Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32020R0653

    Regolament ta’ Implimentazzjoni tal-Kummissjoni (UE) 2020/653 tal-14 ta’ Mejju 2020 li jikkoreġi r-Regolamenti ta’ Implimentazzjoni (UE) Nru 540/2011 u (UE) 2019/706 fir-rigward tan-numru CAS tas-sustanza attiva karvon (Test b’rilevanza għaż-ŻEE)

    C/2020/3067

    ĠU L 152, 15.5.2020, p. 1–4 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2020/653/oj

    15.5.2020   

    MT

    Il-Ġurnal Uffiċjali tal-Unjoni Ewropea

    L 152/1

    REGOLAMENT TA’ IMPLIMENTAZZJONI TAL-KUMMISSJONI (UE) 2020/653

    tal-14 ta’ Mejju 2020

    li jikkoreġi r-Regolamenti ta’ Implimentazzjoni (UE) Nru 540/2011 u (UE) 2019/706 fir-rigward tan-numru CAS tas-sustanza attiva karvon

    (Test b’rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-Artikolu 20(1) tiegħu,

    Billi:

    (1)

    Ir-Regolament ta’ Implimentazzjoni tal-Kummissjoni (UE) 2019/706 (2) ġedded l-approvazzjoni tas-sustanza attiva karvon u inkludiha fl-Anness tar-Regolament ta’ Implimentazzjoni tal-Kummissjoni (UE) Nru 540/2011 (3).

    (2)

    Wara li daħal fis-seħħ ir-Regolament ta’ Implimentazzjoni (UE) 2019/706, ġie nnutat żball li jikkonċerna n-numru CAS (Chemical Abstracts Number of the American Chemical Society) użat għas-sustanza attiva karvon fl-Annessi tar-Regolament ta’ Implimentazzjoni (UE) 2019/706.

    (3)

    In-numru CAS huwa identifikatur uniku tas-sustanza kimika, li jintuża wkoll għal sustanza attiva li tinsab fi prodotti għall-protezzjoni tal-pjanti; jintuża bħala referenza għall-iskop tal-attivitajiet kummerċjali u regolatorji għas-sustanzi kimiċi globalment u mhuwiex limitat għas-sustanzi li hemm preżenti fil-pestiċidi. Fil-kolonna bl-isem komuni u n-numri ta’ identifikazzjoni bi żball hemm “il-karvon 244-16-8”. Din l-ispeċifikazzjoni jenħtieġ li tinbidel bi “il-karvon 2244-16-8”.

    (4)

    Is-sustanza attiva Karvon għandha diversi numri CAS. Madankollu, numru wieħed biss ingħata l-approvazzjoni bħala prodott għall-protezzjoni tal-pjanti. Kif imsemmi fl-atti ta’ implimentazzjoni tal-Unjoni li jawtorizzaw sustanzi attivi, in-numri CAS jiġu assenjati f’bażijiet ta’ data internazzjonali u r-referenzi jintużaw għall-finijiet ta’ awtorizzazzjoni sussegwenti ta’ prodotti għall-protezzjoni tal-pjanti fl-Istati Membri u ’l barra mill-Unjoni. In-numru CAS 244-16-8 ma jikkorrispondi għal ebda sustanza kimika rreġistrata eżistenti; is-sustanza attiva għalhekk ma tistax tiġi identifikata sew għall-iskop tal-approvazzjoni tal-prodotti għall-protezzjoni tal-pjanti. Għalhekk, peress li tista’ tinħoloq konfużjoni dwar l-identità tas-sustanza fil-ġestjoni u l-kummerċ tas-sustanzi kimiċi, tinħtieġ korrezzjoni tan-numru CAS imsemmi fl-Annessi tar-Regolament ta’ Implimentazzjoni (UE) 2019/706 u, konsegwentement, fir-Regolament ta’ Implimentazzjoni (UE) Nru 540/2011.

