This document is an excerpt from the EUR-Lex website
Document 32018R0414
Commission Delegated Regulation (EU) 2018/414 of 9 January 2018 supplementing Directive 2014/90/EU of the European Parliament and of the Council as regards the identification of specific items of marine equipment which can benefit from electronic tagging (Text with EEA relevance. )
Regolament Delegat tal-Kummissjoni (UE) 2018/414 tad-9 ta' Jannar 2018 li jissupplimenta d-Direttiva 2014/90/UE tal-Parlament Ewropew u tal-Kunsill f'dak li għandu x'jaqsam mal-identifikazzjoni ta' oġġetti speċifiċi tat-tagħmir tal-baħar li jistgħu jibbenefikaw mit-tikkettar elettroniku (Test b'rilevanza għaż-ŻEE. )
Regolament Delegat tal-Kummissjoni (UE) 2018/414 tad-9 ta' Jannar 2018 li jissupplimenta d-Direttiva 2014/90/UE tal-Parlament Ewropew u tal-Kunsill f'dak li għandu x'jaqsam mal-identifikazzjoni ta' oġġetti speċifiċi tat-tagħmir tal-baħar li jistgħu jibbenefikaw mit-tikkettar elettroniku (Test b'rilevanza għaż-ŻEE. )
C/2017/9017
ĠU L 75, 19.3.2018, p. 3–17
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
19.3.2018 |
MT |
Il-Ġurnal Uffiċjali tal-Unjoni Ewropea |
L 75/3 |
REGOLAMENT DELEGAT TAL-KUMMISSJONI (UE) 2018/414
tad-9 ta' Jannar 2018
li jissupplimenta d-Direttiva 2014/90/UE tal-Parlament Ewropew u tal-Kunsill f'dak li għandu x'jaqsam mal-identifikazzjoni ta' oġġetti speċifiċi tat-tagħmir tal-baħar li jistgħu jibbenefikaw mit-tikkettar elettroniku
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2014/90/UE tal-Parlament Ewropew u tal-Kunsill tat-23 ta' Lulju 2014 dwar tagħmir tal-baħar u li tħassar id-Direttiva tal-Kunsill 96/98/KE (1), u b'mod partikulari l-Artikolu 11(3) tagħha,
Billi:
(1) |
Sabiex l-operaturi ekonomiċi jkunu jistgħu jużaw it-tikketti elettroniċi b'mod volontarju, sabiex tiġi ffaċilitata s-sorveljanza tas-suq u sabiex tiġi evitata l-falsifikazzjoni ta' oġġetti speċifiċi tat-tagħmir tal-baħar, id-Direttiva 2014/90/UE tagħti s-setgħa lill-Kummissjoni tadotta atti delegati sabiex tidentifika l-oġġetti speċifiċi tat-tagħmir tal-baħar li jistgħu jibbenefikaw mit-tikkettar elettroniku. |
(2) |
Huwa importanti li jiġi żgurat li l-għanijiet tad-Direttiva 2014/90/UE jinkisbu b'mod uniformi fl-Istati Membri kollha. Dan jinkiseb billi jiġi adottat Regolament li joffri ċertezza legali lill-partijiet ikkonċernati kollha, fosthom lill-manifatturi tat-tagħmir tal-baħar, lill-awtoritajiet kompetenti u lill-kostrutturi tal-bastimenti u lill-operaturi tal-bastimenti. Regolament jiżgura qafas koerenti għall-operaturi kollha tas-suq u joffri l-aqwa garanzija ta' kundizzjonijiet ekwi u uniformi tal-kompetizzjoni. Barra minn hekk, dan jiżgura li l-lista ta' tagħmir speċifiku tal-baħar li jista' jibbenefika mit-tikkettar elettroniku tkun tapplika direttament. L-użu ta' Regolament jippermetti wkoll li jiġi evitat il-piż amministrattiv għall-amministrazzjonijiet tal-Istati Membri minħabba li Regolament ma jkollux bżonn jiġi traspost fil-livell nazzjonali. |
