Artikolu 1

Suġġett u kamp ta’ applikazzjoni

Dan ir-Regolament jistabbilixxi l-listi ta’ pajjiżi terzi jew reġjuni tagħhom li minnhom huwa permess id-dħul fl-Unjoni ta’ kunsinni ta’ ċerti annimali u oġġetti maħsuba għall-konsum mill-bniedem f’konformità mal-Artikolu 126(2)(a) tar-Regolament (UE) 2017/625.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

Artikolu 3

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ laħam frisk u preparati tal-laħam ta’ ungulati għajr solipedi

Il-kunsinni ta’ laħam frisk u preparati tal-laħam ta’ ungulati għajr solipedi, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom awtorizzati għad-dħul fl-Unjoni f’konformità mal-Anness XIII tar-Regolament ta’ Implimentazzjoni (UE) 2021/404 u elenkati fid-Deċiżjoni 2011/163/UE.

Artikolu 4

Lista ta’ pajjiżi terzi li minnhom huwa awtorizzat id-dħul fl-Unjoni ta’ kunsinni ta’ laħam frisk, minbarra kkapuljat, u ta’ preparati tal-laħam ta’ solipedi domestiċi

Il-kunsinni ta’ laħam frisk, minbarra kkapuljat, u ta’ preparati tal-laħam ta’ solipedi domestiċi, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi li huma elenkati fl-Anness I.

Artikolu 5

Lista ta’ pajjiżi terzi li minnhom huwa awtorizzat id-dħul fl-Unjoni ta’ kunsinni ta’ laħam frisk, minbarra l-ġewwieni u l- ikkapuljat, u ta’ preparati tal-laħam ta’ solipedi selvaġġi

Il-kunsinni ta’ laħam frisk, minbarra l-ġewwieni u l-ikkapuljat, u ta’ preparati tal-laħam ta’ solipedi selvaġġi, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi li huma elenkati fl-Anness II.

Artikolu 6

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ laħam frisk ta’ tjur, ratiti u għasafar tal-kaċċa selvaġġi, u preparati tal-laħam ta’ tjur

Il-kunsinni ta’ laħam frisk ta’ tjur, ratiti u għasafar tal-kaċċa selvaġġi, u preparati tal-laħam ta’ tjur, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom awtorizzati għad-dħul fl-Unjoni f’konformità mal-Anness XIV tar-Regolament ta’ Implimentazzjoni (UE) 2021/404 u elenkati fid-Deċiżjoni 2011/163/UE.

Il-kunsinni ta’ laħam frisk ta’ għasafar tal-kaċċa selvaġġi maħsuba għall-konsum mill-bniedem, li mhumiex imnittfin u mhux bil-ġewwieni mneħħi, u li ġejjin minn pajjiżi terzi elenkati fl-Anness III, għandhom ikunu awtorizzati biss għad-dħul fl-Unjoni jekk jiġu ttrasportati bl-ajruplan.

Artikolu 7

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ bajd u prodotti tal-bajd

Il-kunsinni ta’ bajd u prodotti tal-bajd, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom awtorizzati għad-dħul fl-Unjoni f’konformità mal-Anness XIX tar-Regolament ta’ Implimentazzjoni (UE) 2021/404 u elenkati fid-Deċiżjoni 2011/163/UE għall-“bajd”.

Il-kunsinni ta’ bajd maħsuba għat-tqegħid fis-suq bħala bajd tal-Klassi A f’konformità mal-Artikolu 2 tar-Regolament tal-Kummissjoni (KE) Nru 589/2008 (10) għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi li huma elenkati fl-Anness IV sabiex jikkonformaw mar-rekwiżiti fuq il-kontroll tas-Salmonella f’konformità mal-Artikolu 10(6) tar-Regolament (KE) Nru 2160/2003 tal-Parlament Ewropew u tal-Kunsill (11).

