This document is an excerpt from the EUR-Lex website
Document 32015R1349
Commission Implementing Regulation (EU) 2015/1349 of 3 August 2015 amending Annex I to Regulation (EC) No 798/2008 as regards the entry for South Africa in the list of third countries, territories, zones or compartments from which certain poultry commodities may be imported into or transit through the Union in relation to highly pathogenic avian influenza (Text with EEA relevance)
Regolament ta' Implimentazzjoni tal-Kummissjoni (UE) 2015/1349 tat-3 ta' Awwissu 2015 li jemenda l-Anness I tar-Regolament (KE) Nru 798/2008 dwar l-entrata dwar l-Afrika t'Isfel fil-lista ta' pajjiżi terzi, territorji, żoni jew kumpartimenti li minnhom jistgħu jiġu importati ċerti prodotti tat-tjur lejn l-Unjoni jew isir tranżitu minnha fir-rigward tal-influwenza tat-tjur b'patoġeniċità għolja (Test b'rilevanza għaż-ŻEE)
Regolament ta' Implimentazzjoni tal-Kummissjoni (UE) 2015/1349 tat-3 ta' Awwissu 2015 li jemenda l-Anness I tar-Regolament (KE) Nru 798/2008 dwar l-entrata dwar l-Afrika t'Isfel fil-lista ta' pajjiżi terzi, territorji, żoni jew kumpartimenti li minnhom jistgħu jiġu importati ċerti prodotti tat-tjur lejn l-Unjoni jew isir tranżitu minnha fir-rigward tal-influwenza tat-tjur b'patoġeniċità għolja (Test b'rilevanza għaż-ŻEE)
ĠU L 208, 5.8.2015, p. 7–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 20/04/2021; Impliċitament imħassar minn 32020R0692
|
5.8.2015 |
MT |
Il-Ġurnal Uffiċjali tal-Unjoni Ewropea |
L 208/7 |
REGOLAMENT TA' IMPLIMENTAZZJONI TAL-KUMMISSJONI (UE) 2015/1349
tat-3 ta' Awwissu 2015
li jemenda l-Anness I tar-Regolament (KE) Nru 798/2008 dwar l-entrata dwar l-Afrika t'Isfel fil-lista ta' pajjiżi terzi, territorji, żoni jew kumpartimenti li minnhom jistgħu jiġu importati ċerti prodotti tat-tjur lejn l-Unjoni jew isir tranżitu minnha fir-rigward tal-influwenza tat-tjur b'patoġeniċità għolja
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta' prodotti li joriġinaw mill-annimali u li huma għall-konsum uman (1), u b'mod partikolari l-frażi ta' introduzzjoni tal-Artikolu 8, l-ewwel subparagrafu tal-punt 1 tal-Artikolu 8, il-punt 4 tal-Artikolu 8, u l-Artikolu 9(4)(c) tagħha,
Billi:
|
(1) |
Ir-Regolament tal-Kummissjoni (KE) Nru 798/2008 (2) jistabbilixxi r-rekwiżiti dwar iċ-ċertifikazzjoni veterinarja għall-importazzjonijiet fl-Unjoni u t-tranżitu minnha, inkluż il-ħżin waqt it-tranżitu, ta' tjur u prodotti tat-tjur (“il-prodotti”). Dan jistipula li l-prodotti jistgħu jiġu impurtati fl-Unjoni u jgħaddu minnha bi tranżitu biss mill-pajjiżi terzi, it-territorji, iż-żoni jew il-kumpartimenti mniżżla fil-kolonni 1 u 3 tat-tabella fil-Parti 1 tal-Anness I tiegħu. |
|
(2) |
Ir-Regolament (KE) Nru 798/2008 jistabbilixxi wkoll il-kundizzjonijiet biex pajjiż terz, territorju, żona jew kumpartiment jitqies li jkun ħieles mill-influwenza tat-tjur b'patoġeniċità għolja (HPAI). |
|
(3) |