(3) |
Skont id-Direttiva 2014/90/UE, jenħtieġ li l-Kummissjoni twettaq analiżi tal-benefiċċji meta mqabbla mal-ispejjeż fir-rigward tal-użu tat-tikketta elettronika bħala suppliment għall-marka tat-tmun jew bħala sostituzzjoni tagħha. |
(4) |
Mill-analiżi tal-ispejjeż meta mqabbla mal-benefiċċji ħareġ li, permezz tat-tikkettar elettroniku tat-tagħmir tal-baħar, il-manifatturi għandhom jibbenefikaw minn titjib fil-prevenzjoni tal-falsifikazzjoni, is-sidien u l-operaturi tal-bastimenti għandhom ikunu jistgħu jittraċċaw it-tagħmir u jikkontrollaw l-istokkijiet b'mod iktar faċli, u l-awtoritajiet tas-sorveljanza tas-suq għandhom jibbenefikaw minn aċċess dirett u faċli għall-bażijiet tad-dejta rilevanti, u dan se jtejjeb il-verifiki tal-validazzjoni taċ-ċertifikati. |
(5) |
Mill-analiżi tal-ispejjeż meta mqabbla mal-benefiċċji ħareġ li mhux se jkun hemm wisq investiment ġenerali meta mqabbel mal-benefiċċji mistennija u li l-awtoritajiet u l-industrija se jkunu jifilħu għall-ispejjeż minħabba li se jkunu jistgħu jimplimentaw dan it-tikkettar b'mod volontarju u b'mod gradwali. Jekk is-settur pubbliku u dak privat jagħmlu iktar investimenti, jkunu jistgħu jinkisbu saħansitra iktar benefiċċji. |
(6) |
Fil-kuntest tal-analiżi tal-ispejjeż meta mqabbla mal-benefiċċji, il-Kummissjoni wettqet diversi konsultazzjonijiet, sessjonijiet ta' ħidma u proġetti tal-wiri mal-esperti tal-Istati Membri u mal-partijiet ikkonċernati. |
(7) |
Matul dawn il-konsultazzjonijiet, il-partijiet ikkonċernati qablu li, bl-użu ta' metodi differenti tat-tikkettar, teknikament jista' jkun possibbli li jiġi ttikkettat it-tagħmir imqiegħed abbord bastiment tal-UE, jew li għandu jitqiegħed abbord bastiment tal-UE, u li għalih l-istrumenti internazzjonali ddefiniti fl-Artikolu 2 tad-Direttiva 2014/90/UE jeżiġu li tingħata l-approvazzjoni min-naħa tal-amministrazzjoni tal-Istat tal-bandiera. Għalhekk jenħtieġ li t-tali tagħmir ikun jista' jibbenefika mit-tikkettar elettroniku, |
ADOTTAT DAN IR-REGOLAMENT:
Artikolu 1
L-oġġetti speċifiċi tat-tagħmir tal-baħar elenkati fl-Anness ta' dan ir-Regolament jistgħu jibbenefikaw mit-tikkettar elettroniku.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta' Jannar 2018.
Għall-Kummissjoni
Il-President
Jean-Claude JUNCKER
(1) ĠU L 257, 28.8.2014, p. 146.
