11.7.2017   

MT

Il-Ġurnal Uffiċjali tal-Unjoni Ewropea

L 178/4

(1)

L-Artikolu 21 tar-Regolament ta' Implimentazzjoni tal-Kummissjoni (UE) Nru 809/2014 (2) jistabbilixxi r-rekwiżiti li għandhom x'jaqsmu mal-applikazzjonijiet ta' għajnuna għall-bhejjem u mat-talbiet għall-pagamenti skont il-miżuri ta' appoġġ relatati mal-annimali. Fil-każ ta' ċiklu tal-produzzjoni qasir b'rata għolja ta' sostituzzjoni tal-annimali, l-għadd ta' annimali li fuqu titressaq talba għall-pagament għall-bhejjem skont il-miżura prevista fl-Artikolu 33 tar-Regolament (UE) Nru 1305/2013 tal-Parlament Ewropew u tal-Kunsill (3), jista' jinbidel b'mod sinifikanti matul is-sena tat-talba. Dan jista' jwassal għal differenza sostanzjali bejn l-għadd ta' annimali ddikjarat fit-talba għall-pagament għall-bhejjem u l-għadd ta' annimali li eventwalment se jibbenefikaw minn kundizzjonijiet aħjar tal-benessri. B'konsegwenza ta' dan, l-għadd ta' annimali ddikjarat fit-talba għall-pagament għall-bhejjem jirriżulta li huwa biss indikattiv. Fir-rigward ta' dawk l-ispeċijiet b'ċiklu ta' produzzjoni qasir, l-Istati Membri għaldaqstant jenħtieġ li jitħallew jistabbilixxu sistema li tippermetti li l-benefiċjarju japplika għall-appoġġ fir-rigward tal-annimali kollha li jikkwalifikaw għall-appoġġ f'data jew matul perjodu determinat mill-Istat Membru. Fin-nuqqas ta' bażi ta' dejta kompjuterizzata, għandu jkun possibbli li jiġi stabbilit l-għadd attwali ta' annimali abbażi taċ-ċertifikati tat-tbiċċir jew ta' dokumenti ta' sostenn oħra sottomessi lill-awtorità kompetenti wara d-data tas-sottomissjoni tat-talba għall-pagament għall-bhejjem.

(2)

L-applikazzjoni ta' kriterji tal-għażla mhijiex obbligatorja għall-miżuri kollha jew għat-tipi kollha ta' operazzjonijiet. Għaldaqstant, il-verifiki amministrattivi mwettqa fuq l-applikazzjonijiet għall-appoġġ għandhom jinkludu biss il-verifika ta' dak l-element meta jkun meħtieġ.

(3)

Il-verifika ta' kemm huma ġustifikati l-ispejjeż issir fl-istadju tal-verifiki amministrattivi relatati mal-applikazzjoni għall-appoġġ u abbażi ta' sistema ta' evalwazzjoni definita. Madankollu, għandhom japplikaw regoli speċifiċi meta r-riskju tal-ispejjeż mhux ġustifikati jkun baxx jew meta l-kontenut tal-ispejjeż ma jkunx jista' jiġi definit qabel l-implimentazzjoni tal-operazzjoni.

(4)

F'konformità mal-Artikolu 67(1) tar-Regolament (UE) Nru 1303/2013 tal-Parlament Ewropew u tal-Kunsill (4), l-ammont ta' appoġġ jista' jiġi stabbilit abbażi ta' skali standard ta' spejjeż unitarji, somom f'daqqa jew rati fissi. F'każijiet bħal dawn, il-verifiki amministrattivi ma għandhomx jinkludu l-verifika tal-ammont tal-ispejjeż imġarrba u l-pagamenti li jkunu saru mill-benefiċjarju.

(5)

Ir-regoli dwar il-verifiki li japplikaw għall-istrumenti finanzjarji għandhom jiġu adattati biex jiġi żgurat li jkun hemm konsistenza mar-regoli ta' ġestjoni u kontroll stabbiliti fir-Regolament (UE) Nru 1303/2013 u fir-Regolament ta' Delega tal-Kummissjoni (UE) Nru 480/2014 (5) u biex jittieħed kont tal-ispeċifiċitajiet tal-appoġġ mogħti fil-forma ta' strument finanzjarju.