Artikolu 8

Lista ta’ pajjiżi terzi li minnhom huwa awtorizzat id-dħul fl-Unjoni ta’ kunsinni ta’ laħam frisk ta’ fniek imrobbija fl-irziezet, u ta’ laħam frisk ta’ leporidae selvaġġi mingħajr il-ġewwieni, ħlief għal leporidae selvaġġi bil-ġilda mhux imqaxxra u mhux bil-ġewwieni mneħħi

Il-kunsinni ta’ laħam frisk ta’ fniek imrobbija fl-irziezet u ta’ laħam frisk ta’ leporidae selvaġġi mingħajr il-ġewwieni, ħlief għal leporidae selvaġġi bil-ġilda mhux imqaxxra u mhux bil-ġewwieni mneħħi, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi li huma elenkati fl-Anness V.

Artikolu 9

Lista ta’ pajjiżi terzi li minnhom huwa awtorizzat id-dħul fl-Unjoni ta’ kunsinni ta’ laħam frisk ta’ mammali tal-art slavaġ għajr ungulati u leporidae, mingħajr il-ġewwieni

Il-kunsinni ta’ laħam frisk ta’ mammali tal-art slavaġ għajr ungulati u leporidae, mingħajr il-ġewwieni u maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi li huma elenkati fl-Anness VI.

Artikolu 10

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ prodotti tal-laħam, inklużi xaħam tal-annimali mdewweb, qrieqeċ, estratti tal-laħam u stonkijiet, vexxiki u intestini trattati, minbarra l-budellat

Il-kunsinni ta’ prodotti tal-laħam, inklużi xaħam tal-annimali mdewweb, qrieqeċ, estratti tal-laħam u stonkijiet, vexxiki u intestini trattati, minbarra l-budellat, ta’ leporidae, ta’ solipedi u ta’ mammali tal-art slavaġ għajr ungulati u leporidae, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi li huma elenkati fl-Anness VII.

Il-kunsinni ta’ prodotti tal-laħam, inklużi xaħam tal-annimali mdewweb, qrieqeċ, estratti tal-laħam u stonkijiet, vexxiki u intestini trattati, minbarra l-budellat, ta’ speċijiet oħrajn minbarra dawk imsemmija fl-ewwel paragrafu, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom awtorizzati għad-dħul fl-Unjoni f’konformità mal-Anness XV tar-Regolament ta’ Implimentazzjoni (UE) 2021/404 u elenkati fid-Deċiżjoni 2011/163/UE.

Artikolu 11

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ budellat

Il-kunsinni ta’ budellat maħsuba għall-konsum mill-bniedem għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom awtorizzati għad-dħul fl-Unjoni f’konformità mal-Anness XVI tar-Regolament ta’ Implimentazzjoni (UE) 2021/404 u elenkati fid-Deċiżjoni 2011/163/UE għall-“budellat”.

Artikolu 12

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ molluski bivalvi, ekinodermi, tunikat u gasteropodi tal-baħar ħajjin, imkessħin, iffriżati jew ipproċessati

Il-kunsinni ta’ molluski bivalvi, ekinodermi, tunikat u gasteropodi tal-baħar ħajjin, imkessħin, iffriżati jew ipproċessati, u maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom li huma elenkati fl-Anness VIII. Madankollu, id-dħul fl-Unjoni ta’ muskoli adductor ta’ pectinidae, għajr annimali tal-akkwakultura, separati kompletament mill-vixxri u l-gonadi u maħsuba għall-konsum mill-bniedem, għandu jkun permess ukoll minn pajjiżi terzi li ma jkunux jidhru f’dik il-lista.

Artikolu 13

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ ċerti prodotti tas-sajd

Il-kunsinni ta’ prodotti tas-sajd maħsuba għall-konsum mill-bniedem għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom li huma elenkati fl-Anness IX. Dan ma japplikax għall-kunsinni ta’ annimali u oġġetti koperti mill-Artikolu 12.