ANNESS
L-oġġetti mogħtija f'din il-lista jistgħu jibbenefikaw mit-tikkettar elettroniku:
1. Apparat għas-salvataġġ tal-ħajja
Numru u denominazzjoni tal-oġġett
MED/1.1
Salvawomi
MED/1.2a
Dwal li jindikaw il-pożizzjoni tal-apparat ta' salvataġġ:
(a) |
għall-inġenji tas-sopravivenza u d-dgħajjes ta' salvataġġ, |
(b) |
għas-salvawomi, |
(c) |
għall-ġkieket tas-salvataġġ. |
MED/1.3
Salvawomi, sinjali tad-duħħan attivati awtomatikament
MED/1.4
Ġkieket tas-salvataġġ
MED/1.5
Ilbies ta' taħt il-baħar u lbies kontra l-esponiment iddisinjati biex jintlibsu flimkien MA' ġakketta tas-salvataġġ:
(a) |
ilbies ta' taħt il-baħar mingħajr insulazzjoni inerenti, |
(b) |
ilbies ta' taħt il-baħar b'insulazzjoni inerenti, |
(c) |
ilbies kontra l-esponiment. |
MED/1.6
Ilbies ta' taħt il-baħar u lbies kontra l-esponiment imfasslin biex jintlibsu MINGĦAJR ġakketta tas-salvataġġ:
(a) |
ilbies ta' taħt il-baħar mingħajr insulazzjoni inerenti, |
(b) |
ilbies ta' taħt il-baħar b'insulazzjoni inerenti, |
(c) |
ilbies kontra l-esponiment. |
MED/1.7
Aċċessorji termali protettivi
MED/1.8
Flares tal-paraxut li jittellgħu bir-rokit (pirotekniċi)
MED/1.9
Flares tal-idejn (pirotekniċi)
MED/1.10
Sinjali tad-duħħan li jżommu f'wiċċ l-ilma (pirotekniċi)
MED/1.11
Tagħmir għat-tfigħ tal-ħbula
MED/1.12
Ċattri tas-salvataġġ li jintefħu
MED/1.13
Ċattri tas-salvataġġ riġidi
MED/1.14
Ċattri tas-salvataġġ li jiddrittaw lilhom infushom awtomatikament
MED/1.15
Ċattri tas-salvataġġ, riversibbli bit-tinda
MED/1.16
Apparat li jeħles iċ-ċattri fl-ilma awtomatikament (unitajiet ta' rilaxx idrostatiku)
MED/1.17
Dgħajjes tas-salvataġġ:
(a) |
Dgħajjes tas-salvataġġ varati minn parank:
|
(b) |
Dgħajjes tas-salvataġġ li jaqgħu fil-baħar bis-saħħa tal-gravità mingħajr għajnuna. |
MED/1.18
Dgħajjes tas-salvataġġ riġidi
MED/1.19
Dgħajjes tas-salvataġġ li jintefħu, minfuħin
MED/1.20
Dgħajjes veloċi ta' salvataġġ:
(a) |
minfuħin, |
(b) |
riġidi, |
(c) |
li huma riġidi u jintefħu, minfuħin. |
MED/1.21
Tagħmir għall-varar bit-twaqqigħ (davits)
MED/1.23
Tagħmir għall-varar bi ħbula għall-inżul fl-ilma tad-dgħajjes ta' salvataġġ
MED/1.24
Tagħmir għall-varar taċ-ċattri tas-salvataġġ
(Paranki)
MED/1.25
Tagħmir għall-varar ta' dgħajjes veloċi tas-salvataġġ
(Paranki)
MED/1.26
Mekkaniżmu għar-rilaxx ta'
(a) |
Dgħajjes tas-salvataġġ u tal-għoti tal-għajnuna (varati minn tagħmir bi ħbula għall-inżul fl-ilma), |
(b) |
Ċattri tas-salvataġġ (varati minn tagħmir bi ħbula għall-inżul fl-ilma), |
(c) |
Dgħajjes tas-salvataġġ li jaqgħu fil-baħar bis-saħħa tal-gravità mingħajr għajnuna. |
MED/1.27
Sistemi ta' evakwazzjoni fuq il-baħar
MED/1.28
Mezzi ta' salvataġġ
MED/1.29
Slielem għall-imbark
MED/1.30
Materjali retroriflettivi
MED/1.33
Riflettur tar-radar għad-dgħajjes tas-salvataġġ u dawk ta' rkupru
(passiv)
MED/1.36
Magni għall-propulsjoni tad-dgħajjes tas-salvataġġ
MED/1.37
Magni għall-propulsjoni tad-dgħajjes tas-salvataġġ - Outboard
MED/1.38
Fanali tat-tiftix biex jintużaw fuq id-dgħajjes tas-salvataġġ
MED/1.39
— |
Ċattri tas-salvataġġ, riversibbli miftuħa |
MED/1.41
Winċijiet għall-inġenji u d-dgħajjes tas-salvataġġ:
(a) |
dgħajjes tas-salvataġġ varati minn parank, |
(b) |
dgħajjes tas-salvataġġ li jaqgħu fil-baħar bis-saħħa tal-gravità mingħajr għajnuna, |
(c) |
ċattri tas-salvataġġ, |
(d) |
dgħajjes tal-irkupru, |
(e) |
dgħajjes tas-salvataġġ veloċi. |
MED/1.43
Dgħajjes tas-salvataġġ riġidi/li jintefħu
2. Prevenzjoni tat-tniġġis tal-baħar
Numru u denominazzjoni tal-oġġett
MED/2.1
Tagħmir għall-iffiltrar taż-żejt (għal kontenut ta' żejt tal-fluss skartat li ma jaqbiżx il-15 p.p.m.)
