċin pandemiku jsir disponibbli, jikkoordina ma’ l-Istati Membri, il-Kummissjoni u l-imsieħba (partikolarment l-EMEA) il-monitoraġġ tal-kopertura, l-effettività, l-effetti sekondarji u s-sikurezza;

Il-Komunikazzjoni

- Jinforma regolarment lill-organizzazzjonijiet internazzjonali, lill-awtoritajiet nazzjonali, lill-imsieħba u lill-partijiet interessati oħra, u lill-pubbliku dwar is-sitwazzjoni;

- Jimplimenta u jżomm kapaċità biex ilaħħaq mad-domanda ta’ informazzjoni internazzjonali mistennija;

- Jevalwa r-rispons għall-komunikazzjonijiet matul il-fażijiet ta’ qabel; jirrivedi t-tagħlimiet meħuda;

4.1.12. L-Istati Membri

Ir-rispons tas-sistema tas-saħħa

- F’konsultazzjoni ma’ l-Istati Membri l-oħra u l-Kummissjoni, jippromwovu t-titjib tal-linji ta’ gwida u algoriżmi mudelli (aġġornati) għall-klassifikazzjoni medika ( triage ) tal-każijiet ta’ influwenza u dawk mhux ta’ l-influwenza;

- F’konsultazzjoni ma’ l-Istati Membri l-oħra u l-Kummissjoni, jippromwovu l-iżvilupp ta’ linji ta’ gwida dwar il-kura tal-persuna nnifisha.

4.2. Perjodu Post-pandemiku: irkuprar u ritorn għall-perjodu interpandemiku

Wara li tgħaddi mewġa pandemika, x’aktarx ikun mistenni li ħafna nies jibqgħu affettwati f’xi mod jew ieħor: ħafna persuni jistgħu jkunu tilfu ħbieb jew qraba, jistgħu jkunu qed isofru minn għeja u problemi psikoloġiċi, jew jistgħu jkunu ġarrbu telf finanzjarju minħabba l-interruzzjoni tan-negozju. Il-gvernijiet jew awtoritajiet oħrajn għandhom ir-rwol naturali li jiżguraw li t-tħassib jista’ jiġi indirizzat u li jappoġġaw ‘il-bini mill-ġdid tas-soċjetà’.

L-Istati Membri għandu jkollhom pjan lest biex jiżguraw li l-pajjiż jirkupra malajr wara pandemija. Dan għandu jinkludi pjanijiet ta’ rkupru għas-servizzi essenzjali, u għandu jidentifika l-aġenziji u l-individwi responsabbli biex jagħtu appoġġ soċjali u psikoloġiku lill-familji u l-kumpaniji milquta. Għandu jkun hemm ukoll mekkaniżmu lest biex jevalwa t-telf ekonomiku u sabiex jipprovdi appoġġ finanzjarju lill-gruppi milquta.

L-Istati Membri għandhom jiżguraw li s-servizzi essenzjali jiżviluppaw pjanijiet ta’ rkupru għas-servizzi jew organizzazzjoni tagħhom. Il-pjanijiet ta' tħejjija nazzjonali għandhom iqisu wkoll jekk l-irkupru wara pandemija jkunx jeħtieġ appoġġ finanzjarju mill-gvern. Jekk dan ikun il-każ, l-Istati Membri għandhom jiżviluppaw kriterji għall-appoġġ finanzjarju u jsibu modi kif jiżguraw id-disponibbiltà tal-fondi.

Il-Kummissjoni permezz tal-Fond ta’ Solidarjetà propost, tista’ tgħin lill-Istati Membri fl-isforz tagħhom ta’ rkupru u fit-tnaqqis tat-telf ekonomiku minħabba l-pandemija.

5. Konklużjonijiet

Il-Komunikazzjoni tiddeskrivi fil-qosor l-elementi ewlenin u l-ġabriet ta’ azzjonijiet tal-Pjan ta’ Tħejjija u Rispons għall-Influwenza Pandemika tal-Komunità. L-implimentazzjoni se teħtieġ li jiġi żviluppat iktar dettall għal dawk li huma responsabbli minn ħidmiet operazzjonali fil-Kummissjoni, l-ECDC, l-EMEA u l-awtoritajiet ta’ l-Istati Membri. Se tkun meħtieġa reviżjoni perjodika fid-dawl tad-diskussjonijiet internazzjonali u fuq il-bażi ta’ l-esperjenza, matul l-influwenza staġjonali u minn eżerċizzji bejn il-pajjiżi.