    (5)

    Għal raġunijiet ta’ ċarezza, huwa xieraq li l-Anness I tar-Regolament ta’ Implimentazzjoni (UE) 2019/706 u l-entrata 135 rilevanti fl-Anness tar-Regolament ta’ Implimentazzjoni (UE) Nru 540/2011 jiġu sostitwiti.

    (6)

    Fl-interess taċ-ċarezza u ċ-ċertezza legali għall-operaturi ekonomiċi u l-awtoritajiet tal-infurzar, dan ir-Regolament jenħtieġ li jidħol fis-seħħ b’urġenza.

    (7)

    Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

    ADOTTAT DAN IR-REGOLAMENT:

    Artikolu 1

    Korrezzjoni fir-Regolament ta’ Implimentazzjoni (UE) 2019/706

    L-Anness I tar-Regolament ta’ Implimentazzjoni (UE) 2019/706 huwa kkoreġut skont l-Anness I ta’ dan ir-Regolament.

    Artikolu 2

    Korrezzjoni tar-Regolament ta’ Implimentazzjoni (UE) Nru 540/2011

    L-Anness għar-Regolament ta’ Implimentazzjoni (UE) Nru 540/2011 huwa kkoreġut skont l-Anness II għal dan ir-Regolament.

    Artikolu 3

    Id-dħul fis-seħħ

    Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, l-14 ta’ Mejju 2020.

    Għall-Kummissjoni

    Il-President

    Ursula VON DER LEYEN

    (1)  ĠU L 309, 24.11.2009, p. 1.

    (2)  Ir-Regolament ta’ Implimentazzjoni tal-Kummissjoni (UE) 2019/706 tas-7 ta’ Mejju 2019 li jġedded l-approvazzjoni tas-sustanza attiva karvon skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti, u li jemenda l-Anness tar-Regolament ta’ Implimentazzjoni tal-Kummissjoni (UE) Nru 540/2011 (ĠU L 120, 8.5.2019, p. 11).

    (3)  Ir-Regolament ta’ Implimentazzjoni tal-Kummissjoni (UE) Nru 540/2011 tal-25 ta’ Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (ĠU L 153, 11.6.2011, p. 1).

    ANNESS I

    L-Anness I tar-Regolament ta’ Implimentazzjoni (UE) 2019/706 huwa sostitwit b’dan li ġej:

    “Isem Komuni, Numri tal-Identifikazzjoni

    Isem tal-IUPAC

    Purità  (1)

    Data tal-approvazzjoni

    Skadenza tal-approvazzjoni

    Dispożizzjonijiet speċifiċi

    karvon

    2244-16-8 (d-karvon = S-karvon = (+)-karvon)

    Karvon: 602

    d-karvon: mhux allokat

    (S)-5-isopropenil-2-metilċikloeż-2-en-1-on

    jew

    (S)-p-menta-6,8-dien-2-on

    923 g/kg d-karvon

    fl-1 ta’ Awwissu 2019.

    fil-31 ta’ Lulju 2034.

    Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, għandhom jitqiesu l-konklużjonijiet tar-rapport tat-tiġdid dwar il-karvon, u b’mod partikolari l-Appendiċijiet I u II tiegħu.

    F’din il-valutazzjoni ġenerali l-Istati Membri għandhom jagħtu attenzjoni partikolari:

    —

    lill-protezzjoni tal-operaturi, filwaqt li jiġi żgurat li l-kundizzjonijiet tal-użu jinkludu l-applikazzjoni ta’ tagħmir ta’ protezzjoni personali xieraq.

    Fejn xieraq, il-kundizzjonijiet tal-użu għandhom jinkludu miżuri ta’ mitigazzjoni tar-riskji. B’mod partikolari, jenħtieġ li jiġi kkunsidrat il-perjodu taż-żmien meħtieġ qabel id-dħul fil-kmamar tal-ħżin wara l-applikazzjoni tal-prodotti għall-protezzjoni tal-pjanti li jkun fihom il-karvon.