MED/2.2
Ditekters tal-interfaċċja żejt/ilma
MED/2.3
Miters tal-kontenut taż-żejt
MED/2.5
Sistema għall-monitoraġġ u l-kontroll tar-rilaxx taż-żejt mit-tankers taż-żejt
MED/2.6
Sistemi ta' dranaġġ
MED/2.7
Inċineraturi ta' abbord
(Impjanti tal-inċineraturi b'kapaċitajiet akbar minn 1 500 kW u sa 4 000 kW)
MED/2.8
Analizzatur tan-NOx għall-użu abbord skont il-Kodiċi Tekniku NOx tal-2008
MED/2.10
Sistemi ta' abbord għat-tindif tal-gassijiet tal-egżost
3. Tagħmir ta' protezzjoni min-nar
Numru u denominazzjoni tal-oġġett
MED/3.1
Il-kopertura tal-gverta primarja
MED/3.2
Tagħmir portabbli għat-tifi tan-nar
MED/3.3
Ilbies għat-tifi tan-nar: ilbies protettiv (ilbies ta' prossimità qrib)
MED/3.4
Ilbies għat-tifi tan-nar: stivali
MED/3.5
Ilbies għat-tifi tan-nar: ingwanti
MED/3.6
Ilbies għat-tifi tan-nar: elmu
MED/3.7
Apparat issiġillat għat-teħid tan-nifs imħaddem bl-arja kkompressata
MED/3.8
Tagħmir tan-nifs b'linja tal-arja kkompressata
MED/3.9
Komponenti tas-sistemi bexxiexa għall-ispazji ta' akkomodazzjoni u ta' servizz kif ukoll għal stazzjonijiet ta' kontroll, ekwivalenti għal kif jissemma f'SOLAS 74 Reg. II-2/12 (limitat għaż-żennuni u r-rendiment tagħhom).