(6)

In-nefqa soġġetta għall-verifiki fuq il-post ma għandhiex tkun in-nefqa li għandha titħallas, iżda n-nefqa li tkun intalbet mingħand l-aġenzija tal-pagamenti. Billi n-nefqa li għandha titħallas tista' tiġi ddeterminata biss wara li jkunu tlestew il-verifiki kollha, jekk dik in-nefqa tkun soġġetta għall-verifiki, il-kisba tar-rata tal-kontroll ma tkunx prevedibbli. Barra minn hekk, in-nefqa soġġetta għall-verifiki fuq il-post ma għandhiex tinkludi l-infiq magħmul mill-aġenzija tal-pagamenti biss għall-pagamenti bil-quddiem, billi dik in-nefqa ma tikkorrispondix man-nefqa mġarrba mill-benefiċjarju. Ukoll, in-nefqa relatata mal-istrumenti finanzjarji jenħtieġ li tiġi kkunsidrata biex tinkiseb ir-rata minima ta' kontroll sal-punt biss li tkun effettivament ivverifikata mill-awtorità kompetenti. Biex jiġi żgurat li r-rata minima ta' kontroll tiġi ssodisfata kull sena kalendarja, jenħtieġ li l-verifiki jitwettqu sad-data prevista għas-sottomissjoni tad-dejta ta' kontroll u tal-istatistika ta' kontroll stipulata fl-Artikolu 9 tar-Regolament ta' Implimentazzjoni (UE) Nru 809/2014.

(7)

Biex il-verifiki ma jiġux ripetuti bla bżonn, il-verifiki fuq il-post għandhom ikopru biss l-elementi li jkunu għadhom ma ġewx soġġetti għal verifiki amministrattivi.

(8)

Skont l-Artikoli 48 u 51 tar-Regolament ta' Implimentazzjoni (UE) Nru 809/2014, il-verifiki għandhom jivverifikaw il-konformità ma', inter alia, il-kriterji tal-eliġibbiltà, l-impenji u obbligi oħra. Barra minn hekk, skont l-Artikolu 50(4)(a) ta' dak ir-Regolament ta' Implimentazzjoni, il-kampjun tal-operazzjonijiet li għandhom jiġu verifikati fuq il-post irid iqis il-ħtieġa li jiġi vverifikat kombinament xieraq ta' tipi u daqsijiet ta' operazzjonijiet. Għaldaqstant, huma meħtieġa d-dispożizzjonijiet speċifiċi għall-miżuri dwar is-suġġett jew l-intensità tal-verifiki stipulati fl-Artikoli 54 sa 59 tar-Regolament ta' Implimentazzjoni (UE) Nru 809/2014.

(9)

Fir-rigward tal-penali amministrattivi, f'kull każ, in-nefqa kkontrollata għandha tkun in-nefqa li tkun intalbet, biex ikun żgurat it-trattament ugwali tal-operazzjonijiet li jintgħażlu u ta' dawk li ma jintgħażlux għall-verifiki fuq il-post.

(10)

Għaldaqstant, ir-Regolament ta' Implimentazzjoni (UE) Nru 809/2014 jenħtieġ li jiġi emendat kif xieraq.