Artikolu 14

Lista ta’ pajjiżi terzi li minnhom huwa awtorizzat id-dħul fl-Unjoni ta’ kunsinni ta’ ħalib mhux ipproċessat, kolostru, prodotti bbażati fuq il-kolostru u prodotti tal-ħalib ta’ solipedi

Il-kunsinni ta’ ħalib mhux ipproċessat, kolostru, prodotti bbażati fuq il-kolostru u prodotti tal-ħalib ta’ solipedi, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi li huma elenkati fl-Anness X.

Artikolu 15

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ ħalib mhux ipproċessat, kolostru, prodotti bbażati fuq il-kolostru u prodotti tal-ħalib, mhux meħtieġa li jgħaddu minn trattament speċifiku għall-mitigazzjoni tar-riskji kontra l-marda tal-ilsien u d-dwiefer

Il-kunsinni ta’ ħalib mhux ipproċessat, kolostru, prodotti bbażati fuq il-kolostru u prodotti tal-ħalib, mhux meħtieġa li jgħaddu minn trattament speċifiku għall-mitigazzjoni tar-riskji kontra l-marda tal-ilsien u d-dwiefer u maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom awtorizzati għad-dħul fl-Unjoni f’konformità mal-Anness XVII tar-Regolament ta’ Implimentazzjoni (UE) 2021/404 u elenkati fid-Deċiżjoni 2011/163/UE għall-“ħalib”.

Artikolu 16

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ prodotti tal-ħalib li jeħtieġ li jgħaddu minn trattament speċifiku għall-mitigazzjoni tar-riskji kontra l-marda tal-ilsien u d-dwiefer

Il-kunsinni ta’ prodotti tal-ħalib li jeħtieġ li jgħaddu minn trattament speċifiku għall-mitigazzjoni tar-riskji kontra l-marda tal-ilsien u d-dwiefer u maħsuba għall-konsum mill-bniedem għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom awtorizzati għad-dħul fl-Unjoni f’konformità mal-Anness XVIII tar-Regolament ta’ Implimentazzjoni (UE) 2021/404 u elenkati fid-Deċiżjoni 2011/163/UE għall-“ħalib”.

Artikolu 17

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ saqajn taż-żrinġijiet u ta’ bebbux

Il-kunsinni ta’ saqajn taż-żrinġijiet u ta’ bebbux, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom li huma elenkati fl-Anness XI.

Artikolu 18

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ ġelatina u kollaġen

Artikolu 19

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ materja prima għall-produzzjoni ta’ ġelatina u kollaġen

Artikolu 20

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ materja prima ttrattata għall-produzzjoni ta’ ġelatina u kollaġen

Artikolu 21

Lista ta’ pajjiżi terzi li minnhom huwa awtorizzat id-dħul fl-Unjoni ta’ kunsinni ta’ għasel u prodotti tal-apikultura oħrajn

Il-kunsinni ta’ għasel u prodotti tal-apikultura oħrajn maħsuba għall-konsum mill-bniedem għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi elenkati fid-Deċiżjoni 2011/163/UE għall-“għasel”.

Artikolu 22

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ ċerti prodotti raffinati ħafna

Il-kunsinni ta’ sulfat tal-kondrojtin raffinat ħafna, aċidu ħjaluroniku, prodotti oħrajn tal-qarquċa idrolizzata, kitosan, glukożammina, tames, isinglass u aċidi amminiċi, maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom li ġejjin:

Artikolu 23

Lista ta’ pajjiżi terzi li minnhom huwa awtorizzat id-dħul fl-Unjoni ta’ kunsinni ta’ laħam ta’ annimali rettili

Il-kunsinni ta’ laħam ta’ annimali rettili maħsub għall-konsum mill-bniedem għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi li huma elenkati fl-Anness XIV.

Artikolu 24

Lista ta’ pajjiżi terzi li minnhom huwa awtorizzat id-dħul fl-Unjoni ta’ kunsinni ta’ insetti

Il-kunsinni ta’ insetti maħsuba għall-konsum mill-bniedem għandhom ikunu awtorizzati biss għad-dħul fl-Unjoni jekk tali prodotti tal-ikel ikunu oriġinaw u ġew ikkonsenjati mill-pajjiżi terzi li huma elenkati fl-Anness XV.