(Żennuni għal sistemi fissi tat-tbexxix, għal inġenji ta' veloċità għolja (HSC) huma inklużi taħt dan l-oġġett)
MED/3.10
— |
Żennuni għal sistemi tat-tifi tan-nar permezz tal-bexx tal-ilma bi pressa fissa fl-ispazji tal-makkinarji u l-kmamar tal-pompi tal-merkanzija |
MED/3.11
Separaturi kontra n-nar tal-klassi “A” u “B”
(a) |
Separaturi tal-klassi “A”, |
(b) |
Separaturi tal-klassi “B”. |
MED/3.12
Apparat għall-prevenzjoni tal-mogħdija tal-fjammi lejn it-tankijiet tal-merkanzija fit-tankers
MED/3.13
Materjali mhux kombustibbli
MED/3.15
Materjali minbarra azzar, għall-pajpijiet taż-żejt jew taż-żejt tal-fjuwil:
(a) |
pajpijiet u fittings tal-plastik, |
(b) |
valvi, |
(c) |
assemblaġġi ta' pajpijiet flessibbli u kompensaturi, |
(d) |
komponenti tal-pajp metalliċi b'siġilli b'saħħithom u elastomeriċi. |
MED/3.16
Bibien kontra n-nar
MED/3.17
Komponenti ta' sistemi ta' kontroll għall-bibien kontra n-nar
MED/3.18
Materjali tas-superfiċi u l-kisi tal-art b'karatteristiċi kontra t-tixrid tal-fjammi:
(a) |
fuljetti dekorattivi, |
(b) |
sistemi ta' żebgħa, |
(c) |
kisi għall-art, |
(d) |
kisi għall-insulazzjoni tal-pajpijiet, |
(e) |
adeżivi li jintużaw fil-bini tad-diviżjonijiet tal-klassi “A”, “B” u “C”, |
(f) |
membrana tal-kanali kombustibbli. |
MED/3.19
Drappijiet, purtieri u materjali tessili mdendlin oħra u films
MED/3.20
Għamara tappizzata
MED/3.21
Komponenti tas-sodod
MED/3.22
Mewwieta tan-nar
MED/3.25
Twieqi u aperturi tal-ġenb tal-klassi “A” u “B” reżistenti għan-nar
MED/3.26
Penetrazzjonijiet għal ġewwa diviżjonijiet tal-klassi “A”:
(a) |
mogħdijiet għall-kejbils tal-elettriku, |
(b) |
penetrazzjonijiet ta' pajpijiet, kanali, trunkijiet, eċċ. |
MED/3.27
Penetrazzjonijiet għal ġewwa diviżjonijiet tal-klassi “B”:
(a) |
mogħdijiet għall-kejbils tal-elettriku, |
(b) |
penetrazzjonijiet ta' pajpijiet, kanali, trunkijiet, eċċ. |
MED/3.28
Sistemi ta' tbexxix (l-iżbokki tal-bexxiexa biss).
(Żennuni għal sistemi fissi tat-tbexxix, għal inġenji ta' veloċità għolja (HSC) huma inklużi taħt dan l-oġġett)
MED/3.29
Pajpijiet għat-tifi tan-nar
Pajpijiet għat-tifi tan-nar ċatti li ma jiffiltrawx (medda tad-dijametru intern minn 25 mm sa 52 mm)
MED/3.30
Tagħmir portabbli għall-analiżi tal-ossiġnu u l-iskoperta tal-preżenza tal-gass
MED/3.32
Materjali li jirrestrinġu n-nar (minbarra għamara) għal dgħajjes ta' veloċità għolja
MED/3.33
Materjali li jirrestrinġu n-nar għall-għamara ta' inġenji b'veloċità għolja
MED/3.34
Diviżjonijiet li jirreżistu n-nar għall-inġenji b'veloċità għolja
MED/3.35
Bibien kontra n-nar għall-inġenji b'veloċità għolja
MED/3.36
Mewwieta tan-nar fuq inġenji b'veloċità għolja
MED/3.37
Penetrazzjonijiet minn ġewwa diviżjonijiet li jirreżistu n-nar għall-inġenji b'veloċità għolja:
(a) |
mogħdijiet għall-kejbils tal-elettriku, |
(b) |
penetrazzjonijiet ta' pajpijiet, kanali, trunkijiet, eċċ. |
MED/3.38
Apparat portabbli għat-tifi tan-nar għad-dgħajjes tas-salvataġġ u dawk ta' rkupru
MED/3.39
Żennuni għal sistemi ekwivalenti tat-tifi tan-nar permezz tal-bexx ta' raxx tal-ilma fl-ispazji tal-makkinarji u l-kmamar tal-pompi tal-merkanzija
MED/3.40
Sistemi tad-dawl għall-installazzjoni fil-baxx (komponenti biss)
MED/3.41
Apparat għan-nifs għall-evakwazzjoni ta' emerġenza (EEBD)
MED/3.42
Komponenti ta' sistemi b'gassijiet mhux reattivi
MED/3.43
Żennuni għal sistemi tat-tifi tan-nar fuq tagħmir tat-tisjir bil-qali bix-xaħmijiet (awtomatiċi jew manwali).