(11)

L-emendi li saru b'dan ir-Regolament jenħtieġ li japplikaw għall-applikazzjonijiet għall-appoġġ jew għat-talbiet għall-pagament relatati mas-snin tat-talba jew mal-perjodi tal-primjum li jibdew mill-1 ta' Jannar 2018. Madankollu, filwaqt li jitqiesu d-diffikultajiet li ħabtu wiċċhom magħhom l-Istati Membri fis-sena tat-talba 2015 meta kellhom jadattaw is-sistemi tagħhom sad-data ta' skadenza għas-sottomissjoni tat-talba għall-pagament għall-bhejjem stabbilita fl-Artikolu 13 tar-Regolament ta' Implimentazzjoni (UE) Nru 809/2014, kif ukoll għas-sistema ta' riduzzjonijiet, esklużjonijiet u penali prevista fir-Regolament ta' Delega tal-Kummissjoni (UE) Nru 640/2014 (6), id-dispożizzjoni li tippermetti l-għadd reali ta' annimali ta' speċijiet b'ċiklu ta' produzzjoni qasir li għandu jkun stabbilit abbażi ta' ċertifikati tat-tbiċċir jew dokumenti ta' sostenn oħra sottomessi lill-awtorità kompetenti wara s-sottomissjoni tat-talba għall-pagament għall-bhejjem, għandha tapplika għat-talbiet għall-pagament relatati mas-snin tat-talba li jibdew mill-1 ta' Jannar 2016.

(12)

Il-miżuri stipulati f'dan ir-Regolament huma skont l-opinjoni tal-Kumitat tal-Iżvilupp Rurali,

(1)

Fl-Artikolu 21, jiddaħħal il-paragrafu 4a li ġej:

“4a.   Għal speċijiet b'ċiklu ta' produzzjoni qasir appoġġati skont l-Artikolu 33 tar-Regolament (UE) Nru 1305/2013, l-Istati Membri jistgħu, fin-nuqqas ta' bażi tad-dejta kompjuterizzata, jintroduċu proċeduri li bihom id-dejta li tinsab fiċ-ċertifikati tat-tbiċċir jew f'dokumenti ta' sostenn oħra tintuża għall-iskopijiet tat-talba għall-pagament għall-bhejjem. Dik id-dejta għandha toffri l-livell tal-assigurazzjoni u tal-implimentazzjoni meħtieġ għall-ġestjoni xierqa tal-miżura ta' appoġġ involuta fil-livell tal-annimali individwali.

Il-proċeduri msemmijin fl-ewwel sottoparagrafu jistgħu jikkonsistu minn sistema li skontha benefiċjarju japplika għall-appoġġ fir-rigward tal-annimali kollha li, fid-data stabbilita mill-Istat Membru jew matul perjodu stabbilit minnu, ikunu jikkwalifikaw għall-appoġġ abbażi tad-dejta li tinsab fiċ-ċertifikati tat-tbiċċir jew f'dokumenti ta' sostenn oħra.

F'dak il-każ, l-Istat Membru għandu jieħu l-miżuri meħtieġa biex jiżgura li f'konformità mad-dispożizzjonijiet applikabbli għall-miżura ta' appoġġ inkwistjoni, id-data jew il-perjodu msemmija fit-tieni sottoparagrafu jkunu identifikati u magħrufa sew mill-benefiċjarju.”

(2)

L-Artikolu 48 huwa emendat kif ġej:

(3)

L-Artikolu 50 huwa emendat kif ġej:

(4)

L-Artikolu 51 huwa emendat kif ġej:

(5)

Jitħassru l-Artikoli 54 sa 59.

(6)

Fl-Artikolu 60, jiżdied il-paragrafu 4 li ġej:

“4.   B'deroga mill-Artikolu 48(2)(e), fir-rigward ta' operazzjonijiet implimentati minn grupp ta' azzjoni lokali u li jkopru grupp ta' proġetti b'tema komuni, il-verifika ta' kemm huma raġonevoli l-ispejjeż tista' titwettaq fl-istadju tal-verifiki amministrattivi fuq it-talbiet għall-pagament għal dak il-grupp ta' proġetti.”

(7)

L-Artikolu 61 huwa emendat kif ġej:

(8)

Fl-Artikolu 63, il-paragrafu 2 jinbidel b'dan li ġej:

“2.   Il-piena amministrattiva msemmija fil-paragrafu 1 għandha tiġi applikata mutatis mutandis għan-nefqa mhux eliġibbli identifikata waqt il-verifiki fuq il-post imsemmija fl-Artikolu 49.”