Artikolu 25

Lista ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ kunsinni ta’ prodotti oħrajn li joriġinaw mill-annimali

Il-kunsinni ta’ prodotti li joriġinaw mill-annimali, għajr dawk imsemmija fl-Artikoli 3 sa 24 maħsuba għall-konsum mill-bniedem, għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi jew ir-reġjuni tagħhom li ġejjin:

Artikolu 26

Lista ta’ pajjiżi terzi li minnhom huwa awtorizzat id-dħul fl-Unjoni ta’ kunsinni ta’ tjur ħajjin u ta’ bajd għat-tifqis tal-ispeċi Gallus gallus, ta’ dundjani ħajjin u ta’ bajd għat-tifqis tad-dundjani

Mingħajr preġudizzju għal-listi mħejjija fir-rigward tar-rekwiżiti tas-saħħa tal-annimali fl-Anness V tar-Regolament ta’ Implimentazzjoni (UE) 2021/404, il-kunsinni ta’ tjur ħajjin u ta’ bajd għat-tifqis tal-ispeċi Gallus gallus, ta’ dundjani ħajjin u ta’ bajd għat-tifqis tad-dundjani għandhom ikunu awtorizzati biss għad-dħul fl-Unjoni jekk ikunu ġejjin mill-pajjiżi terzi li huma elenkati fl-Anness XVI.

Ir-rekwiżiti tal-elenkar stipulati fl-ewwel paragrafu ta’ dan l-Artikolu ma għandhomx japplikaw għal kunsinni uniċi ta’ inqas minn 20 unità ta’ tjur ħajjin għajr ratiti, bajd għat-tifqis u flieles ta’ ġurnata tagħhom, meta jkunu destinati għall-produzzjoni primarja ta’ tjur ħajjin għal użu domestiku privat jew meta jwasslu għall-provvista diretta, mill-produttur, ta’ kwantitajiet żgħar ta’ prodotti primarji, kif imsemmi fl-Artikolu 1(3) tar-Regolament (KE) Nru 2160/2003.

Artikolu 27

Tħassir

Ir-Regolament ta’ Implimentazzjoni (UE) 2019/626 jitħassar.

Ir-referenzi għar-Regolament ta’ Implimentazzjoni mħassar għandhom jinftiehmu bħala referenzi għal dan ir-Regolament u għandhom jinqraw f’konformità mat-tabella ta’ korrelazzjoni fl-Anness XVII.

Artikolu 28

Dħul fis-seħħ u applikazzjoni

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Huwa għandu jibda japplika mill-21 ta’ April 2021.

ANNESS I

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ laħam frisk, minbarra kkapuljat, u ta’ preparati tal-laħam ta’ solipedi domestiċi, kif imsemmi fl-Artikolu 4, fl-Artikolu 19(2) u fl-Artikolu 25(b)

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar kummerċ fi prodotti agrikoli (ĠU L 114, 30.4.2002, p. 132).

ANNESS II

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ laħam frisk, minbarra l-ġewwieni u l-ikkapuljat, u ta’ preparati tal-laħam ta’ solipedi salvaġġi, kif imsemmi fl-Artikolu 5 u fl-Artikolu 19(2)

ANNESS III

Lista ta’ pajjiżi terzi li minnhom għasafar tal-kaċċa salvaġġi mhux imnittfa u mhux evixxerati maħsuba għall-konsum mill-bniedem għandhom jiġu awtorizzati biss biex jidħlu fl-Unjoni jekk jiġu ttrasportati bl-ajruplan, kif imsemmi fit-tieni paragrafu tal-Artikolu 6

(1)  Minn hawn ’il quddiem mifhum bħala l-Istat ta’ Iżrael, bl-esklużjoni tat-territorji taħt l-Amministrazzjoni Iżraeljana minn Ġunju 1967, jiġifieri l-Għoljiet tal-Golan, l-Istrixxa ta’ Gaża, Ġerusalemm tal-Lvant u l-bqija tax-Xatt tal-Punent.