    L-applikant għandu jippreżenta informazzjoni konfermatorja lill-Kummissjoni, lill-Istati Membri u lill-Awtorità fir-rigward ta’ dan li ġej:

    —

    l-effett tal-proċessi ta’ trattament tal-ilma fuq in-natura tar-residwi preżenti fl-ilma tal-wiċċ u ta’ taħt l-art, meta l-ilma tal-wiċċ jiġi estratt għal ilma tajjeb għax-xorb.

    L-applikant għandu jippreżenta dik l-informazzjoni fi żmien sentejn mid-data tal-pubblikazzjoni mill-Kummissjoni, ta’ dokument ta’ gwida dwar l-evalwazzjoni tal-effett tal-proċessi tat-trattament tal-ilma fuq in-natura tar-residwi preżenti fl-ilma tal-wiċċ u ta’ taħt l-art.

    (1)  Aktar dettalji dwar l-identità u l-ispeċifikazzjoni tas-sustanza attiva jinsabu fir-rapport tat-tiġdid.”

    ANNESS II

    Fil-Parti B tal-Anness tar-Regolament ta’ Implimentazzjoni (UE) Nru 540/2011, l-entrata 135 dwar il-karvon tinbidel b’dan li ġej:

    Nru.

    Isem Komuni, Numri ta’ Identifikazzjoni

    Isem IUPAC

    Purità  (1)

    Data tal-approvazzjoni

    Skadenza tal-approvazzjoni

    Dispożizzjonijiet speċifiċi

    “135

    karvon

    2244-16-8 (d-karvon = S-karvon = (+)-karvon)

    Karvon: 602

    d-karvon: mhux allokat

    (S)-5-isopropenil-2-metilċikloeż-2-en-1-on

    jew

    (S)-p-menta-6,8-dien-2-on

    923 g/kg d-karvon

    fl-1 ta’ Awwissu 2019.

    fil-31 ta’ Lulju 2034.

    Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, għandhom jitqiesu l-konklużjonijiet tar-rapport tat-tiġdid dwar il-karvon, u b’mod partikolari l-Appendiċijiet I u II tiegħu.

    F’din il-valutazzjoni ġenerali l-Istati Membri għandhom jagħtu attenzjoni partikolari:

    —

    lill-protezzjoni tal-operaturi, filwaqt li jiġi żgurat li l-kundizzjonijiet tal-użu jinkludu l-applikazzjoni ta’ tagħmir ta’ protezzjoni personali xieraq.

    Fejn xieraq, il-kundizzjonijiet tal-użu għandhom jinkludu miżuri ta’ mitigazzjoni tar-riskji. B’mod partikolari, jenħtieġ li jiġi kkunsidrat il-perjodu taż-żmien meħtieġ qabel id-dħul fil-kmamar tal-ħżin wara l-applikazzjoni tal-prodotti għall-protezzjoni tal-pjanti li jkun fihom il-karvon.

    L-applikant għandu jippreżenta informazzjoni konfermatorja lill-Kummissjoni, lill-Istati Membri u lill-Awtorità fir-rigward ta’ dan li ġej:

    —

    l-effett tal-proċessi ta’ trattament tal-ilma fuq in-natura tar-residwi preżenti fl-ilma tal-wiċċ u ta’ taħt l-art, meta l-ilma tal-wiċċ jiġi estratt għal ilma tajjeb għax-xorb.

    L-applikant għandu jippreżenta dik l-informazzjoni fi żmien sentejn mid-data tal-pubblikazzjoni mill-Kummissjoni, ta’ dokument ta’ gwida dwar l-evalwazzjoni tal-effett tal-proċessi tat-trattament tal-ilma fuq in-natura tar-residwi preżenti fl-ilma tal-wiċċ u ta’ taħt l-art.”

    (1)  Aktar dettalji dwar l-identità u l-ispeċifikazzjoni tas-sustanza attiva jinsabu fir-rapport tat-tiġdid.

    Top