L-Afrika t'Isfel hija elenkata fil-Parti 1 tal-Anness I tar-Regolament (KE) Nru 798/2008 bħala pajjiż terz li minnu l-importazzjonijiet lejn l-Unjoni u t-tranżitu minnha ta' għasafar li ma jtirux għat-tgħammir u għall-produzzjoni, bajd għat-tfaqqis u flieles ta' ġurnata tagħhom, laħam tal-għasafar li ma jtirux, bajd, prodotti tal-bajd u bajd SPF huma awtorizzati. |
|
(4) |
Wara tifqigħat tal-HPAI tas-sottotip H5N2 fit-territorju tal-Afrika t'Isfel f'April 2011, l-importazzjonijiet ta' għasafar li ma jtirux għat-tgħammir u għall-produzzjoni, tal-bajd għat-tfaqqis u ta' flieles ta' jum ta' għasafar li ma jtirux, kif ukoll ta' laħam ta' għasafar li ma jtirux ġew ipprojbiti bir-Regolament ta' Implimentazzjoni tal-Kummissjoni (UE) Nru 536/2011 (3). |
|
(5) |
Barra minn hekk, ir-Regolamenti ta' Implimentazzjoni tal-Kummissjoni (UE) Nru 991/2011 (4) u (UE) Nru 110/2012 (5) ġew adottati fir-rigward tal-evoluzzjoni tas-sitwazzjoni tal-marda. |
|
(6) |
Sakemm ikun hemm dikjarazzjoni tal-Afrika t'Isfel ta' ħelsien mill-HPAI fit-territorju kollu tagħha, l-importazzjonijiet ta' laħam tal-għasafar li ma jtirux prodott minn għasafar li ma jtirux miżmuma fi stabbilimenti magħluqa rreġistrati ġew awtorizzati bir-Regolament ta' Implimentazzjoni tal-Kummissjoni (UE) Nru 166/2014 (6), b'aktar adattament bir-Regolament ta' Implimentazzjoni tal-Kummissjoni (UE) Nru 952/2014 (7). |
|
(7) |
Fit-2 ta' Marzu 2015, l-Afrika t'Isfel issottomettiet tagħrif dwar l-istatus tagħha tal-HPAI u ddikjarat it-territorju kollu tagħha bħala ħieles minn dik il-marda u talbet awtorizzazzjoni biex terġa' tibda l-esportazzjonijiet ta' laħam ta' għasafar li ma jtirux lejn l-Unjoni. |
|
(8) |
Din l-informazzjoni ġiet evalwata mis-servizzi tal-Kummissjoni. Fuq il-bażi ta' dik l-evalwazzjoni u tal-garanziji pprovduti mill-Afrika t'Isfel, is-servizzi tal-Kummissjoni kkonkludew li l-importazzjonijiet tal-laħam tar-rattiti għandhom jerġgħu jiġu awtorizzati mit-territorju kollu tal-Afrika t'Isfel. |
|
(9) |
Għaldaqstant l-Anness I tar-Regolament (KE) Nru 798/2008 għandu jiġi emendat skont dan. |
|
(10) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Il-Parti 1 tal-Anness I tar-Regolament (KE) Nru 798/2008 hija emendata skont l-Anness ta' dan ir-Regolament.
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta' Awwissu 2015.
Għall-Kummissjoni
Il-President
Jean-Claude JUNCKER
(1) ĠU L 18, 23.1.2003, p. 11.
(2) Ir-Regolament tal-Kummissjoni (KE) Nru 798/2008 tat-8 ta' Awwissu 2008 li jistabbilixxi lista ta' pajjiżi terzi, territorji, żoni jew kompartimenti li minnhom jistgħu jiġu impurtati u jsir tranżitu ta' tjur u prodotti tat-tjur fil-Komunità u r-rekwiżiti ta' ċertifikazzjoni veterinarja (ĠU L 226, 23.8.2008, p. 1).
(3) Ir-Regolament ta' Implimentazzjoni tal-Kummissjoni (UE) Nru 536/2011 tal-1 ta' Ġunju 2011 li jemenda l-Anness II tad-Deċiżjoni 2007/777/KE u l-Anness I tar-Regolament (KE) Nru 798/2008 fir-rigward tad-dħul tal-Afrika t'Isfel fil-listi tal-pajjiżi terzi jew partijiet tagħhom (ĠU L 147, 2.6.2011, p. 1).