ANNESS IV

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ bajd maħsuba għat-tqegħid fis-suq bħala bajd tal-Klassi A kif imsemmi fit-tieni paragrafu tal-Artikolu 7

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (ĠU L 114, 30.4.2002, p. 132).

ANNESS V

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ laħam frisk ta’ fniek imrobbija fl-irziezet, u ta’ laħam frisk ta’ leporidae salvaġġi li ma fihomx ġewwieni ħlief għal leporidae salvaġġi bil-ġilda u mhux evixxerati, kif imsemmi fl-Artikolu 8, l-Artikoli 18(4), 19(5) u 20(4), u fl-Artikolu 25(e)

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (ĠU L 114, 30.4.2002, p. 132).

(2)  Biss għal kunsinni ta’ laħam frisk li joriġina minn New Zealand, destinat lejn l-Unjoni u li jinħatt, bil-ħżin jew mingħajru, f’Singapore u li jitgħabba mill-ġdid fi stabbiliment approvat matul it-tranżitu minn Singapore.

ANNESS VI

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ laħam frisk ta’ mammiferi tal-art salvaġġi għajr ungulati u leporidae, li ma fihomx ġewwieni, kif imsemmi fl-Artikolu 9, l-Artikoli 18(5), 19(6) u 20(5), u fl-Artikolu 25(f)

ANNESS VII

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ prodotti tal-laħam, inklużi xaħmijiet tal-annimali mdewba, qrieqeċ, estratti tal-laħam u stonkijiet, vexxiki u intestini trattati, u bl-esklużjoni tal-budellat, ta’ leporidae, ta’ solipedi, u ta’ mammiferi tal-art salvaġġi għajr ungulati u leporidae, kif imsemmi fl-ewwel paragrafu tal-Artikolu 10

Interpretazzjoni tal-kodiċijiet użati fit-Tabella

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (ĠU L 114, 30.4.2002, p. 132).

ANNESS VIII

Lista ta’ pajjiżi terzi jew reġjuni tagħhom awtorizzati għad-dħul fl-Unjoni ta’ kunsinni ta’ molluski bivalvi, ekinodermi, tunikati u gasteropodi tal-baħar ħajjin, imkessħin, iffriżati jew ipproċessati, kif imsemmi fl-Artikolu 12

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (ĠU L 114, 30.4.2002, p. 132).

(2)  Ir-Regolament ta’ Implimentazzjoni tal-Kummissjoni (UE) 2020/2235 tas-16 ta’ Diċembru 2020 li jistabbilixxi regoli għall-applikazzjoni tar-Regolamenti (UE) 2016/429 u (UE) 2017/625 tal-Parlament Ewropew u tal-Kunsill fir-rigward ta’ mudelli taċ-ċertifikati tas-saħħa tal-annimali, mudelli taċ-ċertifikati uffiċjali u mudelli taċ-ċertifikati tas-saħħa tal-annimali/uffiċjali, għad-dħul fl-Unjoni u l-movimenti fl-Unjoni ta’ kunsinni ta’ ċerti kategoriji ta’ annimali u oġġetti, ċertifikazzjoni uffiċjali dwar dawn iċ-ċertifikati u li jħassar ir-Regolament (KE) Nru 599/2004, ir-Regolamenti ta’ Implimentazzjoni (UE) Nru 636/2014 u (UE) 2019/628, id-Direttiva 98/68/KE u d-Deċiżjonijiet 2000/572/KE, 2003/779/KE u 2007/240/KE (ĠU L 442, 30.12.2020, p. 1).

ANNESS IX

Lista ta’ pajjiżi terzi jew reġjuni tagħhom awtorizzati għad-dħul fl-Unjoni ta’ kunsinni ta’ ċerti prodotti tas-sajd, kif imsemmi fl-Artikolu 13, l-Artikoli 18(3), 19(4), u 20(3), u fl-Artikoli 22(b) u 25(d)

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (ĠU L 114, 30.4.2002, p. 132).