MED/3.44
Ilbies għat-tifi tan-nar - linja tas-salvataġġ
MED/3.45
Komponenti ekwivalenti għal sistemi fissi tat-tifi tan-nar (mezz tat-tifi tan-nar, valvijiet tal-blokka, u żennuni) għall-ispazji tal-makkinarju u kmamar tal-pompi tal-merkanzija
MED/3.46
Sistemi fissi ekwivalenti tat-tifi tan-nar għall-ispazji tal-makkinarju (sistemi tal-erosol)
MED/3.47
Konċentrat għal sistemi fissi tat-tifi tan-nar bir-ragħwa ta' espansjoni għolja għall-ispazji tal-makkinarju u l-kmamar tal-pompi tal-merkanzija.
MED/3.48
Komponenti ta' sistemi tat-tifi tan-nar bl-ilma, fissi u għall-applikazzjoni lokali għall-użu fl-ispazji tal-makkinarju tal-kategorija “A”.
MED/3.49a
Sistemi tat-tifi tan-nar iffissati bbażati fuq l-ilma għal spazji ro-ro, spazji ta' vetturi u spazji ta' kategorija speċjali:
(a) |
Sistemi bbażati fuq il-preskrizzjoni skont il-Klawżola 4 taċ-Ċirk. 1430, |
(b) |
Sistemi bbażati fuq il-prestazzjoni skont il-Klawżola 5 taċ-Ċirk. 1430. |
MED/3.51
Komponenti ta' sistemi fissi għall-iskoperta u l-allarm fil-każ ta' nar għall-istazzjonijiet ta' kontroll, l-ispazji ta' servizz, ta' akkomodazzjoni, gallariji tal-kabini, l-ispazji tal-makkinarju, kif ukoll tal-makkinarju mhux mgħasses:
(a) |
Tagħmir għall-kontroll u ta' indikazzjoni, |
(b) |
Tagħmir tal-provvista tal-elettriku, |
(c) |
Ditekters tas-sħana - Point detectors, |
(d) |
Ditekters tad-duħħan: Point detectors li jużaw raġġi tad-dawl diffużi, dawl trażmess jew jonizzazzjoni, |
(e) |
Id-ditekters tal-fjammi: Point detectors, |
(f) |
Punti tas-sejħa manwali, |
(g) |
Iżolaturi b'ċirkwit qasir (short circuit isolators), |
(h) |
Tagħmir ta' input/output, |
(i) |
Kejbils. |
MED/3.52
Apparat mhux portabbli u trasportabbli tat-tifi tan-nar
MED/3.53
Apparat tal-allarm fil-każ tan-nar - Allarmi akustiċi
MED/3.54
Tagħmir fiss għall-analiżi tal-ossiġnu u l-iskoperta tal-gass
MED/3.55
Żennuni b'żewġ tipi ta' bexx
(tip sprej/ġett)
MED/3.56
Sistemi ta' pajpijiet fissi għat-tifi tan-nar
Rukkelli tal-pajpijiet b'pajpijiet semiriġidi
MED/3.57
Komponenti ta' sistemi għat-tifi tan-nar permezz ta' ragħwa b'espansjoni medja - ragħwa fissa fuq il-gverta għat-tankers
MED/3.58
Komponenti ta' sistemi fissi għat-tifi tan-nar permezz ta' ragħwa b'espansjoni baxxa għall-ispazji tal-makkinarju u l-protezzjoni tal-gverta tat-tankers
MED/3.59
Ragħwa li tespandi għal sistemi fissi tat-tifi tan-nar għal tankers tal-kimika
MED/3.60
Żennuni għal sistemi tat-tifi tan-nar permezz tal-bexx tal-ilma bi pressa fissa għall-gallariji tal-kabini
MED/3.61a
Sistemi bl-arja interna u ragħwa ta' espansjoni għolja għall-protezzjoni ta' spazji tal-makkinarju u kmamar tal-pompi tal-merkanzija, ta' spazji tal-vetturi u spazji ro-ro, ta' spazji ta' kategorija speċjali u ta' spazji tal-merkanzija.