Barra minn hekk, il-kooperazzjoni mill-qrib għandha titkompla taħt l-awspiċi tal-Kummissjoni bejn l-awtoritajiet tas-saħħa tal-bniedem u ta’ l-annimali u l-esperti fil-livell nazzjonali u Ewropew fil-qasam ta’ l-infezzjonijiet bil-virus ta’ l-influwenza. F’dan il-kuntest, skambju reċiproku ta’ esperjenzi fl-ippjanar ta’ kontinġenzi huwa ta’ importanza kbira, minħabba li l-pjanijiet ta’ kontinġenza fil-qasam tas-saħħa ta’ l-annimali huma diġà stabbiliti sew u, fil-passat, urew li kienu effettivi.

Li tħejji u tirreaġixxi għall-pandemija ta’ l-influwenza hija sfida enormi u tinħtieġ sforzi akbar mill-Istati Membri u l-Kummissjoni. Dan għandu jsir bħala parti minn approċċ aktar ġenerali għall-emerġenzi fis-settur tas-saħħa pubblika, sabiex jintużaw il-ftit riżorsi disponibbli b’mod aktar effettiv, ikun hemm benefiċċju minn għarfien espert kemm jista’ jkun wiesa’ u biex il-proċeduri u l-funzjonijiet jinżammu taħt kontroll u sempliċi kemm jista’ jkun; il-Kummissjoni ppubblikat komunikazzjoni dwar l-ippjanar ġeneriku ta’ l-emerġenzi fis-saħħa pubblika sabiex tgħin f'dawn l-isforzi.

Iċ-Ċentru Ewropew għall-Prevenzjoni u l-Kontroll tal-Mard (ECDC) jista’ jipprovdi approċċ strutturat u sistematiku għas-sorveljanza u l-kontroll ta’ l-influwenza u mard ieħor li jixtered li jistgħu jaffettwaw il-poplu tal-Unjoni Ewropea. L-ECDC jista’ jimmobilizza u jirrinforza b’mod sinifikanti s-sinerġiji bejn iċ-ċentri nazzjonali eżistenti għall-kontroll tal-mard u, bla dubju, se jgħin lill-Kummissjoni u lill-Istati Membri biex jikkontrollaw l-influwenza b’mod effettiv.

L-azzjoni fuq livell inter-settorjali għandha tkun kwistjoni ewlenija fl-indirizzar ta’ l-influwenza pandemika. Ħafna azzjonijiet diġà ttieħdu fil-livell nazzjoni u dak ta’ l-UE sabiex jiġi żgurat li l-miżuri fid-diversi setturi ta' politika jkunu effettivi u koordinati. Iżda jeħtieġ li jsir iktar u l-Kummissjoni u l-Istati Membri qegħdin imexxu x-xogħol il-quddiem f’dan ir-rigward. L-indirizzar tal-problema pandemika mis-sors tagħha se jkun ta’ importanza partikolari ; l-azzjoni esterna tal-Komunità, f’dan ir-rigward, hija importanti biex tgħin l-organizzazzjonijiet internazzjonali kompetenti u l-pajjiżi terzi biex jiffaċjaw il-possibilità ta’ pandemija u jnaqqsu t-tixrid u l-impatt tagħha.