(2)  Minn hawn ’il quddiem mifhum bħala l-Istat ta’ Iżrael, bl-esklużjoni tat-territorji taħt l-Amministrazzjoni Iżraeljana minn Ġunju 1967, jiġifieri l-Għoljiet tal-Golan, l-Istrixxa ta’ Gaża, Ġerusalemm tal-Lvant u l-bqija tax-Xatt tal-Punent.

ANNESS X

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ ħalib mhux ipproċessat, kolostru, prodotti bbażati fuq il-kolostru u prodotti tal-ħalib tas-solipedi, kif imsemmi fl-Artikolu 14

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (ĠU L 114, 30.4.2002, p. 132).

ANNESS XI

Lista ta’ pajjiżi terzi jew reġjuni tagħhom awtorizzati għad-dħul fl-Unjoni ta’ kunsinni ta’ saqajn taż-żrinġijiet u ta’ bebbux, kif imsemmi fl-Artikolu 17

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (ĠU L 114, 30.4.2002, p. 132).

ANNESS XII

Lista ta’ pajjiżi terzi jew reġjuni tagħhom awtorizzati għad-dħul fl-Unjoni ta’ kunsinni ta’ ġelatina u kollaġen, li ġejjin minn annimali bovini, ovini, kaprini, porċini u solipedi, kif imsemmi fl-Artikoli 18(1) u 20(1), u fl-Artikolu 22(a)

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (ĠU L 114, 30.4.2002, p. 132).

(2)  Minn hawn ’il quddiem mifhum bħala l-Istat ta’ Iżrael, bl-esklużjoni tat-territorji taħt l-Amministrazzjoni Iżraeljana minn Ġunju 1967, jiġifieri l-Għoljiet tal-Golan, l-Istrixxa ta’ Gaża, Ġerusalemm tal-Lvant u l-bqija tax-Xatt tal-Punent.

ANNESS XIII

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ ġelatina u ta’ kollaġen li ġejjin mit-tjur tat-trobbija, kif imsemmi fl-Artikoli 18(2) u 20(2), u fl-Artikolu 22(c)

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar kummerċ fi prodotti agrikoli (ĠU L 114, 30.4.2002, p. 132).

(2)  Minn hawn ’il quddiem mifhum bħala l-Istat ta’ Iżrael, bl-esklużjoni tat-territorji taħt l-Amministrazzjoni Iżraeljana minn Ġunju 1967, jiġifieri l-Għoljiet tal-Golan, l-Istrixxa ta’ Gaża, Ġerusalemm tal-Lvant u l-bqija tax-Xatt tal-Punent.

ANNESS XIV

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ laħam tar-rettili kif imsemmi fl-Artikolu 23

ANNESS XV

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ insetti kif imsemmi fl-Artikolu 24

ANNESS XVI

Lista ta’ pajjiżi terzi awtorizzati għad-dħul fl-Unjoni ta’ kunsinni ta’ tjur ħaj u ta’ bajd għat-tifqis tal-ispeċi Gallus gallus, ta’ dundjani ħajjin u ta’ bajd għat-tifqis tad-dundjani, kif imsemmi fl-ewwel paragrafu tal-Artikolu 26

(*1)  Għat-tnissil biss

BPP: tnissil jew tjur produttiv

DOC: flieles ta’ ġurnata

HEP: bajd għat-tifqis

(1)  Skont il-Ftehim tal-21 ta’ Ġunju 1999 bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (ĠU L 114, 30.4.2002, p. 132).

(2)  Minn hawn ’il quddiem mifhum bħala l-Istat ta’ Iżrael, bl-esklużjoni tat-territorji taħt l-Amministrazzjoni Iżraeljana minn Ġunju 1967, jiġifieri l-Għoljiet tal-Golan, l-Istrixxa ta’ Gaża, Ġerusalemm tal-Lvant u l-bqija tax-Xatt tal-Punent.

ANNESS XVII

It-tabella ta’ korrelazzjoni msemmija fit-tieni paragrafu ta’l-Artikolu 27