MED/3.61b
Sistemi bl-arja esterna u ragħwa ta' espansjoni għolja għall-protezzjoni ta' spazji tal-makkinarju u kmamar tal-pompi tal-merkanzija, ta' spazji tal-vetturi u spazji ro-ro, ta' spazji ta' kategorija speċjali u ta' spazji tal-merkanzija.
MED/3.62
Sistemi tat-tifi tan-nar bi trab kimiku niexef
MED/3.63
Komponenti tas-sistemi tad-detezzjoni tad-duħħan li jieħdu l-kampjuni
MED/3.64
Diviżjonijiet tal-klassi C
MED/3.65
Sistemi fissi għad-detezzjoni tal-gass idrokarbonju
MED/3.66
Sistemi ta' gwida għall-evakwazzjoni użati bħala alternattivi għas-sistemi ta' dwal f'siti baxxi
MED/3.67
Tagħmir għat-tifi tan-nar bir-ragħwa għall-ħelikopters
MED/3.68
Komponenti ta' sistemi fissi għat-tifi tan-nar fil-kanali tal-egżost tal-kċejjen
MED/3.69
Moniter mobbli tal-ilma għall-vapuri mibnija fl-1 ta' Jannar 2016 jew wara mfassla biex iġorru ħames saffi ta' kontejners jew aktar fuq il-gverta miftuħa jew iktar 'il fuq minnha
MED/3.70
Pajpijiet għat-tifi tan-nar
Pajpijiet semiriġidi għal sistemi fissi
MED/3.71
Sistemi ta' pajpijiet fissi għat-tifi tan-nar
Sistemi ta' pajpijiet b'pajp ċatt
4. Tagħmir tan-navigazzjoni
Numru u denominazzjoni tal-oġġett
MED/4.1
Boxxla manjetika
Klassi A għall-vapuri
MED/4.2
Tagħmir li jittrażmetti r-rotta THD (metodu manjetiku)
MED/4.3
Boxxla gyro
MED/4.6
Tagħmir għall-kejl tad-distanzi permezz tal-eku
MED/4.7
Tagħmir għall-kejl tal-veloċità u tad-distanza (SDME)
MED/4.9
Indikatur tar-rata tal-ikkwartjar
MED/4.14
Tagħmir tal-GPS
MED/4.15
Tagħmir tal-GLONASS
MED/4.16
Sistema għall-kontroll tar-rotta (HCS)
MED/4.18
Tagħmir għal-lokalizzazzjoni tat-tiftix u salvataġġ (SRLD):
9 GHz SAR transponder (SART)
MED/4.20
Indikatur tal-angolu tat-tmun
MED/4.21
Indikatur tat-tidwir tal-iskrun
MED/4.22
Indikatur tal-inklinazzjoni
MED/4.23
Boxxla manjetika Klassi B għad-dgħajjes tas-salvataġġ u għad-dgħajjes ta' rkupru
MED/4.29
Reġistratur tad-dejta dwar il-vjaġġ (VDR)
MED/4.30
Sistemi elettroniċi għall-wiri tal-mapep u tal-informazzjoni (ECDIS), bil-backup, u sistemi għall-wiri tar-raster chart (RCDS)
MED/4.31
Boxxla gyro għall-inġenji b'veloċità għolja
MED/4.32
Tagħmir tas-sistemi għall-identifikazzjoni universali awtomatika (AIS)
MED/4.33
Sistema ta' kontroll tar-rotta
(taħdem fil-veloċità tal-bastiment mill-veloċità minima tal-manuvrar sa 30 knot)
MED/4.34
Tagħmir tar-radar CAT 1
MED/4.35
Tagħmir tar-radar CAT 2
MED/4.36
Tagħmir tar-radar CAT 3
MED/4.37