ANNESS 1: Fażijiet WHO Ġodda [20]

Fażijiet Pandemiċi | Għanijiet ta’ Saħħa Pubblika |

Perjodu Interpandemiku |

1 | Ma nstab l-ebda sottotip ġdid tal-virus ta’ l-influwenza fil-bniedem. Sottotip tal-virus ta’ l-influwenza li kkawża infezzjoni fil-bniedem jista’ jkun preżenti fl-annimali. Jekk preżenti fl-annimali, ir-riskju għal infezzjoni jew mard fil-bniedem jitqies li hu baxx | It-tisħiħ ta’ l-istat ta’ tħejjija għall-influwenza pandemika fil-livelli globali, reġjonali, nazzjonali u sotto-nazzjonali. |

2 | Ma nstab l-ebda sottotip ġdid tal-virus ta’ l-influwenza fil-bniedem. Madankollu, sottotip ta’ l-influwenza tal-virus ta’ l-annimali li qed jiċċirkola huwa ta’ riskju sostanzjali għall-mard fil-bniedem. | It-tnaqqis kemm jista’ jkun tat-trażmissjoni lill-bniedem; l-individwazzjoni u r-rappurtar ta’ tali trażmissjoni jekk din isseħħ. |

Perjodu ta’ allarm ta' Pandemija |

3 | Infezzjoni(jiet) fil-bniedem b’sottotip ġdid, iżda mingħajr trażmissjoni minn bniedem għall-ieħor, jew l-iktar, każijiet rari ta’ trażmissjoni minn kuntatt fil-qrib. | L-iżgurar tal-karatterizzazzjoni rapida tas-sottotip tal-virus il-ġdid u l-individwazzjoni bikrija u n-notifikazzjoni ta’ każijiet addizzjonali u r-rispons għalihom. |

4 | Raggruppament(i) żgħir/żgħar bi trażmissjoni limitata minn bniedem għall-ieħor iżda l-firxa hija lokalizzata ħafna li tindika li l-virus mhuwiex adattat sewwa għall-bniedem. | It-trażżin tal-virus il-ġdid ġewwa punti limitati jew il-posponiment tal-firxa biex jintrebaħ iż-żmien għall-implimentazzjoni tal-miżuri ta’ tħejjija, inkluż l-iżvilupp tal-vaċċin. |

5 | Raggruppament(i) akbar iżda t-tixrid minn bniedem għal bniedem għadu lokalizzat, li jindika li l-virus qed jadatta dejjem aktar għall-bnedmin, iżda għadu m’huwiex kompletament trażmissibbli (riskju sostanzjali ta’pandemija). | L-isforzi jiġu mmassimizzati biex jittrażżan jew jiġi posponut iż-żmien tal-firxa biex possibbilment tkun evitata pandemija, u biex jintrebaħ iż-żmien għall-implimentazzjoni tal-miżuri ta’ reazzjoni għall-pandemija. |

Perjodu Pandemiku |

6 | Pandemija: trażmissjoni akbar u sostenuta fil-popolazzjoni ġenerali | Il-minimizzazzjoni ta’ l-impatt tal-pandemija. |

Perjodu Post-pandemiku |

Perjodu Post-pandemiku: ritorn lejn il-perjodu interpandemiku | Ritorn lejn il-perjodu interpandemiku |

ANNESS 2: Proġetti marbuta ma' l-influwenza ffinanzjati mill-programm ta’ azzjoni għas-saħħa pubblika

Il-Kummissjoni Ewropea, DG SANCO, bħalissa qiegħda tiffinanzja proġetti taħt il-Programm ta’ Azzjoni għas-Saħħa Pubblika (2003-2008), li huma direttament jew indirettament marbuta ma’ l-istat ta’ tħejjija u r-rispons għall-influwenza, kif ġej:

- EISS - The European Influenza Surveillance Scheme.

- MODELREL - EU co-ordination and dissemination of strategic modelling capabilities concerning the deliberate release of biological agents.

- EUNID - European Network of Infectious Diseases physicians.

- EPIET - European Programme for Intervention Epidemiology Training.

- Epi-North – A framework for communicable disease surveillance, communication and training in Northern Europe.

- INSIGHT - International network of national public health Institutes sharing information, expertise and capabilities in order to grapple with major health threats.

- VENICE - Vaccine European new integrated collaboration effort.

- EPIVAC - Europe-wide pandemic influenza vaccine coverage: good epidemic vaccination practice by establishing integrated national stakeholders networks.

- ETIDE - European Training for Infectious Disease Emergencies.

- Epi-South - Network for Communicable Disease Control in Southern Europe and Mediterranean Countries.