(4) Ir-Regolament ta' Implimentazzjoni tal-Kummissjoni (UE) Nru 991/2011 tal-5 ta' Ottubru 2011 li jemenda l-Anness II tad-Deċiżjoni 2007/777/KE u l-Anness I tar-Regolament (KE) Nru 798/2008 fir-rigward tad-dħul tal-Afrika t'Isfel fil-listi tal-pajjiżi terzi jew partijiet tagħhom f'dak li jirrigwarda influwenza tat-tjur patoġenika ħafna (ĠU L 261, 6.10.2011, p. 19).
(5) Ir-Regolament ta' Implimentazzjoni tal-Kummissjoni (UE) Nru 110/2012 tal-9 ta' Frar 2012 li jemenda l-Anness II tad-Deċiżjoni 2007/777/KE u l-Anness I tar-Regolament (KE) Nru 798/2008 fir-rigward tal-annotazzjonijiet għall-Afrika t'Isfel fil-listi tal-pajjiżi terzi jew partijiet tagħhom (ĠU L 37, 10.2.2012, p. 50).
(6) Ir-Regolament ta' Implimentazzjoni tal-Kummissjoni (UE) Nru 166/2014 tas- 17 ta' Frar 2014 li jemenda r-Regolament (KE) Nru 798/2008 fir-rigward tar-rekwiżiti ta' ċertifikazzjoni għall-importazzjonijiet fl-Unjoni ta' laħam ta' għasafar li ma jtirux imrobbija fl-irziezet għall-konsum mill-bniedem, u l-entrati tal-Iżrael u tal-Afrika t'Isfel fil-lista ta' pajjiżi terzi jew territorji (ĠU L 54, 22.2.2014, p. 2).
(7) Ir-Regolament ta' Implimentazzjoni tal-Kummissjoni (UE) Nru 952/2014 tal-4 ta' Settembru 2014 li jemenda l-Anness I tar-Regolament (KE) Nru 798/2008 rigward l-entrata għall-Malasja fil-lista ta' pajjiżi terzi, territorji, żoni jew kompartimenti fir-rigward tal-influwenza tat-tjur b'patoġeniċità għolja u rigward il-mudelli taċ-ċertifikati veterinarji għall-importazzjoni ta' tjur, ta' flieles ta' ġurnata, ta' bajd għat-tifqis, ta' laħam tat-tjur, ta' laħam ta' għasafar li ma jtirux imrobbija fl-irziezet u ta' bajd tat-tiġieġ imrobbija fil-ġaġeġ (ĠU L 273, 13.9.2014, p. 1).
ANNESS
Fil-Parti 1 tal-Anness I tar-Regolament (KE) Nru 798/2008, l-entrata tal-Afrika ta' Isfel tinbidel b'li ġej:
|
Il-kodiċi ISO u isem il-pajjiż terz jew it-territorju |
Il-kodiċi tal-pajjiż terz, tat-territorju, taż-żona jew tal-kumpartiment |
Deskrizzjoni tal-pajjiż terz, tat-territorju, taż-żona jew tal-kumpartiment |
Ċertifikat veterinarju |
Kundizzjonijiet speċifiċi |
Kundizzjonijiet speċifiċi |
Status tas-sorveljanza tal-influwenza tat-tjur |
Status tat-tilqim kontra l-influwenza tat-tjur |
Status tal-kontroll tas-salmonella |
||
|
Mudell(i) |
Garanziji addizzjonali |
Data tal-għeluq (1) |
Data tal-ftuħ (2) |
|||||||
|
1 |
2 |
3 |
4 |
5 |
6 |
6A |
6B |
7 |
8 |
9 |
|
“ZA — l-Afrika t'Isfel |
ZA-0 |
Il-pajjiż kollu |
SPF |
|
|
|
|
|
|
|
|
EP, E |
|
|
|
|
|
|
S4” |
|||
|
BPR |
I |
P2 |
9.4.2011 |
|
A |
|
|
|||
|
DOR |
II |
P2 |
9.4.2011 |
|
|
|
||||
|
KRI |
III |
P2 |
9.4.2011 |
|
|
|
||||
|
RAT |
VII |
H |
9.4.2011 |
25.8.2015 |
|
|
|
|||