Tagħmir tar-radar għal applikazzjonijiet fuq inġenji ta' veloċità għolja (CAT 1H u CAT 2H)
MED/4.38
Tagħmir tar-radar approvat bil-possibbiltà tal-mapep, fosthom:
(a) |
CAT 1C, |
(b) |
CAT 2C, |
(c) |
CAT 1HC, |
(d) |
CAT 2HC. |
MED/4.39
Riflettur tar-radar - tip passiv
MED/4.40
Sistema għall-kontroll tar-rotta għall-inġenji ta' veloċità għolja
MED/4.41
Tagħmir li jittrażmetti r-rotta THD (metodu GNSS)
MED/4.42
Fanal tat-tiftix għall-inġenji b'veloċità għolja
MED/4.43
Tagħmir għall-viżjoni bil-lejl għall-inġenji b'veloċità għolja
MED/4.44
Riċevitur differenzjali tas-sinjali (beacons) għat-tagħmir DGPS u DGLONASS
MED/4.46
Tagħmir li jittrażmetti r-rotta THD (metodu ġiroskopiku)
MED/4.47
Reġistratur simplifikat tad-dejta dwar il-vjaġġ (S-VDR)
MED/4.49
Sellum għall-pilota
MED/4.50
Tagħmir DGPS
MED/4.51
Tagħmir DGLONASS
MED/4.52
Fanal għas-sinjalar bi nhar
MED/4.53
Radar target enhancer
MED/4.54
Tagħmir tal-pożizzjoni għall-boxxla
MED/4.55
Tagħmir għal-lokalizzazzjoni tat-tiftix u salvataġġ (SRLD):
Tagħmir AIS SART
MED/4.56
Tagħmir Galileo
MED/4.57
Sistema ta' Allarm għall-Għassa tan-Navigazzjoni fuq il-Pont (BNWAS)
MED/4.58
Sistema għar-riċezzjoni tal-ħsejjes
MED/4.59
Sistema integrata tan-navigazzjoni
5. Tagħmir għar-radjukomunikazzjoni
Numru u denominazzjoni tal-oġġett
MED/5.1
Radju VHF bil-kapaċità li jittrażmetti u jirċievi d-DSC u r-radjutelefonija
MED/5.2
Riċevitur għaż-żamma tal-għassa VHF DSC
MED/5.3
Riċevitur NAVTEX
MED/5.4
Riċevitur EGC
MED/5.5
Tagħmir HF għall-informazzjoni dwar is-sikurezza fuq il-baħar (MSI) (riċevitur NBDP HF)
MED/5.6
406 MHz EPIRB (COSPAS-SARSAT)
MED/5.10
Radju MF bil-kapaċità li jittrażmetti u jirċievi d-DSC u r-radjutelefonija
MED/5.11
Riċevitur għaż-żamma tal-għassa MF DSC
MED/5.13
Inmarsat-C SES
MED/5.14
Radju MF/HF bil-kapaċità li jittrażmetti u jirċievi d-DSC, l-NBDP u r-radjutelefonija
MED/5.15
Riċevitur ta' esplorazzjoni ta' sinjali radjutelefoniċi DSC fuq frekwenzi ta' għajnuna MF/HF
MED/5.17
Apparat bidirezzjonali VHF radju-telefown portabbli għall-inġenji tas-sopravivenza
MED/5.18
Apparat bidirezzjonali VHF radju-telefown fiss għall-inġenji tas-sopravivenza
MED/5.19
Inmarsat-F77
6. Tagħmir meħtieġ taħt COLREG 72
Numru u denominazzjoni tal-oġġett
MED/6.1
Id-dwal tan-navigazzjoni
7. Tagħmir tas-sigurtà għal trasportaturi li jġorru volumi kbar
Attwalment dan il-kapitolu ma fihx oġġetti.
8. Tagħmir skont il-Kapitolu II-1 ta' SOLAS
Numru u denominazzjoni tal-oġġett
MED/8.1
— |
Indikaturi tal-livell tal-ilma |