- FLUSECURE - Combating FLU in a combined action between industry and the public sector in order to SECURE adequate and fast interventions in Europe.

- VAC-SAT - Vaccine Safety - Attitudes, Training and Communication.

ANNESS 3: Riċerka appoġġata mill-UE marbuta ma’ l-influwenza pandemika tal-bniedem

Il-Ħames Programm ta’ Qafas (1998-2002)

- FLUPAN - Preparing for an influenza pandemic

- NOVAFLU - Novel vaccination strategies and vaccine formulations for epidemic and pandemic influenza control

6th Framework Programme (2002-2006)

- VIRGIL - European vigilance network for the management of antiviral drug resistance”

- SARS/FLU VACCINE

- FLUVACC - Live attenuated replication-defective influenza vaccine

Is-Seba’ Programm ta’ Qafas (2007-2013)

Fil-21 ta’ Settembru 2005, il-Kummissjoni Ewropea pproponiet deċiżjoni tal-Kunsill dwar il- Programmi Speċifiċi li jimplimentaw is-Seba’ Programm ta’ Qafas (2007-2013) tal-Komunità Ewropea għar-riċerka, l-iżvilupp teknoloġiku u l-attivitajiet ta’ dimostrazzjoni inkluża proposta għal programm speċifiku li għandu t-titolu ta' 'Kooperazzjoni' u jinkludi taqsima partikolari fuq is-saħħa, li konsegwentement tapplika għall-qasam ta' l-influwenza.

Il-punt fokali se jkun fuq il-ġlieda kontra l-patoġeni b’potenzjal pandemiku li qed jitfaċċaw, fosthom iż-żoonosi (eż. is-SARS u l-influwenza b’patoġeniċità għolja). Fejn xieraq, għandhom isiru provvedimenti biex tkun tista’ tinbeda malajr riċerka kollaborattiva mmirata lejn l-aċċellerazzjoni ta’ l-iżvilupp ta’ dijanjostiċi, mediċini u vaċċini ġodda għall-prevenzjoni, it-trattament u l-kontroll effiċjenti ta’ emerġenzi ta’ mard li jittieħed.

[1] SAN 104, 9882/04, tat-2.6.2004

[2] ĠU L 268/1-7, tat-3.10.1998

[3] ĠU L 21/32-35, tas-26.1.2000

[4] http://europa.eu.int/eur-lex/en/com/wdc/2004/com2004_0201en01.pdf

[5] ĠU L 142/1-11, tat-30.4.2004

[6] http://www.who.int/csr/resources/publications/influenza/WHO_CDS_CSR_GIP_2005_5.pdf

[7] http://europa.eu.int/comm/health/ph_threats/com/Influenza/influenza_key04_en.pdf

[8] http://europa.eu.int/comm/health/ph_threats/com/Influenza/influenza_key03_en.pdf

[9] KUMM(2005) 605 finali

[10] ĠU L 268/1-7, tat-3.10.1998

[11] ĠU L 21/32-35, tas-26.1.2000

[12] http://www.cc.cec/home/dgserv/sg/sgvista/i/sgv2/repo/repo.cfm?institution=COMM&doc_to_browse=COM/2005/0115&refresh_session=YES

[13] http://europa.eu.int/comm/health/ph_threats/com/Influenza/influenza_key03_en.pdf

[14] EMEA/CPMP/4986/03 & EMEA/CPMP/4717/03, Réf.:http://www.emea.eu.int/indem/indexh1.htm

[15] http://www.who.int/gb/ebwha/pdf_files/WHA56/ea56r19.pdf

[16] KUMM(2005) 108 finali, tas-6.4.2005 http://europa.eu.int/comm/regional_policy/funds/solidar/solid_en.htm

[17] KUMM (2005) 119 finali, tas-6.4.2005

[18] KUMM (2005) 304 finali, tal-5.7.2005

[19] http://europa.eu.int/comm/health/ph_threats/com/Influenza/influenza_key09_en.pdf

[20] WHO global influenza preparedness plan – WHO/CDS/CSR/GIP/2005.5 http://www.who.int/csr/resources/publications/influenza/WHO_CDS_CSR_GIP_2005_5.pdf